Rapport6/28/2020的目錄

Verbruikers sal dalk meer as R100 miljard moet opdok aan hoër kragtariewe weens foute deur die energiereguleerder Nersa. Rapport kan onthul dat Nersa sy teenkanting vir twee hofaansoeke van Eskom teruggetrek het. Die reguleerder erken daardeur dat hy met die neem van vier van sy besluite oor Eskom se kragtariewe die verkeerde prosedure gevolg het en dat dit tersyde gestel moet word. ’n Derde hofaansoek is reeds in Eskom se guns beslis. Eskom meen hy moet nou vergoed word omdat sy tariewe te laag was om sy koste te kan dek – en dié geld moet uit verbruikers se sak kom. Die afgelope Woensdag het Eskom in ’n aanlyn hofsitting gevra dat tariewe volgende jaar met sowat 15% styg, pleks van die 5,22% waarop Nersa vroeër besluit het. As die…

Mike Bolhuis het Vrydag namens Bolleurs gesê dié het erken hy het die geld oor twee jaar uitgedobbel met “trading”. Bolleurs kon homself nie keer nie omdat hy verslaaf is. Hy is nou in ’n dobbelrehabilitasieprogram. Alles is van hom weggevat, soos sy kredietkaarte. Hy kan nie eens self ’n brood gaan koop nie. Bolhuis sê Bolleurs het er-ken hy het wanvoorstellings aan mense gedoen, bedrog en diefstal gepleeg. “Dit was robbing Peter to pay Paul.” Bolleurs het kompulsief vir mense gejok en “aanhoudend vir tyd gespeel”. Al sy kommunikasie met die klaers “was om te speel vir tyd”. Volgens hom het mense Bolleurs met die polisie gedreig. Bolhuis se onderneming doen ’n forensiese ondersoek om te kyk watter bedrae word aan wie geskuld. Op Rapport se vraag oor wat…

Covid-19-pasiënte met ’n mediese fonds sal nie voorkeurbehandeling kry by private hospitale nie. Pasiënte se toestand sal die enigste oorweging wees wanneer gesondheidswerkers moet besluit oor die toeken van beddens en toegang tot waakeenhede en ventilators. Prof. Lungile Pepeta, voorsitter van die Raad op Mediese Skemas, waarsku dat staats- én private hospitale toenemend onder druk verkeer soos die pandemie vererger. Die regering het met private hospitale onderhandel om ’n sekere getal waakeenheidbeddens vir staatspasiënte beskikbaar te stel. Die land se twee grootste mediese fondse, Discovery Health en Momentum Health Solutions, kon nie onderhandel vir voorkeursorg vir hul lede nie. “Besluite oor wie toegang tot hoë sorg kry en veral wie aan ventilators moet wees, is in die hande van gesondheidsorgwerkers,” sê dr. Ryan Noach, uitvoerende hoof van Discovery Health. “Vir…

Dit was nooit nodig dat sakeondernemings sertifikate by die Kommissie vir Intellektuele Eiendom en Maatskappye (CIPC) bekom om tydens die inperking te kon sake doen nie. Dít was Maandag die antwoord van Ebrahim Patel, minister van handel en nywerheid, op ’n parlementêre vraag van die DA-LP Zakhele Mbele. Mbele wou weet op watter bepalings in die inperkingsregulasies Patel staatgemaak het toe hy vereis het dat ondernemings ’n CIPC-sertifikaat bekom om as ’n noodsaaklike diens bedryf te word. “Die noodsaaklike-dienssertifikate . . . was nie ’n verpligte vereiste vir om tydens die inperking operasioneel te wees nie,” het Patel gesê. “Daar is (op 26 Maart) verklaar dat die besit van ’n CIPC-sertifikaat nie goedkeuring gee om tydens die inperking operasioneel te wees nie en dat ondernemings deur die regulasies (van die…

Vier jaar gelede kon sy nie eens haar knieë buig nie. Nóú swaai ’n 74-jarige van Kanada gewigte in die gimnasium rond waarvan baie jongeres net kan droom; met rug- en armspiere wat menige een haar beny. Joan MacDonald het aan Shape.com gesê op 70 het sy medisyne vir artritis, hoë cholesterol, hoë bloeddruk en swak spysvertering gebruik. Haar dokters wou nog medikasie voorskryf as sy nie ’n U-draai met haar lewenstyl maak nie. Op haar blog skryf sy sy het heeltyd moeg en emosioneel gevoel. Haar eie ma se gesondheid was ook sleg en sy moes toekyk hoe dié agteruitgaan in ’n ouetehuis en later sterf. Dit was vir haar ’n keerpunt. Haar dogter, Michelle MacDonald, is ’n fiksheidsinstrukteur en fiksheidsmodel en het aangebied om haar te help. Joan…

‘Die res van die gesin dink: maar sy is mos nou hier.’ Die druk om van die huis af te werk, kinders se skoolwerk te monitor, te kook en skoon te maak dryf ma’s tot breekpunt, het kenners aan Rapport gesê. Dr. Erika Hitge, ’n berader in private praktyk, sê al die vroue wat haar spreek omdat hulle oorweldig voel, is professionele mense wat van die huis af werk. Dié vroue moet ook kleiner kinders vermaak, ouer kinders help met skoolwerk, kos kook en die honde kos gee. Volgens Hitge sê baie van die vroue daar is vir hulle geen verligting nie en wanneer hulle hul mans vra om hulp, is die antwoord: “maar ek moet werk”. Hitge sê in ’n moderne samelewing was daar nog nooit so ’n groot…

Die getal babas wat in die steek gelaat word, het in die tyd van inperking skerp toegeneem. Van die 63 babas wat aan die begin van die inperking by skuilings beland het, is 30 deur hul ma in die steek gelaat, blyk uit ’n peiling wat onder 17 babahuise gedoen is. Agt van dié babas was reeds dood toe hulle gevind is, sê Nadene Grabham, bedryfsdirekteur by Door of Hope, ’n kinderhawe wat plasings en aannemings doen en ook berading verskaf. Rene Ferreira, bedryfsdirekteur by Abba-spesialisaanneming en maatskaplike diens, sê dit is dikwels moeilik om te sê hoekom ma’s hul babas verlaat, maar tydens die inperking het armoede, werkloosheid en geweld teen vroue toegeneem. “Die gebrek aan steun van die biologiese pa en familie, onwettige status in Suid-Afrika, geweld soos…

