Rapport3/1/2020的目錄

Die forensiese ondersoeker Paul O’Sullivan het uiteindelik daarin geslaag om ’n dagvaarding te beteken aan die omstrede Dudu Myeni, voormalige voorsitter van die Suid-Afrikaanse Lugdiens (SAL), wat hom vir jare ontduik het. O’Sullivan, wat indertyd bekendheid verwerf het weens sy ondersoeke na die oudpolisiebaas Jackie Selebi, eis in ’n siviele geding meer as R156 miljoen van onder meer Myeni. ’n Hofklerk het Dinsdagoggend in Pretoria die dagvaarding aan Myeni beteken kort voordat sy haar getuienis voortgesit het in die onverwante hooggeregshofaansoek waarin die Organisasie teen Belastingmisbruik (Outa) en die SAL se Vlieëniersvereniging (Saapa) haar as ’n misdadige direkteur wil laat verklaar. O’Sullivan sê hy het sy prokureurs, Hurter Spies, opdrag gegee om Myeni in die hof voor te keer nadat hy toestemming by die regter gekry het. “Dit was nodig…

Die swart vroue in ’n Oos-Randse sjokoladefabriek se werk is veilig – vir eers. Nadat Rapport twee weke gelede berig het dat Beyers Chocolates, ’n familieonderneming in Kempton Park, aangespreek is deur die departement van arbeid omdat hulle “te veel” swart vroue in diens het, het die departement weer met die eienaar vergader. “Ná die berig het ons weer kontak gehad met die departement en ons het die afgelope Donderdag ’n baie suksesvolle vergadering gehad,” sê die eienaar, Kees Beyers. “Die departement het aan ons gesê dat daar geen druk op ons is om enige van ons huidige werkers af te dank nie.” Sowat driekwart van Beyers Chocolates se 400 werknemers is swart vroue en die departement het op ’n vergadering verlede jaar by die fabriek in Kempton Park gewaarsku…

Twee voormalige DA-hoës help nou vir Herman Mashaba om sy The People’s Dialogue op die been te kry. Paul Boughey, wat vyf jaar uitvoerende hoof was van die DA, en Jonathan Moakes, voormalige verkiesingsbestuurder, verleen strategiese advies aan The People’s Dialogue, wat einde verlede jaar deur Mashaba bekend gestel is nadat hy op 21 Oktober 2019 as burgemeester van Johannesburg en uit die DA bedank het. Mashaba beoog glo om teen Junie ’n politieke party bekend te stel. Kort ná Mashaba se bedanking het Mmusi Maimane as partyleier bedank. Moakes het in Meimaand direk ná die verkiesing bedank en Boughey op 17 Oktober. ’n Verslag oor die party se verlies aan meer as 470 000 stem-me in die verkiesing het aanbeveel dat Boughey, Maimane, Moakes en James Selfe, voormalige voorsitter…

Vir die eerste keer sedert 2010 kry die departement van basiese onderwys minder geld as in vorige jare. Toelaes om skole met die mees basiese geriewe soos water toe te rus is ook erg verminder. Intussen styg die begroting vir gratis hoër onderwys vir die soveelste jaar. Kenners sê dit is waansinnig. Tito Mboweni, minister van finansies, het Woensdag aangekondig basiese onderwys kry hierdie jaar (2020-’21) R248,6 miljard teenoor R250,2 miljard in die 2019-’20 boekjaar. Dr. Nic Spaull en David Carel van die Universiteit Stellenbosch se navorsingsgroep oor sosioekonomiese beleid sê as inflasie in berekening gebring word, kom die nuwe toedeling vir basiese onderwys neer op ’n reële daling van R12 miljard. ‘Óns voel Zuma se nalatenskap.’ Dr. Jaco Deacon, adjunkhoof van die Federasie van Beheerliggame van Suid-Afrikaanse Skole (Fedsas),…

’n Oumagrootjie wat dié week op haar plaas naby Fochville, Gauteng, vermis geraak het, het nie geweet hoe om SMS’e te stuur nie. Daarom was Susan Nell (84) se familie hoogs ontsteld toe hulle dié SMS van haar foon af kry: “Ek saam ’n friendin (sic)”. Sy was teen dié tyd reeds dood. Nog voordat haar lyk gevind is, is drie mense oor wie sy haar vroeër ontferm het, in hegtenis geneem. Deborah Swanepoel (64), haar seun, Pieter (29), en ’n vriend, Chris van Vuuren (23), het Woensdag in die landdroshof in Fochville verskyn op aanklag van moord en huisroof. Hulle het glo vroeër in Februarie by die plaas Elandsfontein kom bedel nadat die tehuis in Klerksdorp waar hulle gewoon het, afgebrand het. Volgens die familie het Nell aangebied dat…

Die Amerikaner wat in 2012 deur twee sjimpanseemannetjies in ’n reservaat in Mpumalanga aangeval is, het stil-stil ’n skadevergoedingseis in Suid-Afrika ingestel. Andrew Oberle het sedert die aanval 26 operasies ondergaan. Die sjimpansees het sy neus, een oor, die meeste van sy vingers en sy voete afgeskeur. Hulle het hom ver gesleep. Hy het in 2015 ’n skadevergoedingseis in die hooggeregshof in Pretoria teen die Jane Goodall-instituut (Suid-Afrika) se trust (JGI) en die Umhloti-primaatpark naby Barberton ingestel. Dié twee organisasies het die reservaat, genaamd Chimp Eden Primate Park, in ’n gesamentlike onderneming bedryf. Oberle se eis sou van 17 Februarie tot 13 Maart aangehoor word, maar is in Januarie van die hofrol verwyder. Candice Pillay, sy prokureur van Johannesburg, het aan Rapport gesê die saak is in geheel tussen die…

