Tabla de contenidos para 4 May 2023 en Landbouweekblad

Belegging in die toekoms. Lourens van der Linde en sy seuns, Cobus, Francois en Lourens jr., het op 21 April hul LFC-megasilo op Wesselsbron geopen, reg langs die bestaande LFC-meule wat mieliemeel aan groothandelaars en supermarkte lewer. Nadat verskillende bouvorms vir silo’s ondersoek is, is besluit om die struktuur bestaande uit betonmure en ’n staaldak in die vorm van ’n oktagoon te bou. Cobus sê dié ontwerp is gekies omdat dit makliker giet as die tradisonele ronde silostruktuur. “Mielies kan nie ’n vierkantige struktuur vol lê tot in die hoeke nie, maar as jy die hoeke afsny in die oktagoonvorm, kan jy die hele struktuur met mielies vul teen ’n baie goedkoper boukoste.” Die megasilo se deursnee is 108 m en dit is 35 m hoog by die hoogste punt.…

’N AANTAL internasionale weersentrums, onder meer Australië se gerespekteerde buro vir meteorologie (BoM) en Amerika se nasionale oseaan-en-atmosfeeradministrasie (NOAA), het aangedui hulle verwag dat ’n El Niño-weerstelsel teen die lente of somer van vanjaar kan vorm. Die jongste BoM-klimaatverslag wat teen druktyd beskikbaar was, het aangedui dat al die weermodelle wat hy dophou, die vorming van ’n El Niño teen Augustus voorspel. Dit het aanleiding gegee tot bespiegeling oor ’n “super-El Niño”, al het die buro bygevoeg “huidige Enso-vooruitskouings later as herfs moet met omsigtigheid bejeën word omdat hulle tipies minder akkuraat is as voorspellings op ander tye van die jaar”. Kenners waarsku ook dat die verband tussen El Niño en droogte nie eenvoudig is nie. 1. Wat is El Niño en hoekom is dit belangrik vir Suider-Afrika se boere?…

Sclerotinia-stamvrot kom algemeen by kanola voor en kan tot ernstige verliese lei, het Jannie Bruwer, Bayer se gebiedsbestuurder in die Suid-Kaap, gewaarsku. “Sclerotinia sclerotiorum, ’n swam, oorleef in die grond of in ’n stoppel naby die grondoppervlak. “Sekere omgewingstoestande kan lei tot die ontwikkeling daarvan, waaronder 25-50 mm reën 10 tot 14 dae voor die begin van blom – dus nat toestande vir 10 dae in middel tot laat winter.” Hy sê temperature van 11-15 °C is nodig vir Sclerotinia om te ontkiem en spore vry te stel. Lang nat periodes in die blomtyd en tydens blomblaarval lei ook tot stamvrot. Blomblaartjies wat op die stam beland, kan stambesmetting veroorsaak. Stamletselontwikkeling word veroorsaak deur klam, nat toestande en temperature van 20-25 °C. Grondvog 14 dae voor begin van blom wat…

Portugal | Batterye troef die landbou Boere en ander inwoners van Covas do Barroso, ’n wêrelderfenisgebied waar die landbou al tienduisende jare lank beoefen word, kon ’n onhaalbare mikpunt vir openbare deelname rakende ’n litiummyn met twee weke uitgestel kry. Aanvanklik sou hulle net ’n week gehad het om duisende dokumente deur te werk en kommentaar te lewer. Die myn, waarvoor die Britse maatskappy Savannah Resources voorbrand maak, is deel van Europese planne om minder afhanklik te wees van ingevoerde litium wat in batterye vir onder meer selfone en batterye vir elektriese voertuie gebruik word. Inwoners van Covas do Barroso verwag nie om suksesvol te wees in hul pogings om die myn teen te staan nie, ondanks die onherstelbare skade wat dit die omgewing waarskynlik gaan berokken. — Portugal Resident…

Die mededingingskommissie het in April ’n ongevraagde verklaring uitgereik. Dit handel oor beweerde opportunistiese gedrag wat die kommissie met betrekking tot voedselpryse en moontlike onderhandeling tussen maatskappye waargeneem het. Die mededingingskommissie se mandaat is om beperkende sakepraktyke te evalueer en ondersoek. Verder moet die kommissie die dominante posisie van maatskappye in die ekonomie en ook samesmeltings tussen ondernemings ondersoek. Die kommissie moet die impak van dié drie aspekte op die doeltreffende werking van die ekonomie evalueer. Dit is nie die kommissie se mandaat om ’n verklaring oor voedselpryse uit te reik. Die kommissie het ’n baie sterk klem op voedselprysmonitering. Ons kan dit verstaan omdat voedselpryse baie belangrik vir Suid-Afrika se verbruikers is. Die land het ’n werkloosheidskoers van 33%, wat beteken dat een uit drie individue in die bevolking…

Indien jy lewensdekking het en dit moeilik raak om met die premiebetalings by te bly, is daar talle opsies om jou dekking te behou. Wees ingelig! Laat die kontantwaarde die premie betaal Indien jy ’n ouergenerasie-polis het, is daar waarskynlik ’n kontantwaarde op die polis. Indien jy die polis al jare lank betaal, is daar moontlik ’n stewige kontantwaarde opgebou wat die premies kan betaal. Vra die versekeraar vir ’n illustrasie om te sien wat die impak op die poliswaarde sal wees indien die kontantwaarde gebruik word om die premies te betaal. Kontak jou finansiële adviseur om die impak van hierdie opsie met jou te bespreek en oorweeg die voor- en nadele voordat jy ’n besluit neem. Verminder die poliswaarde Kontak jou versekeraar en vind uit of die premie verminder…

KORTOM ■ Daar is maniere om doeltreffender te bespuit en in die proses uitgawes aan spuitstof te beperk, asook die uitwerking op die omgewing te verminder. ■ Aangesien sowat 50% van ’n spuitstof se doeltreffendheid afhang van faktore soos spuitspoed, spuithoogte en die hoeveelheid water, behoort boere daarop ag te slaan vir die beste resultate. Daar is ’n nuwe dringendheid om plaagdoders doeltreffender toe te dien – nie net om te verseker dat die plaagteiken getref word nie, maar ook om die omgewing te beskerm. Andries Duvenhage, Syngenta se bemarkingskoördineerder vir die Wes-Kaap, sê plaagdodervervaardigers is nou meer gesteld daarop om die omgewingsimpak van hul produkte te beperk. Dit kan tot ’n groot mate gedoen word deur die gaping te verklein tussen die ideale omstandighede waarin produkte ontwikkel en in…

