Kuierの 8 May 2025 の目次

Dean Smith is een van daai lekke’ mense. As jy hom volg op social media weet jy al teen dié tyd hy’s skreeusnaaks. En in regte lewe is hy nétsoe. Toe ons onlangs idees rondgooi vir ons Moedersdaguitgawe-voorblad was Dean een van die sterre wat opgepop het. Hoe oulik sou ’n cover nie wees met hom en sy ma, Helen, nie? Die versoek is deurgestuur, en kort daarna pieng ’n WhatsApp met ’n video van hom wat ghai en wil weet: Kan hy ten minste dié keer sy hemp laat waai en kaalbolyf pose? Sy ma kan ma’ ha hemp aanhou! Ek moes mos lekke’lag vir daai een. Dean is die jongste van drie kinders en sy ma, Helen, se enigste seun. ’n Regte mommy’s boy, soos hy self sê.…

In dié boodskap ontmoet ons dapper ma’s wat die geskiedenis van die Israelitiese volk verander het. En hoewel die naam van die Here nie direk genoem word nie, is Sy genade en getrouheid deurlopend teenwoordig. In Eksodus 1 word vertel van ’n nuwe koning wat nie van Josef se goeie dade teen Egipte geweet het nie. Hy het die Israeliete as ’n bedreiging beskou en beveel dat alle seuntjies doodgemaak moes word. In ’n tyd van groot gevaar raak ’n Levitiese vrou, Jogebed, swanger. Haar naam word eers in Numeri 6 genoem. Sy gee geboorte aan ’n babaseuntjie, en die Bybel sê: ”Toe sy sien hoe mooi is hy, het sy hom drie maande lank weggesteek.” Hierdie ”mooi” verwys nie net na sy voorkoms nie, maar dui ook op iets…

Hy was eers doodbang vir ’n perd, maar toe Elrico Sesingi (17) se stalkneg-oupa, Paul Tshabalala, hom eers bo-op een se rug getel het as kleuter, wou hy skaars weer daar afklim. Hy was dol oor die gevoel, en van toe af kon hy nie ophou droom oor perde nie. Later het hy en sy ouboet, Anthony, sommer self begin aanbied om by die perdestalle te help. Toe Elrico uitvind S’manga Khumalo was die eerste swart perdejoggie om die Durban July Handicap in 2013 te wen, was hy éérs vuur en vlam. ”Toe sê ek vir myself, maar as hý dit kan doen, dan moet ek dit ook probeer doen.” En as ’n mens groot drome koester, maak jou omstandighede nie saak nie. Daarvan is Elrico ’n klinkklare bewys. Begin…

ROOIBOS-EN-SUUR-LEMOENSTROOP Lewer 1 liter stroop BESTANDDELE 1 koppie suiker 1 koppie suurlemoensap 2 koppies sterk rooibostee 5 cm-stuk vars gemmer, geskil en in skyfies gesny METODE Voorverhit die oond tot 160°C. Hou ’n skoon glas-bottel byderhand. ■ Plaas die suiker, suurle-moensap en rooibostee saam in ’n diep kastrol. Bring tot kookpunt. ■ Verlaag die hitte en voeg die gemmer by. Laat die stroop vir 10-15 minute prut en verwyder van die hitte. ■ Plaas die glasbottel in die oond en verhit 10 minute lank. ■ Haal dit versigtig met ’n oondlappie uit en giet die warm stroop in die bottel. Seël goed en laat heeltemal afkoel. ■ Bêre tot twee maande in ’n koel, donker plek. Ná die bottel oop is, kan dit tot 2 weke in die yskas gebêre…

NR. 192 aanvullend alkalies alkohol alleen allerlaas almal altviool bladlees bloeisel blombol blomkool Bloubul blyspel elftal ellelank fluweel gesellig globaal glyplank halleluja Klaagliedere klepel klimtolle krullebol lalapalm lamlê lapel leksel lepelsteeltjies lidland lila liplees lobola lollery loslaat Loslitdag oliebol oorlelle paleoloog parallelle pluksel selluliet ululalie valbylpot vlekloos vleuel volgeling volkslied voltallig wildsvleis OPLOSSING VERSKYN IN DIE UITGAWE VAN 22 MEI 2025. SOEK VIR DIE SPELETJIENOMMER.…

