Landbouweekbladの 5 September 2024 の目次

Uiteenlopende verwagtinge vir kanola-oes Kanolaboere in die Swartland se vooruitsigte vir ’n goeie kanola-oes vanjaar lyk nie goed nie. “Ek kom pas uit ’n vergadering en die boere sê hulle hoop om vanjaar 1 t/ha te kan afhaal,” het Koos Blanckenberg, voorsitter van Graan SA se spesialiswerkgroep vir kanola en ’n boer van Klipheuwel in die Swartland, gesê. Hy het gesê produksietoestande in dié streek was nie optimaal nie. “Eers was dit in April en Mei baie droog, toe is die reënval in Junie bonormaal en Julie was heeltemal te nat. Ons het ook op die vergadering gehoor dat Julie vanjaar die koudste op rekord was vir die Swartland en Suid-Kaap. Die plante blom mooi, maar die stand is net nie daar nie. Groot dele het versuip.” Aan die ander…

Manie Dit is vir Manie só jammer dat die landbousektor gewoonlik nie uit een mond kan praat nie – veral wat betref ’n belangrike kwessie soos die uitvoering van die meesterplan vir die landbou en landbouverwerking. Die buro vir voedsel- en landboubeleid (BFAP) het pas in sy vooruitskouing tot 2033 gesê groeivooruitsigte vir die landbou se bruto binnelandse produk (BBP) lyk swak oor die volgende dekade. Die daadwerklike uitvoering van die meesterplan kan groei egter ’n groot hupstoot gee. BFAP verkondig al ’n paar jaar lank die gedagte dat die landbou se ekonomiese groei meer as 14% bo die verwagtinge kan wees indien die meesterplan uitgevoer word, en dat ’n verdere R32 miljard teen 2033 tot die reële BBP vir die landbou toegevoeg kan word. Dr. Tracy Davids, uitvoerende direkteur…

Beesboerdery Stoetteling se einddoel is om nageslag suksesvol te voorspel, ’n doelwit wat makliker bereik kan word deur soortgelyke diere met die wenslike teelwaardes met mekaar te paar. Menige teler wend hulle egter tot korrektiewe paring om genetiese vordering moontlik te maak. Dr. Hendrik Meyer, voorsitter van die Beefmaster-beestelersgenootskap, veearts en eienaar van die Rhenostervallei Beefmaster-stoetery by Mookgopong en Radium in Limpopo, verduidelik hoekom hy teling met soortgelyke diere verkies. “Daardie uitverkore beeste se voorsate moet oor soortgelyke syfers beskik – almal beter as die rasgemiddelde. Met korrektiewe paring probeer jy bloot om iets reg te maak wat sleg is, maar dan waag jy die kans dat daardie fout weer kan opduik; selfs drie geslagte later. Amerikaanse dierkundiges het bewys ’n ongewenste eienskap kom in 95% van gevalle weer later…

Dié skou, wat vanjaar van 4 tot 7 September plaasvind, beloof om sowat 20 000 besoekers te lok met ’n program propvol vermaak en opvoedkundige geleenthede vir die hele gesin. AFGRI is die ankerborg van dié skou wat bekend is om sy perde, beeste, skape en pluimvee van topgehalte, asook ’n indrukwekkende uitstalling van implemente. Van skaapskeerders tot perdepassies Vanjaar se skouprogram is besonder uitgebreid en bied ’n verskeidenheid landbou- én leefstylaktiwiteite. Een van die hoogtepunte is die nuwe Swartlandskou-skeerkampioenskapsbyeenkoms, waar besoekers dié vaardigheid van naderby kan beleef. Die skou sluit talle nasionale kampioenskapsbyeenkomste in, waaronder 400 vleisbeeste van verskeie rasse, die slaglamkompetisie en die SA Vleismerino Super 10-kampioenskapsbyeenkoms. Die perdeskou is altyd ’n groot trekpleister, met meer as 400 perde wat ten toon gestel gaan word. Die agtspan-waperde wat…

Die skaapboerdery in Suid-Australië waar Alber Nel sedert 2020 werk, is nie sy eerste buitelandse pos nie. Van Oktober 2018 tot Maart 2020 het hy hom in Kanada bevind. Nel kom oorspronklik van Loeriesfontein in die Noord-Kaap, ’n gebied waar mense bekend is met bibberweer in die winter. Twee Kanadese winters het hom egter na warmer weivelde laat soek. “Ons het direk van Kanada na Australië gereis – net ’n paar dae voor al die covid-19-inperkings. Kanada is ’n ongelooflike mooi land en ons was bevoorreg om dit te kon beleef, maar Australië pas beter by ons leefstyl en is nader aan mense wat ons ken. “Die winters is ’n besonderse ervaring in Kanada, maar ná twee winters het ek nie kans gesien om dit my nuwe normaal te maak…