Warm water in ’n japtrap The Rocket is ’n waterverwarmer wat in Suid-Afrika ontwerp en vervaardig is. Met ’n klein bietjie droë hout kan jy binne 15 minute warm water en binne 20 tot 25 minute kookwater hê met die 50 liter-model. Die toestel kan self geïnstalleer word as ’n alleenstaande eenheid of saam met ’n bestaande waterverwarmer of geiser. Dit is ideaal vir gebruik tydens beurtkrag en in landelike gebiede waar kragtoevoer nie beskikbaar is nie of konvensionele brandstof moeilik bekombaar is. The Rocket kom in groottes van 50 liter, 125 liter en 250 liter. Almal het ’n ingeboude vuurkas. Die waterverwarmer se pyp- en plaatgedeeltes word van sagte staal of van nywerheidsgraad 304- vlekvrye staal vervaardig. Die swart verfafwerking help ook om die water se hitte te behou.…

Vertel meer oor Tzamac? Die maatskappy is in 1996 op Tzaneen gestig. Dit is ’n familie-onderneming wat aan drie gelyke aandeelhouers behoort. Hulle is ook die grootste verskaffers van makadamianeute aan die fabriek. Tzamac verwerk, bemark en verkoop die neute namens ’n aantal boere wat aan die fabriek lewer. Ons bemark neute in die dop en uitgedop in hoofsaaklik Amerika, Europa, Viëtnam en China. Suid-Afrika is die grootste makadamianeutprodusent ter wêreld. Waarom het die bedryf so vlamgevat? Ons bedryf is nog jonk, maar die gehalte van ons neute is baie goed. Dit is omdat die boere op kommersiële skaal boer en dus aan internasionale standaarde voldoen sodat hul neute uitgevoer kan word. Makadamias word as ’n premieneut beskou en as dit reg verbou word, is die opbrengs op die belegging…

Hier kom iemand, Ouma! Hier kom iemand!” Holderstebolder nael ons na die opstal se kombuis, waar Ouma besig is om beskuit te bak. “Wat is dit, kinders?” “Daar’s . . . daar’s . . .” hyg ek uitasem. “ ’n Besoeker, Ouma,” maak Andries my sin klaar. “Ek wonder wie dit kan wees?” sê Ouma, meer vir haarself as vir ons. “Dankie tog die beskuit is amper reg.” Kort voor lank besef ons dat Ouma nie die geheim van die onbekende besoeker gaan oplos nie. Andries hardloop by die kombuis uit en gaan staan op die miershoop anderkant die klompie bloekombome. Hy trek sy oë op skrefies om beter te kan sien. “Hy ry op ’n swart perd!” roep hy. “Dit help niks,” sê Ouma. Hy spring van die miershoop…

INLIGTING Ligging: Magaliesburg (Gauteng) en Molopo (Noordwes) Vertakkings: Beef Shorthornstoetery, varkboerdery, ’n KI-stasie en mielieverbouing Veldtipe: Suur- en soetveld Reënval: 600-700 mm/jaar (Magaliesburg), 450-500 mm/jaar (Molopo) Die Niemen-stoetery van Neil Dry van Magaliesburg het al op verskeie vlakke van diereproduksie sukses behaal. Soos met die aanwysing van die koei NMS 11-0005 as die ras se Elite-platinumkeuse en die bul NMS 21-0030, wat vanjaar die vyfde keer die Shorthorn in Vleissentraal en Stamboek se bulgroeitoets verteenwoordig. As ’n deurwinterde varkteler sedert 1997 het Neil die afgelope jare sy vleisbeeste tot ’n volwaardige bedryfsvertakking uitgebrei. Sy Niemen-stoetery, die hoofboerderyinkomste, het minstens drie keer die kategorie vir varke in SA Stamboek se jaarlikse stoetkudde-kompetisie gewen. Hy boer met Groot Wit-, Landras- en Duroc-sôe. Die beesboerdery word in die suurveld van die Magaliesburg-omgewing bedryf,…

INLIGTING Ligging: Petrusburg, Vrystaat Naam: Leeuwdoornpan Vertakkings: Nguni-beeste Veld: Gemengde soetveld en karoobossies Reënval: 430 mm per jaar In 2015, volgens die SA Weerdiens die droogste El Niño-jaar sedert rekordhouding in 1904 begin is, het die Ngunielitekoei die eerste keer gekalf – en sy het die pas gedurende die droë jare volgehou sodat haar gemiddelde tussenkalfperiode tans 381 dae is. Dié uitsonderlike koei is deel van Elmien Willemse se Leeuwdoornpan-stoetery op die familieplaas naby Petrusburg. Elmien het in 2007 die Nguni-stoeterybedryf betree. Haar seleksiedoelwit is om funksioneel doeltreffende, aangepaste diere te teel wat geneties voortreflik is vir wins deur markvereistes in ag te neem. EW13-0025 is in September 2013 gebore. “Ondergemiddelde reënval en buitengewoon hoë temperature is van 2012 af en etlike jare daarna aangeteken. Ná haar eerste kalf op…

GAUTENG CARLETONVILLE LEEUWFONTEIN (485),230 ha, aan JPF Hardingboerdery BK, van C.W. de Wet,R4500000.OATLANDS (79), 936 ha, aanHenlo 131 (Edms.) Bpk., vanInteractive Trading 329 (Edms.)Bpk., R9 630 000.WITKOP (475), 236 ha, aanOutcor Prop (Edms.) Bpk.,van Octo Trading 102 BK,R4300000. NIGEL HARTBEESTFONTEIN (329),120 ha, aan JR Buhrmannboerdery (Edms.) Bpk., vanN.J. Stander, R2 500 000. PRETORIA BLESBOKFONTEIN (558),620 ha, aan Blesbokfonteinboerdery (Edms.) Bpk., vanA.F. du Toit Marais,R24 000 000.JAKHALSFONTEIN (528),83 ha, aan Shipene Inv No 8(Edms.) Bpk., van A.W. Loots enA.M.C. Loots, R8 050 000.ZACHSEDAM (632), 52 ha, aanJolicia-familietrust, vanP.J.M. en S.V. van den Heever,R1075000. KWAZULU-NATAL LADYSMITH NOOITGEDACHT (12263),284 ha, aan AC Livestock(Edms.) Bpk., van Hans Bezuidenhout-trust, R4 600 000. LIMPOPO DENDRON PALM (681), 22 ha, aanBongani-Rainmaker Logistics(Edms.) Bpk., van R. Wilson,R6400000. GROBLERSDAL ZAAGKUILDRIFT (46), 21 ha,aan C.J. Faber, van A. Ysel,R650000. MARKEN…

