IdeesAugust 2015的目錄

Toe my seun, Anton, ’n klein seuntjie was, het sy besluit oor of hy van mense hou, afgehang van die antwoord op sy vraag ‘Is hulle familie?’. Indien wel, is jy dadelik beloon met ’n wye glimlag en sy eindelose lojaliteit. Indien nie – wel, dan moes jy die glimlag eers verdien. Sy fassinasie met familie het nooit heeltemal weggegaan nie, en vele Saterdagoggende in ons huis word op genealogy.com deurgebring om nog voorsate te probeer vind. Ons weet ons storie begin in Blois in Frankryk se eertydse Orléanais-provinsie. Stamvader Gabriël le Roux en sy broer Jean is eers Delft toe voordat hulle in 1687 vanaf Rotterdam op die Voorschoten Suid-Afrika toe gevaar het. Anton was nog besig om te lees oor die eerste familieplaas, La Concorde in die Paarl…

GAUTENG 31 Julie-2 Augustus Die SA Book Fair 2015 (southafricanbookfair.comsouthafricanbookfair.com) word in die Turbine Hall in Newtown, Johannesburg, gehou. Daar is onderhoude met skrywers, voorlesings, werksessies en meer. 31 Julie-2 Augustus Futura Skool (011 433 3248 of xmasmarket@futuraschool.-co.za) hou ’n kunsmark by Doncasterweg 30, Alberton. Toegang is R20. 6-10 Augustus Decorex (thebereed.co.za/decorex/) met Craft Collective en 100% Design word in die Gallagher-konferensiesentrum, Midrand, gehou. 29-30 Augustus Besoek die Trouvé’s French Flair-lentemark (facebook.com/ trouveZA) in Bergbron, Johannesburg, vir meubels, geskenke en dekor. KWAZULU-NATAL 1-2 Augustus Loer van 10 vm. tot 4 nm. in by die jaarlikse skou van Queensburgh Orchid Club (gerry@postie.co.za of 082 809 1572) in die Kloof-stadsaal in Old Main Road. Toegang is R10 vir volwassenes en R5 vir skoliere. Verversings en plante is te koop. WES-KAAP 30 Julie-2…

SLANKE LYNE Dra ’n potloodromp saam met ’n langmou-T-hemp vir ’n speelse dog stylvolle voorkoms. Top (R249) van Zara. Romp (R250) van Truworths. Voorskoot (R180) van Lida Vermeulen. Skoene (R199) van Moda Scapa by Spree. Broekiekouse (R89,95) van Woolworths. KLASSIEKE RUITE ’n Hemp in ’n fyn gingangmateriaal verleen ’n tikkie flair aan ’n gewone uitrusting. Hemp (R549) van Mango. SPEELSE KLEUR Rooi sorg vir kleur in grou winterweer. Trui (R449) van Mango. Jeans (R559) van Zara. Stewels (R699) van Call It Spring. FYN EN VROULIK Beklemtoon ’n dun middel met ’n rok met ’n belt. Rok (R1 299) van Trenery. Stewels (R1 299) van Call It Spring. Sykouse (R199) van Country Road.…

ROMERIGE KAAS Probeer Parmalat se heerlik romerige, dik laevet-roomkaas wat in drie smaaklike geure te kry is: tradisioneel, sprietui en salm. Gebruik die kaas om indrukwekkende happies, maaltye of gebak op te tower. Dit kos R29,99 elk by winkels landwyd. HEILSAME HAPPIES Clicks se nuwe reeks Smartbite Foods bevat uitgesoekte rou kosse en kosprodukte wat dit maklik maak om ’n gesonder leefstyl te handhaaf. Daar is glutenvrye Banting-vriendelike en hoëvesel-opsies, asook produkte met suiker-alternatiewe. Te kry by Clicks-takke landwyd MAAK SPESERYBIER Laat die koue wyk met dié maklike spesery-appelbier. 2-3 bottels Savanna Dry Premium Cider 30 ml strooisuiker 1 lemoen, in skywe gesny 1 kaneelstokkie 2 steranyse 3 heel naeltjies Verhit al die bestanddele vir vyf minute en sit dit warm voor. Savanna spog met ’n elegante nuwe bottel. Landwyd…