Promosie TREKKER VIR ’N BOERWESBANK Die meganisasieproses, wat die oorgang van handearbeid na die gebruik van werktuie behels, vind reeds sedert die nywerheidsrevolusie plaas en het boerdery minder arbeidsintensief gemaak. Die afgelope twee dekades het hierdie neiging vinnig versnel weens verskeie faktore, waaronder die behoefte aan verbeterde produktiwiteit en doeltreffendheid. Tegnologiese vooruitgang, soos verbeterings in binnebrandenjins en inligtingskommunikasietegnologie, het bygedra tot die toenemende doeltreffendheid van trekkers en ander landbouwerktuie. Dit het boere in staat gestel om hul produksievermoë teen laer koste te verhoog, wat noodsaaklik is vir die oorlewing op ’n internasionale mark waar mededingers dikwels met subsidies ondersteun word. Meganisasie bring egter ook nuwe knelpunte mee, soos die behoefte aan gespesialiseerde vaardighede om moderne landbouwerktuie se gesofistikeerde rekenaarstelsels te bestuur. Die rol van finansiering in hierdie proses kan nie…

Dit het onder Fertasa (die kunsmisvereniging van Suid-Afrika) se aandag gekom dat verdagte produkte, wat nie voldoen aan voorwaardes waaronder kunsmisprodukte geregistreer is nie, op sosiale media geplaas word. Daar is min of geen beheer oor die inhoud of wetenskaplike integriteit van sulke stowwe nie. Dit kan eerlike vervaardigers en verskaffers wat die reëls volg, benadeel. Wat het dit met die evaluasie van kunsmisgehalte te doen? Die antwoord hou verband met die groep 3-kunsmisprodukte. Vir groep 1- en groep 2-kunsmisprodukte is ’n kunsmis-en-kalkmonitorskema in 2017 gevestig. In die geval van groep 3-kunsmisprodukte, wat ’n reeks “nuwe” produkte insluit, is bewyse van hul doeltreffendheid verpligtend op die etiket. Dié bewyse moet strook met die goedgekeurde etiket by registrasie. Ongelukkig is dit nie altyd die geval nie. Buitengewone eienskappe word dikwels aan…

Ná verlede jaar se brandseisoen is berig dat twee brandbestryders hul lewe verloor het en meer as 2 miljoen hektaar weiveld in brande reg oor Suid-Afrika verwoes is. Namibië het meer as ’n halfmiljoen hektaar tydens verlede jaar se brandseisoen verloor. “Brande is sonder twyfel die nommereen-bedreiging in ons bedryf,” sê Bruce Hart van SOS Contractors, wat bosbou-ondersteuningsdienste aan heelwat produsente in KwaZulu-Natal, onder meer Sappi en Mondi, verskaf. Jaarliks bedreig honderde natuurlike brande en kwaadwillige brandstigting Suid-Afrika se houtplantasies, rig miljoene rande se skade aan en stel die lewe en lewensbestaan van almal wat in die bosboubedryf werk of naby bosboubedrywighede woon in gevaar. “Dit is ons werk om ons kliënte se bates teen brande te beskerm en ons het die beste toerusting nodig om dit doeltreffend te kan…

Min landbougebeurtenisse kan kers vashou by die groot geleentheid wat Nampo Kaap bied – iets wat Case IH deeglik besef. “Nampo Kaap is naas die Nampo-oesdag by Bothaville die belangrikste geleentheid op ons landboukalender, en Case IH het soos altyd topgehalte-aanbiedings,” sê André Olwagen, hoof van taktiese bemarking by dié maatskappy. Vanjaar bring Case IH weer die Steiger-trekkerreeks na Bredasdorp. Hoewel dit steeds die bekende en betroubare trekkerreeks is waarmee die Suid-Afrikaanse landboubedryf bekend is, sê André dat groter kraglewering en verbeterde tegnologie by hierdie trekkers ’n trekpleister soos min sal wees. “Die trekkers het sterker geword, met ’n hoër kraglewering, maar die voorkoms en gevoel van die trekkers is steeds dieselfde soos ons produsente daarvan hou.” Die nuwe Steiger 525 het nou ook die bekende smaller raamwerk, en nie…

New Holland streef daarna om deel te wees van enige boerderyvertakking en die ontwikkeling daarvan. Die maatskappy gaan seker maak sy indrukwekkende werktuigtentoonstelling op Nampo Kaap 2024, op standplaas 71, 72, 73, 76, 77 en 78, gaan dié toewyding weerspieël. Nampo Kaap vind vanjaar van 11-14 September plaas. Hier is waarna jy by New Holland se uitstalling kan uitsien. T7 HD-reeks New Holland voeg die eerste Stage V-trekker by die nuwe T7 HD-reeks. Een van hierdie modelle, die T7.315 HD-trekker, gebruik die ECOBlue™ HI-eSCR 2-stelsel (selektiewe katalitiese vermindering) om uitlaatgasse te verminder. Dié innoverende nábehandelingstelsel is ’n onderhoudsvrye oplossing wat bedryfskoste laag hou. Die Auto Command™- deurlopend veranderlike transmissie (CVT) dra by tot die trekker se doeltreffende werking. Dit is ook toegerus met PLM Intelligence™ wat die Intelli-View™-12-skerm en SideWin-der™…

