Rapport12/8/2019的目錄

Meer as die helfte van ’n bakkievrag eksotiese voëls ter waarde van R800 000 wat die afgelope week in ’n kaping op die N1 naby Johannesburg gesteel is, is teruggevind. Mike Bolhuis, Pretoriase private speurder, het daarin geslaag om 81 African Grey-papegaaie en agt blouborsparkiete (blue-fronted Amazons) op die swartmark terug te koop. “Dié voëls is van beter gehalte en vir die uitvoermark bestem – en heelwat duurder as sommer gewone papegaaie. Hulle was byvoorbeeld 21 dae lank onder kwarantyn voordat hulle sou gevlieg het,” sê Bolhuis. Die voëls was deel van ’n vrag van 134 voëls, wat 124 African Greys, nege blouborsparkiete en ’n medium geelkuif-kokketiel ingesluit het, wat Maandag onderweg na die O.R. Tambo-lughawe gekaap is deur booswigte wat hulle as polisielede voorgedoen het. Die voëls sou uitgevoer…

Die Universiteit van Pretoria (UP) het ’n vermeende verkragter toegelaat om terug te trek na die losieshuis vir rugbyspelers op sy Hillcrest-kampus nadat die speler en die universiteit ooreengekom het dat sy skorsingsmaatreëls té drakonies is. Die UP het die semiprofessionele rugbyspeler, wat ’n tweedejaarstudent is, aanvanklik in September uit die Tuks-rugbyhuis geskop nadat ’n argitektuurstudent beweer het hy het haar in dié huis verkrag. Die UP het destyds in ’n brief aan die rugbyspeler gesê sy beweerde oortreding “stel ernstige wangedrag daar”. Die brief gaan voort om te sê daar is prima facie-getuienis dat hy op 9 September “onwettig en opsetlik ’n student seksueel aangerand en/of seksueel geteister het”. Daarom is hy tydelik die universiteit se persele en geriewe verbied tot sy tugverhoor afgehandel is. Maar die UP het…

Skadevergoeding van sowat R2 miljoen is aan ’n jong vrou van Driefontein in Limpopo toegeken omdat haar voet ná haar geboorte in ’n staatshospitaal deur ’n drupnaald vermink is. Nthabiseng Kekana, wat pas 20 jaar oud geword het, het in haar skadevergoedingseis in die hooggeregshof in Pretoria gesê sy kan nie vir potensiële aanvallers en rowers vlug of eens uit die pad van aankomende verkeer kom nie, want haar regterbeen sal nooit normaal wees nie. Sy word in “potensieel gevaarlike situasies geplaas” omdat nie albei haar bene normaal is nie en is “verdoem tot ’n lewe van voetmisvormdheid”. Kekana het haar skoolloopbaan deur met dié voet skool toe gestap. Maar wanneer dit gepyn of gebloei het, het sy by die huis gebly. Die hof het die departement van gesondheid in…

Selfs ouers kan voortaan tronkstraf of boetes opgelê word as hulle op sosiale media of in die openbaar vertel hoe hul kinders slagoffers van misdaad was. Die konstitusionele hof het Woensdag verreikende veranderinge aan die Strafproseswet beveel om minderjarige slagoffers van misdaad te beskerm, maar regskenners krap nog kop oor die moontlike onbedoelde gevolge van dié verandering. Gereelde voorbeelde op sosiale media is videomateriaal van kinders. Die Strafproseswet het tot Woensdag bepaal dat geen minderjarige beskuldigde of getuie in ’n hofsaak deur enigiemand geïdentifiseer mag word nie. Die hof het nou “slagoffers van misdaad” ook by die lys gevoeg. Verder het die hof bepaal dat dié verbod vir ewig duur en nie meer verval wanneer die minderjarige 18 word nie. Die volwassene mag wel self toestemming gee om geïdentifiseer te…

Skelms by ’n koringmeule in Pretoria het nou al só voorbarig geword dat hulle diesel, batterye en koperkabels van vragmotors steel terwyl die bestuurders wag om hul vrag af te laai. Die situasie het só handuit geruk dat RCL Foods se meule in Pretoria (Ruto Mills) wagte moes aanstel wat die gebied waar die vragmotors wag om hul vrag af te laai, met honde patrolleer. Hulle moes dit doen omdat vragmotorbestuurders magteloos is om self op te tree. Konfronteer hulle die boewe, word hulle met pangas en vuurwapens gedreig en teruggedwing in hul kajuit. Die misdaadvlaag het tot gevolg dat baie vervoerkontrakteurs nou weier om koring by Ruto Mills in Pretoria-Wes af te laai. Boonop sê vervoermaatskappye hul vragmotors is maklike prooi omdat hulle tot 24 uur voor die hekke…

Knowledge (9) van Inanda in Kwa-Zulu-Natal is een van talle leerlinge wat individueel vereer is vir hul bydrae tot herwinning in Suid-Afrika. Hy is ’n leerling by die Eqinisweni Primary School, wat die toplaerskool was in Coca-Cola Beverages South Africa (CCBSA) se 2019-her-winningskompetisie vir skole. Leerlinge van laerskole wat die Eco Warriors-pryse gekry het, het elkeen ’n tablet ontvang. Hoërskoolleerlinge wat as Eco Warriors verhoog toe geroep is, het elkeen ’n rugsak met ’n sonpaneel gekry waarmee hulle byvoorbeeld hul selfone kan laai. Knowledge sê hy en sy ma tel vullis op waar hulle woon sodat hulle dit vir die skool se herwinningsprogram kan gee. Hy het twee groot ambisies (vir eers). Dat meer kinders in Suid-Afrika vullis moet optel en om ’n soldaat te word wanneer hy eendag groot…

’n Vergadering waar werkers van die Raad op Eiendomsagente (EAAB) griewe oor hul omstrede hoof wou bespreek, het ontspoor toe haar man met ’n vuurwapen daar ingestorm het. Verteenwoordigers van die vakbond Nehawu en werkers van die EAAB wou Donderdag by die reguleerder se kantore in Sandton vergader met Mamodupi Mohlala-Mulaudzi, die omstrede uitvoerende hoof. Sy is ook ’n vooraanstaande prokureur en adjunkvoorsitter van die SAUK-raad. Volgens WhatsApp-boodskappe van EAAB-personeel wat Rapport gesien het, het die uitvoerende hoof se man, die sakeman Lawrence Mulaudzi, by die vertrek ingestorm sonder dat hy as besoeker by die gebou ingeteken het. “Dis wat ons uitvoerende hoof nou doen. Sy gebruik haar man om ons te dreig dat ons nie met die vakbond kan bespreek hoe ons oor haar voel nie,” lui een WhatsAppboodskap.…