MOEILIKHEIDSGRAAD:Gemiddeld(met ‘n bietjie oefening raak dit ál makliker) TYD:1½ uur Jy benodig • koek van 20 cm in deursnee • omtrent 2,25 kg botterversiersel (dis beter om te veel as te min te hê) • jel-koskleursel • spuitsak vir elke kleur • groot, oop ster-versierspuit • spatel • liniaal • Botterversiersel • 300 g botter • 300 g wit bakmargarien • 1,8 kg versiersuiker, gesif • melk Maak die versiersel deur die botter en bakmargarien saam te klits tot dit lig en donsig is: Voeg die versiersuiker in derdes by en klits dit goed ná elke byvoeging. Voeg ’n bietjie melk by as die versiersel te styf raak. Verdeel dan die versiersel en kleur dit soos volg: drie dele ligpienk, een deel mediumpienk en een deel donkerpienk. Smeer die ligpienk…

Vinielplakkers word al ’n hele paar jaar ingespan om kaal of vaal kolle op mure te vul. Die ontwerper Robin Sprong, wat veral vir sy mooi muurpapier bekend is, verkoop nou ook ’n reeks teëlplakkers. Hy het in samewerking met Idees dié roos-ontwerpe gedruk wat jy op verskillende maniere in jou huis kan gebruik. Ons is veral mal oor hoe die rose lyk saam met sy grafiese ontwerpe. Robin wys sy muurpapier- en plakker-ontwerpe by 100% Design South Africa, wat deel vorm van Decorex wat van 6-10 Augustus by die Gallagher-konferensiesentrum in Midrand gehou word. Die eerste 400 lesers wat ’n draai by sy stalletjie maak en hul Augustus-Idees wys, kan óf ’n roosplakker óf een van die grafiese plakkers kry. Die roosplakkers kan bestel word in ons aanlynwinkel, ideasmarket.co.za,…

STAMBOME Wonder jy soms waar jou mense vandaan kom? Genealogie – die studie van familiegeskiedenis – raak ’n ál gewilder stokperdjie onder mense van alle ouderdomme. Jou familiegeskiedenis of stamboom is ’n register van jou familie en die lewe van die onderskeie familielede. ’n Familie-geskiedenis word gewoonlik saamgestel as ’n boek, maar dit kan baie vorme aanneem – van die optekening van een of meer geslagte of ’n versameling familietradisies tot tydkapsules, resepversamelings of erfenisalbums. (’n Erfenisalbum is nie ’n gewone plakboek nie, maar ’n boekstawing van die familie se lewe en sluit foto’s, dokumente en ander dinge in.) Deesdae kan jy ook ’n digitale stamboom skep met behulp van webwerwe soos geni.com. Wat is die nut van ’n familiegeskiedenis? Daar is verskeie redes waarom mense meer oor hul verlede…

Hondehart loop oor van geluk My naam is Sabre Opperman. Ek is ’n vyf jaar oue seuntjieworshond. Op die foto kan julle sien hoe lief ek is vir Idees … Verskoon gou, ek gaan net ’n roll-over doen sodat julle kan sien hoe bly ek is oor al die idees. Ek en my mense-mamma, Lana, kan elke maand nie wag dat die nuwe tydskrif uitkom nie. Groot was my verbasing toe ek die Idees van Junie 2015 lees. Nie net is die hele boek vol van oulikheidjies vir honde en spesifiek worshonde nie, maar ’n jonge hond Roxy het ingeskryf om te wys sy lees ook Idees … Dis woef-woef om te sien ’n jong dogtertjiehond lees ook kwaliteit. You go, girl! Ek het altyd eerste die kos-artikels verslind (letterlik),…

