Landbouweekbladの 1 June 2023 の目次

Kan dít die skaal swaai? Nuwe regulasies wat dit moontlik maak vir gekwalifiseerde dieregesondheidstegnici en veeartsenykundige verpleërs om onafhanklike praktyke te open, kan toegang tot dieresorg verbreed en die druk op veeartse verlig. Die Nasionale Wolkwekersvereniging meen sulke tegnici kan die druk op veeartse verlig deur dragtigheid te bepaal, vrugbaarheid te toets en monsters te neem, wat veeartse sal toelaat om moeiliker en meer ingrypende prosedures te behartig. Die Suid-Afrikaanse Pluimveevereniging wys daarop dat talle kleiner pluimveeboere nie veeartse raadpleeg nie vanweë die koste, en hier kan para-veeartsenykundiges ’n “groot bydrae” lewer. Die nasionale dieregesondheidsforum meen die stap kan kapasiteitstekorte binne die staat se dieregsondheidsektor aanvul, veral tydens ernstige dieresiekte-uitbrekings. Talle afgeleë plattelandse gebiede is ook onderbedien wat veeartse aanbetref. Daar word gehoop dat dié tegnici toegang tot professionele dieregesondheidsorg…

POSBUS 1802, KAAPSTAD 8000; e-pos: lbw@landbou.com Om minder te maak WENBRIEF Ek pak kort-kort vir my sibbe ’n pakkie vintage treasures uit my ma se huis. Vir hul “straf”. Omdat hulle my alleen gelos het om al die papierwerk te doen en klein dingetjies op te ruim toe my ma versorgingseenheid toe is. Dan hoef ék dit nie weg te gooi nie, want my hart sal dit nie hou nie. Hoe gooi ’n mens ’n Landbouweekblad van 1992 weg waarop jou ma hierdie sin geskryf het? “Die laaste boek wat jou pa in die hospitaal gelees het.” Twee dae later het die non saggies met haar wit gewaad in die kamer ingekom met ’n takkie uit die hospitaal se tuin in haar hande. Ek was 20 jaar oud en iemand…

SNOOPY die Spanjoel, Lulu die Belgiese Herdershond, en Ellis, ’n Goue Retriever, is deesdae Italiaanse olyfboere se geheime wapen teen ’n dodelike bakterie. Dié opgeleide honde snuffel die insekoorgedraagde bakterie Xylella fastidiosa uit. Hierdie bakterie het reeds sowat 21 miljoen olyfbome oor die afgelope dekade in Puglia, in die sogenoemde “hak van die Italiaanse stewel”, en elders, verwoes. Skade van sowat €2 miljard (R41,4 miljard) is reeds aangerig, en sowat 5 000 werkgeleenthede is al verlore. Die bakterie het Italië vermoedelik in 2013 met ’n besending tropiese plante van Costa Rica binnegekom. Sedertdien is 40% van Puglia se bome reeds besmet. Die siekte versprei kommerwekkend vinnig noordwaarts en is reeds in boorde in Spanje, Frankryk, Kroasië, Griekeland, Turkye en dele van Noord-Afrika opgemerk. Geen teenmiddel bestaan tans nie. Besmette plante…

RubriekBoerderybestuur Veeboerdery is ’n stadige proses. Dit betrek groot hoeveelhede kapitaal, maar terselfdertyd sukkel die meeste veeboere met kontantvloei. Ons is kapitaalryk, maar kontantarm! Die voordele van ’n duur ram of bul sal eers oor drie tot vier jaar sigbaar raak wanneer sy dogters begin reproduseer. Daarteenoor sal ’n graanboer binne ses maande weet of hy die regte besluite geneem het. Enige boer het ’n loopbaan van net sowat 40 jaar. Enige veranderinge aan jou boerderymetodes sal tien jaar duur om vrugte te dra. As jy voortdurend jou metodes verander, sal jy eintlik nooit die voordele van hierdie “verbeteringe” beleef nie. Moenie krap waar dit nie jeuk nie. Wanneer jy veranderinge aan jou boerdery aanbring, is dit belangrik om te onthou dat jy vir ’n tydperk van twee tot drie…

