Landbouweekblad13 November 2025的目錄

Hoenderbedryf: Wat is regering se plan? As die regering ernstig is daaroor om Suid-Afrika se ekonomie te red, moet hy die hoenderbedryf, wat die nasie voed, heel eerste red van die skade wat hyself toelaat. Pres. Cyril Ramaphosa het ’n ekonomiese noodtoestand verklaar en ’n tienpunt-aksieplan aangekondig om die ekonomie te red. Die plan sal vanuit ’n ekonomiese “oorlogskamer” in die presidensie bestuur word. Die president en sy regering besef dit dalk nie, maar die land se pluimveebedryf is die kanarie in die ineenstortende steenkoolmyn wat ons die ekonomie noem. Die pluimveebedryf is die grootste landboubedryf, neem meer as 100 000 mense in diens, is meestal in landelike gebiede geleë en produseer 66% van al die vleis wat Suid-Afrikaners eet. As dié bedryf in duie stort, sal die graanbedryf, plaaslike…

DIE negende oesskatting van die nasionale oesskattingskomitee (NOK), wat mielies, sojabone, sonneblomsaad, grondbone, sorghum en droëbone insluit, is nou 30% hoër as in die vorige seisoen. Die opwaartse aanpassing was hoofsaaklik toe te skryf aan mielies, terwyl die raming vir ander gewasse onveranderd gebly het. Die NOK raam die grootte van die kommersiële mielie-oes nou op 16,325 miljoen ton, met ’n verwagte opbrengs van 6,29 t/ha. Dit is 0,9% of 146 050 ton meer as die vorige skatting. Die produksieskatting vir witmielies is 0,1% of 8 100 ton hoër op 8,336 miljoen ton, met ’n oppervlakteskatting van 1,6 miljoen ha en ’n verwagte opbrengs van 5,21 t/ha. In die geval van geelmielies is die skatting 7,989 miljoen ton, wat 1,76% of 137 950 ton meer as die vorige skatting is.…

DIE wetenskap het reeds bevestig dat inenting teen hoogs aansteeklike voëlgriep doeltreffend is. Regerings moet nou hul kant bring, het afgevaardigdes op die onlangse kongres van die internasionale veeartsenykundige vereniging gehoor. WATTPoultry berig dat kongresgangers meegedeel is dat daar nie meer enige tegniese of ekonomiese struikelblokke vir dié inentings is nie – al wat nou kort, is beleidsbesluite deur regerings. Die pluimveebedryf gaan egter voort “met ’n 18de-eeuse metode van siektebekamping – die uitwissing (van pluimvee) – terwyl hy 21ste-eeuse middels tot sy beskikking het”, is gesê. FairPlay, die Suid-Afrikaanse teenstortingsbeweging wat WATTPoultry se berig in sy weeklikse nuusbrief gepubliseer het, sê in sy redaksionele kommentaar hy hoop dié boodskappe kom by John Steenhuisen, minister van landbou, en senior staatsamptenare uit. Op die kongres is gesê hoewel inentingsprogramme baie doeltreffend…

As ’n terugslag jou tref en dit veroorsaak ’n misoes, is die enigste raad om aan te hou boer en die probleme te oorwin. Dít was Stefan Tietz (39), mielie-en-veeboer van Grootfontein in Namibië, se redding. Dit het uiteindelik gelei tot sy triomf om nie net sukses ná sukses te behaal nie, maar ook om dié land se mielie-opbrengskompetisie te wen. Hy is Namibië se Oeskoning nadat hy die afgelope somer (2024-’25) die hoogste droëland-mielie-opbrengs van 8,3 ton/ha behaal het op die deel wat hy ingeskryf het. Oor sy hele mielieboerdery het hy gemiddeld 5,2 ton/ha geoes. Die Oeskoning-kompetisie word aangebied deur die Grootfontein-boerevereniging, waarvan hy lid is. Boere van die hele mieliedriehoek (Grootfontein, Otavi en Tsumeb) kon ook deelneem. Stefan het hom ná skool by die Namibian Institute of…