@home 0860 576 576 Abode 072 261 3540 Biggie Best 021 534 8662 Builders 0861 335 273 Call It Spring 021 551 1527, 031 584 7431 Consol 08600 84 000 Country Road 0860 022 002 Exclusive Books 011 798 0000 In Good Company 079 041 8927 Lida Vermeulen vermeulenlida@gmail.com Mango 021 418 0916 Monsoon 021 447 7718 MRP Home 0800 21 25 35 My Pretty Vintage 021 551 2242 Naartjie 011 784 4923, 031 566 4444, 021 683 7184 Naturally Solar 044 382 1999 Onsite Gallery 021 462 1357 Pedersen + Lennard 021 447 2020 Peter Osborn Furniture 021 534 2904 Pick n Pay 0800 11 22 88 Quirky Me 082 417 1885 Say Something 082 827 8207 Spree 087 740 1010 Super Floral 011 613 4046, 021 510 7759…

1. BOTTEL-LIG MOEILIKHEIDSGRAAD: Gemiddeld TYD: 3 uur Jy benodig ou krat met bottels plat, ronde LED-lig en ’n kragprop met ’n buigbare koord (flex wire plug) en skakelaar glasblad vir die verhewe bodem afvalplankies vir die spasieerders waterbasis-vernis So maak jy 1 Was en spoel die krat uit en laat dit droog word. Verseël dit met die waterbasis-vernis. 2 Was die bottels deeglik skoon met seepwater en ’n bottelborsel en laat dit ook droog word. SLIM IDEE Jy kan die droë bottels met ’n sandblaser spuit vir ’n sagter lig, indien verkies. 3 Meet die binnekant van die krat en laat sny ’n stuk glas wat perfek onderin sal pas. Vryf die glasblad skoon en hou dit eenkant. 4 Saag twee plankies wat dwars in die krat sal pas en…

SKEP DIE PRENTJIE Dek 'n ruwe ou houttafel en sit die pizzas op velle bakpapier of draadrakkies in die middel neer sodat almal hulleself kan help. Gebruik 'n mengelmoes van houtborde en ou eetgerei en hou die kleurskema eenvoudig. Ons het rooi as hoofkleur gebruik en net tikkies turkoois en groen ingebring. Rond die prentjie of met 'n bak vol rooi, oranje en groen tamaties en potjies vars kruie pleks van gewone blomme. KNYPERBORD-PLEKMATJIES Gebruik ons plekmatjie op bladsy 32 as voorbeeld en druk die woorde ‘Buon appetito!’ met jou rekenaar op A4-velle wit papier uit. Knyp die papier op knyperborde vas. GEGEURDE OLYFOLIE Verras jou gaste met hierdie klein geskenkies. Vul klein botteltjies met olyfolie en geur dit met kruietakkies, knoffel en/of brandrissies. Seël dit en skud dit goed.…

WEET JY VAN ’N OULIKE NUWE WINKELTJIE OF MOOI DEKOR- OF HANDWERKREEKS WAARVAN ONS OOK BEHOORT TE WEET? SKRYF VIR DALA EN ONS SAL DIT OORWEEG VIR DIÉ BLAD. KUNSKAFEE C20 Galerie in Woodstock, Kaapstad, is nie net ’n meubelwinkel en kunsgalery in een nie, maar spog nou ook met ’n koffiewinkel, Posie’s. Die eienaar, Emma de Crespigny, noem haarself ’n handelaar en versamelaar en sy hou ’n eklektiese mengsel van moderne en vintage-items aan. • Gaan loer gerus in by die winkel by Roodebloemweg 103 en geniet ’n koppie koffie terwyl jy besluit wat jy wil koop! MAT NA JOU HART By Mae Artisan Rugs in Kaapstad kan jy saam met die eienaar, May Pakdoust, en haar span gaan sit en jou eie mat ontwerp. Die klem is op…

Gemerkte hangers Merk spesiale houthangers of ander hout-items soos dié. Maak net seker die hout is geskik, want as dit met vernis behandel is en jy kap te hard op die pons, kan jy die voorkoms beskadig of selfs die hout laat splinter. Ons het agterna ’n klein bietjie bruin verf in die letters ingevryf om dit ‘oud’ te laat lyk, asof dit in die hout gebrandmerk is. Vryf die oortollige verf af voordat dit droog raak en seël dit met ’n geskikte kleurlose vernis. Plekaanwyser-kleivase Ons het omhulsels van lugdroogklei vir silindervormige glase gemaak en dit versier om as vase te gebruik – met die name daarop is dit perfek as plekaanwysers vir ’n spesiale ete. Gebruik wit lugdroogklei en rol dit met ’n koekroller uit tot sowat 3…