Fokus NAMPO KAAPFORD Die Ranger-lewe is sinoniem met gerief, indrukwekkende ryvermoë en vernuwende tegnologie. Dit is ook die geval met die nuwe Ford Ranger XL 2.0-dubbelkajuit wat aan al die verwagtinge voldoen. Dié stewige bakkie is ontwerp om enigiets wat oor jou pad kom, baas te raak – op die plaas én op die langpad. Beter agterklap en groter bak Een van die besonderse kenmerke van die Ranger XL is sy agterklap wat ook as werkbank kan dien. Deur die klampgleuwe te gebruik, kan jy byvoorbeeld hout of gereedskap stewig vasmaak terwyl jy werk. Die langer en breër bakvoering bied ’n beter greep op enige vrag en ’n meer ergonomiese oppervlak waarop jy met gemak op jou knieë kan werk. Die nuwe Ranger XL-dubbelkajuit se laaibak het beduidende verbeteringe ondergaan,…

SA Stamboek se beste Elitekuddes vir 2024 is, van links, Johannes Human van Prieska (Dorper, kleinvee: vleis- en dubbeldoel), Jan de Villiers van Moorreesburg (Merino, kleinvee: wol), dr. Bernice Mostert namens Oubaas van Heerden van Victoria-Wes (Besterskraal-Saalperde), Riaan Ludeke van Uitenhage (La Boela-Boerboele), AJ Schoonwinkel van Swellendam (suiwelbeeste: Kluitjieskraal-Jerseys) en dr. Hendrik Meyer van Naboomspruit (vleisbeeste: Rhenostervallei-Beefmasters). Unistel en SA Stamboek se Platinum-melkkoei-pryswenners is, van links, Suretha Francis en Thahlia Brahmeld namens Pete Durhan se Glynton-Jerseys, AJ Fourie van Limpopo-melkery (Holstein), Chanelle Steenekamp namens Jan Wessels (Meesuid-Ayrshire) en Leonora Theart (Unistel). Unistel en SA Stamboek se mentorteler vir 2024 is Gavin Bristow van Bandelierskop, Makhado. Bristow het die Vhembe-Bonsmarastoetery vir 12 opkomende telers gestig en bied gereeld boeredae op sy plaas aan. Van links is dr. Japie van der Westhuizen…

Veilings ’N DRAGTIGE Simmentalervers is vir ’n nuwe Suid-Afrikaanse rekordprys van R170 000 verkoop op die Ashtonvale Simmentalerstoetery se produksieveiling, wat op 16 Augustus op Bethlehem gehou is. Niel van Heerden, eienaar van die stoetery, het die vers, Odensim AGO 22-20, vroeër saam met haar ma gekoop omdat hy baie van die kalfie gehou het. Toe hy haar by Riaan Odendaal se Odensim-stoetery by Villiers sien, het hy geweet sy toon groot belofte. “Toe ek moes beplan watter dier my vlagskip-aanbieding op die produksieveiling gaan wees, het ek dié vers gekies.” Charlene Fullard, wat tans ’n stoetery tussen Warden en Reitz begin, het haar aanlyn deur SwiftVee gekoop. Van Heerden sê ál 23 bulle wat hy op die veiling op Ashtonvale aangebied het, is verkoop. Die gemiddelde prys was R59…

Gevalle van bloutong versprei vinnig in Europa Uitbrekings van bloutong, ’n dodelike virussiekte by skape, versprei tans vinnig oor Noordwes-Europa en word klaarblyklik nie deur drie nuwe entstowwe gestuit nie. Volgens Science.com het ’n buitengewone sterk variant van die siekte sowat ’n jaar gelede in Nederland uitgebreek, en ondanks buurlande se handelsbeperkinge op lewende hawe het dit intussen ook na Duitsland, België, Frankryk, Luxemburg en Denemarke versprei. Dit het in Nederland binne twee maande na sowat 6 000 plase versprei en tienduisende skape het gevrek. Die virus word deur muggies na skape oorgedra. Nie alleen kan dit lei tot skaapvrektes nie, maar ook beeste raak siek daarvan en dit kan melkproduksie strem. Die uitbrekings het in die Europese winter toe dit te koud vir muggies was, afgeneem en drie entstofmaatskappye…

’N HOFSTRYD dreig oor ’n beweerde “eensydige” besluit om mielies se gradering nie sonder meer afwaarts aan te pas nie. Die destydse departement van landbou, grondhervorming en landelike ontwikkeling het op 16 Februarie en 1 Maart vanjaar regulasies in die Staatskoerant afgekondig ingevolge waarvan mieliebesendings met gesonde watergevlekte pitte nié meer afgegradeer kan word nie. Die Meulenaarskamer het op 14 Augustus ’n mosie by die hooggeregshof in Pretoria ingedien, waarvolgens hy die minister, Graan SA en Sagra dagvaar om die regulasies te hersien en tersyde te stel. Die regulasies is aangepas nadat mielieboere in 2023 self ’n aansoek by die regering ingedien het oor ’n verandering in die regulasies. Dit het gekom nadat ’n gesamentlike aansoek via die Mielieforum skipbreuk gely het. Landbouweekblad het in 2023 berig dat onafhanklike navorsing…

DAAR is tans groot klem op uitvoer omdat plaaslike produsente onder groot prysdruk verkeer, het Dewald Olivier, hoofbestuurder van die Red Meat Industry Services (RMIS), gesê op die Wagyu-konferensie wat op Maselspoort naby Bloemfontein gehou is. “Baie boere vra my hoekom ons soveel aandag aan uitvoer gee, en of ons dan nie die plaaslike mark in ag neem nie. Maar ons plaaslike mark sal bly voortbestaan, en solank as wat daar mense is wat rooivleis wil eet, sal dit nie doodloop nie.” Hy het egter beklemtoon dat die plaaslike verbruiker in Suid-Afrika sukkel om vleis, veral duurder snitte, te bekostig. “As ons geld in die sakke van die produsente wil sit, moet die hele bedryf meer uitvoer – ook om ruimte vir nuwe toetreders tot die plaaslike rooivleisbedryf te skep.”…

