Tabla de contenidos para 19 October 2023 en Landbouweekblad

Geldbeplanning Daar is reeds baie geskryf oor die geldigheid van ’n testament en dat ’n testament die huidige wense van die testateur of testatrise moet weerspieël. ’n Testateur of testatrise kan bepaal hoe sy of haar boedel verdeel moet word. Wanneer iemand doodgaan, moet ’n eksekuteur aangestel word om die bestorwe boedel te beredder. ’n Deel van die verantwoordelikhede van die eksekuteur is om die testament te interpreteer en die boedel ooreenkomstig die testament onder die erfgename te verdeel. Waar die bestorwe boedel egter vuurwapens en ammunisie insluit, kan die benoemde eksekuteur nog voor die uitreiking van ’n eksekuteursbrief of die erfgename, in die afwesigheid van ’n benoemde eksekuteur, die veilige bewaring van die vuurwapens en ammunisie verseker. Wetgewing bepaal dat iemand skuldig kan wees aan ’n oortreding as hy…

Al was rosyntjieboere se inkomste die afgelope twee jaar onder erge druk, is alles vir die bedryf nie verlore nie. Met goeie opbrengste, die regte kultivarsamestelling en oordeelkundige bemarkingsmetodes is daar nog goeie geleenthede in die bedryf om geld te maak. Dr. Ferdie Botha, uitvoerende hoof van Raisins SA, het op die organisasie se jaarvergadering op Lambertsbaai beklemtoon dat die bedryf hard sal moet werk om die groot volumewisseling tussen goue sultanas en Thompson-rosyne uit die weg te ruim. “Ons skiet onsself lelik in die voet, want ons vestig ’n spesifieke prys vir goue sultanas, maar die volgende jaar oorskry ons die volumes en die prys sak met honderde dollar per ton terug. Dit duur weer twee, drie jaar om die prys op te bou. As produsente moet ons met…

Die swaarkry van die uitmergelende droogte wat maar onlangs deur goeie reën gebreek is, sit nog vlak, soos ’n slegte nasmaak, in Franchwa Batt se geheue. Die droogte het hom en sy vrou, Chrismari van der Westhuizen-Batt, geleer met hoe min ’n mens kan klaarkom. “Dit het my ook laat besef dat ’n mens nooit te trots moet wees om hulp te vra nie, en jy moet altyd na jou bure kyk in tye van nood. Jou buurman se nood is dalk net groter as joune. Dit het my ook laat besef dat daar meer mense is wat omgee as wat jy besef.” Hulle het ook geleer dat ’n boer in die Boesmanland in die goeie tye baie beter vir die slegte tye moet voorberei. Dié Meatmaster-boer van Loeriesfontein, met…

Herlewingslandbou Die internasionale voedselmaatskappy McCain Foods wil met sy Farms of the Future-program op plaasvlak kyk watter herlewingslandboupraktyke vir aartappelboerdery kan werk om só sy koolstofspoor te verlaag. Die eerste van sy beoogde drie Farms of the Future is in 2020 in Kanada begin, en die plaas by Lichtenburg in Noordwes is sedert laat verlede jaar amptelik die tweede. Daar is sowat vier jaar gelede al met herlewingslandboupraktyke begin op dié plaas en ander plase in die westelike dele van Suid-Afrika waar McCain aartappels verbou. Philippe Thery, internasionale landbouhoof van McCain, het op ’n demonstrasiebesoek aan die Noordwes-besproeiingsplaas gesê McCain, die grootste vervaardiger van bevrore slaptjips in Suid-Afrika, glo sterk in die toekoms van die landbou hier. Die plaaslike aartappelbedryf se totale produksie is ongeveer 2 miljoen ton per jaar,…