Die twee groot jaarlikse veilings onder die vaandel van die Afrikaner-beestelersgenootskap word vir die tweede deel van 2023 beoog. Die nasionale veiling word op 30 Augustus by die Be Human-sentrum noord van Bloemfontein gehou en die 84ste veiling van die Hoopstadse bultelersvereniging vind op 11 Oktober plaas. Daar is groot verwagtinge vir die nasionale veiling nadat die veiling op Parys op 13 September verlede jaar weens bek-en-klouseerbeperkings op kort kennisgewing afgestel is. Dit het ’n demper op die daaropvolgende aanlyn veiling geplaas, maar diere van gehalte het gunstige pryse behaal. Die hoogste prys vir bulle was twee van R80 000 en een van R70 000, almal geteel deur Jannie Visagie van Kimberley. Die onderskeie kopers was die Grootkuil-boerdery van Pierre-André Cronjé (JEV 19-0073), Hendrik Breedt (JEV 19-0122) en Frikkie Conradie…

John Deere Financial het nog altyd sy kliënte gelei om hul besighede die voorsprong te gee. Omdat John Deere Financial werklik sy kliënte verstaan, asook die bedrywe waarin hulle sake doen, kan hy as ’n finansiëlediensverskaffer sy aanbiedinge verpersoonlik om aan sy kliënte se spesifieke vereistes te voldoen. John Deere Financial doen die harde werk John Deere Financial se finansiële oplossings doen die harde werk sodat sy kliënte vrylik kan voortgaan met dit wat hulle die beste doen. Met ’n spesiale aanbod* van primaminus-9%-finansiering op die 5075E MFWD OOS-trekker bied John Deere Financial boere die geleentheid om die sprong vorentoe te neem. ’n Verenigde maatskappy John Deere Financial is ’n betroubare vennoot wat aan sy kliënte en aandeelhouers verpersoonlikte finansieringsoplossings bied om in spesifieke behoeftes te voorsien en doelwitte te…

Op geleende tyd Nagenoeg 178 000 Zimbabwiërs, van wie baie plaaswerkers is, se toekoms in Suid-Afrika is nou in die hande van ’n volbank regters van die Gautengse hooggeregshof. Dit volg nadat die Helen Suzman-stigting die minister van binnelandse sake, Aaron Motsoaledi, hof toe geneem het oor sy aankondiging in Desember 2021 dat vrystellingspermitte vir Zimbabwiërs nie hernu sal word nie. Dié 178 000 Zimbabwiërs het tot 30 Junie tyd om aansoek te doen om alternatiewe visums of kwytskeldings, ’n omslagtige en tydrowende proses. Die regters moet besluit of Motsoaledi se besluit irrasioneel, onregverdig en oneties is, of bloot ’n adminstratiewe proses. Uitspraak was teen druktyd nog voorbehou. Koop herlewing ’n Goeie handelsmerk om landbouprodukte wat volgens herlewingslandboubeginsels geproduseer is, beter te bemark, is voorgestel op die onlangse Fresh Connetions-konferensie…

KATOEN is nog altyd bekend as die gewas wat goed vergelyk met ander gewasse wat inkomste per hektaar betref. Met nuwe tegnologie wat in die vooruitsig gestel word, tesame met nuwe, beter kultivars, wat byvoorbeeld tot korter groeitye lei, is daar groot opgewondenheid dat katoen weer Suid-Afrikaanse landbou se “wit goud” kan word. Die vernaamste bedryfskwessie wat op die oomblik aandag verg, is die toegang tot alternatiewe teelmateriaal om ’n verhoging in die aantal hektare en opbrengs per hektaar teweeg te bring. Nuwe kultivars en tegnologie sal ook tot beter vesel lei. Talle produsente het nou begin besef watter bykomende voordele gehalte vir hulle in die sak kan bring. Saadmaatskappye in Suid-Afrika is hard aan die werk om nuwe katoenteellyne tot die beskikking van die produsent te stel. Katoen SA…

Dr. Michael Jordaan het op net 36 die uitvoerende hoof van FNB geword. Onder sy leiding is die groep in 2012 as die wêreld se vernuwendste bank bekroon. Hy besit die waagkapitaalmaatskappy Montegray Capital, is voorsitter van Bank Zero en ’n wynplaas-eienaar, en is bekend om sy vernuwende idees. Lees meer op bl. 38. Wat is jou stokperdjies? Ek hou van bergfietsry, watersport, lees, alles wat met wyn te doen het, reis en enigiets wat my gesin wil doen. Wat lees jy? Alles wat aan my aanbeveel word. Ek geniet veral oudioboeke, want dan kan ek “lees” terwyl ek fietsry, bestuur of op die plaas stap. Waar hou jy vakansie? By die see, veral Churchaven of Hangklip.…

R50 miljard. Die bedrag wat dié metropolitaanse munisipaliteit binne die volgende tien jaar aan eie kragopwekking wil bestee. Dit sluit R1 miljard vir die opknapping en instandhouding van die Steenbrasdam-hidro-elektriese kragsentrale, wat reeds verligting van gemiddeld een fase beurtkrag aan die stad se inwoners bied, R462 miljoen aan sonkragstelsels, R53 miljoen vir ’n kontant-virkrag-inisiatief, R32 miljoen vir die omskakeling van afval tot energie, en R49 miljoen aan onder meer hernubare energie en versendbare krag (krag wat altyd beskikbaar is). 4. Die aantal vlakke beurtkrag wat Kaapstad binne drie jaar met eie opwekking wil uitskakel. 500 MW. Die opwekkingsvermoë waarvoor ’n tender onlangs aan onafhanklike kragverskaffers uitgereik is. Dit sluit verskaffers binne én buite die metro se grense in. 700 MW. Die totale hoeveelheid elektrisiteit wat die Stad Kaapstad tans van…

Die fel droogte van 2015-’16 is nog vars in die meeste somergewasboere se geheue. In die ekstensiewe veegebiede van die Noord-Kaap het die droogte agt jaar lank voortgewoed. Guillau du Toit Bestuur is die antwoord Reageer liewer vroegtydig op waarskuwingstekens en neem besluite vroegtydig. Dis een van die belangrikste lesse wat Guillau du Toit, ekstensiewe veeboer van Fraserburg in die Noord-Kaap, uit die agt jaar lange droogte geleer het wat groot dele van die Noord-Kaap se ekstensiewe veegebiede geteister het. Boonop lyk dinge nou, ná twee goeie reënseisoene, wéér kommerwekkend nadat daar sedert Desember onvoldoende somerreën geval het en hy weer sy produserende diere moet begin voer. Met baie veld wat verlore gegaan het tydens die langdurige droogte, is hy veral ná onvoldoende opvolgreën vanjaar bekommerd oor die kans op…