Die 17-jarige Kholo Montsi wag nog om te hoor of hy wel vir Suid-Afrika sal raketswaai in volgende naweek se Davisbekerwedstryd teen Bosnië en Herzegovina. Maar vir dié langbeen-tiener is dit reeds ’n plesier net om deel van die span te wees. Montsi is een van die vier Suid-Afrikaners wat besig is om in Zenica, noord van die hoofstad Sarajevo, voor te berei vir Saterdag en Sondag se kragmeting met die Bosniërs. Die wenner sal kwalifiseer vir Wêreldgroep I, terwyl die verloorder in Wêreldgroep II sal speel. Die dubbelspel-paar van Raven Klaasen en Ruan Roelofse sal sekerlik die geleentheid kry om voort te bou op hul wonder-like Davisbeker-rekord (saam het die duo tot dusver 7 dubbelswedstryde gewen en 1 verloor), terwyl Lloyd Harris as die nr. 1-enkelspeler sal aantree. Marcos…

Die Springbok-sewesspeler Zain Davids, wat al in sy rugbyloopbaan op stut, senter en flank uitgedraf het, glo dis die vele posisies waarin hy al gespeel het én die houe wat hy as klubrugbyspeler gekry het, wat hom gestaal het vir die harde werk van Blitsbok-rugby. Davids (23) is een van die Springbok-sewesspan se onbesonge helde. Hy is meer as tevrede om die donkiewerk te doen sodat sy agterspelers bewegings kan afrond om sodoende die Blitse gevreesde teenstanders op die sewesveld te maak. Maar so nou en dan sal Davids met sy bonkige lyf van 96 kg die verdedigers een vir een van hom laat afval en met sy bedrieglike spoed doellyn toe nael om drieë van sy eie te druk. So was dit ook die geval in sy hoërskoolloopbaan waar…

Cash van Rooyen se bona fides as nuwe afrigter van die Leeus is sterk in die kollig nadat die Leeus eergister nogmaals swak vertoon het in hul Super-wedstryd teen die Waratahs in Sydney. Die Suid-Afrikaanse span het met 17-29 die knie gebuig, maar dit was hul powere spel aan die begin wat baie vrae laat ontstaan oor Van Rooyen se posisie as breier in Superrugby. Net so erg as wat die pak slae vir die Leeus is, is die besering van sy losvoorspeler Vincent Tshituka. Boonop is die slot Ruben Schoeman dalk ook in die sop weens ’n voorval op die veld. Tshituka het ’n graad 3-verstui-ting van sy enkel en sal nie verder saam met die Leeus toer nie. Die span het nog nie ’n plaasvervanger gekies nie. Schoeman…

Ná vier weke van breëbors rondstap vir hul vroeë prestasies in vanjaar se Superrugby-reeks moes die Stormers gisteraand hul koppe in skaamte laat sak. Hulle is nie net deur die Blues in hul Superrugby-wedstryd geklop nie, maar ook verneder. En om met 14-33 op Nuweland teen ’n bra gemiddelde span te verloor, is ’n sielkundige knou. Die Stormers was selde al só futloos op hul tuisveld as in daardie eerste 20 minute. Hul gesukkel het sommer al in die eerste minuut begin toe Herschel Jantjies die bal regstreeks uitgeskop het. Met ’n rapsie meer as ’n kwart van die wedstryd verstreke, het die Kapenaars se skouers gehang en ’n dawerende stilte het oor Nuweland neergesak. Otere Black, die Blues se losskakel, het die bal toe al vir ’n vierde keer…

Jan Taks sê hy sal oor die volgende drie jaar deur beter belastingnakoming en ’n sterker administrasie meer inkomste insamel sonder dat daar veel aan belastingkoerse getorring word. Edward Kieswetter, kommissaris van die Suid-Afrikaanse Inkomstediens (SAID), sê as inkomste onder druk is, is die versoeking altyd om belastingkoerse te verhoog, want dit is die maklikste manier. “Van ons kant het ons besef om koerse nou te verhoog sal die ekonomie benadeel en nie tot hoër belastinginkomste lei nie. Suid-Afrikaners is onder druk. Die getal maatskappy-afleggings is nou reeds byna dubbel soveel as wat verlede jaar dié tyd aangeneem is.” Kieswetter was Vrydag deel van ’n paneel by ’n PwC-geleentheid in Johannesburg waar nabetragting oor Woensdag se begroting gehou is. Tito Mboweni, minister van finansies, het in sy begroting aangekondig nóg…

Die prys van Suid-Afrikaanse huishoudings se kruideniersware het in die afgelope drie jaar geleidelik toegeneem. Die skerpste toename was vir die prys van avokado’s – ’n uiters gewilde vrug vanweë sy veelsydigheid en voedingswaarde. Van Januarie 2017 tot Januarie 2020, het die prys met bykans 38% toegeneem, toon syfers wat Statistieke Suid-Afrika onlangs bekend gemaak het. Waar ’n enkele avokado in 2017 gemiddeld R13,08 gekos het, jaag dit verbruikers nou meer as R18 uit die sak. Wandile Shihlobo, landbou-ekonoom, skryf die uitvoer van avokadopere in 2019 was sowat 46% laer as in 2018, wat ’n rekord-oes van 169 243 ton gelewer het. Die oes van 101 377 ton in 2019 was laer, maar is steeds die derde hoogste aangetekende prys. Derek Donkin, uitvoerende hoof van die Suid-Afrikaanse Avokadokwekersvereniging, het aan…

