Rapportの 12/22/2019 の目次

Etienne Scheepers, wie se vrou en twee kinders in Oktober dood is nadat hul motor oor ’n krans by Voëlklip gestort het, het glo ’n nuwe vriendin in sy lewe. Inwoners van Heroldsbaai met wie Rapport gepraat het, sê hulle is verras dat Liezel Claasen (41), wat onder meer professionele masseersessies op Face-book adverteer, haar meubels by die 37-jarige wewenaar se huis in die Oubaai-landgoed laat aflaai het. Hulle sien gereeld vir Etienne en Liezel in sy BMW X5 rondry en Liezel het onlangs glo begin werk by sy onderneming waar sy vrou, Heidi (36), ook gewerk het. Heidi en die egpaar se kinders, Cuzette (6) en Hugo (2), het op 22 Oktober vanjaar in die see by Heroldsbaai verdwyn. Die wrak van hul VW Caravelle-bussie is die volgende dag…

Angie Motshekga, minister van basiese onderwys, het uiteindelik duidelikheid gegee oor wat ouers te doen staan wat nié wil hê hul kinders moet in lewensoriëntering (LO) seksonderrig kry nie. Haar boodskap aan die ouers is: Gaan soek vir jou kind ’n private skool. Motshekga het in November groot verwarring veroorsaak toe sy in ’n parlementêre antwoord aan Nomsa Marchesi, DA-LP, gesê het ouers kan kies om hulle kinders van hierdie klasse te onttrek mits hulle ’n alternatiewe leer-plan verskaf wat voldoen aan die vereistes van die kurrikulum-en-assessering-beleidsverklaring (Caps). Marchesi het in Desember in ’n opvolgvraag aan Motshekga gevra watter prosedure ouers moet volg as hulle nie hul kinders aan die omvattende seksualiteitsonderrig (CSE) in die leerplan wil blootstel nie. Motshekga het hierop gesê haar vorige antwoord is verkeerd geïnterpreteer. “My…

Die Regspraktykraad het sy besluit teruggetrek dat aspirantprokureurs nie meer in Afrikaans eksamens mag skryf nie nadat die vakbond Solidariteit en die Vereniging van Regslui vir Afrikaans (VRA) ’n hofsaak aanhangig gemaak het om dit terug te trek. Luidens ’n skrywe van die Regspraktykraad aan die VRA sal Afrikaans en Engels weer van Februarie 2020 op gelyke voet wees. Die brief lui: “Ons het instruksies van ons kliënt ontvang dat die omsendbrief van 4 Maart 2019, wat die onderwerp van u hangende aansoek is, teruggetrek is op die raadsvergadering wat op 13 Desember gehou is. Verder dat die eksamens vir Februarie 2020 in sowel Afrikaans as die Engelse geskryf sal word.” Die Regspraktykraad het in November verlede jaar die rol oorgeneem as die reguleerder van die land se prokureurs en…

Danksy nuwe tegnologie wat deur onder meer die Suid-Afrikaanse Brouerye (SAB) gefinansier is, sal dronkbestuurders baie vinniger agter tralies kan beland. Die SAB en plaaslike owerhede het vier alkoholbewyssentrums (AEC’s) ter waarde van R1 miljoen elk gebou en ingerig met nuwe blaastoetstegnologie. Volgens Pamela Nkuna van die SAB en AB InBev Africa wil hulle hiermee help om voorvalle van dronkbestuur te verminder. Die AEC’s is in Pietermaritzburg asook Soweto, Marlboro en Loveday in Johannesburg. Nkuna het gesê 17 ander plekke is reeds uitgewys waar hulle oor die volgende paar jaar AEC’s sal inrig. Bestuurders wat by ’n padblokkade oor die limiet blaas, sal na die AEC gebring word. Volgens supt. Mike Boloto van die Johannesburgse metropolisie kan ’n verpleegster by die sentrum bloed trek, maar hulle pro-beer dit vermy weens…

As Herman Lensing ’n tert was, was hy ’n cremoratert. “Eenhonderd persent!” lag hy ekstra uitgelate, want die jaar gooi sy laaste wals en ons maak Krismis-cremora-tert in sy ontwerperskombuis met die knalrooi Smeg-yskas en 23 Le Creuset-potte in gelid soos neutkrakersoldate op die kombuisrak. “My ma het cremora-tert gemaak, dit was haar ding. Ons het ’n tipiese 1970’s-kombuis in Upington gehad, met sulke baie lelike grys teëls met ’n cheap marmer-effek. Sy het ’n tuisbedryf gehad, so die kombuis was ingerig met vier van daai groot Defy-dekoonde, en die mengers het orals rondgestaan en Tupperbakke met deksels so rooi soos my ma se lippe, perfek opgelyn op die rak. “Sy het sommer 80 miljoenêrskoeke ’n dag gebak en ek het dit gehaat, want as jy by die huis instap,…

Die nasionale vervolgingsgesag (NVG) jag nou ’n grootkop in die konstruksiebedryf in Brittanje én kan binnekort twee JSE-genoteerde maatskappye voor stok kry oor honderde miljoene rande wat by Eskom gesteel is. Donderdag se opspraakwekkende inhegtenisneming van France Hlakdui (48), Eskom se destydse kontrakbestuurder by die lendelam Kusile-kragstasie, Abram Masango (51), wat in Eskom se uitvoerende komitee gedien het as hoof van groepkapitaal, sowel as twee sakemanne, is nog net die ore van die seekoei. ’n Lasbrief is reeds uitgereik vir die inhegtenisneming van Mike Lomas (72), voormalige uitvoerende hoof van Group Five, wat glo in Brittanje is. Boonop gooi die genoteerde Stefanutti Stocks en Esor reeds wal oor bewerings dat ook húlle omkoopgeld betaal het aan een van die beskuldigdes in die saak. Die afgelope week se inhegtenisnemings volg ná…

