Weg!の November 2017 の目次

Martjie en die Nartjie Hoe beplan jy die perfekte ervaring? Die antwoord is eenvoudig: Jy beplan nie, jy doen net. So nooi ons my broer Frans Heyneke en sy vrou, Yvonne, saam vir ’n blommekykvakansie in die Noord-Kaap. My storie is ’n lag met ’n traan, want dit was – sonder dat enigeen kon weet – my en my man, Johann, se laaste uittog. Hy’s nou tien maande oorlede, maar die herinneringe hou my aan die gang. Met al die persoonlikhede in een voertuig was dit moeilik om saam te stem oor iets. Waaroor ons wel kon saamstem, is dat ons op ons oudag ’n avontuur gaan hê... ons gaan kyk waar die pad ons lei! Net voor sonsondergang hou ons stil op Calvinia en vra waar ons kan oornag.…

Dié teeplantasies lê teen die Kivumeer, omtrent 25 km (padlangs) suidoos van die dorp Gisenyi in die westelike deel van Rwanda. Tee, saam met koffie en toerisme, is een van die land se grootste bedrywe. Rwanda se vrugbare vulkaniese grond is perfek vir die verbouing van tee. Die pad van Gisenyi af suidwaarts na die Nyungwe- nasionale park is een van die mooiste roetes in Afrika, met uitsigte oor die Kivumeer – en bergpas op bergpas op bergpas. Lees ook die artikel oor Rwanda in Weg #153.…

Soek Sputnik se nasate Dis vanjaar presies 60 jaar sedert die Sowjetunie op 4 Oktober 1957 die satelliet Sputnik 1 gelanseer en só die ruimte-eeu ingelui het. Vier die herdenking deur dié maand satelliete te jag. Vir ’n satelliet om sigbaar te wees moet dit donker wees waar jy is, maar die satelliet moet nog in sonlig wees. Dis hoekom jy die meeste satelliete kort ná sononder of kort voor sonsopkoms sien. Die Internasionale Ruimtestasie (beter bekend as ISS – International Space Station) is verreweg die helderste satelliet. Die beste tyd van die jaar om hom te “jag” is Oktober en November. Dis wanneer sy baan só belig word dat hy vir ’n paar agtereenvolgende omwentelings sigbaar bly. Die Ruimtestasie neem 90 minute om een omwenteling te voltooi, wat beteken…

’’n Stoep hoor gesprekke aan sonder om sy opinie te lug, en hy bewaar almal se geheime. ...’ Dis ’n feit, die slim ouens moet dit nog net empiries bewys: Stoepsit is noodsaaklik vir ons gesondheid. G’n wonder daar bestaan ’n boek met die naam Stoep Zen nie; “zen” verwys immers na ’n samehorigheid tussen liggaam, denke en siel – en daar’s min dinge wat jou hele wese kan laat bene rek soos ’n salige middag op ’n stoep. Soms kan ’n vertrek net te beklemmend wees, te benoud of te bedompig, en dan wil ’n mens uit. Maar buite is ook nie altyd die beste nie, want dis koud of donker of vol wilde dinge. Daarom is ’n stoep die perfekte middeweg – ’n ruimte waarheen jy kan ontsnap…

Dis só stil my ore suis in stereo. Hier bo-op die plato van die Nuweveldberg is die landskap oortrek met groenerige Karoobossies so ver as wat die oog kan sien: kapokbos, rivierganna, ankerkaroo... Dis dag 3. Ek het al meer as 60 km gestap. Dis báie tyd op jou voete: My kuite is styf en verskeie pyne meld hulle aan. My slimfoon het dae laas sein gehad. En die dag van die week ontgaan my. Ek dink dis Maandag... Die tydlose landskap rondom jou het geen behae in kalenders of sperdatums nie. Ek hoor veraf ’n dreuning: ’n Boeing wat waarskynlik nou regs van Sutherland noorde toe mik. ’n Vlug onderweg na Johannesburg waar die tolhekke en raadsale wag en tyd en ambisie in rande gemeet word. Maar vir my…

