Landbouweekbladの 24 August 2023 の目次

’n Ode aan boervroue Vrouwees is my passie, veral wanneer dit by boervroue kom. Hierdie vroue is werklik goud werd, want hulle is die sout van die aarde en werk net so hard soos enige manlike boer. Sy staan deur dik en dun by haar man, daarom dra ek hierdie brief spesiaal op aan al ons boervroue ter viering van Vrouemaand in Augustus. Naas God is ons in die skuld by vroue – eerstens vir die lewe self en ook omdat hulle die lewe die moeite werd maak. Vroue . . . Uit die geskiedenis wat ek gelees het, het ek tot die gevolgtrekking gekom dat die gedrag van vroue die mees onfeilbare barometer is om die vlak van moraliteit en deug van ’n volk te bepaal. Ons het pragtige,…

BOERE in die Karoo kan nou die tweede weergawe van die gewilde Nama Karoobossietoepassing gratis op hul selfone aflaai, wat bekend staan as Nama Karoo Plants and Veld. Die nuwe ikoon is ’n blou-enwit blommetjie wat die swarten-witte vervang. Die nuwe weergawe kan van die GooglePlay- en iOs-platform afgelaai word. Soek net vir Nama Karoo Plants and Veld. Die eerste weergawe sal nog op fone werk tot die nuwe weergawe afgelaai word. Sodra die toepassing afgelaai is, is internetverbinding nie verder nodig om dit te laat werk nie. Die nuwe weergawe van die selfoontoepassing bevat steeds al die vorige inligting oor algemene veld- en weiplante van die Nama-Karoobioom en behou dieselfde funksionaliteit wat die vorige weergawe gehad het, sonder om te registreer. Daar is ’n nuwe kiesopsie beskikbaar waarmee die…

Die grootste fout wat die Kostergemeenskap gemaak het toe hy met die hulp van ’n hofbevel die dorp se riool-en-watersuiweringsaanleg oorgeneem en herstel het, was om suksesvol te wees. Willie Jones, ’n ingenieur wat grootliks vir die herstelwerk verantwoordelik was, sê die owerhede sou wou sien dat hulle misluk en toe hulle suksesvol was, is alles moontlik gedoen om hul goeie werk te saboteer. Die gemeenskappe van Koster en Swartruggens het regsgeskiedenis gemaak toe die hooggeregshof hulle toegelaat het om in 2021 die beheer oor die plaaslike rioolen wateraanlegte oor te neem. Ná jare se gesukkel met watertoevoer en rioolbesoedeling het die inwoners van die dorpe binne dae die probleme self opgelos. In ’n onverwagse wending het ’n ander regter van die hooggeregshof in Mahikeng ’n paar maande later beslis…

Otto Lessing kon sy oë nie glo toe hy kom kyk hoe vorder die koringstroper nie. Dit was nie dat daar fout was nie. Die stroper het fluks gedreun en daar is goed gevorder sedert sy vorige inspeksie. Maar die stroper se drywer het kettie in die hand langs die stroper gestap, op soek na ’n haas vir sy aandete. In beheer van die stroper was ’n klein blondekoppie wat met groot konsentrasie tussen die speke van die John Deere 630 se stuurwiel deurgeloer het. Dit was sy seun, Lukas, toe vyf jaar oud. Vandag is daardie seuntjie 26 jaar oud en die destydse stroper is vandag sy eie seuntjies, Otto (4) en Johannes (18 maande), se klimraam op die plaas Alto, ’n paar kilometer buite Marquard, vertel Lukas. Hy…

Geldbeplanning Mense se aanlyn teenwoordigheid het tot gevolg dat hulle moontlik oor ’n verskeidenheid virtuele bates beskik. Dit is dus noodsaaklik dat ’n mens se boedelplan duidelike instruksies bevat oor hoe jou eksekuteur of geliefdes ten tye van jou afsterwe met jou virtuele bates moet handel. Om die proses makliker te maak, kan jou digitale bates in vier hoofkategorieë ingedeel word, naamlik: 1. Sosiale media, byvoorbeeld Facebook, Instagram, Twitter, Pinterest en LinkedIn.2. Media, soos foto’s en video’s wat in die wolk gebêre word, en e-boeke.3. Kommunikasie, byvoorbeeld e-posse, Skype, Zoom en verskeie ander boodskaptoepassings.4. Finansieel, byvoorbeeld virtuele geldeenhede (soos Bitcoin), lojaliteitsprogramme en aanlyn betalingsrekeninge (soos PayPal). Dit is belangrik om ’n inventaris op te stel van ál jou virtuele bates, asook hoe toegang tot hierdie bates verkry kan word (fisiek…