GoIndustry DoveBid SA (GoIndustry) bied weer ’n massiewe eiendomsveiling namens sy jarelange kliënt Telkom aan, nadat hy 34 Telkom-eiendomme in November van die hand gesit het. Dié veiling gaan 53 eiendomme landwyd behels, wat erwe en landbougrond insluit. “Ons werk al sedert 2013 saam met Telkom en sien uit na nog ’n suksesvolle veiling,” sê Kim Faclier, besturende direkteur van eiendom by GoIndustry. Sy sê die veilingshuis het reeds nagenoeg 180 eiendomme in 20 veilings verkoop en miljoene rande in opbrengs vir Telkom gegenereer. Die eiendomme gaan aanlyn verkoop word via GoIndustry se gespesialiseerde aanlyn platform, wat ideaal is vir die behoeftes van bieërs van oor die land heen. “Die portefeulje is omvattend en sluit in dubbelverdiepinggeboue, geboue wat tans deur die Poskantoor beset word, erwe met enkelverdiepinggeboue, asook leë…

Gedurende die ontwikkelingsproses van Projek Dina, die dramareeks wat kykers op ’n Dinsdagaand vasgenael hou, het ons probeer om ’n reeks te skep wat die realiteite van die polisie, familielede, slagoffers en alledaagse Suid-Afrikaners ontleed; dit terwyl hulle verstrengel raak in die angswekkende scenario van die verdwyning van ’n geliefde. Akkuraatheid en die geleentheid om die publiek in te lig, was maar net ’n paar belangrike elemente. Twee konsultante, wat saam 22 jaar ondervinding in die verslaggewing en ondersoek van vermiste persone het, het deel gevorm van die ontwikkelingspan. Bianca van Aswegen, nasionale koördineerder vir vermiste kinders SA en ook ’n gekwalifiseerde kriminoloog, en dr. Marcel van der Watt, voormalige Valke-ondersoeker en sakebestuurder van die National Freedom Network (NFN), het gevallestudies verskaf om ons te help met die ontwikkeling van…

The Invisible Man. Met Elisabeth Moss en Aldis Hodge. Regisseur: Leigh Whannell. Hierdie skrikwekkende en vermaaklik-bekoorlike riller moenie verwar word met vorige reïnkarnasies van ’n onsigbare man wat as gevolg van foutiewe eksperimente onsigbaar word en dan in ’n monster verander nie. Dink maar aan die 1933-weergawe met Claude Raines, ’n TV-reeks in 1958, asook enkele ander minder treffende flieks daarna. Hulle het dieselfde storie gebruik, gewoonlik ’n mal wetenskaplike wat die kluts kwytraak, en dan met ’n geringe variasie vorendag kom. Leigh Whannell gebruik dieselfde prinsiep, maar gooi dan ’n paar gruwelike draaie wat die gehoor onverhoeds betrap en aan die storie ’n meer vreesaanjaende kinkel gee. En met Elisabeth Moss as die weerlose Cecilia, wat emosies soos weerloosheid en kragdadigheid so oortuigend kan onderspeel, kry die rolprent ’n…

Eureka-oomblik Daar is drie eienskappe wat liefs oor drie individue heen versprei moet word: ’n groot mond, onkunde en moedswilligheid. Tref jy hulle in kombinasie aan, soos by die altyd pronkerige hoogedelagbare professor doktor Joon Jansen, is dit ’n resep vir aanhoudend ’n gek van jouself maak. Ná ’n besoek aan Eureka Primêr in Elsiesrivier, het die twietende professor dit hierdie week oor die feit dat dit net arm skole soos Eureka is wat naby lughawens gebou word waar vliegtuie elke tien minute ’n onderwyser se les onderbreek. “Ek kan jul verseker,” preek die eerwaarde op twitter, “dat dit nooit sal gebeur by ’n middelklas-skool nie.” Toegegee, Eureka Primêr is inderdaad ’n skamele 2,6 km van die Kaapstad-lughawe se aanloopbaan, wat klasgee erg moet beduiwel, maar Pollux tel ten minste…

Die Neuhoff-vyfling, wat op skrikkeldag in 1980 gebore is, het gister saam hul 40ste verjaardag in Boksburg gevier. Dit was ’n dag van onthou van gesinsvakansies op Margate en speletjies op die landerye van hul ouers, Francois (74) en Lagé (70), se kleinhoewe aan die Oos-Rand. Maar Lagé onthou ook hoe sy destyds honderde doeke per week gebruik het vir haar span bulletjies. Die seuns is op 33 weke almal blakend gesond gebore. Lagé het darem die hulp gehad van haar dogter, Elizna (nou 44), én verpleegstudente wat die departement van gesondheid in die eerste sewe maande gestuur het om praktiese ervaring van babasorg by die Neuhoffs op te doen. “Dit was soos ’n fabriek se produksielyn. As ek gaan klere koop, het mense gedink ek koop vir ’n kleuterskool,”…

Die voorstel van Cosatu om R250 miljard uit pensioenfondse te gebruik om te keer dat Eskom ineenstort – en daarmee saam die land se ekonomie – sal op die ou end in een of ander gedaante aanvaar moet word. Dit was Vrydag die siening van Theo Venter, politieke kenner van die Noordwes-Universiteit (NWU) se sakeskool, in die eerste van die jaarlikse Rapport Regstreeks-gesprekke in die Brooklyn-teater in Pretoria. Prof. Raymond Parsons, ’n ekonomiese ontleder van die NWU se sakeskool, en Ebrahim Fakir, politieke ontleder en programdirekteur van die Auwal Sosio-ekonomiese Navorsingsinstituut, het breedweg met Venter saamgestem, maar ook oor die enorme risiko’s gewaarsku. Tito Mboweni, minister van finansies, het Woensdag voor sy begrotingsrede aan joernaliste gesê as pensioengeld aangewend word om Eskom by te staan, “moet dit almal van ons…

