Landbouweekbladの 20 February 2025 の目次

Waar het jou passie vir weersake en die landbou ontstaan? My passie vir weerkunde is gevorm toe ek vyf jaar oud was en saam met my ouers die droogtetoestande van veral die 1965-’66-seisoen beleef het. Ek onthou hoe ons die skape op ons plaas in die distrik Petrusburg moes voer. Ons moes die mielies in die pannetjie op die plaas vir die skape gooi. My verbintenis met die landbou kom uit ons swaarkry gedurende droogtetye op die plaas. Het jy self ook geboer? Ek het ná skool landbouweerkunde aan die Universiteit van die Vrystaat gestudeer en op 1 Januarie 1985 by die departement van landbou op Potchefstroom begin werk. Ek het dekades lank self ook met skape geboer. Die afgelope paar jaar het ek met skape en komkommers buite Bloemfontein…

DIE wet is deur Janse Rabie, regs-en-beleidshoof van AgriSA, verwelkom. “Ons was van die begin af saam met Agbiz hierby betrokke. Ons is saam met die departement van landbou baie bly dat dit nou bekragtig is.” Pres. Cyril Ramaphosa het einde Januarie dié wet, waarvan die eerste wetsontwerp al sowat nege jaar gelede gepubliseer is, bekragtig. Die wet is daarop gemik om te verseker dat landbougrond voedselproduksie op lang termyn ondersteun en dat die landbou tot die ekonomiese groei bydra. Die presidensie sê in ’n verklaring dat die wet die regering se doelwitte en voorrangsake ten opsigte van die volhoubare bestuur en gebruik van natuurlike hulpbronne ondersteun. Dit bied ook ’n landwye beleids- en regulerende raamwerk vir die bewaring en ontwikkeling van landbougrond. Rabie sê ’n mens kan dit as…

“HOEWEL ons verwag dat die 12,74%-verhoging steeds ’n nadelige uitwerking gaan hê op die land se ekonomie en produktiwiteit, meen ons dit sal aansienlik minder wees as wat dit in die geval van ’n verhoging van meer as 36% sou wees soos wat Eskom versoek het,” het Nomfundo Maseti, waarnemende elektrisiteitsreguleerder van Nersa, gesê. Sy het gesê die tariefverhoging van 36,15% wat Eskom wou hê, sou produktiwiteit met 3,34% verminder het. “Nersa se 12,74%-verhoging beperk dié afname tot 1,24 persentasiepunte.” Eskom kry net 5,36% vir 2026-’27 pleks van 11,81%, en 6,91% vir 2027-’28 pleks van 9,1%. “Ons meen dié besluit skep die nodige balans tussen die behoeftes van Eskom en die verbruikers se finansiële werklikhede,” het Nersa se voorsitter, Thembani Bukula, gesê. Nersa het meer as 1 200 skriftelike kommentare…

By die afsterwe van ’n persoon vereis die eksekuteur alle noodsaaklike dokumente, wat maklik bekombaar moet wees vir diegene wat die bereddering aan die gang moet sit. Dit is ’n mite dat ons in Suid-Afrika papierloos is of gaan word omdat jy al jou dokumente in die wolk (cloud) kan bêre. Sekere dokumente moet oorspronklik wees met die stempel van byvoorbeeld die owerhede, die bank of die eiendomsregistrasiekantoor daarop. Dit is dus raadsaam om jou dokumente in papierformaat te liasseer. Die risiko as daar nie gewaarmerkte afskrifte is nie, is dat sekere dokumente nie oorspronklik is nie. Verder kan die rekenaar van die oorledene wegraak of die PIN-kode is onbekend, en indien jy wel by die rekenaar inkom, het jy geen aanduiding hoe die dokumente geliasseer is nie. Die dokumente…

