LééfOctober 2015的目錄

Kry 2 uitgawes van teen slegs R56 per maand (Dis ’n ongelooflike R28 per uitgawe, posgeld ingesluit) Teken in op een van dié maniere: E-pos jou besonderhede na leef_inteken@media24.com Gaan na www.leef.co.za  en teken aanlyn in Bel 087 740 1022, Maandae–Vrydae, 08:00–17:00 SMS ‘SUBS LEEF’ na 32361 en ons kontak jou! (R1 per SMS) Pos die onderstaande vorm aan Lééf – met hart & siel, Vrypos CB0006, Kaapstad 8000 of faks dit na 021 405 1038 Bepalings en voorwaardes geld Dié aanbod is tot 11 Oktober 2015 en alleenlik in SA geldig. Skakel 087 740 1022 vir tariewe in ander lande. Geen afslag op posgeld en BTW nie. Deur per e-pos of SMS in te teken gee jy vir ons toestemming om jou ook so te…

Die jaarlikse geskenkmark van Mosaïek-kerk in Fairland, Johannesburg is 'n belewenis van mooigoed. Kom maak 'n draai en kyk uit vir ons vrolike Lééf-stalletjie! Kom ontmoet die Lééf-span en koop die jongste uitgawe van Lééf teen 'n afslagprys. Soos altyd sal daar ook ’n verskeidenheid handwerkgeskenke in tipiese Lééf-styl te koop wees: vlaggies (bunting), lapborsspelde, vrolike yskasmagnete van vilt, skryfbehoeftes, handgemaakte plankie-kersbome, kunswerke, vatlappies, servette, lekkerruikkerse en produkte uit ons LééfSPA-reeks en meer. Ons stal ook die fraaie voorskote in ons Wys jou hart-handwerkwedstryd met Bernina en Clarins uit. Kom loer vir die mooi, of skaf een aan vir jou kombuis. Dit word ten bate van liefdadigheid verkoop.…

Ek onthou nog goed toe ons as span vir die eerste keer bymekaargekom het om Lééf die lig te laat sien. Ons het drie dae lank om ’n groot tafel by ’n mooi ou hotel in Seepunt vergader om van die voorblad tot die agterblad uit te dink en finaliseer. Vandag kan ek nie glo dat dit reeds meer as tien jaar gelede is nie. Van die oorspronklike span is net ek, as redakteur, en ons kreatiewe redakteur, Paula Dubois, wat vir die pragtige uitleg van ons tydskrif verantwoordelik is, steeds deel van die redaksie. Geliefde skrywers soos Marzanne Leroux-Van der Boon en Joyce Meyer deel reeds vanaf daardie eerste uitgawe ’n dekade gelede maandeliks hul hart met ons. En baie van ons lesers vertel vandag met trots dat hulle…

Kom na my tuin waar die donkerrooi rose… dat ek my blomme, my bome, my plante / Roos van my hart, hulle weerga kan wys! nooi A.G. Visser sy geliefde in sy gedig Rosa Rosarum. Daar ís maar net iets aan rose. Dié blomstruike versier ons planeet reeds meer as dertig miljoen jaar. Van China se vogtige klimaat tot die droë woestyntoestande van die Midde-Ooste; die gematigde klimaat van Suider-Afrika en somer-Europa; die uiterstes van Alaska – oral verfraai rose stadsparke en tuine en ringmure. Rose is tegelyk gehard en grasieus; byderwets en ouwêrelds. Rose het hulle saam met die vroegste nedersetters in ons land tuisgemaak. Reeds op 1 November 1695 skryf Jan van Riebeeck in sy dagboek dat die eerste roos, Rosa centifolia, daardie dag aan die Kaap gepluk…

Mooi ferm Verferm jou vel met die nuwe Chanel Le Lift Instant Smoothing Eye Concentrate (R1 240) en Recontouring Massage Mask (R1 165). Gevorderde tegnologie word ingespan om jou vel sysag en glad te maak en enige fyn plooitjies uit te stryk. Alles wat mooi is! Die Franse skoonheidshuis Lancôme vier sy 80ste verjaardag en die Britse skoonheidshuis Elemis is 25 jaar oud. Veels geluk! Kyk uit vir spesiale Elemis-verjaardagaanbiedinge by ’n salon in jou omgewing. Ietsie pienk Oktober is Borskankermaand. Maak ’n draai by jou naaste Estée Lauder- of Clinique-toonbank om uit te vind hoe jy ’n verskil kan maak. Besoek www.esteelauder.co.za vir meer inligting. ‘Elegansie beteken nie die wêreld sien jou raak nie, dit beteken jy word onthou’YVES SAINT LAURENT Bederfplek Die spa by die Valley Lodge &…

