Kuierの 26 September 2024 の目次

Kuier se Lentedag was soos gewoonlik weer ’n fees! Soveel só dat ek letterlik nog recover soos ek hier sit en tik. Kort ná ons pastel “patsy” het ek sowaar siek geraak. Soos een gegrap het: Die Kuier-leier is down! I repeat: Kuier-leier down! Maar, mense, was dit nou vir jou ’n lekker patsy. Daar’s heerlik gekuier, gedans, en net uitgehang met lekke’ mense. Maar voor ons do was daar darem benoude oomblikke… Soos gewoonlik het ek eers ’n dag voor die tyd rondgehardloop vir ’n outfit (en dít ná ek myself belowe het dit gaan nie wéér hierdie jaar gebeur nie). En net ure later het my hart amper gaan staan toe een van ons acts, Salome, bel om te sê sy’s nog in Mosselbaai vir haar TV show…

Sy onthou 28 Augustus laas jaar soos gister. Haar “egte oumakind”het inderhaas tydens aandete die huis verlaat. Hy’t nooit weer teruggekeer nie… ’n Dag later is die 15-jarige Deuwrico de Wee se lewelose liggaam langs die Blackheath Primêre Skool op ’n bebosde stuk veld gevind. Hy is meer as 50 keer gesteek. Die moordtoneel was vir sy ouma Rosaline Seppie (68) en ma, Jurina de Wee (42), die soort ding wat hulle nog net op TV gesien of in koerante oor gelees het. Dit was “ergeras dié van ’n diereslagting,” vertel Rosaline. Dis meer as ’n jaar later, en sy ween nog elke dag voor God oor die hoekoms en waaroms, sê sy. Die gr. 8 leerder van die Hoërskool Good Hope in Kuilsrivier in die Kaap se familie bid…

Al ooit ’n verwer na die verfkwas sien gryp voor hy prepwerk gedoen het? Dieselfde geld vir jou vel. As jou lotion die “verf” is, dan moet jy die vel eers voorberei om dit op sy beste te laat lyk daarvoor. Dís waar velafskilfering (of exfoliation) inkom. Om jou vel te exfoiiate is ’n belangrike stap in jou velsorgroetine. Ons weet hoe belangrik cleansing en moisturising is, en die noodsaaklikheid van sonskerm. Maar het jy al moeite gedoen om te exfoliate? Om jou vel gereeld af te skilfer is belangrik om dit vars en gesond te laat lyk, ongeag watter velsoort jy het. Dit help ook met probleme soos donker vlekke, pigmentasie en ’n growwe tekstuur. Maar hoe kies jy? Met soveel produkte op die mark is dit moeilik om…

Dis presies vyf maande sedert sy haar geliefde dogter, Logan (23), verloor het en die pyn lê nog vlak vir Levirn Sylvester. Sy sukkel om te praat sonder dat die trane oor haar wange stroom. “Logan was die mooiste mens. Soft-spoken; soveel respek gehad vir ons," sê Levirn (43). “So baie dae het ek vir die Here gevra: ‘Hoekom mý kind?’ Sy is nog so jonk en het haar lewe voor haar gehad. Sy wou nog kinders van haar eie hê…” Maar dit gaan nooit gebeur nie. Logan het na ’n dubbele kankerstryd tragies aan keelkanker gesterf. En vandag is Logan se ouers, Levirn en Devlin (57), dankbaar vir elke minuut wat hulle saam met hul dogter gegun was. Sy was ’n assistent-onderwyseres by ’n plaaslike laerskool en wou nog…

Drie vroue vertel hoe hulle die rooi sand van Kathu in die Noord-Kaap tem. Hier staan hulle soggens op, trek overalls aan en vertrek myn toe om van die swaarste masjinerie denkbaar tegaan uit-sort. Hulle ís immers twee diesel mechanics en ’n millwright… Kuier het gewonder wat presies behels hul loopbane by die Assmang Khumaniysterertsmyn sowat 35 km buite Kathu, en hoe hulle die weegskaal gebalanseerd hou tussen dié steeds mans-gedomineerde wêreld van ghries en stof, en hullewe as ma’s en partners buite die myn. Ons gesels met Loegeneé “Lue” Baaiers (32), Edré-Leigh “Leigh” Valtyn (24) en Lauren Willemse (32) oor die plesiere en uitdagings van ’n loopbaan in mynbou. WIE IS LUE, LEIGH EN LAUREN? Lue: Ek biy in Postmasburg (so 15 km van die myn), is enkellopend en…

