IdeesMarch/April 2020的目錄

Seker die grootste voordeel van my blyplek in Kaapstad is die nabyheid van die Seepunt-promenade. Hier kan ek soggens vroeg, voor my werkdag begin, my liggaam aan die beweeg en my kop skoon kry. Dit het ’n gewoonte geword nadat ek ’n program op TV gesien het oor hoe belangrik stap is om jou brein gesond te hou. En toe lees ek boonop ’n rukkie gelede oor ‘Vitamien See’ en die voordele wat dit vir ons inhou om naby water te wees. Volgens die artikel in The Guardian word ’n blou ruimte, wat die see en kuslyn, riviere, kanale en selfs fonteine insluit, verbind met positiewe fisieke en geestelike welsyn – met van hoër vlakke van vitamien D tot beter sosiale verhoudings. Behalwe vir al dié onverwagte genades wat dit…

Hierdie is ’n wonderlike speelgoedprojek om mee te begin, aangesien daar nie moeilike nate is of ledemate wat aangelas moet word nie. Die voltooide kussing is omtrent 23 cm van bo tot onder, hoewel jy ook die patroon groter of kleiner kan uitdruk, as jy dit so wil hê. Ons grootte is net reg vir klein mensies om vas te hou, maar as ’n moderne dekorbykomstigheid vir volwassenes is dit ’n oulike fokuspunt op ’n rak of bank of aan die uitloer agter ’n potplant. JY BENODIG haaspatroon op bladsy 30 (druk dit op die oorspronklike grootte, nie om op die bladsy in te pas nie) effekleurige wit materiaal, verkieslik 100% katoen (die materiaalverf sal beter heg, maar ’n katoenmengsel sal ook goed wees) 15 cm satynlint van 45 mm…

MOEILIKHEIDSGRAAD: gemiddeld TYD: naweek JY BENODIG bypatroon hierbo stukkies vilt en kunsleer vir die agterkant ’n verskeidenheid krale – klein swart en geel krale vir die lyf – groter geel krale vir variasie op die lyf – liggeel buiskrale vir die kop – goue krale vir die voelers goue blinkers vir die vlerke geel kunssteentjies vir die detail op die kop liggeel, sonskyngeel en swart borduurgare liggeel masjiengare ’n verskeidenheid naalde (een baie dun) borduurring haakspeld koperdraad juwelierstangetjies gomgeweer harde karton SO MAAK JY LYF 1 Trek die bypatroon hierbo in die verlangde grootte op ’n stukkie vilt na en span die vilt styf in jou borduurring. 2 Begin nou die swart en geel strepe op die by se lyf van onder na bo met krale borduur. Gebruik ’n dun…

Elke kleur raak ons anders. Die heldergeel kleur op hierdie blaaie word nie verniet John’s Joy genoem nie. Vir kinders én hul ouers is dit ’n blye, jolige sonskynkleur wat jou omhels soos wat opgewekte, energieke stemme die siel aanraak. Net ’n tikkie van die kleur kan ’n oninteressante vertrek met opwinding vul. Die dekormoontlikhede is eindeloos. Stel jou voor hoe treffend ’n heldergeel laaikas sal lyk voor ’n muur in middernagblou (soos Dani’s Dare uit die Tjhoko-reeks), of span dit saam met swart in soos in ons prentjie. VERF HULLE GELUKKIG Die kinders se T-hemde is gestensil met die vrolike motiewe van die nuwe Tjhoko-stensilreeks, in die kleure Matt Black en John’s Joy. Gebruik ’n stensilkwas om die stensilwerk te doen. Hoe minder verf op die kwas, hoe kleiner…

Kry jouself in die ritme van selfmaak en meng ’n heerlike, gesonde fles granola vir die gesin. NOU LAAT EK SIEN… Knip ons etikette hier langsaan uit en maak so seker die hele gesin weet presies wat in elke fles is. VRUGTE-EN-NEUTGRANOLA Maak: omtrent 1 kg Bereidingstyd: 15 minute Gaarmaaktyd: 20 minute Oondtemperatuur: 180 ºC 80 ml olyf- of sonneblomolie 125 ml suiwer heuning 315 g (750 ml) gerolde hawermout 10 ml fyn kaneel 1 ml sout 100 g (250 ml) amandels, grofgekap 65 g (200 ml) growwe droë klapper 95 g (125 ml) droë bosbessies, rosyntjies en/of sultanas 30 g (60 ml) gemengde sade (soos sonneblom-, pampoen- en lynsaad) 1 Meng die olie en heuning saam. 2 Plaas die hawermout, kaneel en sout in ’n groot mengbak. Giet die…