Rohan Beukes. Die 2.4 X het nie al die toerusting van die ander bakkies nie, maar hy is koning op die 4x4-baan, hoofsaaklik danksy die handratkas. Sy enjinkompressie met lae strek in eerste rat was ongelooflik goed. Hy kon met gemak teen ’n baie steil helling af, sonder iets soos afdraandebeheer. Hy het in geen toets sleg gevaar nie en kon alles doen wat hy moes. Dié bakkie is beslis een van my gunstelinge. Chris Visser. Ek is werklik beïndruk met die 2.4 Raider X. Hy het die beste op die hindernisbaan gevaar en was opvallend minder rukkerig hier as die ander bakkies. Ek verkies die 2.4 Raider X se vering bo die Hilux 2.8 GR-Sport s’n. (Ek dink die GR-S is dalk te hard geveer.) Die 2.4 ry sagter.…

Intensiewe verbouing, verhoogde voedingstofbehoefte en boerderypraktyke kan tot multi-mikrovoedingstoftekorte lei. ’n Herevaluering van die bemestingspraktyke is nodig om in die verhoogde behoefte te voorsien en optimale opbrengste te verseker. Verskeie faktore bestaan wat die herevalueringsproses sal beïnvloed. Net klein hoeveelhede mikroelemente is nodig, maar dis wel belangrik vir groei. ’n Gebrek aan mikrovoedingstowwe kan kritieke plantfunksies beperk, wat lei tot plantafwykings, verminderde groei en laer opbrengspotensiaal. ’n Mikro-element kan by talle groeifunksies betrokke wees. ’n Groot aantal grondfaktore beïnvloed die plantbeskikbaarheid van mikro-elemente. Die totale konsentrasie van ’n mikrovoedingstof in die grond kan egter ’n swak aanduiding wees van die beskikbaarheid daarvan vir die mielieplant. Grondtoetsing én plantweefselontleding is nuttig. Plantweefselontledings is belangrik om tekorte te diagnoseer. Let net op die tyd van ontledings en norme. Opname Voedingsopname is afhanklik…

Kos Mossels in masalaroomsous ■ 1 groot ui, baie fyn gekap■ 45 ml botter■ 3 knoffelhuisies, baie fyn gekap■ 7 ml masala■ 125 ml witwyn■ 250 ml room■ 700 g heel mossels Braai die ui in ’n groot, diep swaarboompan oor lae hitte in die botter tot sag en gaar, maar nie bruin nie. Voeg die knoffel en masala by en braai verder, tot die knoffel sag is. Voeg die witwyn by en laat opkook, terwyl jy die boom van die pan met ’n houtlepel skraap. Kook die wyn af tot ongeveer die helfte van die vloeistof oor is. Voeg die room by en laat vinnig opkook. Prut vir ’n paar minute tot die room effens afgekook is. Voeg die mossels by, bedek die pan en stoom vir 10 minute.…

Joh. 10:10 sê: “ ’n Dief kom net steel en slag en uitroei; Ek het gekom sodat hulle die lewe kan hê, en dit in oorvloed.” Die bose mens sal probeer om alles op jou plaas te ontwrig. Ons as boere moet hom teenstaan deur die waarheid in liefde te praat en met mekaar in die lig te wandel. Ons moet deursigtig met ons personeel wees, met mekaar en met ons gesinne. Onthou julle die telefoontjiespeletjie? Kinders het in ’n kringetjie gesit en dan het die eerste kind iets in die kind langsaan se oor gefluister, totdat die boodskap dikwels heel anders by die begin uitgekom het. Dit is hoe dit ook in die werklike lewe werk. Die duiwel neem iets kleins en maak ’n groot kwessie daarvan. As jy…

