Kuierの 22 May 2025 の目次

Kyk, ek gaan dit maar nou net eenmaal erken: Ek's ‘n bangbroek en háát rillers en horror movies. Ek is een van daai mense wat wíl kyk, maar dan dwarsdeur die hele movie met ‘n kussing voor my gesig sit en vir my man vra wat gaan aan op ‘ie screen! Dan luister ek maar so die running commentary sonder die visuals… Daai haunted mansions waarin mense hulle so begewe in films, is my doodsteek! Ek wonder altyd hoe mense daar beland, en dan nog ál aan bly as dit begin spook? So verbeel jou my verbasing toe ek op ons voorbladfotosessie vir dié uitgawe myself in ‘n regte, egte “spookhuis” bevind. Mens, was dit nou vir jou ‘n ding! Ons het onlangs op die Plaisir-wynlandgoed buite die Paarl ‘n…

Dis omtrént ‘n gewoel om vier van die land se bekendste gesigte voor Kuier se kameras te kry vir dié voorbladfotosessie. En dinge op die werkende wynplaas Plaisir naby die Paarl, waar e.tv se eerste Afrikaanse daaglikse drama, Kelders van Geheime, geskiet word en ons ons vandag bevind, gaan net rustig voort. Ons span en die vroue wat ons voorblad versier is dié kant toe, daai kant toe binne die Marais-mansion, en later onder die koeltebome vir daai perfekte kiekies. Maar dis ‘n fees, want onder die pose-ery deur maak Veronique Jephtas (28) die heeltyd grappies, Vinette Ebrahim (68) laat almal tuis voel, Rushney Ferguson (36) lyk ewe tuis in die spookagtige, grênd ou plaashuis, en Vashti Prins (30) gooi elke nou en dan daai kenmerkende bos krulle van haar…

Op die derde dag van die Suid-Afrikaanse Ope in gholf in Maart vanjaar was Dylan Naidoo en Laurie Canter kop aan kop. Dylan het die laaste putjie gemis, maar geweet ‘n nuwe ronde wag waarop hy al sy aandag kon fokus. Maar toe hy die volgende dag met lang treë op die deurdrenkte gholfbaan uitstap, het sy moed in sy skoene gesak. Dit het só hard gereën dat die vierde ronde gekanselleer is. “Ek kon dit nie glo nie,” sê Dylan. “Die voorspelling het gewys net ligte reën en wind, maar toe ek by die baan aankom, het dit gesous.” Oomblikke later kondig die organiseerders toe aan die titel gaan met ‘n uitspeelstryd beslis word. Dylan het opgewarm en reggemaak vir die 18de putjie. Die laaste hou kon hy nie…

Dit was nie beplan nie, maar dis hoe dit móés gebeur, sê Kayla Johnson (30) van Villiersdorp in die Wes-Kaap oor die onbeplande tuisgeboorte van haar seuntjie, Caynan (amper vier maande). Sy was reeds vier dae oor haar due date toe sy die aand van 26 Januarie kontraksies begin kry. ‘n Uur later is haar seuntjie van 4,7 kg op haar ma se badkamervloer gebore. As sy nou daaraan terugdink, kan sy weer die Here se teenwoordigheid en vrede in daardie oomblikke voel, vertel Kayla. ‘n Situasie wat uiters stresvol kon uitgedraai het vir haar en haar geliefdes wat haar bygestaan het deur die geboorte, was uiteindelik peaceful en intiem. Sy en haar gesin het dié Sondag by haar ma-hulle gekuier. Nadat haar man en ander drie kinders huis toe…

Die Wet op Pensioenfondse laat steeds toe dat jy van die geld wat jy al in jou pensioenfonds gespaar het (as deel van die tweepotstelsel), as sekuriteit vir ‘n huislening gebruik. Daar is egter sekere vereistes, verduidelik Vickie Lange, Alexforbes se beste praktyke-hoof, in ‘n aanlyn artikel. “As aftreespaargeld as kollateraal vir die huislening gebruik word, dan sluit daardie bedrag al die potte in. Dus sal aftrekkings vir huislenings oor al die potte van toepassing wees, insluitend die spaarpot,” sê Vickie. “Daar is egter beperkings op hoeveel van die totale bedrag in die fonds as kollateraal gebruik kan word. Byvoorbeeld, die hersiene wetsontwerp wat uitgereik is, verwys na 65%,” sê sy. Van die vereistes vir so ‘n lening is ook dat dit met behuising verband moet hou, soos ‘n erf…

