IdeesMay/June 2020的目錄

Dis selde nodig dat ek my hele brief aan julle moet oorskryf. En totaal ongehoord om te sien hoe ons drukkers se deure sluit voordat ons ons nuutste Idees in hulle bekwame hande kan aflewer. Hoe die verspreiders se groot lorries geparkeer staan eerder as om ons wyd en syd voor die winkels af te laai. Dit is twee dae voordat ons ons almal moet afsonder en ek sit hier in my tuiskantoor en lees hoe almal voorberei vir WFH (Work From Home). Nuwe stelsels, nuwe maniere van kommunikeer en vergader, en glo ’n moeilike ding vir die millenniërs wat mos maar kuddediere is en nie graag op hulle eie wil wees nie. Aanvanklik het ons span normaalweg voortgegaan. Ons werk immers al ’n hele paar jaar lank elkeen van…

LOS STOELOORTREKSEL Niks nooi jou hartliker om te kom sit as ’n groot, sagte leunstoel nie. Ons het ons oortreksel oor die stoel getrek met die rafelrande aan die buitekant om tekstuur te gee, maar jy kan dit ook met die nate na binne oortrek. MOEILIKHEIDSGRAAD: gevorderd TYD: ’n dag Gebruik ’n ou laken of ander goedkoop materiaal, of doodgewoon papier, om eers ’n proefoortreksel te maak. Plaas dit op die stoel, pas dit oor die verskillende dele en knip dit soos jy aangaan. Speld die dele ook so aan mekaar vas. Wanneer jy tevrede is dat die oortreksel pas, gebruik die geknipte dele as jou patroon om die oortrekseldele uit stewige linne- of katoenmateriaal te knip en aan mekaar te stik. Stoeloortreksel deur Terena le Roux BÊRESAK Hou al…

MOEILIKHEIDSGRAAD: gemiddeld TYD: 2-3 dae JY BENODIG ♥ tegniese tekeninge op bladsy 42♥ rugstukbord (ons het SupaWood gebruik) - 344 mm x 344 mm x 9 mm (deel 1)♥ spieël: 343 mm x 343 mm x 3 mm (deel 2)♥ hout (ons het SA-dennehout gebruik) - 2 000 mm x 142 mm x 22 mm (dele 3 en 4)♥ portretraam met glas (deel 5) (ons het ’n ou raam gebruik en die grootte verander na ’n buitemate van 412 mm x 412 mm)♥ 2 x 50 mm-vlakskarniere met skroewe (deel 6)♥ 1 x magnetiese knip (deel 7)♥ 2 x 2A55-gleufhangers met skroewe (deel 8)♥ dennehoutvuller♥ houtlym♥ 12 x 4 mm x 45 mm-houtskroewe♥ 1 buis silikonrubberverseëlaar♥ wit waterbasis-emaljeverf GEREEDSKAP ♥ handboor♥ 3 mm-boorpunt♥ versinkboorpunt♥ versteksnyer♥ sterskroewedraaier♥ skuurpapier: 100-, 150- en…

JY BENODIG ♥ broskorsdeeg ♥ pasteivulsel ♥ klein koekiedrukkers ♥ koekroller ♥ skerp, ongetande mes ♥ liniaal BROSKORSDEEG ♥ 300 g koekmeel ♥ 150 g koue botter, in blokkies gesny ♥ omtrent 75 ml yswater APPEL-EN-FRAMBOOSVULSEL ♥ 1 blik tertappels, gedreineer ♥ 1 bakkie vars frambose (of ’n pak bevrore bessies) ♥ gerasperde skil van 1 suurlemoen ♥ 60 ml bruinsuiker, plus ekstra om bo-oor te sprinkel ♥ 15 ml mielieblom 1 Meng die meel en 2,5 ml sout saam. Voeg die blokkies botter by en vryf dit met jou vingerpunte by die meel in tot dit soos broodkrummels lyk. (Jy kan ook ’n voedselverwerker gebruik.) Voeg driekwart van die yswater by en meng dit baie liggies met jou vingerpunte in. Druk die mengsel liggies saam en voeg nog water…

