Weg!April 2019的目錄

NAMIBIË Namibië se noordooste is nat, welig en wildryk – mits jy weet waar om te kyk! Ons deel die beste kampplekke langs die Kavango-, Kwandoen Zambesirivier TOERUSTING Dit maak nie saak of jy net sonbrandroom en ’n peuselhappie saamdra, of iets soek waarmee jy ook werk toe kan fietsry nie – hier is ’n dagsak vir jou! KUIERKOS Hierdie maand kook Aletta met ’n Suid-Afrikaanse legende – biltong!…

Suid-Afrikaners met ’n vrees vir spinnekoppe het nou nóg ’n rede om saans wakker te lê... ’n nuwe spesie, die Phinda-knopiespinnekop, is hier ontdek. Dis die eerste nuwe knopiespinnekop (oorsee bekend as ’n “widow spider”) wat in 28 jaar ontdek is. Die spinnekop se wetenskaplike naam sal bekend gemaak word sodra die spesiebeskrywing in ’n vaktydskrif gepubliseer is. Hy kry sy noemnaam van die natuurreservaat in KwaZulu-Natal waar die navorsers ’n groot deel van hulle werk gedoen het. Hoe ontdek ’n mens ’n nuwe spesie? Die spinnekop is die eerste keer in 2014 in die Tembe-olifantpark aan die noordoostelike kus raakgesien. Die navorser Barbara Wright van die Wild Tomorrow Fund en haar man, Clinton, het vermoed dis ’n nuwe spesie totdat dr. Ian Engelbrecht, ’n spinnekopkenner van die Universiteit van…

NUWEMAAN 5 APRIL SPRINGGETY: 6 APRIL HOOGGETY: 3.53 VM. & 4.10 NM. EERSTE KWARTIER 12 APRIL DOOIEGETY: 13 APRIL HOOGGETY: 9.45 VM. & 10.41 NM. VOLMAAN 19 APRIL  SPRINGGETY: 19 APRIL HOOGGETY: 3.06 VM. & 3.33 NM. LAASTE KWARTIER 27 APRIL DOOIEGETY: 27 APRIL HOOGGETY: 9.45 VM. & 10.49 NM. Hierdie is die hoogwatertye vir Kaapstad. Vir ander plekke tel jy die minute by of trek dit af (let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Bron Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie. sanho.co.za SONOP & SONONDER (17 APRIL) Kaapstad 7.10 vm. en 6.21 nm. Bloemfontein 6.43 vm. en 5.55 nm. Johannesburg 6.24 vm. en…

The Call of the Weird: Travels in American Subcultures deur Louis Theroux, Pan Books R230 by takealot.com In 2004 het die Britse joernalis en TV-aanbieder Louis Theroux (hy is ook die seun van  die legendariese reisskrywer Paul Theroux) op ’n “reünietoer” van ses maande deur Amerika gereis. Hy was op soek na tien van die mees fassinerende mense met wie hy ’n dekade tevore onderhoude gevoer het vir die TV-reeks Louis Theroux’s Weird Weekends . Hierdie mense sluit in Thor Templar wat in VVV’s glo, ’n neo-Nazijeuggroep en selfs Ike Turner, die eksman van Tina. Sy fokus was anders as met die TV-reeks. Hy skryf in die voorwoord: “It would be a chance to work in a different way, getting closer to the people I…

Winnie-die-Pooh deur A.A. Milne (vertaal deur Alba Bouwer) Tafelberg, 1985 (heruitgegee in 2007) ’n Mens kan nie lank in Londen wees sonder om na die Dieretuin te gaan nie. Daar is mense wat by die Dieretuin se begin begin, dit heet INGANG, en wat so vinnig moontlik by elke hok verbyloop totdat hulle kom by UITGANG. Maar die gaafste mense gaan reguit na die dier wat hulle die liefste het en bly daar. Wanneer Christopher Robin Dieretuin toe gaan, gaan hy na die plek waar die Ysbere is. Hy fluister iets vir die wag derde van links, deure word oopgesluit en ons dwaal deur donker gange en by steil trappe op totdat ons uiteindelik by die spesiale hok kom. Die hok word oopgemaak, iets bruins en wollerigs draf uit en…