Het julle boere vroeër vanjaar waterskade ervaar? Ja, voedingstowwe het uitgeloog met die oormaat reën vroeg in die seisoen. Aanvullende bemesting is gegee. Die probleem is dat bemesting sowat ’n week en ’n half voor die plant dit benodig, gegee moet word. Sekere stikstofprodukte moet omgeskakel word in plantbenutbare vorms en boonop duur dit ook ’n tyd om plantopneembaar te word. Skade (opbrengspotensiaal is ongunstig beïnvloed) het dus plaasgevind met die effens later beskikbaarheid van die bemestingstowwe. Hoe erg was besproeiingsboere se verliese weens beurtkrag? Boere moet nog oes en daar is dus nog nie ’n duidelike antwoord nie. Op die oog af is daar baie plantskade weens beurtkrag. Die hartseersaak is dat daar met die vloede vol riviere was met oorvloedige water. Die boere moes egter die pompe na…

Kos Springbokskenkels met sondroë tamaties en uie ■ Olyfolie■ 6 heel springbokskenkels■ 3 uie, in wiggies gesny■ 3 knoffelhuisies, grofgekap■ 1 sakkie sondroë tamaties in vinaigrette■ 250 ml rooi muskadel■ 375 ml vleisaftreksel■ 30 ml sojasous■ 30 ml tamatiepasta■ Hand vol vars oreganum■ Sout en swartpeper na smaak■ 100 ml suurroom Voorverhit die oond tot 160 °C en smeer ’n groot oondbak goed met olyfolie. Pak die skenkels op ’n bed van uiewiggies, gekapte knoffel en sondroë tamaties in die oondbak. Meng die muskadel, vleisaftreksel, sojasous en tamatiepasta goed. Giet dit oor die skenkels. Sprinkel die oreganum, sout en peper oor en bedek die bak met ’n dubbele laag foelie. Bak vir ongeveer 3 uur tot die vleis sag is. Skep die skenkels uit die bak en hou eenkant. Verpulp…

Valkoog Groot dele van die Tankwa-Karoo Nasionale Park was baie lank relatief ontoeganklik, maar gelukkig het SANParke oor die afgelope paar jare ’n verskeidenheid ruskampe en kampeerterreine ontwikkel. Die park het baie te bied vir die entoesiastiese voëlkyker, of jy nou ’n daguitstappie beoog of langer in die park wil vertoef. Dit is egter baie verafgeleë, tussen Ceres en Calvinia, en daarom is haarfyn beplanning voor jou besoek nodig. Jy moet alle voorraad inlaai, en dit is veral belangrik om vir ekstra bande voorsiening te maak. Die Tankwa het nie verniet ’n naam vir pap of beskadigde bande nie. Maar terug na voëlkyk, die Tankwa-Karoo Nasionale Park is veral bekend om die verskeidenheid endemiese voëlspesies wat in Karoo-habitatte voorkom. Die beste tyd van die jaar om dit te besoek is…

Sluitingsdatum: 22 Junie 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Dorp in die Vrystaat. Lees op bl. 82 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 82 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 22 Junie 2023.…

Bloemfonteinse Dexter-telers is hoogs tevrede met die aanbied van ’n kostebesparende WhatsApp-veiling wat bogemiddelde pryse vir hul beeste beteken het. Ockie Barnard van ORB Dexters, sekretaris van die Dexterbeestelersgenootskap, sê sy groep het onlangs 14 vroulike diere, een bul en ’n bulkalf op dié manier bemark. “Dit beteken nie dat ons voortaan ons diere nie op formele veilings sal aanbied nie. As ’n teler goeie pryse kry en die veilingskoste bespaar, is dit egter voordelig.” Die gemiddelde prys van al die lotte was net meer as R15 000. Die hoogste prys was R29 800 vir ’n koei, OP 1404 Mandie, van Barnard. ’n Koei van Piet van der Merwe van Swawelpoort Dexters is vir R21 000 verkoop. Coen van Tonder van Doranco Dexters, een van die genooide verkopers, meen dat…