’n Mens kry onthou-bokse soos ons projek op bladsy 68, en dan kry jy ook skadubokse soos dié een. Albei is nou baie gewild onder handwerkers. Dit vervul dieselfde funksie: om dinge wat vir jou mooi herinneringe aan iemand of iets inhou, in ’n boks te bewaar. Gewoonlik gebruik jy ’n houtkissie. Vir onthoubokse sal jy items op rakkies teen ’n mooi versierde agtergrond uitstal, terwyl die klem by skadubokse is op diepte, verkry deur prente laag op laag op mekaar te plak. Dikwels werk jy net met papier en stal jy nie ander items uit nie, hoewel jy ’n ornament of twee kan byvoeg om die prentjie te voltooi. ’n Liggie op die agtergrond om ’n dromerige voorkoms te verkry, is ook gewild. Ons het inspirasie uit vier geliefde…

MOEILIKHEIDSGRAAD: gemiddeld TYD: omtrent 50 uur JY BENODIG ♥ ottoman van 42 x 42 x 42 cm♥ Nurturing Fibres Eco-Cotton: 3 x 50 g Vanilla (vir las), 13 x 50 g in die kleure van jou keuse (Sunglow, Willow, Lime, Ruby Pink, Bordeaux, Sunkissed Coral, Mint, Orchid, Aventurine, Ocean, Anvil, Violet en Watershed is hier gebruik)♥ 3,5 mm-hekelpen♥ tapisserienaald SPANNING Die seshoek is 8 cm tussen die reguit sye. Pas jou hekelpendikte aan om die regte spanning te verkry. AFKORTINGS dlb - gedraaide (twisted) langbeen do - draad oor dsl2tes - dubbelslagsteek 2 tesame gls - glipsteek hlb - halwe langbeen kb - kortbeen K1, K2, K3 - kleur 1, kleur 2, kleur 3 ks - kettingsteek lb - langbeen 4lb-tr - 4 langbeen-trossie NL - naaldlas (onsigbare las) rdte…

MOEILIKHEIDSGRAAD: gemiddeld TYD: naweek JY BENODIG ♥ plastiekwasgoedmandjie (sien stap 1 hieronder)♥ T-hemp-breidraad in die kleure van jou keuse♥ naald met ’n groot oog♥ sosatiestokkie♥ skerp skêr SO MAAK JY 1 Soek heel eerste ’n wasgoedmandjie met openinge wat net groot genoeg is sodat jy die T-hemp-draad daardeur sal kan weef, maar die openinge moet ook nie te ver uit mekaar wees nie. Die idee is om die meeste van die plastiek met jou weefwerk te bedek en die mandjie ’n mooi handgemaakte voorkoms te gee. NOTA: Ons mandjie is van die plastiekhandelaar Mambo’s met takke landwyd. 2 Beplan jou patroon met jou verskillende kleure draad sodat dit reg rondom die mandjie sal herhaal. Ons het dit eenvoudig gehou met ’n driehoekpatroon in roomwit en pienk. 3 Wanneer jy jou…

Dit was die oomblik van waarheid: ‘Ek help net gou ’n ou omie en tannie hier met ’n gebreekte kar,’ sê die jong lat op sy motorfiets aan sy vriend oor die foon. Daar steek ons kar mos viervoet vas, regoor die begrafnisondernemer (!), soos ons Oudtshoorn binnery op pad see toe. En ek is ’n ou tannie. Tannie, ja, dit is ’n eretitel van my broers- en susterskinders en hulle geslag waarvoor ek glad nie omgee nie. Maar ‘ou’ tannie? Aikôna. Daarteen rebelleer ek beslis. Gelukkig bevind ek my in uitstekende geselskap. Positiewe veroudering is einde 2019 op die Global Wellness-beraad in Singapoer as een van die tien grootste tendense in die hedendaagse wêreld uitgewys. In die verslag wat daarop gevolg het, The Future of Wellness 2020, val die…

Die meeste mense wat ek ken, droom van ’n gemaklike en vreedsame huis waar hulle kan tuis voel. Wat hierdie begeerte en intrinsieke behoefte so interessant maak, is dat dit nie iets is wat jy sommer in ’n japtrap ‘kry’ deur eenvoudig die ‘regte’ gebou of vertrek binne te stap nie. Dit is immers nie ’n huis se mure wat ons gelukkig en tuis laat voel nie. Al kan ’n spesifieke ruimte wel hierdie ontwykende vredigheid weerspieël, spruit ‘tuis voel’ eerstens uit ’n diep en gesonde begrip van jouself. Kortom: As jy gelukkig, tevrede en tuis wil voel, moet jy eers só voel oor en binne jouself. Daar is hope dinge wat ’n stokkie steek voor ons planne om onsself beter te leer ken, en dit sluit ook al die…