Pres. Cyril Ramaphosa se droom dat 21 miljoen toeriste Suid-Afrika teen 2021 besoek, is verder geknou toe Statistieke SA (SSA) Donderdag aangekondig het byna 48 000 minder oorsese toeriste het die land tussen Januarie en Oktober 2019 besoek as in dieselfde tien maande verlede jaar. Dit is die ekwivalent van 160 Boeings met 300 passasiers elk wat gewoon weggebly het uit die land. Die totale afname in buitelandse besoekers, as dié bygetel word wat Suid-Afrika padlangs binnekom, was 192 760. Die daling sal verskerp indien die Suid-Afrikaanse Lugdiens (SAL) gelikwideer sou word, want die SAL is die enigste lugdiens wat Suid-Afrika met talle belangrike stede verbind, waaronder Washington DC in die VSA, Perth aan Australië se weskus en Lagos, die kommersiële hoofstad van Nigerië. Dié stede is al drie in…

In 1983, toe die Russe ’n passasiersvliegtuig van die Koreaanse lugdiens afgeskiet het, het die Stellenbosse Studenteraad (SR) ’n mosie aanvaar om die Sowjet-Unie hiervoor te veroordeel. Oor alles wat op kampus geskort het, het hulle uiteraard nie ’n sprak teenoor die rektor gesprook nie. As ontgogelde Matie het ek my destyds verkneuter oor welke wroeginge dit in die Kremlin sou ontketen dat die Nasionale-Party-Met-Puisies, soos onse SR destyds was, ontstig is oor dié gruweldaad. Dis hoekom ’n man traag is om iets te sê oor China. Ek dink Xi Jinping is ’n nare, tirannieke vent; Xi weet natuurlik nie wie ek is nie en my mening skeel hom nie ’n snars nie. Hy is nietemin fyngevoelig genoeg dat Winnie The Pooh in China verbied is, omdat sommige meen Xi…

1974 was die jaar toe Springbok-rugby se gradering in toetsrugby rommelstatus ná die toer van die Britse Leeus bereik het met ’n reeks-nederlaag van 3-0. Die Springbok-span het in die woorde van Polla Fourie soos verlore skape gevoel in die beslissende derde toets teen Willie John McBride se toerspan ná die keurders in hul paniek agt veranderinge aan die span aangebring het om die reeks te probeer red. In die plek van die beseerde Bokskrumskakel Paul Bayvel was selfs ’n agtsteman skrumskakel – die Vrystaat se Gerrie Sonnekus. Dit was harde rugby, veral vir ’n laaitie skaars uit skool. Die keurders se truuk met Sonnekus het beteken dat die Bolandse ramkat-oondskoonmaker Barry Wolmarans (en ook Gert Schutte van Griekwas) oor die hoof gesien is. Wolmarans (66), wat oor die feesdae…

Die Leeus se voormalige verdedigingsafrigter, Joey Mongalo, is Vrydag in Sydney vrygespreek op ’n klag dat hy ’n Australiese vrou seksueel aangerand het. Die distrikshof van Nieu-Suid-Wallis het Mongalo se vroeëre skuldigbevinding op ’n klag van onsedelike aanranding tersyde gestel. Mongalo het uit Sydney aan Rapport gesê dat die saak nou afgehandel is en dat hy huis toe kan keer om sy lewe te herbou. Hy erken sy gedrag was moreel verkeerd, maar het deurgaans volgehou dat hy hom nie aan ’n misdryf skuldig gemaak het nie. Hy het amper twee jaar lank geveg om sy onskuld te bewys. Dit het voortgespruit uit ’n klag wat deur ’n vroulike werknemer van ’n hotel in Sydney gelê is waar die Leeus tydens die Superrugbytoer in Australië in 2018 gebly het. Volgens…

Kyle Brown, gewese kaptein van die Blitsbokke, is deur Ierland genader met ’n afrigterspos. Brown sal aanvanklik eers deeltyds, maar later moontlik permanent, as konsultant help om die Iere se sewespan te brei. Dit vorm deel van die Ierse rugbybase se fokus om dié land te vestig as ’n krag in sewesrugby. Brown het in Junie sy uittrede uit internasionale sewesrugby aangekondig. Hy is deur die Blitsbokke se voormalige kondisioneringsafrigter, Allan Temple-Jones, genader oor die moontlikheid om by Ierland se sewespan betrokke te raak. Temple-Jones is reeds sedert 2017 by die Ierse span betrokke. Brown sê die oproep het “uit die bloute” gekom. “Om eerlik te wees het ek nooit eens daaraan gedink om af te rig nie,” sê hy. Volgens hom het Ierland die spelers en die vaardighede om…

Toetsreeks • Eerste toets (26-30 Desember) SuperSport-park, Centurion; • Tweede toets (3-7 Januarie) Nuweland, Kaapstad; • Derde toets (16-20 Januarie) St Georgespark, Port Elizabeth; • Vierde toets: (24-28 Januarie) Wanderers, Johannesburg. Eendagreeks • Uitnodigings-elftal (1 Feb) Paarl • Eerste eendagwedstryd (4 Feb) Nuweland, Kaapstad; • Tweede eendagwedstryd (7 Feb) Kingsmead, Durban; • Derde eendagwedstryd (9 Feb) Wanderers, Johannesburg. T20-reeks: • Eerste T20-stryd (12 Februarie), Buffalopark, Oos-Londen; • Tweede T20-stryd (14 Februarie) Kingsmead, Durban; • Derde T20-stryd (16 Februarie) SuperSport-park, Centurion.…