Die bewaring van Suid-Afrika – en die wêreld – se sensitiewe kuslyn en oseane behoort ’n prioriteit te wees. Klimaatsverandering is ’n werklikheid en die tekens is oral rondom ons: Reën- en sneeuvalpatrone verander, droogtes en vloede is meer algemeen en uiterste weerstoestande word die norm. Seediere en -organismes moet hulle gedrag, habitat of broeipatrone aanpas om te oorleef. Tog het die mens ’n hand hieraan: klimaat gaan wêreldwyd aanhou verander, maar dit hang van ons af hoe ingrypend dié verandering gaan wees. BirdLife South Africa werk onverpoos om dié soort bewustheid by mense te kweek rondom die bewaring van voëls. Een van die projekte was die jaarlikse Oceans of Life-fotokompetisie. Die gehalte van die foto’s het ons nog elke jaar verstom, maar alle goeie dinge kom tot ’n einde…

WELTEVREDE FIG & GUESTFARM, PRINS ALBERT Op pad na dié gasteplaas – een van die eerste vyeplase in Suid-Afrika – voer die landskap jou mee: Jy ry met ’n grondpad al langs die voetheuwels van die Swartberg. Jy bevind jou in een van die mooiste valleie in die ganse Groot-Karoo, waar ses geslagte al sedert 1853 boer. Die huidige boer, Jaco de Klerk, en sy vrou, Liezl, laat jou dadelik tuis voel. Hier is meer as ’n duisend vyebome op die plaas. Liezl se ouma Sienie Koorts het meer as ’n halwe eeu gelede begin om die vye uit te droog. Maar jy is hier vir die stilte. Ja, hier is selfs stoepsit ’n werkwoord. Hoe voel ’n mens ná ’n paar uur hier, veral met ’n afgeskilde adamsvy in…

Trek gou ’n kaart van Namibië nader... teken nou ’n driehoek tussen Windhoek, Walvisbaai en Sesriem. In die middel van daai driehoek is die Namibvallei van ’n Duisend Heuwels. Dis ’n skouspelagtige wildernis op die rand van die Namib-Naukluft- nasionale park. Dit was egter minder indrukwekkend toe Willem van der Berg, sy vrou en drie vriende een middag hier opgedaag het. Die groep was effens laat omdat Willem ’n afdraai gemis het. Hulle wou kamp, en ’n vreeslike wind het gewaai. Tent opslaan was ’n nagmerrie. Genadiglik het die wind in die nag bedaar en die kampeerders is die volgende oggend deur dié sonsopkoms gegroet. “Elkeen van ons was verstom,” vertel Willem, “en ek dink nie ek het al ooit só ’n magiese sonsopkoms gesien nie.”…

Die nag nadat ek op Koppieskraalpan gekamp het, ry ek vroegdag aan by die betrokke boere se werf op hulle aangrensende plaas, Inkbospan – ’n mens wil darem gaan dankie sê en groet voordat jy weer aanstoot. Daar gekom, roep die boervrou Landa Conradie uit die kombuis toe ek by die voordeur klop: “Kom in, ek is hier agter!” En met “agter” bedoel sy toe agter ’n hoop gemsbokvleis waarvan haar man, Thinus, net nóg boude en blaaie aandra. ’n Groot groep stappers sou die aand op Inkbospan oornag, en Landa moes eers die berge vleis wegwerk voordat sy vir hulle kon begin kook. Ek wou eintlik dié dag Rietfontein aandoen en ook Hakskeenpan langs ry, maar my prioriteite het gou verander. Van slag weet ek bra min, maar toe…

Maanhare koel af by watergat Ek het onlangs op ’n leeutrop net buite die Onder-Sabie-ruskamp in die Krugerwildtuin afgekom. Ons het geduldig gewag totdat hulle een vir een opgestaan en na die rivieroewer gemik het. Uiteindelik het sowat 20 leeus kom water drink. Wat ’n ongelooflike gesig! STEVEN JARRETT, Durban SKRYF AAN ONS EN WEN! Steven wen ’n paar Jeep Iguana-stewels ter waarde van R1 700. Jeep vervaardig reeds van 1941 af puik buiteleweprodukte, en met dié stewels is jy gereed vir enige avontuur. Die duursame stewels het stewige bokante van leer. Die nylonmaasvoering hou jou voete koel en gemaklik, en die rubbersole sorg vir trekkrag en ’n stewige vastrap. Gaan na jeepfootwear.co.za  vir meer inligting. Beplan jou volgende wildkykvakansie met Weg se 2017 Krugergids wat tans op…