Die Wêreldgesondheidsorganisasie (WGO) het die hoogste waarskuwingsvlak uitgereik oor die risiko dat Covid-19 in ’n wêreldwye epidemie kan ontaard. Dit kom nadat die virus binne ’n paar weke na minstens 49 lande versprei het. Dr. Mike Ryan, uitvoerende direkteur van die WGO se noodgesondheidsprogramme, het Vrydag op ’n nuuskonferensie in Genève, Switserland, gesê: “Ons is op die hoogste waarskuwingsvlak en op die hoogste vlak van risikobepaling wat betref die verspreiding en die impak van die virus. Ons wil nie onnodig alarm maak of mense bang maak nie, maar die werklikheid is dat elke regering op die planeet moet wakker skrik en gereed maak vir die virus.” Hy het gesê wêreldleiers het steeds ’n kans om die virus binne hul landsgrense in bedwang te hou. “Dit is regtig nie ’n verskoning…

Die DA behoort prakties te wees en te verstaan terwyl almal na ’n nierassige Suid-Afrika streef, is ras steeds ’n groot faktor in mense se lewens, sê Mbali Ntuli, aspirant-DA-leier. “Ons moet verstaan dat die er-kenning van ras ons nie minder liberaal maak nie, maar eerder erkenning gee aan individue wat ras, geslag, kultuur, godsdiens en ander aspekte wat hul groepsidentiteit uitmaak, in ag mag neem,” het sy gister by College Rovers Rugbyklub in Durban gesê in haar veldtog om in Mei tot federale leier van die party verkies te word. John Moodey, wat gister besig was met stemwerwing vir drie tussenverkiesings in Johannesburg, het Maandag met sy veld-tog begin. Hulle ding mee teen John Steenhuisen, tussentydse leier. Ntuli het gesê Suid-Afrikaners verwag iets “vars en nuuts” van die DA.…

Tito Mboweni, minister van finansies, het vakbonde verlede jaar reeds amptelik by Nedlac meegedeel dat die regering salarisverhogings van staatsamptenare gaan verminder en nie die ooreengekome verhogings vir die derde en laaste jaar van die huidige salarisooreenkoms gaan nakom nie. ‘Dit was ’n bindende ooreenkoms.’ Mboweni het Donderdag in die parlement gesê sy begrotingsvoorstel dat die salarisrekening van staatsamptenare in die volgende drie jaar met R160 miljard besnoei word, was hoegenaamd geen verrassing vir die staatsdiensvakbonde nie. “Mense sê in die openbaar ander dinge as wat die werklikheid is. Maar ek het in die regerende alliansie die vakbonde hieroor vooraf ingelig. Ek het ook in Nedlac die arbeidskoukus daaroor ingelig,” het Mboweni gesê toe hy Donderdag gevra is of vakbonde sy voorstelle gaan aanvaar. Riefdah Ajam, hoofsekretaris van Fedusa, het…

Eers het Bouwer Bosch ná sy egskeiding sy seer hart uitgestort saam met die sangeres Lucinda Neethling. Nou het Bouwer se eksvrou, die aktrise Leandie du Randt, glo liefde gevind by Lucinda se eksman, Stephan Neethling. Leandie het in Januarie vanjaar ’n romantiese foto van haar en ’n donkerkopman op ’n strand in Mauritius op Instagram gelaai met ’n hartjie daarop en die woorde: “begin die jaar reg.” Kennisse van die twee egpare sê egter dié gelukkige man is toe al die tyd Stephan. Bouwer en Lucinda ‘albei deur moeilike tyd’. Hy is die mede-eienaar van ’n produksiemaatskappy, New Day Films. Stephan en Lucinda is in 2012 getroud maar sedertdien uitmekaar. Die verliefdes wil egter nie praat oor hul ver houding nie. Leandie het glad nie Rapport se oproepe oor…

’NInwoner van ’n landgoed in Pretoria-Oos moet sy tuinmuur afbreek omdat hy dit bo-op Rand Water se pypleiding gebou het wat water aan 11 woonbuurte voorsien. Rand Water sê die muur, wat al ’n paar jaar lank daar staan, stel mense se lewe in gevaar. As die ou staalpyp daaronder bars, sal dit ’n groot vloed tot gevolg hê. Die waterraad het Maandag ’n hofbevel teen Njeza Ntleki van die Savannah Country Estate gekry. Die hooggeregshof in Pretoria het Ntleki beveel om dié onwettige muur binne 45 dae op eie onkoste af te breek. Dit is op ’n serwituut wat in Rand Water se naam geregistreer is, gebou. Die muur verhinder ook die lê van ’n nuwe pypleiding parallel aan die bestaande een. As Ntleki dit nie afbreek nie, moet…

36 jaar gelede het ’n pa op ’n leë huis afgekom toe hy sy drie maande oue babaseuntjie wou besoek. Verlede naweek het Swannie Swanepoel (nou 57) en sy seun Conrad Louw (36) mekaar die eerste keer weer in lewende lywe gesien. Swanepoel se dogter, Mariska de Beer (25), het haar halfbroer danksy Facebook opgespoor. Louw se ma, wat vroeër aan Swanepoel verloof was, het in 1983 met die baba verdwyn. Swanepoel kon hulle nie op-spoor nie en is hof toe om steeds onderhoud vir sy seun te betaal. Hofbeamptes het ook nie ’n nuwe adres gehad nie en hy is versoek om die betalings te staak. Swanepoel was gebroke. Hy het gereeld gebid en gevra vir ’n ontmoeting. “36 jaar lank weet jy nie hoe dit met jou kind…

In die oomblikke nadat Mignon du Preez verlede Sondag die voorlaaste spyker in Engeland se doodskis geslaan het, het sy op een knie bly huiwer en ’n gebed opgestuur na die hemele. Daar het pas ’n sierlike ses van haar kolf gerol – ’n ses wat haar en haar spanmaats ’n enkele lo-pie weg daarvan geplaas het om Engeland vir die eerste keer nog by ’n Wêreldbeker-toernooi te verslaan, met drie balle oor. En dit was in Du Preez se hande om dit te laat gebeur – in haar honderdste T20-wedstryd vir Suid-Afrika. “Almal wat my ken, weet hoe belangrik my geloof vir my is en dat ek glo my krag kom van God. Alles wat ek het, is deur hom. So in daardie paar sekondes het ek stil geraak…