Die tamatieblaarmyner (Lepidoptera: Gelechiidae), wat vanaf die vroeë 1990’s met die wetenskaplike naam Tuta absoluta beskryf word, word as ’n skadelike plaag by tamaties beskou en veroorsaak groot verliese aan opbrengste. Afgesien van skade wat aan blare en vrugte veroorsaak word, is dit kommerwekkend dat die blaarmyner die vermoë ontwikkel om weerstand teen chemiese bekampingsmiddels te bied. Faktore wat tot ’n verhoogde risiko rakende weerstand bydra, sluit in (1, 3): ■ ’n Kort lewensiklus van ongeveer drie weke. ■ Hoë reproduktiewe kapasiteit met wyfies wat tot 260 eiers binne 7 tot 14 dae kan lê. ■ Vermoë om weerstand teen sekere chemiese aktiewe bestanddele te ontwikkel. ■ Die oorgebruik in die verlede van ’n beperkte verskeidenheid van doeltreffende chemiese bekampingsklasse. Om doeltreffende plaagbekamping en insekweerstandbestuur te bewerkstellig, word aanbeveel dat:…

Melkboere in die Suid-Kaap moes in sommige gevalle tot soveel as 250 koeie uitslag weens klouprobleme ná ’n ongekende nat reëntyd vanjaar. In van die kuddes was tot ’n kwart van die koeie by tye mank, hoewel al dié koeie nie noodwendig uitgeslag is nie. Dr. Riaan Putter, produksiedier-veearts van George, sê die situasie wat die streek van Mei tot Augustus ervaar het, is ongekend. “Die koeie het baie swaargekry. Hulle was in pyn en ongemaklik, en het gesukkel om te loop.” Dit is die ergste wat hy in sy twintig jaar as veearts in die Suid-Kaap beleef het. “Dit was ’n verskriklike nat winter. Ons het aanhoudende reën in groot hoeveelhede gekry.” Wessel Serfontein, hoefsmid van Trimco, sê dit is die ergste klouprobleme wat hy in sy 17 jaar…

Prego-steakrolletjies Peri-peri-sous ■ 30 ml elk olie, rooiwynasyn, suurlemoensap en water■ 5 ml elk gerookte paprika, cayenne-peper en sout■ 2 knoffelhuisies, fyngekap■ 1-2 klein rooi brandrissies, fyngekap Burgers ■ 4 vars Portugese rolletjies■ Botter vir smeer■ 4 kleinerige stukke lendeskyf of ander steak van jou keuse, dun gesny■ Seesout en varsgemaalde swartpeper■ 1 ui, baie dun gesny■ 2 ryp tamaties, in dik skywe gesny Meng alles vir die peri-perisous saam en hou eenkant. Smeer die rolletjies met botter. Geur die steaks met sout en peper en braai vinnig oor warm kole tot gaar, terwyl jy dit met ’n bietjie van die peri-peri-sous bestryk. Pak die ui- en tamatieskywe op die rolletjies, en sit die warm steak bo-op. Bedruip met peri-peri-sous en sit dadelik voor. Lewer 4 porsies. Worcestersous-hoender Een manier…

In die Vrystaat toon 51% van die distrikte ’n gunstige prysneiging vir die 12 maande tot Augustus vanjaar. In 2% van die distrikte was daar geen transaksies nie. Die TABEL gee ’n opsomming van grondtransaksies groter as 10 ha in die betrokke tyd. Pryse het veral gestyg by Parys (19,1%) en Bultfontein (15,2%). Die noemenswaardigste dalings was by Koppies (-13,7%) en Frankfort (-10,3%). In die betrokke tydperk is 699 ooreenkomste in 41 distrikte gesluit. In die proses is 337 652 ha teen R4,252 miljard verhandel. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 9% (11%); 50-150 ha, 12% (17%); 150-300 ha, 26% (26%); 300-450 ha, 15% (16%); 450-600 ha, 12% (7%);…