Kampe ■ Die Addo-hoofruskamp bied ’n groot verskeidenheid verblyfplek, van woonwastaanplekke tot rondawels, safaritente, chalets en gastehuise. Die toerusting in die verskillende soorte verblyfplek verskil, maar oral is ablusie- en kookgeriewe. Van die blyplekke maak ook voorsiening vir rolstoele. Alle verblyfplek het skoonmaakdienste en is toegerus met breek- en messegoed, kookware, handdoeke en seep en braaigeriewe. Die Matyholweni-ruskamp, suid van die hoofkamp naby die dorp Colchester, bied ook chalets vir pare en families. En die kleiner vierster-Nyathi-ruskamp se chalets het elk sy eie klein swembad. Besprekings kan deur die Addo se webwerf gedoen word by www.sanparks.org. of skakel 012 428 9111. ■ Dan is daar ook hope ander oornagopsies in die park. Van die Woody Cape-houthutte met ’n uitsig oor die strand tot die Kabouga-gastehuis, ’n ou plaashuis op die…

Selfs as jy elke vakansie ure en dae aaneen in ’n wildtuin rondry, sal jy nooit al die wonderlike, uitsonderlike en eienaardige dieregedrag teëkom wat in ’n nuwe boek, Photo Tales: Wildlife Photo Stories from Africa, vervat is nie. Die fotoboek vertel deur die lense van amateurfotograwe 71 ongelooflike verhale van meestal eens-in-’n-leeftyd-besigtigings. Daar is die moederlike ratel wat haar kleintjie oor die duine dra, maar ook die wrede werklikheid waar ’n honger ratel ’n weerlose breëkoparend-kuiken uit die nes steel. ’n Seekoei wat ’n krokodil byt en ’n jagluiperd wat ’n volstruis vang. Ook ’n vreeslike oulike bobbejaantjie wat hom byna doodskrik wanneer hy ’n harige wurm in sy mond druk (kyk net daai oulike voorblad!). En dan is daar hierdie twee fotoreekse wat vertel van slangvangste:…

Always and 4ever Hierdie soort teks staan in Hollywood bekend as “lui skryfwerk”. Met ander woorde: ’n kitsstorie sonder enige diepte, karakters met meer as een dimensie, ordentlike motiverings of ’n logiese verloop van ’n storie. Dit is maar net nog een van daardie gemiddelde, kunsmatige stukkies vermaak wat ’n leë skerm, veral gedurende die Kerstyd, moet vul. ’n Groep meisies sweer ewige vriendskapstrou aan mekaar. Maar kort nadat een van hulle trou, word ’n moord gepleeg. Is iemand jaloers? Jy sal die kinkel reeds vroeg uit die kabel haal. Die vraag is, wil jy regtig geld hierop uitgee? The Climbers Indien jy naels gekou het met Free Solo, wag, hierdie een is erger, veral as jy aan hoogtevrees ly. Dié Chinese rolprent met Engelse byskrifte vertel die verhaal van…

Die Tory-leier Boris Johnson se skitterende oorwinning in verlede week se Britse verkiesing dwing baie mense tot die gevolgtrekking dat die wêreld vasgevang is in ’n populistiese laertrekkery. Hierdie narratief laat menige (miskien met reg) die oë rol. Maar dit beteken nie dat ’n mens nie moet wonder en nadink oor die maatskaplike toestande wat hierdie tendense aanmoedig nie. Dis veral belangrik in die konteks van ’n Suid-Afrika wat ook tekens van laertrekkery toon onder am-per alle politieke en demografiese groepe. Watter diepliggende maatskaplik-sielkundige verband bestaan tussen die stryd oor taalbeleid aan die Universiteit Stellenbosch, die nasionalisme en groepspolitiek van FeesMustFall en Julius Malema, die beyweraars vir Khoi-San-regte, die DA se Zille-gedrewe ideologiese suiwering, die burgerregte en selfdoen-etos van die Solidariteit-beweging en selfs die terroristiese versugtinge van die regse National…

Gustav van Niekerk, Krugersdorp, skryf: Johann Rossouw se artikel “Aanhou beweeg en geraas maak” het betrekking. Hy praat van ’n liturgiese leefwyse wat verlore gegaan het en met ’n lawaaierige onrus vervang is. Dit is so waar. In die verlede kon jy op ’n Sondagmôre op jou grasperk staan en kyk hoe mense in die straat, een ná die ander, hul motors uittrek en kerk toe stuur. Vandag staan jy tevergeefs. As iemand wel sy huis verlaat, is dit met ’n klomp gholfstokke of reguit op pad winkels toe. Daar het ’n soort onrustigheid by die mens posgevat, ’n soort hond-jaag-stert-sindroom, wat jou verder wegneem van die rus wat ons so naarstig soek. So bly baie mense onvervuld in hul werk, hul huwelike en in hulself. Dis asof hulle kan…

Chris Storm, Kleinmond, skryf: Na aanleiding van Rachelle Greeff se neologisme “eponimiseer” die volgende: Baie mense dink dat die woord “taxi” uit Engels kom. Dié woord is egter ’n eponiem wat ons te danke het aan die Beierse vorstehuis Thurn und Taxis, wat reeds in 1504 by koning Filip die Skone van Spanje die reg verkry het om ’n posdiens tussen die koningshuis van die destydse Nederlande, die Duitse keiser Maximiliaan die Eerste, die Franse koning en die Spaanse hof te onderhou. Toe hierdie posvervoer deur middel van perderuiters na vervoer per poskoetse begin oorgaan, het die vrag ook mense ingesluit. Dit was dus iets soos die begin van die taxibedryf. Wenners van Blokraai 397 • Anna S. Roux van Meyerton wen R500 met haar posinskrywing. • Susanne Thorburn van…