Die rooivleisbedryf moet tans heelwat struikelblokke oorkom, maar die ses finaliste in vanjaar se nasionale Bees- en Skaapboer van die Jaar-kompetisie boer met hul oë ferm op die toekoms. Daarom hou hulle getrou by veldbestuur, data-insameling en hul telings- en seleksiebeleid, en dink vernuwend om waarde tot hul boerdery toe te voeg. Die vyf beoordelaars wat onlangs die boere besoek het, is dr. Josef van Wyngaard (Voermol), dr. Barry Coates (Zoetis), dr. Theuns Laas (onafhanklike skaapbeoordelaar), Martin Seyfferdt (onafhanklike beesbeoordelaar) en Dawie Maree (FNB). Hulle het elke boer gevra hoe hulle oor die veebedryf voel, en die boere was dit almal eens dat daar ’n toekoms is, ondanks probleme soos bek-enklouseer en swak pryse. Om hierdie probleme die hoof te bied, is die boere baie meer toegespits op biosekerheid en…

Marianne se vlaskywe My een vriendin, Marianne, eet baie gesond en hou nie van soetgoed nie. Daar is egter een lekkerny waarmee jy haar in ’n wip kan vang, en dít is klassieke romerige vanieljevlaskywe. Dis al waarvoor sy vra wanneer sy verjaar. Hierdie is my ma se resep vir vlaskywe waarmee ons grootgeword het. 1 pak (200 g) Cream Crackers 1 liter volroommelk 1 vanieljepeul, in die lengte gehalveer en saadjies uitgeskraap (of 5 ml vanielje-ekstrak of 10 ml vanieljegeursel) 200 ml suiker 60 g botter 125 ml koekmeel 15 ml vlapoeier 2 ml sout 100 ml mielieblom 100 ml room 3 ekstragroot eiers, geskei Versiersel 560 ml versiersuiker, gesif Ongeveer 45 ml kookwater Spuit ’n vlak oondbak of tertbak liggies met kleefwerende kossproei. Pak die helfte van die…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan amostert@landbou.com BYEENKOMSTE 7 NOVEMBER: Sappa-inligtingsdag en jaarvergadering. Tema: Die pekanneutboer van die toekoms. The Venue, Hartswater. Navrae: Leilani le Roux, 021 250 1692, e-pos: admin@sappa.za.org 20-21 NOVEMBER: Agri 5-ekspo. Tzaneen Country Lodge. 011 056 6856, e-pos: admin@agri5expo.co.za. Web: agri5expo.co.za 24-26 NOVEMBER: African Agribelegging-indaba. Kaapstadse Internasionale Konvensiesentrum. Navrae: Sandra Munangwa, e-pos: sandra.munangwa@agricouncil.org. Web: agri-indaba.com 19-22 JANUARIE 2026: Combined Congress, aangebied deur die grondwetenskapvereniging van SA, die Suider-Afrikaanse vereniging vir tuinbouwetenskappe en SA vereniging vir gewasproduksie. Noordwes-Universiteit, Potchefstroom. E-pos: combinedcongress@gmail.com. Web: combinedcongress.org.za 3-5 MAART 2026: Africa Energy Indaba. Kaapstadse Internasionale Konvensiesentrum. Navrae: 011 463 9184, e-pos: info@energyindaba.co.za 10-12 MAART 2026: African Wild Dogs United 2026. Virtuele internasionale konferensie…