TOM RETIEF (90), voormalige skaap-en-woladviseur van Somerset-Oos, is onlangs oorlede. Hy word deur vele onthou vir sy toewyding tot die skaap- en bokhaarbedryf. Volgens sy seun, Johan, was Tom ’n perfeksionis en in alle opsigte toegewy aan sy werk, eers by BSB en later BKB, lojaal en het hy sy lewe gegee vir die Somerset-Oos-boeregemeenskap, maar het dit ook verder gestrek. Tom het sy loopbaan as veldagent in 1956 in Somerset-Oos begin het by die destydse BSB (vandag BKB) waarna hy in 1995 by BKB afgetree het. Ná sy aftrede het hy op SomersetOos aangebly. “Tom is sekerlik een van die grootste – indien nie die heel grootste nie – Merinomanne, wat ooit sy voete op Fairworld gesit het,” skryf Willem van Aardt van die Merino-stoetery Fairworld, oorspronklik van Kookhuis…

MEESTERKLASSE Familieboerderymeesterklas met Theo Vorster en Landbouweekblad. 23 AUGUSTUS: Potchefstroom. 28 AUGUSTUS: Gqeberha. 6 SEPTEMBER: Douglas. 21 SEPTEMBER: Mbombela. Kaartjies beskikbaar op Quicket (soek na Landbouweekblad), events@landbou.com BOEREDAE 23 AUGUSTUS: SSK-wintergraandag, Riversdal. Prof. Francois Durand gaan praat oor hoe weerpatrone besig is om te verander, veral in die Wes-Kaap. Gerdus Steyn, 082 521 4515. 31 AUGUSTUS: Boeredag, Transveld Meatmaster-klub. Sprekers, stalletjies, demonstrasies. Terence Long, 078 615 4917; Frits Hoogendijk, 083 230 6332. KONGRESSE 29-30 AUGUSTUS: Nasionale mielie-en-sojaboonkongres, Sun Park-sentrum, Sun City. Die hoofspreker is Randy Dowdy, wêreldrekordhouer vir sojaboonopbrengs onder besproeiing. Vermaak deur Ricus Nel en Pietman Geldenhuys. Elim, 012 252 4455, e-pos: info@elimfertiliser.co.za 30-31 AUGUSTUS: Kongres, nasionale Rooivleisprodusente-organisasie. Future Africa-konferensiesentrum, Universiteit van Pretoria. Corine Steyn, corine@rpo.co.za 6-7 SEPTEMBER: Kongres, Vrystaatse Vrouelandbou-unie. Sandstone Sleeper-landgoed naby Bloemfontein. Winnie Ward, 084 407…

MEER as 115 Suid-Afrikaanse sake-ondernemings het ’n lys van stappe opgestel wat nodig is om die stagnerende ekonomie ’n hupstoot te gee en te keer dat werkloosheid verder toeneem. Die betrokke sakeleiers het volgens die mediamaatskappy Bloomberg vroeër vandeesmaand aan pres. Cyril Ramaphosa gesê as daar nie dringend stappe gedoen word om aan Suid-Afrika se energie-, logistieke en misdaadkrisisse aandag te gee nie, kan werkloosheid teen 2030 tot 38,1% styg. Die syfer is tans 32,9%. Suid-Afrika se werkloosheid is reeds onder die hoogste in ’n groep van meer as 80 lande waar Bloomberg werkloosheid monitor. Sakegroepe het ’n aanbieding aan Ramaphosa gemaak wat gegrond was daarop dat die ekonomie met gemiddeld slegs 0,75% gaan groei indien daar nie vordering met die drie groot probleme gemaak word nie. Die sakegroepe werk…

Wat het julle tot dié stap genoodsaak? Ons glo die Europese Unie (EU) se huidige formaat van klassifikasie van swartvlek is onregverdig, dat dit diskrimineer en nie wetenskaplik gegrond is nie. Amerika, China en Australië huldig dieselfde standpunt hieroor. Suid-Afrika voer al vir 110 jaar sitrus na Europa uit, maar swartvlek is eers die afgelope agt jaar vir die EU ’n probleem en hy hou aan daarmee. Ons voer al vir meer as ’n eeu ons vrugte na die EU uit. Dit is pragtig oranje, sappig, lekker soet en suur en boonop baie gewild onder Europeërs. Het julle die regering se steun en is die saak dringend? Ons glo en vertrou die regering is oortuig van ons saak en sal die dispuut verklaar. Die dispuutverklaring is dringend wat die toekoms…

