IdeesSept/Oct 2017的目錄

Wát is dit met Idees en die blomme?’ het iemand my eenmaal gevra. Ek het nie geweet waar om te begin antwoord nie. ‘Want ons is lief vir blomme en dis ongelooflik mooi en spesiaal en dit maak ons gelukkig. Vir ons én vir ons lesers. Want ons is almal eende van dieselfde dam wat net eenvoudig hóú van mooi goed. En as dit nog boonop pienk ook is … ’ Nou ja, dan moet julle weet hoe gelukkig ons almal was om hierdie uitgawe bymekaar te sit en om die blaaie een vir een te sien inkom en bymekaarkom. Van die Suid-Afrikaner Carolyn Gavin se voorblad-Frida uit Kanada tot Georgianna Lane se asemrowende foto’s op ons openingsblaaie. Vir háár het ons op Instagram raakgeloop toe sy foto’s uit haar…

Groente Aartappels, artisjokke, aspersies, beet, blaarslaai, blomkool, boerboontjies, broccoli, ertjies, groenbone, jong aartappels, knoffel, komkommer, kool, mielies, murgpampoentjies, pampoen, patats, preie, rabarber, radyse, rape, sampioene, seldery, skorsies, spinasie, spinasiebeet, sprietuie, tamaties, uie, waterblommetjies, witwortels, wortels. Vrugte Aarbeie, appelkose, appelliefies, avokado’s, kiwi’s, koejawels, lemmetjies, lemoene, moerbeie, nartjies, papajas, piesangs, pomelo’s, pynappel, suurlemoene. Kruie Basiliekruid, brandnetels, dille, dragon, gousblomme, grasuie, kappertjies, knoffel, knoffelgrasuie, laventel, lourierblaar, marjolein, meerjarige basiliekruid, meerjarige bonekruid, ment, origanum, perdeblom, pietersielie, roket, roosmaryn, salie, sitroengras, suring, tiemie, vinkel. Blomme Agapante, anemone, angeliere, anthuriums, barbertonse dwergmadeliefies, barbertonse madeliefies, erikas, freesias, goueroede, hanekamme, heide, inkalelies, irisse, kangaroepote, kerriebos, konfettibos, koringblomme, kreefkloue, krisante, leeubekkies, Lisianthus, Oosterse lelies, oranjebolle, orgideë, papierblomme, pronkridderspore, (sekere) protea- en speldekussingsoorte, ridderspore, rose, sewejaartjies, soetemaling, stokrose, swaardlelies, tjienkerientjee, tulpe, watsonias.…

Gee jou tafel eksotiese lewe met orgideë wat jy self gevou het. JY BENOdIg ♥ orgideepatroon ♥ mediumgewig-karton ♥ sagte pastelkryte ♥ kleeflint ♥ gomgeweer ♥ handwerkmes en snymat 1 Kopieer die orgideepatroon hier langsaan in die verlangde grootte op gewone wit rekenaarpapier. Plak die patroon met kleeflint op ’n vel mediumgewig-karton vas en plak dit dan op jou snymat vas. Sny al die dele met jou handwerkmes uit die karton en gooi die papierpatroon weg. 2 Gebruik die pastelkryte om die blomblare mooi in te kleur. Begin by die binneste gedeeltes en vryf die kleur dan saggies na buite met jou vingerpunte. 3 Krul die punte van die blomblare inwaarts sodat dit meer realisties lyk. 4 Neem jou gomgeweer en plak al die dele op mekaar vas, soos in…