Ondersoek só jouself: Kweek die goeie gewoonte aan om elke keer wanneer jy stort, jou borste deur te voel tot in die armholte. Wees op die uitkyk na die volgende moontlike tekens: • Vel wat rimpel of saamtrek. • ’n Knop in die bors of armholte. • ’n Verandering in die veltekstuur of -voorkoms rondom die tepel, of ’n afskeiding uit die tepel. • Een bors wat onverklaarbaar groter word as die ander een. • Een bors wat onverklaarbaar laer hang as die ander een, of tepels wat op verskillende hoogtes sit. • Geswolle kliere. • ’n Swelling in die armholte. Ná 40 behoort ’n vrou ook elke jaar vir ’n mammogram te gaan. Nooit weer dieselfde nie. Dís wat ’n borskankerdiagnose beteken. Want maak nie saak wat die prognose…

Maandag Jy hét waarde! Is jy sonder selfvertroue? Dink jy jy is nie werd om enigiets te doen nie? Is jy té beskeie? En is jou verskoning altyd dat jy nie eintlik spesiale gawes het nie en dat daar iemand anders is wat iets beter as jy kan doen? Dink weer mooi. God wil jou gebruik – nes jy is. Dinsdag Ken jouself Erken jou vrese en onsekerhede. Praat met God. Deel met Hom dat jy soms minderwaardig voel. Vra dat jou Vader jou sal help om jou vrese te oorkom en vir jou ’n plek sal wys waar jy vir Hom kan diensbaar wees. Is jy dalk goed met kleuters? Bied dan jou hulp aan by julle kleuterkerk. Woensdag Jy mag maar swak wees ! Die Bybel is vol…

Vir ons as gelowiges is dit betekenisvol dat dit wat mense “Joodse feeste” noem, in werklikheid die Here se feeste is. In Levitikus 23:1-2 staan daar in die 1933-vertaling*: “Verder het die Here met Moses gespreek en gesê: Spreek met die kinders van Israel en sê vir hulle die feestye van die Here wat julle moet uitroep as heilige samekomste – dit is my feeste.” Daar is drie pelgrimsfeeste (Shalosh Regalim) – Pesach, Shavuot en Sukkot – wat vir Israeliete verpligtend is en duidelik in Levitikus 23, Deuteronomium 16 en Numeri 28 en 29 uiteengesit word. Die eerste is Pesach (Pasga). Hierdie fees vind plaas in die eerste maand van die Joodse kalender, naamlik Nissan (ons Maart/April). Dit word ’n voorjaarsfees genoem, die einde van die reënseisoen, ná die insameling…

Ek het kort-kort in trane uitgebars, oorweldig deur alles wat gedoen moet word. Ná drie weke hiervan het my man, Manie, besluit tot hier toe en nie verder nie. “Of jy kies iets om te laat staan, of ek kies vir jou.” Sy stem was sag, maar ek kon hoor hy is ernstig – wat my opnuut in trane laat uitbars het. Ek kan níks los nie, het ek probeer verduidelik. “Ek móét werk en ek gaan nie my studies opgee nie en jy weet ek wíl by die kerk betrokke wees. En . . . en . . . daar is altyd nog skottelgoed om te was!” Ek het vir ’n oomblik asemgeskep voor ek my grootste vrees kon uitspreek: “Ons is skaars drie maande getroud en ek het…

Tensy jy baie gelukkig is, sal jy soos soveel ander mense die een of ander tyd getref word deur iets wat jou wêreld skud. Dood, egskeiding, siekte, ’n ongeluk, misdaad… iets wat selfs jou geloof sal ruk. Ek het dié lewenswaarheid weer laas jaar op ’n baie pynlike manier besef. Eers het ek my man aan die dood afgestaan. Terwyl ek nog gerou het, het die een ná die ander probleem my getref. Ek moes uit ons kothuis trek en my klein spysenieringsonderneming het ten gronde gegaan omdat ek die kar moes afstaan wat ek en my man albei vir werk gebruik het. Daar sit ek toe – platsak, alleen en met my lewe aan flarde. Maar ek het oorleef en word nog elke dag sterker. My vriende sê ek…

