Kuierの 09 October 2025 の目次

Dis ’n ouer se grootste nagmerrie dat hul kind sterf. Maar om twéé kinders in die fleur van hul lewe, binne één uur op dieselfde dag te verloor, klink net onmenslik. Dit wás Janene Moodley (49) se grootste vrees: dat enige van haar drie meisiekinders, Storm (27), Connor (24) en Cassidy (22), iets sou oorkom. Toe gebeur die ondenkbare op Sondagoggend 14 September: Haar jongste twee dogters sterf enkele ure ná ’n motorongeluk tussen De Aar en Victoria-Wes in die Karoo. Haar driestuks het al douvoordag in die pad geval terug Johannesburg toe uit die Kaap, waar hul neef Keeran Poonawassy (27) graadgevang het aan die Universiteit van Wes-Kaapland die vorige Vrydag. Hy is die seun van hul ma se broer, Lance. Hulle was baie geheg aan mekaar, want Lance…

Wenkbroue soos potloodstrepe was dalk eens op ’n tyd die inding, maar vandag is vol, welige wenkbroue die ideaal. Dit gee balans, definisie en laat jou selfs ook jonger lyk. As jou natuurlike wenkbroue aan die dun kant is – dalk oor jy in die verlede te veel gepluk het, of weens ouderdom – moenie stres nie. Jy’s nie alleen nie, en daar’s maniere om te help. Hier is agt sulke maklike maniere waarmee jy jou wenkbroue welig en gesond kan laat lyk. GEBRUIK ’N GROEISERUM As jy gou voller wenkbroue wil hê, is ’n wenkbrou-groeiserum net die ding. Dié serums help die haartjies groei en maak elkeen sterker en weer welig en gesond. Die meeste serums bevat wenkbrouvriendelike bestanddele: peptiede wat die haarfollikels aktiveer, biotien en panthenol wat die…

Die eerste tekens dat sy paniekaanvalle kry was intense vrees, kortasem wees, en ’n gevoel dat sy beheer oor haar lewe verloor. Só vertel Juanita* (33), ’n ma van drie van Kaapstad. Dié simptome het haar daaglikse lewe begin beïnvloed en veroorsaak dat sy daaglikse take probeer vermy het. “Ek wou nie meer ver van die huis af ry nie; ek het die highway vermy, en ek kon ook nie groot groepe mense handle nie as gevolg van die stimulasie en die vrees om voor ander paniekbevange te raak,” vertel sy. “Dit was uitmergelend, het my baie moeg gemaak, en was nie iets wat ek kon verduur sonder om hulp te kry nie. As ‘n ma van drie word daar op jou knoppie gedruk en ek wou nie my kinders…

SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 29 Oktober 2025. SMS/R1,50. Die oplossing verskyn in die uitgawe van 20 November 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 29 OKTOBER 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000 !…

STER-BLOKRAAI NR. 266 VOLTOOI: Hy’s een van die vier afgetredenes in The Thursday Murder Club wat ou moordsake oplos, en dan in een beland. WENNER: STER-BLOKRAAI NR. 266 Jimmy Hearne, Ceres FOTOBLOKRAAI NR. 343 VOLTOOI: Dié kunstenaar is bes bekend vir haar 1992-enkelsnit “Show Me Love”. WENNER: FOTOBLOKRAAI NR. 343 Cathy van Zyl, Meyerton BYBEL-BLOKRAAI NR. 318 VRAAG: Watter vername Bybelse stad se naam beteken “Huis van Brood”? WENNER: BYBEL-BLOKRAAI NR. 318 Johannes Anthony, Paarl BLOKRAAI NR. 404 Dwars: 1. Vleismeule; 12. Rang; 13. Air; 14. Saga; 15. Stukke; 16. Agar; 17. Et; 18. Jak; 19. Sondak; 22. Seine; 23. Te; 24. Silo; 25. Area; 26. Rosies; 28. Geblok; 32. Tefie; 33. Ei; 34. Eelte; 37. Jen; 38. Netel; 39. Arseen; 41. Drade; 42. Tsetse; 44. As; 45. Israeliet. Af:…

Jesaja 40:11 Soos ’n herder versorg Hy Sy kudde. Die lammers maak Hy bymekaar in Sy arms en Hy dra hulle teen sy bors, Hy sorg vir die lammerooie. GEBED In Psalm 23 gebruik Dawid sy agtergrond as ’n skaapwagter, wat hom ’n diepgaande kennis en ervaring gegee het van wat dit verg om na ’n kudde om te sien, as ’n metafoor vir God se verhouding met hom. Nes Dawid, kan hierdie boodskap van die Almagtige se voorsiening, leiding, beskerming en vrede op jou lewe toegepas word – of jy in jou skaapwagter of koning-era is. Kom bid saam met ons Psalm 23: “Die Here is my herder; niks sal my ontbreek nie. Hy laat my neerlê in groen weivelde; na waters waar rus is, lei Hy my heen.…

