Isolezweの 2022-09-12 の目次

Isolezwe|2022-09-12

Kushone ilungu le-Alaska

LIKHALA ngokusala lodwa eqenjini ilungu le-Alaska, uSiphiwe 'Picat' Sibeko, okushone uzakwabo, uThabo “Crazy T” Tsotetsi, izolo. UPicat noThabo bese kuyibona abamise leli qembu lekwaito ngemuva kokushona kukaLes Ma-Ada ngo-2013. I-Alaska, eyaqala inamalungu amahlanu, izakhele udumo ngezingoma okubalwa kuzo ethi Accuse, Fokol neHosherr. UPicat uthe uThabo ushone izolo ekuseni ngemuva kokugula. “Yiqiniso ukuthi akasekho,” kusho yena kwiTwitter. “Engikwaziyo wukuthi kade elele esibhedlela. Ngimgcine ngoLwesihlanu ephila futhi sixoxa nje. Ngithole ucingo namhlanje ekuseni (izolo) ukuthi akasekho. Yima ngizovuka ngiye khona nje.” Uthe usesele yedwa manje eqenjini nokuyinto emphatha kabi. “Ngemuva kokumbeka yilapho ngizobona khona ukuthi ngizokwenzanjani. Angikwazi nokukhuluma okuningi manje, ngiphatheke kabi,” kusho uPicat. Imizamo yokuthola ukuphawula komndeni ayiphumelelanga njengoba ingane yakhe, uTebogo, ibingalubambi ucingo izikhawu ezanywe ngazo. Umculi wekwaito, uProfessor, uthe ushaqekile ethola ngezindaba zokushona kukaThabo. “Bekunomcimbi wokugubha usuku lokuzalwa kukaSpikiri…

1 分

Isolezwe|2022-09-12

Abasemijondolo basonge ukuqhubeka nemibhikisho

ASABISE ngokuthi bazoqhubeka nemibhikisho enodlame, bavale imigwaqo futhi bashise uma bengahlinzekwa ngentuthuko abahlali basemijondolo yaseNew Germany naseResevoir Hills, eThekwini. Banqumele uMasipala iTheku izinsuku eziyisikhombisa ukuthi ubaphendule ngentuthuko owawubathembise yona. Lokhu bakutshele iMeya yeTheku, uMnuz Mxolisi Kaunda, embizweni yomphakathi ebisenkundleni yezemidlalo, iSiripat, eReservoir Hills izolo. Bafuna ukwakhelwa izindlu namathoyilethi, bafakelwe ugesi namanzi, baqoqelwe udoti futhi babonelelwe ngemisebenzi. Batshele uKaunda, obephelezelwe ngamakhansela amathathu nezikhulu zomkhandlu, ukuthi sebelinde isikhathi eside, kwanele manje. Kuba khona le mbizo nje ngoLwesibili olwedlule abahlala emijondolo eNew Germany bavuke indlobane bangenela umbhikisho onodlame bavala thaqa izintuba ezingenayo neziphumayo kule ndawo. Ilungu lomphakathi, uMnuz Thabani Majozi, lithe balinganiselwa ezinkulungwaneni ezine abantu abahlala emijondolo endaweni yabo kodwa basebenzisa amathoyilethi amabili nawo axhuthayo. "Saqanjelwa amanga kwathiwa indawo esihlala kuyona inamanzi, ngeke sakhelwe izindlu. Emuva kwalokho sabona sekwakhiwa inxanxathela yezitolo, izikole,…

2 分

Isolezwe|2022-09-12

Usemathubeni angcono uDlamini Zuma: abahlaziyi

ABAHLAZIYI bezepolitiki bathi yize kunzima ukusho ukuthi uDkt Nkosazana Dlamini Zuma angaphuma phambili embangweni wesikhundla sokuba ngumengameli we-ANC engqungqutheleni yangoDisemba kodwa ubukeka esemathubeni angcono kakhulu kunango-2017. USolwazi Bheki Mngomezulu uthe kulabo abasaphumele obala ukuthi bayafuna ukungenela lo mjaho, nguDlamini Zuma osabukeka enamava ukubedlula bonke. “Sizokhumbula ukuthi nangalesiya sikhathi kwakubukeka sengathi nguye owayenamandla ebhincisela nxanye uMengameli Cyril Ramaphosa, kwaze kwaba wukuthi kuqhamuka (uMnuz) uDavid Mabuza, owavele wawina esithubeni nezakhe ezazithi zikhathalele ubumbano,” kusho uMngomezulu. Uthe uDlamini Zuma ubukeka esemathubeni angcono ikakhulukazi njengoba abantu abaningi bekhombisa ukunengeka ngobuholi bukaRamaphosa. Wenze isibonelo sokuthi abantu abafana noMnuz Tony Yengeni, sebeze baphumela obala basho ukuthi abamfuni uRamaphosa nabamesekayo. Uthe ngokubuka kwakhe akukho angazange kwenze uDlamini Zuma phambilini okwakungathiwa yikho okuholele ekutheni angawini. UMngomezulu uphinde wathi okunye okubukeka kuzomsiza wukuthi azisekho kangako izinkulumo zababehlaba…