HASIE-PAASEIERS Maak oortjies wat jy met blomme versier en verander dan polistireeneiers in oulike Paashasies. MOEILIKHEIDSGRAAD: gemiddeld TYD: 2 uur, plus droogtyd Koop ’n paar polistireeneiers by ’n handwerkwinkel en doop dit in ’n mengsel van 2 dele gipspoeier en 1 deel water. Sit die eiers eenkant om droog te word. WENK: Die maklikste is om ’n lengte dun draad deur elke polistireeneier te druk voor jy dit in die gips doop. So kan jy die eiers aan die draad-‘handvatsels’ oor ’n plastiekhouer laat hang tot dit droog is. Vir die oortjies plaas jy gedroogde blomme tussen twee velle waspapier (met die waskante wat na mekaar wys). Stryk daaroor sodat dit vassmelt. Wag tot die papier afgekoel en die was gestol het voordat jy die papier in oorvorms knip. Gebruik…

JY BENODIG ♥ eetbare blomme, soos viooltjies ♥ 250 g isomalt (te koop by bakwinkels) ♥ vloeibare geursel ♥ lolliegietvorm van silikoon (opsioneel) ♥ 8 lang stokkies vir stokkielekkers (of cake pops) ♥ suikertermometer (opsioneel, maar dit word aanbeveel) ♥ kombuisblaasvlam (opsioneel) ♥ A4-papier ♥ kombuispapier Droog die blomme eerder in die mikrogolfoond om hulle blitsig te ‘pars’ én hul kleur te behou. Vou ’n stuk gewone papier en ’n stuk kombuispapier in die helfte. Plaas die blomme met die gesigkant na onder op die gewone papier en plaas dan die papier met die blomme in die kombuispapier. Sit dit op ’n bord en pak nog ’n bord of twee bo-op. Mikrogolf dit vir 1 minuut, loer vinnig na die blomme, en mikrogolf dit dan verder vir 20 sekondes op…

Die meeste van ons lei ’n dol lewe, het ’n stresvolle werk en voel meestal te oorweldig om tyd vir onsself te maak. Selfsorg is gewoonlik heel laaste op ons lys van dinge om af te tik en boonop nie altyd so maklik om toe te pas nie. Kry jy wel ’n tydjie afgeknyp, voel jy te skuldig om jouself eerste te stel. ’n Goeie begin is om vir jou ’n bederfboks saam te stel – sodat al die nodige byderhand is wanneer jy uiteindelik daardie welverdiende blaaskans vat. Selfsorg het verskeie dimensies en elke mens se selfsorgroetine sal anders lyk. Vra jouself die volgende af wanneer jy items vir jou bederfboks kies: Wat laat my altyd kalmer en meer ontspanne voel? Watter oefeninge help my die beste om my…

@RENEEROSSOUWSTUDIO Kaapstad, Suid-Afrika Die argitek en kunstenaar Renée Rossouw se Instagram-blad spreek van haar liefde vir die gebruik van sterk lyne en kleure. In haar kenmerkende styl bring sy haar ontwerpe op van kussings tot muurpapier en meubels aan. @1000WAVE Osaka, Japan Chinami Mori is ’n Japannese modeontwerper wat spesialiseer in die kontemporêre handweeftegniek saori. Op haar Instagram-blad speel haar superkoel 97-jarige ouma Emiko model vir haar kleurryke skeppings. @TEXTILEOFTHEDAY Stockholm, Swede Ons is altyd op soek na inspirasie as dit by naaldwerk kom. Hierdie Instagram-blad wemel van idees en is ’n toonvenster vir die nuutste tendense en tegnieke deur tekstielkunstenaars van oor die wêreld heen.…