Beste Terena, Ons woon in Suidoos-Asië en van die lekkerste dinge om saam te bring ná ’n besoek aan Suid-Afrika (of deur vriende en familie te laat saambring wanneer hulle kom kuier), is die nuutste Idees-tydskrif en biltong! Waar ons woon in Laos (hier meer bekend as Lao, ’n klein ontwikkelende land langs Thailand), weef lede van die inheemse Khmu-stam al vir duisende jare sakke uit die vesel van die kudzu-rankplant (Pueraria phaseoloides) wat wild in die tropiese woude groei. Tradisioneel het hulle die sakke gebruik om kos uit die woude en landerye te versamel. Die vesel is nou onder die handelsmerk JungleVine geregistreer. Anders as byvoorbeeld die gewilde hennepplant het die kudzu-plant géén verbouing nodig nie en kan dit met die hand geoes word omdat dit so dig voorkom.…

💮 NUWE WINKELS, DEKOR EN HANDWERK dala@ideasfactory.co.za 💮 KOS EN RESTAURANTE ideasmagazinefood@gmail.com NUWE KLEURE UIT ITALIË Die Italiaanse RVB-velsorg-en-grimeerreeks is bekend daarvoor dat dit besonder velvriendelik en veilig is. Dit bevat geen parabene, swaar metale, dierprodukte of gluten nie en is boonop vegan-vriendelik. Die reeks bestaan onder meer uit die RVB Into The Woods Eyeshadow Palette (R595) met vier poeieroogskadu’s in ’n mat en pêrelglans-afwerking in natuurlike kleure; die RVB Infinite Nature Highlighter (R570), ’n 3D-verligter wat die gesig ophelder en stralend met ’n gesonde gloed laat vertoon; die RVB Eye Pencil (R250) met ’n sagte tekstuur wat nie die ooglid sal verrek nie; en die RVB Velvet Matt Liquid Lipstick (R310) met ’n mat afwerking en intense kleur wat tot 12 uur kan hou. BRAAI & BROU Die nuwe…

MOEILIKHEIDSGRAAD: redelik gevorderd TYD: ’n dag JY BENODIG ♥ terracottateëls (ons s’n is 250 x 250 mm) ♥ krytverf in die kleur van jou keuse (ons het wit gebruik) ♥ onderlaag (opsioneel) ♥ verfkwas ♥ teëlsnyer 1 Verf die teëls met krytverf. As jy die teëls gaan aanbring op ’n plek wat dikwels gebruik word, wend dan liefs eers ’n onderlaag aan. Laat die teëls vir omtrent 24 uur droog word voordat met die volgende stap begin word. 2 Wanneer die teëls goed droog is, sit ’n teël in die teëlsnyer en keep al met die middel af ’n snylyn in. Druk die teëlsnyer af om die teël op die ingekeepte lyn te breek. 3 Neem een helfte van die teël, draai dit sywaarts en sit dit in die teëlsnyer.…

MOEILIKHEIDSGRAAD: gemiddeld TYD: 1-2 dae JY BENODIG ♥ tegniese diagramme op bladsy 44♥ hout (ons het SA-dennehout gebruik) - 1 000 mm x 162 mm x 22 mm (dele 1 en 2) - 600 mm x 29 mm x 22 mm (deel 3)♥ dennehoutvuller♥ houtlym♥ 12 x 4 mm x 45 mm houtskroewe♥ mat wit spuitverf♥ swart waterbasis-emaljeverf GEREEDSKAP ♥ handboor♥ 3 mm-boorpunt♥ versinkboorpunt♥ versteksnysaag♥ sterskroewedraaier♥ skuurpapier: 100-, 150- en 220-grint♥ klampe♥ kunskwassies of sponse SO MAAK JY MAAK VAN DIE BOEKEHOUER Maak dele 1 tot 3 en volg die tegniese tekening vir presiese spesifikasies. Boor, versink, lym en heg al die dele aan mekaar. Verberg die skroewe en onooglike plekkies met houtvuller. AFRONDING EN MONTERING Skuur die boekehouer met skuurpapier totdat jy tevrede met die afwerking is. Spuit ’n…