A ALEXANDERBAAI Soek op die dorp die paadjie wat strand toe loop. Dis ’n paar kilometer se ry. Op pad sien jy die uitgestrekte vlei wat die Oranjeriviermond hier vorm noord van jou, en mynbedrywighede suid. Indien jy in die omgewing wil oornag, oorweeg Brandkaros, 26 km (grondpad) oos van Alexanderbaai langs die Oranjerivier. brandkaros@gmail.com B HONDEKLIPBAAI Gaan kyk sowat 3,5 km suid van die dorp na die wrak van die Aristea. Op pad soontoe is uitkykpunte oor die wilde stuk oseaan wat hier aan die vasteland kom hap. C WALLEKRAAL Verbeel jou die dae (1852-1872) toe dié ’n florerende halfwegstasie was vir ossewaverkeer wat, gelaai met koper uit Springbok se myne, deur Wallekraal na die hawe by Hondeklipbaai gekruie het. Sedert die 1950’s het Wallekraal stiller geword, en…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za  Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in…

Pestogevulde lamsboud Vir 6 Voorbereityd 10 minute Kooktyd 90 minute Jy benodig • 2 kg lamsboud, ontbeen • 1 koppie parmesaan • 100 g kasjoeneute (of enige ander neut), fyngekap • 250 g Pesto Princess-rissie-enbasiliepesto • olyfolie • sout en swartpeper na smaak Só maak jy 1 Laat rus die lam totdat dit kamertemperatuur bereik. 2 Meng die parmesaan, kasjoeneute en pesto saam. Vou die lamsboud oop en smeer die pestomengsel rojaal daaroor. 3 Rol die vleis op en bind dit op vier plekke met kombuistou vas. Klad die vel droog en sprinkel olyfolie, sout en peper oor. 4 Kry kole gereed in die ketelbraai en berei dit voor vir die indirekte kookmetode deur die kole na die kante te krap sodat daar ’n spasie oop is onder die rooster. 5 Sit die lam in ’n…

David is die eienaar van Everyday Cycle Supply Company ( everydaycyclesupplyco.com ). Hy voer fietse en ander toe-rusting in vir mense wat nie juis belang stel in ernstige wedrenfietsry nie. Hy trap ’n Soma Wolverine – ’n moderne staalraamtoerfiets wat enigiets van teer tot bergpasse kan hanteer. Die fiets is gemaklik, het genoeg speling vir groter bande en plek vir drarakkies: goeie eienskappe vir ’n avontuurfiets. “Ek sou nie ’n reis oorleef sonder my espressopot nie, want wat is ’n kampuitstappie sonder vroegoggendkoffie? Ek verlaat ook nooit die huis sonder my moulose donspofbaadjie nie – hy is sommer my kussing ook. “Die grootste fout wat jy as beginner kan maak, is om nié te gaan nie. Dis nie ’n tragedie as jy iets vergeet nie, want die…

Rugbyontleders sal aanvoer die ideale flank is ’n perfekte balans tussen krag en soepelheid. Wat avontuurmotorfietse betref, was die ou F650GS (’n skrumskakel) effens lig in die broek en die R1200GS (’n stut) vir party mense te groot en swaar – dít is waarom die 800GS se aankoms ’n dekade gelede so veelbesproke was. Maar is sy opvolger – die F850GS – ’n Richie McCaw onder avontuurmotorfietse? Wat is anders? Feitlik álles. Die 853 cc-enjin word deur die Chinese motorfietsvervaardiger Loncin gemaak, eerder as Kymco van Taiwan, wat die uitgaande 800GS se 798 ccenjin gebou het. Die 850GS het 7 kW en 9 Nm méér krag en wringkrag as sy voorganger (70 kW en 92 Nm teenoor 63 kW en 83 Nm). Dis dalk laag, maar die 850GS voel lewendiger…

Trevor Vermaak “Ek geniet die klimaat, die berge en die natuurskoon. Ek het net Sondae af, en dan ry ek graag met my motorfiets op die Uitkykpad.” Louwdine Oosthuizen “Hier heers ’n ontspanne gevoel. Jy kan enige tyd van die jaar enigiets doen omdat die weer so lekker is. En die Krugerwildtuin is net om die draai.” Esther Coetzer Visagie “Ek is op Sabie hier naby gebore, maar my ouers het hierheen getrek toe ek minder as ’n maand oud was. Die Laeveld is ’n mooi deel van die land. Ek hou van die botaniese tuin met die Krokodilrivier wat daardeur vloei en geniet dit om Sabie, Graskop en Barberton te besoek.”…