GeckoRock (Edms.) Bpk. is ‘n myn- en verwerkingsmaatskappy wat ‘n sedimentêre sagterots-fosfaat in die Saldanhabaai-distrik aan die Weskus van Suid-Afrika ontgin en dit verwerk om ‘n organiese, sedimentêre sagterots-kunsmis te maak. Ons produk is ‘n goedgekeurde EcoCert Inputs-produk. Langfos het gedurende 2023 weereens bewys dat dit ‘n onmisbare lewend gewinde produk in die Suid-Afrika se landbou bedryf is. Langfos met die hulp van Gecko Rock, het ‘n uitmuntende suksesvolle Nampo Cape gehad. Die voordele van ons produk, om ‘n paar te noem: • Organiese bron van fosfor en ander makro- en mikrovoedingstowwe. • Hou kalsium in die wortelsone as gevolg van die fosfor-kalsiumbinding. • Hoë silika-inhoud wat die plant se weerstand teen plae, swamme, bakterieë, virusse en nematodes verhoog. • Uitstekende bron van makro- en mikrovoedingstowwe. • Het ‘n pH…

NÁ die bedanking van Portia Derby as uitvoerende hoof van Transnet, en Siza Mzimela, hoof van Transnet Freight Rail (TFR), word gehoop dat ander hul voorbeeld sal volg en ook sal bedank, soos die hoofde van spoorkorridors wat so swak bestuur word. Dit geld ook die ander onbekwame bestuurders wat sedert 2020 aangestel is om ervare personeellede te vervang wat uitgedwing is in Derby se “skoonmaakpoging”. Om spoorvervoer in Suid-Afrika om te keer, sal egter meer verg as om van die meer as 400 ervare werknemers wat sedert 2020 skeidingspakkette aanvaar het, terug te lok. Dit moet met groot bedryfsingrypings en strukturele hervorming gepaard gaan. Die Afrika-spoorvervoervereniging (Aria) raam dat TFR oor die afgelope 10 jaar R30 miljard te min aan onderhoud bestee het. Oor die afgelope 12 maande alleen…

Is hierdie die langste interval tussen twee oorlope? Ja, dit is. Ons is gewoond aan siklusse van vier jaar. Die vorige keer dat die dam oorgeloop het, was Junie 2015 – agt jaar en drie maande gelede. Ons glo dat hierdie ’n uitsonderlike droogte was. Wat beteken die dam vir die distrik se landbou-ekonomie, en hoe het die droë jare dinge verander? Die Gamtoosvallei se ekonomie wentel totaal om die landbou. Alle bedrywe en ondernemings spruit daaruit. Indien daar nie landbou in ons vallei was nie, was daar geen ekonomiese bedrywighede nie. Die belangrikste is dat die hele landboubedryf afhanklik is van watervoorsiening uit die Kougadam. Ander bronne, soos boorgate, is meestal nie geskik vir landbouverbouing nie, so ook nie water uit die Gamtoosrivier nie. Wat het die streng waterbeperkings…

DIE prys van beeskarkasse toon sedert September 2022 ’n dalende neiging, luidens die voedselprysmoniteringsverslag vir September 2023 wat deur die mededingingskommissie van Suid-Afrika saamgestel word. Die kommissie ontleed totale pryse en marges op produsentevlak (voerkrale) én op handelsvlak. Hy het bevind dat produsentepryse vir ’n groot deel van 2023 gedaal het ná ’n periode van hoër pryse in 2022. Die beesvleiswaardeketting tel onder dié voedselwaardekettings in Suid-Afrika waar daar bewyse van die vuurpyl-en-veer-situasie is. Dit verwys na ’n situasie waar pryse vinnig styg in reaksie op ’n kostestyging, maar baie stadig daal wanneer koste verlaag word. Die beesvleiswaardeketting het die afgelope paar jaar meer gekonsentreerd en meer geintegreerd geraak. Dit het die kans op onmededingende pryspraktyke verhoog. Dit vind plaas teen die agtergrond van beter winsgewendheid in die voerkraalbedryf wat…