Op 13 Augustus het Hugh-Reece Christians (32) van Kraaifontein in die Kaap sy rugbytoks aangetrek en vir die laaste keer as Kraaifontein-rugbyklub se skrumskakel uitgedraf. Enkele dae later sou dié jong pa ’n operasie ondergaan om vir sy ouer suster Chanelle Busch (39) ’n nier te skenk, en haar só ‘n tweede kans op die lewe te gee. Chanelle, ’n digitale koördineerder by NB-Uitgewers, veg sedert sy 35 jaar oud was teen chroniese nierversaking, ook bekend as eindstadium-niersiekte. Dis ’n mediese toestand waarin die niere teen minder as 15% van normale vlakke funksioneer. “My hele lewe lank was ek siek,” vertel Chanelle. “My immuunstelsel was vir 20 jaar onderdruk. Ek moes alles uitskakel.” Maar nou wink ‘n nuwe lewe ná haar suksesvolle nieroorplanting. “Ek sien nou daarna uit om alles…

Moeg se moeg is moeg Vraag VOOS GEPLOEG Antie, ek weet dis jaareind se kant toe en dan irriteer als mos ‘n mens van moeggeit. Maar ek staan nou al langer as ’n jaar sleepvoet op, sien kans vir niks en die kleinste ding by die werk oorweldig my. Die afgelope paar jaar het baie mense bedank en niemand is in hul plek aangestel nie. Spangees is laag en almal is oorlaai. Ek kan nie bekostig om my werk te verloor nie, maar ek kan ook nie vir die res van my work life só voel nie. Help. ANONIEM Antwoord BESTE ANONIEM Dis so moeilik om jou energie en tyd te spandeer aan iets wat jou sielsmoeg maak en jou joy steel. Maar baie van ons móét maar werk. Jy…

Die jaar stap einde se kant toe en dit voel dalk asof jy nie grond vat nie: Daar is laaste werkprojekte om af te handel, Kersplanne moet gemaak word, en ná ’n moeilike jaar moet jy elke sent drie keer omdraai. Om aan jouself aandag te skenk is waarskynlik die laaste ding op jou doenlysie. Maar kenners meen ’n paar eenvoudige gewoontes – hoe jy dink en hoe jy optree – kan ’n groot invloed hê op hoe gelukkig jy is. En hier gaan dit nie net oor gesonde gewoontes wat jy kan kweek nie; dit gaan veral oor slegte gewoontes wat jy dalk moet verbreek. Dit is dikwels dié dinge wat jy onnadenkend doen wat geleidelik aan jou emosionele en fisieke welstand knaag. Hier is vyf slegte gewoontes om…

Toe hy in 2019 blinkoog ’n graad in geesteswetenskappe verwerf het, sou Odirile Mokhale (26) van Bloemfontein nooit kon dink dat hy sewe jaar later met dié einste graad in die hand by ’n robot sou moes staan en bedel vir kos en werk nie. Dié oudstudent van die Universiteit van die Vrystaat het in die ses jaar sedert hy graad gevang het, los werkies by klerewinkels gedoen en selfs mense se huise en tuine skoongemaak om aan die lewe te bly. Allesbehalwe dít waarvoor hy geswot het. “Ek doen dit, want ek moet leef,” sê hy. Odirile se ouers is dood toe hy net vier jaar oud was en hy is deur sy ouma Katriena Mokhale (83) in Heidedal grootgemaak. Hy het aan die Petuniahoërskool daar gematrikuleer. “Ek het…

NR. 407 DWARS Sirkel (5) Voetbekleding (6) Voetkneg (5) Briewe (3) Pluis op tapyte (3) Vrugte pluk (5) Fraaie (6) Een van agt in ’n gelling (4) ’n Rit (3) Kol op dobbelsteen (4) Besittings (7) Klein munt (4) Skelm (8) Water opdam (3) Ontmande beeste (4) Kort balletrompie (4) ’n Kans waag op (3) ’n Nuwe huis bewoon (6) Uitroep van verbasing (3) Insake (2) Om rede van (5) Luidier (2) Lykbusse (4) Engelse doring (5) Oseaan (3) Kindjie (3) Vinnigste (6) Daar het jy dit! (5) AF Sommer hier naby (8) Regerende Indiese prinses (4) Heilige beelde (5) Luiseier (4) Dag tevore (6) Treintrajek (5) Voëlhok (3) Hoofstad van Noorweë (4) Elke (5) Boonste dakrand (3) Meervoud van epos (3) Gekko’s (8) Spesialis arts (8) Oefenstuk (musiek) (5)…