Ek was nog altyd dol op die natuur en wou van jongs af ’n bewaarder word. Die lewe het ’n ander loop geneem, maar ek het nooit my liefde vir die bos verloor nie. In 2017 het ek my lewe goed bekyk. Ek het besluit om nie meer net te eet, slaap en werk (en herhaal) nie. Ek het my fotografie ernstiger opgeneem en meer begin geniet. Kort daarna het ek my eerste DSLR-kamera en -lense gekoop. Ek het nou weer ’n balans tussen my werklewe (ek is ’n sagtewarespesialis), sosiale lewe en “boslewe”. Soms gaan ek alleen bos toe, ander kere saam met my vriende. Op die oomblik bring ek die meeste van my vrye tyd in die Addo-olifant- nasionale park deur, waar ek die wye verskeidenheid fauna en…

Die jaar het my soos ’n kwaai tier van agter af bekruip. Die Desembervakansie voel asof dit eeue gelede gebeur het. Dié feestyd was meer uitdagend as vorige jare, grotendeels omdat ek dit op drie bene moes deurbring. Ek is reeds half wankelrig, wat nog van drie bene waarvan net een my eie is? Vroeg in Desember, sowat ’n week voordat my blaaskans amptelik sou begin, is ek op Swakopmund. Ek gaan groet die ryk deel van die familie wat nié vir Krismis by die res van ons gaan wees op die plaas naby Maltahöhe nie. Hulle hou van skivakansies en wit Kersfeeste, maar vir nou kuier ons saam op hulle riviererf ’n entjie buite Swakop. Dit voel ons sit iewers in Kaokoland. Daar word hewig vuur aangesteek en jenewerkelkies…

My liefde vir die langpad het in die Weskus begin. In die Paarl, om presies te wees. As jy nou ’n groot gestry in die Kaap wil begin, moet jy vra waar begin die Weskus nou eintlik. Tegnies gesproke seker daar by Kaappunt waar die weskus van Afrika aan sy mees suidwestelike punt eindig, of hoe? Maar geen boorling van die Weskus gaan hieraan toegee nie. Want dan beteken dit Houtbaai, Llandudno, Clifton, Kaapstad en die res van Sodom en Gomorra is deel van die Weskus, en dit kan tog nie wees nie! Begin dit dalk by Blouberg se strand? By Melkbos? Of eers by Langebaan? Op skool het my Weskus begin by Blouberg se Grootbaai, waar jy ondanks die 4mm-duikpak aan jou lyf na jou asem gesnak het elke…

As ’n bewaringsgesinde probeer ek my bes om mense te laat besef watter belangrike ekologiese rol slange speel – en dat dié reptiele meestal onskadelik is. Ek hoop dit sal help keer dat mense slange onnodig doodmaak. Die Mosambiekse spoegkobra is een van die kobraspesies wat ’n mens die meeste in Suid-Afrika raakloop – veral rondom Durban in KwaZulu-Natal en noordwaarts tot in Mpumalanga, Mosambiek, Gauteng, Noordwes en verder noord. Hulle speel natuurlik net so ’n belangrike ekologiese rol, maar is ook die een spesie wat verantwoordelik is vir die ernstigste slangbyte in Suid-Afrika. Dit beteken nog nie jy moet dié ou sommer doodmaak as jy hom sien nie – baie moet gebeur voordat hy jou sal pik en hy sal dit slegs as ’n laaste uitweg doen. Daai ou…

Hierdie is jou tweede Witboy-boek . Waar kom die naam Witboy vandaan? Witboy is geskep in ’n stadium toe ek deur Afrika gereis het en die enigste wit ou in elke omtrek was. Dit was ’n reaksie teen al die verskillende name wat wit mense in Afrika genoem word: oyibo , umlungu , mzungu . Daarna het dit ontwikkel in ’n tegniek waar die karakter bereid was om goed te sê of doen wat die skrywer nie noodwendig sou nie. ’n Soort: “Witboy is Deon Maas, maar Deon Maas is nie Witboy nie.” Hoe verskil die ervaring van Berlyn as ’n inwoner teenoor Berlyn as toeris? As Suid-Afrikaners weet ons…