Kook en bak is ’n liefde wat van kleintyd af kom en nog nóóit moeite was nie, sê Christine Capendale van Kaapstad, skrywer van Bak vir pret & profyt (Human & Rousseau, R250). “Dit is vir my só lekker en spesiaal om iemand te bederf of te inspireer met my gebak en kos!” En dis presies wat sy regkry met Bak vir pret & profyt. Die boek se resepte is eenvoudig, maar inpirerend. “Daar is baie wenke vir spyseniering of bak vir ’n lewe. Ek gee byvoorbeeld wenke hoe om jou koste te bereken en ’n gaping in die mark raak te sien en te benut – met ’n volledige besigheidsplan.” Christine se goue reël is om op grootmaat aan te koop en spesiale aanbiedinge uit te snuffel, maar om…

Ná twintig jaar in die Goudstad beteken ’n nuwe begin in die Strand nie noodwendig ’n rustiger leefstyl nie. Veral nie as jy soos Pieter van Jaarsveld ’n plaaslike en internasionale konsultant vir leierskapontwikkeling in die sakewêreld is en jou beroep boonop jou stokperdjie is nie. Wanneer jy Pieter, ’n gereelde gas op radio- en televisieprogramme, se werk lees, beleef jy sy omgee vir die emosionele welsyn van ander op bladsy ná bladsy, boek vir boek. Daarvan getuig treffers soos Gee jou kind selfvertroue (Tafelberg), Die hart van ’n wenner (Lux Verbi) en sy nuutste selfhelpgids, Dink jouself gelukkig (Lux Verbi). “Ek spesialiseer in emosionele intelligensie (EI) en hoe dit die mens se emosies, gesondheid, verhoudings en selfs ’n onderneming kan beïnvloed. “Die hormoon IgA is vir jou immuunstelsel verantwoordelik.…

Katrien se nageregkoeke deur Katrien van Zyl (Metz Press, R220) Katrien glo ’n mens het nie ’n verskoning nodig om enige dag van die week ’n fynproewerskoek vir nagereg of middagtee te bak nie. Trek dus jou rooi skoene aan, knoop jou gunsteling-voorskoot met ’n baldadige strik, en bak een van haar 25 sprokieskoeke op die maat van tangomusiek om Lééf se tiende verjaardag behoorlik te vier. Elke koekprojek sluit boonop aanwysings vir bypassende kolwyntjies in. Bestel by 021 701 4477. Leef gesond wees gelukkig deur Joyce Meyer (Struik Christelike Media, R140) Joyce Meyer het goeie nuus vir almal wat ná die lang winter ’n bietjie flou en onfiks voel: God wil hê ons moet elke dag voluit leef. Dit maak nie saak as jy nie lekker voel, onder spanning…

Blomme (Die romantiek van rose bl. 32 ) Eksodus 28:36Job 40:21Jesaja 40:8Habakuk 3:17-18Lukas 12:271 Petrus 1:24 ’n Verbond met God (Fees van dankbaarheid bl. 68 ) Genesis 9:16Eksodus 34:10Deuteronomium 4:23Psalm 25:10Jesaja 55:31 Korintiërs 11:25 Oorleef beproewings (Versteekte geskenke bl. 82 ) Psalm 147:3Matteus 11:28Johannes 16:33Filippense 4:132 Korintiërs 1:3-4Openbaring 21:4…

