Kuierの 29 January 2026 の目次

Die hegte band tussen my twee seuntjies is vir my so besonders en kosbaar om te aanskou. Soms stamp hulle lekker koppe as daar vasgesit word oor onder meer speelgoed en hulle mekaar speels terg. Ander tye gee die een die ander sommer so in die verbygaan 'n drukkie, net vir die lekkerte. Toe ons laas jaar aan ons jongste (3) die nuus breek dat sy ouboet (4) vanjaar skool toe gaan, was sy eerste woorde dat hy nie by die huis gaan bly nie. Hy wil saamgaan. Die groot soektog na speelskooltjies in ons area het toe begin, en só is die twee onlangs saam-saam vir die eerste keer skool toe. Dag 1 was 'n groot sukses. Ouboet was al om 06:20 op en reg vir die ding. Ek…

Haar lewe en loopbaan was 'n verkwikkende sielsreis wat sy tot dusver kop omhoog gestap het, die kronkels en afdraaipaaie ten spyt, sê die aktrise Kay Smith, bekend vir haar rolle in Arendsvlei en Suidooster. Die Kay van vandag moes eers met haarself in die modder loop sit, vertel sy borrelend en onomwonde hier by haar Kaapse blyplek. Sy draai geen doekies om oor die pad tot dusver nie. “Die 34-jarige Kay van vandag moes eers haarself herontdek en leer ken. Maar hierdie Kay van vandag het ook nou mooi grootgeword. Sy was oop vir dít wat die lewe haar wou leer,” vertel sy. “Toe ek jonger was, was ek baie idealisties en naïef. Nou het ek die lewe aanvaar vir wat dit is, en nie noodwendig vir wat ék…

“Sextortion”, human trafficking, pornografie, en aanlyn boeliery is gewoonlik waarteen ons op sosiale media gewaarsku word. Tog waarsku niemand ons teen die gevare agter sosiale mediaplasings oor gesonde kos en fiksheid nie – dié plasings is mos goed, gesond en tot voordeel van jou welstand. Reg? Dink wéér, sê Carli van Aswegen (15) en haar ma, Nantie (48), nadat dié tiener van Swakopmund in Namibië in die kloue van sogenaamde “food noise” vasgevang was. Dié eetversteuring lei tot aanhoudende, irrasionele, negatiewe boodskappe oor kos en die impak daarvan op jou liggaam. Carli vertel sy was in 'n stadium verswelg deur gedagtes oor kos. “Ek het 24 uur per dag aan kos gedink, en of dit my kan laat gewig aansit of nie. Dit het my mal gemaak.” Nantie, 'n geregistreerde…

Hy het altyd 'n groot liefde vir skryf en taal gehad. En vra jy hom nou sowat ses maande ná die uitreik van sy debuutroman, Life is 'n Biets, hoe dit voel om te kan sê hy het 'n boek geskryf, kom die antwoord nederig: “Onwerklik!” Faeed Amardien (26) se motto in die lewe is om alles met 'n positiewe ingesteldheid te benader en aan te pak, maak nie saak hoe moeilik dit is nie. En dís presies wat dié Afrikaans-onnie van die Hoërskool Plumstead in die Kaap doen. “Ek was maar altyd passievol en ywerig vir voor staan in 'n klaskamer. Dit het nie onlangs onstaan nie,” vertel hy. “Die boek en skryf sal ek as sekondêr beskou. Ek weet ook nie wat die toekoms inhou nie. Maar ek…

WENK Dié ryskoekies is vullend en propvol vesel. Jy kan dit selfs met maaskaas, avokado en sneeuertjies afrond vir 'n ligte maaltyd. LENSIE-EN-BRUINRYSKOEKIES Lewer 12 koekies Bêre: Tot 1 week in die yskas BESTANDDELE Koekies 2 koppies gaar lensies 1 koppie gemengde gaar bruinrys 2 eiers, geklits ¼ koppie meel 2 chillies, fyngekap 2 knoffelhuisies, fyngekap 1 teelepel kerriepoeier 'n handvol vars dhanya, fyngekap 1 wiel fetakaas, gekrummel sout en vars swartpeper (gemaal), na smaak olyfolie vir vlakbraai Afronding gladde maaskaas 1 avokado, in skyfies gesny sneeu-ertjies, in die lengte gehalveer vars kruie, opsioneel METODE Koekies 1 Meng al die bestanddele goed. 2 Verhit olie vir vlakbraai in 'n non-stickpan. Skep 3-4 hopies van die rysmengsel in die pan en maak effens platter. Braai oor matige hitte tot goudbruin. Draai om…