Ons het gesmul aan kaas, wyn en olywe uit die omgewing, gebraai en geluister hoe die tydskrif se skrywers kampvuurstories oor hulle reise vertel, en hoe ’n mens lekker vakansie hou in Namibië en Botswana. Saam het ons in die berge gestap met die botanis Rupert Koopman en wys geraak oor fynbos en indringerplante, geleer hoe om beter foto’s te neem en potjiekoskompetisie gehou. (Veels geluk Hein en Louise van Greunen met julle bobaas lamskenkelpotjie en die pryse van Outdoor Warehouse en CampCover wat julle losgeslaan het). Die grootste prys was egter die vriendskappe wat hier tussen die berge op die oewer van die Holslootrivier gesmee is. Ja, dit was so lekker dat ons dit binnekort weer gaan doen, maar volgende keer kuier ons in die noorde van die land.…

MINI COOPER COUNTRYMAN Jy dink dalk die nuwe Mini Countryman is die eienaardigste Mini wat jy al ooit gesien het, maar daardie eer behoort eintlik aan die Mini-bakkie, wat tussen 1961 en 1983 gebou is. Veiligheidsgordels en ’n verwarmer was opsionele ekstras. Sy 850 cc-enjin het ’n karige 27 kW ontwikkel en hom in 34 sekondes van 0-100 km/h laat kruip. Sy top-snelheid was 111 km/h, met die wind van agter. Die Countryman is genadiglik heelwat ratser, maar met dié motor probeer Mini – die meester van speelse blitsbuksies – kliphard om ’n mens daarvan te oortuig dat hulle ook ’n sportnutsvoertuig kan bou. Dis die lywigste Mini tot dusver en stamp koppe met ander voorste veeldoelvoertuie soos die Audi Q2, Mercedes GLA en BMW X1 (of die Mazda CX3…

CHANÉ-KAASPLAAS, MTUBATUBA Op soek na ’n plek vir padkos in Maputaland (die noorde van KwaZulu-Natal)? Vergeet van ’n pastei by die vulstasie en geniet ’n bord tuisgemaakte bokmelkkase by Chané buite Mtubatuba. Die kinders kan hulle bene rek in die speelplek en op die minigholfbaan terwyl jy die uitsig van die boombesaaide heuwels van die restaurantdek af inneem. Vind jou weg proe-proe deur onder meer roquefort, feta en chevin – ’n kaasbord vir vier mense kos R135. Hier is ook burgers op die spyskaart – die dubbel-kaas-enspekburger (R95) is ’n wenner –én pizzas (’n grote is R130). Jy kan ook ’n kaastoer doen (R60 per volwassene; R30 per kind), waar jy ’n bok kan melk en leer hoe die kaasmaakproses werk. Trouens, hier is so baie om te doen, oorweeg…

SPESIALE LESERAANBOD WAARVANDAAN VERTREK DIE TOER? Letlhakane, net suid van die Makgadikgadi-panne in Botswana. WAT MOET EK BRING? • Jou eie voertuig en brandstof • ’n Matras of kampbed, beddegoed en kampstoele • Drankies en snoepgoed • Mediese versekering, ook dekking vir noodontruimings • Grenstariewe en padbelasting (Bhejane verskaf alle tente, tafels en eetgerei.) WAAR GAAN EK SLAAP? Tentverblyf (jy hoef nooit self kamp te maak nie, Bhejane se logistieke span doen dit). EN KOS? Bhejane se ervare bossjef berei drie (smaaklike) etes per dag. HOEVEEL KOS DIT? R13 250 p.p. (halfprys vir kinders jonger as 10). DIE TOERPRYS SLUIT IN • Drie stewige maaltye per dag • Alle kamp- en parkgeld • Tweerigtingradio’s • Tente en spysenieringstoerusting • ’n Professionele toerleier en ervare veldgids HOE LANK IS DIE TOER? 11 dae, 10 nagte WANNEER? 1-11 September 2017 12-22 September…

Is jy skaam vir jou effe uitfokus foto’s en omdat jy soms iemand se kop afsny? Sit net een dag opsy en kom leer saam met Shelley Christians, Weg se fotoredakteur. Dis eenvoudig: Jy bring jou eie kamera en ons leer jou hoe jou kamera werk, waarvoor elke knoppie is en hoe om die meeste uit jou kamera te kry. Of jy nou in die wildtuin leeus afneem of die kinders se verjaardagpaartie, ons het raad! Dit maak ook nie saak of jy ’n langlens of mik-en-druk het nie – jy gaan baie leer! WANNEER? Saterdag 24 Februarie 2018, Velmore-hotel, Centurion, Pretoria Saterdag 3 Februarie 2018, Evertsdal-gastehuis Durbanville, Kaapstad HOEVEEL? R1750 p.p., middagete ingesluit BESPREEK NOU! Kontak Donvé Myburgh by 021 443 9830 of donve.myburgh@media24.com INDIVIDUELE AANDAG MIDDAGETE…