Soewereine skuldkrisis: “ ’n Soewereine skuldkrisis beteken ’n land kan nie langer die rente op sy skuld, of sy skuld terugbetaal nie.” – Tito Mboweni, minister van finansies. Nulbasis-begroting: Dié benadering beteken die vorige jaar se begroting word nie as basis gebruik en net met ’n sekere persentasie aangepas nie. Elke moontlike uitgawe word van voor af ontleed en daar moet gemotiveer waarom dit in die begroting is. Luidens die begrotingsdokument sal programme wat geen of ’n minimale impak op die ekonomie of dienslewering het, uitgefaseer word.…

Grobank is daartoe verbind om ondernemings te help waar hulle kan. Om dit te vermag, het die bank ’n depositoveldtog begin waar beleggers ’n rentekoers van 6,5% kan kry op ’n minimum nuwe be-legging van R50 000. Dié waardeproposisie maak Grobank baie aanloklik vir beleggers. “Grobank staan sy plek vol as een van die betroubare finansiële instellings in Suid-Afrika. Mededingende rentekoerse tesame met ’n verskeidenheid voorwaardes op kort en langer termyn het ’n gevoel van veiligheid en betroubaarheid onder beleggers geskep,” sê Bennie van Rooy, uitvoerende hoof van Grobank. Kyk op www.grobank.co.za/business-deposit-account/ vir meer besonderhede.…

The Workspace gee dié raad aan KMO’s oor hoe om hul kontantvloei te bestuur: ■ Stuur vroegtydig rekeninge aan kliënte; ■ Spaar enige ekstra inkomste sodat jy reserwegeld het; ■ Gaan deur jou bankstate en kyk waar jy onnodige uitgawes kan besnoei; ■ Onderhandel terugbetalingsvoorwaardes met leweransiers; ■ Volg op met diegene wat hul rekeninge laat betaal; ■ Verkoop oortollige voorraad teen ’n afslag; ■ Verkoop of verhuur bates en toerusting; en ■ Gee afslag aan diegene wat hul rekeninge vroeg betaal.…

Die arbitrasieproses van die geskorste Saskok-grootbaas Barry Hendricks is steeds in chaos gedompel. Die vergadering die afgelope week tussen Hendricks, die arbiter Alec Freund en die ander partye in die saak (Tennis Suid-Afrika se Gavin Crookes en Ntambi Ravele) het ’n dooiepunt bereik toe Hendricks gesê het hy is tevrede as Freund uitspraak lewer, maar Ravele gesê het sy wil ’n nuwe proses hê. Freund het in reaksie vir nog voorleggings deur die partye gevra en sal in die komende week op grond daarvan besluit oor die pad vorentoe. Dit volg nadat Ravele gekla het Saskok se regsverteenwoordiger, Elton de Bruin, het sy mandaat oorskry deur haar onder kruisverhoor te neem. Omdat Saskok neutraal in die saak wou bly, het hulle Freund gevra om nie uitspraak te lewer nie, omdat…

Wahl Bartmann het iets van Superman én Clark Kent in hom gehad, sê Ian McIntosh. Van die veld af was hy die saggeaarde rekenmeestertipe. Op die veld was hy ’n heel ander karakter – ’n gespierde Superman, wat kans gesien het om op sy eie die wêreld aan te vat. En so reg in die kraal van Mac se siening van dié vreeslose voormalige kantman van die ou Transvaal, Natal en die Springbokke vertel Bartmann aan Rapport van die keer toe hy vir die “gevreesde” Louis Luyt nee gesê het om terug te keer Transvaal toe en weer vir die Rooibontes te speel sodat hy sy 100-tal aan wedstryde in die Rooibonttrui kon voltooi. “Luyt het voorgestel dat ek ’n paar wedstryde vir Transvaal speel om my honderdtal te bereik,…

Politiek, en nie swak rugby nie, het die Southern Kings doodgemaak. Só glo Loyiso Dotwana, wat Maandag as voorsitter van die Kings se raad bedank het en beheer van die Pro14-franchise aan SA Rugby oorhandig het. Die mislukking van die Greatest Rugby Company in the Whole Wide World (GRC) om sy verpligtinge na te kom, en SA Rugby se toetrede, is die derde keer in die bestaan van die Oos-Kaapse span dat SA Rugby moes ingryp. SA Rugby het die 74%-aandeelhouding van GRC teruggeneem omdat die konsortium nie sy kontraktuele verpligtinge kon nakom nie. Hy kon nie sy maandelikse terugbetaling aan SA Rugby vir sy lening nakom nie. Die konsortium was ook in Maart en April laat met sy beta-ling van spelersalarisse. Die verhouding tussen die Kings en die OP…

So gretig is Krieket Suid-Afrika (KSA) om voetfoute in dié sport se terugkeer na kompetisie te vermy, dat hy selfs by die Duitse Bundesliga en Spanje se La Liga gaan kers opsteek het oor hoe hulle gemaak het. Krieket is een van die sportkodes wat Vrydag amptelik toe-stemming van die departement van sport, kuns en kultuur gekry het om te oefen en wedstryde aan te bied. Dit beteken KSA mag nou in alle erns hul planne her-vat vir die Solidarity Cup-wedstryd, wat gister op SuperSportpark in Pretoria sou plaasvind, maar deur die departement afgekeur is. Shuaib Manjra, KSA se mediese hoof, het gister aan Rapport gesê hulle hoop nou om binne die volgende week te besluit oor ’n nu-we datum vir dié driespan-wedstryd, waarin 24 van die land se beste…