FAMILIEGALERY Skep jou eie muurgalery van familiefoto’s en items waaroor jy sentimenteel voel. Ons het ’n versameling foto’s, vintage-rame, Oupa se hoed en Oupagrootjie se waterpas vir ons galery gebruik. FYN BEDRAAD EN FOTO-TAPISSERIE Buig jou eie rame uit draad. Jy kan dit so ingewikkeld of eenvoudig maak soos jy verkies. Jy kan ook leë rame en rame sonder glas in jou galery gebruik. Laat druk ’n familiefoto op lap en hang dit net so teen ’n muur soos die tapisserieë van ouds. SIT SAG Laat druk ’n familiefoto op lap en gebruik dit om ’n kussing te maak. Ons het ons foto op katoenkeper stof (twill) laat druk.…

MOEILIKHEIDSGRAAD: maklik TYD: 1 dag JY BENODIG ♥ swart-en-wit foto van jou keuse, op materiaal gedruk♥ borduurgare in die kleure van jou keuse♥ borduurnaald♥ borduurring SO MAAK JY 1 Laat heel eerste jou foto op materiaal druk; daar is deesdae verskeie plekke wat dit doen. 2 Besluit watter dele van die gedrukte foto jy wil borduur en werk die kleure van jou borduurgare uit sodat daar ’n lekker verskeidenheid is. 3 Maak die lap in jou borduurring vas en begin borduur. Jy kan enige steke gebruik wat jy wil, maar ons het satynsteek gebruik om die groter blomme in te vul en Franse knoopsteek vir die klein blommetjies en die detail op die ring. 4 Wanneer jy klaar is met die borduurwerk, kan jy die prent mooi laat raam, ’n…

MOEILIKHEIDSGRAAD: gemiddeld TYD: omtrent 5-6 uur JY BENODIG ♥ dubbelbreidraad - hoofkleur: 100 g (320 m/350 jt.) - 3 x teenstellende kleure: 15 g elk (50 m/55 jt.)♥ 4,5 mm-hekelpen♥ steekmerkers♥ tapisserienaald KLEURE VIR DIÉ PROJEK GEBRUIK Nurturing Fibres-dubbeldraad in 4 kleure: HK: Vanilla TK1: Imperial TK2: Sunlit Kelp TK3: Monet GROOTTE Pas gemiddelde grootte 5-6 (maar kan maklik aangepas word). Omtrek by bal van voet = 24 cm. Lengte = 25 cm. SPANNING 12 rye x 11 ste = 5 x 5 cm. AFKORTINGS her - herhaal HK - hoofkleur kb - kortbeen ks - kettingsteek lb - langbeen pofst - pofsteek p-tr - punt-trossie rdte - rondte sal - slegs agterste lus st(e) - steek(steke) tes - tesame TK - teenstellende kleur vermeer - vermeerder (hekel 2 kortbeen…

HELP OUR PLANET Hierdie badkamer in ’n Eduardiaanse huis in Groenpunt, Kaapstad, spreek van die romantiek van weleer. Die eienaar, die museumkurator Christopher Peter, vertel die badkamer was eens die kombuis en hy kon dit dus heeltemal na sy smaak inrig nadat alles uitgeruk is. Regs is ’n ruim instapstort waar die kombuis se opwasbak eens was. Die Victoriaanse wasbak dateer uit die 1940’s en verleen saam met die vintage-styl spieël, rakkies en stoel ’n gevoel van ouwêreldse sjarme aan die badkamer. Die mentgroen mosaïekteëls en roospienk mure vorm ’n mooi kontras, met die blommemat wat die prentjie perfek afrond. SWART-EN-WIT HERWIN Jy hoef nie baie geld uit te gee om jou badkamer spesiaal te maak nie. In hierdie badkamer is slim gewerk met herwinde items en swart en wit…