Andy Birkett en Khumbulani Nzimande moes gister met die tiektok van ’n denkbeeldige stophorlosie in hul koppe langs die Umgenirivier stop en water uit hul kano skep, maar dié beslommernis kon hulle uiteindelik nie van die Dusi-titel weerhou nie. Birkett het sy tiende en Nzimande sy eerste Dusi-sukses gesmaak nadat hulle die driedaagse kano-marathon met ’n algehele tyd van 7 uur, 53 minute en 3 sekondes voltooi het. Dit was byna twee minute vinniger as die 7:54:51 waarmee Thulani Mbanjwa en Sbonelo Khwela die tweede plek behaal het. Birkett en Nzimande het die dag begin met ’n gerieflike kussing van meer as twee minute, ná seges in albei die marathon se eerste skofte, en daardie voorsprong in die vroeë stadium van die derde skof selfs meer gerek. Maar op die…

Die Proteas moet met die oog op die T20-Wêreldbekertoernooi later vanjaar volhard met die spelers wat hulle tans tot hul beskikking het, ondanks die reeksnederlae wat hulle teen Engeland en Australië gely het. Met Suid-Afrika wat sowat tien blitswedstryde oor het voor die Wêreldbekertoernooi later vanjaar in Australië begin, glo die voormalige Proteas Omar Henry en Boeta Dippenaar ’n skielike verandering kan dinge net vererger. Die Proteas het die reeks teen Engeland naelskraap met 1-2 verloor, voordat die span se dun en wisselvallige kolf- en boulwerk aan die kaak gestel is deur Australië. Die Aussies het hulle vir onderskeidelik 89 en 96 lopies in die wedstryde in Johannesburg en Kaapstad uitgeboul, sodat Suid-Afrika ook dié reeks met 1-2 verloor het. Volgens Henry het hy ondanks die twee reeksnederlae verbetering onder…

As jy drie van jou vier toerwedstryde wen, selfs al lol jou dissipline en sukkel jy met vaste fasette en is so onbetroubaar soos ’n ANC-lid, kan jy gerus trots voel. Die Haaie is gister in Brisbane wel aangehelp deur ’n Reds-span so oninspirerend soos ’n Dirk van der Westhuizen-sokkietreffer. Maar Sean Everitt, die Haaie se afrigter, kan met reg ’n baie tevrede man wees. Die toer is met ’n oorwinning van 33-23 afgesluit en nou speel die Haaie die oorgrote meerderheid van hul oorblywende Superrugby-wedstryde in Durban. Everitt sal daarom voel ’n plek in die uitspeelrondes wink. ’n Paar haakplekke moet egter eers uitgestryk word voordat hulle hulself as realistiese titel-aanspraakmakers kan beskou. Die Haaie se vaste skrums het in die eerste helfte gelol, hul lynstane was weer temperamenteel,…

Suid-Afrikaners kan ’n skaarsste aan grondbone, komberse, verwarmers en elektroniese toerusting ondervind weens die uitwerking van die Covid-19-virus. Boonop sê die plaaslike kreef-, toerisme- en boubedrywe hulle is reeds ’n slag toegedien weens reis- en ander beperkings om die verspreiding van die virus te bekamp. Woolworths het die afgelope week gewaarsku daar kan binne twee weke ’n tekort aan sekere ingevoerde voorraad wees omdat Chinese fabrieke gesluit is. Shop-rite het ook laat blyk hy sukkel om komberse en verwarmers in te voer, berig Business Insider South Africa. Trade Map-data wys 53% van elektriese masjinerie en toerusting en televisiestelle wat Suid-Afrika invoer, kom van China, asook meer as 70% van gebreide materiaal. Die Wêreldbank sê China se aandeel in wêreldwye vervaardiging het van sowat 5% in 1995 toegeneem tot die huidige…

McConnell Dowell, ’n filiaal van die Suid-Afrikaanse konstruksiegroep Aveng, plaas hier ’n spoorwegbrug van 2 500 ton, wat vooraf aanmekaar gesit is, in posisie oor ’n besige pad in Penrith, ’n stad in Nieu-Suid-Wallis in Australië. Dit is gedoen kort ná die aftakeling van die ou brug ten einde die ontwrigting van spoor- en  padvervoer tot die minimum te beperk. Aveng het die afgelope week ’n bedryfswins van R14 miljoen gerapporteer vir die ses maande tot einde Desember. Dit is aansienlik beter as die verlies van R484 miljoen in die vorige vergelykbare tydperk. Die groep se aandeelprys op die JSE is onveranderd op 2c per aandeel.…

Jy kan deesdae kies om jou motor oor 96 maande – ’n volle agt jaar – af te betaal pleks van die gebruiklike 72 maande. Dit beteken jou paaiement is aansienlik laer. Vir baie verbruikers wat swaar trek in die huidige ekonomiese klimaat, is dít die enigste manier om ’n nuwe motor te ry én by te bly by stygende voertuigpaaiemente. Maar onthou, jy betaal vir die maandelikse “besparing” wat jy bewimpel deur jou motor oor 96 maande, eerder as 72, af te betaal, sê Ghana Msibi, hoof van voertuigfinansiering by Wesbank. Hoe langer die termyn, hoe laer die maandelikse paaiement, maar hoe hoër die uiteindelike rentebetaling aan die bank of voertuigfinansier, verduidelik hy. Faisal Mkhize, bestuurshoof vir voertuigfinansiering by Absa, sê ’n langer leningsooreenkoms beteken wel ’n kleiner maandelikse…