1 分

Isolezwe|2022-09-12

Sizowalwela kanjani amagugu ethu sinhlakanhlaka?

MHLELI: Ngike ngalalela uMnuz Nhlanhla Mtaka emsakazweni ekhuluma ngokukhothama kweNdlovukazi yamaNgisi, u-Elizabeth II. Ube esebalula nezinto eziningi ezagetshengwa ngabacindezeli - izinkomo, izikhali nokunye okwakuyigugu kwaZulu, ngikhuluma nje kuseNgilandi. UFaku uthi kumele zilandwe lezo zinto. Umbuzo uthi zizolandwa ngubani isizwe samaZulu sinhlakanhlaka kanjena? Izwe liphethwe ngabamhlophe, hhayi abamnyama. Nalabo abavezwa njengokuthi baliphethe kabanawo lo mbono kaMtaka futhi nabo baliphethe ngemithetho yaseNtshonalanga, hhayi yakwaZulu. Isilo esesakhothama njalo sasikhuza ukubulawa nokudlwengulwa kwabesimame kodwa sasingenawo amandla okuzijezisela labo ababenze lokho nabasakwenza. Isizathu salokhu nguktuhi besibusa ezweni elibuswa ngemithetho yaseNtshonalanga. ISilo uShaka kaSenzangakhona sakhipha umyalelo wokuba kubulawe isethenjwa neqhawe laso, uNomlethi wakwaMadinana, esasidabule izinkomo zeSilo. Kwakuyicala elukhulu lelo kwaZulu, kwakufana nokuklaya phakathi isizwe. Lokho kwenzeka kuzoba noMkhosi wokweShwama. Alikaze lishushiswe ngumuntu Ilembe ngokwenza njalo ngoba amandla onke ayekulo. ISilo uDingane sabulala inkosi uNzwakele Dube, inkosi…

1 分

Isolezwe|2022-09-12

Abangasifuni iSilo eMakhosini baxova umphakathi

MHLELI: Ngicela ukwedlulisa isikhalo ngendlela okusebenza ngayo iNkantolo yaKwaNobamba. Okungiphatha kabi lapha eMakhosini kunamaqembu amabili, elokuqala lihambisana neSilo esikhona, elesibili kalifuni nakuyizwa indaba yeSilo ngoba naku uBayede osewakhothama wayethi uma eze eMakhosini leli qembu libe nomhlangano ehhovisi lamanzi. Namanje kulo mkhandlu waKwaNobamba kunabantu okufanele bakhishwe kuwo ngoba izindaba ezikhulunywa enkantolo bazithatha baziyise kulaba abadlelana nabo. Uyothi uzwa sekubizwa umhlangano, ubizwa yinduna engaqondakali. Ngiyacela iso leSilo liyilungise indaba yaseMakhosini ngoba isixove endaweni futhi kuvalwe nemihlangano ebizwa yile nduna neqeqebana layo ngoba kusuke kuyophikiswa futhi kuthunazwe uBayede. Kumanje bafuna ukukhetha isigungu sabo ngoba bengafuni nakuyizwa indaba yeSilo Okhathazekile KWANOBAMBA…

1 分

Isolezwe|2022-09-12

‘Sizoya eMkhosini woMhlanga noma ukusiphi isigodlo’

