WegRyDecember 2015的目錄

Ek dink ek het teen dié tyd darem al van die Bull Run herstel. Julle moes dit aanskou het: meer as 120 rygoed, ver oor die 300 deelnemers en omtrent 200 toeskouers. Geen drama, geen klagtes, net groot pret. En baie stof. Maar dit was nie irriterende stof nie, dit was die stof van rygoed en hulle entoesiastiese insittendes wat besig was om vet pret in die Vosburg-omgewing te hê. Ons het in hierdie uitgawe ’n paar blaaie afgestaan aan vanjaar se Bull Run, maar of dit regtig vir jou ’n idee kan gee van hoe fantasties (en ’n bietjie mal) hierdie byeenkoms was, is te betwyfel. Dus is die enigste manier waarop jy regtig in die pret kan deel, om volgende jaar betyds in te skryf. En nee, Gerrie…

Dis nie net onervare buitelandse toeriste wat onder wilde diere in Suider-Afrika deurloop nie. Diere-aanvalle is -n risiko vir enigiemand wat in die veld kamp of ry. En behoede jou as jy diep in die bos vasval en te voet moet hulp soek waar daar gevaarlike diere rondloop. As jy dán nie weet hoe om op te tree nie, word jy dalk leeukos. Ons het by Riaan Haasbroek, eienaar van Bushward Safari-s en -n lopende diere-ensiklopedie, gaan aanklop vir raad. Dié Pretorianer spandeer tot sewe maande per jaar in die veld, waar hy bostoere lei en oorlewingskursusse aanbied. Hy het self al deurgeloop. “Net nou die dag het -n beneukte olifant my tent vertrap in Namibië!” Hy verduidelik wat om te doen as jy van die vernaamste wilde diere in…

Dis weer tyd vir ons 4x4 van die Jaar-toekennings, waar ons kyk na watter voertuie ons as die beste in die verskillende segmente beskou. Anders as die gewone Motor van die Jaar-toekennings, neem ons nie net voertuie in ag wat deur die afgelope jaar bekendgestel is nie, maar alle voertuie wat tans te koop is in elke 4x4-segment, hoofsaaklik omdat ons glo dat wanneer mense voertuie wil koop, hulle na al die beskikbare modelle sal kyk, ook die oueres wat op die mark is. Met die uitsondering van sommige segmente – en vanjaar het dit veral betrekking op Sportnutsvoertuig van die Jaar – is veldryvermoë ook vir ons van groot belang, aangesien ons lesers nie regtig belangstel in voertuie se tye om ’n renbaan nie. Praktiese oorwegings speel ’n groot…

Dis reeds skemer toe ons uiteindelik by Humansdorp van die N2 afklim en binneland toe ry. ’n Meer opwindende grondpad Patensie toe wink, maar ek is nog met my Figo en sy piepklein wieletjies opgesaal. Daarom ry ek maar teerpad tot op die dorp. Swart bergsilhoeëtte styg hoër en hoër namate ons die vallei binnery. Die pad skud sy skouer af, die straatligte verdwyn en die kronkels raak al skerper.Vragmotors gelaai met vars geplukte en netjies verpakte vrugte steur hulle min aan die sperstrepe op die pad. Ons koes elke keer as een verbyrammel. Toe ons Patensie uiteindelik binnery, dra die dorp ’n ysige swart jas. Dit smaak my die aanmerkings wat ek vroeër oor dié plekkie gehoor het, is waar – dit lyk nie na veel meer as ’n…

Wat is Oukersaand nou sonder 'n sak vol herwinningstoerusting of 'n noodhulpstel onder die Kersboom? Hier is 'n hele klomp lekker produkte wat jou Kersinkopies (of iemand anders s'n) makliker gaan maak. Daar is iets vir dié met diep sakke en vir dié wat die sente moet omdraai. As jy dus klaar gelees het, los maar die tydskrif waar Kersvader dit kan sien – met 'n kring om die ding wat jy in jou Kerskous wil hê. Dash dockmonteerstel Sit! Bly! ’n Klein metaalplaatjie wat jy agterop jou foon plak en met ’n magneet op jou ryding se instrumentpaneel in plek hou. Handsfree, pappie! PRYS: R110 KRY DIT BY: Echo 4x4 National Lunadubbelbatterystelsel-monitor Checkjou krag Met hierdie toestel kan jy ’n ogie op albei jou batterye in ’n dubbelbatterystelsel hou.…