Viljoens is Suid-Afrika se topgraanboer vir 2025 Die saaiboer Hansie Viljoen van Leeudoringstad is einde Oktober in Boksburg as Graan SA en Syngenta se 24ste Graanprodusent van die Jaar aangewys. Sy boerdery strek oor dele van die Vrystaat en Noordwes, asook Ghanzi in Botswana. Saam met sy vrou, Wilmarie, en drie seuns, Kobus, Dihan en Hendrikus, verbou hulle mielies, sojabone, aartappels en koring, en boer ook met ’n Droughtmaster- en Simmentaler-stoetery en besit ’n kommersiële Charolaiskudde. ’n Meule verleng die waardeketting. Hansie het by die oorhandiging ’n beroep gedoen dat die tegnologie vir boere bekostigbaarder moet wees. Hy het ook by politici gepleit om die speelveld vir boere gelyk te maak. “Ons wil net boer en nie by politiek betrokke raak nie. Ons boere dra reeds hul dorpe en gemeenskappe.”…

Eiendomsreg Die hooggeregshof in Pretoria het ’n uitspraak oor die verkoop van vaste eiendom gelewer wat ernstige gevolge vir die sekerheid van eiendomsregte inhou. Annelize Crosby van Agbiz se regsintelligensie sê ’n uitspraak deur regter J.S. Nyathi dat ’n mondelingse ooreenkoms voldoende is vir die verkoop van grond kan ernstige probleme veroorsaak, want dit kan neerkom op die woord van een persoon teen dié van ’n ander. Hy het in die saak van Nomusa Virginia Dlomo vs. Kobus de Klerk en die minister van handel, nywerheid en mededinging beslis dat die vereiste van ’n geskrewe verkoopsooreenkoms diskriminerend teenoor kwesbare kopers is. Wetgewing vereis dat die verkoop van grond skriftelik moet wees en deur albei partye onderteken word. Die wet vereis dat die geskrewe ooreenkoms alle relevante inligting moet bevat, soos…

SERTIFISERINGSLIGGAME sal in die volgende dekade waarskynlik begin om waterverbruik tot op die laaste druppel te oudit, het Michael Esmeraldo, besturende direkteur van Netafim SA, op Agbiz se mediadag op Stellenbosch voorspel. Dit is sy persoonlike mening en nie dié van sy maatskappy nie. “Ek verwag dat hulle binne die volgende vyf tot tien jaar ’n boonste perk gaan plaas op die water wat jy kan gebruik as jy ’n spesifieke gewas wil verbou. As jy byvoorbeeld met sitrus boer, sal jy waarskynlik nie toegelaat word om meer as 7 500-8 000 m³/ha water te gebruik nie, anders is jou watergebruik nie volhoubaar en doeltreffend nie.” As verbruikers aandring op produkte wat waterdoeltreffend is, moet die landbou dit verskaf. “Ons weet reeds deur uitgebreide navorsing oor baie jare heen dat…

Om sonder ’n testament te sterf, is al ’n deurmekaarspul, maar om met ’n verouderde testament te sterf, is ’n absolute nagmerrie. Tog is dit iets waarmee ons daagliks te doen kry – gades en bates het verander, en kinders en kleinkinders het bygekom. Kom ons raak net gou ontslae van ’n bangmaakstorie. As jy sonder ’n testament sterf (intestaat), gaan jou bates nie na die staat toe nie. Dit gebeur net as jy sonder ’n testament sterf én geen familie het nie. Wat wel gebeur, is dat jou bates volgens vasgestelde reëls vererf. Daardie reëls kan groot moeilikheid veroorsaak. Die basiese reël is dat alles gelykop tussen die gade en die kinders verdeel word. Dit beteken dat die kinders jou gade uit die huis kan skop en dit verkoop.…

Pla iets? Vra jóú vraag op landbou.com/kundiges en ons help soek na oplossings. Veldbrande en lewende hawe: Hier’s veterinêre riglyne In die nadraai van veldbrande is spoedige, verstandige optrede noodsaaklik om verliese en dierelyding te beperk. Vee-eienaars en diegene wat boere help, moet as ’n span saamwerk om die beste uitkoms rakende brande te behaal. As die betrokke gebied ’n rampbestuursplan en -span het, is dit die beste manier om reaksies te koördineer. Indien daar nie só ’n plan is nie, behoort ’n rampbestuursplan vir die gebied ingestel te word vir toekomstige gebruik. Vir vee hang die prognose af van die erns van die brandwonde. Dit is noodsaaklik om die assessering van die betrokke diere sistematies te doen. Gegrond op navorsing wat in Australië gedoen is, behoort diere in drie…