BAHLOLA izintombi nto bathi izintombi zizoya eMkhosini woMhlanga noma ngabe ukusiphi isigodlo. UNkk Nomagugu Ngobese ongumsunguli wenhlangano egqugquzela isiko lokuhlolwa kwezintombi iNomkhubulwane, uthe bazoya noma yikuphi lapho iSilo uMisuzulu kaZwelithini, esizokwenzela khona uMkhosi woMhlanga, okuhlelwe ukuthi ube ngoMgqibelo. Uthe uma ingekho indawo yokulala bayolala esigangeni ngoba bathanda isiko. Usho kanjena ngenxa yemibiko ethi abeseka uMntwana uSimakade kaZwelithini, babhalele uNdunankulu wesifundazwe uNkk Nomusa Dube-Ncube bethi lo mcimbi ngeke ube sesigodlweni eNyokeni ovame ukubanjelwa kuso. Incwadi okuthiwa ibhalwe nguMntwana uMxolisi kaBhekuzulu ithe abasemukeli iSilo uMisuzulu kaZwelithini kodwa bahlonipha uMntwana uSimakade, njengeSilo. Isigodlo iNyokeni saqokwa njengokuzokwenzelwa kuso yonke imikhosi yaseNdlunkulu, uhulumeni watshala imali yokuthi silungiswe. UNkk Ngobese uthe: "Kusukela ngo-1994 akukaze lube khona uhlelo oluhle lokugcinwa kwamasiko, bonke ababekwa ezihlalweni kabanandaba nesiko bakhathazeka ngezihlalo abazozithola. Kwabona labo okuthiwa bayalwa kabanandaba nesiko, abakaze…

2 分

Isolezwe|2022-09-12

Bayakhala abafuyi kungavulwa ukuthuthwa kwezinkomo eKZN

BAKHALA ezimathonsi abafuyi bezinkomo KwaZulu-Natal njengoba kusamisiwe esifundazweni ukuthuthwa kwezinkomo ngenxa yesifo amatele. UNgqongqoshe wezoLimo nokuThuthukiswa koMhlaba kuleli, uNkk Thoko Didiza, ngoLwesine ukuvulile ukuthuthwa kwezinkomo kwezinye izifundazwe kodwa wathi eKZN, eFree State naseLimpopo kusamisiwe. UNkk Lethiwe Mkhabela waseKranskop ongumfuyi wezinkomo, uthe yize beqonda ukuthi ukumiswa kokuhamba kwezinkomo kwenziwelani kodwa sekuyezwela kubona ngoba ukufuya izinkomo kuyibhizinisi. "Izinkomo siyazidayisa sifundise izingane zethu ngemali esiyitholayo. Sibuye senze nezidingo zasemakhaya. Njengoba lithwese nje bekumele ngabe sesidayisile, bese sithenga omanyolo nezimbewu. Sibambezelekile ngenxa yokuthi izinkomo akuvumelekile ukuthi zihanjiswe kwezinye izindawo. Siyethemba ukuthi ungqongqoshe uzobuye asizwele nathi," kuzikhalela uNkk Mkhabela. UNkk Philile Shandu waseMgungundlovu, uthe isimo esikhona sidalwe ngabafuyi abangafuni ukulalela umthetho wokumiswa kokuthuthwa kwezinkomo, abazishushumbisa ebusuku bese eyasabalala amatele. "Kunezindawo okuvalwe ukuhanjiswa kwezinkomo engekho amatele manje asekhona ngenxa yabafuyi abangalaleli. Okubuhlungu wukuthi silahlekelwa sonke…

1 分

Isolezwe|2022-09-12

IChiefs isale itabalasa ngasemsileni ibanjwa yiGallants

KAIZER Chiefs iyeke ithuba lokubakela ngasemsileni kwi-log ngesikhathi icazelana ngamaphuzu neMarumo Gallants emdlalweni weDStv Premiership, ngeSonto ntambama, eRusternburg. Amagoli ashaywe nguMahlatsi Makudubela eleGallanta, esiwombeni sokuqala. UZitha Kwinika utholele iChiefs elokulinganisa esiwombeni sesibili. Kuphele umdlalo iGallants ingasaphelele emva kokukhishwa kuka-Olivier Toure, ngekhadi elibomvu esiwombeni sesibili. IChiefs isihleli endaweni ka-14 kwi-log bese ilandelwa yiyo iGallants kunombolo-15. Emuva kokuthi kufakwane ezinkantolo phakathi kweGallants noMasipala waseLimpopo kubangwa izivumelwano zokusebenzisa iPeter Mokaba Stadium, umdlalo ugcine udlalwa eRoyal Bafokeng Stadium njengoba inqume kanjalo inkantolo yaseLimpopo ngeledlule. Kwenzeka konke lokhu, kusenefu eligubuzele leli qembu ngokunyamalala komqeqeshi uRomain Fols, okuthiwa usule isigubhukane ekubeni usihlalo weqembu, u-Abram Sello, esho okuhlukile. Bekuvele kulindelekile ukuthi umdlalo uqale ngesivinini kwazise iGallants iwuqale ingayazi iwini kule sizini, ngesikhathi esifanayo izivakashi zayo bezisaphumelele ukunqoba emibili kuphela kweyisithupha. Ithuba lokuqala elicacile liwele kuKgaugelo Sekgota,…