Die sogenoemde hongerseisoen heers tans in die lande noord van Suid-Afrika. Erge tekorte aan basiese voedsel kom voor, en die eerste volgende oes wat beskikbaar gaan word, is rondom Februarie of Maart 2025. Volgens die Verenigde Nasies se Voedsel- en Landbou-organisasie (VLO) ondervind 45 lande, waarvan 33 in Afrika, tans erge voedseltekorte. In ’n vorige rubriek is daarop gewys dat die Suid-Afrikaanse mielie-uitvoer tans eksklusief na die noorde gaan, en tot dusver is niks deur die Durban-hawe uitgevoer nie. Die mielie-uitvoer en voornemens is tans na aan 800 000 ton tot Oktober. Die VLO berig dat Afrika die streek is met die meeste honger mense – net meer as 20% van die bevolking of sowat 300 miljoen mense – en dat die persentasie aan die toeneem is. Afrika se voedselonsekerheid…

WOODLANDS DAIRY in die Oos-Kaap het onlangs met Infinite Industries en die byeboer Gavin Botes kragte saamgesnoer om byekorwe van herwonne materiaal te vervaardig. Infinite Industries, wat in die hersirkulering van verpakkingsmateriaal spesialiseer, maak die innoverende materiaal waarvan dié korwe gemaak word uit Tetra Pak-karton, wat gewoonlik vir die verpakking van melk en ander vloeistowwe gebruik word. Die verpakkingsmateriaal word omskep in planke van 14 mm tot 18 mm dik wat dan gebruik word om korwe volgens die klassieke Langstrothontwerp te maak. Woodlands Dairy het Infinite Industries reeds in 2021 genader met vrae oor hul produkte en kort daarna hul fabriek besoek. Aangesien volhoubaarheid uiters belangrik vir Woodlands Dairy is, was ’n vennootskap met ’n maatskappy soos Infinite Industries voor die hand liggend, sê Marisa Maccaferri, bemarkingsbestuurder van Woodlands Dairy…

Wes-Kaapse Jongboer Sy aanvaardingstoespraak as Wes-Kaapse Jongboer van die Jaar was nie vooraf neergeskryf of gememoriseer nie. Dean Barnard van Waboomskraal tussen George en Oudtshoorn het self nie eens geweet wat hy sou sê nie. Net etlike ure voor die aankondiging het Dean (40) langs ’n grondpad gebid dat God die regte woorde in sy mond sou lê. Met sy eerbewys in die hand en die gehoor se handeklap stil, het Dean weggetrek: “Op 25 Januarie 2021 wou ek my eie lewe neem. Ek het my pistool gaan haal en na ’n dam op my plaas gery. Ek het gehuil en gebid, ek was op ’n baie donker plek. Maar daar was ’n Bybel in my bakkie, en ek het dit net oopgemaak. ‘Ek, die Here jou God, sal jou…

Aktueel Wol Die Suid-Afrikaanse wolbedryf het in talle opsigte ’n voorsprong met gesertifiseerde wol van goeie gehalte, en moet probeer munt slaan uit “effens minder probleme” as ons eweknieë in Australië. Met die nuwe wolseisoen wat op 21 Augustus begin het, verwag verskeie belanghebbendes dat die pryse steeds onder druk gaan verkeer. Wol van goeie gehalte sal egter steeds vir boere die wa deur die drif trek, en hulle word gemaan om nie nou op gehalte in te boet nie en die geleentheid te benut om aandag aan hul produktiefste diere te skenk. Volgens Deon Saayman, uitvoerende hoof van Cape Wools, het die Australiese mark “in die Suid-Afrikaanse af-seisoen steeds gesukkel en het die rand sowat 2,5% sterker teenoor die Amerikaanse dollar verhandel vergeleke met die laaste veiling in die…

Die opnames wat Nampo Kaap en die raad van Bredasdorp-park onder besighede en uitstallers in die omgewing doen, dui daarop dat dié ekspo dié streek jaarliks ’n ekonomiese inspuiting van R10 miljoen tot R12 miljoen gee. Net sowat 50% van die instellings wat die vraelys in dié verband kry, gee egter hul terugvoer deur. Volgens Henk Aggenbach, voorsitter van die raad, het die munisipaliteit aangedui dat dit selfs meer is, en dat Nampo Kaap jaarliks R15 miljoen tot R20 miljoen tot die streek se ekonomie bydra. Hy beklemtoon dat hierdie ekspo van onskatbare waarde vir die Overberg is – nie net vir die plaaslike ekonomie nie, maar ook om samehorigheid in die gemeenskap te skep. Nampo Kaap vind van 11 tot 14 September plaas en die tema is: “Landbou: Die…