SONGEVERFDE INKOPIESAK Gebruik blomme en sonverf om ’n doodgewone materiaal-inkopiesak in ’n lieflike lentetuin te omskep. MOEILIKHEIDSGRAAD: uitdagend TYD: 1 dag JY BENOdIg ♥ materiaal-inkopiesak ♥ houtbord (effens groter as die sak) ♥ sonverf (ons het Dala s’n gebruik, in rooi) ♥ breë verfkwas of spons ♥ blomme en blare SO MAAK jY 1 Maak die inkopiesak deeglik nat en lê dit plat op die houtbord. Gebruik die verfkwas of spons om die sonverf op die sak aan te wend. 2 Rangskik blomme en blare in ’n patroon van jou keuse op die geverfde sak. Wanneer jy gelukkig is met jou ontwerp, kan jy die houtbord met die sak buite in direkte sonlig plaas sodat die verf kan droog word. 3 Verwyder die blomme en blare versigtig wanneer die sak…

My snoesige bederf dié winter was om, elke aand wanneer ek my rekenaar afskakel, vir my ’n glas rooiwyn te skink en onder ’n kombers voor die TV te gaan sit vir een episode van Netflix se Chef’s Table. Dit is ’n salige begin van ’n ontspanne aand ná die werkdag en maak my sommer ook honger genoeg om met groter entoesiasme self agter die kospotte in te skuif. En toe een aand, met die eerste episode van ’n splinternuwe seisoen, maak ek kennis met Jeong Kwan. Sy is ’n 60-jarige Zen-Boeddhis-non wat die wonderlikste vegan-geregte vir die Baekyangsatempel in Suid-Korea se Chunjinamgemeenskap kook. Jeong is die enigste sjef in die reeks sonder opleiding, kliënte of ’n restaurant, maar ’n mens weet net dis nie ál verskil nie. Die omgewing…

WOMBOK OF CHINESE KOOL Dit het ’n matiger, soeter geur as gewone kool. Snipper dit fyn en gebruik dit in slaaie of roerbraaie. MUNGBOONTjIESpRUITE Dié spruite verleen ’n soet geur en lekker krakerige tekstuur aan slaaie en roerbraaie – voeg dit reg aan die einde van die gaarmaakproses by. PAK cHOI Dié slaaiblare spog met ’n matige mosterdgeur en sagte, krakerige tekstuur wat wondere verrig in sop of roerbraai. Die kleiner blare kan gestoom word. SITROENGRAS Hierdie geurige krui is baie gewild in Oosterse geregte en word gebruik om tee en geurige sop te maak. Dit is ook ’n belangrike bestanddeel in talle kerriesmere en marinades. DAIKON OF wIT RAdYS Hierdie lang radyse is groter en die geur aansienlik matiger en soeter as die klein, ronde, rooierige radyse waaraan ons…

Teken, bak, deel Volg jy Alice Toich op Instagram (@alice_toich), sien jy iemand wat die lewe by die horings pak en voluit lewe. Sy teken, skilder, bak én werk haarself graag in as deel van die prentjie. Toe ons haar bakwerk, versier met die mooiste blomblare, sien, het ons besluit om haar te vra om dit met ons te deel. Wel, dít en so ietsie van haar lewe waar sy vanjaar by die Akademie vir Skone Kunste in Florence, Italië, studeer. Lees op bladsy 100 oor Alice in blommeland. Mooi raad Toe ons Elsa Krüger baie jare gelede ontmoet het as ’n geharde koerantjoernalis, het sy reeds ’n onwrikbare geloof gehad in die wonders wat uit botteltjies kan kom. Nou, as ons skoonheidskrywer en eienaar van die webtuiste Mooipraatjies met Elsa,…

Handwerk Eenvorm-kwilte – Carolyn Foster (Metz Press, R95) Hierdie is nou wel die eenvoudigste soort kwilte wat jy kan maak, maar deur die regte patrone en kleure te kies is die eindproduk gewaarborg om die asem weg te slaan. Die boek bevat 20 projekte, elk met ’n ander vorm laslappie – van reghoeke, driehoeke en seshoeke tot vierkante en diamante. Die kwilte wissel van dié wat met ’n lukrake verskeidenheid eenkleuren bont lap gemaak word tot ander waar jy net twee of drie kleure saamstik om ’n interessante geometriese ontwerp te vorm. Die skrywer deel ’n magdom idees en inspirasie vir laslapkwilte wat nie net mooi is nie, maar ook blitsig om te maak. Inkleur-tegnieke – Monique Day-Wilde (Metz Press, R225) Inkleurboeke vir grootmense bly ’n groot gier, maar daar is…