Rubriek Dit is duidelik dat die volgende jaar of wat ’n taamlik onstuimige ekonomiese en politieke tydperk gaan wees. Landbou-ekonome by die Purdue-universiteit in die Amerikaanse deelstaat Indiana doen nogal baie werk rondom die posisionering van boerderye in onstabiele tye. As die Amerikaanse landboumense dink dit is onstabiel by hulle, dan moet Suid-Afrikaners sekerlik kennis neem, want die Suid-Afrikaanse landbou doen in ’n baie meer onstabiele makro-ekonomiese omgewing sake en kan daarom kennis neem van die advies aan Amerikaanse boere. Die uitgangspunt is tweeledig, waarop ’n mens moet ag slaan. Eerstens gaan dit oor aanpasbaarheid en tweedens oor die besigheid se vermoë om skokke te absorbeer. Die aspekte wat besondere aandag van die Suid-Afrikaanse landbou in die volgende jaar of wat gaan verg, is: ■ Die ekonomie gaan basies in…

Sonder dié tegnologie kan hy nie boer nie Eienaar: Christo Cronjé, Cronjé-boerdery, Vrede, voormalige Groei vir Goud-wenner (2019-2020): Mielies onder besproeiing: 23,47 t/ha Grond: “Ons het ’n Smartieboks van grondtipes. Jy sal heel moontlik 14 verskillende grondtipes in ’n 100 ha-land by ons kry.” Klei-inhoud wissel van 15% tot 45% op plekke. Vir Christo is tegnologie ononderhandelbaar. “Ek wil amper so ver gaan as om te sê dat indien ek nie presisietegnologie beskikbaar het nie, sal ek moet ophou boer, want daarsonder gaan jy jouself moeg hardloop agter al die bestuursfunksies aan.” Christo se plantersituasie is uniek aangesien hy wyer-raam planters, die John Deere DB-reeks, uit Amerika ingevoer het vir sy boerderypraktyke. “Arbeidskoste dwing ons ál meer om te meganiseer. Daarom het ek na ’n wyer raam gekyk. Die DB…

RubriekAGTER DIE PLAASHEK Toe ons 25 jaar gelede begin het om verse op 12 tot 14 maande te paar, was daar groot weerstand. Daar was baie kritiek en amper antagonisme teenoor die gedagte om verse só te “moor”. As ek nie die eerste was om dit te doen nie, was ek beslis een van die eerstes. Die teenargumente was partymaal nogal aanvallend en dit het beslis seergemaak. Oor jare het dit gegroei tot ’n praktyk wat meer aanvaarbaar is. Baie meer boere sien kans om dit te probeer, en besluit dan of hulle met die praktyk wil aanhou. Baie boere het dit selfs na nuwe hoogtes geneem en doen dit uiters suksesvol. Soos die vroeë paring ’n kwarteeu gelede ’n poging was om winsgewend te wees, het die toepassing van…

Ons moes onlangs ’n familielid op haar kleinhoewe in die Bultfontein-gebied, sowat 30 km noord van Pretoria, gaan ondersteun. Gedagtig aan klagtes wat ons kry dat ons te veel op Kaapse voëls konsentreer en nie genoeg aandag aan voëlkykplekke in die noorde van Suid-Afrika gee nie, was dit sommer ’n gulde geleentheid om ook voëls te kyk. Die kleinhoewe bestaan uit gemengde bosveld en grasveld, en rondom die opstal is daar baie groot bome en ook heelwat vrugteboorde. Danksy die diverse plantegroei besoek ’n opwindende verskeidenheid spesies die tuin om die huis – ook besondere “tuinvoëls” waaraan ons Wes-Kapenaars nie gewoond is nie. Die diversiteit van voëls het ons die meeste beïndruk, en ons was verstom toe ons die eerste oggend in die bed kon lê en luister na die…

Boere moet in hierdie tye waarin hulle aanslae van alle kante af beleef, aanhou om op die Here en die Redder te vertrou; die groot veewagter van die skape, Jesus Christus. In 2 Kor. 5:7 kry ons die belangrike boodskap: “Want ons wandel deur geloof en nie deur aanskouing nie.” Oral waar ’n mens kyk, verduur die boere aanslae. In die Wes-Kaap was daar vloede wat boere se landerye en boorde verspoel het. In ander streke in Suid-Afrika het brande waardevolle weiding verteer wat veronderstel was om die diere aan die gang te hou totdat die somerreën weer begin. Insetkoste is baie hoog, al ervaar die veeboere pryse vir hul diere wat in menige geval op ’n laagtepunt is. Ons moet egter nie moed verloor nie, maar ons by die…