Met ’n paar eenvoudige patrone kan jy hierdie Moedersdag die belangrikste vroue in jou lewe wys hoe lief jy hulle het. Moedersdag is ’n spesiale geleentheid om jou ma, skoonma, ouma of enige ander moederfiguur in jou lewe te vier. Maar dit is ook een van daardie nieamptelike ‘vakansiedae’ wat ’n mens dikwels onverhoeds betrap. Voor jy jou oë kan uitvee, jaag jy winkel toe om gou-gou ’n geskenk te soek, of miskien rol jy jou oë en sê dis in ieder geval alles ’n siek geldmaakstorie. Probeer gerus vanjaar hierdie semi-tuisgemaakte geskenkvoorstelle wat jy kan uitdruk om jou ma ekstra spesiaal te laat voel. En as ’n spesiale bonus is daar ook ’n ‘Jou huis is waar jou hart is’-weergawe wat jy heeljaar kan gebruik! 💮 Besoek ingoodcompany.co.za/downloads/ om…

@BIBBYSKITCHEN Johannesburg, Suid-Afrika Die kosskrywer en -stilis Dianne Bibby se kosskeppings sal jou tot hoër hoogtes voer in die kombuis. Sy is ook nie suinig met haar resepte nie en deel alles van veganistiese tot die vleiserigste geregte op haar blog, bibbyskitchenat36.com. @KNITTINGBEE_CPT Kaapstad, Suid-Afrika Of sy op die strand is, kamp of vir ’n pedikuur gaan, Bronwyn Hiles neem altyd haar breiwerk saam. Haar spesialiteit is snoesige truie en bykomstighede soos handskoene en serpe, en sy deel graag haar inspirasie op haar Instagram-blad. @LYNDA.GARDENER Melbourne, Australië Die dekorstilis Lynda Gardener se werk is ’n mengsel van oud en nuut, van ontwerperstukke en vondste van vlooimarkte, antiek- en tweedehandswinkels. Sy deel haar unieke projekte in sagte monochromatiese kleurskemas op Instagram.…

VIR ’N JAARLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* TEKEN IN DEUR EEN VAN ONS DIENSVERSKAFFERS: * SKAKEL 087 353 1307 (Maandag tot Vrydag 8 vm. tot 4.30 nm.). * E-POS JOU NAAM EN KONTAKBESONDERHEDE AAN subs@ideasfactory.co.za.** * SMS ‘INTEKEN IDEES’ OF ‘SUBSCRIBE IDEAS’ NA 33153 (R1,50 per SMS).** AS JY ’N DIGITALE EKSEMPLAAR WIL KOOP OF OP DIE DIGITALE TYDSKRIF WIL INTEKEN, GAAN NA www.magsathomedigital.co.za. KOOP ’N ENKELE DIGITALE EKSEMPLAAR TEEN R60 OF TEKEN OP DIE DIGITALE TYDSKRIF IN VIR R330. VIR NAVRAE STUUR ASSEBLIEF ’N E-POS AAN digitalsupport@magsathome.co.za OF SKAKEL 087 405 2222. OF * LAAI DIE IDEES-APP AF en koop ons digitale eksemplare op jou foon. (Lees meer oor ons nuwe app hier langsaan.) BEPALINGS EN VOORWAARDES *…

Een ding omtrent Laurence Amélie staan soos ’n paal bo water: Sy is mal oor die natuur, wat ook die hoofbron van inspirasie vir haar kuns is. Laurence se leefvertrek lyk kompleet soos ’n tuin in volle blom danksy haar reeks lieflike skilderye wat óf teen die mure hang of nonchalant op die vloer teen die muur ‘rus’. Boonop het dié huis in die landelike buitewyke van Parys ’n menigte stories om te vertel omdat dit al vir meer as ’n halfeeu in haar familie se besit is. ‘My ouers was jong skilders toe hulle die eiendom in 1958 gekoop het. Die opstal was ’n ou plaashuis met dik klipmure en hulle het gedink die ander geboue in die tuin sou perfek wees om as ateljees in te rig. Natuurlik…

FRANSE SJIEK Met nuwe pote met mooi kurwes en ’n laag blinkswart lakvernis kan jy binne dae nuwe lewe blaas in ’n ou winkelkas. Ons kas was ’n ligbruin melamien-nommer sonder pote toe ons hom in ’n tweedehandswinkel raakgeloop het. Net die spieël agterin en die art deco-styl groewe langs die deur het ’n mens nader gelok. MOEILIKHEIDSGRAAD: gevorderd TYD: 2-3 dae Maak eers die nuwe pote aan die kas vas en skuur dan die kas en pote af voor jy dit met ’n laag onderlaag verf. Wag tot dit behoorlik droog is voordat jy ’n eerste laag swart drupvrye sproeivernis oor die onderlaag aanspuit. Laat dit staan om heeltemal droog te word en spuit dan nog ’n laag aan. Herhaal die proses tot die kleur eenvormig solied is. Onthou,…