1 分

Isolezwe|2022-09-12

IPirates iyivule ngewini eyeDiski ishaya omkhaya

Orlando Pirates (3) 3 IZINKUNZI zaseSoweto, iKaizer Chiefs ne-Orlando Pirates, zibageze igilo abalandeli baseThekwini zishaya into ecokeme emdlalweni wokuvula isizini weDStv Diski Challenge eKing Zwekithini Stadium, eMlaza, ngeSonto. Amagoli eChiefs ashaywe nguMduduzi Shabalala noWandile Duba esiwombeni ngasinye. AwePirates abekwe enethini nguRelebohile Ratomo amabili noSamukele Kabini esiwombeni sokuqala. Kade kuwumdlalo wokuqala womqeqeshi weZimnyama uJoseph "Dukuduku" Makhanya ongene endaweni kaMandla Qhogi. Ngaphandle kwalezi zinguquko, iPirates ifake obengunozinti esikimini esikhulu, uWayne Sandilands ukuba ngumqeqeshi wonozinti. Indlela amaqembu adlale ngayo bekukuncane, obekukhombisa ukuthi kusewumdlalo wokuqala wesizini. Inkundla ebikade igcwele, ifudunyezwe ngomakhelwane baseTswane, iSuperSport United neMamelodi Sundowns abebephuthumana kukhale amakhwela. Ukuwina kwePirates kuyibeka ethubeni lokubalwa namaqembu azihola phambili. Ngesizini edlule iPirates ihlale esicongweni isikhathi eside kodwa yahluleka ekugcineni ukuwina iligi, egcine ithathwe yiStellenbosch FC. Enkundleni, iChiefs iqale ngegiya eliphezulu, ifuna izintuba odongeni lwasemuva lwePirates kodwa…

1 分

Isolezwe|2022-09-12

UThuso ufuna kutholwe isifundo efilimini entsha

SILOMO somlingisi waseNingizimu Afrika esidlala indawo ephambili efilimini, iThe Woman King, uThuso Mbedu, sithi sifuna kule filimu abantu bafunde ukuthi inhlonipho ayisho ukuthi babuthaka. UThuso ubekhuluma esithangamini nabezindaba ebesisakazwa bukhoma kwiTwitter esembukisweni wamafilimu iToronto International Film Festival, eCanada, ngempelasonto. Uthe kunenkulumo eshiwo ngomunye uzakwabo efilimini ethi abantu mabangalenzi iphutha lokuthi umuntu ubuthaka ngoba ehlonipha. “E-Afrika siyahlonipha, sikunika indawo yakho wenze okumele ukwenze. Ngaso sonke isikhathi abantu benza iphutha lokuthi leyo nhlonipho isho ukuba buthaka. Manje sithi cha, akunjalo ungaphazami,” kusho uThuso. Uthe musha emafilimini lapho kwenziwa okuningi khona ngakho ngesikhathi ezothola indawo kuyo, kwadingeka ahlolwe ukuthi ujime kangakanani ukuze babone ukuthi angakwazi yini ukwenza iziqephu ezibukeka zinobungozi. Kule filimu eke yaqoshelwa nakuleli, uThuso udlala indawo kaNawi. Ifilimu ikhuluma ngoGeneral Nanisca, olingiswa wuViola Davis, lapho eqeqesha khona amabutho esifazane ukuze akwazi…

1 分

Isolezwe|2022-09-12

Awezepolitiki asongela uMvikeli woMphakathi

AMAQEMBU ezepolitiki ehlukene asabisa ngokuyisa uMvikeli woMphakathi osabambile, u-Advocate Kholeka Gcaleka, enkantolo uma engawukhiphi ngokushesha umbiko wakhe wophenyo ngokugqekezwa kwepulazi likaMengameli Cyril Ramaphosa. Ihhovisi loMvikeli woMphakathi liphenya izinsolo zokuthi uRamaphosa wephula isifungo sakhe yini ngendlela asingatha ngayo udaba lokugqekezwa kwepulazi lakhe eliseLimpopo, iPhala Phala. Ngokwesitatimende sowayeyinhloko yezobunhloli, uMnuz Arthur Fraser, uRamaphosa akawabikelanga amaphoyisa ngalesi sigameko okwantshontshwa kuso izishaqane zamadola ase-USA. Isikhalo ngokwephula kukaRamaphosa isifungo safakwa ngamaqembu ezepolitiki ahlukene emva kokuthi uRamaphosa avulelwa icala ngalesi sigameko sango-2020. Sekuphele izinyanga ezintathu isikhalo safakwa. NgoLwesihlanu amaqembu ezepolitiki ahlukene amashele ehhovisi loMvikeli woMphakathi lapho efike anxusa ukuba kudedelwe umbiko. Amaqembu okukhona kuwona i-EFF, ATM, UDM, PAC neCope, asabise ngokuyisa u-Advocate Gcaleka enkantolo uma engawukhiphi ngokushesha umbiko. Umholi we-ATM, uMnuz Vuyo Zungula, uthe kufanele ngabe kade wakhishwa umbiko. "Umthetho ukubeka kucace ukuthi ihhovisi loMvikeli woMphakathi…