GAUTENG NIGEL HONIGFONTEIN (339), 489 ha, aan Nievan-trust, van F.A. Meyer, R22 336 977. LANGKUIL (363), 20 ha, aan N. Mumporeze, van R.K. Wilken, R1400000. PALMIETFONTEIN (141), 68 ha, aan Central Prop Development Johannesburg (Edms.) Bpk., van Cosmopolitan Projects Johannesburg (Edms.) Bpk., R68 264 000. PRETORIA BOEKENHOUTSKLOOFDRIFT (286), 21 ha, aan A.S. Ferreira en J.S. Ferreira, van I.C. Klopper en W.P.S. Klopper, R2 550 000. LEEUWFONTEIN (487), 91 ha, aan Promptserve BK, van G.D. Nel, R2 500 000. KWAZULU-NATAL ULUNDI LOT 184-185 EMPANGENI (9892), 301 ha, aan Thathile Trading 113 (Edms.) Bpk., van Phambili Mshikila Trading Enterprise BK, R19 400 000. UTRECHT ERTWURM (35), 23 ha, LANGBULT (17073), 75 ha, en ZOETMELKSRIVIER (86), 1 738 ha, aan Tripalex (Edms.) Bpk., van Julovista (Edms.) Bpk., R6 000 000. OUDERDOM (12), 581…

‘Onkonvensionele’ El Niño bring hoop vir somergrane Daar is aanduidings dat die huidige El Niño-stelsel nie so sterk gaan wees as wat aanvanklik voorspel is nie. Die moontlikheid bestaan ook dat ’n sogenoemde Modoki El Niño kan ontwikkel, sê Johan van den Berg, onafhanklike landbouweerkundige. Met só ’n weerstelsel ontwikkel warmer seetemperature oor die sentrale deel van die Stille Oseaan, met koeler dele rondom, eerder as nader aan die weskus van Suid-Amerika, vanwaar dit ooswaarts uitbrei. Sulke stelsels veroorsaak ander oorliggende klimaatstelsels, en het in 2009-’10 met redelik goeie reënval oor Suider-Afrika gepaard gegaan. Groen skanse teen hoë dieselprys Vir die landbou was die 30c wat aan die begin van die maand by die bestaande brandstofprysverhoging gevoeg is, ’n besonder onaangename verrassing. In somersaaigebiede maak boere reg om te saai,…

Anderkant die reënboog Dit is ’n bitter eenvoudige som. Suid-Afrika het die hoogste werkloosheidsyfer ter wêreld. Amptelik op 32,9%, maar heel moontlik is dit veel hoër. Die resultaat is dat 47% van ons mense maatskaplike toelaes ontvang. Geld vir sulke toelaes kom net van een plek af: die formele ekonomie se belasting. Dit sluit die BTW in wat armes betaal wanneer hulle van die formele ekonomie koop. Dit help nie dat die behoeftigste 10% van ons huishoudings, wat juis op maatskaplike toelaes aangewese is, 40% van hul karige inkomste aan kos bestee nie. Die top-10% van huishoudings se kosrekening is net 5% van hulle inkomste. Om vir so baie mense te kan sorg, moet die staat twee dinge regkry. Eerstens, die belasbare deel van die ekonomie moet so produktief moontlik…

DIE gevolge van die voëlgriep-epidemie gaan wyd uitkring, met die voerbedryf, en daarom ook die graanbedryf, in die voorste linie. Daar is egter ’n magdom ander bedrywe wat geraak word, van vervoermaatskappye wat daagliks eiers vervoer, verskaffers van verpakkingsmateriaal en benodigdhede vir hoenderhuise, tot ondernemings wat eiers nodig het vir gebak. Teen begin Oktober is 7,5 miljoen hoenders vanjaar weens uitbrekings van die H5N1- en H7N6-stam van voëlgriep verloor, waarvan die meeste weens die laasgenoemde nuwe, uniek Suid-Afrikaanse stam. Sowat 5 miljoen hiervan was lêhenne, uit ’n nasionale trop van 29 miljoen. Dit het veroorsaak dat leë tafeleierrakke in veral Gautengse winkels ’n algemene gesig is. Dit is in Gauteng en in buurprovinsies waar die H7N6-virusstam sedert Junie soos ’n veldbrand versprei. Waar eiers wel beskikbaar is, het pryse die…