Lesersoggend Slimmer met jou kamera! Nikon in Suid-Afrika, in samewerking met Lééf, bied vir die eerste keer ’n halfdagwerksessie in die buitelug aan vir fotografie-entoesiaste! DATUM Saterdag 14 November 2015 PLEK Pretoria-dieretuin, Boomstraat 232 TYD 07:00-13:00 (meld asseblief reeds 06:30 by die ingang aan) TEMA Wenke vir natuur- en wildlewefotografie. Ook hoe om foto’s in die vroeë oggend en laeligsituasies te neem. KOSTE R500 per persoon. Dit sluit in toegang tot die dieretuin, ’n Nikon/Lééf-geskenkpak en versnaperings. VORDERINGSVLAK Beginner tot gevorderd. AANBIEDER Stephen Segal. BESPREKINGS Yolandé 011 888 5898 of yolande.roodt@leef.co.za WEN! Een gas wat die dag bywoon, kan ’n Nikon Coolpix S2800 in swart met 5x optiese zoemlens, eenvoudige kontrole en slim outomatiese tegnologie, ter waarde van R1 742 wen. Hier’s ons Nikon-wenner! Caro Nel van Kaapstad is die…

Dagboek 2-5 Die Stanford-blommeskou, een van die besonderste en grootste in die Overberg, word in die NG kerkgebou gehou. Op die 3de hou hulle ook basaar met iets vir almal – van koeksisters tot banting-kos! Hoek van Queen Victoria- en Kerkstraat, Stanford. Die blommeskou is elke dag van 09:00 tot 21:00, en die basaar begin om 10:00. Toegang is gratis. Kontak 028 3410 966 of ngkerkstanford@maxitec.co.za 10 Kom ervaar die goeie lewe met ’n fietsresies, ’n wedloop, kosstalletjies, musiek en die uitsonderlike wyne van die Kaapse Suidkus by die Elim-kos-en-wynfees. 10:00 tot 17:00 by Strandveld Vineyards. Kaartjies kos R75 elk en is beskikbaar by www.webtickets.co.za of by die deur. Vir meer inligting, skakel 028 482 1902 of stuur e-pos na info@elimwines.co.za 16-17 Die NG gemeente Stellenbosch-Wes bied ’n Christelike beradingskursus…

Soms weet ’n mens mos net as jy op ’n plek aankom – híér kan ek bly. Dis soos liefde met die eerste oogopslag; jy kan dit nie verklaar nie, maar jou hart het reeds ’n besluit geneem waaroor jou kop nog wonder. Vir die Hindle-gesin was hierdie reaksie só intens dat hulle hulle loopbane kortgeknip en sak en pak verhuis het. Om na ’n ander provinsie te trek was glad nie deel van Paul (56) en Jennifer Hindle (52) van Johannesburg se toekomsplanne nie. Hulle het in 2003 bloot ’n naweek weggebreek na KwaZulu-Natal vir die Midmar-myl. Maar groen ís die land van Natal, en ná ’n naweek van rondry tussen golwende heuwels wat plek-plek herinner aan die Engelse platteland, was die terugkeer na die gejaagde lewe in Gauteng…

‘Sy was mooi , maar nie soos een van daai meisies in die tydskrifte nie. Sy was pragtig, omdat sy vir haarself kon dink. Sy was pragtig omdat haar oë geglinster het wanneer sy oor iets gepraat het waarvoor sy lief is. Sy was mooi, omdat sy ander kon laat glimlag, selfs al was sy self hartseer. Nee, sy was nie mooi omdat haar uiterlike aantreklik is nie – sy was mooi tot diep in haar siel’…

Baldadige koeke, delikate eetservies, voëltjies wat tjirp in die bome terwyl jy salig jou koppie tee drink… Dis Cherry on Top, oftewel Kersie-Oppi-Koek, in Krugersdorp, waar Loukie Nel haar droom om ’n koffiewinkel te hê in haar eie huis laat waar word het! Dié oudonderwyser (61) vertel hoe sy, manlief Jan en hulle vier kinders tydens ’n vakansie in Bettysbaai in ’n koffiewinkel gekuier het waar die eienaars op die eerste verdieping van dieselfde gebou gebly het. “Ek wou nog altyd my eie koffiewinkel hê. En net daar kry ek die gedagte om ’n teetuin by my huis te begin. My man en kinders het ook gedink dis ’n goeie idee en met hulle ondersteuning het ek ses maande later die winkel geopen.” Die spreekwoordelike kersie op haar lewenskoek! Mense…