Watter boom is dit daai? Wil jy weet in watse boom die luiperd se vangs hang of watter boom se peule heeltyd op julle tent val, maar jy het nie ’n graad in botanie nie? TheTreeApp kan help. Wat is dit? Dié app vir ’n slimfoon of tablet help jou met onder meer die uitken van spesies, om te sien watter bome in ’n streek voorkom en of dit giftig is. Maar ek hét ’n boomboek... Met die app is dit makliker om ’n spesifieke spesie op te spoor. Jy begin met die hele lys van spesies en soos jy eienskappe insleutel (soos hoogte, vorm, blare, dorings, ensovoorts), word die lys verfyn. Jy kan ook – soos in ’n boek – in die lys soek volgens ’n boom se wetenskaplike…

Die Vrystaat kry soms dwarsklappe uit ander provinsies. Daar word gesê die Vrystaat is plat en stowwerig. En die mooiste pad deur die Vrystaat is die N1, want dit vat jou die vinnigste daardeur. Dan is daar die arme Cheetahs wat misken word... Maar wanneer die Haaie, Bulle en Leeus huis toe gaan, kom hulle na hulle ma’s toe, Vrystaat toe. Wat min mense van die Vrystaat weet, is dat die provinsie in die herfs van die mooiste plekke in die land is, veral op windstil dae wanneer die rooigras en goue populiere uitstaan teen ’n blou lughemel. (Het ons al genoem dat Willem in die Vrystaat grootgeword het? – Red.) As jy hierdie dae op hulle mooiste wil sien, mik na die Golden Gate-Hoogland- nasionale park. Die park lê…

BOMBER KENT @bomber0707 Nikon D750 Sigma 120-300 mm-lens BOMBER SKRYF: Hierdie hiënawyfie is padlangs tussen Shimuwini en Mopani in die Krugerwildtuin afgeneem. Sy het dié ribbes (dalk ’n buffel s’n?) elke slag vir sowat 50 m gedra voordat sy dit neergesit, haar greep verander en dan weer opgetel het om verder te dra. Dit was duidelik swaar werk! Ons het haar omtrent 40 minute lank al met die pad langs gevolg, maar haar later agtergelaat. TOAST SÊ: Dierefoto’s wat unieke gedrag toon, is altyd interessanter as ’n skoot van die dier wat net daar sit of lê en niksdoen. Bomber se hiëna is duidelik op ’n missie. Dalk is daar kleintjies iewers versteek wat wag dat Ma iets te knage bring? Of dalk hou sy daarvan om in stilte te…

Amani-natuurreservaat Hierdie klein reservaat help om van die laaste bergwoud in die oostelike Usambaraberg te bewaar. Dié berge is ook habitat vir uiters skaars spesies voëls, skoenlappers, paddas en verkleurmannetjies. Dis reeds ’n avontuur net om hier te kom, met die lang grondpad van die dorpie Muheza – dis 30 km tot by die park se ingang, en dan kronkel jy nog hoër die berge en dieper die reënwoud in (foto op hierdie blad) – dit reën tot 2 m hier elke jaar! Stop egter eers by die oorgroeide botaniese tuin naby die hek, waar jy ’n warboel van bome van regoor die wêreld kan sien. Die Duitsers het die tuin in 1902 begin om te kyk wat hier in hulle nuwe kolonie sou kweek. Wanneer jy Amani Forest Camp…

Vyf-en-veertig jaar gelede is ’n deel van wat vandag die N1 is, herlê. Dié pad het toe nie meer met die R717 langs deur Philippolis in die Suid-Vrystaat geloop nie, maar 40 km daarvandaan, oor Springfontein. Hierna het Philippolis se ses motorhawens gekwyn totdat slegs één oor was. Oor waarom die N1 se roete verander is, hang daar ná al die jare steeds ’n vraagteken, maar dis moontlik omdat die regering destyds wou spog met die nuwe Verwoerddam. Die dam (vandag die Gariepdam) is neffens die N1 en immers steeds die grootste in die land. Die R717 tussen Colesberg en Philippolis loop om en oor talle mooi klowe en koppe, wat padbouwerk bemoeilik. ’n Pad met draaie het dikwels meer motorongelukke, en die insleepdienste op Philippolis het gedy. Dié “Toe”-foto…