Jy is die tweede geslag op die plaas wat met melkbeeste boer. Hoe het die melkbedryf deur die jare verander? Produksiekoste styg vinniger, wat ons dwing om meer planne te maak. Die weersomstandighede het ook verander. Ons kry byvoorbeeld minder reën en die buie val minder gereeld. Tegnologie speel ook deesdae ’n baie groter rol in die boerdery, maar ’n boer moet baie mooi kies watter tegnologie hy wil gebruik. Tegnologie help ons om beter besluite te neem omdat ons presies weet hoe elke koei produseer en presteer. Afimilk en Aficollars, byvoorbeeld, stel ons in staat om tot op die minuut te weet wanneer om ’n koei kunsmatig te insemineer. Ons weet presies hoe goed ons gras vaar en hoeveel ton ons elke jaar kan produseer. Met watter ras boer…

Oor gebede vír en ván grysaards word daar in die Bybel veel gesê – meestal bemoedigend en vertroostend. ’n Mens begryp eers die waarde daarvan as jy self nie meer so stewig op die bene is nie – en dan praat ons nie eers van die dinge van die kop wat nie altyd meer so helder is nie. As jy meer wil weet oor alles wat met grysheid gepaard gaan, lees dan weer wat die Prediker daaroor sê (Pred. 12:1-8). Daar is ook nog die gevleuelde woorde van wyle oom Gert van Deventer daar uit Somerset-Oos se wêreld: “Rykdom is ’n lekker dom, maar ouderdom is ’n ver...de dom.” Oom Gert het nooit rykdom geken nie, maar as hy dit wel ervaar het, sou hy geweet het dat dit ook…

Lae koringprys beïnvloed ook gars en hawer DIE Safex-prys vir koring het op 23 Oktober tot ’n laagtepunt van R5 855/t gedaal. Die lae prys gaan koringboere se inkomste en wins onderdruk, terwyl gars en hawer ook ’n laer prys gaan behaal omdat die pryse van dié gewasse van die koringprys afgelei word, sê Johan Lusse, hoofbestuurder vir graan- en landboudienste by Overberg Agri. Berekeninge wat landbouekonome van Overberg Agri vroeër vanjaar met ’n koringprys van R6 072/t gedoen het, toon ’n gelykspeelpunt van 3,11 t/ha by Bredasdorp, 3,19 t/ha by Caledon en 2,66 t/ha by Moorreesburg. Die voorspellings is vir grond met ’n hoë potensiaal by Caledon en Moorreesburg, en die opbrengsdata kom van gemiddelde studiegroepsyfers van die afgelope vyf jaar. “Die prys is nou nóg laer as wat…

Dieregesondheid Dr. Louis Greeff, wildveearts en boer van Limpopo se Bosveld, het onlangs op Wildbedryf SA se kongres in Pretoria vertel hoe hy ses koeie met snotsiekte — normaalweg ’n doodsvonnis — kon red. ’n Herpesverwante virus veroorsaak die siekte in beeste en wildebeeste. Wildebeeste kan dit simptoomvry onder lede hê. As hulle aan stres blootgestel word, soos tydens ’n droogte, speentyd of jag, kan dit die siekte ontketen. In oop stelsels, waar dié diere te opmekaar loop of waar sosiale spanning hoog is, is uitbrekings waarskynliker. In sy eie uitbreking in Augustus 2024 het hy 12 beeste verloor nadat ’n kouefront spanning en stres veroorsaak het. Dit het hom genoop om sy bestuur te heroorweeg, en toe volg ’n reeks eksperimentele behandelings wat tot merkwaardige resultate gelei het. Hy…