VOERKRALE, boere, spekulante, afslaers, abattoirs en kopers op veilings kan wetend of onwetend gesteelde vee ontvang. Hulle oortree dan die wet en kan swaar beboet of vervolg word, , sê Louis Wessels, voorsitter van die nasionale komitee om diefstal te voorkom. Identifikasie van diere ’n Wettige, onverwyderbare merk is die eerste verdedigingslinie teen veediefstal. In Suid-Afrika maak wetgewing voorsiening vir ’n doeltreffende diere-identifikasiestelsel. Die Wet op die Identifikasie van Diere (Wet 6 van 2002) maak die merk van vee verpligtend. Dit help die bedryf en die Suid-Afrikaanse Polisiediens (SAPD) om veediefstal te bestry en om gesteelde vee makliker te kan terugvind. Dit blyk egter dat talle mense en instellings wat met vee handel dryf, nie die bepalings van die betrokke wetgewing nakom nie en dus nie voldoen aan die basiese…

Toets self vir alkohol in werkplek Alco-Safe, verskaffer van alkohol- en dwelmtoetse, het onlangs ’n nuwe weergawe van sy alkoholtoetser vir die werkplek, Alcontrol Smart Connect, bekend gestel. Dit is ’n selftoets-toestel wat by toegangspunte tot die werkplek geïnstalleer kan word. Die werknemers toets dan self hul alkoholvlakke voordat hulle die gebou betree of verlaat. Die installering kan deur enigeen met tegniese vaardighede gedoen word, dus is ’n spesialistegnikus nie nodig nie. “Vrywillige selftoetsing is ’n belangrike hulpmiddel vir bedrywe waar herhalende positiewe alkoholtoetse prestasie kan beïnvloed en tot werkverlies kan lei,” sê Rhys Evans, besturende direkteur van Alco-Safe. Danksy ’n nuwe kommunikasieprotokol stryk die nuwe weergawe ook die probleme uit wat voorheen ondervind is tussen die toestel wat die asem toets, en die werkplek se biometriese toegangsbeheerstelsel. Dit is…

Shell Lubricants Suid-Afrika dryf vernuwing en tegnologiese vooruitgang in die landboubedryf om sodoende ekonomiese groei stukrag te gee. As een van die sleutelbelanghebbendes in die landboubedryf het Shell Lubricants, deur sy produkte en tegniese dienste, oor die jare vernuwende tegnologie aangewend om ekonomiese, omgewings- en maatskaplike volhoubaarheid van boerderybedrywighede in Suid-Afrika te verseker. Omgewingsvriendelike produkte van hoë gehalte As verskaffer word daar van Shell verwag om volhoubare produkte en dienste aan te bied en om dit vir klante makliker te maak om goeie keuses te maak. Die meeste van die oorspronklike voertuigvervaardigers (OEM) in Suid-Afrika wil alternatiewe voertuie met ’n laer koolstofspoor aan hul huidige en toekomstige klante lewer. Veral die landboubedryf moet die werksduur van hul toerusting, soos trekkers, stropers en ploeë, verleng, terwyl hulle hul netto koolstofvrystelling verminder…

Wanneer internasionale koringpryse laag is, word die plaaslike prys deur ’n veranderlike tariefformule beskerm. Die verwysingsprys wat gebruik word vir die tarief om in werking te tree, is die vyfjaargemiddelde vry-aan-boordprys vir die Amerikaanse kontrak Nr. 2 harde rooi winterkoring (HRW). Dit is tans $280/t (sowat R5 033/t). Die plaaslike prys is dus nog sowat R1 000/t hoër as die verwysingsprys. Die spesifieke Amerikaanse winterkoringkontrak se prys is as verwysingsprys gekies omdat Suid-Afrikaanse koring se gehalte goed daarmee vergelyk. Heleen Viljoen, junior ekonoom by Graan SA, sê die meeste van Suid-Afrika se koringinvoer kom gewoonlik uit lande soos Pole, Litaue en Letland. Die lande wissel van seisoen tot seisoen na gelang van die gehalte van die plaaslike oes. Plaaslike koring word met ingevoerde koring vermeng. In die huidige bemarkingsjaar (2022-’23)…

Sluitingsdatum: 14 September 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: In die water. Lees op bl. 96 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 97 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 14 September 2023. Geen…

