Cara Gwanwyn 2024

Pum mlynedd, pymtheg rhifyn, degau o gyfranwyr a channoedd o ddarllenwyr! Mae pum mlynedd gyntaf Cara wedi hedfan ac ry’n ni’n falch iawn o’r hyn sydd wedi’i gyflawni. Doedd dim syniad gyda ni sut ymateb fyddai i’n cylchgrawn bach ni, ond wir, doedden ni ddim yn disgwyl y fath groeso i’r byd cylchgronau! Ry’n ni wedi cael sawl cyfle i deithio o amgylch Cymru i gwrdd â chi, ac edrychwn ymlaen at wneud hynny eto eleni. Dewch draw i’n gweld ni yn Ffair Fai Cara yn y Bandstand, Aberystwyth rhwng 11yb a 4yh ar 4 Mai. Mae hi wedi bod yn ddyhead gennym i gynnal digwyddiad fel hyn ers sbel, ac mae’r freuddwyd nawr yn wir – mae’n rhaid dathlu’r garreg filltir, on’d oes e? Bydd y digwyddiad yn canolbwyntio…

Fi’n trio sgwennu rhywbeth diddorol a chynhwysfawr i chi ei ddarllen, tra’n gorwedd yn y gwely gyda Wini, sy’n ddwy, ac yn gwylio Cocomelon yn eardrum-tingling o uchel, wrth fy ochr i. Fel rhywun sy’n bendant yn diodde o ryw lefel o misophonia, ma bysedd ’y nhraed i’n cyrlo a’n reflex action i bron marw isie smaco’r ffôn mas o’i llaw hi. Mae’n fore dydd Mawrth glawog ym mis Chwefror, a ma gwres Wini druan yn 41.2 gradd, a ma’i dewis hi o fideos YouTube yr un mor frawychus. Ma Besi, sy’n 11 mis, yn cwyno’n drist o’r cot yn y stafell drws nesa gyda gwres o 39.8, yn aros i’r Calpol gicio mewn. Oes, ma ’da fi ddwy ferch fach sâl am y diwrnod cyfan, a ma’r ddwy yn…

Mae dewis Peach Fuzz: PANTONE 13-1023 fel lliw y flwyddyn wedi hollti’r farn, gyda rhai’n dweud ei fod yn lliw diflas, hen ffasiwn. Ond mae’n lliw hawdd iawn i weithio gydag e, ac fe fyddwch chi’n ei weld ym mhob man eleni – unedau cegin, dodrefn, dillad, colur, pecynnu, logos… Mae’n lliw tawel, cartrefol a chynnes, sy’n cymysgu’r synhwyrau a’r berthynas rhwng arogli, teimlo, gweld a blasu. Dyma sut mae’r cwmni’n disgrifio’r lliw: ‘A velvety gentle peach whose all-embracing spirit enriches mind, body, and heart.’ Mae’r elfen felfedaidd a gewch chi ar groen y ffrwyth yn cael ei hadlewyrchu ym meddalwch y defnyddiau, ac mae’n lliw sy’n gweddu gyda nifer o liwiau eraill, ac felly’n hawdd i’w ymgorffori yn eich cartref. Mae’n gweddu’n dda gyda glas – gyda dodrefn pren,…

Sian Thomas ydw i, dwi’n 52 mlwydd oed, ac yn byw yn Gaerwen, Ynys Môn. Dwi’n ferch i Noel Thomas, y cyn-bostfeistr gafodd ei gyhuddo o ddwyn dros £48,000 a chael naw mis o garchar gan y Swyddfa Bost oherwydd bod nam ar y system gyfrifiadurol Horizon. Roeddwn i’n 33 mlwydd oed pan wnaeth hyn ddigwydd i fy nhad, ac yn byw mewn pentre bach o’r enw Malltraeth. Roedd rhaid i Dad a Mam werthu’r swyddfa bost i ’mrawd fenga, felly daeth Dad, Mam a ’mrawd hyna i fyw ata i, ac wedyn gawson nhw fynglo bach yn Gaerwen. ’Chydig o fisoedd wedi i Dad ddod allan o’r carchar roedd rhaid iddo dalu be maen nhw’n alw ‘proceeds of crime’. Doedd gan Dad ddim yr arian i dalu’r ffein yma,…

Mae’n sicr ein bod ni oll, ers Hydref 2023, yn fwy ymwybodol nag erioed o’r sefyllfa drychinebus ym Mhalesteina. Wrth ysgrifennu hyn, ers 7 Hydref mae o leiaf 27,238 o bobl wedi’u lladd a 66,452 wedi’u hanafu mewn ymosodiadau gan Israel ar Gaza. Y nifer diwygiedig o farwolaethau yn Israel yn dilyn ymosodiadau Hamas ar 7 Hydref yw 1,139. Dwi’n cydnabod gweithredoedd pawb yn y gwrthdaro sydd ohoni. Does dim cyfiawnhad dros ladd pobl ddiniwed. Ond ble bydd hyn oll yn dod i ben? Mae’r bomio a’r ymosodiadau gan Israel yn parhau, er gwaetha galwadau nifer o wledydd, gan gynnwys Senedd Cymru, am gadoediad – am geisio canfod ffordd tuag at heddwch. Dwi wedi bod yn rhan o drefnu gweithredoedd a phrotestiadau yng Nghymru, nid yn unig dros y misoedd…

Mae’r Bala dirion deg yn dathlu pen-blwydd go bwysig eleni – mae ’ne 700 mlynedd wedi mynd heibio ers i’r brenin estron Edward yr Ail roi’r hawl i’r lle gael ei alw yn dref. Roedd y siarter yn galw am gynllun, gyda’r stryd fawr lydan yn y canol (sy’n dal i gynnal y ddwy ffair flynyddol a ganiatawyd yn yr un siarter) a dwy stryd yn rhedeg yn gyfochrog â honno – cynllun a barhaodd bron heb newid tan i’r rheilffordd gyrraedd yn 1868, gan gludo bricsen goch Wrecsam i’r ardal ac ehangu cyflenwad tai y dref. Yn yr un cyfnod, adeiladwyd waliau a ffos i warchod y Domen Normanaidd ar ochr ddwyreiniol y dref, ac i gael teimlad o safle’r dref o fewn y tirlun mae’n werth mynd i…