You could’ve been a legend But you became a father That’s what you are today – “Slipping Husband”, The National Die regte paa tekkies oppie vekere paa voete kan maak dat ’n man sy liewe veloo. Ek het al gesien hoe ’n paa Adidas Superstars ’n grootman inne klein man ve’anne. Die tekkies maak jou hip-hop, en as jy wee sien, het jy jou onne jou vrou en kinnes yt gespring. It begin met dai eeste compliment vanne jong meisie af. “Joh, Uncle Mervin het nogal ’n style,” sê ’n meisie van vyftien, haaself te jonk om te wiet wat ’n style is. Maa dai eeste compliment in veetag jaa gan sit in jou kop en daa begin dink jy jy hettit nog altyd, dai ding wat jy nog nooit…

Ek roep haar voor my geestesoog op, midde in my oggendkoffie, my oë vlietend oor my Facebook-tydlyn, my halfpad-wakker gedagtes elders. My Suid-Afrika. Hierdie geradbraakte bestaan, hakkelend berg-op na iets beter, en wanneer mens uiteindelik vir ’n oomblik die uitsig indrink en ’n sug van verwonderde verligting slaak, skuif die tektoniese plaat van nasionale opinie reg onder jou, of breek iemand onnadenkend ’n ander se vel en die bloed vloei weer, onskuldige bloed en die verdiende, daaropvolgende verontwaardiging, wat jou rots laat terugrol. En jou Sisufos-arbeid begin weer héél onder. Daardie vredevolle bestaan, vir ’n rukkie sigbaar van die kruin af, weggeruk deur vreemdes vir eie gewin of as die gevolg van hul ernstige probleme met hul eie impulsbeheer. Só gereeld gebeur dit dat ek nou ander opsies begin oorweeg…

Teken in: 087 353 1300. SMS “Rapport” na 31069. Intekenare-navrae: 087 353 1300. (Maandag tot Vrydag: 07:00-16:30. Saterdae, Sondae en openbare vakansiedae: 07:00-11:00.) SMS “diens” na 31069. E-pos: intekenare@media24.com WhatsApp: 087 353 1333 Waar kry ek Rapport? 087 741 3137 Nuuswenke: 011 713 9633 of 021 406 3228 E-pos: nuus@rapport.co.za Klagtes oor stories: Alet Wichmann 011 713 9682. alet@media24.com Redakteur: Waldimar Pelser 011 713 9633 of 021 406 3228 waldimar.pelser@rapport.co.za Nuus- en Sakeredakteur: Herman Scholtz 011 713 9633 of her-man.scholtz@ rapport.co.za Sportredakteur: Albert Weideman 011 713 9671 of albert.weideman@ rapport.co.za Beleef: Alet Wichmann 011 713 9682 of alet@media24.com Weekliks en briewe: Pieter Malan 021 406 3514 of pmalan@rapport.co.za…

Solidariteit staan ’n Eskom-ingenieur in ’n interne grieweprosedure by wat die afgelope vyf maande in twee verskillende poste bevordering geweier is omdat hy wit en manlik is. Sy aanstelling in ’n derde pos waarvoor hy aansoek gedoen het, en wat aanvanklik aan hom toegeken is, is nou ook in die weegskaal omdat sy huidige bestuur daarteen beswaar aangeteken het, na bewering omdat hy wit is. Dít ondanks die feit dat Eskom se regstellendeaksieplan juis weens akute vaardigheidstekorte in Februarie opgeskort is. Dit blyk egter dié besluit is nooit voldoende binne Eskom gekommunikeer nie. Thobile Lamati, direkteur-generaal van arbeid, het in Februarie aan Rapport gesê Eskom se regstellendeaksieplan is opgeskort ná vertoë deur Phakamani Hadebe, destydse uitvoerende hoof. Daar is ’n ernstige tekort aan kritieke vaardighede. Die regstellendeaksieplan het in daardie…

Ace Magashule, sekretaris-generaal van die ANC, wil hê die regerende party moet van rykes “gereinig” word, want hulle en hul Westerse bondgenote is daarop uit om die ANC te “vernietig”. Dit was ’n kwalik versluierde aanval op pres. Cyril Ramaphosa en ander ANC-leiers wat as vyandiggesind ervaar word deur oudpres. Jacob Zuma en sy bondgenote. Magashule het Maandag in Kliptown, Soweto, by die 58ste verjaarsdagvieringe van die ANC se militêre vleuel, Umkhonto weSizwe (MK), gesê “rykes moet uit die ANC uit”. “Ons wil almal leiers wees,” het Magashule in sy toespraak gesê, waarvan ’n video op die ANC se Facebook-blad geplaas is. “Daarom reinig ons die party van almal wat die party verstaan, want die Weste sê vir ons daar moenie ’n ANC wees nie. En ons kies die heeltyd…