GAUTENG PRETORIA HARTBEESTFONTEIN (240), 128 ha, aan M.J. Muller, van F.J. Lambrechts, R3 250 000. JAKKALSDANS (243), 21 ha, aan die nasionale regering van die Republiek van Suid-Afrika, van C. Lai, R4 092 592. KLIPFONTEIN (498), 121 ha, aan Markon River Lodge (Edms.) Bpk., van S.R. Downie, R1400000. WITKLIP (539), 21 ha, aan K.J. en T.E. Tivana, van J.T. Fourie, R1 500 000. ZONKOLOL (473), 22 ha, aan Yithabantu Prop (Edms.) Bpk., van T.K. McCahon, R2600000. KWAZULU-NATAL BALLITO RESERVE NO 7A (15826), 40 ha, aan S.T. Wu, van S.A. King, R1 450 000. LADYSMITH BULWERTON (4315), 66 ha, aan Sharp Sharp Fresh Foods (Edms.) Bpk., van Catlett Farms (Edms.) Bpk., R4 500 000. CECILIA DALE (10268), 178 ha, aan Smit & Associates BK, van J.J. Bezuidenhout, R3500000. KLIP POORT (1082),…

Tjorts! Vat ’n dop op herlewingslandbou Tyger Lager, ’n bier gebrou van gars uit ’n proef wat volgens herlewingslandboubeginsels verbou is, is onlangs bekend gestel. Die gars is verlede jaar op die Tygerhoek-navorsingsplaas by Riviersonderend geoes en AB InBev het die bier in die mikro-aanleg op hul plaas by Caledon gebrou. Op die foto vier, van links, Lungisa Joko, Lisa Smorenburg, Guy Musto en Qiniso Ndlovu die eerste bier. Joko en Ndlovu is landboukundiges by AB InBev, Smorenburg, ’n tegnikus by die Wes-Kaapse departement van landbou, bestuur die herlewingsproef, en Musto doen ’n meestersgraad oor die proef aan die Universiteit Stellenbosch. Die proef sluit kontantgewasfases, dekgewasse, byekorwe en Merino-skape wat die dekgewasse benut, in. Die Suid-Afrikaanse garsteelinstituut (Sabbi) en AB InBev het saad van die Kadie-kultivar vir die proef geskenk.…

Anderkant die reënboog Wet en orde. Dít is die stewige fondament waarop enige gesonde samelewing gebou word. Daarsonder raak die lewe gou wankelrig, steier, en stort uiteindelik in duie. En dit is dan wanneer al die woede, verwyt, hartseer en trauma kom. Dit is hoekom die handhawing van wet en orde as ’n staat se mees basiese plig teenoor sy burgers beskou word. Om seker te maak dat die nodige reëls daar is en dan om te verseker dat almal daarby hou. Teenoor diegene wat hulself nie aan die bepaalde voorskrifte van die samelewing wil onderwerp nie, word die staat se monopolie op geweld ingespan. Eers die polisie, dan die regstelsel en uiteindelik, as die stelsel werk, die binnekant van ’n tronksel. Daar kan eenvoudig nie ’n belangriker taak wees…

BY Verkeerdevlei in die Vrystaat smeul die lont nog nadat die polisie met groot magsvertoon twee vroueboere, Janné en Liza-Marie Smith, en hul buurman Hendrik Steyn onlangs in hegtenis geneem het. Die drie is aangekla van regsverydeling, ontvoering, aanranding en poging tot moord oor die manier waarop hulle vermeende veediewe behandel het en sal op 5 September weer in die hof op Brandfort verskyn nadat hulle op borgtog vrygelaat is. Burgerregte- en landbouorganisasies het egter hul kommer uitgespreek oor die 30 polisielede wat in 13 voertuie sonder ’n lasbrief op die Smith-susters se plaas toegesak het om die twee jong vroue in hegtenis te neem. Dieselfde polisiediens kon egter nog nie vorder met ’n ondersoek ná die onlangse diefstal van omtrent 150 skape op die twee susters se plase nie.…