Met sy oop glimlag wat jou intrek en die charisma van ’n staatspresident is Michael-Daniel Bam g’n gewone 16-jarige nie. Dié jongman is ’n doelgerigte goeddoener en ’n politieke tornado – hy ís immers Kaapstad se junior uitvoerende burgemeester. Voeg by dié hoërskoolleerder van Cedar House in Claremont in die Kaap se reeds ellelange CV – hy doen al vrywilligerswerk sedert sy laerskooldae – dat hy ook sy eie stigting bestuur, hongeres voed, én dan nog die 50 junior raadslede van die Stad Kaapstad lei, dan het jy sekerlik die wenresep vir ’n toekomstige landsleier. G’n wonder sy stigting, die Michael-Daniel Bam Foundation, se leuse is: “Rise by lifting others” nie. Michael-Daniel self is ongelooflik beskeie. Dié oudste seun van Armand en Liezl, en broer van Gavri’el (10) en Emily-Rae…

FOKUS OP WIT KOLLE Polka dots het dalk destyds in die ’80’s en ’90’s hul grootste oomblik gehad, maar dié kolle is terug met mening en pryk op loopplanke van modereuse soos Marc Jacobs en Valentino in als van klere tot skoene en handsakke. Ons is óór die aktrise ZOË KRAVITZ (36) se sexy polka dot-rokkie by die Paryse Modeweek. Sy hou dit monochroom en rond dit af met swart hakke. STYLWENK Die Wednesday-aktrise Joy Sunday (29) wys hoe jy nóg polka dots by jou look kan voeg met bykomstighede soos ’n kopdoek en serp. ’n Swart baadjie hierby is net die ding vir ’n aandjie uit. SWART KOLLE Hou dit klassiek en kies ‘n wit of roomkleurige rok waar die fokus op die swart kolle is. Dra ’n gemak-like…

My dogter was ’n hokkiester op laerskool – ’n natuurlike leier, selfversekerd en gekies vir elke wedstryd. Toe breek hoërskool aan en skielik moes sy meeding met meisies wat vinniger, sterker en meer ervare as sy was. Week ná week het Katherine (17) op die kantlyn gestaan, net om in die laaste 30 sekondes van die wedstryd ingestuur te word. Vir ‘n kind wat haar identiteit om sport gebou het, was dít verpletterend. Sy wou hokkie staak, en ek het dit begryp, maar ek’t ook besef sy sou meer as net die weeklikse oefening verloor as sy sou wegstap. Ons het begin gesels oor ander spansportsoorte en toe sy touch rugby noem, het ons haar aangemoedig om dit te probeer. Sy was huiwerig, maar sy het ingestem – en daai…

OP TV WAAR DAAR ’N WIL IS Het jy seisoen een van die aktrise en aanbieder Lee-Ann van Rooi se geselsprogram, Waar daar ’n wil is, geniet? Skuif dan nader, want die tweede seisoen is terug op TV. Daar is splinternuwe inspirerende stories wat gedeel word deur uiteenlopende local gaste. Dis stories van mense wat almal uitdagings aangepak en vasgebyt het en wys waar daar ’n wil is, is daar inderdaad ’n weg, nes die program se titel dit uitwys. Van die stories wat vertel word, is dié van Rayno Nel, Suid-Afrika en die wêreld se sterkste man, en professor Debra Meyer, ’n gerespekteerde biochemikus en voormalige SABC-weeraanbieder. Die akteur en teaterlegende Cedwyn Joel, wat tans te sien is as Joey, die voorman van Soebatskloof in die daaglikse drama Kelders…

“Wat staar jy alewig so deur die verkyker na die berg?” vra haar vriendin Tina terwyl hulle op die stoep sit. Lara sit die verkyker op die tafel voor haar neer. “Ag, ek weet nie. Die berg hou ’n sekere bekoring vir my in. Dis asof daar altyd iets aan die gebeur is sonder dat ons daarvan weet.” “Ek hoop nie jy dink daaraan om een van die vele paadjies te volg nie,” wil Tina weet. “Tina, dis dalk nie ’n slegte idee nie,” laat hoor Lara. “Het jy nou regtig al jou varkies verloor? Dis gevaarlik, om die minste te sê.” “Bedaar, vriendin!” laat hoor Lara, maar haar kop krioel klaar van die planne. “Belowe my asseblief dat jy dit nie eers sal oorweeg nie!” smeekvra Tina. “Wat?” “Lara!”…