Een van die skuldinvorderaars wat verlede week ’n pak slae in die hooggeregshof gekry het oor die uitbuiting van mense met skuld, gaan appelleer. Alfred Ramosedi, uitvoerende hoof van Bayport Financial Services, het aan Rapport gesê sy firma gaan appelleer. Die aktiviste wat die skuldenaars bygestaan het, sê hulle berei voor vir ’n groepsgeding teen die regslui en skuldinvorderingsmaatskappye wat mense in ’n skuldstrik uitgebuit het. Die hooggeregshof in Kaapstad het die aktiviste gelyk gegee oor hul interpretasie van die Nasionale Kredietwet. Die belangrikste is dat skuldinvorderingskoste – regskoste ingesluit – nie meer mag wees as die kapitaalbedrag waarmee die skuldenaar agterstallig is nie. Stephan van der Merwe, ’n senior prokureur van die Universiteit Stellenbosch se regskliniek wat by die saak betrokke was, sê mense wat oorhandig is aan skuldinvorderaars,…

SAL is die enigste lugdiens wat uit Suid-Afrika vlieg na 10 stede, waaronder Perth, Washington, D.C., en Lagos. Dié roetes sal eers sluit as SAL sink. Maar 13 ander stede waarheen SAL vlieg word ook deur ander lugdienste bedien, waaronder Londen, Frankfurt, Hongkong, Windhoek en Harare. En altesame 34 stede regoor die wêreld, van Sydney en Beijing in die ooste tot Tel Aviv en Jeddah in die Midde-Ooste en Atlanta in die weste, het direkte vlugte na Suid-Afrika danksy ander lugdienste.…

Ek hou by ons huidige tema van beleggingsmarkte en kyk vandag na die geldmark. Verlede week het ek die kapitaalmark bespreek. Dit is ’n belegging in effekte. Die groot ooreenkoms tussen effekte en die geldmark is dat albei rentedraend is, met ander woorde, jy verdien rente op die geld wat jy belê. Die groot verskil tussen die twee is dat effekte ’n meer langtermyn-beleggingsoogmerk het – byvoorbeeld vyf jaar en selfs tot 20 jaar – met gewoonlik ook ’n inkomstekomponent. Die geldmark daarenteen is meer op die kort termyn gefokus, met die klem op likiditeit. Dit word ook beskou as ’n belegging met ’n relatief lae risiko, juis vanweë die likiditeitsfaktor. Die grondliggende beginsel waarop die geldmark werk, is dat geld ’n prys het. Byvoorbeeld, ek sit met ’n klomp…

Die Mzansi-superliga (MSL) doen goed in sy huidige formaat, maar die Paarl Rocks se afrigter, Adrian Birrell, dink die toernooi kan uitbrei tot agt spanne. Birrell se Rocks het die afgelope week die tweede weergawe van die toernooi op hul tuisveld, Bolandpark, beklink met ’n oorwinning oor die Tshwane Spartans. Volgens Birrell was hy en die ander afrigters dit eens dat die standaard van krieket vanjaar baie beter was. Dit maak die sege net soveel soeter vir sy span. “Die toernooi is nou op ’n goeie plek. Hopelik sal daar volgende jaar meer borge by die spanne betrokke wees.” Hy meen die span se ondersteuners het bygedra tot hul goeie vertonings. “Hulle was amper soos daardie 12de speler vir ons. Daar was nie ’n span in die kompetisie wat beter…

Dit móés eers baie erger word voordat dinge beter sou word. Só het die Proteas se toetskaptein, Faf du Plessis, aan die vooraand van sy span se toetsreeks teen Engeland gesê oor die nuwe era in Suid-Afrikaanse krieket wat Donderdag in Centurion onder Mark Boucher as die nuwe Proteas-afrigter aanbreek. “Dit klink dalk ’n bietjie sleg, maar dit moes eers erger gaan vir dinge om beter te word. Ek is gelukkig dat daardie proses homself uitgespeel het,” het Du Plessis Vrydag in Centurion gesê. Du Plessis het die taak om ’n taamlik jong groep onder die afrigterskap van Boucher, Enoch Nkwe (hulpafrigter), Jacques Kallis (kolfkonsultant), Justin On-tong (veldwerk-afrigter) en Charl Langeveldt (boulkonsultant) teen die Engelse in vier toetse te lei. Die afgelope paar maande was van die moeilikste nog in…

Georgië kan in 2020 ’n verrassende buiging in die Curriebeker se Eerste Liga maak nadat ’n ooreenkoms in dié verband met SA Rugby bereik is. Die Georgië-rugbyunie het die aankondiging gister op sy webwerf gemaak. Die ooreenkoms is van 1 Januarie 2020 vir ’n tydperk van 11 jaar van krag. Die ooreenkoms, wat deur Saru se president, Mark Alexander, en Gocha Svanidze, sy eweknie in Georgië, onderteken is, is soortgelyk aan dié wat SA Rugby in die verlede gesluit het met lande soos Argentinië, Rusland, Kenia en Namibië. Hoewel daar op die webwerf aangekondig is dat ’n span van Georgië in die Curriebeker sal deelneem, moet die besluit glo nog deur SA Rugby goedgekeur word. Dié deelname sal op ’n soorgelyke grondslag geskied as Argentinië se Jaguares XV, wat vanjaar…

Kan julle glo dit is Kersfees? Dit bly vir my en Rick een van die wonderlikste tye van die jaar en dan omring ons ons met vriende en familie van heinde en verre en kuier en eet ’n hond uit die bos. Die 24ste eet ons aandete saam met die Robertsons en Kennedy’s van Ierland. Op dié buffet-Kerstafel staan Ierse salm met volgraanbrood (ja, die familie smokkel die vis én brood in hul tasse van Dublin af in), beesfilet met pepersous, Brusselse spruite en skoonma Marie se pavlova met vars bessies. Sit by die Potgieters aan vir Kersete die 25ste en ’n paar goed is voorspelbaar: tong in Babs se soetsuur mosterd-en-mayonnaisesous met ’n goudbruin broodkrummelkorsie, gerookte ham wat ek in gemmerbier gaarmaak, skaapboud, hoender, kalkoen en Babs se tiekiepoeding…