Jy kan volgende maand ’n Weg-kamerasak ter waarde van R520 wen! Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan volgende maand só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za  – ons kies die wenner, wat in “Mense se lense” gepubliseer word. Dié produk is beskikbaar by winkel.weg.co.za…

As dit by kos en wyn kom, is daar nie iets soos “perfekte pasmaats”nie. Dit kom altyd neer op persoonlike voorkeur, jou bui, die geleentheid en baie ander dingetjies. Maar dis ook wat dit so lekker maak! As jy my egter sou dwing om ’n wenkombinasie te kies, sou ek sê die enigste amper-perfekte kombinasie is cabernet sauvignon en lamsvleis. Daar’s iets spesiaals aan die weelde van die vleis saam met die wyn se syagtige tannien en lewendige suurheid wat moeilik is om te klop. Die Overhex Mensa Cabernet Sauvignon 2017 (R85) is ’n lekker cabernet sauvignon wat maklik drinkbaar is. Dis propvol sappige bessies en sagte tannien. Dit het ’n Helix-kurk wat op en af draai en met behulp van ’n app kan jy die kelder se geskiedenis van…

Leonie is die krag agter Bicycle South ( bicyclesouth.co.za ), ’n uitstekende aanlynhulpbron vir fietsryers wat meer wil uitvind oor roetes, verblyf en toerusting. Leonie ry ook ’n Soma Wolverine, nes David (haar bynaam vir haar fiets is Lupa, ’n wyfiewolf ), maar sy het hare na die volgende vlak geneem. Sy het ’n gemotoriseerde voornaaf ingesit. Sy bêre die battery in ’n raamsak onder haar boonste buis. Die enjintjie maak trap makliker, en jy kan tjoeftjaf moeilike terrein baasraak. Lupa het ook bergfietsbande en gehaltesakke van Ortlieb en Revelate Designs. “Dis opwindend om só met jou fiets te reis. Ek kan my roetine onderbreek, tyd buite deurbring en die warmte van ’n kampvuur ervaar, en weer saam met vriende lag. Ek is gaande oor die Sederberg.…

* Ons begin in die Krugerwildtuin en reis oos na Mosambiek, oor die magtige Limpopo en die kusvloedvlakte. Die roete neem ons ooswaarts na die dorpie St. Jorge de Limpopo en in die rigting van Machaila. Op pad geniet ons ’n ligte middagete en slaan kamp op op die oewer van die Chefurivier vir die nag. * Vanoggend is ons vroeg op pad en reis na Machaila. Ons vat ’n tweespoorpad en ry steeds ooswaarts na die dorp Mabote, waar ons noord draai in die rigting van Vilankulos. * Soos ons reis, verander die grasvlaktes and woude in ’n smal strandstrook besaai met palmbome. Dié roete neem ons na ’n vissersdorpie reg oorkant die die noordelike punt van die Bazaruto-skiereiland en Inhassoro – ons gaan hier tuis by die Estrela…

KAAP MORGAN-DAGSTAP, OOS-KAAP Hierdie 12 km lange sirkelroete begin by die Keimondomgewingsentrum waar veilige parkering is. ’n Bordjie net buite die hek wys die pad die duinewoud in. Hou jou oë oop vir ’n Knysnaloerie, bosvarkspore en bondels wildepiesangbome. Ná sowat 500 m kom jy aan die ander kant uit, na aan die grondpad na die Keimonding. Draai regs en stap met die pad af, en geniet die uitsig oor die rotsagtige kuslyn en strande aan die ander kant van die rivier. Veraf kan jy die voormalige Transkei sien. Die Kei was voorheen die noordelike grens van die Kaapse Kolonie, en vele veldslae tussen die Britte en die Xhosas is hierlangs gevoer. In die apartheidsjare was die rivier die suidelike grens van die Transkei-tuisland. Hou aan stap – verby die…