Francois Strydom se loopbaan by Senwes het in 2001 begin en uit die staanspoor was hy toegespits op maniere waarop dié destydse relatief klein landboumaatskappy kon oorleef en floreer in ’n sektor wat deur groot omwenteling gegaan het. Teen die tyd dat hy in 2010 besturende direkteur geword het, was die bestuurspan hard aan die werk om te herposisioneer en te diversifiseer. ’n Mens kan dit egter net met ’n gesonde balansstaat regkry. Hoe suksesvol die span hierdie balans kon handhaaf onder die leiding van Strydom, wat binnekort aftree, blyk duidelik. Die veld waarin Suid-Afrika se groot landboumaatskappye beweeg, verander voortdurend. Hoe het dit gelyk toe jy as besturende direkteur begin het, vergeleke met hoe dit nou lyk? Al die landbouwaardekettings moes hulself ná 1994 herposisioneer. Daar was geen subsidies…

Ná hierdie midsomerdroogte dink ek baie aan die filosoof en sosioloog Herbert Spencer se term “oorlewing van die geskikste” (survival of the fittest). Met min gras en rekordhoë temperature is daar diere en boere wat net eenvoudig voortgaan met die werk wat gedoen moet word. . . lewe en produseer. Ek het onwillekeurig gewonder of ek onder die “geskikste” sal val. Sal my genetiese materiaal daar wees en sal my boerdery-onderneming as die “geskikste” kan oorleef? Die term verwys na die proses waarin organismes wat die beste by die omgewing aangepas het, meer geneig is om te oorleef en voort te plant. Dit beteken nie noodwendig die sterkste of vinnigste nie, maar eerder diegene wat die beste vir hul spesifieke omstandighede geskik is. Dit kan fisieke eienskappe, gedrag of strategieë…

Hoe het ’n opgeleide sjef ’n byeboer geword? As iemand destyds vir my gesê het ek gaan boer, sou ek gelag het! Ek het ’n bemarkingskursus voltooi voor ek by die Instituut vir Kulinêre Kunste op Stellenbosch gaan studeer het. Daarna het my prakties by ’n tydskrif en uiteenlopende werk in die kosbedryf gevolg. Dis baie harde werk en lang ure, en ek het agtergekom ek geniet dit nie meer nie. My pa, Danie Zeeman, is ’n wingerd-en-perskeboer van die Breërivier, en sedert 2018 boer hy ook met bye. Hy het voorgestel ek help hom om sy heuning te verkoop. Toe ek weer sien, koop hy vir my ’n byepak en ek staan ook in die veld! Ek is gaande oor heuning – met heuning in jou medisynekissie kan jy…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Vissoort Lees op bl. 92 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 93 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 6 Maart 2025. Geen posstukke word meer as inskrywing aanvaar…

Die TABEL dui aan dat grondverkope in die Oos-Kaap interessante neigings toon vir die tydperk van Oktober 2023 tot September 2024. In dié tydperk is 339 transaksies aangegaan in 35 distrikte, wat ’n totaal van 161 391 ha behels het teen altesaam R2,245 miljard. Die transaksies per grondgrootte-kategorie toon dat 28% van die transaksies kleiner as 50 ha was, teenoor 25% in die voorafgaande twaalf maande. Transaksies van 50 ha tot 150 ha het 17% (15%) beloop, en dié van 150 ha tot 300 ha 13% (12%). Transaksies van 300 ha tot 450 ha het 11% (10%) van die totaal uitgemaak, en dié van 450 ha tot 600 ha het tot 5% (8%) afgeneem. Transaksies groter as 600 ha het merkbaar afgeneem tot 25% (37%). Die feit dat verhandeling in…

Die gulde reël by die Indwe-gholfklub, kan ek as kind onthou, was dat godsdiens en politiek liefs vermy moes word. ’n Reël waarby daar meestal gehou is, maar een wat ek ongelukkig vandag sal moet breek. Want die impak van die politieke lawaai wat onlangs ontketen is, is potensieel só verreikend dat dit straks ’n godsdienstige oplossing mag verg. Laat ek verduidelik. Pres. Cyril Ramaphosa gaan onderteken toe die nuwe Onteieningswet, wat in baie spesifieke gevalle onteiening teen “nul-vergoeding” toelaat. Die grondwetlikheid van “nul-vergoeding” sal nog deur die Grondwethof bepaal moet word, asook of dit strook met artikel 25 van die Grondwet, wat private grondeienaarskap onomwonde waarborg. Hoe dit ook al sy, die wet het plaaslik hewige reaksie uitgelok, met gemoedere wat verder die hoogte ingeskiet het toe die Amerikaanse…