’n Goeïe manïer om na betroubare apps te begïn soek, ïs om kenners se resensïes daaroor te lees. Hïer ïs ’n paar bronne: ■ One Mïnd PsyberGuïde ïs ’n ïnternasïonale organïsasïe sonder wïnsbejag wat geestesgesondheïdapps deur kenners laat toets en resenseer. Daar ïs al sowat 170 apps nagegaan: onemïndpsyberguïde.org/apps. ■ Dïe Amerïkaanse Angs-en-depressïestïgtïng bïed ’n lys apps wat deur kenners geresenseer ïs: adaa.org/fïndïng-help/mobïle-apps. ■ Dïe Brïtse Nasïonale Gesondheïdsdïens het ’n lys apps wat deur kenners aanbeveel word: nhs.uk/apps-lïbrary.…

All the Money in the World met Christopher Plummer en Charlie Plummer. Regisseur: Ridley Scott. Soos met baie ware verhale laat hierdie een jou oorbluf. Wanneer die erfgenaam John Paul Getty III ontvoer word, weier sy stug oupa (Christopher Plummer) om die losprys te betaal. Die seun se ma (Michelle Williams) probeer alles moontlik om die knorpot se hart te versag. Geld as die wortel van alle kwaad, suinigheid en die keuse tussen ’n fortuin en ’n le-we kom onder die soeklig in ’n dramatiese, pakkende fliek. ■ Nou op Showmax. Gretel & Hansel met Sophia Lillis en Alice Krige. Regisseur: Oz Perkins. Die Hansie en Grietjie-storie word in hierdie langdradige weergawe verander sodat Grietjie die sterkere is. Dit kan interessant klink, maar griesel-donker fotografie, ’n neurotiese kamera en ’n…

Ons buurt se sypaadjies is verlede week met pik en graaf moer toe gekap, vir die installering van fibre. Netjiese plaveisel, tuine en grasperke is met pik en graaf letterlik ontwortel, sodat die kontrakteurs rolle en rolle blou plastiekpyp en ’n magdom vaal pypies in die meter diep kanale kon plant. Teen sononder is die kanale toegegooi en vasgestamp. Ander werkspanne het toe die volgende oggend met troffels en rubberhamers die plavei- en keistene weer perfek teruggesit. Wel, ámper perfek. Terwyl mens by sommige opritte nie kon sê dat daar deur gegrou is nie, is dit by talle ander duidelik sigbaar dat daar ’n ander kleur steen moes in – omdat die oorspronklike stene in die proses gebreek het. Kortliks: Daar is nou lastige letsels op dié opritte, myne inkluis,…

Die minister van finansies, Tito Mboweni, het Woensdag sy langverwagte aansuiweringsbegroting voorgelê. Die minister het die haglike situasie waarin die ekonomie verkeer, bevestig met die wêreldekonomie wat na verwagting met 5,2% sal krimp, die grootste wêreldwye per capita-afname sedert 1870. Daarbenewens sal die ekonomiese uitset van ontwikkelende lande vir die eerste keer in 60 jaar daal. Suid-Afrika se BBP sal na verwagting met 7,2% daal. Dit beteken natuurlik dat staatskuld as ’n persentasie van BBP vinniger sal styg as wat aanvanklik gedink is – van die 65,6% wat in Februarie voorspel is tot ’n geraamde 81,8%. Die grootste probleem is dat ons nie genoeg produseer om ons land se verbruik te dek nie en dit is die gevolg van die staatsbeheerde benadering tot ekonomiese groei. Dit is belangrik om te…

Reandi Grey pak haar notaboekie in om by die groot name te leer op die stel van M-Net se nuwe telenovella Legacy. Sy is bitter opgewonde oor die uitdagings wat haar eerste Engelse rol bied. “Nou is dit nie net woorde om te onthou nie, maar woorde in ’n ander taal, sinskonstruksie en uitdrukkings. Maar dit is so lekker om uit my gemaksone te wees. My tong moet beslis gewoond raak aan ’n ander taal as die moedertaal,” sê Grey. Die telenovella is soos ’n sepie, maar dit het ’n definitiewe begin, middel en einde. Volgens Jan du Plessis, vervaardiger van Legacy, is dit soos die daaglikse skop van The Bold and the Beautiful gemeng met glansryke karakters en gekleur met die drama van ’n wanfunksionerende, ryk gesin. Legacy handel…

Marthinus van Bart, Bellville, skryf: Die brief van J.C. van der Walt oor die Voortrekkers se sogenaamde kinderslawerny verwys. ’n Faset van Brittanje se kolonialiseringstrategie was om sy teenstanders van allerlei “onregte teen die mensdom” te beskuldig, en daarna die “onregte” met wapengeweld en anneksasie “reg te stel”. Sodoende word die teenpartye nie net oorwin en onderwerp nie, maar word ook die internasionale beeld van Brittanje as morele held van die underdog blink gepoets. Die beskuldigings van slawerny, veral kinderslawerny, teen “die Boere” is voortdurend deur die Britse sendelinge (lees: regeringsagente) aan die groot klok gehang. Totdat Paul Kruger die Londen Missionary Society gedaag het om ’n feitesending te stuur om die aantygings te kom bewys. Die afvaardiging, onder leiding van biskop Colenso, moes verleë erken dat daar geen waarheid…

Danksy die hardkoppigheid van mense wat glo dat dit die moeite werd is om vir hul swaar verworwe grondwetlike vryhede te veg, is van die mees drakoniese bepalings van Suid-Afrika se Covid-19-inperking die afgelope maand of wat in die howe tersyde gestel. Dit het ’n mate van verligting gebring in ’n nasie wat inperk-voos begin word. Tog is dit nog net die begin van die ontwrigting wat die siekte kan bring en moet ons, ons vir ’n paar moeilike maande staal. Ja, haarkappers mag weer knip, skole maak stuk-stuk oop, drank is te kry en selfs restaurante mag môre spys begin bedien – in die meeste gevalle omdat die staat in die hof gedreig is om die steierende ekonomie oop te stel daar waar dit betreklik veilig gedoen kan word.…