Straathoek-kunstenaars maak dikwels pragtige speelgoed en kan die ontwerp aanpas by jou behoeftes – soos wanneer jy vir hulle ’n foto van die gesin se troeteldier wys, kan hulle ’n replika maak. Onthou die handewerk is kos op mense se tafel. Moet hulle dus nie afstry en aalmoese betaal nie. Jy kan ook op Facebook-groepe (soos jou plaaslike dorp s’n) snuffel vir mense wat kreatief is. Daar is dikwels pragtige draadkarretjies, poppe of houtspeelgoed. En as jy tevrede is met die diens, vertel ook ander daarvan!…

• Die uitgewer Cecilia Britz, wat tot voor haar dood by Lapa gewerk het, is op 12 Desember 2019 dood net voor die aanvang van ’n mediese prosedure. Britz was bekend om haar enorme bydrae tot ontspanningsfiksie in Afrikaans. “Britz was eens getroud met ’n diplomaat, maar het uiteindelik as uitgewer begin werk. By die destydse Perskor het sy onder die invloed van Franz Marx begin probeer om Afrikaanse lesers terug te wen vir Afrikaans. In haar oë was daar ’n beduidende steun vir die swaarder letterkundige werke, maar Afrikaanssprekendes het Engels gelees wanneer hulle wou ontspan. Dit wou sy verander,” lui ’n verklaring wat deur Lapa uitgereik is. Sy het ook later as Huisgenoot se verhale-redakteur gewerk voordat sy eers op vryskutbasis en later permanent vir Lapa begin werk…

Ouma Karien Baard, Fairland, skryf: Die redakteur van Rapport stel voor dat lesers self oordeel oor die mening uitgespreek deur die emerituspredikant Pieter de Jager oor “die gruwels van homoseksualiteit”, soos hy dit beskryf. Hierdie leser doen nou presies dit. Ek verstom my aan die arrogansie van ’n oudpredikant om sy stelling uit die Bybel te verdedig. Dis loutere snert! Nee, Pieter de Jager, leef en laat leef! Leef liewers ’n mooi en edel lewe en moenie ’n oordeel vel nie. Ek is baie bly dat jy nooit my predikant was nie, en hoop dat daar in die hemel vir jou, my, en alle gay mense ook ’n plekkie sal wees. Ek hoop net dat jy nie eendag my buurman is nie! Francois van Rensburg, George, skryf: Dit is hoog…

Vrystater skryf per e-pos: Ek glo mense skep self probleme met die doel om voordeel daaruit te trek. Neem byvoorbeeld die Bloemfonteinse dieretuin. Die swak toestande waaronder die diere moet oorleef, is deur die mens se nalatigheid veroorsaak. Nogtans moet voordele en salarisse elke maand aan werkers betaal word. Die vraag is dus: Het dieretuine nog enigsins ’n doel in ons land? Sou jy bereken hoeveel daar maandeliks aan krag, water, kos en salarisse bestee word, is dit duidelik dat die staat geen inkomste of wins genereer nie. Waarom word ons belastingbetalers gestraf terwyl die staat voortgaan om geld op nienoodsaaklike bedrywe uit te gee? Ons is bereid om belasting te betaal, maar dan wil ons resultate en waarde vir ons geld sien. Ons versoek byvoorbeeld dat mobiele mediese voertuie…

Statistieke wys nie mense se honger na waardigheid en hul smag na hoop nie. O or ’n bietjie minder as twee maande – 15 Februarie om presies te wees – sal pres. Cyril Ramaphosa reeds twee jaar in sy pos wees. As dinge swaar gaan, voel ’n oomblik soos ’n ewigheid. Daarom seker dat dit party dae voel of Ramaphosa vir altyd nog president was. Daar is selfs diegene wat glo dat dinge sedertdien net verder versleg het. Baie van die mense wat glo dat ons net verder wegsink, is teleurgesteld in die vordering wat gemaak word om vermeende oortreders aan die pen te laat ry. Nog niemand dra oranje oorpakke nie, word gekla. En dit lyk ook nie asof iemand dit ooit gaan doen nie, ondanks die miljoene wat…

In die jare negentig, terwyl die wetlike fondamente gelê is vir die demokrasie waarin Suid-Afrikaners vandag leef, is lank gedebatteer oor die noodsaaklikheid daarvan om regstellende aksie in wetgewing te vervat. Een van die nugterste uitsprake hieroor het gekom van dr. Mamphela Ramphele, destyds visekanselier van die Universiteit van Kaapstad. Sy het betoog dat ons geen wette nodig het om regstelaksie af te dwing nie. Dit word reeds afgedwing. Maar ons het wel ’n wet daarvoor nodig omdat die stelsel so vatbaar is vir vergrype. Ons moet reëls hê sodat daar perke is en sodat diegene wat daardeur benadeel word, hulself kan beskerm as dit nodig is, was haar wyse argument. So is die wet op billike indiensneming in 1998 deur die parlement gevoer. Maar dit het dit dadelik ’n…

Die vakbond Solidariteit gaan as ’n vriend van die hof toe-tree indien die staat sou besluit om te appelleer teen die hooggeregshof se uitspraak dat die aanstelling van landdroste in die Vrystaat tersyde gestel moet word weens diskriminasie teen wit mense. Die hooggeregshof in Bloemfontein het verlede week die kortlyste van kandidate vir aanstelling in ho-we in Bloemfontein, Botshabelo en Petrusburg as onregmatig en ongrondwetlik verklaar. Regter Johann Daffue het dié bevinding gemaak nadat Richard Lawrence, waarnemende landdros en kantoorhoof van die hof op Petrusburg, hom tot die hof gewend het toe hy nie vir een van dié drie landdroshowe die kortlys gehaal het nie. Hy het die hof gevra om ’n interdik teen die landdrostekommissie te verkry om geen persone in die vakante poste aan te stel totdat sy…