Sedert ek jare gelede weg is by die kerk in St. Louis waar ek Bybelstudieklasse aangebied het, loop ek van die ou bekendes raak en dan merk hulle dikwels op: “Mis jy nie die goeie ou dae toe ons nog almal saam in jou Bybelstudiegroep was nie? Dit was sulke lekker tye!” Ja, dit was goeie dae. Dit was ’n belangrike seisoen wat ons voorberei het vir ons wêreldwye bediening vandag. Maar vandag is beter. As ons sou aanhou klou het aan die “goeie ou dae”, sou dit ons beroof het van vandag se voorspoed en vreugdes. God moedig ons aan om die verlede te vergeet. Hy sê in Jesaja 43:18: “Moenie vassteek by die verlede nie. Moenie net dink aan dinge wat verby is nie” (Die Boodskap). God wil…

Vrede is ’n delikatessen wat dikwels deur ons inkontak-wees-wêreld en skerms vol inligting, stuk vir stuk van ons weggeskeur word. Juis daarom bly vrede ’n ongeplaveide grondpad waarna ons doelbewus moet terugkeer wanneer ons op die snelweë van die lewe verdwaal. Wanneer ons agterkom dat mense, dinge en gebeure ons onrustig en sonder vrede laat. Dis dán wanneer ons moet onthou dat ons veral vrede vind wanneer ons binne God se wil leef: Wanneer ons wéét dat ons die regte ding doen – selfs wanneer dit nie so maklik is nie. En dis daar, naby aan Hom, waar ons, ongeag ons omstandighede, die stil wete sal ervaar dat Hy tog in beheer is. Dat Hy, ongeag ons pyn en bekommernis, bý ons is, in ons is, en ons nooit sal…

Ek stap die loom middag met die seuns veld toe. Ek wil weer hulle bruisende opwinding oor kleinighede voel, hulle stemme hard en luid hoor en sien hoe die son spikkels in hulle blou oë weerkaats. Ons stap langpad om die dam terug huis toe. Hulle hardloop vooruit en duik saam-saam ’n skaflike blinkbruin dennebol plat. “Myne!” skree die oudste en pluk dit weg na die plat klippe onder die dennebome. Die kleinste trek sy lip tuit en kerm soos ’n korhaan. Ek volg hulle nuuskierig na die skadukol, nie heeltemal seker wat volgende kom nie. Die oudste wikkel die dennebol behendig oop en haal wat lyk soos plat bruin klippies tussen die harde skubbe uit. Hy vat ’n klip en slaan dit middeldeur. Triomfantelik hou hy die punterige melkwit…

Ma’s is dikwels besorg oor baie dinge. Wanneer ’n pasgebore baba te lank doodstil in sy bedjie lê en slaap, gaan loer jy of hy nog asemhaal. Wanneer hy sonder ophou deur die nag skree, wonder jy of hy nie ’n ernstige siekte onder lede het nie. Dwarsdeur ’n kind se lewe is die besorgdheid oor sy welstand jou metgesel. Snags lê jy wakker en wonder: Hoe gaan dit? Sal hy veilig terugkom van sy Afrika-toer af? Sal hy sy eksamen slaag? Sal hy gelukkig wees in die nuwe werksomgewing? Sal hy sy pad deur die fisieke en geestelike gevare van die groot stad kry? Sal sy nuwe blyplek vir hom ’n veilige tuiste wees? Sonder inbrake? Sonder geweld? Sal hy versoekings kan weerstaan? Sal hy vashou aan dit wat…

“Ek skilder al vandat ek kan onthou,” sê Linda Opperman van Hofmeyr in die Oos-Kaap. Van haar vroegste pogings was sommer met haar ma se lipstiffie en wenkbroupotlood. “My ‘meesterstukke’ kan steeds besigtig word op die agterkant van die spieëls of onder die koffietafel wat dit gereeld ontgeld het,” spot sy oor hierdie vroeë eksperimente. Haar ma sou nie kon dink dat die einste meisiekind later benoem sou word vir ’n Arch of Europe-goudklastoekenning vir skilderye van wilde diere op volstruiseierdoppe nie. Linda, bedags ’n gr. R-onderwyseres by ’n plaasskooltjie, was in 2006 ook ’n finalis in die Carol Boyes Metal Art-ontwerpkompetisie. Kennis van die verskille tussen die regter- en linkerbrein was nie volop in dié ontwakende kunstenaar se kinderjare op Hofmeyr nie. Besorgde gr. 1- en gr. 2-juffrouens het…