”Dubbele geluk vir Zoë-hulle”, 24 April Zoë, jy’s absoluut pragtig. Die mom glow pas jou perfek. LILIAN ”Waar is my ma se as?”, 24 April Dit klink so onwaar van St. Francis-begrafnisondernemers. Ek is baie jammer vir die families wat benadeel is. Mnr. Booysen het baie beteken in die gemeenskap van Kraaifontein, spesifiek die minderbevoordeelde gemeenskappe. Hy was tegemoetkomend, het arm mense wat nie kon bekostig nie, baie minder laat betaal. Hy het hulle met respek en deernis te ruste laat lê. Ek wonder wat het verkeerd gegaan. MIMMIE ”Here, my kind lééf!”, 10 April Baie sterkte, my suster (Beronique von Wiling). Skep moed in die Here; Hy sal vir julle krag gee. Hy het u sover gedra en u seuntjie leef nog (ná hy deur ’n taxi omgestamp is).…

ADRIENNE BANFIELD-NORRIS & JADA PINKETT SMITH Jada (53) en haar ma, Adrienne (71), sit byna nooit ’n modevoet verkeerd nie, en swart en wit is mos altyd ’n stylwenner. Ons wys hoe jy iets soortgelyk en ewe treffend aanmekaar kan slaan. ’n Wit polonek-rok is ’n móét, en wit en silwer bykomstighede daarby vat jou look na die volgende vlak. Jy kan ookjou figuur beklemtoon met ’n belt, soos Adrienne. LOOK 1 LOOK 2 UMA THURMAN & MAYA HAWKE Uma (55) en haar aktrise-dogter, Maya (26), lyk elegant in ’n skirt-en-broek-look. Uma se valletjies-skirt bring die drama en haar stylvolle swart baadjie rond haar look perfek af. Ons rond Maya se broek-en-jas-combo af met ’n streephemp met ’n oorgroot strik wat die oog vang, en wat nou hoogmode is. LOOK…

Platgetrek deur kiem Ek is ’n paar weke terug platgetrek deur diarree en ’n paar van my gesinslede het ook deurgeloop. Ek lees toe die norovirus kan die skuldige wees. Wat presies is dit en hoe kan ek dit voorkom? Want dit het nogal my roetine erg omvergegooi. ANONIEM Antwoord BESTE ANONIEM Norovirusinfeksie kan ernstige braking en diarree veroorsaak wat skielik begin. Dié virus is hoogs aansteeklik. Dit versprei meestal deur water of kos wat tydens voorbereiding besmet is, deur besmette oppervlaktes, en deur noue kontak met iemand wat ’n norovirusinfeksie het. Wêreldwyd word sowat een uit vyf gevalle van akute gastro-enteritis deur noro veroorsaak. Diarree, maagpyn, naarheid en braking begin gewoonlik 12 tot 48 uur ná blootstelling, en simptome duur so een tot drie dae. Die meeste mense herstel…

SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 28 Mei 2025. SMS/R1,50. Die oplossing verskyn in die uitgawe van 19 Junie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 28 MEI 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Die Joshlin Smith-saga is oral: op TV, radio, in tydskrifte en koerante. Dis op Facebook, Instagram en TikTok, en op die lippe van mense in kantore en op openbare vervoer. Dis ook nou in my slaapkamer. Letterlik. Die ding staan só: My vrou en haar kollegas het ’n ”hofklub” by die werk. Jip, daar is ’n televisie in die kantoor en die hofsaak speel heeltyd in die agtergrond. Voor werk en ook tydens middagete ontleed die ”lede” van die klub die saak. Alles word bespreek – getuies, die regter, die verdediging en die beskuldigdes. Veral die vermiste Joshlin se ma, Kelly. Daar is nooit ’n goeie woord oor Kelly nie. Dan is daar nog die ”akteurs” in die saak. Die een staan glad as ”Whoopi Goldberg” bekend. Saans, net voor…

As driejarige het hy op en af voor die TV gespring en hard saamgesing. Tien jaar later vul musiek die jong Rylan Lemmetuis (13) stééds met vreugde. ”Hy het gesukkel met ekseem, en sy allergie-vlak was so erg, dat ons hom binne moes hou. Hy was vir byna alles allergies. Hy kon nie op gras speel nie, en dit was maar beter om hom in die huis te hou en musiek te speel,”vertel sy ma en bestuurder, Nadia. Mettertyd het daai musiekliefde Rylan laat skitter op skoolverhoë en in talentkompetisies. En teen 2023 het dié gr. 8’ie aan Curro Mosselbaai tot in New Jersey in Amerika aandag getrek toe hy sy tuisland by die International Performing Arts Championships (IPAC) verteenwoordig het. Daar het Rylan eerste gekom in sy ouderdomsgroep in…