HOU DIT SKOON Gel Face Cleanser For Young Skin R149 vir 100 ml, WBeauty 'n Sagte gelreiniger met kamille, rooibos en oats om jong vel te streel terwyl dit reinig. Dit bevogtig en laat die vel skoon en gemaklik. pHRESH All Over Cleanser Face & Body R210 vir 300 ml, Eco Diva 'n Plantgebaseerde gesig- en lyfwasmiddel wat die vel balanseer sonder om dit te stroop. Die aloe vera, antioksidant vitamien C en argan-olie daarin ondersteun die vel se natuurlike pH. HOU DIT VOGTIG Teen Skin Fix Zero Shine Moisturiser R249 vir 40 ml, Nip+Fab Dié sagwerkende bevogtiger is 'n goeie beginopsie en ideaal vir olierige of sensitiewe vel. Dit bevat niasienamied, liggewig poeiers en wasabiekstrak wat sebumproduksie help reguleer. Dit sal sorg dat hulle vel nie blink nie en…

NR. 210 afwyk aghoek agterbaks benoud boodskapper collage dagga dragtig droombeeld dubbelklik effentjies elmboog ergerlik formeel fusilleer geskrewe grasbaan groter haring horingoud insluit juffie jukskei klankstelsel kokketiel kompromie liriek longsiekte mangaan meteens modderkoekie oksideer opper passtuk pomelo pylreguit rolstoel rommelhoop smaakvol spuitnaald stroperig tesourus tiendelig uitbrand verbeelding vervelig vroeër watte wetteloos wortelskiet OPLOSSING VERSKYN IN DIE UITGAWE VAN 12 FEBRUARIE 2026. SOEK VIR DIE SPELETJIENOMMER.…

As jy hier lees, het een of al jou Nuwejaarsvoornemens al in die hek geduik. Moenie sleg voel nie, want jy is nie alleen nie. Miljoene mense oor die wêreld heen het reeds handdoek ingegooi nadat hulle nog verlede jaar groot planne gehad het. Al was verlede jaar slegs 'n maand gelede, het daar al so baie water in die see geloop. Baie mense faal nie met hul voornemens omdat hulle nie deursettingsvermoë of dryfkrag het nie. Uit ervaring het ek geleer die meeste mense se planne flop omdat hulle te hoog mik. Die laaste keer wat ek aktief geoefen het, was rondom 2011, toe ek destyds nog in Bloemfontein gewerk het. Die radiostasie waarby ek gewerk het, het 'n ooreenkoms met 'n plaaslike gym gehad, en daar is toe…

“Vinkel en koljander, dié een lyk nes die ander”, 15 Jan. Caylane Kombani, só trots op jou. Aberdeen se trots! CLAUDIO “Ons lesers vertel …”, 15 Jan. Well done, Reon Speelman! Jou toekoms is blink tussen die koeke! FLORENCHEA Baie geluk, Reon, all the way from Atlantis. Ons is super trots op jou. ANGELIQUE “Dawn se Amerikaanse hoofstuk”, 1 Jan. My oorlede ma was mal oor Dawn (Matthews). Sy't mos destyds in Egoli en Song vir Katryn gespeel. Sy lyk goed. DAVINIA Dankie vir die artikel, Kuier. Ek het gewonder wat het van haar geword. SANIA Vir my sal sy altyd Jackie van Song vir Katryn bly! CHARLOTTE ‘Kanker het my refine, nie define’, 1 Jan. Ek het jou altyd so admire, Saskia Falken. Ek bid vir jou. God is…