Die Land Bank het tot dusver 153 aansoeke om gemengde finansiering ontvang wat tot kredietbeoordeelbare aansoeke gevorder het. Sydney Soundy, waarnemende uitvoerende bestuurder vir kommersiële ontwikkeling en besigheidsbankdienste by die bank, sê die meeste aansoeke is vir vee- en graanboerdery met ‘n paar vanuit die neut-, suikerriet- en sagtevrugtesektor. Thoko Didiza, minister van landbou, grondhervorming en landelike ontwikkeling, het die gemengde finansieringskema van R3,2 miljard verlede jaar aangekondig. Soundy sê die tyd om ’n aansoek te verwerk, word beïnvloed deur faktore soos of die bank ál die vereiste inligting ontvang het en hoe ingewikkeld die transaksie of aansoek is. “Kleiner, konvensionele aansoeke word in die algemeen vinniger verwerk.” “Die Land Bank beoordeel alle aansoeke as ’n onafhanklike ontwikkelingsfinansieringsinstelling. Aangesien elke kliënt se skuld in ag geneem word, kan dit nodig…

DIE eerste helfte van dié boekjaar was vir die meeste van BKB se sake-eenhede uiters moeilik. Hy beskryf dié tyd se resultate as teleurstellend. Die groep se tussentydse finansiële resultate verslag vir die ses maande tot 31 Desember 2022 weerspieël grootliks die omvang van die regstreekse en onregstreekse gevolge van bek-en-klouseer, beperkte toegang tot die wêreld se belangrikste wolmark (China) en ernstige ontwrigtings in sy voorsieningskettings. Sy vesel- én vee-afdeling, gewoonlik die twee grootste winsverdieners, is veral swaar getref. Volumes van die wol- en vee-afdeling was beduidend laer vanweë die impak van beperkte marktoegang na China en die uitwerking van bek-enklouseer op bedrywighede. Die meeste van die bottelnekke wat die voorsieningsketting vir wol betref, is intussen opgelos. Ander moeilike saketoestande wat die groep raak, is ongekende vlakke van beurtkrag, hoë…

KORTOM ■ Die Internasionale Monetêre Fonds verwag dat Suid-Afrika se ekonomiese groeikoers tot 0,1% gaan daal. ■ Die landbou wêreldwyd gaan tans ’n daalsiklus binne met dalende pryse en inkomste. ■ Die verwagte El Niño-siklus gaan lei tot beter oeste in die Amerikas en Europa, wat voorraad gaan bou en pryse laat daal. Die afgelope drie jaar is gekenmerk deur onstabiele wêreldmarkte asook geopolitieke konflik, wat veral internasionale pryse van basiese landbouprodukte in 2022 tot rekordvlakke opgejaag het. Ander faktore wat op die landbou ingewerk het, is rekordstygings in die pryse van insette, dus hoë produksiekoste, swak oeste in die Amerikas weens die La Niña-effek en die ontwrigting van aanbodkettings. Die Suid-Afrikaanse landbou verdien sowat 52% van sy inkomste deur uitvoer teen wêreldpryse, terwyl die meeste van die plaaslike landbouprodukpryse…

KORTOM ■ Wildboere in Amerika is besig om ’n bedryf op die been te bring deur met wild uit Afrika te teel wat hulle van dieretuine aangekoop het. ■ Beperkte getalle en ’n invoerverbod op uitheemse spesies plaas die skaarswildbedryf in Amerika aan die begin van ’n opwaartse pryskurwe. Boere in Amerika was vasberade om ’n bedryf met skaars wildspesies uit Afrika en Indië te ontwikkel en het in die afgelope dekade of wat begin om wild van dieretuine aan te koop. Dit is wild wat oor die jare van veraf lande na dieretuine oral in Noord- en Suid-Amerika geneem is. Een van hierdie boerderye is Star S Ranch naby Mason in die deelstaat Texas. Hy was van die eerste boerderye wat regtig begin het om Afrika-wild op te koop…

Gesonde grond is onontbeerlik vir suksesvolle oeste, maar dit is net so belangrik om nie te oorbemes nie. Daarom volg Kevin Kalb, saaiboer en eienaar van Kevin Kalb Farms in die Amerikaanse deelstaat Indiana, reeds dekades lank ’n beleid om sy grond eerder deurgaans in die regte toestand te hou. Sy boerdery is in Dubois, beter bekend vir pluimvee. Daar saai hy mielies en sojabone, en boer met kalkoene. Hy boer reeds 35 jaar lank en is die vyfde geslag van sy familie wat hierdie beroep beoefen. Danie en ’n klomp ander boere, asook Gerrit Bezuidenhout van Landbouweekblad, het hom verlede jaar besoek, en Kevin het nou eerstehands kom kyk hoe Afrika se seningtaai boere hul ding doen. Die meer as 300 boere op Danie Bester se boeredag het behoorlik…

Maatskappy-profiel Case IH Hoofkantoor: Isando, Gauteng Bedieningsgebied: Nasionaal Produk: Landbou- en boerderytoerusting. Case IH is ’n maatskappy met ’n ryk geskiedenis, in Amerika en later ook in Suid-Afrika. Help dit om al só lank in die landbou te wees? Ons erfenis en behoud by Case IH is om ons mark te verstaan, en om voortdurend saam met die landbou se veranderlikes aan te pas en te groei. Om relevant te bly, moet jy jouself gereeld herontwerp. Met ’n sterk geskiedenis van 180 jaar kom die ervaring om strategiese skuiwe in en rondom ons besigheid te kan maak sodat ons die toekoms sterker kan ingaan. Julle is deel van CNH Industrial, ’n Italiaans-Amerikaanse multinasionale maatskappy met sy hoofkantoor in Brittanje. Die maatskappy is op die New Yorkse aan- delebeurs genoteer en…