HET JY JOU DAAGLIKSE DOSIS KREATIEWE INSPIRASIE NODIG? MOET DAN NIE ONS NUUTSTE DIGITALE UITGAWES MISLOOP NIE. LAAI EENVOUDIG ONS APP OP DIE TOESTEL VAN JOU KEUSE EN JY HET DIE TYDSKRIF OP JOU VINGERPUNTE. * Vind ons onder IDEES TYDSKRIF in die APPLE APP STORE, of in die GOOGLE PLAY STORE indien jy ’n androïedtoestel het. * Koop ’n ENKELE DIGITALE EKSEMPLAAR teen slegs R60 of teken op ’N JAAR SE UITGAWES in teen R330. As jy ’n uitgawe misgeloop het, kan jy enige tyd op die uitgawe klik en dit by jou mandjie voeg om jou Idees-biblioteek volledig te maak.…

MESO-FAKTORE IN ’N POTJIE Baie van ons se ore spits as ons hoor ’n produk is gerig op vroue bo 50. Filorga het pas hulle eerste produkte om verouder(en)de vel te behandel bekend gestel. Die Global-Repairreeks is geformuleer om al die probleme wat met veroudering vereenselwig word, aan te roer: dehidrasie, plooie, ’n verlies aan fermheid en volume, donker vlekke en futloosheid. Daar is ’n serum en ’n room sover wat soggens en saans gebruik kan word. Die formule sluit 50 faktore in wat in mesoterapie gebruik word (vitamiene, antioksidante, koënsieme), supervoedingstowwe (omegasure, seramied) en sellulêre opkikkers (hialuronsuur, kollageen, niasinamied), asook retinol. Die serum, Global-Repair Intensive (R1 395), en room, Global-Repair Cream (R1 395), kan ook as maskers gebruik word. BORRELS IN ’N BLIK Chateau Del Rei is ’n nuwe…

MOEILIKHEIDSGRAAD: gemiddeld TYD: omtrent 10 uur VOLTOOIDE GROOTTE Sowat 30 cm. JY BENODIG 1 x 50 g Nurturing Fibres Eco-Cotton in die kleur Anvil 1 x 50 g Nurturing Fibres Eco-Fusion in elk van die kleure Ruby Pink, Sweet Pea en Lime 3 mm-breipenne poliësterspeelgoedstopsel (ons het Ball Fibre gebruik) 1 knopie (lemmetjie) vir die rok 2 baie klein knopies (rooipienk) vir die skoene swart borduurgare borduurnaald tapisserienaald AFKORTINGS aw – aweregs do – draad oor gl1 – glip 1 st regs manier her – herhaal ks – koussteek m1 – maak 1 ekstra steek deur die lus tussen die 2 ste met die linkerbreipen op te tel en regs agter in die lus te brei. r – regs rif – riffelsteek RK – regte kant r2tes – regs 2…

MOEILIKHEIDSGRAAD: gemiddeld TYD: naweek GROOTTE: Pas medium. JY BENODIG patroon hiernaas materiaal in twee kleure van jou keuse (of net een kleur, indien verkies) bypassende masjiengare 24 cm rek (5-6 mm breed) kleremakersgrafiekpapier SO MAAK JY 1 Gebruik die patroon hiernaas en teken dit in die regte grootte oor op kleremakersgrafiekpapier. 2 Knip jou patroon uit, maar onthou om naattoelatings van 1,5 cm by te las voordat jy dit uit die materiaal knip. WENK: Teken die naattoelatings by op die grafiekpapierpatrone voordat jy dit uitknip en op die materiaal uitlê. 3 Knip die patroondele uit die materiaal. Knip ook twee smal stroke materiaal van omtrent 3 x 45 cm en maak toutjies vir die sakke. Vou die stroke dubbel sodat die lang sye op mekaar is en pars die voulyn…

Verbeel jou: ’n Magdom werkers wat dag en nag kos aandra en verwerk, soldate wat jou vesting bewaak, vroedvroue wat die kinders grootmaak en voed en niemand staak ooit of vra vir ’n verhoging nie. Al wat jy moet doen, is om vir twee tot vyf jaar elke dag tweeduisend eiers te lê, nadat jy net een maal in jou lewe gepaar het. Dít is die lewe van ’n koninginby. En as sy en haar medekoninginne nie lewe nie en die byekolonies sterf uit, staar die mensdom hongersnood in die gesig. Mense besef nie aldag hoe afhanklik ons is van die bydrae wat bye tot ons diversiteit lewer nie, sê Sharon Lage van MacBee Honey in Gauteng. Sy is ’n kommersiële byeboer en besit sowat 500 korwe op die Hoëveld.…