Hartsgesprekke met... deur Marius du Plooy Wat sou mense soos Nelson Mandela, Jean de Villiers en Riaan Cruywagen vir jou sê as jy saam met hulle om ’n tafel kon sit en gesels? Hartsgesprekke met... bied raad, lewenswyshede en inspirasie van hierdie en ander baanbrekers. Die boek bevat onderhoude met sakeleiers, sportlui, kunstenaars en ander bekendes soos Natalie du Toit, Brand Pretorius, Regardt van den Bergh, Carike Keuzenkamp en Elvis Blue. Die verhale in Hartsgesprekke met... vertel van harde werk, struikelblokke, drome, lewenslesse en ’n passie vir Christus. Met hierdie versamelstuk kan lesers waarlik voel of hulle saam met bekendes sit en stories uitruil. Die boek sluit af met ’n spesiale “onderhoud” met Jesus en word stylvol afgerond met pragtige swart-en-wit foto’s. R139,95 Marius du Plooy was ’n joernalis, radio-omroeper,…

Langasems Daar loop merkwaardige ouer mense op hierdie aarde rond. ’n Vyf-en-sewentigjarige wat dit sy taak maak om mense se rugpyn met ’n drukpunttegniek te verlig, illustreer weer onlangs hierdie feit aan my. Hy bring steeds elke dag ure op sy voete deur, bereid om immer geduldig en optimisties oor dinge wat kán verbeter, die pad sáám met mense te loop. Nog iemand wat meer weet van aanhou as van ophou, is die Armeens-Franse sanger, akteur en diplomaat Charles Aznavour (92). Bob Dylan het gesê Aznavour is een van die grootste verhoogkunstenaars wat hy nóg gesien het. Hulle noem hom die Frank Sinatra van Europa, ’n persoon wat verhoë met die grootste name in die musiekwêreld gedeel het: van wyle Edith Piaf en Luciano Pavarotti tot Elton John en Josh…

Musiek bly die goue draad deur Nádine se lewe die afgelope dekade. En hoogtepunte was daar vele. Haar jongste album, Skildery, is vanjaar benoem vir die beste popalbum by die Ghoema-toekennings, Huisgenoot Tempo’s en Sama’s. Die tweede reeks van Musiek Roulette op SABC2, met Nádine as aanbieder, word tans uitgesaai. “Dit is ’n ander soort dissipline as wat musiek van my verg. Die voorbereiding neem lank en die opnames is ongelooflik vermoeiend op my lyf en stem, maar dit is die grootste lekkerte en trots wanneer jy aan die einde van die opname kan weet jy het jou beste gegee.” In 2005, 2012, 2013 en 2014 was Nadine een van die bekende gesigte by Skouspel en in 2015 Super Skouspel. In 2008 het sy haar Engelse album This time I…

Volgens die Bybel was Andreas, soos sy broer Simon Petrus, ’n visserman. Die broers is gebore in Betsaida aan die See van Galilea. Andreas en Simon Petrus was besig om hier vis te vang toe Jesus hulle roep om vissers van mense te word. Hulle het hom daar en dan begin volg en só Sy eerste dissipels geword. Volgens Johannes 6 was dit ook Andreas wat Jesus vertel het van die seuntjie met die vyf broodjies en twee vissies. Daar word geglo dat Andreas ná Jesus se Hemelvaart na Griekeland gereis het om die evangelie te verkondig. Sommige meen hy is daar dood aan ’n kruis waaraan hy vasgebind was, nie vasgespyker nie. Hy het glo vir twee dae aan die kruis gely waartydens hy gepreek het vir die mense…

Volgens dr. Marc Roscher, ’n dermatoloog van Durban, is rosacea ’n chroniese veltoestand wat drie keer meer by vroue as by mans voorkom. Veral vroue met ’n ligte gelaat tussen die ouderdom van 30 tot 50 sukkel hiermee. Vroue wat deur menopouse gaan, lei dikwels ook aan dié velkwaal. Daar is nie 100% sekerheid oor die oorsake van rosacea nie, maar dit kan deur die volgende snellers veroorsaak word: uiterste weersomstandighede, oefening, hitte vanweë sonblootstelling, stres, angs en die inname van alkohol, kafeïen en speseryagtige kos. Chemiese afskilfering, stoombaddens en die misbruik van sekere skoonheidsmiddels kan ook die gelaatskleur beïnvloed, sê dr. Roscher. Rosacea ontwikkel dikwels oor ’n tydperk en die vel kan permanent rooi word en plek-plek verdik en onooglik lyk. Hierdie soort vel kan so sensitief word dat…