Hy ís ’n mommy’s boy. Die Suidooster-ster Dean Smith (31) is glad nie skaam om dít te erken nie. En hier waar hy en sy geliefde mammie, Helen, poseer vir hul eerste voorbladsessie saam by sy huis in die Kaapse noordelike voorstede, sien jy dadelik: Dié twee kan nie sonder mekaar nie. Selfs al maak hy haar hoe kwaad met sy alewige ge-ghaiery, is Helen in haar klong se hoekie. Altyd. En Dean ”oe” en ”aa” ook elke keer as sy ma die sitkamer binnestap in ’n nuwe tabberd. ”Kyk nou net hie’ …” spog hy met haar. En duidelik geniet Helen haar enigste seun en jongste kind se vleiery, want so op ’n kol tussen die fotonemery gooi sy spottenderwys daai gestyle-de hairdo dat hy doer waai – tot…

Vanuit die skooltjie tussen die wingerde kom ’n koor van kinderstemme, vergesel deur die ritmiese dreungeluid van voete op houtvloere en hande op lessenaars. Vir oningeligte ore klink dít dalk soos ’n geesvangsessie voor ’n atletiekbyeenkoms. Maar nee, dié kinders is besig met ernstiger dinge. Soos wiskunde en hoe om lettergrepe reg te klank. Voor in hierdie jolige klaskamer dans die onderwyseres terwyl sy vandag se les vir haar leerdertjies voorsing. Danksy die vindingryke Robyn Botes (27) en TikTok, is leer by Slanghoek Primêr op Rawsonville lekkerder as ooit. Die resultate? Ewe indrukwekkend. Robyn het op ’n dag die idee gekry om gewilde liedjies op TikTok as hulpmiddel in te span. Toe deel sy boonop haar ritmiese leermetode op dié aanlyn platform en word oornag ’n ster. Een video, oor…

Dis nie aldag dat ’n mens in ’n internasionale musieklegende se geselskap kan sit nie. Selfs al is dit net vir 15 minute, knap voor Jonathan Butler (JB) moes verhoog toe by The Blue Room in die Kaap. Boonop knaag die senuwees met dié dat cool musikante soos Jimmy Nevis ook backstage sit en toekyk … Maar ten spyte van die starstruckoomblikke wat ’n mens laat struikel oor jou Ingels, wou dié musiekliefhebber en supergroot JB-fên wat ek is, darem ook die beste van elke liewe sekonde saam met ons eie internasionale sangsensasie maak. Jonathan (63) is mos darem g’n amateur nie. Hy het seker al so 28 albums op sy kerfstok, en sy jongste een, Ubuntu (wat in 2023 uitgereik is), is geïnspireer deur sy grootwordjare tydens die struggle…

Daai oorhangmagie waarmee jy sit ná jou maagvel deur swangerskap of vinnige gewigsverlies tot sy uiterste gerek en -strek is, staan ook bekend as ”voorskootmaag”. En die kans is goed dat jy iets daaromtrent wil doen, want dit lyk mos maar vir min vroue sexy, kan pyn veroorsaak, oefening bemoeilik, of jou in jou klere in laat baklei. WAT ÍS ’N’APRON BELLY’? ’n Voorskootmaag is ’n erkende toestand waar oortollige vet en vel ’n flap aan die onderkant van die maag vorm – byna soos ’n voorskoot wat laag om jou middel gebind is. Die mediese benaming is ’n abdominale pannus of panniculus. ”In kort is dit ’n stuk vel aan die onderkant van die maag wat sy elastisiteit verloor het, en nie ná gewigsverlies kan terugkrimp nie,” sê die…

My ouers woon in die Noord-Kaap en kom kuier gewoonlik twee keer per jaar in die Kaap. Die afstand is net te ver vir grootmense om alleen aan te durf elke vakansie, en vlugkaartjies is dúúr. Wanneer hulle land, spring hulle gou in en help met huistakies in en om ons huis waarvoor die huisbewoners nie tyd kry nie. Uit eie wil, natuurlik. Dit is vir my seuntjie die grootste plesier om saam met ouma en oupa in te spring en takies te verrig. Ons het maar ’n eenvoudige huisie met ’n tuintjie voor, en ’n redelike groot grasperk agter die huis vir hom om op rond te hardloop en te baljaar. Dié grasperk is ook so ingeperk met die trampoline en ’n jungle gym daarop. Wat my egter moeg…