Isolezwe 2025-11-28

Isolezwe is a modern Zulu language newspaper that champions the reading needs of its audience. It is created daily by a team that understands and delivers on the interest and aspirations of its readers. The newspaper is modern in format, topical and relevant in content and independently broad minded in its reporting and commentary. It is a newspaper that targets readers identify with and are proud of. The full spectrum of local, national and international subject matter is covered – news, business, sport, entertainment and classifieds.

In This Issue

news

Ingqophamlando ngohlelo oluyisipesheli lweBig Brother

NTSHA eyabonakala kumasizini amabili ohlelo iBig Brother izobonakala eziqeshimi ezine zalolu hlelo oluyisipesheli iBig Brother Mzansi: The Special! kusuka ngoDisemba 14, ngo-5 ntambama. Le ntsha eyabonakala kwiBig Brother Mzansi Umlilo neSiyamosha, izohlala phansi nengxenye yababehlezi endlini kaBig Brother ukubheka ukuthi bakuphi nempilo futhi bunjani ubudlelwano babo manje nabanye ozakwabo. UShirley Adonisi wakwaM-Net uveze ukuthi kuyaqala emlandweni walolu hlelo ukuthi kwenzeke okunje. “Kuzoqopheka umlando ngalolu hlelo njengoba ingxenye eyaba ngundabamlonyeni ngesikhathi isendlini kaBig Brother kuyiyo ezogqama kulezi ziqephu eziyisipesheli esizozikhombisa. Bazohlangana babheke izingxabano ababa nazo, izigameko ezenzeka ababukeli okungenzeka ukuthi abazibonanga. Abanye abaxabana endlini bazothola ithuba lokubuyisana njengoba manje sebephumele ngaphandle,” kusho uShirley. Uthe lolu hlelo luzobe lubanjwe wuSmash Afrika, nokunguye ozobuza yonke imibuzo ababukeli bohlelo okungenzeka babe nayo. “Siyazi sonke ukuthi iBig Brother Mzansi ingaphezu nje kokuthi ibe wuhlelo kubabukeli…

1 min

news

IGagasi FM yisiteshi sonyaka!

UKUBE akukhalwa ngokugqoza kwabaxhasi emicimbini ngabe ngisungula imiklomelo yemisakazo bese ngichoma uphaphe lwegwalagwala engibona ibafanele kulo nyaka. Uyabona nje owesiteshi esivelele ngingawunika iGagasi FM ngaphandle kokungabaza. KumaRadio Awards azoba ngenyanga ezayo ngibonile ukuthi uSiphelele Nzuza ulimele eqokelwa emunxeni weContent Producer kwathi uhlelo lwezemidlalo i-Extra Time lwaqokwa koweSports Show. Mina ngoba anginawo umcimbi sengiyogcina ngakho ukubancoma kuyona le ngosi. Ngaphansi kobuholi bukaMinenhle Dlamini ngibona silokhu siqhubeke njalo nokudlondlobala lesi siteshi. Uma ulalela emoyeni ngicabanga ukuthi kwaba yisinqumo esiphusile kubaphathi bezinhlelo ukuthi kube nozinzo bangenzi izinguquko ezingenasidingo kulo nyaka. Kusuka ekuseni kuze kube sebusuku yisiteshi ongakwazi ukusilalela ngaphandle kokushintsha. Nangesikhathi kunezivunguvungu ohlelweni lwasekuseni phakathi nesonto, iThe Uprising, bakwazile ukumelana nazo ngendlela. Phela uFelix Hlophe uke wabamba noNkulee Mbatha ngesikhathi uMinnie Ntuli esahlabe ikhefu kulandela umsindo owasuka ngenxa yezenzo zakhe kwiThe Real Housewives…

1 min

news

Ishintshwe yengezwa nezokuphepha iToyota Rumion

KWATOYOTA South Africa Motors (Tsam) sebethuthukise iRumion abayethula okokokuqala ngo-Okthoba ka-2021. I-Rumion, esuselwe kwiSuzuki Ertiga, yafika izovala isikhala se-Avanza eyahoxiswa. Ibukeka yamukelwa kahle kangangokuba abanye bayithenga bayishune bancintisane ngayo lapho kukhangiswa khona ngobuhle nangenhlanzeko yezimoto ebizwa ngomdlalo wamanzi. Izinguquko abazenzile ziqala ngaphandle lapho bethe ukuyinweba okhakhayini baphinde bayivula kancane nasezinhlangothini. Ngemuva baphinde bayenza kabusha ubhampa kanjalo namalambu. Zonke izinhlobo sezifika ne-spoiler ngemuva. Ngaphakathi ezihlalweni zaphakathi nendawo bengeze izimbobo zokushaja nge-USB u-Type-C. KwiTX khona zifakwe ezihlalweni zaphakathi nendawo nakwezokugcina ngemuva. Akuzona kuphela izinguquko abazenzile ngoba baphinde bathuthukisa ezokuphepha. Zonke izinhlobo sezifika nama-airbag nama-curtain airbag. Ezihlalweni zaphakathi nendawo kushintshwe ama-seatbelt aba yithree-point. Kuphinde kwengezwa nama-headrest ezihlalweni zangemuva. Injini abayishintshanga bakhetha ukuqhubeka nengu-1.5 litre kaphethroli. Inamandla angu77kW ne-torque enngu-138Nm. Ukhetha phakathi kuka-gearbox oyi-5 speed manual okanye oyi-4 speed automatic. Intengo: Rumion 1.5 S…