VERGADERINGS 25 MEI: Jaarvergadering, Wes-Kaapse Rooivleisprodusenteorganisasie. Tema: Relevansie van die RPO. Spreker: Callie Roos. Delsma-plaas, Riebeek-Kasteel. Registreer teen 5 Mei. Helena van Eeden, 021 860 3806; e-pos: helena@awk.co.za 13 JUNIE: Jaarvergadering, SA Braford-genootskap. Davel. Navrae: 072 594 4500, info@braford.co.za 21 JUNIE: Jaarvergadering, Drakensberger-genootskap. Parys. Ronandé Wiese, 082 218 5497, drakensberger@studbook.co.za 17 AUGUSTUS: Jaarvergadering, Charolais-beestelersgenootskap, Monté Bello-landgoed, Bloemfontein. June Wiid, 051 410 0953. 6-8 SEPTEMBER: Jaarvergadering en kongres, Wagyu SA. Navrae: office@wagyu.org.za KONFERENSIES 1-2 JUNIE: Konferensie oor onbemande vliegtuie en hommeltuie. Birchwood-hotel, Johannesburg. Navrae: admins@bussynetadva. co.za 5-8 JUNIE: 8ste Afrika Landboubesigheid-en-wetenskapweek (AASW8), Durban Internasionale Konvensiesentrum. AASW8 is ’n platform vir wetenskaplikes, voorligtingsdiensverskaffers, onderwysers, landbou-ondernemings en beleidmakers. Tema: Koppel landboubesigheid met wetenskap en vernuwing vir volhoubare landbou en voedselstelsels. Web: bit.ly/3V n0yBs; e-pos: jennifer@jrpr.co.za 18-20 JULIE: Aartappels SA se navorsingsimposium, Parys. Navrae:…

Reuse-opkoms. Die Nampo-oesdag, wat van 16-19 Mei plaasgevind het, het vanjaar 82 245 besoekers gelok. Daar was volgens Graan SA 823 uitstallers en 250 stuks vee. Nagenoeg 200 vliegtuie en 75 helikopters het op Nampopark se aanloopbaan geland. Dr. Pieter Taljaard, uitvoerende hoof van Graan SA, het gesê die bywoningsyfer dui op die relevantheid van landbou. “Dit is ook verblydend om te sien watter alternatiewe vir die kwessie van die liggingsdifferensiaal hier te sien was.” In teenstelling met die optimisme van die kommersiële kant van Nampo, was daar ook die harde werklikhede om in Suid-Afrika te boer, met Graan SA en die Nampo-oesdagkomitee wat op Hemelvaartdag hulde gebring het aan plaasmoordslagoffers by die gedenkmuur op die terrein. Danie Minnaar, voorsitter van Graan SA, het gesê hulle wil dit ’n jaarlikse…

OOR die afgelope 24 jaar word grondeise wat voor 31 Desember 1998 ingedien is, weekliks in die Staatskoerant afgekondig. Van dié eise is sedertdien onttrek of gewysig, sommige is afgehandel en, sover bekend, is nog nie al die eise al afgekondig nie. Saai het in 2022 sy eie aanlyn databasis van grondeise bekend gestel met beskikbare inligting (dit is beskikbaar by bit.ly/3q0hSAu), maar soek steeds die amptelike rekords. Hoekom is dit belangrik dat die staat hierdie inligting beskikbaar maak? Dit is deel van ’n jare lange strategie om deursigtigheid en orde met die grondeiseproses af te dwing. Alle grondeise moes voor 31 Desember 1998 ingedien word. ’n Grondeis is net wettig indien dit in die Staatskoerant afgekondig is soos voorgeskryf deur artikel 11(1) van die Wet op die Herstel van…