GE-GEAR VIR DIE KRUGER JOU KRUGERWILDTUINGIDS: MET STORIES Deur Frans Rautenbach UITGEWER: Tafelberg PRYS: R250 Toe my Skotse familie ’n paar jaar gelede vir ons kom kuier het, het ons ’n week lange vakansie in die Krugerwildtuin saam met hulle beplan. Maar dit was moeilik om voor die tyd vir hulle te verduidelik wat ’n ware Kruger-ervaring sou behels. Op die eerste dag het ons sommer al vyf die grotes gesien, maar vir die res van die vakansie meestal net rooibokke. Dis waar Frans Rautenbach se Kruger-gids handig te pas sou kom. Dié boek is ’n goeie beginnersgids. Frans gaan al die afgelope 50 jaar wildtuin toe en ’n mens kan dit sien in sy boek – dis propvol praktiese wenke en lekker stories oor sy ervarings. Die skrywer vang…

WOUTER LABUSCHAGNE LESERSTORIE, BL. 77 Wouter Labuschagne is ’n mediese dokter van Middelburg, Mpumalanga, wat al meer as tien keer deur Kaokoland en Damaraland getoer het. Wat is jou eerste toerherinnering? ’n Reis na die Kaokoland saam met my eertydse vennoot in ’n Kombi Syncro. Ons het onder die sterre in die Hoanib-rivier geslaap en in die middel van die nag het ek wakker geword met die olifante wat stil-stil tussen ons kampbeddens deurloop. Só raak ’n mens verslaaf aan Namibië. Lekkerste plek in die bos? Waarskynlik die Huab- en Aba-Huabrivierbeddings. Daar word ’n mens deel van die natuur tussen ’n oorvloed wild. Wat is jou beste reiswenk? Neem almal in jou groep se behoeftes in ag. Dit hou almal gelukkig en tevrede en is die belangrikste voorwaarde vir…

Iets wat my al lank pla, is die rigting waarin bande draai in terme van hulle loopvlak. En sowaar, daar sien ek toe my probleem opgelos op die foto by die Koës Rally (WegRy #75). Vergelyk die bande op die rooi Sand-master, wat andersom gemonteer is, met die loopvlak van die Baja Claw MTZ in die advertensie op bl. 2 van dieselfde uitgawe. Op die meeste voertuie sal die band in die rigting draai wat die Baja Claw na regs sal neem. Derhalwe sal die rubberblokkies in die middel van die band in die vorm van ’n pyl vasskop in die grond, weens die ontwerp van die middelste ry blokkies. Andersom opgesit, soos op die Sandmaster op die foto, sal die blokkies meer greep kry, waar dit met ’n omgekeerde…

’n Verlangse familielid van my ry 4x4 en reis graag, dikwels in die veld. Sy veldvoertuig het ’n nuwe buffer en wenas gekry, en daar is ook ’n ekstra spaarwiel op sy nuwe agterbuffer, wat beteken dat hy ’n goeie kandidaat vir ’n opgeknapte veringstel is. Maar hy weier hardkoppig, want hy sê daardie paar sentimeters sal sy brandstofverbruik die hoogte laat inskiet. Hoewel dit my hart breek om nié my maatskappy se vering op sy voertuig te sien nie, is daar tog sin in wat hy sê. Syfers kan nie lieg nie Ek het altyd noukeurig boekgehou van die brandstofverbruik van my Fortuner D-4D outo. The 3,0-dieselenjin het gemiddeld 10,81 liter/100 km oor sy eerste vier jaar gelewer, en dit was ’n kombinasie van stads- en langafstandritte. Die afgelope…

Ek skryf hierdie artikel vanaf my kampplek op die Chobe-rivier. Ek het op hierdie reis net weer besef hoe belangrik inligting aan toeriste is. Kaarte, navigasie- en naslaangidse is alles baie welkom en sekere elektroniese toerusting kan dit aanvul. Toerusting by dosyne Op my paneelbord het ek ’n Garmin Montana, ’n iPad Mini, ’n slimfoon en ’n SPOTsatelliet-opspoorder. Onder die paneelbord is my voertuig se opspoortoestel wat my ligging via ’n GSM-netwerk bepaal. Ek verkies om ’n GPStoestel vir my navigasie te gebruik. Jy kry deesdae baie goeie navigasie-apps op slimfone, maar ek verkies my Garmin Montana. Dis ’n taai GPS-eenheid wat vir die buitelewe gemaak is, en bevat meer inligting oor paaie en bakens langs die pad. Boonop kan ek beter op die skerm sien. My iPad Mini is…