Dit was ’n monumentale prestasie. Die Suid-Afrikaanse uitstalling by vanjaar se Chelsea-blommeskou in Londen, Brittanje. Dit het ’n goue medalje losgeslaan én ’n gesogte Lawrence-medalje vir volgehoue gehalte deur die jare. Sowat 25 000 blomstingels is in dié indrukwekkende fynbosuitstalling gebruik. Elke liewe stingel moes sy eie invoerpermit kry. Dít buiten ’n hele rits ander kwessies, soos hoe om die blomme gelyktydig en op die regte tyd op verskillende plekke in Suid-Afrika te oes sodat dit betyds op die skou sou oopmaak — ongeskonde! Die meesterbrein agter dié logistieke operasie en kunssinnige meesterstuk was die minlike Leon Kluge. Ek het die voorreg gehad om onlangs na hom te luister by die blommefees op Stanford digby Hermanus, waar hy ’n boeiende praatjie in die NG Kerk gelewer het. Maar die gehoor…

“AS produsent word ek baie keer uit die gesprek gelaat. En wanneer ek wel iets sê, word gesê ek moet ’n brief skryf aan die provinsiale verteenwoordiger, dan word dit na nasionaal verwys en weer terug na provinsiaal. Ons het nie vandag sterk leierskap om ons te verteenwoordig nie.” Só het Kobus Bester, ’n beesboer van Ventersdorp en ’n direkteur van die Lewendehawe-registrerende Federasie (LRF), in ’n gespreksessie op Nampo Alfa by Nampo-park buite Bothaville gesê. Volgens hom sal die bedryf sy sokkies moet optrek, want daar kan nie voortgegaan word met dít wat hulle gedink het “eerbaar” is nie. “As jy nie meer jou ledegeld kry nie, moet jy óf jou deure toemaak óf dinge weer gaan oordink.” Hy het gesê die behoefte bestaan vir ’n instansie in die…

NET omdat ’n gewasbeskermingsproduk nie in die Europese Unie (EU) toegelaat word nie, beteken nie dat dit nie meer in Suid-Afrika gebruik kan word nie, het Roleen la Grange, Croplife SA se regulatoriese bestuurder, op Agbiz se mediadag by die Instituut vir Landbou-opleiding op Stellenbosch benadruk. “Vervaardigers dien dikwels om sake- óf omgewingsredes nie studies by die EU-kommissie in om hul produkte in die mark te hou nie. Dalk is die risiko te hoog, maar dit kan ook ’n finansiële besluit wees omdat dit nie die moeite werd is om geld te spandeer om die data in te samel nie, want die opbrengs op die belegging is nie groot genoeg nie. Soms is dit selfs omdat ’n maatskappy ’n ander produk wil bekend stel en sy eie mededinging wil verminder.”…

Die agtste oesskatting van die nasionale oesskattingskomitee wat op 30 September bekend gemaak is, bevestig dat die afgelope somerseisoen se oeste van 19,9 miljoen ton 28% groter is as dié van verlede jaar. In die geval van mielies – die grootste veevoerkomponent – is die oes op 16,2 miljoen ton geraam, wat 26,6% groter is as die vorige jaar se swak oes. Die beskikbare voorraad aan die begin van die huidige bemarkingseisoen (1 Mei 2025) was 638 000 ton, omtrent die helfte van wat gewoonlik nodig is. Na raming gaan Suid-Afrika aan die einde van die bemarkingsjaar ’n oordragvoorraad van 2,5 miljoen ton hê. Dit is ’n redelike buffer vir die huidige seisoen, met aanplantings wat tans gedoen word. Midde-in die handels-entariefoorlog het Amerika ’n rekord-mielieoes van 427 miljoen ton,…