Uit: Die Landbouweekblad, 4 Junie 1963 Paul Kruger se plaas verkoop Die Landbouweekblad het nou die dag lemoene gepluk van bome wat honderd jaar gelede deur pres. Paul Kruger op sy plaas Boekenhoutfontein in die Rustenburgse Bosveld geplant is. Hier in die oorspronklike plaaswoning met sy dik mure (byna ’n volle tree) het ons saam met oom Paul se kleinkinders Pieter Kruger en sy vrou (wat die huis bewoon) en Frikkie Kruger en sý vrou (wat net langsaan in ’n ander opstal bly) oor ’n koppie heerlike koffie verneem dat die Stigting Simon van der Stel onderhandelings aangeknoop het vir die aankoop van die plaas sodat die woonhuis gerestoureer en vir die nageslag bewaar kan word. Na wat ons verneem, sal die opstal en buitegeboue herstel en verander word totdat…

AMERIKA is ongetwyfeld gefrustreerd met Suid-Afrika, sê Eckart Naumann, onafhanklike ekonoom en assosiaat van die Stellenbosse handelsregsentrum Tralac. Dit was sigbaar in die optrede van Reuben Brigety, Amerikaanse ambassadeur aan Suid-Afrika, wat middel Mei aan joernaliste gesê het Amerika se inligting toon Suid-Afrika verskaf wapens aan Rusland. Brigety was by Suid-Afrika op die tapyt omdat sy uitlatings in die openbaar was. Hy het daarvoor verskoning gevra, maar klaarblyklik nié vir sy wapen-aantygings nie. Naumann sê Amerika sal waarskynlik in die versoeking wees om gevolge vir Suid-Afrika mee te bring indien hy reken dat Suid-Afrika teen Amerika se buitelandse beleidsbelange optree, maar só ’n besluit sal nie ligtelik geneem word nie. Amerika vertrou Suid-Afrika waarskynlik nie heeltemal nie en dink waarskynlik dat die regering van sy morele gesag en leierskap verloor…

Rubriek Op 24 April 2023 het Pricewaterhouse-Coopers (PwC) sy maatskaplik-ekonomiese vooruitsigte vir Suid-Afrika gepubliseer. Die meganeigings waarop landbouondernemings moet let, sluit klimaatsverandering, tegnologiese ontwrigting, demografiese skuiwe, sosiale onstabiliteit en ’n afname in globalisering in. Maatskaplik-ekonomiese kwessies In Suid-Afrika kan klimaatsverandering druk op voedsel se bekostigbaarheid plaas, werkskepping kan gekortwiek word deur tegnologiese ontwikkelings en die groeiende bevolking is toenemend meer jeugdig met verwagtinge om werk te kry. Daarmee saam moet besighede voorbereid wees daarop dat die beskikbaarheid en pryse van goedere deur ontwrigtings in voorsieningkettings beïnvloed kan word. PwC verwag dat die werkloosheidsyfer vanaf 32,7% aan die einde van 2022 tot 37,2% teen 2030 kan toeneem, terwyl ekonomiese groei tot 0,9% per jaar kan stagneer. Die jeug gaan ongeag hul vlak van onderrig nie werk kry nie en dit kan…

Geldbeplanning In Desember 2022 het die Wysigingswet op Algemene Wette: Teengeldwassery en die Bekamping van Terrorismefinansiering (Wet 22 van 2022) in werking getree. Dié wet het onder meer wysigings aan die Wet op die Beheer van Trustgoed (Wet 57 van 1988) meegebring en omskrywings soos ‘‘rekenpligtige instelling’’ (accountable institution) en ‘‘uiteindelike geregtigde’’ (beneficial owner) ingevoeg. Daar word nou sekere vereistes gespesifiseer waaraan trustees moet voldoen, soos: ■ Aspekte wat iemand onbevoeg sal maak om as ’n trustee aangestel te word of voort te gaan om as een op te tree. ■ Iemand wat buite Suid-Afrika as ’n trustee aangestel is, moet deur die meester van die hooggeregshof gemagtig word om as ’n trustee op te tree. ■ Voorsiening vir die verwydering van ’n trustee wat onbevoeg word om voort te…