Ons het so geglo in hom. Hy weet hoe om te praat. En hy weet hoe om die Here se naam te gebruik om geld te bedel. Die Pretoriase pastoor wat geld by lidmate geleen het, glo om kerke te stig en boekies te versprei, het sowat R4 miljoen oor die internet uitgedobbel. Fanie Bolleurs (62), wat in 2015 die SyKerk noordoos van Pretoria gestig het, het Vrydag deur middel van sy skuldbemiddelaar en woordvoerder, die private speurder Mike Bolhuis, erken hy is verslaaf aan dobbel. Bolleurs raam hy het geld by sowat 40 mense geleen en sowat R4 miljoen met “trading” uitgedobbel. Rapport het verlede Sondag berig die sakeman Wilko Esterhuizen het in Februarie ’n bedrogklag by die polisie ingedien nadat hy R600 000 aan Bolleurs geleen en dit…

Parlementslede wat voorheen gedink het dr. Nkosazana Dlamini-Zuma weet gewoon nie wat in haar departement aangaan nie, het pas vasgestel wat die eintlike probleem is: Sy gee nie ’n duiwel om nie. Want Dlamini-Zuma, minister van samewerkende regering en tradisionele sake, se onlangse lagwekkende antwoord in die parlement op ’n LP se vraag is maar net die jongste in ’n lang en beskamende reeks. Om te toets of die agbare minister haar hoegenaamd aan die inhoud van parlementêre vrae steur, en of sy eerder net ’n pro forma-antwoord spoeg-en-plak, het die jong DA-LP George Michalakis haar gevra: “Watter munisipaliteit word beskou as die hoofstad van Suid-Afrika?” Haar antwoord het Dinsdag gevolg: “Die inligting wat deur die agbare lid versoek word, sal voorgelê word wanneer dit beskikbaar is.” Rapport het vasgestel…

In die Oos-Kaap is dit ’n ongeskrewe reël dat klein sakeondernemings wat met die staat sake doen, nie hul geld kry as die amptenaar “nie reggesien word nie”, beweer ’n sakeman van Bhisho in dié provinsie. En as iemand betyds betaal word, word algemeen aanvaar ’n staatsamptenaar het ’n stewige beloning gekry. Die sakeman, wat anoniem wil bly, doen al meer as tien jaar sake met die Oos-Kaapse regering. Sulke omkopery en korrupsie is een van die vernaamste redes waarom die regering klein en medium-ondernemings (SMME’s) laat betaal, sê hy. Luidens die jongste verslag van die Staatsdienskommissie (PSC) skuld die Oos-Kaapse regering R2,4 miljard aan 23 795 SMME’s in dié provinsie. Dié sakeman skets ’n prentjie van mafia-agtige dreigemente teen SMME’s as hulle nie omkoopgeld betaal aan amptenare in beheer…

Dr. Nkosazana Dlamini-Zuma hoef nie billik of redelik op te tree wanneer sy regulasies ingevolge die Covid-19-ramptoestand uitvaardig nie, want billikheid is nie dieselfde as regverdigheid nie. Haar rampmaatreëls hoef ook nie 100% doeltreffend te wees nie. Trouens, dit hoef nie eens die beste moontlike opsie te wees om ’n Covid-19-ramp te voorkom nie. Dlamini-Zuma het Vrydag ’n klinkklare hofoorwinning behaal toe die dringende aansoek van die Fair Trade Independent Tobacco Association (Fita) teen die rookverbod deur ’n volbank van drie regters verwerp is. Kort daarna, ook Vrydagmiddag, is ’n dringende hofaansoek van British American Tabacco (Batsa), wat Dinsdag aangehoor sou word, op versoek van Dlamini-Zuma tot 5 Augustus uitgestel. Gevolglik sal rokers nog minstens ses weke moet wag voordat hulle dalk weer wettig sigarette sal kan koop. Die rookverbod…

Vanjaar se Nasionale Senior Sertifikaat (NSS), oftewel die matriekeindeksamen, is met ’n maand uitgestel. Die eksamen begin nie meer in Oktober nie, maar wel in November, en sal tot Desember duur. Die departement van basiese onderwys (DBO) het nog nie die presiese datums bekend gemaak of laat blyk teen wanneer die uitslae bekend gemaak sal word nie. Angie Motshekga, minister van basiese onderwys, het die afgelope week gesê die vraestelle is reeds opgestel. “Ons wil nie ’n situasie hê waar die klas van 2020 se matrieksertifikaat in twyfel getrek kan word nie. Dit moet dieselfde geloofwaardigheid hê as enige matrieksertifikaat.” Ander grade se kurrikulum word tot 80% van die oorspronklike werk verminder, maar nie dié van matriekleerlinge nie. Die DBO het reeds in April aangekondig dat die 350 000 kandidate…

Die aanvullende begroting wat Tito Mboweni, minister van finansies, Woensdag voorgelê het, is ’n oorbruggingsdokument tot die mediumtermynbegrotingsraamwerk (MTBR) in Oktober wat voorstelle sal vervat oor stabilisering van staatskuld en vinniger ekonomiese groei. Tog is daar aspekte wat verswyg of skraps toegelig is, sê kenners. Hulp van die Internasionale Monetêre Fonds (IMF): Jeffrey Schultz, senior ekonoom van BNP Paribas, het verwag die minister sou meer besonderhede en ’n bywerking gee oor hulp van die IMF vir Covid-19-bestryding. Roger Baxter, uitvoerende hoof van die Mineraleraad van Suid-Afrika, sê vroeër het die regering aangedui hy sal R95 miljard van internasionale finansieringsinstansies leen, maar Mboweni het die bedrag Woensdag op $7 miljard (of sowat R125 miljard) gestel. “Dit is ’n groot verskil en ons sal graag besonderhede wil hê oor hoe hy by…

Lewis Hamilton, die sesmalige F1-wêreldkampioen, het die voormalige renbaas Bernie Ecclestone van “onkundigheid en ongeletterdheid” beskuldig oor sy uitsprake oor rassisme. Hamilton, wat een van die groot ondersteuners van die Black Lives Matter-veldtog is, het kwaai teruggekap nadat Ecclestone, wat tot in 2017 die F1-grootbaas was, in ’n onderhoud op CNN gesê het dat “in baie gevalle is swart mense meer rassisties as wit mense”. Toe hy gevra is om sy stelling te staaf, het Ecclestone gesê dit was iets wat hy “opgemerk” het. Ecclestone (89) het bygevoeg dat hy nie daarvan bewus was dat Hamilton onder rassisme in sy loopbaan deurgeloop het nie. Volgens hom was dit nooit no-dig om dit met Hamilton te bespreek nie en dat hy “verras is dat dit hom enigsins gepla het”. Maar Hamilton…