Wat is die grootste foute wat jy al gemaak het? Ek het kultivars geplant wat goed werk in die noordelike streke van Suid-Afrika en kruisbestuiwingskultivars wat te vroeg blom. Besproeiing was onsuksesvol totdat ek grondvogmeters begin gebruik het. Wat is die grootste les wat jy tot dusver geleer het? Beaumont, A4 en Nelmac 26 is steriel in ons klimaat. Die konsultante van ander streke verstaan nie die probleme wat ons het nie en vererger net die probleem vir nuwe toetreders. Wat was die grootste struikelblok? Kontantvloei vir die eerste vyf jaar voordat produksie verbeter het. Watter raad kan jy gee? Moenie in die Suid-Kaap sogenoemde kundige konsultante uit ander produksiestreke gebruik nie. Hulle beveel die verkeerde kultivars aan. Suiwer blokke van die kultivars Beaumont en A4 werk nie. Gebruik nuwe…

Wat doen Bethulie Skeerdienste alles? Ek verskaf en bestuur professionele skeerspanne. Dit is ’n ten volle toegeruste skeerdiens en ek koördineer die spanne en stuur hulle na waar en wanneer hulle benodig word. Alles het in 2001 begin nadat die Bethulie-distriksboere-unie my genader het om hul handskeerspanne te bestuur. Toe die behoefte ’n paar jaar later by die boere ontstaan om te meganiseer, het ek my eerste masjiene aangeskaf, met my man, Henning, se hulp. Hoe gaan jy te werk om produktiwiteit ’n hupstoot te gee? Onder ideale omstandighede skeer my topskeerders elk tot 200 skape per dag. Produktiwiteit is egter afhanklik van die plaas en geriewe waar hulle skeer. Ek betaal die skeerders dieselfde as die groter skeerkontrakteurs. In die stiller tye voorsien ons in hul basiese behoeftes. Vertel…

Sluitingsdatum: 25 Mei 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Kosbare plant. Lees op bl. 82 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 82 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 25 Mei 2023. Geen…

INLIGTING Ligging: Vredefort, Vrystaat Naam: Scotts Valley Eienaarskap: Private besit Vertakkings: Rooi Angus-stoetery Veldtipe: Natuurlike suurveld en aangeplante smutsvingerweiding Reënval: 650 mm per jaar Dit is nie om dowe neute dat die kudde van dr. Johan Kahts Wenspan-Angus genoem word nie. Hy slaag immers in sy strewe om funksioneel doeltreffende diere te teel wat by die omgewing aangepas is, maklik beweeg en gebalanseerd is. “Ons doel is om bulle van gehalte aan medestoettelers en kommersiële telers te verskaf wat ’n opbouende bydrae tot hul kudde kan lewer.” Die Elitekoei CBC 10-656 weerspieël die waarde van Johan se streng seleksiebeleid. Sy was een van ’n groep jong verse wat hy in 2011 op ’n veiling van Copelands Beef van Mike Charters by Ugie aangekoop het. Haar goeie produksie die afgelope twaalf…

INLIGTING Ligging: Boshof, Vrystaat Plaasnaam: Spioenheuwel en huurgrond Vertakkings: Tuli-stoetery en kommersiële kudde Veld: Gemengde soet- en gebroke kameeldoringveld Reënval: 450-500 mm per jaar Vir Casper Kriel, wat reeds langer as drie dekades met Tuli’s boer, was dit van meet af aan belangrik om met beeste te boer wat doeltreffende omsetters van weiding na vleis is. Dit is volgens hom die grondslag vir die bestaansreg van ’n herkouer. “Insette van hoë gehalte, soos graan, kan regstreeks vir die voeding van mense aangewend word of aan enkelmaagdiere gevoer word, wat veel doeltreffender voeromsetters daarvan as herkouers is.” Casper beskryf CHK 10-0130 in sy Casman-stoetery by Boshof as ’n mediumraamkoei met ’n goeie balans en ’n toonbeeld van vroulikheid. Sy is nie net in staat om haarself baie goed in ekstensiewe toestande…

Grondpryse in die Wes-Kaap het noemenswaardig herstel ná die droogte en covid-19. In die 12 maande tot Februarie vanjaar het altesaam 73% van die distrikte gunstige prysneigings getoon teenoor 55% die vorige 12 maande. Pryse het veral gestyg by Oudtshoorn (17,1%), Calitzdorp (17%), Beaufort-Wes (12,8%), Swellendam (11,2%) en Caledon (10,4%). Dit het egter met 11,8% gedaal by Ladismith. Altesaam 606 ooreenkomste is gesluit. Dit het 241 020 ha teen R5,625 miljard behels. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 36% (35%); 50-150 ha, 22% (26%); 150-300 ha, 14% (11%); 300-450 ha, 6% (7%); 450-600 ha, 6% (4%), groter as 600 ha, 16% (17%). Die TABEL gee ’n opsomming van grondtransaksies…

BOEREDAE 3 MEI: Herlewingslandbouboeredag met Mpumalanga se Hoëveld-studiegroep. Tema: Herlewingslandbou – maksimalisering van diversiteit. H2 Agri Besighede, Standerton. Liane, 079 404 3039. 12 MEI: Saai-landboudag, Laingsburg. Sprekers, kunstenaars en komediante gaan optree, plaasprodukte is te koop en daar is ’n lambraai-kompetisie. Manie Spamer, 082 373 4333; e-pos: manie.spamer18@gmail.com VERGADERINGS 25 MEI: Jaarvergadering, Wes-Kaapse Rooivleisprodusenteorganisasie. Tema: Relevansie van die RPO. Spreker: Callie Roos. Delsma-plaas, Riebeek-Kasteel. Registreer teen 5 Mei. Helena van Eeden, 021 860 3806; e-pos: helena@awk.co.za 17 AUGUSTUS: Jaarvergadering, Charolais-beestelersgenootskap, Monté Bello-landgoed, Bloemfontein. June Wiid, 051 410 0953. 6-8 SEPTEMBER: Jaarvergadering en kongres, Wagyu SA. Navrae: office@wagyu.org.za KONFERENSIES 1-2 JUNIE: Konferensie oor onbemande vliegtuie en hommeltuie. Birchwood-hotel, Johannesburg. Navrae: admins@bussynetadva.co.za 30-31 AUGUSTUS: 29ste konferensie en kongres, Rooivleisprodusente-organisasie. Tema: Die impak van die makro-ekonomiese omgewing op die rooivleiswaardeketting. Future Africa-konferensiesentrum, Universiteit…

As kind het Theo al begin skaaf aan sy toekoms in die finansiële bedryf deur uit die skool se tiekieboks aandele te koop en te verkoop. “Ek het op skool in Menlopark al ’n rekening gehad. Ek het pouses met die tiekieboks gesit, dan bel ek die makelaar op die vloer van die effektebeurs en gee hom instruksies oor wat ek dink ons moet doen. Van daar af het dit ontwikkel en gelei tot wat ek vandag doen.” Sy ouers het beslis ’n groot invloed gehad oor hoe hy vandag die lewe aanpak. “Ek het in Pretoria in ’n huis van vyf kinders grootgeword. Die vryheid wat betref onafhanklike denke en op jou eie voete staan om te doen wat jy wil doen, het baie sterk klem gedra in ons…