NR. 259 VRAAG: Watter geestelike wêreldleier het onlangs in die ouderdom van 88 in Italië gesterf? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 11 Junie 2025. SMS/R1,50. Die oplossing verskyn in die uitgawe van 3 Julie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 11 JUNIE 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1000!…

NR. 193 aartsvyand afslyt aksynsbelasting andyvie aptytwekker betyds blykie blyplek blywend bokskryt bolyf canyon dolfyn drukspyker dryfhou eensydig gelykmoedig gelykop gewysig gryskop hysbak karmosyn knyptang konyn kwynend Latyn mymering onderwyser ontydig outyds rosyntjiebrood skryftalent skrywer skynsel slypery snyblom strykyster stryery swartryp syferwater tapytwewery verbrysel verkyker verydel vysel wedstryd wynkelder wysneus yskas Ystydperk OPLOSSING VERSKYN IN DIE UITGAWE VAN 5 JUNIE 2025. SOEK VIR DIE SPELETJIENOMMER.…

IN DIE KOLLIG … Hy was al te sien as ‘n bokser in Arendsvlei en deesdae kuier hy op ons kassie in die telenovela Skemergrond. Ons gesels met William Adams (25), die akteur agter Louis Pienaar. 1 HY'S ‘N HARDE WERKER, NES LOUIS As jy Skemergrond kyk, dan weet jy al die plaasklong Louis Pienaar is op ‘n pos! Hy's altyd bereid om te help en sy hande staan vir niks verkeerd nie. En William, wat aan dié karakter gestalte gee, is netso. Ons gesels met hom oor ‘n videooproep terwyl hy buite die Baxter-teater in Kaapstad in die sonnetjie sit. Sy akteursvriend Lyle October werk hier. “Ek kom sit hier wanneer ek klaar is met my werk sodat ek hier is ingeval hulle iemand nodig het om te help,”…

“Sy ma se trots”, 8 Mei (Die Suidooster-ster) Dean Smith se ma, Helen, is ‘n mooi vrou – binne en buite. Fransie, haar pa, was trots op haar. LINDA My mense, julle máák Kuier se voorblad! Helen het altyd ‘n glimlag op haar gesig. Mooi, Dean! Jou main girl móét jou ma wees. ESMERELDA “Kylla se liefde vir haar ‘Lala’”, 8 Mei Ja, mens is mens. Mense sál julle kritiseer (Mickeyla Daniels), want julle kon meer ingesit het om daardie drie kinders uit Kelly (Joshlin Smith se ma) se sorg te vat. Julle kon net meer geduldig gewees het met maatskaplike prosedures en hofsake. Ek is ‘n ouma wat deur dieselfde storie kom met my dogter se twee kinders. Ek kon nie saans slaap nie en alleenlik die wete dat…

Sy karakter het die afgelope ruk omtrent die bloed laat kook en die senuwees laat knaag soos Carlo Daniels in Suidooster gegaan het van voorbeeldige tienerseun van Ruiterbosch na dwelmhandelaar en -gebruiker. Dié se lewe ontspoor uiteindelik só dat sy stiefma, Lee-Ann Daniels (Portia Joel), hom bloeiend en haweloos etlike kilometers weg van die huis af opspoor. Gesels jy met die jong akteur Jadon Booysen (16), wat lewe blaas in dié karakter, kom jy vinnig agter sy kop is reg aangeskroef. Daar is g'n sprake van sy karakter se onlangse streke nie… Hy onthou sy eerste dag op die stel van een van die land se gewildste sepies soos gister. “Ek was so op my senuwees dat ek sommer begin bry het!” Vra jy hom vandag watter lesse en truuks…