DIE rooivleisbedryf se groot hoop op hoër speenkalfpryse is ’n gevoelige slag toegedien met ’n skerp styging in die geelmielieprys, en berigte word ontvang dat kuddes noodgedwonge verklein word. Einde Januarie vanjaar was die plaaslike geelmielieprys sowat R5 400/ton, vergeleke met R3 700/ton ’n jaar gelede, sê Anina Hunter, voorsitter van die vereniging van veevoervervaardigers (Afma). Geelmielies en sojameel is die grondstowwe wie se pryse die grootste uitwerking op veevoerpryse in Suid-Afrika het, sê sy. “Die Chicago-pryse van sojameel het eintlik gedaal, maar die uitwerking is deur die verswakking van die rand teenoor die dollar teengewerk omdat die prys op die invoerprys gegrond is.” Geelmielies kan 50-60% van die inhoud van voer wees, terwyl oliesaadprodukte soos sojaboonmeel ’n verdere 30-35% kan wees. Saam kan hulle vir 80-85% van voerkoste verantwoordelik…

HOOGS ontevrede veeboere wat sukkel om ’n winsgewende bestaan op hul plase te maak, het landbouleiers in ’n werksessie onder leiding van die Rooivleis-aksiegroep in die Kroon Boma buite Kroonstad oor die vingers getik. Die grootste kwessies wat uitgesonder is, is die lae produktepryse en hoë insetkoste. Boere het op beter diens van landbouleiers aangedring, gevra dat hulle nie om politieke redes te werk moet gaan nie, en dat boere beter pryse vir hul rooivleis kry. Dr. Jaco de Villiers, organiseerder van die werksessie, het gesê die rooivleisboere het ’n stadium bereik waar hulle nie meer wil luister na wat ander mense en groeperinge sê nie, maar hulle wil self praat. Francois Wilken, voorsitter van Vrystaat Landbou, het gesê boere moet vanaf grondvlak begin herorganiseer om die regte leiers in…

G3 Citrus Estate, ’n boerdery by Weipe in Limpopo, het ’n dag voor Nersa se aankondiging aangedui dat hy sy bestaande netwerk-gekoppelde sonkragstelsel van 782 kWp met ’n ekstra 812 kWp se sonpanele en ’n 2,28 MWhbatterybank gaan uitbrei. Hierdie opgradering sal ongeveer 90% van die landgoed se energiebehoeftes dek. Dit stel G3 in staat om verder as Eskom se kragbeperkings uit te brei sonder om produksie in te boet, terwyl koolstofvrystellings verminder en energieveiligheid verseker word. Intussen spog Green Farms Nut Company (GFNC), een van Suid-Afrika se grootste makadamiaverwerkers-en-uitvoerders se Levubuaanleg in Limpopo nou met ’n sonkragstelsel wat in 60% van die aanleg se energiebehoeftes voorsien. Dit sluit ’n 300 KVA-sonkragopwekkingsvermoë en 600 kWh-batteryopberging in, wat tot drie uur lank hulpkrag kan lewer indien die sonkragstelsel sou faal. Van…

INDIEN die tesourie voortgaan met sy voorstelle, sal dit ’n groot invloed op die volhoubaarheid en mededingendheid van die wynbedryf en die wynwaardeketting hê, terwyl die bedryf ’n reuse-bydrae tot die Suid-Afrikaanse ekonomie en landelike ontwikkeling lewer. South Africa Wine het onlangs ’n omvattende reaksie op die nasionale tesourie se voorgestelde veranderinge aan aksynsbelasting op wyn ingedien. Die organisasie het ook ’n beroep op die regering gedoen om nie aksynsbelasting vandeesmaand, wanneer Enoch Godongwana, minister van finansies, sy begrotingsrede lewer, met meer as die verbruikersprysindeks te verhoog nie. “Ons besef die regering het ’n verantwoordelikheid om inkomste te genereer en alkoholverwante skade hok te slaan, maar die voorstelle gaan te ver,” sê Rico Basson, uitvoerende hoof van South Africa Wine, oor die regering se beleidsdokument waarin aansienlike veranderinge aan die…