Dit was 'n somber feestyd vir die familie van die danser en rapper Dugulth Ferreira (29), bes bekend as Junior King, ná hy tragies in 'n motorongeluk gesterf het. Die Ferreiras was opgewonde om dié Tik-Tok-sensasie, wat meer as 3,7 miljoen followers het, en sy seuntjie (9) en dogtertjie (4) by hulle in Nelson Mandelabaai te hê vir Kersfees. Die kinders bly by hul ma in Johannesburg. Maar nie Junior of sy kinders sou ooit daar uitkom nie … Op daardie noodlottige oggend van 11 Desember laas jaar was Junior, sy twee kinders en twee van sy vriende op pad na Nelson Mandelabaai, waar hy gewoon het, toe hul voertuig in 'n botsing reg van voor met 'n trok betrokke was op die N1 naby Verkeerdevlei in die Vrystaat. Terwyl…

Die woorde op haar WhatsApp-status tref jou soos 'n vuishou: “Grief is not just sadness, it is realising ‘I'm okay’ has become a survival phrase, not the truth’.” Op 14 Januarie moes Janene Moodley (49) reeds vier maande lank leef sonder die jongste twee van haar drie meisiekinders. Dít nadat haar Connor (toe 24) en Cassidy (toe 22) gesterf het in 'n tragiese motorongeluk in die Karoo. Net hul ousus, Storm (27), het oorleef. Tog bly hulle al drie steeds die rede hoekom sy elke dag opstaan, selfs al het sy net een kind oor. Só vertel Janene uit hul huis in Johannesburg. “Aan die een kant moes ek steeds dieselfde ouer bly vir Storm, maar ek moes ook terselfdertyd verander om aan haar my absolute liefde en steun te…

Wanneer sy soggens haar paramedikus-uniform aantrek, weet sy nie wat die dag vir haar gaan inhou nie. 'n Rustige oproep kan binne minute verander in 'n toneel wat jou sprakeloos laat. Bloed, gebroke liggame en gebroke harte, 'n hand wat jy vashou wanneer iemand bang is, en woorde wat soms ontbreek is alles deel van Ronelle Joseph (43) se werklikheid. Maar tussen al die chaos en ambulansdeure wat toeslaan, dra dié vrou van die Strand aan die Kaapse kus ook daagliks iets anders saam met haar op die pad -haar geloof en haar gospelmusiek. “Ek glo regtig die Here het hierdie werk vir my gegee,” sê Ronelle oortuigend. “En Hy gebruik dit ook om my musiek te vorm.” Die afgelope agt jaar al speel dié ma se lewe tussen sirenes…

LOOK 1 Ons is óór dié skirt-look van die local influencer AQEELAH HARRON (36). Jy kan nie verkeerd gaan met 'n combo van bruin en wit nie. Ons vat stylinspirasie by Aqeelah en gee haar look 'n spatsel kleur met rooi hakke en 'n serpie. Jy kan ook die hakke vir tekkies verruil soos sy doen, vir 'n meer ontspanne voorkoms. En as dit kouerig is, gooi 'n swart baadjie of wit trui oor soos Aqeelah hier wys. BROEK-OPSIE STYLWENK Nog 'n trendy idee as jy 'n serp wil inwerk by jou look, is om dit deur jou hare te vleg – soos dié gas by Kopenhagen Modeweek wys. LOOK 2 Bubble-skirts is nou die in-ding! Jy kan dit lekker semi-formeel inspan vir werk. Denim gaan nooit uit die mode…

JOU STUDIES Kom ons wees eerlik, skoolgaan is nou nie juis die opwindendste deel van jou grootwordjare nie. Maar wat jy insit op die skoolbanke is wat jou pad vir 'n goeie werk en 'n gemaklike lewe kan oopmaak. Onthou, niemand is verantwoordelik vir jou vordering op skool behalwe jy nie. Jy dink dalk jy wys vir jou ouers of onnies “wie's baas” as jy laat slaplê, maar op die ou end is jý die een wat die gevolge gaan dra. Of dalk skitter jy later as jy nou die werk insit, veral in graad 11 en matriek, want daai punte kan deure vir jou oopmaak. Ouers moet ook besef hul rol en teenwoordigheid in kinders se skoollewe is baie belangrik. Wees daar. Gee aandag. Al ken jy nie die…