KORTOM ■ Jare van bewaringsboerdery en ’n sterk klem op vogbewaring help twee buurmanne van Heidelberg wat net plant om goeie oeste en ’n opbrengs op hul besteding aan insette te behaal. ■ Ter wille van vogbewaring het hulle geen verdraagsaamheid teen onkruid nie, en verkies hulle ook om nie met vee te boer nie. ■ Danksy min versteuring, die behoud van ’n organiese deklaag en wisselbou kon hulle ’n veegebied in ’n saaigebied omskep, maar hulle probeer nie ander boere oortuig om hul patroon na te volg nie. Die nalatenskap van meer as 30 jaar van bewaringsboerdery, ’n oortuiging dat gewasverbouing sonder diere die beste vir hul omstandighede is, en goeie metodes om die groter risiko te bestuur, het twee buurmanne van Heidelberg laat besluit om nét te saai.…

Toe Lambert Theron sy boerdery by Groblersdal in Limpopo ’n dekade gelede na Georgië uitbrei, het hy geweet daar lê vir hom groot aanpassings voor, maar hy het daarvoor kans gesien. Vandag boer hy en sy gesin lekker daar in die vreemde. Hulle het darem nie sak en pak padgegee nie, maar hul boerdery en ’n besigheid in Suid-Afrika behou. Lambert en Hettie se een seun, Ruhan, boer saam met hulle in Georgië. Waar bly jy en jou gesin nou? Ons woon in Sartichala, Georgië, maar ek is ongeveer vyf maande van die jaar in Suid-Afrika omdat ons nog besigheidsbelange daar het. Benewens my boerdery met Bonsmaras en pekanneute op die plaas Buffelsvlei het ek ook ’n firma vir raadgewende elektriese ingenieurswese. Vertel meer van jul boerdery in Georgië. Ons…

Só sê ’n wildboer Izak en Linky Kirsten van WOW Africa Safaris is al meer as 20 jaar by die wildbedryf betrokke. Izak, ’n beroepsjagter, het ’n paar jaar gelede saam met internasionale beleggers grond gekoop waarop hul jag-en-wildbesigheid gesetel is. Hier hou hulle van kleiner wildspesies tot sommige van die Vyf Grotes aan. Wat is die neigings in die wildbedryf? Tydens covid-19 het baie jagplase diere uitgeskiet om te oorleef, en daarmee saam was daar droogtes. Die prys van wild het sedertdien baie gestyg. Dit was die afgelope twee jaar bekostigbaarder vir Suid-Afrikaanse jagters om skaars en trofeewild te jag omdat internasionale jagters nie hierheen kon kom nie. Dié prentjie het vanjaar heelwat verander. Baie wildboere bou weer hul kuddes ná die droogte, wat daartoe bydra dat die vraag…

Grondpryse in Gauteng (75% van die distrikte) en KwaZulu-Natal (84% van die distrikte) het vanaf April verlede jaar tot Maart vanjaar gestyg, terwyl dit in 59% van die distrikte in Limpopo gedaal het. In die tabel is ’n ontleding van grondtransaksies groter as 10 ha in dié drie provinsies. In Gauteng was daar 546 transaksies wat 65 639 ha teen R4,027 miljard behels het. By Nigel het pryse met 9,4% gedaal. By Carletonville het dit met 7,8% gestyg. Altesame 293 transaksies is in 13 distrikte in KwaZulu-Natal gesluit. Dit het 107 087 ha teen R2,685 miljard behels. Pryse het goed gestyg by Ballito (19,7%), Louwsburg (16,7%) en Kokstad (11%). In Limpopo was daar 541 ooreenkomste in 12 distrikte. Altesame 192 509 ha is vir R3,059 miljard verhandel. By Burgersfort (20,4%),…

