Isolezweの 2025-10-07 の目次

SOMIZI usephawule okokuqala ngokuchashwa ngenhlamba nguNgizwe Mchunu emuva kokuthi kusabalale izithombe zabesilisa ababeshada begqoke imvunulo yakwaZulu neyakwaXhosa. USomizi kwi-video esabalale ezinkundleni zokuxhumana, udonse ngendlebe abaphila impilo yokuthandana nobulili obufanayo ukuthi bangalinge bathuswe umsindo okhona manje, wathi abaqhubeke baphile impilo yabo bangashintshwa muntu. “Ngiyanibonisa ukuthi ningabavumeli laba bantu abacwasayo banenze nibe nezinhliziyo ezincane, niphatheke kabi. Enginitshela khona ukuthi ningashintshi ukuthi ningobani ngoba ninovalo. Ningalinge nibathuke nifinyelele ezingeni labo, qhubekani niphile impilo yenu ngendlela ebeniyiphila ngayo. Lokhu engizokusho manje angigqugquzeli udlame kodwa bayasazi ukuthi singobani siphila mpiloni, uma kumele isuke izosuka. Ngicela nizilungiselele ukuthi uma besiqala nathi sibe sikulungele lokho,” kuchaza uSomizi. Uthe wonke umuntu ophila le mpilo kumele ahlale ekulungele ukuthi balwele amalungelo abo kodwa okwamanje bangalinge bathuke inhlamba ezinkundleni zokuxhumana. Kwenzeka lokhu nje, uNgizwe ngeSonto, beneqembu labantu besilisa abamesekayo kulo…

MHLELI: Kwelakho eliwela umfula ugcwele, ngithi mangisike elijikayo ngoMnyango wezeMpilo esifundazweni. Sikhulu isikhalo nesikhala esivuleke emva kokuba kuvalwe onompilo abahlala emiphakathini nabasebenza nomphakathi nsuku zonke, bathathwa bayosebenza ngokugcwele ezibhedlela nasemtholampilo. Sikuthola kunzima ngempela njengomphakathi ngoba inhlalakahle yomphakathi ayisavikeleki. Kunezaguga nabaphila nokukhubazeka abazithola behlukunyezwa kugcine kungatholakalanga ubulungiswa futhi kungezwakalanga. Iqhaza lonompilo belilikhulu futhi bevikelekile abangakhoni ukuzivikela. Ngifongqa isigqoko, ngiyanxusa emnyangweni ngiyacela ababuyiswe onompilo emphakathini. Le yokuthi batholakale ezibhedlela nasemtholampilo yenza ibe nzima inhlalakahle yomphakathi. Mxolisi 'Igwazangubo' Buthelezi ENQUTHU…

ULAHLWA nawunina owesifazane osolwa ngecala lokweba ingane yomqashi wakhe ngasekupheleni kwenyanga eyedlule. Umsolwa uNksz Lungile Mbonambi (35) ongowokudabuka eMandeni, ubevele eNkantolo yeMantshi yaseThekwini, izolo, ukuzofaka isicelo sebheyili. Usolwa ngokweba ingane yomqashi wakhe eflethini elisenkabeni yeTheku, ngoSepthemba 27, 2025. Lokhu kwenzeka ngesikhathi unina wengane esemsebenzini. Lona wesifazane watshelwa indodana (14) yakhe ukuthi umsolwa uhambe ekuseni nengane, wathi uma efonelwa wayengasatholakali ocingweni, kwaze kwafakwa isaziso ezinkundleni zokuxhumana ngengane entshontshwe wumzanyana maqede kwaqhamuka abakubo kwesoka, bethi ingane kayebiwe, ize kubo. Imantshi uNkk B Vahed imnqabele ibheyili umsolwa ithi uma ededelwa ngebheyili maningi amathuba okuthi abalekele icala. Unina kamsolwa, uNksz Thembisile Khanyezi exoxa ngaphandle kwenkantolo, uthe ayikho into afuna ukulokhu eyikhuluma “ngesigebengu”. Uthe akazi ukuthi umsolwa ubesengaphansi kwayiphi ingcindezi aze akhethe ukweba ingane yomuntu. “Kwamina izingane ezintathu enginazo, okubalwa naye, ngazithola sengimdala. Sengithukwa nangabantu…