Die tyd vir krieketliefhebbers om paniekerig te wees, is nou eers verby. Dit was gister die boodskap waarmee Dave Richardson, voormalige Protea-paaltjiewagter en IKR-grootbaas, probeer het om gemoedere te kalmeer nadat Krieket Suid-Afrika (KSA) aangekondig het hy sal die Titans-ringkop Jacques Faul oor die volgende ses maande help met SA krieket se Operasie Regruk. Die KSA-president, Chris Nenzani, het op ’n nuuskonferensie in Johannesburg gesê Faul sal in ’n waarnemende hoedanigheid optree as uitvoerende hoof, in die plek van die geskorste Thabang Moroe. Richardson sal hom in ’n konsulterende hoedanigheid bystaan nadat hy aangedui het hy is nie op ’n punt in sy le-we waar hy ’n heeltydse posisie soek nie. Hy is nou vir net meer as ’n maand terug in Suid-Afrika nadat hy sewe jaar lank die uitvoerende…

Eskom, wat die afgelope week weer met fase 4-beurtkrag die land in donkerte gehul het, het pas aansoek gedoen om nóg R27 miljard uit verbruikers te kry. Die nasionale energiereguleerder (Nersa) het Eskom se nuutste aansoek vir kommentaar gepubliseer. Daarin sê Eskom hy is met dié bedrag in 2018-’19 ingeloop en wil daarom R27 miljard meer in kragtariewe insamel. Die land het 418,5 uur in die boekjaar beurtkrag gehad. Eskom het nagenoeg R762 miljoen daardeur verloor. Hoewel Eskom in sy aansoek voorstel dat wat Nersa ook al toestaan, volgende jaar en die jaar daarna by kragtariewe gevoeg word, sal Nersa se besluit waarskynlik te laat wees om 2020 se tariefverhoging te beïnvloed. As Eskom egter die vol-le R27,2 miljard kry en dit word oor twee jaar ingestel, kan dit beteken…

Met verlede jaar se onderhandelinge oor die Mynbouhandves het vakbonde hulle beywer vir werknemerverteenwoordiging in maatskappydireksies, en ’n klousule wat daarvoor voorsiening sou maak, is in die konsephandves ingevoeg. Dié klousule is ter elfder ure op aandrang van die Mineraleraad van Suid-Afrika (MRSA) geskrap. Dit dui op die robuuste aard van arbeidsverhoudinge – maar ook gebrekkige samewerking en vertroue. Die departement van minerale bronne was self ongemaklik met die klousule weens die fidusiêre verpligtinge wat dit op werknemerverteenwoordigers sou plaas. Vroeër vanjaar, op die Afrika-mynbou-indaba, het pres. Cyril Ramaphosa mynhuise uitgedaag om die moed van hul oortuiging te hê om werknemers sitting in hul direksies te gee. In reaksie het Mxolisi Mgojo, MRSA-president, op die Mineraleraad se algemene jaarvergadering in Mei beaam dat ’n volwasse verhouding tussen werkgewers en vakbonde…

Die vleisbedryf is verder geknou toe die regering Woensdag ’n landwye verbod op alle veilings en skoue van diere met gesplete hoewe ingestel het. Tot nou was die verbod net in Limpopo, Gauteng, Mpumalanga en Noordwes van krag. Rolspelers in die bedryf verwelkom dié verbod as voorsorgmaatreël omdat enige verdere verspreiding van bek-enklouseer die hele bedryf kan knak. Bek-en-klouseer is hoogs aansteeklik en kom voor onder diere met gesplete hoewe soos beeste, bokke, varke en skape. In die jongste uitbreking, in November in Limpopo, is 11 persele met gevalle al geïdentifiseer. Die departement van landbou sê al die gevalle hou verband met beeste wat op veilings was – vandaar die verbod. Al die persele en aanliggende gebiede is onder kwarantyn geplaas. Geen dier mag van of deur dié gebiede vervoer…

Suid-Afrikaners sal na verwagting oor vanjaar se feestyd 24% meer bestee aan geskenke, vakansies, vermaak, kos en drank as in ’n gewone maand. Net een uit drie beplan om te reis. Dit sal ’n bykomende inspuiting van R254 miljard in die ekonomie meebring, maar hou ook risiko’s in vir individue se persoonlike geldsake. Die korttermyn-uitlener Wonga het ’n peiling gedoen onder sowat 6 000 werkende Suid-Afrikaners wat elk na verwagting gemiddeld R6 585 – wat 46% van hul netto inkomste is – hierdie somer sal bestee. Dit is bo en behalwe hul ander begrote uitgawes. Die peiling wys voorts dat meer as ’n driekwart van Suid-Afrikaners vanjaar meer sal bestee in die feestyd. Kos en drank sal sowat 37% – of gemiddeld R2 430 – van hul totale besteding oor…

■ Piket-Bo-Berg Cycle Challenge & Trail Run is vanjaar vir die 10de keer gehou. Daar is ’n fietsren oor 12 km, 27 km, 37 km, 63 km en ’n padwedloop oor 8 km en 18 km. Besoek www.piketbobergtrails.com vir meer inligting. Die volgende een word op 5 September 2020 gehou. ■ Bespreek by Hebron Landgoed by Elmien Uys by hebron@afriplex.co.za. ■ Die plaasmarkie is elke laaste Saterdag van die maand van 09:00 tot 12:00 by Kruisementvlei-plaas. Kontak Riette Bryant by 022 914 5652 vir meer inligting. ■ Laai by www.piket-bo-berg.co.za/birdwatching ’n volledige voëllys af as jy die geveerdes van die distrik wil bekyk.…

Om in Egipte te reis (en veral soos ons met ’n wavrag kinders) kan oorweldigend wees. Ons besoek het seepglad verloop danksy ’n plaaslike toergids, Whaleed Elakwaby. Hy het talle van ons besprekings hanteer en ons letterlik van deur tot deur gekarwei. Hy het ons treinkaartjies nagegaan, minibusvervoer (van hotel tot hotel) tussen Luxor, die Rooisee en Kaïro bespreek en ons op daguitstappies in die Egiptiese hoofstad geneem – alles teen billike pryse. ■ Bevriend Whaleed op Facebook of WhatsApp hom by +20 114 707 3047. ■ Ons het ons bootreis deur TripAdvisor en hotelverblyf deur Booking.com bespreek. Gaan kyk na ander reisigers se opmerkings – die duurste opsie is nie noodwendig die beste nie. Dit het $300 (sowat R4 400) per volwassene en $180 (sowat R2 600) per kind…