Die komediant Shorty se grappies is skielik nie meer snaaks vir die mynwerkers van Mpumalanga nie nadat hy paniek gesaai het met ’n fopkrokodil. Alfred Ntombela, wat bekend geword het as Shorty in Leon Schuster se flieks soos Sweet ’n Short (1991), Oh Schuks . . . I’m Gatvol! (2004) en Mama Jack (2005), het op 12 Desember saam met mynwerker-pelle gesit en drink en verveeld begin raak. Toe sê Ntombela: “Kom ons begin ’n prank.” Hulle was by die huis van Ntombela se vriend en kollega Koos Weber (52), wat mynboutoerusting verkoop. Weber besit ’n krokodil uit veselglas wat meer as 2 m lank is en wat “woon” in Weber se tuin in Presidentsrus in Middelburg, naby aan die Olifants River Lodge, ’n gewilde kuier- en kampeerplek. Dit was…

’n Vrou het ’n Pretoriase franchise-maatskappy hof toe gevat nadat hulle haar glo nie die tien beloofde kliënte gegee het nie, maar gesê het sy kan haar mooi, jong voorkoms gebruik om kliënte te lok. Ilze Pachonick (34) sê sy het maande lank gesukkel met Bizzacc Franchising nadat sy ’n bedryfsreg by hulle gekoop het om kleinsakeondernemings met hul finansies te help. Maar sy het genoeg gehad van die leë beloftes toe Karen de Villiers, direkteur van Bizzacc, gesê het sy moet maatskappybase op die sosiale webwerf LinkedIn lok. ML Schoeman-prokureurs van Pretoria het namens Pachonick onlangs ’n verstekvonnis van R450 000 teen Bizzacc in die hooggeregshof in Pretoria bekom. Pachonick het nog nie ’n sent gesien nie. Volgens hofstukke is Bizzacc se geregistreerde adres in Pretoria-Oos. Die maatskappy adverteer…

Kieran Read onthul 2011 se WB-geheim Kieran Read het onthul dat hy “geheime” behandeling ondergaan het om gereed te wees vir die sleutelwedstryde van die Wêreldbekertoernooi in 2011 – en hy kon nie eens sy afrigter daarvan vertel nie. Die gewese All Black-kaptein was nie beskikbaar vir die eerste drie wedstryde van die toernooi nie. Hy het twee weke voor die begin van die toernooi die ligamente in sy enkel geskeur. Read het tyd in Waitakere se akwatiese sentrum deurgebring in ’n poging om fiks te word. Hy vertel nietemin in sy outobiografie, Straight Eight, hoe hy in die geheim behandeling gekry het om die herstelproses te bespoedig. Hy is deur die destydse spandokter Deb Robinson bygestaan. Read is ten tyde van die behandeling tot geheimhouding gesweer. Hy het destyds…

Onverrigter sake en doelwitte wat nog nie behaal is nie, het gemaak dat die Blitsbok-vleuel Seabelo Senatla volgende jaar na vyftienmanrugby terugkeer om van voor sy stempel af te druk. Terwyl hy ’n superster in sewes is en die laaste paar weke weer Wêreldrugby se Sewesreeks aan die brand gespeel het, is daar steeds ’n brandende begeerte by dié blitsbuks om die kruin in vyftienmanrugby te bereik. Hy was in sy eerste paar seisoene by die Westelike Provinsie en Stormers ’n opwindende speler, maar het nog nie sy volle potensiaal verwesenlik nie. Senatla (26) word die afgelope seisoen of wat ook deur beserings in vyftienmanrugby getreiter. Hoe het hy al dié terugslae met beserings oorkom? “Rehab, rehab, rehab,” sê Senatla. “Ek was al deur soveel rehabilitasiesessies en ek kry ook…

Suid-Afrika se netbalbaas het glo gesê die “boere” (wit spelers) se insluiting in verteenwoordigende spanne is bloot omdat die kwotastelsel dit vereis. Dit is een van die opsienbarende aantygings van rassisme wat teen Cecilia Molokwane, president van Netbal Suid-Afrika (NSA), gemaak word. Drie afsonderlike getuies wys die vinger na Molokwane en be-weer dat sy haar aan beledigende en afbrekende gedrag skuldig gemaak het tydens die Suid-Afrikaanse netbalkampioenskap. Een van die klaers sê Molokwane het rassistiese aanmerkings gemaak en neerhalend na die hare van spelers van ’n Noord-Kaapse span verwys. Die spelers was glo erg ontstig toe hulle dit tydens ’n wedstryd moes aanhoor. Die breë trekke van die klagte is al bekend, maar Rapport kan vandag vir die eerste keer oor die besonderhede daarvan berig. Twee van die getuies sê…

Verskeie lugdienste vlieg na Wrocław via Warskou. Jy kan maklik ’n retoerkaartjie vanaf Johannesburg vir ongeveer R9 000 kry. Ons het die Poolse lugdiens, LOT, uit Amsterdam geneem, wat moderne Embraer E190-passasierstralers gebruik. Die prys van R1 850 per persoon was aansienlik minder as die mededingers s’n en ons het goeie diens ervaar. Daar was ’n oorstap op Warskou. Ons is van daar af na Berlyn en daarna terug Amsterdam toe, van waar ons huis toe gevlieg het. Ons het met die trein gery, aangesien dit goedkoper is en ’n kleiner koolstofvoetspoor het. Boonop sien jy dan die platteland. Jy kan vanaf Wrocław se hoofstasie die gereelde en stiptelike treindiens gebruik. Ons het deur Deutsche Bahn (DB) bespreek en oor Poznan na Berlyn gereis, ’n rit van net meer as…