Die Cheetahs se agttal het spiere bygekry met Oupa Mohojé wat die afgelope week sy kontrak vir ’n jaar met die Bloemfonteinse franchise verleng het. Die 29-jarige Mohojé se kontrak met die Cheetahs het al in Mei verstryk. Hy het wel met ander franchises onderhandel voordat hy besluit het om deel van Hawies Fourie se planne te bly. Fourie se grootste uitdaging is om Mohoje fiks en wedstrydskerp te kry. Hy het in September 2018 ’n ernstige kniebesering in die Cheetahs se eerste Pro14-wedstryd van die seisoen teen Munster in Limerick, Ierland, opgedoen en het sedertdien nog nie weer rugby gespeel nie. Hy was toe ook pas as kaptein vir die seisoen aangewys. Die Springbokflank sou na verwagting vroeër die seisoen sy terugkeer gemaak het, maar het ’n terugslag beleef…

Dream World Investments sal die wins en die risiko van die beplande herontwikkeling van Nuweland met die WP deel. Só het Zane de Decker, ’n direkteur van Dream World, gister aan Rapport gesê. “Ons sien onsself as ’n gelyke vennoot van die WPRU, met gedeelde risiko’s en ontwikkelingskoste, maar belangrik, ook met gedeelde ekonomiese voordele in die toekoms.” Dream World sal wel die taak hê om die finansiering te reël om toekomstige boukoste te dek, met die WP wat sy deel van die risiko dra. “Ons is die ontwikkelaar en finansieringsvennoot, wat beteken dat dit ons verpligting is om die nodige ekwiteit te verseker.” De Decker het gesê dit sal enigiets tussen twee en vier jaar vat om die hersonering en ander goedkeurings te kry voordat die ontwikkeling kan voortgaan.…

Braïnternet, ’n Wïts-navorsïngsprojek geleï deur Adam Pantanowïtz, het ïn 2017 vïr dïe eerste keer menslïke breïngolwe oor dïe ïnternet uïtgesaaï. Dïe tegnologïe omskep breïngolwe na ’n formaat wat ïntyds oor dïe ïnternet kan uïtsaaï deur gebruïk te maak van ’n spesïaal ontwerpte elektro-enkefalogram (EEG) wat dïe persoon op hul kop dra. Dïe moontlïkhede ïs legïo. “Dïe tegnologïe ïs nog ïn sy kïnderskoene, maar dït kan moontlïk ’n manïer word om ’n persoon se geestestoestand oor ’n afstand te monïtor en potensïeel toestande soos depressïe dalk vroeër raak te sïen – voor dïe sïmptome oorweldïgend word,” sê Adam.…

Perry Mason met Matthew Rhys en Jedediah Jenk. Skeppers: Ron Fitzgerald en Rolin Jones. Van al die private speurders (hierdie een het begin as ’n advokaat vir die verdediging) is Perry Mason se baard die langste. Hy het sy eerste lêplekkie in romans deur Erle Stanley Gardner gekry. Dit het later ’n dekade lange radioreeks geword en toe ’n TVreeks met Raymond Burr tussen 1957 en 1966. En nou het Matthew Rhys van The Americans-faam dié slierterige, lewensmoeë siel uit die stof laat opstaan. Die storie speel in die 1930’s af. Jy sal dié slordige jafel nie sommer in jou huis toelaat nie. Hy het eiergeel-kolle (eintlik mosterd) op sy enigste das, troetel sy rowwe stoppels, brom sy monotoon-woorde en rook soos iemand wat ná die grendelgreep sy eerste sigaret-teug…

Almal het gedurende die inperking gebak en geëksperimenteer met resepte, maar as jy al ooit jou ouma se verlore gemmerkoekie- of skonresep gesoek het, of jou mond water vir enigiets van stroopkoek tot soutbrood, kleinkoekies tot kaaskoek, beskuit, kolwyntjies, gebakte warm poedings en Kersfeesgebak, is Landbou Boerekos: Die beste gebak die boek vir jou. Dit bied ’n omvattende versameling bakresepte uit die gewilde kostydskrif Landbou Boerekos. Marmeladebroodjie Arina du Plessis skryf daarin: “Ek het onlangs ’n groot pot marmelade op die stoof gehad toe ek besef ek het te min flesse om dit alles te bottel. Toe bedink ek ’n paar resepte met marmelade om daarvan te gebruik – onder meer hierdie maklike teebroodjie. Bak sommer ’n paar en bevries dit, of deel die broodjies onder jou vriendinne uit. Dit…

Geagte Showmax Ek skryf omdat ek verhéúg is dat julle Leon Schuster se rolprente van jul platform verwyder het. Sy black-face is vieslik rassisties en daarom ook ’n misdaad, heel moontlik teen die mensdom. Schuster is ’n monster. Vir die sieleheil van die nasie moet hy vervolg word, dink ek. In elk geval, noudat julle uit die moeras van Suid-Afrikaanse agterlikheid gerys het as ’n baken van moraliteit, het ek ’n paar voorstelle, liefste Showmax. Ek sien op jul platform is ook die reeks Will & Grace, waarin ’n heteroseksuele akteur (ene Eric McCormack) die rol van ’n homoseksuele man vertolk. Die appropriasie maak my apoplekties. Ek vind dit so aanstootlik ek sidder van die psigiese skade. Verwyder dit dadelik. Dankie. Ek sien ook julle het The Amazing Race op…

Ek en my vrou, Olga, is onlangs genooi om ’n toer deur Israel te onderneem. Die toer self is wonderlik en ons geniet die mense wat saam met ons toer, maar my ervaring van die plek is by tye vir my swaar en in die geheel beskou is dit ’n vreemde antiklimaks. Op die toer was daar veral twee ervarings wat my laat dink het oor wat Christenskap nou eintlik beteken. Die eerste was die doop by die Jordaanrivier. Wanneer ’n mens daar aankom, sien jy honderde mense wat volgens afspraak in kleiner groepe toustaan of in groepies saamkom by die water. Almal het hul kameras gereed om die oomblik vas te lê. Dit word ’n drukgang wanneer ons daaraan herinner word dat daar ’n afsnytyd is vir die volgende…