BALLERINAFOTO MET TOUKUNS MOEILIKHEIDSGRAAD: Gemiddeld TYD: ’n Paar uur, na gelang van die detail Jy benodig foto gedruk op mediumgewig-karton 6 mm-Supawood-bord paneelspykers (ons s’n is 10 mm) borduurgare in die kleur(e) van jou keuse kouelym of modge podge supergom hamer en tang So maak jy 1 Kies ’n foto met detail wat jy kan versier en laat dit in die verlangde grootte op die karton druk. Laat saag die bord in dieselfde grootte. WENK Jy kan ook dennehout of ’n ander harderige tipe hout gebruik. 2 Verf ’n lagie kouelym of modge podge oor die bord en plak die foto daarop vas. Vryf dit mooi glad met jou vingers. 3 Druk jou foto op ’n gewone vel papier uit en merk daarop waar jy die spykers wil inkap. Tel…

Tafeldoek met garekantwerk MOEILIKHEIDSGRAAD : Moeilik TYD : 1 week Jy benodig 128 x 128 cm materiaal (sien nota) pêrelkatoengare no. 5 borduurnaald skerppunt-borduurskêrtjie kleremakerspen en -liniaal NOTA Die voltooide tafeldoek is 1,2 x 1,2 m groot. Kies ’n materiaal wat los geweef is in ’n gladde of tweedraad-mandjieweef. As jy ’n mandjieweef-materiaal kies, word die dubbeldrade van inslag- en skeringdrade as enkeldraad getel. 1 Begin deur die tafeldoek om te soom. Pars ’n 1 cm-breë soompie aan al vier sye na die agterkant van die doek om. Meet 6 cm van elke soomrand af op en merk dit met ’n speld. Gebruik die agterkant van ’n naald en trek twee drade uit die materiaal bokant die speld. Maak nou verstekhoeke. Trek aan die verkeerde kant van die materiaal ’n…

Toinette Lindley van Houtbaai en haar landelike-styl huis is soos vinkel en koljander: sonder pretensie, en die ene warmte en kreatiwiteit. In elke vertrek word die mooiste objekte saamgegroepeer, amper soos miniatuur-kunsinstallasies wat elkeen vir haar spesiale herinneringe inhou. Toinette het dié items oor baie jare versamel en toe haar lyf kurator gehou om dit perfek uit te stal – van ’n sentimentele skildery (’n trougeskenk) tot ’n klein Venus de Milo wat sy in Italië raakgeloop het. Toinette is ’n selferkende maksimalis met ’n onversadigbare drang om al wat ou ding is te versamel. ‘My natuurlike ingesteldheid is om goed te herwin. Ek is mal oor goeters wat ’n storie vertel,’ verduidelik sy. Dié storie-element is ook in haar keramiekwerk te bespeur. Elke stuk wat sy in haar klein…

Skryf aan Ideesen stuur jou brief per e-pos aan ideesred@media24.com met ‘Jul idees’ in die onderwerpveld, of faks dit na 021 408 3046. Onthou asseblief om jou adres en telefoonnommers by te sit. Die skrywer van dié maand se wenbrief ontvang ’n skryfbehoeftegeskenk van Ideester waarde van R800. Die geskenk bestaan uit ’n verskeidenheid notaboeke, koeverte, kaartjies en geskenkkaartjies. Die hele reeks is deur plaaslike kunstenaars ontwerp en in Suid-Afrika gedruk. As jy graag van die items in die reeks wil bestel, kan jy e-pos stuur aan Marweya Smal by marweya.smal@media24.com.…