Ná meer as vier dekades van die professionele lewe het William*, 'n mediese praktisyn, en Christine*, 'n navorser, albei in hul 60's besluit dis tyd om die stetoskoop en die mikroskoop weg te pak. Die twee moes in min of meer dieselfde tyd hul suksesvolle loopbane groet – en dít nadat hulle sedert die begin van hul huwelikslewe van 40 jaar nog altyd gewerk het. Dié Kaapse egpaar het voor hul aftrede besef dié nuwe lewensfase sal ook 'n aanpassing in hul huwelik verg, want pleks van elkeen soggens verskillende rigtings inslaan om hul dagtaak aan te pak, sou hulle nou skielik aldag en heeldag in mekaar se geselskap wees. Hulle het besef klein irritasies wat hulle voorheen kon ignoreer, sou moontlik 'n durende krapperigheid kon veroorsaak, en dat hulle…

VRAAG: Watter aksiester speel die hoofrol in die regisseur Ric Roman Waugh se opkomende aksierillerfliek Shelter? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 18 Februarie 2026. SMS/R1,50. Die oplossing verskyn in die uitgawe van 12 Maart 2026. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 18 FEBRUARIE 2026. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Elkeen van ons is iewers heen op pad op ons lewensreis. Party van ons reis lig, terwyl ander swaar dra aan bagasie wat ons tydens dié reis bymekaarmaak. Elke nou en dan wil ons stock vat van ons vordering en wat ons nog wil doen. Dan raak ons bewus van al die bagasie wat ons by elke stop versamel, en in ons tasse gepak het – dít wat ons vertraag en laat stagneer. Ons is so gewoond aan alles saampiekel dat ons soms nie weet hoe om sonder dié bagasie – ons ervarings en die gebeurtenisse in ons lewens – voort te gaan nie. Dalk het jy in 'n ongelukkige huis grootgeword, 'n dronk pa gehad, of 'n ma wat 'n sib voorgetrek het. Dalk het jou ouers baklei en…

Sy sou nooit kon droom dat sy eendag 'n bekroonde kaasmaker sou wees nie. En kyk nou! Vandag dra Nellie Fischer (56) die kroon as die beste vrouekaasmaker in die wêreld (jip!) nadat sy onlangs dié titel losgeslaan het by die 37ste Wêreld-kaastoekennings in die Switserse hoofstad, Bern. Nellie is al 25 jaar lank 'n kaasmaker by Dalewood Fromage in die Kaapse Wynlande, en hoewel dié pluimpie vir haar 'n eer en voorreg is, meen sy sy sou dit nie sonder haar span kon doen nie. “Ek het in my wildste drome nie gedink ek sou 'n kaasmaker wees nie, maar wat die Here in my geplant het, is volbring,” sê sy. Nou wat is dit van kaasmaak wat haar laat tiek? “Die praktiese maak van die kaas – ons…

Ná 20 jaar as 'n verpleegkundige, met 16 daarvan vir die staat, was dit tyd vir suster Crystal Esau (44) om haar hart te volg. As 'n spesialis-verloskundige was dit haar droom dat elke ma wat natuurlik geboorte gee, dit in 'n kalm, gekoesterde atmosfeer kan doen wat voel soos huis. Sonder die tipiese kliniese gevoel van 'n hospitaal, of die span mediese personeel wat namens die mamma besluite maak oor haar geboorte-ervaring. Eintlik net mamma en haar birthing partner, Crystal, en as die ma sou verkies, haar doula. Vyf jaar gelede het dié Oudtshoorniet en haar man, Jeremy (51), besluit dis nou of nooit. En so het hul eie kraamsorgsentrum, die Midwife By Nature Birthing Home, ontstaan in Parow in die Kaap, sommer reg oorkant hul woonhuis. Verpleegkunde het…