MACRAMÉ-SAK MOEILIKHEIDSGRAAD: gemiddeld TYD: ’n naweek JY BENODIG VIR DIE MA CRAMÉ: 4 m katoenkoord van 4 mm-dikte 5 m katoenkoord van 1 mm-dikte tappen, omtrent 30 cm lank plekhouerkaartjie kleeflint kleurlose naellak VIR DIE TOETREKSAK: 1 m katoen- of linnemateriaal bypassende masjiengare 90 cm katoenkoord, tou of lint haakspeld AFKORTINGS BK – bindingsknoop DVK – dubbelvierkantknoop EVK – enkelvierkantknoop L – links R – regs LET WEL 1 Maak die tappen teen ’n stewige oppervlak (soos ’n wasgoeddraad of kleredroograk) vas. 2 Knip die 4 mm-koord in die volgende lengtes: 8 x 200 cm en 12 x 160 cm. 3 Vou die lengtes stringe om die middelpunt van elk te kry. 4 Hang die stringe van hul middelpunt oor die tappen soos volg: 4 x 200 cm L, 4…

MOEILIKHEIDSGRAAD: gemiddeld TYD: 3 uur, plus droogtyd JY BENODIG ♥ eierdoppe (maak ’n gaatjie in die een punt van die eierdop, krap die eier uit en spoel die dop dan deeglik met warm water uit) ♥ gipspoeier ♥ klein blommetjies ♥ mengbak ♥ maatbeker Begin deur 3 dele gipspoeier met 1 deel water te meng. Gooi eers die water in ’n mengbak, sprinkel die gipspoeier oor en wag ’n minuut voordat jy dit met ’n lepel meng om ’n pasta te vorm. Plaas klein blommetjies in die skoon, droë eierdoppe en skep of giet die gipsmengsel in tot die eierdoppe vol is. Laat dit vir ’n paar uur staan om droog te word voordat jy die eierdoppe kraak of oopsny.…

creativecalendarideas@gmail.com MAART WES-KAAP 26-28 Februarie Op die program van die jaarlikse Design Indaba by die Kunstekaap-teater is praatjies deur die voorste plaaslike en internasionale ontwerpers (met direkte uitsendings na Johannesburg, Durban en Potchefstroom), musiek, teater en veel meer. Meer inligting: designindaba.com. 28 Februarie-1 Maart By Hands-On Harvest in die Robertsonvallei kan jy onder meer wyn proe, meer oor versnitte en wyn-en-kos-pasmaats leer, weglê aan middagete langs die rivier of in die wingerde piekniek hou: handsonharvest.com. 28 Februarie-1 Maart Photo Fair Africa, ’n ekspo vir beginner- tot professionele fotograwe, word by die Meerendal-landgoed in Durbanville gehou: photofairafrica.com. 29 Februarie-1 Maart Kuns, handwerk, musiek, kos en wyn wag by die mark wat by Lord’s-wyne net buite McGregor gehou word: lordswinery.com. 1, 8 & 15 Maart Moenie die Backsberg-wynlandgoed se piekniekkonsertreeks misloop nie.…

Martijn Zijderlaan was maar 25 toe hy dié woonhuis uit die jare twintig in Stolwijk, Nederland, gekoop het. Die oomblik toe hy die ‘Te koop’-bordjie voor die huis gewaar het, net ’n entjie op in die straat waar hy grootgeword het, het hy die eiendomsagent (in die huis langsaan) gekontak om uit te vind of dit nog beskikbaar is en ook verduidelik hoe graag hy die plek wou hê. Goeie nuus: Die huis was sowaar nog op soek na ’n eienaar. ’Jy sal ver moet soek om ’n meer prentjiemooi plek raak te loop,’ sê Marije. ’Ek was klaar halsoorkop verlief op Martijn, maar nadat hy my die eerste keer hierheen gebring het, was die koeël deur die kerk.’ Toe Marije 12 jaar gelede hier ingetrek het en die paartjie…