UKUNCOMEKA kwerekhodi lakamuva leBafana Bafana uma ibhekene neZimbabwe kufanele ukuthi kubakhuthaze abafana bakaHugo Broos. Ngalokho, akukho ukungabaza ukuthi bazogadulisana nalaba omakhelwane bezimisele ukufela enkundleni uma seziqhuthana emdlalweni wokuhlungela iNdebe yoMhlaba ozoba seMoses Mabhida Stadium, eThekwini, ngoLwesihlanu ngo-6 ntambama. Kodwa ukuncokola komqeqeshi wamaWarriors, uMichael Nees, ngesimo saleli qembu lesizwe kulandela isinqumo seFifa, kufanele kuyenze iBafana ifike kubona ifuthelana. Ngokusho kwalo mqeqeshi waseZimbabwe odabuka eGermany, akukho okufanele kubavimbe ukuya ngenhloso yokubuya newini kulo mdlalo kaGroup C eThekwini. Ngokujwayelekile, iBafana iyazenzela kwiZimbabwe uma kuhlungelwa iNdebe yoMhlaba ne-Africa Cup of Nations (Afcon) njengoba kwenzekile begcina ukuhlangana eBloemfontein, ngoJuni nyakenye, osekungumlando ukuthi ezikaBroos zinqobe ngo 3-1. Kuyaxaka nokho ukuthi isiqhamukaphi le ntshisekelo yeZimbabwe yokunqoba koweBafana kwazise kawukho umphumela osengayisiza ukuthi ingene kweyoMhlaba. AmaWarriors apikele oweBafana isikimu esibunjwe ngabadlali abanomlando emaqenjini athathwa njengamakhulu ebholeni laseNingizimu Afrika,…

WAYENGUMGIJIMI ovelele wamabanga amade osengumqeqeshi, uProdigal Khumalo, uthi abagijimi kumele bagweme ukungenela imijaho eminingi kulandelana ukuze bezokwazi ukuthuthuka. UKhumalo owawina umjaho i-UTCT World Tour 100km amahlandla amabili, ubephawula ngokuphulwa kwerekhodi lakuleli lika-10km nangamanye amarekhodi asengcupheni. Ngempelasonto, uMaxime Chaumeton ube wumgijimi wokuqala waseNingizimu Afrika oqede u-10km ngesikhathi esingaphansi kwemizuzu engu-27. Lo mgijimi oneminyaka engu-23, uqede ngo-26:55 emjahweni obuseRomania, waphula irekhodi lika-Adrian Wildschutt lika-27:28 alishaya kwi-Absa Run Your City eGqeberha ngo-Ephreli. "Kuyajabulisa ngoba wumfana osemncane oneminyaka engu-23 osaya kude kakhulu. Usezandleni ezinhle futhi ngaphansi kukaHendrik Ramaala naye owayenezikhathi ezinhle kakhulu esagijima. Udlulisa amava kulo mfana," kusho uKhumalo oseqeqesha abagijimi ngaphansi kwekilabhu yakhe i-Orcas Running Academy. Uthe okuhle ngoChaumeton wukuthi akagijimi imijaho eminingi kulandelana. "Maningi amathuba okuthi aqhubeke nokuphula amanye amarekhodi. Iqiniso ukuthi uma ungenela imijaho eminingi uyalimala bese uhlala phansi ungagijimi. Ekugijimeni…

KUQUBUKE ingwijikhwebu ecaleni lokubulawa kowayengunobhala jikelele we-ANC Youth League, uMnuz Sindiso Magaqa, ngesikhathi umbuso uveza ukuthi ufuna kushenxe uqweqwe lommeli olumele abasolwa ababili kuleli cala. Umbuso ufuna kushenxe u-Advocate Shane Matthews, omele uMnuz Mbulelo Mpofana noMnuz Sibonelo Myeza. Umbuso ufuna ukuthi uMatthews ashenxe ngenxa yokuthi uke wamela inkabi esiphenduke ufakazi, uMnuz Sibusiso Ncengwa, kulo icala elifanayo. Lokhu kuhlaluke ngesikhathi kulalelwe icala eNkantolo eNkulu eMgungundlovu, izolo. UMatthews wayemele uNcengwa ngesikhathi icala liqala. Ngesikhathi esamelwe uMatthews, uNcengwa wayeliphika icala. Kwathi maphakathi nokuqulwa kwecala uNcengwa walaxaza uMatthews, wabe esevuma icala emva kwalokho. Umshushisi omkhulu, u-Advocate Lawrence Gcaba, uthe akusafanele aqhubeke nokumela abasolwa njengoba eke wamela uNcengwa osephenduke ufakazi wombuso. "Kuzokuba khona ukushayisana uma eqhubeka nokumela abasolwa ekubeni eke wamela uNcengwa. Ngokwazi kwami umthetho awuvumi ukuthi aqhubeke nokuba ingxenye yecala." UMatthews uthe akukho ukuphambene…