2,85% Wynboere se gemiddelde opbrengs op hul belegging was verlede jaar maar 2,85% teenoor die vereiste 10-12% vir ’n boerdery, volgens Rico Basson, uitvoerende hoof van SA Wine. “Slegs 12% van die bedryf se produsente is tans winsgewend. Daarmee bedoel ek hulle maak genoeg geld om wingerd te herplant. Altesaam 47% is in die laewinsgewende kategorie, 2% speel gelyk en 39% ly ’n verlies.” — Lucille Botha 37% Nagenoeg 37%, of 41 uit 109 koringkultivars en teellyne kan vatbaar wees vir ’n nuwe soort streep- en blaarroes wat verlede jaar die eerste keer in koringlande in Limpopo, Mpumalanga, Noordwes en die Vrystaat bespeur is. Dit is volgens proewe wat by die Universiteit van die Vrystaat gedoen is. Die nuwe stam, 30E142A+, kom vermoedelik uit Zimbabwe. Boere word gemaak om hul…

Nampo was vanjaar anders. En dit was nie net die byna rekordbywoning of die flink sake wat gedoen is wat die verskil gemaak het nie. (John Deere se winkel het blykbaar binne twee dae meer as dubbel soveel besigheid gedoen as in die hele week laas jaar.) Dit was eerder ’n onderliggende optimisme. Iets wat verder gestrek het as bloot die betreklik goeie tye waarin die graanbedryf homself bevind (met nou weer ’n mooi planttyd-wegspring in die winterreënstreke.) In gesprekke was dit amper asof daar ’n onbewustelike verligting was dat Suid-Afrika nog kan steun op die uitnemendheid wat die oesdag verteenwoordig. ’n Baken van uitnemendheid, hoop en dissipline in ’n see van verval, agteruitgang en ongeërgdheid. Op Nampo is dit duidelik dat die land ’n landboubedryf van wêreldgehalte het. En…

Rubriek KORTOM ■ Internasionale graanpryse het begin normaliseer en plaaslike graanpryse is heelwat laer, wat graanboere se inkomste vanjaar gaan benadeel. ■ Die hefboomverhouding in die landbou, waar vreemde geld al hoe meer gebruik word, is duidelik uit die groeiende skuldlasverhouding. ■ Die kosteprysknyptang is ’n nimmereindigende geveg vir boerdery, wat net geklop kan word deur al hoe produktiewer te boer. Die geldsake van die landbou het vir die kalenderjaar 2022 gemengde resultate opgelewer. Die meeste akkerboupryse het skerp gestyg, terwyl die tuinboubedrywe, veral die uitvoerbedrywe, swaargekry het. Die bruto inkomste (omset) het in 2022 met 15,2% tot R417,8 miljard gestyg, waarvan feitlik die helfte met uitvoer verdien is. Uitvoer het met 18,2% gegroei, met mielie-uitvoer wat ’n rekord van R16 miljard in die kalenderjaar behaal het. Dit het tot…

Watter raad kan julle vir boere gee wat net wil plant, met ander woorde, hoe moet hulle die oorgang benader? Hulle moet reeds vir jare alle beginsels van bewaringsboerdery toepas en vog bewaar. Hulle moet bereid wees om langtermynbeplanning te doen en risiko te loop. Hul kennis van kunsmis, mis, grond, kultivars en landbouchemiese middels moet baie goed wees. Hoe bly julle aan die voorpunt van kennis? Adriaan Steyn: Jy moet boeredae bywoon, jou eie navorsing doen en op die internet lees om by boere en landboudiensverskaffers van ander lande te leer. Daar is boere in Australië en Amerika wat bewaringsboerdery met aanhoudende gewasverbouing al langer as ons doen. Ons kan baie uit hul foute leer. Soos Jack Human destyds na Australië gereis het om meer van bewaringsboerdery te leer,…