MOEILIKHEIDSGRAAD: maklik TYD: naweek GROOTTE Pas medium tot groot. As jy die trui groter wil hê, hekel net meer rondtes. NOTA: Die oortrui is met oorskietbreidraad gehekel – jy kan enige dubbelbreidraad van jou keuse en kleure waarvan jy hou, gebruik. JY BENODIG dubbeldraadkatoen, bamboes, wol en akrielmengsels 4 mm-hekelpen tapisserienaald AFKORTINGS beg – begin dies – dieselfde do – draad oor gl – glip gls – glipsteek her – herhaal kb – kortbeen kn – knoop ks – kettingsteek lb – langbeen rdte(s) – rondte(s) sp – spasie vlg – volgende STEKE GE BRUIK langbeen kortbeen kettingsteek bloksteek LET WEL: Laat die laaste rondte van die agterpant vir later om te las soos jy hekel. TRADISIONELE OUMABLOKKIE (Hekel 2 groot oumablokke vir voor- en agterpante) Rdte 1: Maak ’n…

Hierdie heuningkoek-inspirasiebord het plek vir al jou gunsteling-kunsprente en sal ’n vaal muur dadelik opkikker. MOEILIKHEIDSGRAAD: maklik TYD: so ’n uur of wat, na gelang van hoeveel vorms jy sny en versier JY BENODIG ♥ seshoekvorm-patroon ♥ kurkteëls ♥ kunsprente ♥ bladgoud (opsioneel) ♥ handwerkgom ♥ sterk alkantplakband ♥ maskeerband ♥ handwerkmes en snymat ♥ staalliniaal…

JY BENODIG koek (15 cm in deursnee) bedek met botterversiersel 250 g witbaksjokolade poeierkoskleursel in die kleur eiergeel borrelplastiek skêr en liniaal was- of bakpapier versierspatel (off-set spatula) of plastiekkaart (soos ’n bankkaart) Sny ’n stuk borrelplastiek volgens die grootte van die koek. Draai dit liggies om die koek met omtrent 2 cm ekstra bygereken. Meet hoe hoog die koek is en sorg dat daar aan die bokant 3 cm ekstra borrelplastiek is. Breek die sjokolade in klein stukkies en smelt dit in die mikrogolfoond vir 10 sekondes op ’n slag. Roer en herhaal die proses tot die sjokolade heeltemal glad is voor jy dit liggeel kleur met poeierkoskleursel. Plaas die borrelplastiek met die borrels na bo op ’n groot stuk was- of bakpapier. Giet die sjokolade oor en gebruik…

MOOI UITGESTAL Spaar geld, onnodige verpakking, kos wat verval en ’n geskrop in die kruidenierskas deur soveel moontlik mooi in sig in glasbottels en -flesse uit te stal. Dieselfde geld jou groente en vrugte, waarvan die meeste nie in ’n yskas hoort nie. So sien jy dadelik wat jy beskikbaar het en wat jy moet gebruik terwyl dit nog vars is. Onthou om jou aartappels in ’n donkerder plek te bêre.…

OORHELRAK MOEILIKHEIDSGRAAD: medium TYD: 2-3 dae JY BENODIG MATERIAAL tegniese tekeninge op bladsy 84 gelamineerde dennehoutrakplank 2 400 mm x 606 mm (dele 1-4) tappenne 2 000 mm x 12 mm deursnee (deel 5) 1 000 mm x 12 mm deursnee (dele 6) 1 000 mm x 19 mm deursnee (dele 6) 1 000 mm x 25 mm deursnee (dele 6) emalje- of spuitverf (ons het primêre geel gebruik) onderlaag (sommige soorte verf het dit nie nodig nie) swartbordverf dennehoutvuller houtlym 25 x 5 mm x 60 mm-houtskroewe GEREEDSKAP handboor 4 mm-boorpunt platboorpunte 12 mm, 19 mm en 25 mm versteksnyer sterskroewedraaier skuurpapier: 100-, 150- en 220-grint klampe verfkwasse en rollers SO MAAK JY RUGST UKBORD EN RAKKE 1 Saag dele 1, 2, 3 en 4 en volg die tegniese…

MOEILIKHEIDSGRAAD: uitdagend TYD: ’n uur of wat, plus droogtyd JY BENODIG ♥ dekoratiewe bord ♥ pottebakkersklei ♥ gipspoeier ♥ koekroller of rolstok ♥ mengbak ♥ maatbeker Rol ’n stuk pottebakkersklei omtrent 1,5 cm dik uit. Druk die bord versigtig in die uitgerolde klei – maak seker die patroon word oorgedra. WENK: Sprinkel ’n bietjie meel op die klei voordat jy die bord daarin vasdruk – dit sal help keer dat die bord vassit. Sny vier repe klei af en rol elke stuk in ’n wors. Gebruik die kleiworse om ’n ‘muurtjie’ om die bordpatroon te pak. Meng 3 dele gipspoeier met 1 deel water. Gooi eers die water in ’n mengbak, sprinkel dan die gipspoeier oor die water en wag 1 minuut voordat jy dit met ’n metaallepel meng om…