UMQEQESHI weBafana Bafana, uHugo Broos, uqinisile uma ethi asikho isikhathi sokusolana ngephutha elenzeka ngokudlaliswa kukaTeboho Mokoena kufanele emisiwe. Lelo phutha elenzeka iNingizimu Afrika ibhekene neLesotho emdlalweni wokuhlungela iNdebe yoMhlaba selilahlekisele elakuleli ngamaphuzu amathathu ngemuva kokuthi iFifa inqume ukuthi kwephulwa umthetho. IBafana ibihamba phambili ngamaphuzu amaningi kodwa manje isihlalelwe ukuthi ifukuze kakhulu emidlalweni yayo emibili esele. Lowo mshikashika uqala ngalolu Lwesihlanu, lapho ezikaBroos kumele ziqinisekise ukuthi ziqoqa amaphuzu agcwele emdlalweni wazo neZimbabwe. Leli zwe elingomakhelwane bethu selikubeke kwacaca ukuthi alizile eThekwini, ukuzosinisa amahleza yize iZimbabwe ingeke isakwazi ukufinyelela emidlalweni yamanqamu eNdebe yoMhlaba. IZimbabwe ilande zonke izethenjwa zayo ezinamava emidlalweni emikhulu njengale. Yingakho kumqoka ukuba abadlali nezwe balalele uBroos uma ethi umsebenzi awukapheli, kunokuthi kumosheke umndlandla ekukhaleleni ubisi oluchithekile, akubhekwe ukuthi iphutha elenzeka lingapheshwa ngandlelani kule midlalo esele. Lokhu kuphawula kukaBroos kuchaza…

MHLELI: Ngangiqaphela ukuthi uMjijimba, iNkosi MB Mzimela yakwaGolela, eMthunzini, yayiwakhonze kakhulu amabutho ihamba namaviyo. Emikhosini yesizwe njengaseSandlwana naKwaDukuza amabutho esizwe sayo ayefika ekhuzwa yiyo uqobo ubone ukuthi sekungena amaShananandana, inkunzi itheniwe-ke manje uma sekungena amabutho aseManzimeleni. Bekunodwendwe obelukwaVundla, oHhahheni, phezu komfula iNgcushe, khona eManzimeleni, muva nje. Ngaqaphela ukuthi izinsizwa zalaphaya zisakukhonze kakhulu ukugusha ziphathe izihlangu ziyobukela, kusathotshelwa kudlalwe nomgangela onesizotha wokungcweka okuhlelekile. Ngaqaphela ukuthi amabutho ayelokhu eqhamuke nkalo zonke wena owabona etheleka KwaDukuza noma eSandlwana. Atheleka udwendwe lwaze lwaphela eqhamuka ezigodini ezehlukene zakwaMzimela. Ngaqaphelisisa futhi ukuthi azicwasani ngokwezigodi ngoba seziya esibayeni zahamba seziyimbumba kuhutshwa, kukhuzwa izaga kukhala icilongo. Kuyacaca ukuthi uMjijimba wale nkehli, uGondo olumaxhakaxhaka lwashiya lusibumbile isizwe sakwaNjingili ohlangothini lwasemabuthweni njengoba naye uMjijimba wayehamba namaviyo. Sengathi zingaqhubeka izinsizwa zesizwe sakwaMzimela zibe yimbumba njengoba Inkosi yazo yayizishiyile. Azingahlukani nezikhali…