Die probleem met Helen Zille is nie wát sy sê nie. Ook nie die veglustige trant van haar twiets nie. Dis die hoed wat sy op het wanneer sy praat. Dis die verkeerde een en sy kan maar ontslae raak daarvan. Nie ophou uitpraat of haar woorde tel nie. Spraakvryheid is onder beleg, maar die grondwetlike waarborg staan nog. Dis net die hoed. Want dis die hoed wat maak dat tel-kens wanneer Zille dinge sê wat absoluut gesê moet word, ’n siedende storm losbars op sosiale media, een wat die aandag aflei van die belangrike punte wat sy opper. Daardie hoed is blou en dit kom uit die Huis van DA, die emporium waar sy eens, koningin op die troon, die septer geswaai het. Maar dit was toe. Nou bestaan…

Wynand Viljoen, Paarl, skryf: As die waarheid oor Crowd1 julle eendag tref, hoop ek dat die redakteur ook daardie waarheid op die voorblad van jul koerant sal plaas pleks van ’n klein beriggie oor “jammer ons het ’n fout gemaak”. Met die lees van jul artikel oor ’n maatskappy wat wêreldwyd daarna streef om Jan en alleman te help, was dit baie duidelik dat julle nie die vaagste benul het waaroor dit gaan nie en ook geen idee het hoe die maatskappy werk nie. Al wat julle kan doen, is om negatief te wees. Hoe vergelyk jul definisie van ’n piramideskema met dié van plaaslike ondernemings wie se miljardêr-base se rykdom gegrond is op die hoeveelheid aandele wat hulle verkoop kan kry? Graag wil ek by Jana Smit en Pieter…

Carel Breytenbach skryf per e-pos: Ek het groot simpatie met Wilko Esterhuizen, wat deur ’n gladdemond-pastoor ingeloop is (“Predikant ‘vort met R600 000’” in verlede week se koerant). Op ’n goeie dag loop ’n bekende pastoor van die omgewing by my kantoor in met ’n lang storie en vra of hy maar ’n rekening vir aankope by my onderneming kan open. Omdat ek hom geken het, het ek ja gesê. Die eerste rekening van R100 000-plus is betaal, maar, o wee, die tweede een van ongeveer R200 000 het onbetaald gebly ten spyte van baie, baie beloftes oor etlike jare. Hy was die tweede pastoor wat my ingeloop het. Die eerste een, wat baie hard probeer het, het later wel betaal nadat die stoel te warm begin word het. Uit…

Les Labuschagne, Eldoraigne, skryf: Jan de Lange het dit gedeeltelik reg in sy rubriek “Sosialisme is dood, lank le-we sosialisme!” in die Suid-Afrikaanse konteks. Ek dink aan die ou dae toe ek in ’n stryery met ’n Nat betrokke geraak het omdat ek gesê het dat die NP meer in gemeen het met Harold Wilson se Arbeidersparty as die Konserwatiewe Party in Brittanje. My argument was dat die NP in werklikheid ’n sosialistiese party was – nieteenstaande sy retoriek. Die NP het egter bewys dat ’n mate van sosialisme wel kan werk. De Lange se stelling dat net ’n regering bekostigbare finansiering en kundigheid op die been kry is korrek. Die haakplek is egter in die woord “kundigheid”. Die ANC-regering met sy beleid van kaderontplooiing en die korrupsie wat daarmee…

Teken in: 087 353 1300. SMS “Rapport” na 31069. Intekenare-navrae: 087 353 1300. (Maandag tot Vrydag: 07:00-16:30. Saterdae, Sondae en openbare vakansiedae: 07:00-11:00.) SMS “diens” na 31069. E-pos: intekenare@media24.com WhatsApp: 087 353 1333 Waar kry ek Rapport? 087 741 3137 Nuuswenke: 011 713 9633 of 021 406 3228 E-pos: nuus@rapport.co.za Klagtes oor stories: Alet Wichmann 011 713 9682.alet@media24.com Redakteur: Waldimar Pelser 011 713 9633 of 021 406 3228 waldimar.pelser@rapport.co.za Nuus- en Sakeredakteur: Erika de Beer 011 713 9633 of nuus@rapport.co.za Sportredakteur: Albert Weideman 011 713 9671 of albert.weideman@rapport.co.za Beleef: Alet Wichmann 011 713 9682 of alet@media24.com Weekliks en briewe: Pieter Malan 021 406 3514 of pmalan@rapport.co.za…

Die Wes-Kaapse LUR vir finansies en ekonomiese geleenthede, David Maynier, bekyk die besluit deur die Wes-Kaapse agentskap vir toerisme, handel en beleggings (Wesgro) om sy uitvoerende hoof se jaarlikse salaris ’n maand voor die inperking met sowat R700 000 te verhoog. Die regsgeleerde en kommentator Judith February het uit protes teen die verhoging by Wesgro bedank. Nog direksie-lede is glo ook ongelukkig. Met dié salaris van R2,6 miljoen verdien Tim Harris nou meer as die minister van finansies, het February in ’n beswaarskrif geskryf. Prof. Brian Figaji, voorsitter van die Wesgro-direksie, sê egter die verhoging is regmatig toegeken om Harris vir ’n twee-de termyn van vyf jaar aan te stel. Harris was voorheen die DA se woordvoerder vir finansies. Figaji sê die direksie het Harris se vergoeding vergelyk met dié…

AfriForum en sy uitvoerende hoof, Kallie Kriel, dagvaar Panyaza Lesufi, Gautengse LUR vir onderwys, weens beweerde laster. Die LUR het onder meer beweer AfriForum het probeer om hom te vermoor. Lesufi het dié en ander opmerkings verlede jaar gemaak op ’n nuuskonferensie waar hy belangegroepe toegespreek het oor die stand van skooltoelating in die provinsie. Luidens die hofstukke het Lesufi AfriForum by dié geleentheid op 24 November 2019 van ’n “agterbakse poging” beskuldig om ’n Afrikaanse universiteit op te rig. Hy het gesê nierassigheid is vreemd vir dié organisasie en dat AfriForum die Grondwet misbruik, rassistiese neigings bevorder en dat lede van die organisasie – onder wie Kriel – probeer het om hom te vermoor. Dit, sê Afriforum en Kriel, is vals en lasterlik. Hulle het in ’n formele brief…