HOENDERKOOLBREDIE MET SUURLEMOEN Genoeg vir 6 mense BESTANDDELE 6-8 hoenderporsies sout en vars peper, gemaal 2 eetlepels olyfolie 2 uie, gekap 4 knoffelhuisies, fyngekap 1 eetlepel meel 1 koppie hoender-stock 2 koppies water 500 g baba-aartappels of 4 groot aartappels, in kwarte gesny ½ kopkool, in growwe stukke gesny 2 suurlemoene, in kwarte gesny Vir voorsit gaar rys ‘n paar takkies pietersielie METODE Voorverhit die oond tot 190°C. Hou ‘n oondvaste kastrol met ‘n deksel naby. ■ Geur die hoenderporsies met die sout en peper. Verhit die olie in die kastrol en braai die hoender tot goudbruin. Skep die hoender uit en hou eenkant. ■ Plaas die uie in die kastrol en stir fry tot goudbruin. Voeg die knoffel by en braai tot geurig. Sprinkel die meel oor en meng deur. Giet die stock en water by en roer goed. ■…

Haar lang vingers het haar in die sop laat beland, maar sy het geen beheer gehad oor wat en wanneer sy steel nie. Boonop was die items wat sy gegaps het, nie goed wat sy nodig gehad het nie. Daar was Angie se lipstiffie. Die roompie by die apteek, Riaan se oorfone, Bridgette se peperduur pen, ‘n serp, en selfs ‘n speelgoedhoender. Random items en nie juis goed wat ‘n mooi vrou in haar prime mee sou spog nie. Aanhangers van die gewilde sepie Suidooster is welbekend met die karakter Bianca (Simone Biscombe). Sy word dikwels gesien as die swartskaap van die Samsodien-familie, omdat sy haar eie kop volg en dikwels dinge vir dié familie omkrap. Dié keer was dit haar lang vingers, en sy kon haarself nie help nie.…

NR. 311 WEN R350 KONTANT! ? VRAAG: Watter profeet (612 v.C.) het God bevraagteken oor Babilon se inval? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 11 Junie 2025. SMS/R1,50. Die oplossing verskyn in die uitgawe van 3 Julie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK-LIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 11 JUNIE 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Toe ek twee jaar gelede by my duplekswoonstel intrek, was die trappe opwindend, maar ek het altyd my dogters gewaarsku dat hulle versigtig moet wees, want as hulle val, gaan hulle iets breek. Dis toe nie húlle wat by die trappe afval nie, maar die einste ek wat onlangs op ‘n Maandagoggend op pad werk toe by die trappe afgeneuk het. En daar breek ek my linkertoon, verstuit my regterenkel, en kneus my regtergewrig. My héle lyf het gepyn ná die val. My pa sê altyd die luiaard dra hom vrek, en dit was seker maar ek, want ek is met my handsak, baadjie, ‘n glas én ‘n vol wasgoedmandjie by die trappe af, omdat ek nie meer as een keer wou loop nie. Ek probeer nou nog uitwerk presies…

Dis bedrywig in Sea Vista aan die rand van St. Francisbaai in die Oos-Kaap, waar “Aunty Lau” se takeaway-winkel is. Buite ‘n enkel-garage staan ‘n windskeef bordjie met “Aunty Lau” en ‘n foonnommer daarop geskryf. Met die instap groet die vrou agter dié bynaam, Laurentia George (42), hartlik. Die plastiekstoele onder die groot houttafel word dadelik nadergetrek. “Welkom in die ‘kasi’. Sit, sit,” nooi sy, en dra botteltjies yskoue water aan. Laurentia is St. Francisbaai se calamari queen sedert Desember laas jaar, toe sy die dorp se calamari-kookkompetisie gewen het. En hoe dan anders? Haar pryswennercalamari lok dan tot oorsese besoekers. “Rêrigwaar!” laat sy ewe hoor. “Net annerdag kry ek ‘n WhatsApp van Hollanders wat al hier kom eet het toe hulle met vakansie in ons land was. Hulle wou…