Frozen II met die stemme van Kristen Bell en Josh Gad. Regisseurs: Chris Buck en Jennifer Lee. Die grootste geskenk wat ’n ma haar dogter(s) kan gee, is om hierdie fliek aan die fliek-Kersboom te hang. Dit skitter daar soos ’n Betlehemster en is vol kleur, plesier, trane, drama, romanse en hart-seer, ag, sommer die hele kaboedel waarin Disney so uitblink. Staan ’n mens ná die vertoning buite die teaters waar onlangse voorvertonings gehou is, is daar meer sterre in die gehoor se oë as in ’n maanlose nag in die Karoo. Al voel ek persoonlik dat dit nie dieselfde sjarme en betowering van sy voorganger het nie, stem gehore blykbaar nie saam nie! Die rolprentmakers ken hul mark en weet presies wie die gehoor is. Al die geliefde karakters…

Pain and Glory Elke Pedro Almodóvar-rolprent verras en belig ’n ander deel van sy persoonlikheid. Hy is al beskryf as uitspattig, eksentriek, donker, kamp, oordadig en oorspronklik. In Pain and Glory vertel hy die semi-biografiese verhaal van ’n regisseur wat ná 32 jaar probeer vrede maak met ’n gewese minnaar en akteur. In die proses leer ken hy homself opnuut, raak bewus van tekortkominge, maar kom weer onder die indruk van die krag van rolprente. Dit is sy suurstof. Die fliek is vol empatie en eerlikheid, maar is ook ’n ondersoek na die aard van kuns, die suiweringsproses wat met ’n belydenis gepaardgaan, en ’n selfontdekkingsreis. Briljant. Last Christmas Dié romantiese komedie is so deursigtig soos plastiek. ’n Meisie (Emilia Clarke), wat nog altyd verkeerde besluit geneem het, raak verlief…

Lewer 1 medium souttert Aartappelkors 500 ml warm kapokaartappels 55 g botter 10 ml bakpoeier 2 groot eiers, geklits Vulsel 15 g botter 15 ml koekmeel 250 ml warm melk 1 eier, geklits 5 ml sout 15 ml gekapte vars pietersielie knippie rooipeper 180 ml gerasperde cheddarkaas keuse van gekapte ham, skyfies Weense worsies, soutvleis, geblikte aspersiepunte, gekapte hardgekookte eier, gekapte gaar streepspek, gerookte snoek Bolaag 1 eier 125 ml melk 60 ml gerasperde cheddarkaas Aartappelkors: Voorverhit die oond tot 180 °C. Smeer ’n tertbak met deursnee van ongeveer 20 cm. Meng die warm aartappels met die botter. Voeg die bakpoeier en geklitste eiers by en meng. Voer die voorbereide tertbak met die aartappelmengsel uit. Vulsel: Maak ’n witsous: Smelt die botter in ’n kastrol en roer die meel by.…

Lumé Naudé van die Afrikaanse Hoër Meisieskool in Pretoria vertel sy wou bo alles elegant lyk op haar matriekafskeid. En geen moeite is ontsien nie. “Elke tikkie detail, van my hare, oorbelle, grimering, skoene, rok, kar tot my blomme moes elegant en stylvol wees. Ek het dit so eenvoudig en funksioneel as moontlik probeer hou, maar dit moes steeds stylvol en vroulik lyk,” vertel sy. Sy het vir Mauritz van der Walt gevra om haar na die afskeid by die Weiveld-kuierplek te vergesel. Tayla Goosen van die Hoërskool Menlopark het self die idee vir haar unieke rok van ’n satynkortbroek onder ’n lang romp wat uitklok en oopmaak met ’n hoë spleet, uitgedink. Dis gekombineer met ’n sexy, noupassende, kort, blink spantoppie. Haar metgesel was Michael Schoeman. Hulle sê die…

■ Clive James (80), wat gereken word as die Mozart van TV-kritici, is in Cambridge aan kanker dood. Hy is in Australië gebore, maar het in 1961 na Engeland verhuis. Hy was veelsydig en ’n gerekende skrywer van poësie, lirieke, essays, romans en memoires. Dit is egter vir sy kwinkslae as kritikus waarvoor hy onthou sal word. Oor die skrywer Judith Krantz het hy gesê: “Dit moet darem baie energie verg om so ’n vrot skrywer te wees.” Oor Dame Barbara Cartland se oë het hy geskryf: “They looked like the corpses of two small crows that had crashed into a chalk cliff.” Vir grafskrifskrywers was sy raad: “Korter is beter en net een sin is nog beter.” ■ Die Britse TV-sjef Gary Rhodes, is skielik in die ouderdom van…

Harry Hitler Ja, ja, Pollux weet sy lesers lag al vir die feit dat Pollux altyd sy kop skud oor alles, maar wat kan mens anders doen as kopskud oor die nuus dat ’n groep malletjies in Mmparalanga in hegtenis geneem is op terrorisme-aanklagte. Die voorbok, ene Harry Knoesen, beskryf homself as ’n “tydbom”, ’n “Hitler x10” vir sy Skepper, sy ras en sy volk. Aitsa. Pollux was, soos altyd, meer geïnteresseerd in die skoner geslag en was dus baie opgewonde oor die feit dat een van Harry Hitler se meelopers ’n aanvallige 54-jarige “ouma van twee” is. Pasop kêrels. Die Tannie-Ban is op ons. Hoender of eier? Gereelde lesers weet teen hierdie tyd dat Pollux ’n belydende vleiseter is. Daarom ook sy innige opgewondenheid oor die nuus dat veganiste…

Met die aanvaarding van ons Grondwet in 1996 was niemand honderd persent tevrede nie, met mense soos Mangosuthu Buthelezi, IVP-leier, wat dit as ’n verlengstuk van ANC-beleid bestempel het. Rapport het geskryf die gebreke daarin was duidelik te sien. Die Nasionale Party was ook ontevrede en wou onder meer die doodstraf daarin hê. Louis Green van die ACDP, die enigste party wat teen die Grondwet gestem het, het gesê die ander partye sal later hul fout agterkom. “Die land gaan moreel nog verder verval. Die Grondwet lê die grondslag vir die insinking,” het hy gesê. Deesdae hoor ’n mens toenemend mense wat wonder of ons veelgeroemde Grondwet geskik is vir ’n land met soveel ongelykhede, misdaad en korrupsie. Ouers kla die Grondwet ontneem hulle die mag oor hul kinders en…