MUNYE wabaBhishobhi abakhulu bebandla lamaRoma aKhatholika ongomunye wababhali bencwadi eyayihluba udlubu okhasini mayelana nokumiswa kokukhonzwa kwamadlozi kuleli bandla, usephufumulile ngalolu daba. Kuzokhumbuleka phela ukuthi lesi sinqumo sabaBhishobhi abehlukene baleli bandla sigxekwe kakhulu ezingxenyeni zebandla nangaphandle. Abasigxeka kwahlaluka ukuthi yilabo abangabazalwane baleli bandla abamnyama abakholelwa ezintweni zesintu. Iningi lalaba bazalwane babevutha bengabaselwe, abanye babo belimisa ngesihloko elokuthi lingamane liwe licoshwe yizinkukhu - ngeke bakuvumele lokhu ukuba kwenzeke ebandleni eliKhatholika. UMbhishobhi Siegfried Mandla Jwara, okuthiwa wayeseSwatini, ngesikhathi kubhalwa ngalolu daba emhlanganweni wabaholi i-Inter-regional Meeting of the Bishops of Southern Africa (Imbisa), uphumele obala waveza ukuthi eqinisweni ibandla eliKhatholika limiphi ngalolu daba. Ngokusho kwakhe uMbhishobhi uJwara, abezindaba bakuhlanekezele lokhu okwakuqukethwe yisitatimende esenziwa yileli bandla ngoSepthemba 16. Kulesi sitatimende kwavela ukuthi sisayinwe ngabaBhishobhi baleli bandla abangu-8. Kwakucacile ukuthi akufuneki ukuyohlola ezangomeni, ukusetshenziswa kweziwasho ukuhlatshwa…

SIVALWE ngoMduduzi Shabalala weKaizer Chiefs isikhala esivuleke ngokuhoxa kukaRelebohile Mofokeng we-Orlando Pirates kwiBafana Bafana elungisela ukusonga u-Group C wemidlalo yokuhlungela iNdebe yoMhlaba yangonyaka ozayo ezoba seMexico, Canada nase-United States of America (USA). UMofokeng ukhishwe ngohlaka ngoMgqibelo ngesikhathi iPirates inqoba kwiSiwelele FC kwi-Last 16 yeCarling Knockout e-Orlando Stadium, eSoweto. Umqeqeshi weBafana, uHugo Broos, nguyena oqinisekise ukuhoxa kukaMofokeng nokubizwa kukaShabalala wengeza nokuthi uLyle Foster noSiphephelo Sithole balindeleke kusasa kwazise bebenemidlalo ngeSonto. Lo mqeqeshi ugcizelele isidingo sokuyinqoba imidlalo emibili ebasalele. “UShabalala uzovala isikhala sikaMofokeng. Isimo sethu asikashintshi yize siphucwe amaphuzu amathathu,” kusho uBroos kwabezindaba eDobsonville Stadium, eSoweto. “Okushintshile yisibalo samaphuzu kodwa bekuvele kusimele ukunqoba imidlalo yethu yokugcina emibili. IBafana izobhekana neZimbabwe ngoLwesihlanu ngo-6 ntambama, eMoses Mabhida Stadium, eThekwini, ngaphambi kokwamukela iRwanda ngoLwesibili ngo-6 eMbombela Stadium, eNelspruit, ngo-Okthoba 14. “Ngokwezibalo, mane amazwe asenethuba kodwa…

INGWAZI kamaskandi uThokozani "Somnandi" Langa ithi abantu bangethuki uma ishintsha isigqi emculweni wayo ngoba izama ukuthi bathole okwehlukile. UThokozani, oneminyaka engaphezu kuka-30 eyibambile, ulungiselela ukukhipha i-albhamu entsha ngoLwesihlanu ethi Hlala La okuzobe kungeka-32. "Kulo nyaka nginomfutho kakhulu. Ngiqale ngakhipha ngiwuSomnandi okungelinye igama lami uma ngenza umculo othe ukuhluka. Ngisuke lapho senza eyaMaLegend noShwi no-Ali. Ngenze neSomnandi noMasinga i-albhamu eseduze kungekudala cishe izoba nezingoma ezingu-10. Ngibuyise uBonakele ne-albhamu entsha ethi Bathi Ngudoti. Sengizoyivala ngoThokozani Langa okuyigama eliphethe konke engikwenzayo ngoba kuzalwa yileli gama," kusho uThokozani. Uthe i-albhamu yakhe ihlabahlosile iphethe izingoma ezinomyalezo wothando nesigqi esihlukile. Uthe uyakuthanda ukuthi uma ekhula akhule nomculo. "Uma ukhumbula uRebecca Malope wafika ecula i-disco wagcina esecula owokholo wavelela. ULucky Dube wayecula umgxobanyawo washintsha wenza i-reggae. “Uma ubuka umaskandi muningi manje ngoba yiwona osematheni. Kuyajabulisa ngoba uma…