Inspirasie Kontemporêre blommerangskikkings is wild, vol emosie en put inspirasie uit 17de-eeuse Hollandse botaniese skilderye, die gotiese intrige van Victoriana en romantiek van toegegroeide ‘geheime’ tuine. Voeg hierby ’n broeiende kleurspektrum, teksture wat herinner aan die impasto-skildertegniek (lees meer daaroor op bladsy 113) en dekoratiewe elemente so reg uit ’n rariteitekas (die Engelse praat van ’n cabinet of curiosities) … só eindig jy met ’n styl wat neerkom op ’n ‘nonchalant ouwêreldse weelde’. Mooier met glas Gebruik vintage-glasware en vondste uit tweedehandswinkels om totaal nuwe vorms te skep. Meng kleure, teksture en materiale (glas en keramiek) om prettige dekoratiewe voorwerpe te skep. Glasgoed-stapel 3 Kry al jou glasgoed bymekaar of gaan snuffel in tweedehandswinkels vir ’n lekker verskeidenheid vorms, kleure en teksture. 3 Speel na hartelus rond met die vorms: Gebruik…

MUURBLOMME ‘Vertikale’ blommerangskikkings is ’n nuwe gier in die blommewêreld. Soek vir bloemisteskuim wat op glas gemonteer kan word (dit het ’n rubberdoppie aan die agterkant wat aan glas vassuig; lees op bladsy 20 waar jy dit kan koop) en heg dit aan die glas van ’n geraamde kunsprent. Druk vars blomme in die bloemisteskuim en voeg uitgesnyde blommotiewe uit dié uitgawe by om jou eie muurkuns te skep. BLOMME MOET EK HÊ ALTYD EN ALITYD. - Claude Monet SÊ DIT MET BLOMME Kopieer die inkleurprent op die oorkantste bladsy in die verlangde grootte op wit papier. Gebruik inkleurpotlode om die blommotiewe en aanhaling mooi in te kleur, of verf dit met waterverf. Draai ’n bos vars blomme in die prent toe en bind dit om die blomstele vas met…

Nadat die skep van gesigkontoere – hoë, glimmende wangbene, diep wangholtes, ’n fyn neus en gebeitelde kakebeenlyn – die laaste jare die groot grimeer-trendwas, is die jongste gier kleurkorreksie vir ’n vlekkelose, eweredige gelaatskleur en setsproei vir grimering. KLEURKORREKSIE As jy ooit op YouTube se how to-blaaie rondloer, sal jy onder ‘colour correcting’ ’n oorvloed gesigdiagramme in pastelkleure opmerk, en ook op Instagram en Pinterest wemel dit van die pienk, groen, pers en geel strepe. DÍ WAT JY MOET WEET WAT IS KLEURKORREKSIE? Grimeerkunstenaars gebruik dié tegniek al baie lank om jou gelaatskleur egalig te maak voor hulle aan die werk spring om gelaatstrekke te beklemtoon. Anders as verbloemers of onderlaag teiken dié basislae (primers), -poeiers en -verbloemers in skakerings van groen, lila, geel, oranje en koraal spesifieke kwessies soos…