SUID-AFRIKA se top-tien landbou-uitvoerprodukte na Afrika sluit onder meer mielies, appels, voorbereide voedsel en wyn in. Daarvan word mielies, appels en wyn ook met ander lande wêreldwyd verhandel, soos Amerika en lede van die Europese Unie. Suid-Afrikaanse boere verdien dan in dollars en euro’s. Suid-Afrika se landbou-uitvoer na Afrika was egter onlangs ’n dalende deel van sy totale landbou-uitvoer, terwyl byna 50% van uitvoer na Afrika vir lande in die Suider-Afrikaan se Doeane-unie (Sadu), naamlik Namibië, Botswana, Eswatini en Lesotho, bestem is. As die ander lande van die Suider-Afrikaanse Ontwikkelingsgemeenskap (SAOG) bygevoeg word, absorbeer dié lande byna 90% van Suid-Afrika se landbou-uitvoer na Afrika. Suid-Afrika is saam met Namibië, Eswatini en Lesotho deel van die Gemeenskaplike Monetêre Gebied (GMG) waar hul geldeenhede gelykstaande in waarde is. ’n Voordeel van dié…

Sedert einde Julie begin gevaarligte weer flikker wat die voorsiening van basiese graan in die wêreld betref, veral vir arm Afrikalande wat netto voedselinvoerders is. Rusland het op 18 Julie uitgetree uit die Swartsee-graanooreenkoms, wat Oekraïne toegelaat het om graan deur die Swartsee uit te voer. Kort daarna het Rusland uitvoerhawens en graanterminale van Oekraïne, ook op die Donau-rivier, gebombardeer en beskadig, en duisende ton koring vernietig. Rusland het daarna aangekondig dat hy koring aan Afrikalande sal skenk of baie goedkoop sal voorsien. Intussen het Indië, die grootste uitvoerder van rys, ’n verbod geplaas op die uitvoer van sekere soorte rys om te verseker dat voldoende en goedkoop rys plaaslik beskikbaar is ná ’n moeilike seisoen. Indië is tans die land met die grootste bevolking – sowat 1,4 miljard –…

Die tafel in die middel van André van Pletzen se hardeware-en-dekorwinkel op Kroonstad is wel nie rond nie, maar hier kom hedendaagse ridders byeen om hul “koninkryk” te beskerm teen plundering en verval. Dit is by dié tafel dat die Ignite and Revive-groep sy skoonmaak-aksies beplan, petisies teen korrupsie opstel, en waar die groep met ander dorpe se gemeenskapsleiers, kritici en selfs politici aan albei kante van die spektrum gesels. Net soos Camelot se ronde tafel is daar nie ’n hiërargie nie, maar André is die man wat sakelui, inwoners en die munisipaliteit saamtrek en ook die boodskap van regruk na die res van Suid-Afrika versprei. Hartbeespoort, Parys, Rooiberg en selfs die Moot in Pretoria is deur Kroonstad aangesteek. Só ook Delmas in Mpumalanga, wat pas R1 miljoen losgeslaan het…

Brief uit die buiteland Hy het altyd met die een voet in Suid-Afrika en die ander een in Zambië gestaan, maar Renier Jansen van Vuuren beskou dié land al langer as ’n dekade as sy tuiste. Hiervandaan reis hy landwyd en die wêreld vol. Buiten dat hy bok- en beesrasse help teel wat geskik is vir Zambië se subtropiese klimaat, is hy betrokke by verskeie projekte om die landbou te ontwikkel. Die opleiding en opheffing van klein- en opkomende boere lê hom die naaste aan die hart. Vertel meer van jou besigheid en hoe jou gesin in Zambië beland het? Ek het tussen Suid-Afrika en Zambië grootgeword met my ouers wat in die jagbedryf in Zambië betrokke was. My ouers het ’n jagkonsessie van meer as 300 000 ha internasionale…

Taai en weerstandbiedende gras- en breëblaaronkruid kan mielie-opbrengste ’n ernstige knou gee, en dit is juis hier waar Yamato® 480 SC sy staal wys. Met sy spesifieke chemiese samestelling bied dié onkruiddoder doeltreffende bekamping van ’n wye verskeidenheid onkruidsoorte in talle grondtipes, met aanpasbare opsies vir voor- en ná-opkomstoediening. “Weerstandbiedende grasen breëblaaronkruidsoorte bly ’n probleem vir mielieboere in hul soeke na doeltreffende bekamping van onkruidmededinging in mielielande,” sê Bennie Buys, Philagro se produkbestuurder vir onkruiddoders. “Ons plaaslike navorsingsproewe het getoon dat Yamato® veilige gewasbeskerming bied en hoogs aanpasbaar aangewend kan word na gelang van elke boer se spesifieke behoeftes. Die produk is veilig vir gebruik by mielies en kan dus met gemoedsrus toegedien word.” Die toename in onkruidbevolkings het die afgelope paar seisoene aansienlike verliese by verskillende gewasse veroorsaak. Die…