USEKUNINGI okufanele sikubhekisise namhlanje kubelaphi bendabuko nomsebenzi wokwelapha eNingizimu Afrika. Umsebenzi wokwelapha yisipho sabadala umuntu abelwa sona esiza ngezindlela ezehlukile umuntu ayezithola zimehlela uma sekukungukuthi useyabizwa kulowo msebenzi. Kuningi-ke namhlanje osekwenzeka ongasazi noma kuseyikhona yini kulo msebenzi ngokwenziwayo nendlela abantu asebephathiswa wona lo msebenzi. USolwazi Themba Msimang encwadini yakhe ethi Kusadliwa Ngoludala uthi: “Emzini othile noma ohlotsheni lolo kwakukhona isangoma kodwa esesashona. Kuzohamba kuhambe leso sangoma sibuye njengethongo sesizokuba yidlozi, sidumbe umuntu oyedwa ekhaya esimthandayo simngene. Simnike ubungoma. Kokunye kusuke kungelasekhabonina kodwa leli dlozi alingeni kahle kumuntu". Okwesibili okubuhlungu ukuthi kudumbwa lowo ongalifuni kakhulu. Okwakuvamile ukuba lidumbe owesifazane, isangoma sendoda sasiyivelakancane KwaZulu. Okunye umuntu ungenwa ubuphofu ahlupheke kakhulu ngenxa yokuhamba echitha imali ezama ukwelapha ukugula ayikhona. Lo muntu uba nesigcwagcwa esimangalisayo, anyanywe abantu bonke lapho ehamba khona. Kukhona konke lokhu,…

MHLELI: Unobuhlakani uMengameli Cyril Ramaphosa emsebenzini wakhe wezwe nakowe-ANC ayiholayo. Usebuveze kaningi ubuhlakani bakhe uRamaphosa. Ngokukahulumeni, kamuva nje singabala indlela asingathe ngayo udaba lwezinsolo zokugxambukela kosopolitiki nosomabhizinisi ekusebenzeni kwezinhlaka zomthetho kuleli kulandela isitatimende sikaGeneral Nhlanhla Mkhwanazi ngalolu daba. Siphinde sibale ukuzibophezela kwakhe ekwakheni kabusha i-ANC okuwumsebenzi ojulile kakhulu. Ngokukahulumeni, lokhu kufakazelwa yisinqumo sakhe sokubeka phambili uMthethosisekelo esinyathelweni asithathayo emva kokuvela kwalezi zinsolo. Ngendlela olubucayi ngayo lolu daba kwakubalulekile ukuthi uMengameli abheke izinto eziningi ngaphambi kokuthatha isinqumo. Lokhu kuqinisekise ukuthi kuba nozinzo ezweni, nezinsolo zisukunyelwe. Isinqumo sokujuba iKhomishini kaMadlanga ukuphenya ngalezi zinsolo kwaba yisinqumo esinobuhlakani obukhulu. Lokhu kuqinisekise ukuthi akukho ukugxambukela noma ukwenzelela okuzoba khona, nokungahlonishwa kwamalungelo abathintekayo akuMthethosisekelo. Umsebenzi osuwenziwe yiKhomishini selokhu iqalile uyabonakala ukuthi okusempeleni iyona ndlela engcono yokuveza isithombe esiphelele sokuthi bekwenzekani kulezi zinhlaka zikahulumeni. Empeleni kuningi osekwenziwe…