SMS OM IN TE SKRYF! VRAAG: Watter akteur speel die manlike hoofrol teenoor Halle Berry in die spioenriller The Union? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 16 Oktober 2024. SMS/R1.50. Die oplossing verskyn in die uitgawe van 7 November 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDESTER-BLOKRAAI EN HUL BESONDERHEDE VERSKAF. DIE SLUITINGSDATUM IS 16 OKTOBER 2024. GEEN WHATSAPP-BOODSKAPPE WORD MEER AS INSKRYWING AANVAAR NIE.…

INSPIRASIE ’n Baba was die heel laaste ding wat sy op 39 verwag het. Ná ’n jarelange kankerstryd het Marion Peake gedink dis onmoontlik dat sy weer swanger kon word. Maar toe, ’n maand gelede, voel sy die Sondagoggend op pad kerk toe só siek dat haar man, Matthew (41), langs die pad moes stilhou. “Is jy swanger?” het hy geterg. Sy was onder die indruk sy het ses jaar tevore die laaste keer geovuleer. Sy weet die hormoonbehandeling wat ná die kankerdiagnose en mastektomie voorgeskryfis, onderdruk haar ovulasie. Daarby het sy en haar pastoorman reeds 21 kinders onder hul dak. Afgesien van hul eie twee dogters, Meliyah (12) en McKenna (8), bied hulle ’n heenkome aan kinders in nood. “Ek’s heeltemal te besig vir ’n baba, “het Marion eers…

EIER-EN-UIE-BRAAIBROODJIE Genoeg vir 4 mense BESTANDDELE Mielieslaai 2 mielies (aan die stronk) 2 eetlepels sagte botter 1 eetlepel Marmite ’n handvol vars pietersielie, gekap 1-2 rooi chillies, fyngekap 1 knoffelhuisie, fyngekap sap en fyngerasperde skil van 1 suurlemoen ½ komkommer, in klein blokkies gesny 4 spring onions, gekap Smeersel 2 eetlepels mayonnaise 2 eetlepels chutney 1 teelepel roasted masala Braaibroodjies 8 snye brood 1 ui, in skywe gesny 1 rooi-ui, in skywe gesny 4 eiers, gebak 1 koppie gerasperde cheddar Vir voorsit boerewors, gebraai METODE Maak ’n braaivuur met genoeg kole vir braai. Sit ’n driepoot in die kole en hou ’n rooster byderhand. Mielieslaai ■ Sit die mielies op die roosteren braai tot heldergeel en effens geskroei. ■ Meng die botter en Marmite saam en smeer oor die warm mielies.…

Hartgesondheid Dokter, my man (47) is onlangs gediagnoseer as ’n hartpasiënt. Ek wil net meer uitvind oor hartsiektes en wat ons kan doen om hom te help hiermee. ANONIEM Antwoord BESTE ANONIEM In Suid-Afrika lei kardiovaskulêre siektes tot een uit elke ses sterftes (17,3%). Die Hartstigting meen daar sterf daagliks 225 mense aan hartsiektes en beroertes. Een uit elke drie volwassenes het hoë bloeddruk, wat lei tot een uit elke twee beroertes en twee uit elke vyf hartaanvalle. Dis’n “silent killer" want daar is selde simptome of sigbare waarskuwingstekens van hoë bloeddruk- meer as 50% van lyers is onbewus van hul toestand. En tot 80% van dié kwale kan voorkom word. ONBEHEERBARE RISIKOFAKTORE: • Ouderdom - hartsiektes is meer waarskynlik hoe ouer jy is. • Geslag - vroue se risiko…

Sy? ’n Geselsprogram aanbied? Nie eintlik haar cup of tea nie, Trouens, elke keer as die aktrise Lee-Ann van Rooi (52) oor dié klas joppie genader is, het sy maar ge-duck and dive. “So iets was heeltemal buite my gemaksone. Ek dink steeds Oprah was die heel beste en daar sal nooit weer iemand soos sy wees nie. Ek voel gemakliker om agter ’n karakter te skuil. En as jy ’n talk show aanbied, moet jy jouself wees en ook natuurlik van jouself gee.” Baat nie sy’tgekoes of gekerm nie. Dis nou kla’wat dit so is, want eersdaags sit Lee-Ann in die aanbiederstoel van haar eie geselsprogram wanneer Waar daar’n wil is op 4 Oktober op kykNET afskop. En aLLe lof aan die regisseur en vervaardiger, Francois Nolte, wat haar…