Leslie Matuson, sakereddingspraktisyn wat die SAL van ondergang moet red, sê hy kan nie vliegkaartjies van die wankelende lugdiens waarborg nie. “In dié stadium is ek in onophoudelike vergaderings om my van die toe-stand by die SAL te vergewis. Enige waarborge of versekerings wat ek oor vlugkaartjies gee, sal nie op feite gegrond wees nie. Ek gaan die hele naweek daarmee besig wees,” het hy aan Rapport gesê. Natalia Rosa, woordvoerder van die Vereniging van Suider-Afrikaanse Reisagente (Asata), sê geen reisagentskappe buiten Flight Centre het sover amptelik aangekondig dat hulle nie meer kaartjies van die SAL verkoop nie. Flight Centre het dié stap tien dae gelede gedoen. “Vliegkaartjies van die SAL is steeds vrylik beskikbaar, maar mense wat die kaartjies koop, moet baie seker maak dat hulle voldoende reisversekering uitneem…

Die polisie het vandeesweek ’n man aangekeer wat na bewering toestelle verkoop het waarmee daar na DStvkanale gekyk kan word sonder om te betaal. Irdeto, ’n volfiliaal van MultiChoice en verskaffer van sekerheidsdienste, het nou saam met die polisie se afdeling vir kommersiële misdaad gewerk om die verdagte vas te trek. Die verdagte, wie se naam nie bekend gemaak is nie, het reeds in Kaapstad in die hof verskyn, waar die saak tot Februarie uitgestel is. Hy is op borgtog van R2 000 vrygelaat. Die polisie het aangedui hulle be-plan om meer mense aan te keer in die stryd teen roofkyk. – Netwerk24…

’NProminente raadslid van die Universiteit van Pretoria (UP) het uit protes bedank omdat die raad glo op ’n rasse-heksejag was in die aanstelling van ’n nuwe bedryfshoof. Russell Loubser, voormalige hoof van die JSE, het ná meer as ’n dekade as raadslid bedank en ’n gedetailleerde brief geskryf waarin hy die UP-leierskorps van agendas beskuldig. In die brief, wat Rapport onder oë gehad het, sê hy dit was vir hom duidelik dat die proses om Sandile Mthiyane as die UP se eerste bedryfshoof aan te stel, vooraf bepaal is. Mthiyane is tans hoof van korporatiewe dienste by die Reserwebank. Loubser, voorsitter van die komiteevergadering wat die aanstelling moes doen, sê in sy brief daar was net een wit, vroulike kandidaat op die kortlys, wat na sy mening die beste kandidaat…

’n Aktivis wat moeg is daarvoor om as ’n bruin Suid-Afrikaner geklassifiseer te word, sleep nou die regering hof toe om die aparte klassifikasies van “bruin” en “Indiër” te skrap en dié mense eerder net as swart Suid-Afrikaners te beskou. Glen Snyman, ’n onderwyser van Oudtshoorn en stigter van People Against Race Classification (Parc), het ’n hofsaak teen die Wes-Kaapse onderwysdepartement (WKOD) en die nasionale departement van basiese onderrig in die Kaapse arbeidshof begin. Hy eis onder meer dat: ■ Bruin en Indiese mense se rasklassifikasie dieselfde gewig moet dra as wanneer swart kandidate vir poste of bevordering oorweeg word; ■ Blokkies op aansoekvorms waarin iemand hulself as bruin of Indiër moet klassifiseer, van alle WKOD-vorms verwyder moet word. ■ Iemand homself as “ander” kan aandui by die persoon se…

“Ons moet ons kinders leer hoe om ’n beter toekoms van ons te eis.” So sê Velaphi Ratshefola, besturende direkteur van Coca-Cola Beverages South Africa (CCBSA), oor hul 2019-herwin-ningskompetisie vir skole. Die skoolherwinningsprogram vorm deel van Coca-Cola se internasionale omgewingsprogram genaamd #WorldWithoutWaste. Die doel is om teen 2030 ’n blikkie of bottel te herwin vir elkeen van dié wat Coca-Cola wêreldwyd verkoop, het James Quincey, hoof van The Coca-Cola Company gesê. “My visie is om ’n skoolherwinningsprogram te ontwikkel wat ander lande ons kan kom nadoen,” sê Ratshefola. Die kompetisie is in 2011 begin met 40 skole. Vanjaar het ’n halfmiljoen leerlinge van 805 skole aktief gewerk om vullis uit hul omgewing op te tel en te laat herwin. CCBSA het reeds R45 miljoen in die skoolherwinningsprogram belê aan prysgeld…

Die Hoërskool Garsfontein gaan van 2021 af as ’t ware ’n kampus in die Wes-Kaap hê danksy ’n beoogde samewerkingsooreenkoms met die Hoërskool Pa-rel Vallei. Daar is verlede week berig dat ’n SA Skole-uitdaagreeks straks van 2020 beslis gaan word waaraan die land se voorste skolerugbyspanne soos Grey-kollege en die Hoër Jongenskool Paarl gaan deelneem. Dit is om te verseker dat die voorste spanne jaarliks almal teen mekaar te staan kom en daar duidelikheid is oor wie die voorste span is. Een van die planne is dat die topskole van 2021 af elkeen ’n sogenaamde ontwikkelingskool gaan aanneem, met die Garsies en Parel Vallei wat hande gaan vat. Die plan is volgens Thinus Pienaar, direkteur van rugby by Parel Vallei, dat sy skool binne vyf jaar onder die ses voorste…

Engeland se krieketspan wil vuur met vuur in die komende toetsreeks van vier toetse teen die Proteas beveg nadat hulle die 37-jarige boulveteraan Jimmy Anderson en die snelbouler Mark Wood nader getrek het vir die toer na Suid-Afrika. Die paaltjiewagter-kolwer Jonny Bairstow is ook weer gekies. Anderson-hulle woon reeds ’n boulkamp in die Kaap by om seker te maak dat hulle slaggereed is om die Proteas te pak. Bairstow is hier om aan sy kolfwerk te slyp. Met Jofra Archer, Chris Woakes, Chris Broad, Sam Curran, Anderson en Wood om uit te kies, gaan Engeland ’n gedugte boulaanval hê. Anderson het herstel van ’n geskeurde regterkuitspier wat hy in die reeks om die As in Augustus opgedoen het. Wood is nog aan die herstel van ’n knie- en sy-besering wat…