Die man met die aansteeklike lag is nie nou dik van die lag nie. “Wat kan ek sê? My hart is seer, man,” sê Alfred Ntombela, oftewel “Shorty” van die Leon Schuster-flieks. “Dié ding met Leon maak my kwaad. Dis nie reg nie,” het Ntombela (48) Donderdag aan Rapport gesê nadat die stromingsdiens Showmax ses van Schuster se flieks tydelik verwyder het uit vrees dat dit as ras-onsensitief gesien sal word. In van dié flieks tree Schuster in grimering op as ’n karakter wat swart of ’n Indiër is. “Moet hy nou net wit karakters vertolk omdat hy wit is?” sê Ntombela. “Ek kom al ’n ver pad saam met Leon. Hy is alles vir my. Hy is my pa en inspirasie en het my gehelp om te kom waar…

Die Gautengse gesondheidsowerhede hou asem op oor die vinnige toename in aktiewe gevalle van mense met die koronavirus in dié provinsie, waar die besmettingskoers hoër as die herstelkoers is. Gauteng het teen Vrydag 24 212 aktiewe gevalle gehad waarvan net 7 132 herstel het en 149 dood is. Die getal gevalle het in ’n week meer as verdriedubbel van 9 494 op 16 Junie tot 31 344 teen Vrydagaand. Sowat 30 000 toetsmonsters was uitstaande. Die brandpunt is Johannesburg met 14 182 gevalle. Vrydag het die provinsie ook die hoogste daaglikse styging gehad toe 2 598 nuwe gevalle aangemeld is. Dit is meer as ’n derde van die 6 282 gevalle wat dié dag oor die land heen aangemeld is. Gauteng het nou meer aktiewe gevalle as die Wes-Kaap (16…

Hy wil weet waar is sy “Bokka”, maar Kobie Coetzer (55) mag nie in die hospitaal by haar man van die afgelope 33 jaar gaan kuier nie. Joop Coetzer (78) ly aan demensie en is in die hospitaal nadat hy sy heup gebreek het. Hy verstaan nie van Covid-19 se inperking nie. “Genadiglik kan ons nog nou en dan oor die foon met mekaar praat. Dan verduidelik ek maar oor en oor vir hom, maar dis baie verwarrend. “Ek is regtig baie bekommerd oor hom,” sê Coetzer. Dié onderwyseres van Tableview in Kaapstad is moedeloos omdat sy haar “arme ou man” die afgelope drie weke nie kon sien nie. Hy het op Vrydag 5 Junie in hul huis geval en sy heup gebreek. ‘Ons is nou al drie weke uitmekaar.’…

eNuus het gisteraand ’n vooraf opgeneemde nuusbulletin op kyk-NET uitgesaai nadat een van die nuusdiens se werknemers Covid-19 opgedoen het. Paul Dunn, eNuus se nuusredakteur, het Rapport verwys na ’n voorbereide verklaring van eNCA. Daarvolgens het die feit dat ’n personeellid positief getoets is vir Covid-19, meegebring dat die nuusbulletin nie op kykNET of kykNET & kie uitgesaai kon word nie. In die plek van die bulletin is ’n vooraf opgeneemde bulletin uitgesaai wat ’n oorsig van onlangse nuusgebeure gebied het. Luidens die verklaring is alle redaksielede wat vir die eNuus-bulletin verantwoordelik is, gevra om tuis te bly terwyl die maatskappy die nuuskantoor ontsmet. “Geen lid van die eNuus-redaksie het direkte kontak met die betrokke personeellid gehad nie. “Die maatskappy is besig met ’n opsporingsproses om vas te stel watter…

Tecie was lelik geslaat. Haar oogbanke was potblou, haar ogies stukkend. ‘Wil jy die SMS’e sien?” Martin Kortje se hande bewe terwyl hy op sy selfoon rondsoek na die laaste boodskappe tussen sy dogter en haar vermeende moordenaar, die pa van twee van haar kinders. “Sy was lankal in die lykshuis, toe kry ek dié goete op my foon wat sy geleen het. Dis asof sy uit die dood uit praat.” X wil regtig ni meer in ’n verhouding in is ni . . . j treat my sleg n ht 1 maal ni meer respect vimy of ju ma of my ma nie vi niemand hie ni . . . vir niemand ni . . .j mk my seer dan verwag j os moet net anan asof niks gebeur…

Ondanks die groot ontwrigting wat die Covid-19-pandemie in skolerugby tot gevolg het en net ’n beperkte aantal wedstryde wat vroeër vanjaar gespeel kon word, is die land se franchises nie koopsku nie en word daar gewoel om die land se voorste spelers te kontrakteer. Na verwagting sal sowat 60 skolespelers vanjaar deur die plaaslike franchises gekontrakteer word teenoor die ongeveer 25 wat verlede jaar kontrakte losgeslaan het. “Daar is vanjaar beslis ’n groter belangstelling in skolespelers,” het Ronnie Cooke, ’n agent van Esportif, gesê. “ ’n Rede is dat daar sprake bestaan dat die nasionale o.21-li-ga van volgende jaar af na ’n nasionale o.20-liga sal verander.” Cooke, ’n voormalige Superrugbyspeler van die Cheetahs en die Kings, meen daar is vanjaar weer ’n ryk oes aan talent. Aangesien net ’n o.21-liga…

■ Vervolg van bl. 24 Handre Basson, ’n eiendomsontwikkelaar, vra hoekom die WP nie die herontwikkeling op tender uitgesit het nie. “As jy ’n tender uitsit, kan jy ten minste kyk wie die beste vir die WP ten opsigte van die ontwikkeling bied. “Hier sit jy met ’n unie wat basies die finansiële bestuursvernuf van ’n sementtrok het en nie van rigting kan verander nie. Dis twee keer bewys – Remgro het hulle geld gegee, en Investec het vir hulle geld gegee. En nie een van daardie twee lenings kon hulle op ’n sinvolle manier bestuur nie.” Basson sê daar is geen waarborg dat WP wins uit die transaksie sal maak nie. Die eiendomme wat as waarborg gegee is, kan in die gedrang kom. “Hier kom Flyt (Dream World se…