Op Nampo Kaap kan maatskappye eerstehands by produsente hoor wat hul behoeftes en verwagtinge ten opsigte van produkte en diens is. “Ons sal graag met boere gesels oor ons huidige produkte en dié wat in die vooruitsig is,” sê Hendrik van Staden, eenheidshoof van Syngenta se saadafdeling in Afrika. “Die personeel van ons afdelings vir saad, gewasbeskerming en digitale dienste sien daarna uit om saam met boere deur die demonstrasieperseel te stap. Ons wil graag die geleentheid gebruik om na ons kliënte te luister sodat ons hul behoeftes beter kan verstaan.” Op die Nampo-perseel is nege koringkultivars teen verskillende plantdigthede geplant, en produsente sal kan sien wat die uitwerking van plantestand op opbrengs is. Een van dié kultivars is SST 0208, ’n nuwe langgroeier wat die plek van SST 88…

Bester Voer & Graan (Bester) spesialiseer in die plaaslike en internasionale bemarking van landboukommoditeite. Bester se kern bestaan uit die graan- en veevoergrondstofwaardeketting, met die klem om waarde toe te voeg vir sy kliënte: produsente, verskaffers en afnemers. Sy dienste sluit in kontraktering, finansiering en verskansingstrategieë. Om die waardeketting vir sy kliënte te verbeter, het Bester ook belê in opberging, logistiek en produkverwerking. Bester het die afgelope dekade sy produkportefeulje uitgebrei met produkte soos pekanneute, makadamias en kunsmis. Bemarkers by Bester spesialiseer in spesifieke kommoditeite om kliënte met mark- en produkkennis te bedien. Hierdie kommoditeite sluit in: ■ Alle somer- en wintergraan■ Veevoerbymiddels, vitamiene en minerale■ Oliesaad■ Vismeel■ Pekanneute en makadamias■ Kunsmis■ Meulenaarsbyprodukte■ Oliekoek■ Katoensaad■ Lusern■ Molasse Graan Bester se graanafdeling bestuur die bemarking- en voorsieningsketting – van produksie tot…

Die landbou word beskou as ’n uitblinker wat betref die ekonomiese bydrae wat dié sektor veral in Afrika maak. Hierdie status as uitskieter is danksy die landbou se bevordering van voedselsekerheid en die bedryf se indiensneming van mense uit meestal middelen laerinkomste-huishoudings. Die landbousektor is ook ’n belangrike steunpilaar vir Suid-Afrika se ekonomiese groei, soos getoon deur sy bydrae tot die bruto binnelandse produk (BBP). Die sektor is ’n noodsaaklike werkgewer, en sy gunstige bydrae is duidelik sigbaar in sy voortdurende verbintenis tot inklusiewe groei en die werkskeppingmaatreëls soos uiteengesit in die landboumeesterplan. Met betrekking tot handel is die landbou se uitvoerverdienste uiters belangrik as inkomste vir die ekonomie, en het die afgelope twee seisoene rekordsyfers behaal. Veerkragtigheid en voedselsekerheid Die landboubedryf moet heelwat struikelblokke trotseer, soos klimaatsverandering, geopolitieke kwessies…

Die Kropz Elandsfontein-myn stel boere met trots bekend aan Nanophos, sy baanbreker-fosfaatproduk, en nooi hulle terselfdertyd uit om aan sy fosfaat-innovasiekompetisie deel te neem. Hiermee het jy die kans om ’n blywende impak op die toekoms van boerdery te maak deur jou kundigheid te kombineer met die revolusionêre Nanophos vir die beste fosfaatoplossing. Die Kropz Elandsfonteinmyn, geleë by Hopefield in die Wes-Kaap, is ’n pionier in volhoubare mynboupraktyke en fosfaatproduksie. Dié myn is toegewy aan die doeltreffende ontginning en verwerking van fosfaatrots, wat van groot belang vir wêreldwye landbouproduktiwiteit is. Met ’n verbintenis tot omgewingsbestuur en innovasie is Kropz Elandsfontein die voorloper in die vervaardiging van hoëgehalte-, volhoubare fosfaatprodukte. Kropz is ook daartoe verbind om die grense van omgewingsverantwoordelike fosfaatmynbou te verskuif. Kropz se rol in volhoubare landbou Voldoende voedselproduksie…

As veelsydigheid vir jou belangrik is en jy op soek is na ’n trekker met ’n lae gewig-tot-krag-verhouding wat aan jou spesifieke vereistes vir produktiwiteit voldoen, is die Deutz-Fahr 4090.4E-trekker die perfekte antwoord. Die Deutz-Fahr 4090.4E-kajuittrekker is ontwerp om aan die uiteenlopende behoeftes van moderne boerdery te voldoen en pas uitstekend by die Suid-Afrikaanse omgewing. Hierdie trekker se oogmerk is om jou so produktief moontlik te laat werk en terselfdertyd moegheid te verminder. Daarom is hy toegerus met ’n kragtige viersilinderenjin, gesinchroniseerde ratkas met verdeler- en kruiprat-opsies, ten volle hidrostatiese, onafhanklike remme op ál vier wiele met skyfremme wat in olie gedompel is, en ’n ruim kajuit. Met ’n verdelerratkas (splitter) kan die bestuurder die ratkas in twee stelle ratte verdeel, wat meer ratkeuses en beter versnellingsverhoudings moontlik maak. Dit…