Veeboerdery is in groot geldelike knyp, en ’n mens hoor van goeie weidingsdistrikte waar tot twintig plase tans in die mark is – teen laer pryse as vyf jaar gelede. Landbou-ekonome in die banksektor bevestig veeboere trek finansieel swaar, en ongelukkig is die banke en besighede se beursies toe. Boere trek saam om planne te beraam, en dring aan op optrede ter wille van geldelike oorlewing. Hulp gaan nie van die staat of die finansiële sektor kom nie. Daar sal ernstig besin en na planne gesoek moet word. Daar moet onderskei word tussen makrofaktore en markdrywers, en die koste in die ketting (en om dit verkort), en op plaasvlak moet boere kyk wat hulle kan doen om te oorleef. Vleispryse vir die boer het die afgelope vyf jaar min gestyg,…

Einde verlede jaar was die landbou nasionale nuus – en ongelukkig nie goeie nuus nie. Statistieke Suid-Afrika het toe die jongste BBP-syfers vir die derde kwartaal uitgereik – en landbou het besonder swak gevaar. Die BBP is seker die enkel kragtigste en bekendste ekonomiese indikator. Ekonome, ontleders en politici jaag dit met entoesiasme na en haal BBP-syfers klakkeloos aan. Dit is dus belangrik om te verstaan wat die BBP is en hoe dit bereken word. Vanuit die staanspoor moet genoem word dat die BBP ’n goeie aanwyser is om die verandering in inkomste te meet. Dit is egter nie ’n gepaste maatstaf vir die meting van ’n verandering in welvaart of volhoubaarheid nie. Om die waarheid te sê, dit is heeltemal onvanpas om ’n verandering in die BBP, of die…

Inligting Distrik: Clanwilliam, Wes-Kaap Naam: Jakkalsvlei Vertakkings: Rooibos, sitrus, skape Grond: Sand en klip Gemiddelde reënval: 420 mm/jaar KORTOM ■ Albert Smit se ouers het entrepreneurskap reeds van vroeg ingeprent. Dit het hom met kennis en vaardighede toegerus wat hy met groot vrug in sy boerdery toepas. ■ Rooibostee vloei deur dié jong boer se are en “teemaaktyd” is die hoogtepunt van sy jaar, want elke stokkie moet gekleur en gegeur word. ■ Wisselbou bly kernbelangrik en hy het groot drome om AWM Boerdery se vertakkings uit te brei. Om prakties en kreatief te wees, is Albert Smit (30) se kos. Sy ouers het vir hom en sy susters in hul hoërskooldae elk R10 000 gegee waarmee hulle iets produktiefs moes aanpak. Albert, toe 15 jaar oud, het besluit om…

Wanneer die mielies groen staan op die Hoëveld van Mpumalanga weet die boere dit is tyd vir Groendag. Dié boeredag, wat die Broodsnyersplaas-boerevereniging aanbied, word vanjaar op 27 Februarie op die plaas Roodepoort van Jannie Schoeman buite Middelburg gehou. “Groendag het in 1998 by Michael Allen van G&M Farming Enterprises ontstaan toe proewe geplant en ’n paar boere bymekaar gekry is om te kom kyk,” sê Carel Opperman, voorsitter van die Broodsnyersplaas-boerevereniging. “Aan die begin het dit daaroor gegaan om nuwe kultivars ten toon te stel en daar was maar ’n handjievol boere. Deur die jare het trekkermaatskappye bygekom en Groendag het ál gewilder geword.” Die gewildheid van Groendag is ook duidelik uit AFGRI se betrokkenheid. Dié swaargewig in die landboubedryf was van die begin af deel van die dag,…