MIRABELLE-PONCHO MOEILIKHEIDSGRAAD: maklik TYD: omtrent ’n week VOLTOOIDE GROOTTE Lengte = 66 cm (skouer tot onderrand) Wydte = 103 cm JY BENODIG BREIDRAAD ♥ One of a Kind: – 100 g Buttons – 100 g Bamsi Thin Lace Weight LET WEL: Die kleure hierbo moet só gekies word dat dit komplementêr sal wees. Die twee breidrade word saam gebruik (2 drade). ♥ Vinnis Serena: – 500 g in kleur 628 Gold Green – 200 g in kleur 694 Dark Peach HEKELPENNE ♥ 3 mm en 3,75 mm SPANNING Motief (sien bladsy 92) = 14,5 x 14,5 cm. SPESIALE AFKORTING LSJH – las soos jy hekel JY BENODIG OOK ♥ smal rek ♥ tapisserienaald ♥ skêr BO-HO IS DIE NUWE WERGAWE VAN HIPPIE-GLANS EN DIÉ PONCHO SAL VERSEKER DAT JY ALTYD…

In The Book of Joy is die Dalai Lama se raad om na elke probleem of situasie uit ten minste ses hoeke te kyk. ‘Dit gee ons ’n meer holistiese uitkyk op die werklikheid en maak ons reaksies meer konstruktief,’ sê hy. ‘Dit help om net ’n tree terug te staan om die groter prentjie te sien.’ Dankbaarheid Die Latynse woord gratia beteken grasie of dankbaarheid. Dankbaarheid omvat eintlik albei hierdie betekenisse, want dis ’n dankbare waardering vir wat ’n mens het, en dis ’n keuse om die lewe met grasie te benader. Dit beteken om die goeie in die lewe raak te sien, sê sielkundiges van die Harvard- mediese skool. En heel dikwels is daardie goeie dinge buite onsself, dus verskuif dit die fokus weg van onsself na ander…

Deur al die jare van ons gereelde Ons gee goeie raadbrokkies op hierdie blaaie was die één lesersvraag wat ons nie kon beantwoord nie, hoe om makliker self naaldwerkpatrone te maak of te verstel. Maar nie meer nie! Die Lutterloh-System®, ná meer as 80 jaar nog net so kontemporêr, stel jou in staat om patrone perfek volgens jóú liggaamsbou aan te pas. Met net twee mates – jou bors- en jou heupmaat – tesame met ’n ‘goue reël’-formule wat op die proporsies van die menslike liggaam gebaseer is en ’n spesiale maatband, kan jy ’n volskaalpatroon van enige van die patrone in hul katalogus vir jouself teken en aanpas. Die stelsel is beskikbaar in standaard (vir bors- en heupmates tot 128 cm, 280 patrone ingesluit) en in XL-XXL (vir mates tussen…

September NOORD-KAAP 31 Augustus-3 September GENIET MUSIEK EN TEATER BY DIE GARIEP-KUNSTEFEES BY DIE HARRY OPPENHEIMER-TUINE OP KIMBERLEY. BESOEK GARIEPFEES.CO.ZA . LIMPOPO 23 September-1 Oktober VIER DIE KOMS VAN DIE LENTE BY DIE MAGOEBASKLOOF & HAENERTSBURG-LENTEFEES. MEER INLIGTING: SPRINGFESTIVAL.CO.ZA . WES-KAAP 31 Augustus-3 September MOENIE DIE CAPE HOMEMAKERS FAIR BY KIKS MISLOOP NIE. MEER INLIGTING: HOMEMAKERSONLINE.CO.ZA . 31 Augustus-3 September DIE CAPE FLORAL KINGDOM EXPO WORD AANGEBIED BY DIE KLEINPLASIE-MEGAPARK OP WORCESTER. BEL 021 863 1803. 1-3 September WYN, KOS EN PURE PLAASPRET WAG BY DIE OVER THE RAINBOW-LENTENAWEEK OP BOTRIVIER. KAARTJIES: QUICKET.CO.ZA . 2 September LEER NUWE TRUUKS MET JOU BREIPENNE BY DIE KNIT AND BREATHE-EENDAGWEGBREEK BY DIE CELLARS-HOHENHORT-HOTEL IN CONSTANTIA. MEER INLIGTING: INFO@NATURALYARNS.CO.ZA  OF…