’N SPAN van die Universiteit van Pretoria (UP) wil plaaslike onderbenutte plantspesies bevorder en jong verbruikers sodoende blootstel aan nuwe plantsoorte om te voorkom dat mense wêreldwyd bloot dieselfde kosse eet. Volgens dr. Hennie Fisher van die departement verbruikers- en voedselwetenskap aan die UP wil hulle bepaal of die blootstelling aan nuwe plantspesies deur onderrig verbruikers se kosmaakgewoontes sal verander. Fisher en sy span wil verseker dat “geïgnoreerde en weesgewasse” hul weg na spyskaarte vind. “Ons moet inheemse biodiversiteit op ons borde hou en nie toelaat dat plaaslike en streekgewasse deur die voedselstelsel ingesluk word nie.” Slegs ses van die 400 000 plantspesies in die wêreld maak 57% van die primêre gewasproduksie uit (ongeveer 9,5 miljard ton). Dit sluit in suikerriet, mielies, rys en koring. “Met sowat 3,2 miljard mense…

Koolstof is een van die vernaamste boublokke van lewe en energie. Dit kom voor in al die belangrikste aminosure, die boublokke van proteïene. Verder is dit ’n belangrike element in alle vorme van suiker, waaronder glukose, laktose, sukrose en fruktose, asook stysel en alle vette. Daarbenewens is koolstof ’n kernkomponent van alle vorme van petroleum, steenkool en olie, en die menslike liggaam bestaan boonop uit ongeveer 18% koolstof. Saam met suurstof, waterstof en stikstof is koolstof een van die belangrikste elemente op aarde en dit kom in vaste, vloeibare en gasvorme voor, terwyl dit ook tussen hierdie vorme migreer. Koolstof se bestaan moet dus gewaardeer en erken word, want daarsonder is lewe en energie nie moontlik nie. Vandag het koolstof egter die stiefkind in die chemiese konstellasie geword en sy…

Die resultate van die jongste navorsing oor bewaringslandbou toon dat doeltreffende lewendehaweintegrasie een van die belangrikste boustene vir winsgewende bewarings-/herlewingslandboustelsels is, het Mary Maluleke, ekonoom van Asset Research, met die bekendmaking van die finansiële ontledings van verskillende produksiestelsels gesê. ’n Finansiële model is vir sulke ontledings ontwikkel en onder boere in die Maluti-, Noordoos-Vrystaat- en Mpumalanga-Hoëveld-produksiestreke getoets. Die resultate wys duidelik dat waar vee by ’n bewarings-/herlewingslandbou-graanproduksiestelsel geïntegreer is, die stelsel winsgewender was. Maluleke was deel van ’n span navorsers wat onlangs op die jaarlikse vergadering van die forum vir navorsing oor bewaringslandbou in Pretoria terugvoering gegee het. Waar vee by graanproduksiestelsels geïntegreer is, was die stelsels winsgewender, ten spyte van hoër saadkoste as gevolg van die gebruik van dekgewasse om vee-integrasie moontlik en volhoubaar te maak. Dit was danksy…

BYNA 80 inskrywings is vir 2025 se Groei vir Goud-kompetisie ontvang en talle opbrengsrekords is aangeteken. Sojaboonboere het drie rekords behaal, met uitsonderlike opbrengste in besproeiingsen droëlandgebiede oor die land heen. By mielies is in ál ses streekkategorieë rekords behaal. In die noordelike én suidelike besproeiingskategorieë vir koring is opbrengsrekords opgestel danksy beter kultivars en bestuurspraktyke. WENNER SOJA (OOS-VRYSTAAT) Oos-Vrystater kraai koning met min insette Aan die begin van die 2024-’25-somergraanseisoen het ’n haelstorm die grootste deel van Daniel Slabbert van die Sanctuary-boerdery in die Oos-Vrystaat se sojabone beskadig. Die storm was net nadat die plante opgekom het. Daniel, wat in die omgewing van Daniëlsrus en Harrismith boer, sê hy is baie dankbaar dat die plante sodanig herstel het dat hy uiteindelik die eerste plek in die Groei vir Goud-kompetisie se afdeling…