Ockie Oosthuizen was beginselvas, lojaal, met sterk oortuigings, en ’n groot gesinsman. Só sê Theuns Eloff, voorsitter van die adviesraad van die FW de Klerk-stigting en voormalige visekanselier van die Noordwes-Universiteit. Eloff en die blondekop Springbok-stut, wat vandeesweek op die ouderdom van 64 jaar aan kolonkanker dood is, was vriende sedert hul studentedae op Potchefstroom in die 1970’s. “Ons het saam vir die Pukke se o.20-span begin speel in 1975,” onthou Eloff, wat van 1976 tot 1978 senter vir Wes-Transvaal gespeel het. “Ná slegs drie wedstryde is Ockie as 20-jarige reeds opgetrek na die eerstes toe. “Die een wedstryd wat destyds die Puk-spelers as ’n onwrikbare eenheid saamgesnoer het, was die jaarlikse intervarsity teen Kovsies op Olënpark in 1977. “Die Kovsies het in Potchefstroom aangekom as ’n feitlik volwaardige Vrystaat-span,…

Eskom het Donderdag begin met fase 2-beurtkrag en dit Vrydag opgeskerp tot fase 4. Dit beteken dat verbruikers dubbel soveel krag moet ontbeer omdat Eskom nou verskaffing met 4 000 MW inkort, pleks van die vroeëre 2 000 MW. Die jongste krisis kom nadat die hoeveelheid opwekkingsvermoë wat buite werking is, Donderdag van 12 300MW tot meer as 12 500 MW verhoog het. Sedertiden het die kragverskaffer sy hidro-elektriese noodkrag en dieselturbines gebruik en daar was geen kans om die water van die hidro-aanlegte weer berg op te pomp vir verdere gebruik nie. Die reën in die noorde van die land veroorsaak toenemend probleme met nat steenkool.…

Die Johannesburgse metroraad het tot in die konstitusionele hof baklei om nié reiskoste van R900 000 te betaal van lede van die waarderingsappèlraad nie. In die proses het die stad Johannesburg na raming R3 miljoen aan regskoste betaal en moet nou in elk geval die R900 000 ook opdok. Johannesburg het in 2008 ’n appèlraad aangestel om appèlle aan te hoor oor eiendomswaardasies in sy 2008-waardasielys. Hul termyn is telkens verleng tot dit uiteindelik in 2017 verstryk het. Die vergoeding van sulke rade word deur die minister van finansies bepaal, maar die betrokke munisipaliteit moet dit uit sy begroting finansier. ‘Dit het 14 regters gevat om die metroraad te oortuig dat hy verkeerd is.’ ’n Tesourie-amptenaar het aan adv. Anthonie Viviers, voorsitter van die appèlraad, bevestig dat die lede van…

My rubriek verlede Sondag, “Wat vroue moet weet voor hulle trou”, het ’n vraag opgelewer waarby ek vandag wil stilstaan: Hoe word skuld hanteer in huwelike binne gemeenskap van goed? ’n Leser, Paul Botha, wou in kommentaar oor die rubriek op Netwerk24 weet of dit dan nie tot ’n vrou se nadeel is as haar man met wie sy binne gemeenskap van goed getroud is, ’n groot skuldlas het nie. Ek het onder meer genoem dat dit tot ’n vrou se voordeel sal wees as sy binne gemeenskap van goed trou in die geval waar die man broodwinner is en sy huisvrou. En dan die reaksie op Botha se kommentaar deur Gerrit du Toit dat as die skuldlas so swaar is, het die huwelik ander en groter probleme. Kom ons…

Met ’n drankie in die hand lê jy op ’n sonbed en kyk hoe antieke ruïnes, palmbome, kamele, plase, vissersbootjies en die Saharawoestyn teen ’n luilekker pas by jou verbybeweeg. Ons is op die MS Radamis, een van talle passasiersbote wat oor vier dae van Aswan in die suide van Egipte tot by die antieke ruïnes van Luxor (ook bekend as die wêreld se grootste opelugmuseum) vaar. Die kinders baljaar in die swembad op die dek voordat die toergids ons kom haal vir ’n besoek aan nog een van die antieke wonders op die oewer van die wêreld se langste rivier. ’n Tipiese Nyltoer begin met die besienswaardighede in Aswan. Ons het skaars van die oornagtrein uit Kaïro afgeklim, of ons bevind ons by ’n antieke steengroef van waar reusagtige…

Die pad na die meeste mense se Desember-vakansiebestemming is lank en daar moet altyd stilgehou word vir ’n ete of twee. Pleks om weer by die vulstasie se kettingrestaurant aan te sit, kyk uit vir hierdie restaurante wat die kosfoendies van Eat Out spesiaal vir reisigers uitgesoek het. Die N1 Die Karoo Padstal tussen Hanover en Richmond bied ’n verskeidenheid – van pasteie en jaffels tot soetgebak van die plase af. Die gebou is ’n ou skaapskuur wat omskep is in ’n winkel. Hier kan moeë reisigers, kinders en troeteldiere bene rek. Hulle is oop vir ontbyt en middagete, Maandag tot Sondag van 08:00 tot 17:00. Die N10 True Living op Cradock behoort aan Lani Lombard, semi-finalis in die My Kitchen Rules South Africa. Die restaurant bring hulde aan die…

Marli Venter (7) en haar sussie Amalia (22 maande) het ’n spesiale voorskou van Frozen II vir Rapport Beleef bygewoon en het die fliek in 3D gekyk. Marli reken hoewel Frozen II dalk nie heeltemal so treffend is soos die eerste fliek nie, is dit steeds goed genoeg om ’n dogtertjie se hart baie bly te maak. “Dis ’n lekker fliek. My lekkerste deel was die einde en sjoe! die 3D is lekker, want alles kom so nader aan jou en dan dink jy iemand gaan jou skop. Ek het ook baie van die klere gehou. My gunsteling was Elsa se klere. “Selfs my klein sussie het dit baie geniet, al was sy partykeer ’n bietjie besig. Sy’t baie gehou van die prentjies en kleur, en Mamma hoef haar nie…