AL lyk enkele aspekte van die insetkoste-prentjie nou beter as ’n jaar gelede, kan boere steeds nie bekostig om te laat slaplê met hul beplanning nie. Graan SA se jongste ontleding van saaiboere se vernaamste produksiekoste toon dat 75% van boere se veranderlike koste met sowat 12,5% afgeneem het. Dit is veral toe te skryf aan ’n afname van 45% in die gemiddelde prys van kunsmis. Die prys van kalium was in Augustus 52% laer as in die ooreenstemmende tyd verlede jaar, fosfor was 45,5% laer en stikstof 30,3% laer. Brandstofpryse was toe ook 6% laer, maar twee prysverhogings sedertdien het dié prysverlaging grootliks uitgeskakel. Insette wat in Augustus duurder was as verlede jaar, is chemikalieë (27% duurder), saad (13,2% duurder) en herstelwerk (7,4% duurder). Prof. Johan Willemse, landbou-ekonoom en…

Rubriek Die produksie van graan en oliesade het sedert deregulering verdubbel en oor die afgelope vier jaar met ’n vyf-jaar-gemiddelde syfer van 6,9% toegeneem. Dit is ’n merkwaardige prestasie wat deur tegnologiese ontwikkelings en goeie produksietoestand gedryf word. Op Agbiz Grain se onlangse simposium met die tema “Bou sekerheid, skep volhoubaarheid” is vier aspekte om volhoubaarheid te verseker onder die loep geplaas. In die eerste plek is gevra wat nodig is om belegging in die opbergingsektor aan te moedig en dienslewering te verhoog. Tweedens, watter kwessies moet aangepak word om die volhoubare funksionering van die graanmark te verseker? Derdens, hoe kan naspeurbaarheid in die graan- en oliesademark wat kommoditeite in los maat hanteer en opberg, aangepak word? Ten laaste, wat moet gedoen word om die versekerbaarheid van die opbergingsektor in…

Wanneer jy deur die hekke van Hartenberg, geleë tussen Stellenbosch se Bottelary-heuwels, ry, herinner ’n kennisgewing jou dat jy nou op die turf is van herlewingslandboubaanbrekers. “Ons plant al jare lank dekgewasmengsels, soos Barsaia-swarthawer, Moby-voergars, Barpower-voerrog en Japannese radyse, in ’n poging om die grondstruktuur te verbeter, maar die idee oor grondgesondheid het eers werklik posgevat toe ons beeste in ons stelsel ingebring het,” vertel Wilhelm Joubert, wingerdboukundige, wat die afgelope drie jaar beheerde hoëdigtheidbeweiding in die wingerd toepas. Hulle het ’n Ankole-stoetery op die plaas, asook Nguni- en Dexter-kuddes. “Een van die groot redes waarom ons nie vroeër met beeste in die wingerd begin het nie, was ’n vrees vir verdigting. Tweedens wou ons dekgewasse gehad het vir vogbewaring en onkruidonderdrukking. Ons het dus gedink dit gaan die doel…

Shell Lubricants Suid-Afrika dryf vernuwing en tegnologiese vooruitgang in die landboubedryf aan om sodoende ekonomiese groei stukrag te gee. As een van die sleutelbelanghebbendes in die landboubedryf het Shell Lubricants, deur sy produkte en tegniese dienste, oor die jare vernuwende tegnologie aangewend om ekonomiese, omgewings- en maatskaplike volhoubaarheid van boerderybedrywighede in Suid-Afrika te verseker. Omgewingsvriendelike produkte van hoë gehalte As verskaffer word daar van Shell verwag om volhoubare produkte en dienste aan te bied en om dit vir klante makliker te maak om goeie keuses te maak. Die meeste van die oorspronklike voertuigvervaardigers (OEM) in Suid-Afrika wil alternatiewe voertuie met ’n laer koolstofspoor aan hul huidige en toekomstige klante lewer. Veral die landboubedryf moet die werksduur van sy toerusting, soos trekkers, stropers en ploeë, verleng, terwyl boere hul netto koolstofvrystelling…