Kan jy eenvoudig nie genoeg kry van jou gunstelingtydverdryf nie? Kom doen dan naaldwerk saam met jou vriendinne en mense wat jou passie deel op die historiese dorp Cullinan, waar ons span vanaf Vrydagmiddag 14 Augustus tot Sondagmiddag 16 Augustus sal kuier. Bernina is ook daar en bring van hulle nuutste masjiene asook hulle span kundiges saam om seker te maak dat selfs naaldwerkgroentjies die projekte sal kan voltooi. Jy sal jou eie materiaal kan kies uit die versameling lappe wat deur Thimbles Quilt and Knit in Durbanville geborg word. JanHarm Vorster, ’n kreatiewe entrepreneur op die dorp, en Idees se skeppende redakteur, Dala Watts, sal wys hoe jy ’n mooi tafel dek by sy onthaalplek JanHarmsgat se Agterplaas, terwyl Placecol se Esna Colyn slim velsorgwenke sal deel. Afhangend daarvan…

GOU & MAKLIK Raam ons aanhalingRangskik kratte teen die muurBou ’n krat-hangkasPak ’n krat-hoekie in die tuinMaak ’n maalvleisgeregDoen letter-ponswerkPlak jou teëls mooiBorduur ’n foto-afdruk HANG UIT Versier ’n koek met roseMaak ’n soet poeding-pizzaWoon ons naaldwerknaweek byKoop ons spesiale handwerk-uitgawe OP JOU TYD Bou ’n krat-lessenaarHou ’n pizza-aandBorduur ’n familie-tafeldoekDoen toukunsHekel ’n spesiale sakLeer garekantwerk doenBorduur linne met monogrammeVors jou stamboom naMaak ’n familie-plakboek ideesred@media24.com facebook.com/IdeesSA…

• saltandwind.com Salt & Wind is die breinkind van Aida Mollenkamp wat haar passie vir reis en kos – en hoe die twee mekaar beïnvloed – met ander wou deel. Dit is ’n aanlyn-bestemming vir mense wat net so lekker eet as wat hulle reis asook vir smulpape wat wil weet wat elders in die wêreld aan’t prut is. Daar is ’n hele span medewerkers wat bydraes lewer – of jy dus op soek is na die beste vis-tacos in San Diego, die voortreflikste za’atar in een van Beiroet se markte of smag na daai bakkie acai wat jy in Brasilië geniet het, Salt & Wind is die blog wat jou daar sal kry en help kook as jy weer tuis is. • whatsgabycooking.com Vir Gaby Dalkin gaan alles daaroor…

Hongaarse frikkadelle Genoeg vir: 4-6 Bereidingstyd: 40 minute, plus yskastyd Gaarmaaktyd: 30 minute 40 ml botter 1/2 ui, fyngekap 500 g maer beesmaalvleis 125 ml vars witbroodkrummels 1 groot eier, liggies geklits 1 ml karwysaad sonneblomolie, vir braai 10 ml meel 250 ml aangemaakte of tuisgekookte groente- of beesvleisaftreksel 1 x 410 g-blik tamatiepuree 10 ml soet Hongaarse paprika 125 ml suurroom kapokaartappel of pasta, om voor te sit gekapte platblaarpietersielie, vir garnering 1 Verhit die helfte van die botter in ’n pan, soteer die ui daarin tot dit sag is en skep dit uit die pan. 2 Voeg die ui by die maalvleis. Roer die broodkrummels, eier en karwysaad by en geur dit goed met sout en varsgemaalde swartpeper. Rol die mengsel in klein bolletjies en sit dit vir…

Gesinstafeldoek MOEILIKHEIDSGRAAD: Maklik TYD: 3 dae Jy benodig wit linnetafeldoek stringborduurgare in ’n verskeidenheid kleure (hierdie is ’n lekker projek om afvalstukkies gare mee op te gebruik) borduurnaald kleremakerspen So maak jy 1 Vra jou gesinslede om met die kleremakerspen op die tafeldoek te teken of te skryf – so deel almal saam in die pret. Hulle kan hul naam, gunsteling-kos, familie-sêgoed, aanhalings of enigiets anders waarvan hulle hou teken of skryf. 2 Gebruik drie draadjies borduurgare en borduur oor die buitelyne. Jy kan enige buitelynsteek gebruik om die lyne te bedek. Ons het kettingsteek, agtersteek en voorsteek vir ons tafeldoek gebruik, en van die ontwerpe het ons agterna met Franse knopies en ’n paar kruisstekies versier. 3 Maak seker al die draadjies is stewig geheg wanneer jy die borduurwerk…