Ek en Babs het nou die dag saam deur Errieda du Toit, Suid-Afrika se huiskoskampioen, se nu-we kookboek, Saam, geblaai. Errieda het haar verdiep in 150 gemeenskapsresepteboekies wat oor 100 jaar uitgegee is en Saam is ’n ode aan dié kookboekies – die nederigste, mees miskende in die genre van kosliteratuur. Dié pragstuk het soveel herinneringe vir my en Babs teruggebring en hier volg ’n uittreksel uit die uitsonderlike meesterstuk. Noorsie, die inheemse koffietyd-koekie Koekies kry dikwels troetelname wat dui op pret, bederf en wat elkeen se gunsteling- of kenmerkkoekie was. Hier is die storie van ’n kontreikoekie met ’n inheemse troetelnaam. Die noorsie (noorsdoringkoekie) is ’n soort koekie vir koffietyd, genoem na die noorsdoring, ’n doringagtige plant met lang regop stamme wat in dorre gebiede voorkom. Die koekie word…

Piet Smit van Brackenhurst skryf: Wanneer ek nie kan slaap nie, doem eeue oue vrae op in my kop: Asterix of Tintin? The Rolling Stones of The Beatles? Kannemeyer of Botes? Die Uile of Keurboslaan? Cartier-Bresson of Capa? Johan Stemmet of Jimi Hendrix? Coppola of Scorsese? Richard Brody of Anthony Lane? Soms is die antwoorde maklik. Gunsteling-kortverhaal? John Miles se Liefs nie op straat nie. Beste live performance ooit? Queen se Somebody to Love: Montreal, 1981. Snaaksste toneel ooit beskryf in ’n biografie? Etienne Leroux oor die keer toe ’n skuur op sy plaas afgebrand het. Beste boek oor gebeure in die Tweede Wêreldoorlog? Panzer Commander deur. . . dit maak nie saak nie. Beste motor ooit? Vra vir Egmont. Wanneer ek nie kan slaap nie, voel ek weer soos…

Onder siniese studente van realpolitik was daar min twyfel oor die uitslag van regter Burton Fourie se ondersoek na die verkiesing van die nuwe Matie-kanselier, oudregter Edwin Cameron. Fourie is deur die universiteitsraad gevra om ondersoek in te stel na gesprekke tussen prof. Wim de Villiers en Cameron oor laasgenoemde se benoeming as kanselierskandidaat wat plaasgevind het terwyl Cameron besig was om die konstitusionele hof se uitspraak in die Stellenbosse taalsaak te skryf. Hy beperk hom tot die vraag of De Villiers “onwettig of oneties” opgetree het en of hy in die proses pro-beer het om die uitspraak in die universiteit se guns te beïnvloed. Daarvoor vind hy (heeltemal tereg) geen bewyse nie. Deur die fokus van die ondersoek gerieflik eng te hou, systap hy netjies die veel belangriker kwessie:…

Anton, Paarl, skryf: Ek verwys na die aangrypende artikel oor “Jannie” wat homself om die lewe gebring het weens sy innerlike stryd en die feit dat hy homoseksueel was. Ek wonder hoeveel Jannies daar gedurende die 1980’s was. Ek het in dié tyd in ’n Christelike huis grootgeword en daar is alom gepraat van “moffies are bad luck”. Dit het verwys na die feit dat jy in die hel sal brand as jy gay is. Jy is ’n sondaar en jy móét verlos word! Ons is oor jare geïndoktrineer met allerlei poepstories oor gay-wees wat ons soos soetkoek opgeëet het. Ek bevind my tans in ’n ortodokse Pinksterkerk waar die pastoor nog elke Sondag teen homoseksualiteit, gay-wees en oor allerhande Ou Testamentiese beginsels preek wat so verouderd is dat ’n…

Die grootste probleem met die ANC is nie dat die party korrup is nie; selfs nie dat die party al so met raspolitiek flankeer het nie. Die probleem is eerder die regerende party se staatgesentreerde wêreldbeskouing en sy diepe agterdog jeens die vrye mark. Tesame met mekaar verseker dié oudmodiese standpunte dat Suid-Afrika nooit vooruit sal gaan nie. Want selfs al hou die ANC eendag op met steel, is daar nog geen teken dat die party bereid sal wees om vrywillig af te sien van sy onkreukbare geloof daarin dat die staat alle hefbome van mag moet beheer nie. Hy gee slegs beheer oor iets prys as dit waaraan hy probeer klou het – soos die Suid-Afrikaanse Lugdiens – eintlik reeds opgehou het met bestaan en alle waarde verloor het.…

Die proses om die Grondwet te wysig om onteiening sonder vergoeding moontlik te maak, stuur daarop af dat die ANC sal moet besluit of die EFF sy vennoot vir ’n grondwetwysiging gaan wees, of die groepering DA-IVP-Vryheidsfront Plus. Die DA en die VF Plus was nie tevrede nie met die eerste weergawe van ’n konsepwysiging wat die parlement se regsafdeling verlede week voorgelê het en wat dié week in die Staatskoerant gepubliseer word met ’n uitnodiging dat die publiek daaroor kommentaar lewer. Die twee partye het ná onderlinge beraadslaging egter ingestem dat die weergawe in die Staatskoerant gepubliseer kan word omdat die ANC haastig is daarmee. Die komitee moet teen einde Maart aanstaande jaar ’n voorgestelde wysiging aan die Nasionale Vergadering voorlê. Dié weergawe maak voorsiening daarvoor dat ’n hof…

Suid-Afrika het uiteindelik ’n meesterplan vir water en nou moet die R900 miljard net gevind word wat dit volgens konserwatiewe beramings oor ’n tienjaartydperk gaan kos om dit in werking te stel. Lindiwe Sisulu, minister van behuising, water en sanitasie, het onlangs dié lang verwagte en ambisieuse water-meesterplan bekend gestel, maar oor die finansiering daarvan niks gesê nie. Pam Tshwete, een van die adjunkministers in die departement, het die afgelope week in die parlement klei getrap. “Die feit dat ons nie geld vir ’n plan het nie, beteken nie ons mag nie planne maak nie,” het sy gesê aan die DA, wat die vraag gestel het. “Julle het gevra vir die plan. Nou ís daar ’n plan, maar julle vra nou nóg ’n vraag. Ons sal aanhou planne maak.” Leon…

DA-raadslede in die Johannesburgse koukus gaan hulle aan leuenverklikkertoetse onderwerp in ’n poging om uit te snuffel wie die party verraai het toe drie van hulle Woensdag in ’n geheime stemming vir die ANC se burgemeesterskandidaat gestem het. Die omstrede Geoffrey Makhubo het met 137 stemme gewen, een meer as ’n volstrekte meerderheid in die raad van 270. Die ANC het egter Donderdag daarin misluk om van Vasco da Gama, speaker, in ’n wantrouemosie ontslae te raak. Dié keer moes die lede hul hande opsteek en toe het net 135 raadslede daarvoor gestem. Rapport verneem betroubaar dat die Johannesburgse koukus van die DA hulle vrywillig aan die toetse gaan onderwerp en self daarvoor betaal. Minstens een raadslid het egter gesê die toetse is ’n DA-op-drag en dat eie betaling nie…