WEG SE KEUSE BOSCHKLOOFGASTEPLAAS Dis moeilik om te glo die omgewing kan so dramaties verander in die 6 km tussen Citrusdal se middedorp en die stoep van die Oude Boord-kothuisie waar ek nou sit. Die Boschkloof-gasteplaas lê aan die voet van die Sederberg. Op pad na die ontvangskantoor lê die plaasdam en knipoog in die oggendson en alom is dit net sitrusboorde en berge. Die Boschkloof-kothuisie is langs die eienaars, Doempie en Mariet Smit, se huis. Maar Mariet het voorgestel ons bly in die Oude Boord-kothuis sowat 500 m weg – “vir stilte en privaatheid”. Jy ry deur ’n driffie om by Oude Boord uit te kom. Die diepte van die rivier hang af van die reënval. Dis gewoonlik ’n mak stroom, maar maak vooraf seker of jou…

’N PISTOOL EN ’N DOOIE KAT Ek ervaar die gewone angstigheid toe ek deur die lughawe se metaalverklikker loop, maar die liggie bly groen. En tog, toe ek na die sekerheidsbeampte by die X-straalmasjien loer, weet ek wat volg. Haar oë rek eers en trek dan in agterdogtige skrefies. Ek word soos altyd eenkant toe getrek en gevra om my sak oop te maak. Ek weet waaroor sy wonder, en haal die pistool uit. Die ding is… dié pistool is weggesteek in ’n dooie kat. Laat ek verduidelik. My jongste verslawing is om voëlgeluide op te neem. Roepgeluide en liedjies is die hoofmanier waarop die meeste voëls kommunikeer. Dis dan tog logies dat dit die hoofmanier moet wees waarop voëlkykers voëls uitken, of hoe? Ervare voëlkykers doen dit reeds jare…

EEN VAN AFRIKA SE GROOTSTES Giraffatitan Die Sauropod-groep van dinosourusse is die grootste diere wat nóg op land geleef het. Die Giraffatitan was een van die grootstes van hierdie langnekke, en lyk baie soos die Brachiosaurusse van Noord-Amerika. SA SE ALGEMEENSTE DINO Massospondylus Dié dinosourus se agterbene was langer as die voorbene – dit was een van die eerste dinosourusse wat regop kon loop. Hulle kon regop staan om kos by te kom of om meer gevaarlik te lyk. Die oudste dinosouruseiers ter wêreld, wat uitgegrawe is in die Golden Gate-Hoogland- nasionale park, was ’n Massospondylus-mamma s’n. SA SE GROOTSTE DINO Ledumahadi mafube Dié reuse-dinosourus is verlede jaar geïdentifiseer. Dis die grootste een wat nog in Suid-Afrika ontdek is én was waarskynlik die grootste landdier van sy tyd – omtrent…

Wat was die hoogtepunte? Ons kon elke aand die stilte van ’n landskap ervaar, sonder stadsgeluide of lugbesoedeling. En dit was bevrydend om dikwels geen selfoonontvangs te hê nie. Vermaak Senosi, die toer se boskok, het heerlike kos opgetower. Dit was besonders om die verlate myndorp Pomona en die Bogenfels-rotsboog in die Sperrgebiet te sien, sonder groot groepe toeriste wat om jou saamdrom. En die uitdagings? Die 560 km tot op Springbok, waar ek Douwe Vlok, die toerleier, ontmoet het, was die verste wat ek in my lewe nog alleen moes ry! Toe ek eers aan die gang kom, het ek die road trip baie geniet. Dit was net ek, my musiek en die oop vlaktes van die Namakwaland wat verbyflits. Een middag buite McDougallsbaai vra…

Hoewel Mercurius nogal heel helder word, het relatief min mense dit eintlik al gesien! Of anders gestel, baie mense het dit dalk al gesien, maar nie besef dit is Mercurius wat hulle sien nie. Een van die redes hiervoor is omdat Mercurius so vinnig beweeg. Mercurius wentel na aan die Son en voltooi dus ’n omwenteling binne slegs 88 dae. Dit is juis daarom dat Mercurius as die vlugvoetige boodskapper van die gode gesien is en baiekeer uitgebeeld is met vlerke aan sy sandale en helm. In ’n gegewe jaar is Mercurius rofweg vir ses tydperke sigbaar – drie keer soggens voor sonsopkoms en drie keer saans, kort ná sononder. Dit is egter nie altyd ewe goed sigbaar met elke verskyning nie – partymaal is die planeet nog half versteek…