Dr. Francois Koekemoer, wat ’n groot bydrae tot die koringbedryf gelewer het, het ná 35 jaar die mikroskoop verruil vir meer tyd agter sy kamera en op sy fiets. Koekemoer het sy loopbaan in 1990 by die kleingraaninstituut van die Landbounavorsingsraad op Bethlehem as teler begin. Van 1995 tot 2011 was hy hoof van die gehaltelaboratorium. Sy loopbaan het in 2003 ’n kommersiële rigting ingeslaan toe hy as besproeiingskoringteler by Monsanto aangesluit het. In 2006 is hy bevorder tot bestuurder van koringteling in Afrika by Monsanto. In Junie 2008 het Koekemoer en Patrick Graham die Suid-Afrikaanse koringbesigheidseenheid by Monsanto gekoop. Sensako was weer ’n besigheid in eie reg met Koekemoer as direkteur van navorsing en ontwikkeling. Ná die samesmelting met Syngenta in 2020 het Koekemoer aan die stuur gestaan van…

Beesvleis-en-spekfrikkadelle met blatjangsous Frikkadelle ■ 500 g beesmaalvleis■ 125 ml fyngesnipperde spekvleis■ 2 eiers■ 2 snye witbrood, in stukkies geskeur■ 125 ml melk■ 5 ml sout■ 5 ml gemengde droë kruie■ 1 ui, fyngerasper Sous ■ 125 ml room of suurroom■ 125 ml blatjang■ 100 ml water■ Sout en peper na smaak■ 250 ml koekmeel, gegeur met sout en peper Meng die maalvleis en spekvleis in ’n bak. Klits die eiers en giet dit oor die brood, saam met die melk. Laat staan vir 5 minute en druk die mengsel met ’n vurk fyn, of verpulp met ’n staafmenger. Terwyl die brood-en-melkmengsel staan, geur die maalvleismengsel met sout en kruie en voeg die gerasperde ui by. Giet die broodmengsel oor die vleis en meng goed. Bedek en laat staan vir…

JOHAN DE VILLIERS, boer en seun van Charl de Villiers van die De Meul-boerdery by Prieska, sê sy pa was gedurig besig om somme te maak en na te lees oor hoe om die plaas se grondgesondheid te verbeter en om grond te verstaan. “Hy was baie lief vir mense en het dit altyd geniet as daar mense om hom was.” Sy pa het ook gedurig somme gemaak – op enigiets wat hy kon. Hy’t baie keer sommer ’n stuk van ’n oop boks afgeskeur om aantekeninge en somme daarop te maak. “Hy’t ons altyd geleer om aandag te gee aan die fynste besonderhede, om vernuwend te dink en om nuwe metodes en innovasie te omarm.” Charl het op 24 Januarie op 77-jarige ouderdom aan komplikasies weens ’n maagseer gesterf.…

GERT (PARRA) BOTHA (79), ’n bekende Bonsmaraboer van Smithfield, het op 12 Januarie in ’n hospitaal in Bloemfontein aan orgaanversaking gesterf. Hoewel Botha nog tot onlangs toe self op die plaas Avondsrust geboer het, het hy die plaas en sy beeste ’n klompie maande gelede uitverhuur omdat hy nie meer baie sterk was nie. Hy en sy vrou, Lia, het egter nog op die plaas gewoon. Hy het aanvanklik ’n stoetery, Mooivlei Bonsmaras, besit, maar het dit later vanweë die baie administratiewe werk daaraan verbonde tot ’n kommersiële kudde afgegradeer. Lia sê sy niere het al ’n geruime tyd nie meer optimaal gefunksioneer nie. Sy gesondheid het meer as ’n jaar gelede verder agteruitgegaan nadat hy geval en ’n heup gebreek het. Hy het ’n heupvervanging ondergaan, maar het in…