Kom ervaar die saligheid van ’n luukse [comfort zone] Sublime Radiance-gesigbehandeling wat jou vel vernuwe en weer sal laat straal. Boonop kry jy die jongste Lééf, ’n Mooi soos ’n beminde-skoonheidsjoernaal, ’n glasie vonkelwyn en ’n geskenkpak met [comfort zone]-produkte ter waarde van R400. Jy is ook welkom om tyd in die stoom- en stilkamer en spakafee deur te bring en jou siel én lyf vir ’n rukkie te laat rus. Christine Ferreira, Lééf se redakteur en gasvrou vir die dag, nooi jou om saam te kuier en jouself ’n slag behoorlik te bederf. Die Sublime Radiance-behandeling is 75 minute van pure plesier en bederf. Hierdie luukse gesigbehandeling verferm die vel in ’n kits. Aktiewe bestanddele help om die vel se elastisiteit te verbeter en sigbaar jonger te laat lyk.…

Jou droom was om aktrise te word; wat het jou laat deurdruk? Daar was beslis ’n tyd toe ek wou moed opgee – en ek het basies; ek het as kopieskrywer gewerk. Ek het begin dink sommige drome is net nie bedoel om waar te word nie. Maar ’n vriend het my oorreed om ’n oudisie te doen by 7de Laan. Ek het gehuil van blydskap toe ek die oproep kry dat die rol van Petro myne is. Die persoon het gesê: “Dis nie ’n groot rol nie, net vir drie weke… Stel jy belang?” Ja! Ja! Ja! Ek het nie omgegee hoe klein die rol is nie. Dit was absoluut ’n geskenk van God. Jy werk lang ure – hoe maak jy tyd vir God, geliefdes en net om…

Vooroordeel is een van die mens se grootste flaters, besef mens wanneer Esna Colyn voor jou sit. Want al het ons lankal die boksie-idee laat vaar dat suksesvolle vroue hulle vernuf moet toon in ’n potloodstrepie-broekpak en ’n kookwater-houding, vorm jou kop steeds prentjies oor iemand wat haarself as voorspeler in die sakebedryf bewys het. Jy verwag ’n saaklike grootbaas wat oor syfers praat en haar horlosie dophou, iemand wat haar woorde versigtig kies. En hoe verkeerd kan jy nie wees nie! Want die donkerkopvrou wat die deur van haar Johannesburgse huis vir jou oopmaak, is warm soos ’n koppie troostee op ’n blou Maandag. Helderkleurige meubelstukke met karakter staan trots in die voorportaal en uitsoekkuns versier die hoë mure. En hoewel daar selfversekerdheid en innerlike krag uit haar straal,…

Nerine Gardiner (27) van Johannesburg het so pas haar 54ste koek uitgedeel, dié keer aan Joseph. Joseph verkoop besems langs die pad. Al wat sy nog van hom af weet, is dat hy elke dag op sy pos is, graag glimlag en saans ná donker eers oppak. Maar hoeveel meer wíl of hóéf ’n mens van iemand te weet voor jy iets goeds aan hom betoon? Dis die vraag wat die jonge Nerine in duisende mense se gemoed begin losmaak het sedert sy 21 maande gelede begin het om in ’n piepklein oondjie koeke te bak en weg te gee. So sit sy ’n paar weke gelede op ’n sypaadjie êrens in Sand-ton en gesels met Samson, ’n man wat sy familie in die Oos-Kaap agtergelaat en deur die swaar…

Hemelse rykdom God seën ons oorvloedig – en met dié rykdom wil Hy hê ons moet elke dag woeker. “Van elkeen aan wie baie gegee is, sal baie geëis word; en van hom aan wie baie toevertrou is, sal meer gevra word,” lees mens in Lukas 12:48. Hier is drie beginsels wat jou sal help om verantwoordelik om te gaan met dit wat God aan jou geskenk het. In die eerste plek: Leef dankbaar! Selfs al wonder ons hoe op dees aarde al die rekeninge betaal gaan word, of al raak ons beangs omdat ons onder die skuld begin wankel, kan ons steeds elke dag in dankbaarheid leef vir die oorvloed uit God se hand. Dis dán wanneer ons weer begin fokus op dié dinge wat werklik belangrik is. Net…