Toe besoekers van elders sê Thohoyandou is die vuilste dorp in Suid-Afrika, het leerlinge en onderwysers van die Mbilwi Secondary School besluit hulle moet ’n plan maak. “Sommige dae het die hele skool die 10 km te voet dorp toe afgelê om te gaan opruim,” sê Kenneth Mulovhedzi, onderwyser in lewenswetenskappe aan dié uitsonderlike skool. Met 2 373 leerlinge uit oorweldigend arm huishoudings is Mbilwi een van die grootste skole in Limpopo. Daar is gemiddeld 73 leerlinge in ’n klas, maar ten spyte van hul uitdagings spog die skool sedert 1994 met ’n slaagsyfer van 100%. Alle leerlinge moet tot matriek wiskunde en wetenskap neem en Mbilwi spog jaarliks met leerlinge onder die toppresteerders in Limpopo en landwyd. Die afgelope week het die skool met die louere weggestap by die…

Dat sy span in die tydperk van kragspel ’n rekordgetal lopies gemoker het en toe die kluts kwytgeraak en die een paaltjie ná die ander verloor het, het Ashwell Prince, afrigter van die Cape Town Blitz, rooi om die kraag ná hul nederlaag teen die Nelson Mandela Bay Giants Vrydagaand op Nuweland. En die volgepakte Nuweland het soos Prince daaroor gevoel. Die span is nou onder groot druk om vir die uitspeelrondes van die Mzansi-superliga te kwalifiseer. Hul enigste kans om in die uitspeelrondes te speel, was dat die Blitz die Tshwane Spartans vandag met ’n bonuspunt klop. As die wedstryd uitreën, is dit neusie verby vir die Kapenaars. Die Blitz het eergisteraand aanvanklik goed gevaar om die Giants se 173 lopies in te katrol, maar toe het hul kolfvertoning…

Die Springbokke se skrumghoeroe, Matt Proudfoot, gaan waarskynlik volgende jaar in Eddie Jones se Engelse afrigtingspan sak. Proudfoot se kontrak met SA Rugby het ná die Bokke se welslae by die Wêreldbekertoernooi in Japan verstryk. Rapport het by drie onafhanklike bronne verneem dat hy op pad is om hom by Jones, Engeland se hoofafrigter, aan te sluit. Proudfoot se waarskynlike vertrek Engeland toe is ’n aanduiding dat hy nooit deel was van Rassie Erasmus se langtermynplanne by die Bokke nie. Erasmus, Saru se direkteur van rugby en hoofafrigter van die Bokke, gaan volgende jaar die tuig as Bok-breier neerlê. Dit is ’n uitgemaakte saak dat Jacques Nienaber, die Bokke se verdedigingsafrigter, by hom gaan oorvat. Erasmus sal egter as direkteur van rugby steeds die toutjies agter die skerms trek. Proudfoot,…

Die Springbok-vleuel Aphiwe Dyantyi sal in Februarie volgende jaar verhoor word nadat hy positief vir die gebruik van verbode middels getoets is. Die voormalige Junior Bok Hendré Stassen is egter ná sowat ses maande ná sy positiewe toets steeds in die duister oor sy toekoms. Nog ’n Suid-Afrikaanse speler wat positief getoets het, die voormalige Bok-haker Chiliboy Ralepelle (33), se lot word in Januarie bepaal, het Khalid Galant, uitvoerende hoof van die Suid-Afrikaanse Instituut van Dwelmvrye Sport, aan Rapport gesê. Dyantyi het vanjaar positief vir die gebruik van die anaboliese steroïede matandiënoon, metieltestosteroon en LGD-4033 getoets. Ralepelle, wat vir ’n derde keer in sy loopbaan ’n opkikkertoets gedop het, kan vol-gens Galant einde Januarie sy lot hoor. Ralepelle is in Januarie vanjaar positief vir die gebruik van die groeihormoon Zeranol…

Om enige pakkie in die pos te verloor is ongerieflik, maar as die pakkie ’n vliegtuigenjin is, is dit ’n ramp. Hendrik Cornelius van Wyk, eienaar van Mossel Bay Skydiving, moes hom tot die hooggeregshof in Kaapstad wend toe die Amerikaanse koerierdiens UPS boonop vir hom sê die maksimum uitbetaling wat hy kan verwag, is $500 dollar. Dit terwyl hy $21 500 dollar betaal het om die enjin te laat opknap. Van Wyk het sy Cessna 182, wat daagliks gebruik word vir valskermspring, se enjin na ’n Amerikaanse maatskappy gestuur om op te knap nadat dit die einde van sy siklus bereik het. Hy het UPS gebruik om die enjin terug te vervoer na die George-lughawe, maar nog voordat die enjin op die vliegtuig gepak is, is dit heeltemal vernietig.…

Die Padongelukkefonds (POF) kan nie sy uitgawes soos salarisse betaal nie, want hy kon nie die afgelope week sy bankrekeninge waarop daar beslag gelê is, loskry nie. Intussen skuld hy R17 miljard aan mense oor die land heen wat verliese of skade gely het weens padongelukke, maar wat nou moedeloos op vergoeding wag. Die POF het die afgelope week in die hooggeregshof in Pretoria twee dinge gevra: Die balju van Pretoria-Oos moet sy agt Absabankrekeninge teruggee en die hof moet nou vir eens en vir altyd vir die POF ’n spesiale reëling tref dat hy 180 dae pleks van 30 dae het om skuld te betaal. Regter Selby Baqwa het egter die POF se dringende hofaansoek van die rol geskrap en ’n kostebevel opgelê. Die POF het nie Rapport se…

By die werk is daar nie tyd vir speletjies nie. Reg? Verkeerd: ’n Nuwe rekenaarspanspeletjie waarin deelnemers saam planne beraam om van ’n verafgeleë planeet te ontsnap voordat dit ontplof, kan produktiwiteit verhoog en spanlede meer oor hul eie en mekaar se persoonlikhede leer. Só sê Helen Nicholson, uitvoerende hoof van The Networking Company in Johannesburg, wat pas die Team VR uit Dubai na Suid-Afrika gebring het. Team VR gebruik virtuele werklikheid (VR) – elke deelnemer gebruik digitale kopstukke wat dit laat voel of hulle in ’n ander werklikheid is. Rapport het dit beleef. Aan die einde van die spel weet jy hoe jy reageer onder druk – veral as dinge skeefloop. Jy sien ook wat probleme veroorsaak en wat die gevolge van jou keuses is. Dit is sover bekend…