Grondverhandeling in die Oos-Kaap: Oktober 2023 tot September 2024 GAUTENG NIGEL HOLGATFONTEIN (326) 11 ha, aan 11 At Sixty-One (Edms.) Bpk., van C. le Roux en N.J. le Roux, R650 000. LANGZEEKOEGAT (323) 256 ha, aan Masithembane Agricultural Activities Primary Corp Bpk., van Brookfield Beef (Edms.) Bpk., R2 651 000. RIETSPRUIT (152) 12 ha, aan Kiron Projects (Edms.) Bpk., van L. Hancke, R1 600 000. RIETSPRUIT (152) 12 ha, aan Kiron Projects (Edms.) Bpk., van J.J. Potgieter, R1 600 000. RIETSPRUIT (152) 17 ha, aan Kiron Projects (Edms.) Bpk., van H.H. Penzhorn, R1600000. YZERVARKFONTEIN (194) 85 ha, aan C.K. Mahlangu, E.N. Mahlangu en K.N. Mahlangu, van die nasionale regering van die Republiek van Suid-Afrika, R850000. PRETORIA LEEUWDRAAI (211) 42 ha, aan Lucky Peach (Edms.) Bpk., van Ottman Marketing BK, R2600000.…

Waar is jy gebore en het jy grootgeword? Ek het as kind taamlik getrek siende dat my pa, Frik, ’n polisieman was. Ek is in Nylstroom (Limpopo) gebore en was in ’n paar laerskole in die ou Transvaal, selfs in Komatipoort (Mpumalanga). Ek was in Hoërskool Outeniqua in George (Wes-Kaap) en het in Walvisbaai (Namibië) matriek geskryf. Hoe het jy in die veilingsbedryf beland? Ek het in 1997 begin om as seremoniemeester by manneaande op te tree en ook as grapmaker wat snaakse stories vertel. Tydens ’n manne-aand in Bothaville het die afslaer volgens my “ ’n bietjie gesukkel” en ek het gevra of ek iets kan opveil. Daarna het nog geleenthede gevolg waar ek wynveilings, posduifveilings en vele meer gedoen het. Ek het ook by die Bonsmara- en Simbra-genootskappe…

ONDANKS meer as 310 dae sonder beurtkrag (buiten ’n kort onderbreking ná die Nersa-aankondiging) is baie boere steeds besig om sonkrag en ander hernubare kragstelsels op hul plase te laat installeer. Baie wil heeltemal van die netwerk ontkoppel word sodra hul alternatiewe kraginstallasies in werking is, maar dit is makliker gesê as gedaan. Arrie Bornman van Bak Elektries, ’n maatskappy wat in Limpopo se sentrale Bosveld in elektriese installerings en herstelwerk in die landbousektor spesialiseer, sê hoewel almal dankbaar is vir verligting van beurtkrag, vertrou die boere nie die vrede nie. “Dit is nie meer net beurtkrag wat boere laat besluit om hul ondernemings van Eskom te speen nie, maar ook die voortdurende stygende kragtariewe.” Die proses om van Eskom ontkoppel te word, is egter nie so maklik nie en…

Die manier waarop Wian Süllwald kop eerste by die familieboerdery by Bela-Bela ingeduik en begin swem het sonder om te aarsel, getuig van die dissipline, deursettingsvermoë en mededingendheid wat sy sportloopbaan by hom gevestig het. In sy tienerjare was die plaaslewe iets wat hy net kon geniet wanneer hy huis toe gekom het om te rus. Hy was van 16 af ’n beroepsatleet en het vir lang tye in die buiteland gewoon, waar hy onder meer die titel as junior wêreldkampioen in driekamp agter sy naam gevoeg het. ’n Mens kan net wonder wat Wian sou bereik het as beserings hom nie uit die Olimpiese Spele van 2016 en 2020 gehou het nie, maar die glans van medaljes het nooit sy liefde vir boerdery oorskadu nie. “Ek het grootgeword in…

Mini-gereedskapkis in jou agtersak As jy sonder jou gereedskapkis gestrand is, is daar min wat die X14 MKII EDC-mesmoertang nie kan doen nie. Die Suid-Afrikaanse maatskappy TerraTAC het vier funksies by sy oorspronklike ontwerp gevoeg. Die TerraTAC X14 MKll EDC beskik oor die volgende: drie tange (’n skerpbek-, gewone en draadkniptang), ’n skêr, saag, vyl, snyhaak, bliksnyer, stik-els met ’n draadsnybeitel, botteloopmaker, mes, linaal (vir fyn meet), twee skroewedraaiers (’n Phillips en ’n platkop) en vier moersleutels van die groottes 7, 8, 10 en 14. Die mesmoertang is gemaak van sterk 420-vlekvrye staal. Vir ekstra taaiheid word sy lem en skêr vervaardig van 440A-vlekvrye staal wat in die lugvaart- en mediese bedryf gebruik word. Dié veeldoelige meneer is boonop kompak – dit weeg maar 262 g – en kom standaard…