Sluitingsdatum: 9 November 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Streek in Suider-Afrika. Lees op bl. 114 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 115 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 9 November 2023.…

Hoe het jy in die afslaersbedryf beland? Ek was by my ouers op Vryburg vanaf kortdiens in die weermag en het vir die dorp begin rugby speel. Ek het een aand na wyle oom André Kock, van André Kock & Seun Afslaers, gegaan en gevra vir werk tot ek teruggaan weermag toe: beeste laai of wat ook al. Hy was in daardie stadium die bestuurder by Karoo Ochse op Vryburg. Dit was die Donderdagaand en die Vrydag het hy my vas aangestel. Ek het iets van alles gedoen, van boeke tot beeste laai en veebeheer. In 1993 het ek begin opveil en ek was ’n afslaer by Karoo Ochse tot 2009. Daarna het op my eie gegaan en werk vryskut as stoetafslaer vir die meeste afslaersondernemings. Wie was jou mentor?…

Besoek landbou.com/veilings vir die jongste veilingsnuus Jan van Biljon van Niekerksrust buite Viljoenskroon het met die aanbod op sy 36ste produksieveiling voortgebou aan sy naam as ’n SAVM-boer wat gereeld gehalteteelmateriaal beskikbaar stel. “Die gehalte van die ramme was buitengewoon hoog,” sê Jan oor die veiling op 4 Oktober waar 50 ramme onder die hamer was. Uit dié ramme was drie beproefde stoetramme en ses potensiële stoetramme. Die ram 22-0100 JVB het met R29 500 die hoogste prys behaal. Hy is verkoop aan die Kalkpanboerdery van Bothaville. “Hierdie ram is ’n baie goeie teelram, een wat ons self ook gebruik. Hy het goeie teelwaardes en is ’n goeie ouderdom,” sê Jan. Die ramme het gemiddeld R11 400 behaal. Jan hou twee veilings per jaar. Tydens sy Junie-veiling was die vraag…

SKOUE 12-14 OKTOBER: Nampo Alfa. Bothaville. Albert Loubser, 082 562 2188, e-pos: albert@nampoalfa.co.za 12-14 OKTOBER: Villiersdorp. Edu Roux, 082 922 1123, Johannie Barnard, 083 312 1476; e-pos: skoongesig@breede.co.za 19-21 OKTOBER: Prins Albert. Martin Koorts, 078 570 9113; Karla Koorts, 076 470 9772; palandbougenootskap@gmail.com 20-21 OKTOBER: Loeriesfontein. Henk Kearney, 078 804 9770, Jannie Loots, 082 859 1432; e-pos: irmarik@telkomsa.net 20-21 OKTOBER: Cradocklandbouskou. SA Saalperde en Walliese Ponies: Colin Moolman, 082 928 0389, Colin.moolman@afgri.co.za. Merino’s, Angoras, SA Vleismerino’s, Boerbokke, Dorpers en slaglammers: Hendrik Opperman, 082 325 5748, hendrikopperman8.gmail.com. Lusern: André Bezuidenhout, andre@abac.co.za. Stalletjies: Coosie Crouse, 081 597 3166, jacobacrouse@gmail.com 3-4 NOVEMBER: Philippolis. GB Pienaar, 083 548 7483, of Colette Loock, 083 286 8412. 10-11 NOVEMBER: Uniondalelandbouskou. Saalperd- en Boerperd-streekskou, Merino’s, Boerbokke, jeugskou, uitstallings, stalletjies, skoudans. Pieter-Matt Stemmet, 083 272 8858, pieter-matt@mzlg.co.za 7-8…