Van die produkte wat BHBW bied, sal by Van Breda Agri (standplaas 21) op Nampo Kaap te siene wees. Bednar-werktuie vaar puik met stoppel- en grondbewerking wat moderne bewaringspraktyke in die Wes- en Suid-Kaap ondersteun. Só maak Swifterdisc-hoëspoedskottelwerktuie korte mette van dik kanolastoppels sodat reste fyner gekerf en beter met grond vermeng word. Die ekstraswaardiens-Terraland-tandwerktuig presteer met diepbewerking in onder meer klip- en nabanke om verdigtingslae op te breek en grond wat jare laas of nog nooit bewerk is nie, te deurlug. Aan die oeskant sit BHBW sy Kaapse bekendstelling van Geringhoff-strooptafels voort ná ’n baie geslaagde demonstrasieprogram in die Swartland verlede jaar. Die terugvoer was eenparig – daar is nie nog ’n tafel wat koring, kanola en ander kleingraan só skoon stroop en kontoere en ongelyke lande só gemaklik…

Simmentaler Sussex…

SUID-AFRIKA se voorraad witmielies is baie knap en hoewel daar nog voldoende voorraad vir plaaslike verbruik is, is die vraag van buite besig om by die pyplynvoorraad in te vreet. In ’n oorsig oor mielies se vraag en aanbod sê Graan SA witmielie-uitvoer het aansienlik toegeneem weens mislukte oeste in Suider-Afrikaanse lande wat nou van Suid-Afrika af invoer. Teen die middel van die bemarkingsjaar is reeds meer witmielies as in die hele 2023-’24-bemarkingsjaar uitgevoer. (Sien GRAFIEK.) As gekyk word na die verbruiksneigings op ’n maandgrondslag teenoor die vorige vyf jaar, is dit duidelik dat minder witmielies vir voedsel gebruik is. In teenstelling is daar op ’n maandgrondslag, vergeleke met die afgelope vyf jaar, ’n beduidende toename in diereen nywerheidsgebruik van geelmielies. Dit is goedkoper as witmielies en daarom word geen…

DIE gebeure in Augustus 2012 toe sowat R400 miljoen se skade aan infrastruktuur aangerig is en drie mense in gewelddadige betogings in die Ceres-gebied gesterf het, was een van die vonke vir die ontstaan van PALS. Dit het op die aand van 19 Augustus 2014 as die Witzenberg Partnership die lig gesien, het Pieter du Toit, uitvoerende direkteur van die Dutoit Groep en een van die stigters van PALS, gesê. Hy het gepraat op die algemene jaarvergadering van Witzenberg PALS op Ceres, waar die tienjaarmylpaal gevier is. Du Toit het verduidelik dat die gedagte was om invloed op beleid en volhoubare ontwikkeling in die land uit te oefen. Nadat die vennootskap ook die ondersteuning van die plaaslike munisipaliteit gekry het, het Witzenberg Partnership in 2015 die Witzenberg PALS NPC geword.…

Nuus Weer SKERP stygings in dagtemperature, gevolg deur skielike dalings, is normaal vir dié tyd van die jaar namate die seisoen begin verander en koue fronte steeds Suid-Afrika beïnvloed. Maksimum temperature het die afgelope weke vinnig begin styg, met temperature van 30 °C en hoër wat plek-plek aangeteken is. “Dit is tipies vir dié tyd van die jaar wanneer koue fronte redelik vinnig oor die land beweeg en voorafgegaan word deur warm en winderige toestande,” sê Johan van den Berg, onafhanklike landbouweerkundige. “Dit kan die indruk skep dat kouer toestande nie meer gaan voorkom nie.” Sinoptiese kaarte dui aan dat ’n paar koue fronte nog in September in aantog is. Die skommeling tussen warm toestande en vinnige skerp dalings veroorsaak gewoonlik die grootste rypskade. “Plante kry die sein om te…

Al hoe meer boere is bewus van biologiese gewasmiddels – sogenoemde biostimulante – en watter voordele dit vir gewasverbouing kan inhou. Die rede vir die groter belangstelling in biostimulante is die feit dat al hoe meer sintetiese plaagdoders verban word. Luidens ’n berig op agfundernews.com was die toename in tradisionele gewasbeskermingsmiddels wat nie meer vir boere beskikbaar is nie, ’n groot besprekingspunt by die onlangse 2024 spitsberaad oor biologiese produkte in Salinas, Amerika. Een van die beraadgangers het opgemerk dat biostimulante ’n groot stel potensiële oplossings verteenwoordig wat gerealiseer moet word. Biostimulante is nie bemestingstowwe nie. Hulle het ook nie ’n regstreekse invloed op plae nie. Luidens ’n artikel op die webwerf van die Universiteit van Massachusetts Amherst in die Amerikaanse deelstaat Massachusetts is die doel met biostimulante om plante…