Jare lank was daar geen tekens van die siekte wat haar lewe later ‘n hel sou maak en die pad na ouerskap so erg sou bemoeilik nie. Sy het “absoluut niks” van endometriose geweet nie, en die blote gedagte aan dié siekte was so “scary” dat sy ‘n breakdown gehad het toe sy 13 jaar gelede op 26 daarmee gediagnoseer is, vertel Kim Jacobs (39). Dit het gevoel haar wêreld stort in duie. Volgens wêreldwye statistiek word 10% (sowat 190 miljoen) van vroue en meisies deur dié chroniese, verergerende toestand geraak, sê dr. Mary Augusta Adam, ‘n verloskundige en ginekoloog van Johannesburg. “Dít beteken dat ongeveer 1 uit 10 vroue wêreldwyd met endometriose leef, en dis ‘n soortgelyke prentjie in Suid-Afrika.” Vandag maak Kim, van Johannesburg, oop oor die pynlike…

MOM JEANS Dié soort jeans is gemaklik, veral vir ma's wat alewig moet rondhol. Plat skoene soos loafers en pumps werk perfek hierby want die gaping tussen die skoen en broeksoom breek die silhouette en laat jou langer lyk. Jy kan ook maak soos die sangeres Kelly Rowland (44) en modieuse wit tekkies daarby gooi. MOM JEANS WYEPYP Wanneer jy wyepyp jeans dra, hou by platform wedge-sandals en chunky boots. Dit gee vir jou lekker lengte én is gemaklik. Die Sweedse model Elsa Hosk (36) wys jy kan ook nooit verkeerd gaan met pumps en wyepyp jeans nie. Gooi 'n baadjie daarby vir ekstra stylpunte. WYEPYP 90s FIT Wanneer jy 90s fit jeans dra, gaan vir hakke en boots met hakke – soos dié van die kletskoningin Oprah Winfrey (71)…

Herpes en blindheid Ek het onlangs gelees van ‘n tweejarige seuntjie wat blind geraak het nadat die herpes-virus sy ogie besmet het. Kan dokter meer oor die virus verduidelik. HELEN Antwoord BESTE HELEN Die herpes simplex-virus (HSV), of net herpes, is ‘n algemene infeksie wat tot pynlike blase of swere (ulcers) lei. Dit versprei grootliks deur vel-tot-vel kontak en is behandelbaar, maar nie geneesbaar nie. Ná die oorspronklike infeksie bly die virus dormant en leef dit in senuweeselle van die vel of die oog. Daar is twee variante. Tipe 1 (HSV-1) versprei meestal deur besmette speeksel en lei tot infeksies in of om die mond (orale herpes/koorsblare), wat volwassenes raak. Tipe 2 (HSV-2) versprei deur seksuele kontak en lei tot geslagsherpes. (Ma's kan dit ook aan babas oordra tydens geboorte.)…

NR. 336 WEN R350 KONTANT! ? VOLTOOI: Sy vertolk die rol van dr. Shireen Abrahams in ‘n plaaslike sepie. SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 11 Junie 2025. SMS/R1,50. Die oplossing verskyn in die uitgawe van 3 Julie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK-LIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 11 JUNIE 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Ek sien onlangs ‘n meme wat lui: “Our cousins are our first friends”. Dit het my laat dink aan hoe ‘n mens dekades lank die blink kant bo hou … tot jy eendag besef jy's eintlik die “NikNaks-kind” in die familie … Daar is niks vreemds daaromtrent in ons bruin gemeenskappe vir niggies en nefies om saam in ouma se huis groot te word nie – dís dikwels meer die norm as die uitsondering. So, as die eerste kleinkind van vele het ek my al as tiener begin ontferm oor ons familiekinders. Toe ek my eerste werk begin by Shoprite, het ek gesorg dat my broertjie ‘n trok vir Kersfees kry. Later, toe ek ‘n beter inkomste verdien het, het ek seker gemaak elke kind wat by ouma se huis…