potatochipsarenotdinner.com Paulina Farro is half-Filippyns, ’n kultuur waarin kos ’n groot rol speel. Hoewel sy die meeste van haar kookvernuf by haar ouma geleer het, het haar liefde vir kos ’n hupstoot gekry toe sy as lugwaardin 14 uur-dae begin werk het. Daar moes sy dikwels tevrede wees met ’n proteïenstafie of ’n pakkie tjips vir aandete – en dis waar die naam van haar blog vandaan kom. Paulina se wêreldreise het haar geïnspireer om die mense, plekke en kos wat haar pad kruis, met ander te deel. theeffortlesschic.com Jen Pinkston is ’n ma, stilis en stigter van dié leefstylwebwerf. Omdat Jen glo die regte lewe kan morsig wees en selde volmaak, het sy besluit om haar liefde vir modes en ontwerp deur middel van ’n blog uit te leef. Hier…

SKEP DIE PRENTJIE VIR ’N VARS VOORKOMS HET ONS WIT AS ONS HOOFKLEUR GEBRUIK EN DIT NET MET TITSELS PIENK EN LEMMETJIEGROEN OPGEBREEK. KOMBINEER WATERVERFTEGNIEKE EN SPEELSE ILLUSTRASIES OM DIE THAISE TEMA UIT TE BRING. GOUE EETGEREI, BAMBOESBORDE EN -BAKKE, RIETMATJIES EN ORGIDEË ROND ONS PRENTJIE AF. HOENDER-EN-LEWER-SATAYKEBABS Dié klein sataykebabs is die ideale happie om voor te sit terwyl die gaste om die braaivuur kuier. Genoeg vir: 4-6 Bereidingstyd: 30 minute, plus marineertyd Gaarmaaktyd: 6-10 minute ♥ 250 g hoenderborsfilette ♥ 250 g hoenderlewers ♥ 15 ml bruinsuiker ♥ 30 ml sojasous ♥ 30 ml ryswyn (mirin), of gebruik droë sjerrie ♥ 15 ml fyngekapte vars knoffel ♥ 15 ml fyngekapte vars gemmer ♥ 5 ml fyn witpeper ♥ grondboontjiesous (resep hieronder) of soet rissiesous, om voor te sit…

JY BENOdIG ♥ witgeverfde raam met monteerbord ♥ lyntekening op die oorkantste bladsy (of een van jou keuse) ♥ breidraad of borduurgare in die kleur van jou keuse ♥ 30 mm-draadspykers (wire nails) ♥ hamer ♥ gomgeweer ♥ maskeerband SO MAAK jY 1 Kopieer die lyntekening in die verlangde grootte en plak dit op jou raam se monteerbord vas met maskeerband. 2 Slaan draadspykers al om die lyne van die tekening in die monteerbord vas, 2-3 cm uitmekaar en almal dieselfde diepte. Jy kan ’n houtblokkie gebruik om jou te help om die spykers ewe diep in te kap. 3 As jou lyntekening nie te ingewikkeld is nie, kan jy nou die papierpatroon verwyder. Anders kan jy dit net so hou totdat jy jou kunswerk voltooi het. 4 Knoop die…

WYERANDHOED  Behalwe dat dit jou gesig teen die son beskerm, maak niks anders so ’n stelling soos ’n mooi hoed nie. En dié een is die moeite werd om te maak. MOEILIKHEIDSGRAAD: uitdagend TYD: halfdag GROOTTE: Die hoed pas ’n kopomtrek van 60 cm. JY BENODIG ♥ patroon op bladsy 76 ♥ 75 cm wit materiaal ♥ 25 cm geruite materiaal ♥ 1,25 m stywe aanstryktussenvoering ♥ bypassende masjiengare SO MAAK JY LET WEL Alle naattoelatings is 1 cm, behalwe die 1,5 cm-naattoelatings wat die rand aan die bol heg. 1 Trek die patrone op bladsy 76 af en gebruik dit om die materiaaldele en tussenvoering te knip. 2 Stryk die tussenvoering aan die verkeerde kant van die materiaaldele vas. Al die dele, behalwe die bokant en sykant van die binnebol, kry…