Die reën val al die laaste week in sluiers oor die aarde. Daar was nog nie kans vir my daaglikse stappie in die berge nie, maar gelukkig ken ek elke moontlike paadjie beter as wat die meeste mense hulself ken. Só het ek nog elke dag voor die kaggel gesit en in my gedagtes die paadjies geloop. Deur die dag is dit net ek en Rommel. Stefan werk dan op die plaas om te verseker dat sy erfporsie nie vergaan nie. Ons paadjies het eendag heel toevallig by die boeremark gekruis. Kort daarna het hy my plaas toe genooi. Ek was elke naweek daar tot met sy ouers se afsterwe. Die plaas was skielik syne, en ek ook. Daar was net vier mense op ons troue: ons twee, die dominee…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Op ’n atletiekbyeenkoms Lees op bl. 102 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 103 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 27 November 2025. Geen posstukke word meer as…

Die TABEL toon ’n opsomming van grondtransaksies groter as 10 ha in die Oos-Kaap vir die 12 maande tot Julie 2025. Oor dié tydperk is 326 ooreenkomste in 35 distrikte gesluit. In die proses is 195 575 ha teen altesaam R2,317 miljard verhandel. ’n Vergelyking per kategorie teenoor die vorige 12 maande toon die volgende: Grondverhandeling kleiner as 50 ha was 25% (27%), 50 ha tot 150 ha 15% (16%), 150 ha tot 300 ha 12% (14%), 300 ha tot 450 ha 9% (11%) en groter as 600 ha 31% (27%). Transaksies van 450 ha tot 600 ha het tot 9% (5%) toegeneem. Altesaam 40% van die distrikte toon ’n gunstige prysneiging vir dié tydperk, terwyl daar in 11% van die distrikte geen grondverhandeling plaasgevind het nie. Steytlerville was die…

GAUTENG CARLETONVILLE BUCHANSVALE (61) 571 ha, aan W C P A B (Edms.) Bpk., van General Nice (SA) Manganese (Edms.) Bpk., R5 625 000. DOORNPOORT (347) 40 ha, aan M.P. Nkosi en N. Nkosi, van C.C. Hattingh en M.A. Hattingh, R1400000. ELANDSVLEI (249) 47 ha, aan Triumphant Tribe Of Christ (Edms.) Bpk., van D. Coetzee en M.E. Coetzee, R4 000 000. VAN WYKS RESTANT (182) 15 ha, aan Truck & Plant Connection Prop (Edms.) Bpk., van Willowbrooke Ext 17 Prop (Edms.) Bpk., R14 280 000. KWAZULU-NATAL LADYSMITH ROODE POORT (1045) 20 ha, aan Hazprop Trust, van R.W. Bronkhorst, R650 000. PORT SHEPSTONE EMBEGELWENI (14985) 169 ha, en SANDERSTEAD (15566) 59 ha, aan KZN Farming Enterprise (Edms.) Bpk., van The Sun Trust en Sun Trust-trustees, R35 000 000. UNDERBERG ROODE POORT…

AFRIKANER Uitskieterprys vir bul op nasionale Afrikaner-veiling Hoewel bulle ’n goeie gemiddelde prys op die nasionale veiling van die Afrikaner-beestelersgenootskap op die Bloemfonteinse skouterrein behaal het, was daar vanjaar ’n groter vraag na vroulike diere. Op dié veiling was daar egter een bul wat uitgetroon het. Dit was JEV 220066 van Jannie Visagie van Petrusburg, waarvoor Grant Wiehahn van Toffee’s Farming by Dordrecht R170 000 opgedok het. Dié uitskieterprys het die gemiddelde prys van die ses bulle op R72 500 te staan gebring. Altesaam 11 dragtige stoetverse het gemiddeld R22 636 behaal en die enkele dragtige stoetkoei is vir R32 000 verkoop. Vleissentraal Bloemfontein het die veiling aangebied, met Gert Coetsee as afslaer. — JOHAN NORVAL Jy’t reggeraai, rekords spat op nasionale Simbra-veiling REKORDS het gespat op die Simbra-beestelersgenootskap se…