Voëlkykers moet ’n hele dag opsy sit vir die De Mond-natuurreservaat naby Struisbaai en Agulhas. Selfs langs die toegangspaaie na die reservaat kan voëlkyk uitsonderlik wees. In Januarie het ons net ná laaggety na die mond aan die oostelike kant van die strandmeer gestap en byna dadelik ’n aantal kleinwulpe gekry. Daar is ook heelwat swarttobies, bandstertgriete en grysstrandkiewiete, met groot getalle ringnekstrandkiewiete, krombekstrandlopers, gewone ruiters en geelborsstrandkiewiete. ’n Verdere bonus is om ’n groot swerm grootflaminke wat in die vlak water voer, te sien terwyl die branders van die Indiese Oseaan op die agtergrond breek. Kleiner getalle nomadiese kleinflaminke kom ook soms hier voor. Ons bekyk waadvoëls tussen die groep kleinwulpe en grysstrandkiewiete en kom agter ons het dalk met iets anders te doen. Tot ons groot opwinding vind…

DOK JAPIE, soos almal hom genoem het, het vier weke voor sy dood nog dragtigheidsondersoeke gedoen op koeie in Zimbabwe, waar hy gewoon het. Teen 2018 het hy al meer as 1,6 miljoen dragtigheidsondersoeke agter die rug gehad. Sy seun dr. James Jackson, ook ’n veearts, sê sy pa het onlangs by sy twee dogters, 10 kleinkinders en 26 agterkleinkinders in Nieu-Seeland gaan kuier. Hy het daar longontsteking opgedoen en is ná ’n kort siekte dood. Hy is daar begrawe. Dok Japie is op 20 Augustus 1931 op die plaas Riverton in die destydse Suid-Rhodesië (Zimbabwe) gebore. Sy ou klasmaat dr. Rudolph Bigalke, ’n voormalige direkteur van die Onderstepoort- Veterinêre Instituut (OVI), sê Dok Japie was ’n goeie vriend en gewild by al sy klasmaats. “Ek het Japie gesien die…

In die TABEL is ’n ontleding van grondtransaksies groter as 10 ha in Gauteng, KwaZulu-Natal en Limpopo vanaf verlede Augustus tot Julie vanjaar. Daar was 555 transaksies in Gauteng en 65 269 ha is vir R4,071 miljard verhandel. Die meeste distrikte toon dalende prysneigings. In 76% van die distrikte in KwaZulu-Natal is gunstige prysneigings waargeneem. In die betrokke tydperk is 310 transaksies in 13 distrikte gesluit. Dit het 92 795 ha teen R2,504 miljard behels. Pryse het veral gestyg by Jozini (17,6%), Ulundi (14,2%) en Louwsburg (13,1%). Dit het met 15% gedaal by Utrecht. Altesame 542 ooreenkomste is in 12 distrikte in Limpopo gesluit. Dit het 219 269 ha teen R3,439 miljard behels. In 58% van die distrikte in die provinsie is verbeterings in die grondpryse opmerklik. By Soekmekaar het…

Besoek landbou.com/veilings vir die jongste veilingsnuus Kommersiële Bonsmara-koeie is vir verstommende pryse verkoop op die Vlakte Bonsmara-studiegroep se 17de produksieveiling wat op die plaas Doornpan van Tian Kruger by Roedtan gehou is. Die hoogste prys was R74 000 wat vir elk van vier koeie (3-in-1) van Kruger betaal is. Die koper was Koos Hartzenberg van Zebediela. Die gemiddelde pryse vir die kommersiële vroulike diere was soos volg: R50 166 vir koeie (3-in-1), R39 859 vir koeie met kalwers, R33 125 vir dragtige verse, en R12 000 vir speenverse. Twee stoetbulle het saam die hoogste prys van R180 000 elk behaal. Albei is deur Jean Gouws van Aldigo Bonsmaras, Roedtan, aangebied. Die kopers was Hardus de Beer en Hartzenberg. Kobus du Toit, voorsitter van die groep, meen die hoë pryse vir…