Wanneer jy in jou twintigs reeds aan uitbranding ly, is dit tyd om jou lewe in heroënskou te neem. En dis presies wat Simoné Griessel ná ses jaar as ’n keuringsagent in die vermaaklikheidsbedryf moes doen. ‘Dit was jare wat ek nooit weer sou terugkry nie en ek het besef ek moet wegkom daar,’ vertel sy. Haar vriend, Marcel Hattingh, het ’n Land Rover gekry en hulle het vir 70 dae deur Afrika gereis om hulle koppe skoon te kry en te besluit oor die pad vorentoe. Op met die Weskus langs en die Skedelkus van Namibië na die Caprivi, deur Botswana en Zimbabwe en weer af met die Mosambiekse kus na Suid-Afrika toe. Terug op plaaslike bodem teen middel 2018 was Simoné so oorweldig dat sy aanvanklik die maklike…

* Lees meer: www.blom.studio www.arteles.org Ek is Finland toe om kreatief te wees en myself te vind, maar pleks daarvan het ek myself ‘verloor’. As terapeut luister ek elke dag na stories van mense wat verlore en verlate voel. Soos ek dit verstaan, is ons in die lewe óf verdwaal óf ons voel so vasgeval dat ons glad nie vorentoe of agtertoe kan beweeg nie. Hoewel ons groot dele van ons lewe in hierdie ‘verdwaalde toestand’ deurbring, vergeet ons meestal waarom dit so belangrik is. Een van die probleme van die moderne era is dat ons dae, weke en maande lank voor die tyd haarfyn uitgewerk word. Ons dagboek, Google-kalender of allerhande werkvloei- apps dikteer nie net wat ons elke uur van die dag moet doen nie, maar wakker ook…

SKRYF VIR ONS & WEN! Elize Botha, die skrywer van hierdie uitgawe se wenbrief, ontvang die lieflik verpakte Péng Lái-geur uit Berdoues se Grands Crusversameling ter waarde van R1 845. Dié Grands Crus-geur nooi jou om te dagdroom en onthul een van China se gesogste blomme, die osmanthus. Ontdek die reeks eau de parfums wat varsheid, elegansie en verfyndheid kombineer, vir mans én vroue. Eksklusief by uitgesoekte Foschini-winkels. SO ONVERWAGS Ek is mal oor dennetolle. Hulle lê op my koffietafel, word servethouers, is molm vir my tuin, ja, ek gebruik hulle net waar ek kan. Einde 2019 wil ek graag vir my vriendinne en kollegas dankie sê vir hulle geselskap deur die jaar. Die geskenkie moet treffend wees en nie te duur nie. Ek wil iets van myself gee… my…

VIR ’N JAA RLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* TEKEN IN DEUR EEN VAN ONS DIENSVERSKAFFERS: * SKAKEL 087 353 1307 (Maandag tot Vrydag 8 vm. tot 4.30 nm.). * E-POS JOU NAAM EN KONT AKBESONDER HEDE AAN subs@ideasfactory.co.za.** * SMS ‘INTEKEN IDEES’ OF ‘SUBSCRIBE IDEAS ’ NA 33153 (R1,50 per SMS).** OF * SKAKEL 087 405 2222 (Maandag tot Vrydag 8 vm. tot 4.30 nm.). * E-POS JOU NAAM EN KONT AKBESONDER HEDE AAN subs@magsathome.co.za.** * SMS ‘IDEES’ oF ‘IDEAS’ NA 47098 (R1,50 per SMS).** AS JY ’N DIGITALE EKSEMPLAAR WIL KOOP OF OP DIE DIGITALE TYDSKR IF WIL INTEKEN, GAAN NA www.magsathomedigital.co.za. KOOP ’N ENKELE DIGITALE EKSEMPLAAR TEEN R60 OF TEKEN OP DIE DIGITALE TYDSKR IF IN VIR…