1 min

news

Seziqalile ukuphuma izimemo zomshado omhlophe kaKhuzani

EZIQALILE ukuphuma izimemo zomshado omhlophe zomculi kamaskandi waseMandaba, eNkandla, uKhuzani Mpungose, njengoba uzobanjwa izinsuku ezimbili. Maphakathi nalo nyaka uKhuzani wamemezela ukuthi uzobe egcagcelwa ngoDisemba 15, kubo eMandaba Waveza ukuthi ngalolu suku umema wonke umuntu, ngisho abalandeli bakhe ukuze bazombona ethatha unkosikazi. Isimemezelo sakhe wayesifake ekhasini lakhe enkundleni yokuxhumana iFacebook. Izolo Isolezwe libone isimemo sezinhlelo zomshado wakhe njengoba kuzoqala omhlophe, okumenywe kuwo abakhethiwe ozoba maphakathi nesifundazwe, endaweni yomntakabani okujwayele ukuthi kubanjwe kuyo imishado yabadla izambane likapondo ngoDisemba 11. Kulesi simemo izicukuthwane ziyalelwe ukuthi zigqoke okumnyama, njengoba kuyiwona umbala wosuku. Uma siqhubeka siveza ukuthi kuyothi ngoDisemba 15, abe esesinelwa unkosikazi wakhe ekhaya kubo. Okugqamile kulesi simemo ukuthi uKhuzani akalifakanga igama lengoduso, njengoba namanje kungaziwa ukuthi intokazi ayithathayo ngeyakuphi. Kodwa umthombo weSolezwe osondelene nalo mculo uveze ukuthi noma engalazi igama lalona wesifazane kodwa…

1 min

news

USiya uzokwazi ngenyanga ezayo ukuthi uKhisimusi uzowudlela kuphi

OBENGUMSAKAZI woKhozi FM, uSiyabonga "Siya" Mhlongo, uphunyuke okwesikhashana eNkantolo yeMantshi yaseThekwini lapho ebhekene khona necala lokushaya ngenhloso yokulimaza owesilisa owayeyisinqandamathe sakhe uMnuz Njabulo Duma (30) ngoSepthemba. Izolo bekulindeleke ukuthi iMantshi, uMnuz Mhlonipheni Sibiya, ikhiphe isigwebo kodwa yabuye yashaya ungqimphothwe yakuhlehlisa lokho. USibiya uthe uSiya (42) uzokwazi ngoDisemba 15 ukuthi ugixabezwa ngasiphi isigwebo. Okwenze uSibiya wakulibazisa ukugwetshwa kukaSiya yingoba ifuna ukucubungula isicelo sommeli kaSiya, u-Advocate Simphiwe Mlotshwa, onxuse ukuba umsolwa ashaywe ngoswazi oluncane. UMlotshwa unxuse inkantolo ukuba inikeze uSiya isigwebo esimisiwe, akhokhiswe inhlawulo noma anikezwe umsebenzi kodwa angakhokhelwa. Uthe uSiya wayengeke alenze leli cala ukube wayengaphuzile. Uchaze uSiya njengomuntu oyimvu yeNkosi ebiqala ukwenza icala. UMlotshwa uthe uSiya usebenze njengomsakazi oKhozini, kwiGagasi nakwiMetro iminyaka ewu-20 engumsakazi futhi kuleyo minyaka, ewu-15 uyichithe esakaza izinhlelo zezenkolo. Udalule ukuthi uSiya ubehola uR45 000 oKhozini futhi…

1 min

news

Unomlando wokuba nguphunyuka bemphethe uMatlala

UBUKEKA sengathi unguphunyuka bemphethe usomabhizinisi obhekene noxhaxha lwamacala, uMnuz Vusumuzi "Cat" Matlala, njengoba esagwetshwe ngecala elilodwa kwangaphezu kweshumi aseke wawaboshelwa. Uxhaxha lwamacala aseke abhekana noMatlala lufundwe ngesikhathi evele phambi kwekomiti lasePhalamende eliphenya izinsolo ezenziwa wuKhomishana wamaPhoyisa KwaZulu-Natal, uLieutenant General Nhlanhla Mkhwanazi. Uhlu lwamacala olufundwe yilungu leDA, u-Advocate Glynnis Breytenbach, luveze ukuthi phakathi kuka-2000 no-2018 uMatlala waboshwa kwaze kwaba yizikhawu ezingu-13. Oxhaxheni lwamacala aboshelwa wona kukhona awokubamba inkunzi kuhleliwe, owokuntshontsha izimoto, awokugqekeza, elokushaya, nelokutholakala nempahla entshontshiwe. Linye icala elamgweba uMatlala, okungelokutholakala nempahla entshontshiwe. Kukhona futhi lapho uMatlala akhishwa phambili kuhoxiswa wonke amacala. U-Advocate Breytenbach, ufune ukwazi ukuthi kungani lilinye kuphela icala agwetshwa ngalo uMatlala. "Kuyamangaza ukuthi kule nqwaba yamacala osuke wabhekana nawo linye kuphela elakulahla." UMatlala uthe akayiboni into esolisayo ngokuhoxiswa kwamanye amacala. "Ngabe kwakufanele ngigwetshwe kulawa amanye amacala? Ukuhoxiswa kwamacala…

1 min