Aanvaar die werklikheid en reageer op dit wat is, pleks van jou verwagting van wat moet wees. Dit klink dalk soos notas uit ’n mindfulness retreat of leierskapskursus. Dit is nie. Dit is ’n les wat produsente, werkers en wynmakers die afgelope oesjaar geleer het. Dit was ’n oesjaar van persoonlike groei. Gebore uit worsteling, struikelblokke en nuwe paradigmas. Ook, dit is die lewe. Water is ’n kernkenmerk van hierdie oesjaar. Die tekort daaraan om mee te begin, en die oorvloed daarvan teen die einde. Ons het met ’n besondere droë winter begin. Die winterreën is die hoofbron van vog vir ons Wes-Kaapse grond, veral in die kusstreke. Winterreënval was net 50% tot 60% van die langtermyn-gemiddelde en op sommige plekke minder as tydens die droogtejare van 2017-’18. Die lente-…

As ons die Woord van die Here reg verstaan, is Christus se liefde vir sy kinders nie ’n komen-wegbly-verhouding nie. Dit hou aan tot die einde toe – waar die einde ook al kan wees. ’n Voorbeeld hiervan gee die apostel Johannes in sy evangelie soos volg weer: “Hy (Jesus) het sy eie mense wat in die wêreld is, liefgehad. Hy het hulle tot die einde toe liefgehad” (Joh. 13:1). Sommige Bybelvertalers vertaal die woordjie “einde” met “uiterste”. Wat wel saak maak, is dat hier sprake is van ’n deurlopende liefde. Ons moet goed verstaan dat die waarborg vir deurlopenheid nie in die gedrag van mense geleë is nie, maar in Christus. Dit is Hý wat die liefde volhoubaar maak – nie ons nie. Ons bydrae tot die verhouding is…

GAUTENG CARLETONVILLE KLIPGAT (18), 872 ha, aan Luus Prop (Edms.) Bpk., van Morena Ke Lefika La Rona (Edms.) Bpk., R9350000. NIGEL NOOITGEDACHT (176), 179 ha, aan Circle Way Investments 293 (Edms.) Bpk., van Blue Rose Developments (Edms.) Bpk., R16 665 286. RIETPOORT (193), 86 ha, aan Abangane-boerdery (Edms.) Bpk., van J.G. Meyer, R2000000. KWAZULU-NATAL LADYSMITH GS (18025), 42 ha, aan Cebolenkosi-gemeenskapseiendomsvereniging, van C.T. Coetzee en R.S. Coetzee, R2150000. LIMPOPO DENDRON DE WINDAM (775), 376 ha, aan Spiro Greens (Edms.) Bpk., van Supreme-boerdery (Edms.) Bpk., R12 000 000. MIERHOOPBULT (453), 268 ha, aan Muller-boerderytrust, van Twillies-familietrust, R3078466. DERDEPOORT SCHOTSKAR (187), 482 ha, aan Hermanus Crous-trust, van M.P.A. Bezuidenhout, R4000000. MARBLE HALL SCHEVENINGEN (133), 377 ha, aan Chrismic-boerdery (Edms.) Bpk., van W.L. de Beer, R2400000. MODIMOLLE OLIFANTSBEEN (82), 499 ha, aan Jes-C-boerdery…

Besoek Landbou.com om die twee wenners se video’s te kyk. EEN is ’n bloedjong skaapboertjie uit eie reg; die ander een ’n tiener-hoenderboer wat ook ’n passie het vir Boerbokke. Nog voor vandag het hulle klaar baie in gemeen gehad: Albei is gek oor die plaaslewe, hulle wil nét boer en albei is toevallig van die Wes-Kaap. En nou voeg Hendrik Lötter (5) van Caledon en Hendré Walters (17) van Malmesbury nog iets by dié lysie: Die twee is pas as Landbouweekblad en Huisgenoot se twee Junior Boertjies aangewys. Inskrywings vir ons Junior Boertjiekompetisie het vroeër van reg oor die land ingestroom – en glo ons maar, die kompetisie was straf. Ons 10 finaliste is in April bekendgemaak, en nou, nadat die publiek ’n maand lank hul stemme kon…