Private Dancer deur Tina Turner R89,99 by die Google Play Store Met albumverkope van meer as 200 miljoen wêreldwyd en 12 Grammytoekennings verdien Tina Turner – wat vanjaar 80 word – die titel van Queen of Rock ’n Roll. Tina , ’n treffermusiekblyspel oor haar lewe, is tans op Londen se West End te sien. Haar album Private Dancer , wat in 1984 deur Capitol Records uitgereik is, bly steeds haar topverkoper en is veral puik padmusiek. Hierdie was haar deurbraakalbum as ’n solo-ster ná vele onstuimige jare saam met haar eksman Ike Turner. Met treffers soos “Private Dancer” en “What’s Love Got to Do with It” het Tina ook musikaal grense verskuif met pop-, rock-, jazz- en R&B-invloede. Bederf jouself hiermee op die langpad en…

Ilsa Cheiman, Johannesburg “Die Visriviercanyon was my grootste hoogtepunt. Dit gee nuwe betekenis aan die woord ‘ontsagwekkend’. Maar daar was ander hoogtepunte ook, soos die Bogenfels-rotsboog en al die Richtersveld se verskillende rotsformasies. Ek hou van sulke reise, al ry jy op stamperige paaie, want ’n mens sien goed wat jy nie gewoonlik sou sien nie.” Fili Venter en Lynette Pretorius, Boksburg Lynette: “Die hele ervaring was kos vir ons siel. Ons hou van dorpies soos Lekkersing, en om te sien hoe mense daar leef. Kolmanskop was nog ’n hoogtepunt. Die aantal wilde perde wat ons gesien het, was ongelooflik – ons het net een of twee verwag! Dis ons tweede toer saam met Bhejane, en dit was fantasties. Die kos is heerlik, en ons het nóg nuwe mense ontmoet.…

Las het sy loopbaan as bankier in Londen verruil vir ’n sonniger lewe in Kaapstad, waar hy elke moontlike geleentheid gebruik om agterpaaie en bergpasse op twee wiele te verken. Hy gebruik ’n ou bergfiets vir sy bikepacking-reise : ’n staalraam-Marin San Rafael uit die 1990’s. ’n Meer basiese fiets gaan jy nie sommer kry nie, maar hy’s stewig, met goeie remme en speling vir breë bande. Las se drasakke is ’n bekostigbare handelsmerk uit die Verenigde Koninkryk met die naam Boardman, en sy rak is ’n standaardoutjie wat jy by enige ordentlike fietswinkel behoort te kry. “Dis wonderlik om op ’n fiets te wees, en dis selfs nog beter as jy weet jy het als wat jy nodig het by jou. Dit gee ’n mens ’n…

‘Die eerste ding wat besoekers oplet wanneer hulle hier aankom, is hoe warm en bedompig dit is,” vertel Troos van der Merwe, eienaar van die Fever Tree-kwekery. Troos bly al die afgelope 14 jaar in Mbombela, voorheen Nelspruit. Hy sit onder die boom wat die kwekery sy naam gee en bo ons uittroon. “Ek sê dan vir hulle: Onthou, ons bly in die Laeveld. Die taai lug is wat dié plek uniek maak.” Dit voel asof die Indiese Oseaan net hier anderkant die granietkoppie lê, en op ’n manier is dit waar – die see lê slegs 200km anderkant die grens in Mosambiek. “As ons lus is vir garnale, kan ons gou Maputo toe ry,” sê Troos met ’n glimlag. Die kwekery is soos ’n subtropiese oerwoud. Dis ook ’n…

LEEUS VS. HIËNAS, ADDO-OLIFANT- NASIONALE PARK Een van die voordele daarvan om in Port Elizabeth te bly is dat die Addo-olifant- nasionale park op jou voorstoep is. Vir my is dit net 30 minute se ry tot by die park se suidelike ingang. Ek gaan gereeld soontoe vir alleentyd en ook om my passie vir fotografie uit te leef. In Augustus 2018 het ek gereël om Simnikiwe Nogaya, Addo se saamrygids, daar te kry. Die saamrygidsstelsel is wonderlik, want dit beteken jy het jou eie natuurkenner in die motor – dis asof jy op ’n private begeleide wildrit gaan. Simnikiwe het my meegedeel dat twee jong leeus – ’n broer en suster genaamd Jack en Jill – laat die vorige middag ’n vlakvark by die Hapoordam gevang het. Ons het…