Rapport 2/9/2020

Rassie Erasmus, Suid-Afrikaanse rugby se towenaar-afrigter wat die Bokke binne 18 maande van zeroes na heroes gebrei het, is een van die gunstelinge om Engeland se nuwe afrigter te word. Rapport kan vandag onthul dat Erasmus die afgelope tyd gesprekke met die Engelse rugbyunie gehad het wat hom graag Twickenham toe wil lok om by ’n beleërde Eddie Jones oor te neem. Dit sal beteken dat hy die einste span gaan afrig wat in die Wêreldbekereindstryd so deur die Bokke verniel is. Erasmus is juis op die oomblik in Brittanje waar hy gister die Sesnasieskragmeting tussen Skotland en Engeland op Murrayfield bygewoon het met die oog op die twee toetse wat die Skotte teen die Bokke in Julie in Kaapstad en Durban speel. Daar word nou gewaarsku dat die rugbybase…

Die regering se jongste uitsprake oor die Suid-Afrikaanse Lugdiens (SAL) en Eskom wys opnuut dat die ANC glo hul besluite het geen gevolge nie. Terwyl die skrynwerker versigtig kap omdat hy weet hamerhoue op sy duim is seer, en terwyl die kind vinnig leer hoe gevaarlik dit is om by trappe af te hard-loop, glo die ANC dit is moontlik om staatsondernemings vir ’n dekade te plunder en vermink sonder dat enigiemand hul werk verloor. Nadat die SAL Donderdag aangekondig het alle plaaslike roetes behalwe dié tussen Johannesburg en Kaapstad word gekanselleer – plus internasionales na onder meer Hongkong – het die ministerie van openbare ondernemings gesê die regering “stem nie saam” met dié besluit nie. Die besluit is geneem deur sakereddingspraktisyns wat geheel en al onafhanklik moet kan handel.…

Teken in: 087 353 1300. SMS “Rapport” na 31069. Intekenare-navrae: 087 353 1300. (Maandag tot Vrydag: 07:00-16:30. Saterdae, Sondae en openbare vakansiedae: 07:00-11:00.) SMS “diens” na 31069. E-pos: intekenare@media24.com WhatsApp: 087 353 1333 Waar kry ek Rapport? 087 741 3137 Nuuswenke: 011 713 9633 of 021 406 3228 E-pos: nuus@rapport.co.za Klagtes oor stories: Alet Wichmann 011 713 9682. alet@media24.com Redakteur: Waldimar Pelser 011 713 9633 of 021 406 3228 waldimar.pelser@rapport.co.za Nuus- en Sakeredakteur: Erika de Beer 011 713 9633 of nuus@rapport.co.za Sportredakteur: Albert Weideman 011 713 9671 of albert.weideman@rapport.co.za Beleef: Alet Wichmann 011 713 9682 of alet@media24.com Weekliks en briewe: Pieter Malan 021 406 3514 of pmalan@rapport.co.za…

Die omstrede maatskappy wat twee stukke grond buite Klerksdorp vir R586 miljoen aan die staatsdienspensioenfonds (GEPF) verkoop het, het nege jaar tevore net R20 miljoen daarvoor betaal. Boonop is sowat 60 ha van die 1 028 ha van die grond aan weerskante van die N12 dolomietgrond en nie geskik vir grootskaalse ontwikkeling nie, verneem Rapport. ’n Gedeelte van die N12 by Stilfontein, net ’n klipgooi van die GEPF se grond, is al vir meer as vier jaar gesluit weens ’n sinkgat. Die Openbare Beleggingskorporasie (OBK), wat die GEPF se geld bestuur, het die afgelope week wal gegooi oor die transaksie met Isa-go@N12 Development deur te sê hulle het al die nodige noulettendheidsondersoeke en onafhanklike waardasies gedoen. Die GEPF het net 60%-eienaarskap van die grond vir die R586 miljoen wat hulle…

Een van die land se grootste staatsdiensvakbonde, met 210 000 lede, asook die Suid-Afrikaanse Onderwysersunie (SAOU) dreig met regstappe om trustees van die staatsdienspensioenfonds te verwyder as hulle Cosatu se voorstel aanvaar om Eskom se skuld met pensioengeld te help delg. Leon Gilbert, waarnemende hoofsekretaris van die Vereniging van Staatsamptenare (VSA), en Chris Klopper, hoofsekretaris van die SAOU, wat 37 000 onderwysers as lede het, het Vrydag gesê Eskom kan nie eens die rente op sy skuld betaal nie en dat trustees van die staatsdienspensioenfonds (GEPF) wat Cosatu se voorstel steun, hul wetlike plig sal versaak om die belange van die fonds en sy lede te dien as hulle werkers se aftreegeld in Eskom sou stort. Albei vakbonde is geaffilieer by Fedusa, wat gister in Johannesburg ’n noodvergadering gehou het…

“My pa was nog altyd my grootste ondersteuner. En noudat ek Mej. Heelal is, noem hy homself Mnr. Heelal,” het Zozibini Tunzi gister op die O.R. Tambo-lughawe gespot. Sy glo die liefde van ouers, veral ’n vaderfiguur, in ’n kind se lewe is baie kragtig. Die 26-jarige Tunzi het gister in Suid-Afrika aangekom nadat sy op 8 Desember in Atlanta in die VSA as die 68ste Mej. Heelal gekroon is. ‘Ouers moet kinders se drome raaksien.’ ’n Emosionele Tunzi het aanhangers op die lughawe toegespreek en vele dankies gesê – veral vir dié wat te midde van swaar reën steeds moeite gedoen het om douvoordag vir haar op die lughawe te wag en geluk te sê. Sy sê sy kon Suid-Afrikaners se liefde regdeur haar reis tot by die kroon…