Landbouweekblad 4 May 2023

Belegging in die toekoms. Lourens van der Linde en sy seuns, Cobus, Francois en Lourens jr., het op 21 April hul LFC-megasilo op Wesselsbron geopen, reg langs die bestaande LFC-meule wat mieliemeel aan groothandelaars en supermarkte lewer. Nadat verskillende bouvorms vir silo’s ondersoek is, is besluit om die struktuur bestaande uit betonmure en ’n staaldak in die vorm van ’n oktagoon te bou. Cobus sê dié ontwerp is gekies omdat dit makliker giet as die tradisonele ronde silostruktuur. “Mielies kan nie ’n vierkantige struktuur vol lê tot in die hoeke nie, maar as jy die hoeke afsny in die oktagoonvorm, kan jy die hele struktuur met mielies vul teen ’n baie goedkoper boukoste.” Die megasilo se deursnee is 108 m en dit is 35 m hoog by die hoogste punt.…

Op geleende tyd Nagenoeg 178 000 Zimbabwiërs, van wie baie plaaswerkers is, se toekoms in Suid-Afrika is nou in die hande van ’n volbank regters van die Gautengse hooggeregshof. Dit volg nadat die Helen Suzman-stigting die minister van binnelandse sake, Aaron Motsoaledi, hof toe geneem het oor sy aankondiging in Desember 2021 dat vrystellingspermitte vir Zimbabwiërs nie hernu sal word nie. Dié 178 000 Zimbabwiërs het tot 30 Junie tyd om aansoek te doen om alternatiewe visums of kwytskeldings, ’n omslagtige en tydrowende proses. Die regters moet besluit of Motsoaledi se besluit irrasioneel, onregverdig en oneties is, of bloot ’n adminstratiewe proses. Uitspraak was teen druktyd nog voorbehou. Koop herlewing ’n Goeie handelsmerk om landbouprodukte wat volgens herlewingslandboubeginsels geproduseer is, beter te bemark, is voorgestel op die onlangse Fresh Connetions-konferensie…

12 Dit was Maart die 12de maand agtereenvolgens dat internasionale voedselkommoditeitspryse gedaal het, volgens die Verenigde Nasies se Voedsel-en-landbou-organisasie (VLO). Die VLO-voedselprysindeks, wat maandelikse veranderinge in dié kommoditeite volg, het in Maart ’n gemiddelde van 126,9 punte behaal, 2,1% laer as die vorige maand en 20,5% laer as die hoogtepunt in Maart 2022. Intussen beweeg Suid-Afrikaanse kospryse in die teenoorgestelde rigting. – Joanie Bergh 14,4% Die voedselprysinflasie was in Maart 14,4%, meer as dubbel die algehele verbruikersprysinflasie (VPI) van 7,1%. Groente se inflasiekoers was 20,5%, brood en grane 20,3%, olies en vette 16%, en melk, eiers en kaas 13,6%. Die enigste voedselgroep waarvan die inflasiekoers laer as die VPI was, was vrugte, teen 5,2%. Verwerkte kos se inflasiekoers was 16,2% en dié van onverwerkte voedsel 12,6%. Die hele voedselvoorsieningsketting het…

Kunsmispyn verminder. Goeie nuus vir produsente is dat die pryse van kunsmis en ander landbouchemikalieë begin afneem het van die uitermatige hoë vlakke van verlede jaar. Wandile Sihlobo, hoofekonoom van die landbousakekamer Agbiz, sê op ’n jaargrondslag was die pryse van ammoniak, ureum, di-ammoniumfosfaat (DAP) en kaliumchloried in Februarie in randwaarde onderskeidelik 6%, 36%, 28% en 14% laer. Die prys van glifosaat was 32% laer. As die rand nie teenoor die dollar verswak het nie, sou die dalings nóg meer gewees het. Pryse van plaag- en onkruiddoders het ook aansienlik gedaal teenoor die vlakke van verlede jaar. Kunsmis beloop sowat ’n derde van die insetkoste en ander landbouchemikalië sowat 13%. Vir mielies het die aandeel wat kunsmis op totale direkte koste gehad het, gemiddeld van 35% in 2021 tot 49%…

KATOEN is nog altyd bekend as die gewas wat goed vergelyk met ander gewasse wat inkomste per hektaar betref. Met nuwe tegnologie wat in die vooruitsig gestel word, tesame met nuwe, beter kultivars, wat byvoorbeeld tot korter groeitye lei, is daar groot opgewondenheid dat katoen weer Suid-Afrikaanse landbou se “wit goud” kan word. Die vernaamste bedryfskwessie wat op die oomblik aandag verg, is die toegang tot alternatiewe teelmateriaal om ’n verhoging in die aantal hektare en opbrengs per hektaar teweeg te bring. Nuwe kultivars en tegnologie sal ook tot beter vesel lei. Talle produsente het nou begin besef watter bykomende voordele gehalte vir hulle in die sak kan bring. Saadmaatskappye in Suid-Afrika is hard aan die werk om nuwe katoenteellyne tot die beskikking van die produsent te stel. Katoen SA…

Honger laat mense vreemde dinge doen. In die proses verander dit die wêreld, en meestal nie ten goede nie. Sowat 77 jaar gelede is my een oupa se broer op pad terug Suid-Afrika toe ná die oorlog in Italië. Terselfdertyd krepeer my Duitse oupa in ’n Russiese krygsgevangenekamp naby die Baltiese See. Vir my Duitse oupa en sy makkers is daar een oorweldigende probleem — kos. Daar is eenvoudig te min, en dit is duidelik nie almal gaan dit huis toe maak nie. Die ouer manne, soos my oupa, besluit om lootjies te trek vir ’n jong man aan wie hulle hul kosrantsoene wil gee. Só sal iemand Duitsland darem weer sien, redeneer hulle. Voor hy uiteindelik verhonger, laat my oupa die jong man sweer om my ouma op te…