Terwyl die Covid-19-virus aanhou om wêreldwyd te versprei en 11 dorpies in die noorde van Italië in kwarantyn geplaas is, het verskeie lugrederye nou strenger maatreëls ingestel. Nader aan Suid-Afrika het Air Mauritius alle vlugte na en van Sjanghai en Hongkong gestaak. Hulle verbied ook enige mense wat die afgelope 14 dae in China was op al hul vlugte. Hierdie mense word ook by al Mauritius se grensposte uitgesonder en vir 14 dae in kwarantyn geplaas in die Souillac-hospitaal aan die suidekant van die eiland of die Anse La Raie-hospitaal aan die noordekant. Italianers van die provinsies Lombardye, Veneto en Emilia-Romagna, waar die siekte in Italië uitgebreek het, mag ook nie Mauritius besoek nie. Dieselfde geld mense uit Suid-Korea, waar 1 766 gevalle van Covid-19 teen Donderdag al bevestig was.…

Die oudjoernalis, romansier en voormalige uitvoerende hoof en stigter van die Mandela Rhodes-stigting, Shaun Johnson, is in Kaapstad oorlede. Hy was 60. Die oorsaak van sy dood was ’n skeur in sy slukderm. Sy vriendskap met oudpres. Nelson Mandela, gesmee toe Johnson nog ’n joernalis was, het uiteindelik gelei tot die totstandkoming van die Mandela Rhodes-stigting wat studente met ruim beurse na die Universiteit van Oxford stuur. Volgens die voormalige hoof van Independent Newspapers in Suid-Afrika, die Ier Ivan Fallon, het die Oppenheimer-gesin die grasieuse gebou in die middestad van Kaapstad aan hulle geskenk. Een van Johnson se geliefde stories was toe hy vir Mandela die gebou vir die eerste keer gewys het, het die reeds bejaarde staatsman in die voorportaal by die bronsstandbeeld van Cecil John Rhodes gaan stilstaan.…

’n Rowwe partytjie in Italië het glo bygedra om die spieël te laat breek tussen Boer soek ’n vrou se Graham Lombard en Ilne Prinsloo. Dié gewilde paartjie, wat verlede jaar in die realiteitsreeks op kykNET liefde gevind het, het dié week aangekondig hul verhouding is verby – net twee weke nadat Ilne ’n foto met die wêreld gedeel het waar hulle op die oog af verlief by ’n kwekery kuier. Maar dit blyk nou dat die liefdesbootjie toe reeds in storm-water was. Graham was glo in Desember saam met ’n paar pêlle op vakansie in Europa terwyl Ilne by sy ouers op die plaas in Cradock gekuier het. Daar was dinge wat ons albei gepla het. In Italië het dit egter lekker rof geraak en ’n video van gebeure…

’NPlaaswerker en haar minnaar word daarvan beskuldig dat hulle hul werkgewer – met wie sy na bewering ’n verhouding gehad het – op sy plaas in die Ficksburg-omgewing in die Oos-Vrystaat vermoor het. Barry Baars is twee jaar gelede op sy plaas vermoor. Sy aanvaller(s) het hom vyf keer met ’n pistool geskiet, onder meer in die gesig en tussen sy bene. Die 40-jarige Angelina (Angie) Nthabiseng Ledwaba, wat na bewering ’n jare lange seksuele verhouding met Baars gehad het, en haar saamwoon-minnaar, Abel Eric Phalatsi (32), het Dinsdag in die distrikshof in Ficksburg verskyn. Saam met hulle in die beskuldigdebank was Thabiso Johannes Motaung (45), skynbaar nog ’n voormalige minnaar van Ledwaba, en Mpho Daniel Hlalele (37). Hlalele was voorheen die motorbestuurder en persoonlike lyfwag van die speaker van…

D it sou “geldmors” wees om ’n 86-jarige alzheimerlyer met druksere dokter toe te neem, daarom het die eienaar van ’n ongeregistreerde versorgingsoord die weefsel self weggesny en met peroksied behandel. Die eienaar, Bronwen Thiart, het ook ’n ander pasiënt se morfien aan Hester (Babsie) Blignaut toegedien. Thiart se hond het op die bed gespring en aan Blignaut se wonde geruik. So sê Susan Bartholomew, wat haar “geweldig getraumatiseerde” ma op 29 Augustus verlede jaar uit Riversyde Manor in Groot Brakrivier gehaal het. Op 16 September is Blignaut aan septisemie dood. Die versorgingsoord is intussen ná ’n ondersoek deur die departement van maatskaplike ontwikkeling gesluit. Thiart moet al die pasiënte teen 9 Maart na ander fasiliteite in die omgewing uitplaas. “Ons plaas nou 15 oues uit na ander fasiliteite,” het…

Inwoners van al nege provinsies tel onder die slagoffers van die regering se besuinigingsmaatreëls wat in die 2020-begroting aangekondig is. Tito Mboweni, minister van finansies, het in sy begrotingsrede Woensdag gesê die totale toewysings aan provinsies verminder hierdie jaar met altesame R7,2 miljard. Dit bestaan uit ’n vermindering van R2,3 miljard in die pro ratatoewysings en ’n daling van R4,9 miljard in die voorwaardelike toewysings. Weens dié besuiniging sal belangrike behuisingsprojekte met R2,3 miljard minder as die vorige jaar oor die weg moet kom, padinstandhouding is R500 miljoen slegter daaraan toe, gesondheidsdienste kry R459 miljoen minder en selfs besteding aan infrastruktuur by skole neem met R459 miljoen af. Meer as 80% van sentrale staatsbesteding aan provinsies word gedoen deur middel van pro ratatoewysings, wat bepaal word deur ’n formule wat…