Besoekers aan vanjaar se Nampo-oesdag kan gerus ’n draai maak by New Holland CE se indrukwekkende uitstalling om die veeldoelige B80B-graaflaaier in aksie te sien. New Holland se B-reeksgraaflaaiers is bekend om hul krag, betroubaarheid en brandstofdoeltreffendheid en bied ook meer opsies om in klante se behoeftes te voorsien. Dit sluit uitstekende sigbaarheid, ’n beter hoogte en reikwydte, en ’n gebruikersvriendelike operateur-koppelvlak in. Hierdie werkesels skram nie weg vir veeleisende take nie en word wêreldwyd beskou as ’n betroubare vennoot in die strewe na maksimum produktiwiteit. “Een van ons top-voorrangsake is om oplossings te vind wat operateurs help om hul werk doeltreffend gedoen te kry en die gewenste inkomstepotensiaal te bereik,” sê Wim Farmer, sakebestuurder by New Holland Construction. “Die B80B-graaflaaier bereik dit deur verskeie klantgerigte verbeterings in te sluit.…

Bayer se navorsingen-ontwikkelingspan werk voortdurend daaraan om nuwe en innoverende saadbasters te skep wat ’n boer sal help om meer met minder te produseer. Sy DEKALB®-handelsmerk is sinoniem met hoëprestasiemieliebasters wat daarop gerig is om die boer se gewasprestasie te bevorder en die mielies van meet af aan die beste beskerming te gee. Die DEKALB-mieliereeks sluit wit- en geelmielies in en maak ook voorsiening vir die besproeiingsegment. Die DEKALB-mieliereeks bestaan uit konvensionele basters, YieldGard® MAIZE 2, Roundup Ready® MAIZE 2 en stapelgeenbasters. Met ingeboude tegnologie bied Bayer beskerming teen ’n verskeidenheid onkruid en insekte wat die sukses van die boer se oes kan benadeel. Gewasbeskerming Tesame met uitstekende saadbasters wat boere in staat stel om hul opbrengspotensiaal te optimaliseer, bied Bayer ook ’n verskeidenheid gewasbeskermingsprodukte om die mieliegewasse teen aalwurms,…

Daar is baie navorsing gedoen oor die groeitempo van vervangingsverse en die gevolglike reproduksieprestasie van die kudde. Hoe vroeër ’n vers vir die eerste keer kalf, hoe hoër sal haar produktiwiteit oor die res van haar lewe wees. Dit hang egter heelwat af van haar vlak van voeding, veral in die aanloop tot haar eerste dektyd. Proewe met drie verskillende rasse het getoon dat verse wat gemiddeld 700 g per dag gegroei het teenoor verse wat gemiddeld 350 g per dag gegroei het, se persentasie hittewaarneming op 14 maande bykans 25% hoër was. Dit word sterk aanbeveel dat verse gereeld geweeg en dat ’n strategiese aanvullingsprogram gevolg word om by die verlangde teikengewig uit te kom. ’n Mens moet in ag neem dat daar wel omgewings- en rasvariasies voorkom en…

Aanpasbaarheid,vrugbaarheid, maklike geboortes, speenkalfproduksie en karkaswaarde is van die eienskappe waaroor Izak Cronjé van Theunissen in die Vrystaat goeie terugvoering kry van kopers op sy jaarlikse Leeuwbult Bonsmara-produksieveiling. Dit is te verstane wanneer ’n mens na Leeuwbult se statistieke kyk. Dié kudde is wesenlik bokant die rasgemiddelde ten opsigte van produksie-eienskappe. Leeuwbult Bonsmaras se groeiwaarde is 107, sy koeiwaarde is 106, produksiewaarde 106 en karkaswaarde 109, alles teenoor ’n rasgemiddelde van 100. Hierdie prestasie kom nie vanself nie. Izak glo daaraan om harder te werk as wat nodig is en om nooit op te gee nie. “Wees altyd bereid om te leer en raadpleeg goed opgeleide, professionele kundiges.” Hy bedryf die Bonsmarastoetery Leeuwbult op die plaas Whitfield waar hy al die vierde geslag is wat met vleisbeeste daar boer. Saam…

Buiten die streng covid-19-inperkings in China het ’n laat seisoen druk op Suid-Afrikaanse verwerkers geplaas om die neute voor die Chinese nuwejaar uit te voer. Tog was daar ’n goeie vraag na pekanneute en 2022 was steeds ’n suksesvolle jaar vir produsente. Suid-Afrika het ’n rekordoes van 31 867 ton pekanneute gehad met pryse van gemiddeld R70/kg. Dit was ’n “aan”-jaar, en daarom was die gehalte van die neute nie so goed soos in 2021 nie. Spesialisasie Bester Fruit and Nuts (BFN) spesialiseer in die aankoop, verwerking en bemarking van pekanneute. Die maatskappy werk deurlopend om nuwe markte te ontgin. BFN koop neute aan gegrond op realisasie, wat beteken dat die waardebepaling per krat gedoen word en die produsent sodoende die korrekte vergoeding vir sy neute ontvang. BFN verskaf ook…

Boere kan vanjaar op die Nampo-oesdag met Molatek se kenners kom gesels oor hoe hulle die regte tipe kalf vir die voerkraal kan produseer deur die jongste tegnologiese hulpmiddels, teelmateriaal en -metodes te gebruik. Die mark verkies mediumraam-tipes. Dit kan toegeskryf word aan die makliker hanteerbaarheid van die karkas en die grootte van die snitte wat aan die verbruiker verkoop word. By ontbeende snitte is die klem meer op grootraam-, laatryp-tipes. Die vleis-tot-been-verhouding is hier beter, dus sal die verwerkingskoste laer wees per kilogram vleis. Met ’n negatiewe aankoop- en positiewe voermarge, is laatryp-diere ook winsgewender. Gewig. Kalwers onder 190 kg pas gewoonlik voedings- en gedragsgewys die moeilikste in die voerkraal aan. Hul aanpassingsvermoë kan egter deur raamtipe, ouderdom en kondisie beïnvloed word. By die koopsom speel gewig ook ’n…