By ’n vorige geleentheid het ons gepraat oor die waarde en betekenis van fisieke, tasbare aanraking. Ons het toe met ’n goedbedoelde waarskuwing afgesluit: Moenie in die versoeking kom om van God ’n beeld te probeer maak nie. Gedenk die wet van God in Eks. 20:3-4. Vandag wil ons gesels oor aanraking op ’n ander vlak – dieper en hoër as die tasbare aanraking tussen mense. Ek verwys hier graag na die geestelike ervaring van God van wie daar gesê is: “God is Gees, en dié wat Hom aanbid, moet Hom deur die Gees en in waarheid aanbid” (Joh. 4:24). Dink mooi hieroor na en jy sal besef hoeveel heerliker en makliker dit is om God só te aanbid. Jy is nie aan plek of tyd gebonde nie. Oral kan…

PROF. ECKHART KASSIER, landbou-ekonoom wat die landbou in Suid-Afrika na ’n vryemarkstelsel gelei het, is op 14 Januarie, op die vooraand van sy 92ste verjaardag, oorlede. Sy gesondheid het die afgelope maande verswak en hy is in sy slaap oorlede, volgens sy skoondogter, Hanlie Kassier. “Hy was ’n ongelooflike en merkwaardige man en ons is baie hartseer oor sy heengaan. Hy was ’n ware heer wat baie vir ander omgegee het en sy tyd ver vooruit was.” Jean du Preez, oudredakteur van Landbouweekblad, sê Kassier was “ongetwyfeld die grootste naam in die geskiedenis van die landbou in Suid-Afrika. As visionêre persoonlikheid het hy die opdrag gekry om die beheerraadstelsel byna oornag onder boere se voete uit te pluk. In sommige boerderygeledere is hy daaroor gekruisig, maar ander het die vryemarkroete…

BYEENKOMSTE 24-27 FEBRUARIE: Internasionale seminaar vir verliesbemiddelaars, aangebied deur Santam. Kaapstad. Tel. 0860 444 444, e-pos: info@santam.co.za 4-5 MAART: Landbouweekblad se Volhoubare Landbou-konferensie 2025: Reitz. Navrae: e-pos: events@landbou.com. Kaartjies: quicket.co.za 6 MAART: Landbouweekblad se Volhoubare Landbou-konferensie 2025: Ottosdal. Navrae: e-pos: events@landbou.com. Kaartjies: quicket.co.za 12-13 MAART: Graan SA-kongres. Bothaville. Navrae: Tel. 08600 GRAIN (47246). Web: grainsa.co.za 13-14 MAART: 89ste jaarvergadering en kongres van die Meulenaarskamer, Bela-Bela. Web: grainmilling.org.za 18-19 MAART: African Canines in Conservation-konferensie. Midrand, Gauteng. Tel. 011 372 3600, e-pos: ewt@ewt.org.za. Web: ewt.org.za/events 18-20 MAART: Africa Agri Techkonferensie, CSIR-konferensiesentrum, Pretoria. Tel. 012 004 0811. Web: africa-agri.co.za 18-19 MAART: Simposium: Graanhanteringsorganisasie van SA. Diaz-hotel, Mosselbaai. Web: grainorgsa.co.za 19 MAART: Landbouweekblad se Volhoubare Landboukonferensie 2025: Moorreesburg. Navrae: e-pos: events@landbou.com. Kaartjies: quicket.co.za 27-28 MAART: African Farming-imbizo, Pretoria. Apollo Bomvana, 067 217 0190, apollo.bomvana@media24.com FEESTE, EKSPO’S 15-16 FEBRUARIE:…