As hoër elektrisiteitspryse sakeondernemings knyp, het die selfs vinnig-groeiende munisipale tariewe en erfbelasting die kleinhandelsektor in ’n wurggreep. Die jongste munisipale tarieween erfbelasting-verslag van die Vereniging van Eiendomseienaars van Suid-Afrika (Sapoa) is die afgelope week uitgereik waarin aangetoon is dat munisipale tariewe en erfbelasting selfs teen ’n groter koers as elektrisiteit per jaar toegeneem het. Oor ’n tien-en-’n-halfjaartydperk – van die begin van 2009 tot Junie 2019 – het munisipale tariewe en erfbelasting met 147% gestyg. Dit verteenwoordig ’n saamgestelde groeikoers van 8,6% per jaar teenoor die 8,1% waarteen elektrisiteitstariewe geklim het. Sedert vroeg 2000 het erfbelasting en tariewe die inflasiekoers oorskadu. Die astronomiese toename in munisipale tariewe en erfbelasting in Suid-Afrika is te wyte aan die benarde finansiële situasie waarin munisipaliteite hulself bevind, sê John Loos, by FNB. Hy…

$380 miljoen Dis die bedrag wat die Zimbabwiese regering opsy gesit het om aan plaaseienaars uit te betaal as vergoeding vir die onteiening van hul grond. Pres. Emmerson Mnangagwa probeer hiermee woedende boere wat eise ingedien het teen die land se omstrede grondhervormingsprojek paai, berig die nuusagentskap New Zimbabwe. Aan die einde van die 1990’s is beslag gelê op die plase van talle boere sonder vergoeding. Zimbabwe is in die verlede beskou as die broodmandjie van Afrika suid van die Sahara, maar ná die grondhervormingsproses sukkel die land om sy bevolking van 16 miljoen mense van kos te voorsien. Na wat berig word, is reeds byna $53 miljoen (R822 miljoen) aan sowat 100 boere uitbetaal. Zimbabwe probeer internasionale beleggers oortuig om ’n gedeelte van die vergoeding aan boere te help…

Deel van die ouwêreldse ervaring is die oornag-treinrit van Kaïro na Aswan. Jy kan sitplekke of ’n kompartement bespreek. Die kompartemente is ingerig vir twee en vroegaand word jou sitplekke in slaapbanke, met wit kooigoed, omskep. Dis nou ná ’n foeliebakkie met aandete. Die dekor is oud, maar die kompartemente silwerskoon en elke wa se toilet heel skaflik. ■ Die treinkaartjies kos $80 (sowat R1 170) per volwassene en $70 (sowat R1 025) vir kinders. Vir meer inligting besoek www.wataniasleepingtrains.com of raadpleeg ’n toergids. ■ Retoervlugte tussen Johannesburg en Kaïro gedurende die skoolvakansie begin by R11 000 met EgyptAir. Buite seisoen kan jy minder as R7 000 betaal.…

Noorsies Lewer ongeveer 150 koekies 750 g botter of margarien 500 g versiersuiker 4 eiers 15 ml vanieljegeursel 1,5 kg bruismeel 2 ml sout gesmelte donkersjokolade vir versiering (opsioneel) Voorverhit die oond tot 180 °C. Smeer bakplate goed. Room die botter en versiersuiker tot lig. Voeg die eiers een vir een by en klits goed na elke byvoeging. Voeg die res van die bestanddele by en meng goed. Druk die deeg deur die stervorm van die vleismeul, sny in lengtes van 6 cm en pak ’n entjie uitmekaar op die bakplate. Bak 8 tot 10 minute tot gaar, maar nie bruin nie. Keer uit op afkoelrakke en laat afkoel.…

“Ma, ek wil nie na die afskeid toe gaan nie. Die mense hou nie van my nie.” “Jong Boeta, jy moet gaan. Jy is dan die skoolhoof,” sê ma. Sug, dis nou (alweer) daardie tyd dat mense datums vir hul jaareindfunksie op kalenders omkring, of nee, ’n reminder op hul selfoon laat. Noem dit end of term, farewell party, wat ook al. Tussendeur het die kinders hul rapporte by die skool gaan afhaal en wemel dit op sosiale media van mammas en pappas wat met hul spruite se prestasies spog. Gemeentes hou hul Kersspel, huishoudings doen Kersinkopies. Afskeid is óf ’n ritueel tussen ophou werk en gereed maak vir die feestyd óf net ’n welkome wegbreek in liggaam en in gees. Maak afskeid lekker, al is jy gatkant van donkie.…

Kruisverhoor deurHanlie Retief Iets is drasties verkeerd as Nigeriërs ’n derde minder vir data as Suid-Afrikaners betaal, sê James Hodge, hoof-ekonoom en waarnemende ondervoorsitter van die Mededingingskommissie. Vodacom en MTN moet binne twee maande die prys van data met tussen 30% en 50% verlaag anders kan hulle vervolg word? Ja, ek weet dis baie, maar ons het ’n uitgebreide markondersoek gehad, dis ons bevindinge. Is dié sperdatum nie onrealisties nie? Nee, einde Januarie is nie onrealisties nie. Besluite oor pryse word heeltyd gemaak. Vodacom en MTN het sedert 2016 wel hul datapryse met tot 50% verlaag? Dis misleidend, die maandpakkette se pryse is al vyf jaar lank onveranderd. Dis die laer-inkomste-verbruikers wat uitgebuit word. MTN sê jul verslag is te verreikend en opdringerig. Ons gaan beslis nie te ver nie,…

Sannie Symington (née Scheepers) Klerksdorp, skryf: In een van die artikels en briewe oor Robey Leibbrandt wat onlangs op hierdie blaaie verskyn het, word melding gemaak van die “staaltjie” dat Leibbrandt ’n onderwyser van sy stoep afgeklap het. Ek wil dit graag verder toelig. In Springbok was klein Hermann Leibbrandt in my klas op skool. ’n Oulike seuntjie, maar baie besig. Om hom in toom te hou, het ek hom die klasleier gemaak. Een van my kollegas het smiddae rugby afgerig en, soos in daardie tyd algemeen was, het hy ’n latjie gebruik om die kinders aan te moedig of reg te help. Eendag kom hy baie opgewonde by die skool, want Leibbrandt het hom genooi vir tee. Die middag hardloop hy die trappies op na Leibbrandt se huis, wat…