Dit het alles as ’n grap begin en nou is Chané Grobler (20) benoem vir die Nickelodeon Kids’ Choice Awards. Met haar 1,8 miljoen volgelinge op die sosialemediaplatform Tik-Tok is Chané een van Suid-Afrika se grootste kubersterre. Twee Suid-Afrikaners is benoem vir die Afrika- sosiale ster-kategorie: Chané en Prev Reddy (24), ’n komediant van Durban. TikTok kan gebruik word om kort video’s te skep en te deel. Chané was nog op skool in 2018, toe trek haar volgelinge al in die honderdduisende. Sy het nie mooi besef wat haar tref nie totdat haar maats begin sê het sy is nou beroemd. En toe begin maatskappye en kunstenaars haar kontak om te vra om hul produkte of musiek in haar video’s te bemark. Op die video’s wys Chané haar danspassies op…

Prof. Frederick Fourie, oudrektor van die Universiteit van die Vrystaat, se 58 jaar oue tjello wat verlede jaar in Bloemfontein gesteel en swart geverf is, gaan tot sy volle glorie herstel word. Die saak teen die vermeende tjellodief, Xabiso Ndleneni, is dié week van die hofrol geskrap, maar hy is intussen weer gedagvaar om in die hof te verskyn. ’n Pretoriase deskundige, Hannes Jacobs, herstel nou die tjello. “Ek is al ’n week lank besig om die verf af te haal. Daar is ook ’n erge kraak en ’n paar kleiner krakies wat herstel moet word.” Hy sê dit sal tussen een en twee maande se werk verg, maar die instrument “behoort 100% reg te wees” as hy klaar is. Phaladi Shuping, woordvoerder van die nasionale vervolgingsgesag, het aan Rapport…

Amper die helfte van die wedvlugduiwe wat vandeesmaand in die Noord-Kaap weggespring het vir die Miljoen Dollar-duiwewedvlug het nooit by die eindpunt in Sasolburg uitgekom nie. Dit is olie op die vuur van die Nasionale Dierebeskermingsvereniging (NDBV) se veldtog om wedvlugte soos dié te keer. ’n Maand nadat die duiwe weggespring het, is net 690 van die 1 548 deelnemers (44%) terug in hul hokke. Dis heelwat minder as verlede jaar se 58% en die vorige jaar se 64%. Maar die organiseerders van die wedvlug sê die NDBV is onnodig bekommerd. Die kans is goed dat die duiwe maar net langs die pad by wilde swerms aansluit, sê Michael Holt, resiesdirekteur van die Miljoen Dollar-wedvlug. Daar is ook mense wat wedvlugduiwe langs die pad “steel” deur te maak asof hulle…

Die omstrede Chinese swemmer Sun Yang is Vrydag vir agt jaar geskors weens ’n bisarre onderonsie met opkikker-beamptes in 2018 – en Chad le Clos meen geregtigheid het geseëvier. Maar ook maar net deels. Vir Le Clos moet daar nog een ding gebeur voordat hy tevrede sal wees met hoe Yang gestraf is: Die Chinees moet van al sy medaljes sedert 2014 gestroop word, insluitend die goue wat hy by die Olimpiese Spele van 2016 voor Le Clos weggeraap het. ‘Jy moor generasies deur nie verneukers te straf.’ Die Internasionale Sportarbitrasiehof (Cas) het Vrydag ten gunste van die Wêreldagentskap teen Verbode Middels (Wada) beslis in hul appèl teen Fina (internasionale swem se moederliggaam) se besluit om Yang nie in 2018 te straf nie. Cas het besluit om Yang vir agt…

Kobus van Wyk, die oud-veelsydige agterspeler van die Stormers en Haaie, sal sy sensasionele Superrugby-buiging vir die Hurricanes nog lank onthou. Dit was die 28-jarige Van Wyk, wat ’n tyd lank beseer was, se eerste verskyning in ’n Hurricanes-trui nadat hy aan die begin van die seisoen na Nieu-Seeland verhuis het. Van Wyk, wat nege drieë in 30 wedstryde vir die Stormers en 11 vir die Haaie in 32 Super-wedstryde gedruk het, het gister in Napier ’n driekuns aan drieë behaal. Dit het die vonk aan die Hurricanes verskaf om die Sun-wolves met 62-15 te vergruis. Van Wyk, wat senter gespeel het, het sy eerste twee drieë binne 30 minute gedruk en in die tweede helfte die kersie op die koek met sy driekuns geplaas. Dié bonuspunt-oorwinning plaas die Hurricanes…

Die Bulle is nou amptelik die vrotste span in Super-rugby. Nadat die Jaguares die Bulle op Loftus Versfeld hul vierde nederlaag op ’n streep toegedien het, is die Pretorianers nou welverdiend heel laaste op die algehele puntelys. Te oordeel aan die besoekers se gerieflike oorheersing van 39-24, kan die 2020-oesjaar nog ’n baie suur fiasko vir die Bulle word. Dit is seker nog te vroeg om die kleed van ’n doemprofeet aan te trek, maar ná dié nederlaag begin die visioene van die Bulle se maer jare in die vroeë 2000’s op Loftus loop. Nogmaals was daar nie ’n gebrek aan toewyding en geesdrif in Bulle-geledere nie. Maar jy het meer nodig om ’n span van dié kaliber te troef. Die Bulle het drie uitstekende drieë gedruk – en ongelukkig…

Sien wat gebeur as die Proteas met die kolf, die bal én in die veld hul beste voetjie voorsit? Suid-Afrika het die eendagreeks teen Australië gister op die beste moontlike noot begin, met ’n oortuigende sege van 74 lopies vol heldhaftigheid. Australië, wat 292 vir die oorwinning moes aanteken, is vir 217 uitgeboul. Met twee van hul top-4-kolwers, Janneman Malan en Kyle Verreyne, wat hul buigings gemaak het, het dié Protea-span op papier ’n groenerige skynsel gehad, maar uiteindelik het nóg ’n relatiewe groentjie, Heinrich Klaasen, gewys internasionale ervaring is nie alles nie. Die 28-jarige Klaasen het vir net die 15de keer vir die Proteas eendagkrieket gespeel, maar Australië se geduld getoets met ’n hardebaard-beurt van 123* (114 balle; 7x4, 3x6). Hy het ingestap op 48/3 met die Proteas wankelend.…