DIE GEYSER Dis een van die grootste elektrisiteitsvrate in jou huis. ’n Universiteit Stellenbosch-studie wys as jy jou geyser korrek stel volgens die hoeveelheid warm water wat jy gebruik, kan jy meer op waterverhitting bespaar as wanneer jy ’n thermal blanket gebruik, of die temperatuur van jou geyser verlaag. “Die beste manier om op huishoudelike elektriese waterverhitting te bespaar, is om twee uur voor jy gaan stort of bad die water te verhit, en dan die verhitting te stop net voordat jy in die stort of bad klim,” sê prof. Thinus Booysen van die departement elektriese en elektroniese ingenieurswese aan die US. “Hoe kouer jy jou geyser stel, hoe minder hitte verloor dit aan die omgewing. Ons mik vir tussen 50 en 55°C,” sê hy. DIE STOOF Beperk oondverhitting vooraf…

Sharleen Jacobs, oftewel Mrs J, het haar siel verkwik. En in die skoene van haar geliefde sepie-karakter het die Suidooster-aktrise Theresa Sedras (71) nuwe perspektief gekry. “Born again” geword. “Ek was maar skaam voor Mrs Joor my pad gekom het. ’n Teruggetrokke mens sonder selfvertroue. Mrs J het my absoluut gebou as mens; ’n ander soort krag gegee wat Theresa nooit gehad het nie.” Uit die staanspoor was sy die fiktiewe Ruiterbosch se moederhen en uitkykantie. Nou het sy ná nege jaar haar Suidooster-familie met ’n swaar, maar dankbare hartgegroet: Mrs J gaan op Tulbagh bly by haar man, Ronnie, wat aan Alzheimers ly. Dis steeds ’n riem onder haar hart dat wildvreemdes by haar raad vra, of dat Mrs J vir hulle moet bid. En, nes Ruiterbosch se uitkyk-antie,…

DIE ‘LIBBOKS’ VERNA-LEE ARRIES Manie se verloofde, Verna-Lee, se rokkeuse is in die kol vir lente. Dié bodycon-styl kom in verskeie motiewe en kleure en vlei die lyf. ’n Paar wedges daarby voltooi die sjiek prentjie. MANIE LIBBOK Manie is een van die stylvolste manne in die Bok-groep. Dié casual chic look is lekker gemaklik vir die strate invaar. Lang sokkies met tekkies? Ons is in! DIE KOLBES LAYLA Swart is ’n staatmaker in jou klerekas en dié ma van drie wys hoe jy dit op ’n modieuse manier kan inspan om die koppe te laat draai. Sy breek haar swart look met ’n roomkleurige handsak vir trefkrag. Maak soos Layla en zjoesj jou look op met’n spatsel kleur in jou bygoed. CHESLIN Dié Bok-blits kies altyd gemak. Hy gaan…

NR. 177 Afrikaans Amharies Arabies Chinees Deens Duits Engels Farsi Frans Grieks Gujarati Hebreeus Hindi Igbo Italiaans Japannees Javaans Joroeba Koreaans Latyn Maleisies Malgassies Marathi Ndebele Nederlands Noorweegs Oerdoe Oromo Pedi Persies Pools Portugees Russies Shona Sotho Spaans Swahili Swazi Sweeds Tagalog Tamil Teloegoe Thai Tsjeggies Tsonga Turks Venda Viëtnamees Xhosa Zoeloe OPLOSSING VERSKYN IN DIE UITGAWE VAN 10 OKTOBER 2024. SOEK VIR DIE SPELETJIENOMMER.…

“Waarmee sal die jongeling sy pad suiwer hou?” Deur hom te verlustig in die weë van die Here. Onbeskaamd. Deur voluit te lewe vir Sy naam en saak. Ek is ’n lewende getuienis van hoe goed God is vir my. Ek bevind myself in die proses om Sy doel vir my lewe ’n werklikheid te maak- deur my passie te volg om onderwyser te raak. Ek is tans ’n derdejaaronderwysstudent, en op’n missie om ’n verskil te maak aan elke jong siel daarbuite. Ek vat dít glad nie ligtelik op nie. Dit is meer as net ’n beroep; dit is ’n roeping. Dinge was nie altyd maklik vir my nie. As kind is ek deur baie storms, struikelblokke en terugslae. Keer op keer. As ek wil opstaan, val ek weer…