Diversifikasie Vlak voor Prieska, waar die Oranjerivier tussen vrugbare oewers kronkel, pryk die silo’s en veevoerfabriek van die Oranjerivier-boerdery soos ’n baken. Dit is hier waar Johan Botha en sy familie al geslagte lank ook op besproeiingsgrond van graan tot wingerd verbou, en met Merino’s boer. Veevoer is een van die bene waarop dié landmerk gebou is, sê Johan sr., ’n derdegeslagboer wat homself reeds vroeg in 1982 hier ingegrawe het. Hy het nog die vergeelde dokument wat die knoop deurgehak het vir ’n “stroomop” transaksie in ’n tyd toe lusern net aan koöperasies verkoop is. Buiten die ORV-fabriek, waar veevoer vir kleinvee, beeste, wild en volstruise vervaardig word, bestaan die onderneming ook uit etlike hektaar landerye met meestal mielies, koring en lusern onder besproeiing, pekanneute en ’n wingerd vir…

Moet jy grond bewerk of bewaar? Met BKT se hoëgehaltebande hoef jy nie te kies nie, want dié bande stel jou in staat om die grond te bewaar terwyl jy dit bewerk. Boere dra eerstehands kennis van die struikelblokke wat klimaatsverandering meebring. Dit het ook die klem op volhoubare landboupraktyke verskerp. Die probleme wat boere ervaar, het gelei tot ’n verhoogde vraag na tegnologies gevorderde produkte, en BKT het hierop gereageer. Met ’n uiteenlopende reeks van meer as 2 400 voorraadeenhede streef BKT voortdurend daarna om boere se bondgenoot te wees wanneer dit by grondbewaring kom. Net soos Landbouweekblad se Trekker vir ’n Boer-reeks ’n oog op die toekoms hou deur landboustudente by trekkertoetse te betrek, moet die landbousektor ook toekomsgerig bly. Dié sektor speel ’n sleutelrol in voedselproduksie vir…

Die LEMKEN Solitair MR-reeks beskik oor ’n 1 500 litertenk, wat standaard beskikbaar is met kunsmis. ’n Tenk van 2 000 liter is opsioneel beskikbaar. Dit kan op aanvraag 60:40 verdeel word vir die gelyktydige toediening van verskillende applikasies. Voeg die 200 liter-MultiHub-saadtenk daarby, en die Solitair sorg vir uitmuntende doeltreffendheid en buigsaamheid. Verskillende sade kan in ’n enkele rit aangeplant word. Saad uit die MultiHub word via die bestaande saadlyne of via ’n keerplaat voor of agter die eg geplaas. Die MultiHub bied dieselfde aantal wydteseksies as die lugdrukplanter. Die kontroles is ook baie gebruikersvriendelik. Die MultiHub-beheer is ten volle in die ISOBUS-terminaal as ’n bykomende saadlyn ïntegreer. Die Solitair MR is toegerus met die instandhoudingsvrye OptiDisc-kouterstaaf met ryspasiëring van 12,5 cm of 15 cm. Dit beskik oor parallelogramgemonteerde…

Tef is ’n kostedoeltreffende en moeitevrye hooigewas wat ’n groot opbrengs op belegging lewer. Met minimale insetkoste en onderhoud, ’n lae aanplantingsrisiko en uitstekende opbrengs is die kultivar Tiffany, met saad wat verpil is, die ideale keuse vir produsente. Dié vlagskip-hooikultivar met sy unieke Yellow Jacket Coating-tegnologie verseker dat jou vee altyd toegang tot voer van die beste gehalte het. Om hooi aan te koop, kos van R2 500 per ton tot selfs R3 500 per ton na gelang van die gehalte, produksiearea en beskikbaarheid op die mark. Dié uitgawes is soms onvermydelik, veral wanneer die onvoorsiene gebeur, soos natuurrampe wat die produsent onverhoeds betrap. Vroegtydige beplanning en die vestiging van ’n voerbank, juis vir krisistye, help met kontantvloei, aangesien enige voer wat op die plaas geproduseer word, goedkoper is…

Die gereelde en deeglike skoonmaak van sonpanele is noodsaaklik om die beste uit jou sonkragstelsel te verkry (en aan waarborgvereistes te voldoen). Wanneer stof, blare en voëlmis op die panele ophoop, kan dit die hoeveelheid lig wat geabsorbeer word, beperk en jou sonkragstelsel se werkverrigting met tot 25% verminder. Met Stihl se hulp word hierdie taak vinniger, makliker en doeltreffender gemaak. Stihl se nuwe teleskopiese verlengstuk is ’n noodsaaklike stuk gereedskap wat aan jou Stihlhoëdrukskoonmaker geheg word. Die lengte kan met drie knippe verstel word van 1,57 m tot 4 m, en die werkhoek kan ook maklik verander word. Dit verseker dat alle areas van jou sonkragstelsel maklik skoongehou kan word en dat dit teen optimale vlakke funksioneer. Die geïntegreerde hoëdrukpunt van die verlengstuk het ’n goukoppelmeganisme wat ’n eenvoudige,…

As jy jou chemiese en bedryfskoste doeltreffend bestuur, kan jy jou winsgewendheid aansienlik verbeter. John Deere se spuite bied die tegnologie wat nodig is vir konsekwente toedienings met minimale vermorsing. Dié spuite het ook die jongste tegnologie en kom met die ondersteuning van jou plaaslike John Deere-handelaar. Selfaangedrewe R-reeks-spuite John Deere se selfaangedrewe 400R- en 600R-reeks spuite dek meer hektaar in ’n korter tyd. Dié spuite bied: ExactApply™-tegnologie. Hierdie spuitkoptegnologie is deur John Deere ontwerp en bied ’n pulsfrekwensie van tot 30 Hz en ’n A/B-spuitkopontwerp om oorvleueling te verminder. Die tegnologie verhoog ook doeltreffendheid deur te verseker dat die spuitmiddel die gewas teen presies die regte tempo en druppelgrootte bereik, ongeag die spoed waarteen jy beweeg. Dit sorg ook dat die produk korrek by die draaie versprei word. Druk-hersirkulasie…