1 Sophia’s Décor et Interieur is ’n nuwe dekor-en-geskenkwinkel op die hoek van Hillcrest- en Conrad-rylaan, Blairgowrie. Skakel 083 225 7017 vir meer inligting. 2 Hertex Munch Café by hulle winkel in Kramerweg 16 bied soete lafenis ná ’n inspirerende inkopiesessie in dié op en wakker nuwe dekordistrik in Kramerville, Johannesburg. 011 463 7056. 3 Dié ouwêreldse kombuisskaal is van Eetrite. Beskikbaar by Hirsch’s Homestores landwyd en by Kloppers in Bloemfontein. R239. 4 Dié oulike swartbordpennetjies (R10 elk) is van Bloumossie net buite Magaliesburg. E-pos: bloumossie@gmail.com 5 ’n Moet vir ernstige versamelaars: Dié bottel eksklusiewe Webb Ellis 2010 is ’n gesofistikeerde, elegante rooiwyn en is joune teen R1 000. 6 Gehekelde, handgemaakte handsak (R300) van Mads about you in Polokwane. Om joune te bestel, stuur ’n e-pos na handmademads@gmail.com. 7…

7 Ritmes vir kinders deur Tom en Lollie Smith Die skrywers span kragte saam om God se ritmes deel van intieme gesinsbande te maak. Die boek bied praktiese beginsels wat deur herhaling ’n ritme sal vorm om kinders meer soos Jesus te laat word, terwyl die besprekingsvrae en praktiese uitdagings aan die einde van elke hoofstuk dit ideaal maak om die gesinseenheid te versterk. Die rakprys is R129,95. Lééf-lesers kry egter ’n volle 10% afslag. Neem jou Oktober-uitgawe na jou naaste CUM-boekwinkel om te kwalifiseer. Kyk uit vir die Lééf-keuseboekplakker. Geldig tot 31 Oktober 2015. Lééf luister na... Storm Coffee Snobs Goeie koffie word gemaak van gehaltebone wat sorgvuldig gerooster en voorberei word sodat al die smake en subtiele ondertone tot hulle reg kom. Só is dié debuutalbum van Coffee…

‘Ek het die goeie stryd gestry; ek het die wedloop voleindig; ek het die geloof behou” (2 Timoteus 4:7, Ou Vertaling). Dis vir gelowiges deesdae moeilik om die brieweblad in koerante te lees. Sjoe, daar is soveel kritiek. Kerke is skynheilig, irrelevant en vervelig, geloof doen meer kwaad as goed… Sommige kritiek is geregverdig, maar ander is sommer verkeerd. Jesus se opdrag bly liefde en vrede, en baie Christene leef dit opreg uit. Duisende gemeentes in die land reik uit na behoeftiges: Christene versamel komberse, brei truie, bak koeksisters, verkoop worsrolle… Moet dit nou alles wegval? Sommige mense gebruik weer die wetenskap om te wys hoe outyds en verkeerd Christene se geloof is. Hoe reageer gelowiges op sulke kritiek? Ons gaan bloot voort, want ons geloof bly ons realiteit, ons…

1 Donderdag VIR ANDER In die harwar wil ek nie van mense om my vergeet nie, Here. Hulle is belangriker as werk. Help my om elke dag lief te hê, Here. Amen. 2 Vrydag DANKIE! Baie dinge is hierdie week bereik, Here. Dit wat moeilik gelyk het, is afgehandel. U het my pad gelyk gemaak. Baie dankie! So leef ek my hele lewe met U. Amen. 3 Saterdag LENTELUS Oktober is die mooiste, mooiste maand! My hart sing van U goedheid, Here, saam met elke bloeisel en voëltjie. U maak die lewe die moeite werd! Amen. 4 Sondag SONDAG-VREDE Dis U dag, Here, en ek voel die warm lug, ek hoor die duiwe koer en ek ruik die bloeisels aan die bome. Ek het vrede in my hart, want U…