Om vir die Cheetahs te speel én as die moontlike volgende grootbaas van die Cheetahs-franchise beskou te word, is ’n raarheid in die wêreld van sport. Die 28-jarige William Small-Smith bevind hom in dié bootjie nadat die Cheetahs se besturende direkteur, Harold Verster, kennis gegee het dat hy die franchise gaan verlaat. Small-Smith se ratsheid is nie net tot die speelveld beperk nie, want ook as student en in die sakewêreld is hy flink op sy voete. Hy het twee grade agter sy naam en is nou nagraads met sy LLB besig. Hy het ook ’n paar ondernemings wat hy suksesvol bestuur. Ondanks die bespiegeling oor hy moontlik binnekort ’n baadjie en das eerder as die Cheetahstrui sal dra, sê Small-Smith hy voel hy het nog te baie om die…

Dïé apps ïs gegrond op aanbevole rïglyne vïr dïe behandelïng van geestesgesondheïdsprobleme en ïs óf aanbeveel deur kenners ïn dïe sïelkunde óf daar ïs betroubare wetenskaplïke bewyse dat dït kan help. ■ Moodfit. Een resensïe, waar kenners verskeïe geestes-apps geëvalueer het, het Moodfït aangewys as dïe beste geestesgesondheïd-app vïr 2020. Dïe app bïed verskeïe tegnïeke om geestes-“fïks” te word en so sïmptome te verbeter, nes lïggaamlïke fïksheïd jou fïsïeke gesondheïd verbeter. Jy kan jou buïe op dïe app ïnvul en oor ’n tydperk waarneem om te sïen watter eksterne faktore dït beïnvloed. Jy kan begïnsels van kognïtïewe gedragsterapïe ïnspan om ïrrasïonele gedagtes en negatïwïteït te hanteer. Daar ïs ook tegnïeke om aan posïtïwïteït en dankbaarheïd te werk. Dïe basïese app ïs gratïs, maar jy moet dan sekere funksïes koop (pryse…

Met die lang afstand na Mapungubwe ingedagte, oorweeg gerus Makhado (voorheen Louis Trichardt) as gerieflike oornagplek. Cuckoo’s Nest Guest House is net 5 km buite die dorp op die R524-pad. Dit bestaan uit die oorspronklike groot plaashuis en verskeie netjiese kothuise in ’n boomryke tuin. Vra die eienaar of jy self lekker wyn uit sy versteekte wynkelder kan kies om saam met aandete te geniet. (Cuckoosnestguesthouse.co.za of 082 566 7856) By die Misty Mountains B&B hoër op in die Soutpansberge moet jy beslis hul heuning koop, die produk van hul eie proteas. (Mistymountainsguesthouse.co.za of 015 516 9702) Akkommodasie in die Mapungubwe Nasionale Park bestaan uit die Leokweruskamp se selfsorghutte en die Limpopo-woudtentekamp (wees net bedag op skelm ape wat jou proviand vaslê.) Daar is ook kampering, ’n wilderniskamp vir agt…

’n Krisis skep soms die geleentheid om nuut te dink of dwing besluitnemers om ’n besluit te neem wat andersins nie moontlik sou gewees het nie. Die aanvullende begroting wat die minister van finansies, Tito Mboweni, die afgelope week ter tafel gelê het, is heel moontlik só ’n geleentheid. Amper 24 jaar gelede het die ANC-regering uit die bloute ’n nuwe, makro-ekonomiese beleidsraamwerk bekend gemaak: die Growth, Employment and Redistribution (Gear)-beleid, wat die Heropbou-en-ontwikkelingsplan (Hop) vervang het. Dit was ’n radikale paradigmaskuif in die ANC wat deur die linkerkant (veral die SAKP en Cosatu) verdoem is as ’n vorm van neoliberalisme. Mboweni het nou heel moontlik die terrein van “Gear II” be-tree. In 1996 het ’n ekonomiese krisis en ’n krisis van verwagtings geheers omdat die pre-1994- ekonomiese stagnasie en…

S oms is nie eers ons fantasieë ons eie nie. Neem byvoorbeeld Travis Bickle, die antiheld in Martin Scorsese se fliek Taxi Driver (1976). Travis is ’n eensame, depressiewe Viëtnam-veteraan wat in sleazy New York ronddryf waar hy rondhang in teaters wat pornografiese flieks wys en laatnag taxi-passasiers rondry. Sy vriendin, Betsy, werk as vrywilliger vir die presidentsveldtog van senator Charles Palantine en wanneer Betsy hom die deur wys (nadat hy haar na ’n pornofliek neem) besluit Travis om Palantine om die lewe te bring. Hy bewapen homself en leef sy sterkmanfantasieë voor die spieël by die huis uit. Ironies genoeg draai dinge heeltemal anders uit: Daar is ’n skietery, maar Travis tree as ’n held uit die verhaal. Die storie kon enige kant toe draai. Soos die meeste van…

Hardus Pretorius, Pierre van Ryneveld, skryf: Presies ’n jaar gelede is ons lewe onherroeplik verwoes toe ’n dronkbestuurder drie mense – waaronder my seuns van 22 en 24 – doodgery/vermoor het op die Garsfontein-pad. Alhoewel die bewyse daar was dat die moordenaar onder die invloed was en teen 175 km/h gejaag het, het die landdros in Bronkhorstspruit besluit om borgtog toe te staan en daarmee die bestuurder die geleentheid gegee om te ontsnap terug Zimbabwe toe. Ná die ongeluk wou hy weet wie gaan sy Mercedes regmaak. Ek wens ek kon hom vra wie gaan my vrou en die res van my familie se hartseer regmaak. Net verlede week is nóg ’n dronkbestuurder op borgtog van R8 000 vrygelaat nadat hy ook ’n man doodgery het. Dronkbestuurders moet nie borgtog…