By die Rhino & Lion natuurreservaat buite Krugersdorp kry jy die beste van drie wêrelde. Want hier kan jy op die reservaat se hoofroetes ry om wild te sien, een van die talle 4x4-afdraaipaaie volg wat jou dieper in die reservaat inneem, of jy kan jou vaardighede op die hindernisbaan slyp. Die reservaat is in die wêreldbekende erfenisterrein die Wieg van die Mensdom geleë. Die reservaat is in privaat besit en beslaan sowat 1 200 hektaar. Die hoofpaaie in die park is van so ’n aard dat gewone sedanmotors daar sal regkom. Maar elke nou en dan draai daar ’n tweespoorpad van die hoofpaaie af waarmee jy ander dele van die reservaat kan verken. Op hierdie paaie sal jy dalk oor die weg kom in ’n 4x2, maar jy sal…

Pak jou kamera, ’n kampstoel en jou avontuurlus en kom saam met WegRy en Mpafa Travel op ’n fototoer deur Botswana! In samewerking met Bhejane/Mpafa gaan ons van 8 tot 18 April 2016 op ’n epiese fotoreis deur Botswana en die Caprivi. Jy gaan die Okavangodelta, die Makgadikgadipanne, die Caprivi, Chobe én die Victoriawaterval sien. Boonop sal Weg se fotoredakteur, Shelley Christians, deurentyd aan jou sy wees om jou fotoneemvaardighede na die volgende vlak te neem. Met Shelley se persoonlike aandag en Mpafa/Bhejane se ervare begeleiding, gaan jy dié land op ’n unieke manier beleef. DÍS WAT JY MOET WEET Hoe lank? 11 dae, 10 nagte. Wanneer? 8-18 April 2016. Waarvandaan vertrek die toer? Die Nata-lodge-kampplek, Botswana. Waar gaan ek slaap? Almal bly in tente. Prys R12 650 p.p. DIE…

GESTOPTE, GEVLEKTE HOENDER Kalkoen is wêreldwyd sinoniem met Kersfees, maar as jy dié reuse voël in jou kampyskas saamry, gaan daar dalk geen plek vir die bier wees nie. Dié gevlekte hoender is meer prakties en boonop smullekker. BESTANDDELE Die grootse plaashoender wat jy kan kry 1 mediumgrootte ui, fyngekap Olyfolie 2 knoffelhuisies, fyngekap 4 varkworsies (uit die vel gehaal) ½ koppie droë witwyn 1 eetlepel droë salie ½ koppie vars broodkrummels 1 eier, geklits ½ koppie fetakaas, fyngekrummel 1 suurlemoen Sout en peper na smaak SÓ MAAK JY Braai die uie in ’n bietjie olyfolie tot sag en deurskynend en voeg die knoffel by. Braai alles vir nog ’n minuut. Voeg die vleis van die varkworsies by en braai dit terwyl jy die vleis fyn druk. Gooi ’n halwe…

BAIE GELD VIR MIN GERIEWE IN DIE KHAUDUM Ons groep van 10 pêlle van Vredendal in die Weskus het op 9 Augustus in vyf voertuie ’n toer na die pragtige Khaudum en Caprivi in Namibië onderneem. Hierdie toer is met groot entoesiasme aangepak en ons was beslis nie teleurgesteld nie – totdat ons die aand van 13 Augustus by die noordelike kamp in die Khaudum (die Khaudumkamp) moes oornag. Ons was baie verbaas toe ons daar kom en hoor die kampgeld is R300 per persoon per nag, plus R100 per voertuig. En dit vir ’n baie primitiewe boskamp. Jou kampeerplek bestaan slegs uit ’n strook skoongekapte bos met ’n houtstellasie, asook ’n primitiewe toilet sonder ’n dak of deur. Daar is geen water of elektrisiteit nie. Ons het hieroor gekla,…

Jy het nie duisende dinge nodig om ’n behoorlike herwinningsak vir jou voertuig op te bou nie. Koop die regte toerusting volgens jou 4x4 se gewig en die doel waarvoor jy dit wil gebruik, en die stryd na veilige, suksesvolle herwinnings is halfpad gewonne. Herwinstrop Die strop (lanyard) word tydens herwinning aan die sleep- of kinetiese tou en jou voertuig vasgemaak. As die tou breek, verhoed die strop dat die tou die lug in vlieg en mense beseer. Die stroppe is in twee lengtes beskikbaar, en ek hou twee van elk in my herwinningsak. Herwinskakel As die voertuig nie na genoeg aan die sleepvoertuig kan kom nie, kan die kinetiese tou verleng word deur dit met ’n skakel aan nóg ’n kinetiese tou vas te maak. Onthou egter dat die…