ELIDLULISELWA eNkantolo eNkulu icala lokubulawa kukamelaphi wendabuko, uMnuz Qedukwazi Theodare Mzimela (35) owayephinde abe yikhansela le-ABC. UMzimela ongowaseMzinto ngokudabuka owayedume kakhulu ngelikaBeefy, isidumbu sakhe namathwasa akhe zatholwa ngaphansi kwebhuloho eliseMngeni. Izidumbu zabo zaziboshwe izandla nezinyawo zinamanxeba. Amathwasa ayehamba nawo kwakungoMnuz Senzo Ngema (34) noMnuz Phumlani Mbuli (28). Isithombe sikaMzimela sasatshalaliswa ezinkundleni zokuxhumana kuthiwa unyamalele. Ngesikhathi enyamalala uMzimela kwavela ukuthi wayekade eshayela imoto iToyota Corolla emhlophe. Kuthiwa bayengwa ngabathile ababatshela ukuthi mabahlangane eSpringfield, eThekwini, ngoba kumele babalekelele kwelashwe izinkomo zabo. Abasolwa kuleli cala ngoMnuz Mthokozisi Goodnam Mqadi, Bheki Sibiya, Ayabongwa Tshibane, Mduduzi Mthethwa noPhilani Sanele Hlongwane. Izolo, eNkantolo yeMantshi yaseThekwini kuvele ukuthi leli cala selidluliselwa eNkantolo eNkulu. Leli cala lidluliselwa esigabeni esilandelayo nje, osolwa ngokuba ngungqondongqondo, uMqadi, waphuthunyiswa esibhedlela kuthiwa akaphilile kahle. Kwabuya incwadi ivela kulesi sibhedlela iqinisekisa ukuthi ngempela uMqadi…

UFANISWE nothando olusha oluvutha amalangabi ukuvuka kwenjini yeKaizer Chiefs, uSibongiseni “Ox” Mthethwa, okhanya njengesibani emidlalweni yakamuva yaleli qembu laseNaturena ngokwahlukana kwemiqhudelwano. Ukugqama kukaMthethwa kuphinde kwahlala obala ngempelasonto, yize leli qembu liwashiswe ijezi ekuseni yiStellenbosch FC ngo 5-4 sekukhahlelwa amaphenathi eCape Town Stadium, eKapa. Nakuba iChiefs ikhale ngaphansi kodwa le njini okungathi iqale phansi kulezi zinsuku, iyona egoduke nesheke lika-R100 000 kulandela ukuqokwa kwayo njengomdlali ovelele wosuku. UMthethwa oteketiswa ngelika-Ox, useyidlale yonke eyeChiefs kwiBetway Premiership, emibili yeCaf Confederation Cup nowodwa weCarling Knockout. Indlela alixova ngayo kule midlalo uMthethwa sekuze kwabuya nokumethemba kubalandeli beChiefs. Indlela adlala ngayo iChiefs ibambana neMamelodi Sundowns koweligi ezinyangeni ezedlule yambuyisela ezinhliziyweni zabalandeli. Omunye wamabamba abaqeqeshi kwiChiefs, uCedric Kaze, lichaze ukuvuka kwakamuva kukaMthethwa njengothando olusha. “Njengabo bonke abadlali, indaba kaMthethwa ngingayifanisa nangesikhathi usuke unentombi entsha ekudinga ukuthi uyikhombise…

KUNGENZEKA abhekane nolaka lwabaphathi unozinti weKaizer Chiefs, uFiacre Ntwari, onqabe ekhishwa ngesikhathi leli qembu libhekene neStellenbosch FC emdlalweni we-Last 16 yeCarling Knockoout eKapa ngeSonto. Sekuwumlando ukuthi Amakhosi agcine ehlulwe ngo 5-4 kumaphenathi emuva kokuthi umdlalo uphele zibambene ngo 0-0. Ngesikhathi sekusele amanenjana umdlalo uphele esikhathini esengeziwe, ithimba labaqeqeshi leChiefs linqume ukukhipha uNtwari obeqala ukuvimba kule sizini, lifake uBruce Bvuma ngenhloso yokuthi ayovimba amaphenathi. Nokho lo nozinti waseRwanda unqabe isidana, wagcina eqhubekile nokuyovimba amaphenathi. UNtwari ugcine evimbe eyokuqala kuphela eshaywe ngu-Andre De Jong. Lesi senzo sika Ntwari sishiye abaningi beshaqekile, ikakhulukazi njengoba ehlulekile ukusiza iqembu lidlulele kuma-quarterfinal eCarling. UCedric Kaze ongomunye wabaqeqeshi beChiefs, uthe le ndaba izoxoxwa ngaphakathi eqenjini. "Leyo yinto esizobhekana nayo ngaphakathi. Uzizwe ekulungele ukuqhubeka kumaphenathi asize iqembu. Ubeqonde okuhle ngalokho kodwa mhlawumbe hhayi ngendlela obekumele kwenzeke ngayo. Kodwa…