Die gebruik van grond om voedsel te verbou, is ’n eeue oue konsep. In die Middeleeue het vyandige nasies mekaar se landerye met sout vernietig. Lank voor dit is in ’n gelykenis in die Bybel oor goeie saad en die verbouing van gewasse, al na hierdie beginsels verwys: “ ’n Saaier het uitgegaan om sy saad te saai; en toe hy saai, val ’n deel langs die pad en is vertrap, en die voëls van die hemel het dit opgeëet. ’n Ander deel het op die rots geval; en nadat dit opgeskiet het, het dit verdroog, omdat dit geen vogtigheid gehad het nie. ’n Ander deel het tussen die dorings ingeval; en die dorings het daarmee saamgegroei en dit verstik. En ’n ander deel het in die goeie grond geval…

In die 1980’s was oplossings vir probleme op die plaas nie net die klik van ’n rekenaarmuis ver nie. Boere moes self iets bedink en hieruit het blink planne voortgevloei. In 1987 het ’n landbouvoorligter van Graan SA, wyle Carel Koch, opgemerk dat elke boer ’n unieke manier het om sy spesifieke probleme te oorkom. Hy het besef daar is ’n behoefte om hierdie slim oplossings bymekaar te bring en vir die breër landbougemeenskap te wys. Hieruit is die Boereplanne-uitstalling op die Nampo-oesdag gebore. Die eerste Boereplanneuitstalling is in 1987 gehou en in 1988 het Omnia op die inisiatief van Vic Mouton as hoofborg aangesluit. Sedertdien is Omnia onlosmaaklik verbind aan die sukses van Boereplanne. Vandag is die Omnia Landbouweekblad Boereplanne een van die hoogtepunte op Nampo. “Ek onthou as…

BASF, ’n wêreldleier in landbou-oplossings, het Revycare® (reg.nr. L11409, Wet 36 van 1947) onlangs bekend gestel. Dit is ’n revolusionêre swamdoder wat beloof om Suid-Afrikaanse boere te help met die bekamping van sitrusswartvlek. Revycare® is die eerste swamdoder wat aan die Suid-Afrikaanse mark bekend gestel is wat Revysol®, ’n nuwe isopropanol-triasool, bevat. Dit word gekombineer met BASF se F500®, die toonaangewende strobilurien op die mark. Revysol® se unieke molekulêre struktuur maak voortreflike sistemiese en translaminêre beweging binne blare moontlik, wat deeglike siektebekamping en langdurige beskerming deur die hele gewasgroeityd verseker. BASF ondersoek Revysol® tans as ’n oplossing vir verskeie ander siektes by verskillende gewasse. “By BASF is ons toegewyd daaraan om innoverende oplossings te ontwikkel wat boere ondersteun met die bekamping van probleme binne gewasbeskerming,” sê Rita van der Merwe,…

Laaigraaf kan vele take aanpak Die Caterpillar 908K Compact Wheel-laaigraaf kan saam met ’n klomp toerusting gebruik word. Dié veeldoelige laaigraaf word aangedryf deur ’n Cat C3.3BDIT-turboaangedrewe viersilinderenjin wat 55 kW lewer, en het ’n bakkapasiteit van 1 m³ wat tot 3,4 m hoog kan lig. Talle bykomende stukke gereedskap, soos die grondboor op die foto, kan aan die laaigraaf gekoppel word vir alle soorte grondwerk, en dit het ’n kruiprat bykomend tot sy volledig outomatiese transmissiestelsel. Die kajuit is ten volle gedigitaliseer en het lugversorging. Die model is deel van ’n reeks Caterpillargrondbewerkingsvoertuie, en word deur Barloworld Equipment van Kaapstad bemark. PRYS: R2,14 miljoen. NAVRAE: Clinton Carelse, 082 805 7288. Kampeerlamp bied lank helder lig Die herlaaibare Malkin Thunder-kampeerlamp kan lank aaneen brand. Met die draai van ’n knoppie…

Hoe het jy in die afslaersbedryf beland? En hoe lank was jy ’n afslaer? Ek het in November 1981 as ’n bemarkingsagent by BKB begin werk. In daardie jare is daar weekliks groot veilings gehou op Vryburg, van waar ek toe gewerk het, waar 2 000 tot 3 000 beeste opgeveil is. Toe reeds het afslaerswerk my gefassineer. In November 1982 is ek na Johannesburg verplaas. Daar het ek die afslaersbedryf leer ken, eers as laaibeampte, daarna as veilingsklerk en toe as leerling-afslaer. In 1984 is ek by BKB as afslaer aangestel. Ek het in 1987 ’n stoetvee-afslaer geword. Ek is dus al vir 40 jaar ’n afslaer. Jy het genoem jy is eintlik afgetree. Hoe gaan dit met die aftrede? Ek het nog nie afgetree nie en werk steeds…