Santa Clause is Coming to Town Regisseur: Shelley Adriaanzen ’n Resensent moet weet dat vrolike, ligsinnige en leë Kersvermaak soos hierdie nie noodwendig in sy/haar smaak sal val nie. In hierdie geval tel die kritikus se vooren afkeure nie, want dit gaan oor die gehoor se behoeftes. Maar edel soos die produksie se bedoelings is, styg die slee nie op nie. Dit is nie vermaaklik of opwindend nie. Dit gaan oor die cliché der clichés: Kersvader besluit om Kersfees te kanselleer. Wat gebeur met sy vrou, die elfies, die takbokke, die werkers in die speelgoedfabriek, en miljoene kinders? En wat van al die skoorstene waar nou geen Kersvader gaan afsak nie? Die probleem is dat daar niks vernuwend, oorspronklik of verkwiklik aan hierdie produksie is nie, veral vergeleke met ander…

My ouers het altyd gepraat van die “Groot Dae”. Hierdie dae was rondom Kersdag en Nuwejaar. Maande voor die tyd het my ma begin vrugtekoeke bak en die blikke was gevul met kleinkoekies. Sy het dae voor die groen-en-geel Jewel-stoof deurgebring. Die familie het kom kuier en als moes reg en skoon wees. Gewoonlik het ons nie met vakansie gegaan nie, want soos dit maar met ’n boerdery gaan, het ’n droogte of ’n pes altyd die skape getref. Juis tydens een van dié vakansies het my pa ons toegelaat om vir die eerste keer op ’n Sondag te swem. Ons was soos eende in die water en bloedrooi gebrand, want die son in die Boesmanland is nie jou maatjie nie . . . Dit is só warm dat die…

Danie Theron van Kaapstad skryf: Nou ja, vat so 2019, jou ou booswig. Daar was baie dinge om voor dankbaar te wees die afgelope jaar: Dit gaan goed met my. En ook met my nabye familie. Die Springbokke het die Wêreldbeker gewen. En Julius Malema is nie president van Suid-Afrika nie. Nog nie. Ek voel werklik geseënd. ’n Mooi Kersfees en ’n voorspoedige nuwe jaar vir jou, dr. Jani. Dr. Jani antwoord: Beste Danie, ek voel ook baie dankbaar en geseënd. Dit was byvoorbeeld ’n voorreg om vir meer as vyf en ’n half jaar in hierdie ruimte lesers se vrae te beantwoord. (Vreemd: Byna elke tweede brief aan my is geskryf deur iemand met die naam van een of ander Boerekryger.) Hou altyd moed. Byvoorbeeld: Vir elke lui, politieke…

Die Tories se skouspelagtige verkiesingsuitslae in verlede week se algemene verkiesing in Brittanje – ’n verkiesing waarin die Arbeiders ’n vernietigende nederlaag gely het – het my aan die dink gesit. Wat is dit wat die Arbeider-leier, Jeremy Corbyn, so monumentaal onverkiesbaar maak? Waarom voorspel al hoe meer mense dat die Demokrate in Amerika, ’n party wat in die verlede uiters suksesvolle presidentskandidate gehad het soos Barack Obama en Bill Clinton, gaan sukkel om van pres. Donald Trump ontslae te raak – ’n man wat selfs deur baie van sy eie partygenote as ’n risiko gesien word? Kortom: Wat is verkeerd met die looney left? Wat is dit wat hulle so afstootlik maak? Kom ons kyk hoe ver ons kom: • Hul fanaties fundamentalistiese oortuiging dat hulle reg is. So…

Martyn Redelinghuys, Standerton, skryf: Dok Pool skryf verlede week dat rugby se reëlmakers fokus op kontinuïteit omdat dit op die oomblik die praktyk is. Dit beteken dat die bal ten alle koste behou moet word. En dit beteken weer aggressiewe fases “stampkar-rugby”. Dit is inderdaad onmenslik en vervelig. Hy bepleit dat reëlmakers moet fokus op “spoed op die bal”. Die probleem is egter nie by die reëls nie. Die basiese probleem is stampkarrugby. Geen reëlverandering gaan help nie. Hardlooprugby is nie so moeilik nie. Ons moet die reeds bekende tegnieke en vaardighede, veral vanaf die vaste fasette, gebruik.…

Lao Tsjeng en sy vrou het op ’n dorpie in die suide van China gewoon. Hy was ’n eerlike man, ’n kleinboer wat jare lank vergeefs probeer het om die staatsdienseksamen te slaag. ’n Treurige trek op sy jong vrou se gesig het ’n mens laat miskyk hoe mooi sy was. Tsjeng se modderlandjie buite die dorp het jaarliks net genoeg rys gelewer vir een maaltyd per dag. Die gesin het darem ook ’n varksog onder hul huis aangehou. Haar werpsels is verkoop, behalwe een varkie wat hulle elke jaar uitgehou, vetgemaak en net voor die Nuwejaarsvieringe geslag het. Dan het die gesin kool, uie, pampoen, rys én vleis geëet. Twee jaar voor die gebeure waarvan ek julle gaan vertel, het hul 15-jarige seun een oggend in ysige winterweer hout…