My onthou-kassie is geïnspireer deur herinneringe aan my ma… van haar in haar naaldwerkkamer, altyd aan die stik en borduur. Sy was ’n naaldwerkonderwyseres, wat beteken het ek het grootgeword in ’n huis met kaste vol lap, kant en gare. Met dié heerlike projek kan jy jou eie boks vol herinneringe skep. MOEILIKHEIDSGRAAD: maklik TYD: naweek JY BENODIG ♥ houtkissie met rakkies (myne is van die PNA)♥ memento’s, soos ou foto’s en prente, klerepatrone, garetolletjies, pakkies naalde en knope en ’n vingerhoed♥ versierings vir die rande, soos kant en ’n outydse maatband♥ verf in die kleur van jou keuse♥ modge podge♥ antieksmeer (ons het Dala Antique Rub, ’n oliebasisproduk, gebruik)♥ handwerkkwaste♥ gomgeweer♥ handwerkmes en snymat♥ liniaal♥ metaalhakies om die kassie te hang SO MAAK JY 1 Verf die houtkissie in…

KLEURWERK-OORSLAANKNOOPTRUI Sonder nate gebrei, van bo na onder. MOEILIKHEIDSGRAAD: gemiddeld tot gevorderd TYD: 4-6 weke Spesiale vaardighede: Fair Isle-breiwerk aan RK en VK Grootte: medium (grootte aanpasbaar met oorslag) Spanning: 20 ste en 18 rye = 10 x 10 cm (geblok) JY BENODIG ♥ Nurturing Fibres Supertwistdubbeldraad: HK - 6 x 50 g (Glacier), TK1 - 2 x 50 g (Conch Shell), TK2 - 2 x 50 g (Odette), TK3 - 1 x 50 g (Pear), TK4 - 1 x 50 g (Cedar), TK5 - 1 x 50 g (Slate)♥ 3,5 mm- (riffelstrook) en 4,5 mm- (hoof) sirkelbreipenne om heen en weer en in die rondte te brei♥ 10 steekmerkers♥ 2 breispelde♥ stopnaald om punte weg te werk♥ 1 knoopkaart (Incomparable Buttons - L192 Hearts) AFKORTINGS aw - aweregs do…

WASSIMBOLE Nou hoef niemand weer te wonder waarvoor die sirkeltjies, kruisies en driehoeke staan nie. Kopieer ons ontwerp met die wasgoedversorgingsimbole hier langsaan in die verlangde grootte op wit papier en sit dit in ’n raam wat by jou waskamer se kleurskema pas. SOKKIE-KNYPBORD Knyp ’n enkel sokkie hier vas tot sy verlore maat opgespoor word. Kopieer die aanhaling hier langsaan in die verlangde grootte en raam dit. Saag ’n houtplankie so breed soos die raam en lym ’n ry houtwasgoedpennetjies al langs die lengte van die plank af. Maak die plank onder die geraamde aanhaling vas. WENKE VIR VLEKKE Hou hierdie byderhand vir enige wasdag-noodgeval… Kopieer die ontwerp met die riglyne vir vlekverwydering hier langsaan in die verlangde grootte op wit papier en sit dit in ’n raam op…

KOS VIR DIE SIEL Ek het skaars my nuwe uitgawe van Idees begin deurblaai toe dié woorde my tref: ‘Ons vind vrede wanneer ons ophou jaag na goed.’ Die tydskrif was kos vir die siel met ’n boodskap ingewortel wat ons so dikwels moet hoor… raak rustig. Hou op jaag en maak tyd vir feesvier, maak tyd vir skep, maak tyd vir stilword en maak tyd vir familie. Marian van Wyk se artikel ‘Tyd vir beter dae’ in die Januarie/Februarie 2020-uitgawe het my diep getref met ’n boodskap wat ons almal moes hoor. Ons raak die vakansie rustig by Jongensfontein en ek vat die boodskap saam met my: Hou op jaag en maak tyd vir beter dae. Dankie vir ’n tydskrif wat gebaseer is op sulke waarhede. Danielle Kotzé ONS…