MOELIKHEIDSGRAAD: Maklik TYD:1-2 uur (na gelang van die projek) Jy benodig • item van sagte metaal of handwerkmetaal • alfabetponse • hamer met ’n koperkop • staalkapblok • maskeerband • dun swart merkpen en lappie (opsioneel; sien stappe 5-6) Sit die metaal-item of stukkie handwerkmetaal op die staalkapblok en plak dit met maskeerband vas sodat dit nie rondskuif terwyl jy werk nie. Plak ook ’n stuk maskeerband op die plek waar jy die woord wil pons om seker te maak jy doen dit in ’n reguit lyn. Merk op die maskeerband waar elke letter moet kom. Begin by die middelste letter van die woord. Hou die regte letter-pons regop teen die item. Skuif die pons totdat jy voel die rand van die letter raak net-net aan die maskeerband – dit…

MOEILIKHEIDSGRAAD : Maklik TYD : 1 week Jy benodig Vinnis Colours Nikkim- suiwer katoendraad: 1 x 50 g-bol elk in Purple Pink (525) en Steele Grey(501) en 2 x 50 g-bolle in Aluminium (502) 3 mm-hekelpen 25 cm suiwer wit katoenmateriaal 50 cm bypassende katoenmateriaal vir die voering bypassende masjiengare aanstryk-tussenvoering ’n paar bamboeshandvatsels met ’n basis van 16 cm pienk kalkverf en kwas (opsioneel) Grootte Die sakgedeelte is 30 x 35 cm. So maak jy 1 Laat druk 12 foto’s van 8 x 8 cm elk op die wit katoenmateriaal (jy kan dit ook self doen met aanstrykoordrukpapier) en knip dit uit. Vou ’n 1 cm-soompie reg rondom elke foto in sodat dit 6 x 6 cm groot is. 2 Knip 12 vierkante van 5,5 x 5,5 cm uit…

DIE KONSEP VAN SKOONHEID Wat is die definisie van skoonheid? Wat laat jou twee keer kyk na ’n vrou – of ’n man? Volgens wetenskaplikes het dit alles te make met ’n konfigurasie van simmetriese lyne – wiskundig word die ‘goue formule’ vir skoonheid en harmonie as die verhouding 1 tot 1,618 bereken. Dit klink dalk ingewikkeld, maar hier is die feite: Hierdie verhouding is ingeprogrammeer in elkeen van ons se brein – dit is hoe ons geneties bedraad is en dit stel ons in staat om skoonheid instinktief en outomaties waar te neem en oombliklik te herken. Danksy hierdie genetiese bedrading kan ons dadelik snap dat ’n kunstenaar se uitbeelding van die menslike liggaam onrealisties is, en ons kan oombliklik sien dat iets nie heeltemal pluis is met ’n…

Die lesers het ’n heerlike sjampanje-ontbyt geniet en toe deelgeneem aan ons plesierige werksessie waar Idees se kreatiewe span hulle gewys het hoe om ’n trouwapen te ontwerp en hul eie lino-stempel te maak. Hulle het ook geleer hoe om papierblomme te vou en af te werk vir die mooiste ruikers. Elke leser is huis toe met ’n selfdoen-stelletjie en ’n sak vol geskenke van Granny Goose, Graham Beck Wines, SENSAI, Clicks Delicious-sjokolade en Ribs Printing and Embroidery. • Sukkel jy om ’n kopie van ons spesiale Trou-Idees of Wedding Ideas by jou plaaslike winkel in die hande te kry? Bestel joune by Lucille van der Berg deur ’n e-pos te stuur na lucille.vanderberg@media24.com.…