Piket Implemente se meganiese penetrometer kan ’n aanduiding gee of die mikrobes in jou grond gelukkig is en werk om jou plante te help groei. Hoe werk die Piket-toestel? Neem Piket se gronddigtheids toestel en vat die handvatsels stewig vas. Plaas die skerp punt op die grond en pas sterk afwaartse druk toe. Die boer wil sien hoe diep die grondbolaag is. Trek die toestel uit die grond en meet tot by die rubbermerker. Herhaal dieselfde handeling drie keer – omtrent een tree van die eerste lesing af, om te verseker dat ’n akkurate meting verkry word. Gebruik die meting wat deurlopend dieselfde bly in daardie gebied, want soms kan ’n toestel per ongeluk in ’n molsgat of teen ’n klip gedruk word, wat dan ’n vals meting verskaf. Gewoonlik…

12 Dit was Maart die 12de maand agtereenvolgens dat internasionale voedselkommoditeitspryse gedaal het, volgens die Verenigde Nasies se Voedsel-en-landbou-organisasie (VLO). Die VLO-voedselprysindeks, wat maandelikse veranderinge in dié kommoditeite volg, het in Maart ’n gemiddelde van 126,9 punte behaal, 2,1% laer as die vorige maand en 20,5% laer as die hoogtepunt in Maart 2022. Intussen beweeg Suid-Afrikaanse kospryse in die teenoorgestelde rigting. – Joanie Bergh 14,4% Die voedselprysinflasie was in Maart 14,4%, meer as dubbel die algehele verbruikersprysinflasie (VPI) van 7,1%. Groente se inflasiekoers was 20,5%, brood en grane 20,3%, olies en vette 16%, en melk, eiers en kaas 13,6%. Die enigste voedselgroep waarvan die inflasiekoers laer as die VPI was, was vrugte, teen 5,2%. Verwerkte kos se inflasiekoers was 16,2% en dié van onverwerkte voedsel 12,6%. Die hele voedselvoorsieningsketting het…

Honger laat mense vreemde dinge doen. In die proses verander dit die wêreld, en meestal nie ten goede nie. Sowat 77 jaar gelede is my een oupa se broer op pad terug Suid-Afrika toe ná die oorlog in Italië. Terselfdertyd krepeer my Duitse oupa in ’n Russiese krygsgevangenekamp naby die Baltiese See. Vir my Duitse oupa en sy makkers is daar een oorweldigende probleem — kos. Daar is eenvoudig te min, en dit is duidelik nie almal gaan dit huis toe maak nie. Die ouer manne, soos my oupa, besluit om lootjies te trek vir ’n jong man aan wie hulle hul kosrantsoene wil gee. Só sal iemand Duitsland darem weer sien, redeneer hulle. Voor hy uiteindelik verhonger, laat my oupa die jong man sweer om my ouma op te…

’N DORPSGEMEENSKAP wat wyd hande gevat het, boere inkluis, het die Vrystaatse dorp Frankfort se kragvoorsiening só verander dat sy water- en sanitasiepompe vir ’n tyd lank deurentyd kon loop en beurtkrag se impak kon versag. “Hierdie oplossing behoort in elke klein dorp reg oor Suid-Afrika in werking gestel te word,” sê Chris Bosch, uitvoerende hoof van Rural Maintenance, die onderneming aan wie die Mafube-munisipaliteit die dorp se kragverspreiding uitgekontrakteer het. “Die oplossing gee hoop. Die gemeenskap het beheer van hul eie lot geneem.” Huispryse in die dorp het skerp gestyg. Die dorp Villiers is volgende aan die beurt, dan hopelik Tweeling en later hopelik ook Cornelia. Maar soos ’n vroeëre gemeenskapsinisiatief van die gemeenskappe Koster en Swartruggens om self beheer oor rioolwerke oor te neem, het regstappe voorlopig ’n…

DIE rypseisoen is op hande, en ligte ryp het reeds in die tweede week van April oor die suidelike binneland voorgekom. Voorspellings toon egter dat die eerste matige tot swaar ryp eers in die tweede deel van Mei sal voorkom. Daar is ’n kans op verdere reën tot middel Mei, wat meer lugvog gaan veroorsaak en ’n kleiner kans vir vroeë ryp tot gevolg gaan hê. Dit het gelyk asof somergrane nie ryp sou kry voor einde April nie, maar minimum temperatuur onder 10 °C gaan verdere groei van grasweiding en somergrane baie vertraag. Daar is byna geen maand van die jaar dat daar nie al ryp in Suid-Afrika voorgekom het nie, maar gemiddeld is die eerste rypdatums rondom einde Maart en veral die eerste week of twee van April…

As waagkapitalis moet jy jouself sekere mislukkings toelaat. Wat is die belangrikste lesse wat jy tot dusver uit hierdie mislukkings geleer het? Om nie te vinnig opgewonde te raak oor ’n goeie idee nie. Die idee is minder belangrik as om dit goed, vinnig en goedkoop in werking te kan stel. Wat is die grootste fout wat jy al gemaak het? Ek het eintlik te min risiko’s geloop. As ek terugkyk, is ek eerder jammer oor beleggings wat ek nié gemaak het nie as oor dié wat skeefgeloop het.…

Brandon Leer, ’n seun van Gqeberha in die Oos-Kaap en ’n oudstudent van die Landboukollege Cedara, woon sedert 1990 in Pietermaritzburg in KwaZulu-Natal vanwaar hy oor die jare vir homself naam gemaak het as afslaer. Trouens, hy is só suksesvol dat hy onlangs genooi is om wild in Texas, Amerika, tydens die jaarlikse Houston-veeskou op te veil. Dit was sy passie vir vee wat hom in die afslaersbedryf laat beland het, spesifiek sy liefde vir beeste, sê Brandon. “Ons het nie ’n familieplaas gehad waar ek kon gaan boer nie, maar ek het nietemin landbou op Cedara gaan studeer en gehoop om van daar af by ’n boerdery werk te kry.” ’n Vriend het hom gehelp om by ’n program in te skakel waar hy as afslaer opgelei sou word.…

Een van Suid-Afrika se voorheen toonaangewende markte bly deesdae om die verkeerde redes in die nuus. Selfs nadat ’n hofbevel in November 2022 die Tshwanemunisipaliteit, wat Pretoria insluit, opdrag gegee het om sy varsproduktemark se infrastruktuur ná erge verwaarlosing op te knap, het niks verander nie. Op 9 Februarie is in Landbouweekblad berig dat die infrastruktuur steeds nie herstel is nie. Dit is die koelkamers en die rypmaakkamers wat glad nie meer reg werk nie. Wanneer ’n mens dus hoor dat die mededingingskommissie die markstelsel gaan ondersoek, ontstaan die vraag by jou of daar nie eerder van owerheidskant af ’n ondersoek moet wees om vas te stel wat van die geld geword het wat die mark vir die munisipaliteit genereer nie. Dié bedrag beloop sowat R15 miljoen per maand, oftewel…