Duane Vermeulen word weer ’n Bul. Rapport kan vandag onthul dat die Springbok-agtsteman die afgelope week ’n kontrak met die Blou Bulle Maatskappy (BBM) gesluit het en vanaf 1 Junie weer vir die Pretoriase span beskikbaar sal wees. Vermeulen – ’n yster in die Springbokke se Wêreldbekerwenspan en wat ook as die Speler van die Wedstryd in verlede jaar se Wêreldbekereindstryd aangewys is – is ’n groot aanwins vir die Bulle. Hy het in 2019 vir die Bulle in die Super-rugby-reeks uitgedraf, maar speel tans vir die Japanse klub Kubota Spears. Volgens Rapport se inligting wil Vermeulen terug Suid-Afrika toe keer om by sy vrou, Ezel, en sy twee seuns te wees. Die deurbraak om hom te werf, het dié week gekom toe Vermeulen ’n gesamentlike aanbod van die BBM…

Anders as wat Suid-Afrikaanse supermarkte en voorstanders van plantgebaseerde diëte verbruikers wil laat glo, is veganisme nie besig om die oorhand te kry nie. Daarvoor eet Suid-Afrikaners nog te fluks vleis. Luidens die Buro vir Voedsel- en Landboubeleid (BFAP) se jongste syfers het die totale verbruik van varkvleis, hoender, beesvleis en eiers van 2008-’09 tot 2017-’18 toegeneem. In die geval van vark en hoender is dubbelsyfer-groei aangeteken. Slegs die verbruik van skaapvleis het oor dié tydperk afgeneem. Die supermark-reuse Pick n Pay en Checkers sê daar is wel ’n stewige toe-name in die vraag na veganistiese en plantgebaseerde kos en daarom het hulle hul aanbod daarvan uitgebrei. Pick n Pay het in die afgelope ses maande sy produkreeks uitgebrei met items soos suiwelvrye kaas, kitsmaaltye soos herderspastei vir veganiste, Thaigroentekerrie…

Die regering vorder jaarliks meer as R7 miljard in deur BTW en aksynsbelasting op wyn en brandewyn, maar gee nie die nodige geldelike en bemarkingsondersteuning aan produsente nie, sê die wynbedryf se uitvoerliggaam WoSA (Wines of South Africa). Hoewel die departement van handel en nywerheid (DTI) gereeld wynprodusente uitnooi om handelskoue as deel van die afvaardiging by te woon, sê WoSA dié soort inisiatiewe is dikwels nie gerig op die uitvoermarkte wat WoSA geïdentifiseer het nie. ‘WoSA is ingestel op waarde eerder as volume.’ Voorts kry die bedryf jaarliks slegs ’n R1 miljoentoewysing van die departement en is hulp en steun met uitvoer be-perk en gekoppel aan baie streng voorwaardes. Die DTI en sakelui het in Februarie ’n reuse-handelskou in Moskou bygewoon. WoSA is egter nie oortuig daarvan dat die…

Die afgelope week het die wêreldbekende Rio Karnaval in Rio de Janeiro, Brasilië, weer plaasgevind. Dis ’n fees wat gevier word in die laaste paar dae voor die Christenfees Aswoensdag, die dag waarop die vastydperk voor die Pase begin. Sowat 500 000 besoekers stroom jaarliks na dié stad vir hierdie viering. Daar is egter net plek vir 90 000 mense by die amptelike optog in die Sambadromo en die res woon straatpartytjies oor die hele stad heen by.…

Wat’s in ’n naam? Wel, Willem Wikkelspies sal jou vertel. As jou naam Romeo is, en jou van Montague, moet Juliet Capulet jou liefs nie liefhê nie. Vergeet bowenal van trou. Dit kan ’n familietragedie ontlok. Volkswagen het hierdie soort kloof tussen naam en die realiteit met hul Amerikaanse toetrede in 1949 ervaar. Eerstens was die Tipe 1, later as die Kewer bekend, ’n klein motortjie met ’n skilpadvorm, terwyl Amerikaners van groot, swaar padskepe gehou het. Tweedens was die VSA ’n halwe dekade vantevore nog in ’n bloedige oorlog met Duitsland gewikkel. Om die wond vol sout te vryf had die nimlike Volksie ’n historiese verbintenis met Hitler homselwers. Om onder sulke omstandighede die Tipe 1 as ’n Victory Wagon te bemark, is onsinnig. In sy eerste jaar op…

Hoekom het jy die twiet verwyder? As mense nie onaangename ekonomiese waarhede wil hoor nie, reageer hulle deur jou persoonlik te beledig. Jy’t wel voorspel jy verwag “howling of outrage”? Ek het, maar daar was binne minute soveel twiets, jy weet nie hoeveel van die mense is werklik of bots nie. Ek het besluit ek sal nie ekonomiese beleid op Twitter kan beïnvloed nie, ek sal eerder ’n artikel skryf. Of het jy die twiet verwyder ná reaksies soos: Dis ’n hartseer dag vir Sygniaannuïteitshouers? Nee, dis oor die persoonlike aanvalle op my. Hoe gaan gewone middelklasmense so ’n belasting bekostig? ’n Mens word gedwing om die beste uit ’n klomp aaklige opsies te kies. Sê een van die rykste vroue in Suid-Afrika? Wat die meeste belasting betaal. Ek kyk…