HOE LANK IS DIE TOER? 11 dae, 10 nagte WANNEER? 21-31 Maart; 24 Junie tot 4 Julie; 8-18 Julie; 11-21 Oktober. WAARVANDAAN VERTREK DIE TOER? Lethlakane, net suid van die Makgadikgadi-panne in Botswana. WAT MOET EK BRING? • Jou eie voertuig en brandstof • ’n Matras of kampbed, beddegoed en kampstoele • Drankies en snoepgoed • Mediese versekering, insluitende dekking vir noodontruimings • Grensfooie en padbelasting (Bhejane verskaf alle tente, tafels en eetgerei.) WAAR GAAN EK SLAAP? Tentverblyf (jy hoef nooit self kamp te maak nie, want Bhejane se logistieke span doen dit vir jou). EN KOS? Bhejane se ervare bossjef berei drie (smaaklike) etes per dag. HOEVEEL KOS DIT? R12650 per per-soon (kinders jonger as 10 halfprys) DIE TOERPRYS SLUIT IN: • Drie stewige maaltye per dag • Alle…

Wat kry jy as jy ’n trop kanariegeel Jeep Rubicons, ’n handvol joernaliste en baie reën op die minder bekende agterpaadjies aan die Wildekus saamgooi? ’n Wenresep vir ’n paar dae se ordentlike veldry, en nuwe respek vir die sagte beddens van hotelle en chalets. Dié lesse het ek onlangs geleer toe ek die General Tire Adventure van Keimond tot Mazeppabaai in die reënseisoen aangepak het. Val in die pad Voor in ons konvooi Jeeps is Rynhardt Stander en Koos Enslin, ons toerleiers van Extreme Terrain Adventure wat gereeld toere op hierdie roete aanbied. Met ’n skelm glimlag beskryf Rynhardt presies hoe erg die roete is wat vandag vir ons voorlê – modderige paaie, groot kliptrappe en rivierkruisings wat jou en die voertuig se vermoë gaan toets. Daar is blykbaar…

OP DIE ROETE Hoe lank is die roetes? Die oefenroete is net 3,5 km lank, maar jy kan die hele da- op die paaie in die reservaat ry. Maksimum getal voertuie: 20 Kry ek ’n kaart? Ja. Sal my kar gekrap word? Nee. Moet ek my treeplanke afhaal? Nee. Moet ek ’n kompressor saamneem? Ja (want jy moet verkieslik altyd een by jou hê!) Kan ons langs die pad braai? Ja. Sal ek wild sien? Beslis. Daar is hope wild, ook vier van die Groot Vyf. RONDOM DIE ROETE Beste tyd om te gaan? Jy kan die hele jaar deur kom kuier. Kan ek my gesin saamneem? Beslis. Net vir die dag of vir die naweek? Albei. Wat is daar nog om te doen? Daar is baie -eleentheid om diere…

Daar’s min dinge wat ’n dierefotograaf so frustreer soos foto’s wat uit fokus is. Hou hierdie vyf goed in gedagte en jou foto’s behoort skerper as die beeld van ’n Swarovski-verkyker te wees. 1 LOER OP DIE LENS Kameralense het ’n verstelling vir “ auto focus” (A/AF) en “ manual focus” (M/MF). In MF moet jy self die fokusring draai om op jou onderwerp te fokus, in AF doen die kamera dit self. Maak seker jou kamera is op AF. 2 GEE KANS Wanneer jou lens op AF gestel is, moet jy ook “ auto focus” op die kamera kies. Vir stilstaande onderwerpe, maak seker die kamera fokus eenmalig op die onderwerp en “ lock” die fokus op daardie punt. Op Canon-DSLR-kameras staan dit as One Shot bekend en by…

“Tam! Tam-tam-tam! Tam-tamtaaaaaam! The eye of the tiger...” Die jukebox in die Stasie Hotel op Wellington vibreer met die klanke van Rocky. Ek het pas ’n munt ingegooi en staan en pomp die eerste akkoorde daarvan met my vinger in die lug. Die ander gaste in die Perron 6-kroeg druk hulle biere in ’n saluut na bo en iemand wil-wil sommer begin boks. Daar is egter niemand om mee te baklei nie, want dis net ons groepie wat die Sondag-namiddag voor die hotel se deur gestaan het toe hulle oopsluit. Dit is drie-uur in die middag en die reuk van Jeyes Fluid op die parketvloere hang in die lug. Ons drink ’n laaste dop voordat ons ná ’n naweek van grondpadry elkeen koers kies huis toe. Ons avontuur het twee…