MOEILIKHEIDSGRAAD: uitdagend TYD: ’n paar dae VOLTOOIDE GROOTTE Lengte = 26 cm Wydte = 42 cm Handvatsel = 100 cm JY BENODIG ♥ Elle Premier Natural Cotton: - 100 g x 014 Ivory - 50 g x 061 Leaf - 50 g x 005 Fuchsia - 50 g x 007 Shamrock ♥ hekelpen van 4 mm as jy styf hekel; 3,5 mm as jy los hekel ♥ 100 cm katoenkeperband (2 cm wyd) ♥ tapisserienaald ♥ pompom-maker NOTAS Die sak bestaan uit twee gedeeltes, ’n sirkelvormige basis en ’n sypaneel. Die sak word volgens die Mochillategniek gemaak en net kortbene word gebruik. Dis soortgelyk aan tapisseriehekelwerk (sien die aanwysings by die sakkie op bladsy 74 van ons Julie/ Augustus-uitgawe of op ons Facebookblad), behalwe dat jy die steke in die…

Vertel vir ons meer van jouself. Ek’s ’n grafiese kunstenaar met ’n groot liefde vir papier. Ek wil funksionele, mooi produkte uit papier produseer wat nie deur tegnologie vervang kan word nie. My produkte word onder die naam ‘FearikaDesign’ bemark. Ek is ook die ma van drie volwasse kinders wat almal ’n kreatiewe streep het. (My oudste, Willemien, is ’n dosent in Frans wat ook ’n musiekprojek met die naam ‘Willemien/Philomène&’ het, my seun, Adam, is ’n filmmaker en akteur, en my jongste dogter, Renée, werk by ’n plek wat kunsmark-items vervaardig.) My man, Christof, werk baie gereeld oorsee en ek is so gelukkig om elke jaar ’n paar weke saam te kan gaan. Beskryf jou besigheid. Ons is ’n ontwerpbesigheid wat papierprodukte aanlyn, aan winkels en by kunsmarkte verkoop.…

skryf vir ons WEN! & Julie Storm, die skrywer van die wenbrief in hierdie uitgawe, ontvang ’n geskenkpak van Ted  Lapidus ter waarde van R1 095. Die geskenk bestaan uit ’n bottel Orissima-parfuum en ’n grimeersakkie. Orissima is ’n geur vir die moderne vrou wat sy na elke geleentheid kan dra, dag of nag. W enbrief Deur ’n kind se lens Ons almal beleef en sien die wêreld anders. Ons oë is die lense wat konstant foto’s neem om oomblikke van ons lewenswandel te stoor. Sommige van ons het egter ’n lens op wat inzoem op die negatiewe, die lens se funksionaliteit leen hom nie tot die positiewe nie. Party mense het al so lank hierdie negatiewe lens op dat dit al vasgeroes is. Kinders het ’n positiewe lens op. My dogtertjie speel so ’n ruk…

Die ‘Mazique’-weergawe. Al 26 letters van die alfabet is op die wit blokkies hieronder ingedeel, maar net 7 van hulle word gewys. Elke letter is in ‘ruiterof perdeskuif’ (soos in skaak) van die vorige opeenvolgende letter geplaas. Kyk byvoorbeeld na die letter A wat ’n ‘ruiterbeweging’ weg is van die letter Z op die rooster. Die letter B moet dus ook ’n perdeskuif weg wees van A. Identifiseer die wit blokkie waarop B geplaas moet word en werk dan uit waar C en D moet wees. D moet ook ’n perdeskuif weg wees van E, wat wel op die rooster verskyn. Die gekleurde blokkies mag glad nie gebruik word nie. Jy kan ook die regte posisie van die vermiste letters probeer aflei deur vorentoe of agteruit te werk met die ander…