Haselneutheuningblokkies Kors ■ 310 ml koekmeel ■ 30 ml strooisuiker ■ 3 ml bakpoeier ■ 1 ml sout ■ 125 g koue botter ■ 1 ekstragroot eier Bolaag ■ 100 ml heuning ■ 60 ml ligbruinsuiker ■ 1 ml sout ■ 45 g koue botter ■ 30 ml dik room ■ 200 g geroosterde haselneute, skilletjies afgevryf en grofgekap Voorverhit die oond tot 180 °C en smeer ’n koekpan van 20 cm x 20 cm. Voer met bakpapier uit en smeer weer. Kors: Meng die droë bestanddele saam. Voeg die botter by en vryf met jou vingerpunte in tot krummelrig. Klits die eier en voeg by. Meng tot klam krummels vorm. (Voeg ’n paar druppels yswater by as die krummels effe droog lyk.) Keer op ’n werkoppervlak uit en druk…

Waar het jy die idee gekry om dié resepteboek te skryf? Ek loop al geruime tyd met die gedagte rond omdat ek so graag met blikkies en pakkies kook, en omdat ek meen die voedingswaarde van blikkies, pakkies en bevrore groente is deesdae régtig op die standaard van vars produkte. Jy mors ook soveel minder, want die afval is minder. Met beurtkrag moet ’n mens baie keer geriefskos maak. Mense wat gaan kampeer, wil ook lekker eet, en hulle kan nou ’n klomp blikkies en pakkies saamneem en heerlike kos maak. Studente kan met die blikkies en pakkies vir hulle gou iets voedsaams aanmekaarslaan. Ek het grootgeword met blikkies en pakkies in my kas, ek het nooit my neus daarvoor opgetrek nie. Hoewel van die kospuriste maak of hulle nie…

INLIGTING Ligging: Dewetsdorp, Vrystaat Naam: Somerset en Lusthof Grootte: 2 500 ha Eienaarskap: Alleeneienaar Vertakkings: Drakensberger- en Charolais-stoetery Veldtipe: Rooigrasweiding Reënval: 450-550 mm per jaar Vir ’n tweede jaar agtereenvolgens het Freddie Wasserfall bewys waarom ’n vroulike dier uit sy kudde bekroon moet word. Hy meen danksy die eenvormigheid en funksionele doeltreffendheid van sy vroulike diere kan enigeen eintlik vanjaar as rasverteenwoordiger aangewys word. Sy ideale Charolais-koei vertoon vroulik, maar het ruim vleiseienskappe. Só ’n koei moet goeie bespiering en moedereienskappe hê, asook goeie speenplasing. Hy hou van ’n wigvormige bouvorm en fyn neklyn, asook ’n vroulike kop. Verskeie van die Elitekoei SW 11-0057 se nageslag is in Freddie se kudde en ander stoetkuddes opgeneem. “Sy is ’n tipiese mediumraam-bees wat uitsluitlik op natuurlike weiveld sonder hulp gedy.” Vrugbaarheid kry…

INLIGTING Ligging: Fouriesburg, Vrystaat Naam: Klein Thaba Bosigo Vertakkings: Vee: Stoet-Borane, kommersiële Sussex en kommersiële Merino’s; gewasse: mielies, suikerbone en sonneblomme; gasteplaas Veld: Gemengde suurveld Reënval: 750 mm per jaar Midde-in suurveld en in ’n omgewing wat eerder om gewasverbouing bekend is, is die Scheepers-familie se Boranstoetery besig om grense te verskuif. Anne AVZ 100019, die nageslag van ’n Afrikabul, verteenwoordig die Borane in die Stamboekkompetisie. Sowat 80% van Johan Scheepers se boerderyinkomste spruit uit gewasverbouing, en veral suikerbone aard hier goed. Sy stewige veevertakking word gebruik om die oesreste in die winter te benut. Die boerdery se sowat 2 000 beeste bestaan uit ’n Boran-stoetery en Sussexbeeste wat nie meer as ’n stoetery aangeteken word nie. Die Borane word raseg geteel en die bulle word by ’n Sussex-moederlyn gebruik…

INLIGTING Ligging: Steynsburg, Oos-Kaap Naam: Kingslynn Eienaarskap: Familieboerdery Vertakkings: Karooveld-Bonsmara-stoetery en kommersiële skape Veldtipe: Karooveldweiding Gemiddelde reënval: 390 mm/jaar Niemand is méér verras oor die aanwysing van KVB 130035 as die Bonsmara-ras se Elitekoei as haar eienaar nie. Dirk Spaargaren van Steynsburg was uit die veld geslaan oor sy eerste Elitekoei wat uitgestyg het bo honderde Bonsmara-koeie reg oor Suid-Afrika wat die afgelope jaar goue merietepryse ontvang het. Koeie wat by hom in die Karoo gedy, hoef net oor gemiddelde melk- en groeieienskappe te beskik, maar vrugbaarheid en goeie konstitusie is ononderhandelbaar. Goeie konstitusie beteken vir hom die vermoë van ’n dier om in dieselfde toestande bo haar tropmaats uit te styg voor haar reproduksiefase begin. Ná speen groei die verse in ’n bergkamp uit, waar hulle gepaar word. Tot…

Om tred te hou met veranderde weerpatrone in Suid-Afrika, moet tradisionele lekprodukte en -aanvullings ook veranderings ondergaan om seker te maak dat diere steeds hul volle potensiaal bereik. Waar fosfate tradisioneel tydens die reënseisoen aangevul is, begin die reënseisoen al hoe later in die tradisionele somerreëngebied. Dit beteken dat die tydperk waartydens fosfaat gewoonlik aangevul word, korter raak. Dit lei daartoe dat minder fosfaat tydens die reënseisoen aangevul kan word voordat dit weer tyd is vir boere om na winterlekke oor te skakel. Dit lei daartoe dat diere minder fosfaat (P) kry en dat diere tekens van P-tekorte in sekere gebiede toon. Met die bogemiddelde reënval in Maart in die somerreëngebied het gras heelwat uitgroei, maar die proteïeninhoud daarvan is laer. Yara Animal Nutrition stel daarom sy nuwe produk, KimtraPro…