1 分

Isolezwe|2022-09-12

Ibanjwe isavele ngekhanda ngokuvalwa kwezikhala zothisha

INKINGA yokushoda kothisha nokungagcwaliswa kwezikhala KwaZulu-Natal, isizikhathaze kakhulu izinyunyana zothisha. Izinyunyana zikhala ngokuthi kwezinye izikole, kazivalwa izikhala zothisha abathathe umhlalaphansi, abashonile, abasulile nabahlabe ikhefu elide lokugula nelokuyobeletha. Ngeledlule engqungqutheleni yenyunyana iNatu, uNgqongqoshe wezeMfundo KwaZulu-Natal, uNkk Mbali Frazer uveze ukuthi iseqhulwini indaba yokuvalwa kwezikhala zothisha. Wethembise nokuthi nxa kukhona imali evelayo, bazoyisebenzisela lokhu. Njengokulindelekile, sishayelwe ihlombe isethembiso sakhe njengoba idlangile ingwadla yentsha ehleli emakhaya neziqu zobuthishela. Enye inkinga edalwa wukungavalwa kwezikhala zothisha ngeyokwanda komthamo nomsebenzi ongaphezu kwamandla, othisha ababhekana nawo ezikoleni. Lokhu kudala nengcindezi eyenza kube nzima ukwenza umsebenzi ngendlela efanele nesezingeni eliphezulu. Sethemba ukuthi isethembiso sikaNkk Frazer ngeke kugcine kuyisethembiso esingafezekanga. Ukufezeka kwesithembiso sakhe kepha kuncike ekutheni izoba khona yini imali, okusho ukuthi uma umnyango ungatholi imali eyenele, kuzoba nzima ukunciphisa izikhala zothisha. Naye uNkk Frazer uthe izikhala bazozivala uma…

1 分

Isolezwe|2022-09-12

Angiyiboni inqanawe okuthiwa yakhiwa wuZwane kwiChiefs

MHLELI: Ngithi angisike elijikayo ngomdlalo kanobhutshuzwayo. Umqeqeshi owayeqeqesha iBaroka, uKgoloko Thobejane, wayethi ibhola lingakubulala ufe fi. Ngithi angiqale ngizwelane nomqeqeshi osemancane obonakala enekusasa ekuqeqesheni, uDaine Klate osexoshwe yiChippa United emva kwemidlalo emihlanu benganqobi nowodwa kepha bavele bavuka ngeqembu elikhulu, i-Orlando Pirates kanti nali selizodliwa yiSundowns ngemizuzu yokugcina. NeCape Town City ngokunjalo ihambe imidlalo cishe emine inganqobi kepha iwini yayo yokuqala ivuke ngeKaizer Chiefs. Inhloso yami wukuxwayisa iChiefs ukuthi ingayi kwiMarumo ngokuthi ayikanqobi nowodwa umdlalo, izovuka othulini njengoba yabhuquziswa yiCape Town City ngo 2-0. Angilokhu ngishona le nale into ngiyisho injengoba injalo. Bayongixolela abalandeli beMpofana. Ngiyezwa bethi u-Arthur Zwane wakha inqanawe. Mina angiboni nqanawe lapha. IChiefs isafana nebiqeqeshwa wuBaxter. UZwane ukhala ngabagadli, akasho ukuthi akekho umuntu okwazi ukuphasela abagadli ibhola esisiwini. Isisu sakhe sihlulwa wukuhlanganisa amaphasi, balilahla kalula ibhola esisiwini. USthebe…

1 分

Isolezwe|2022-09-12

Bakhungathekile kuphuma isidumbu emngcwabeni

SIZI luzwe olunye emndenini waseMfekayi, eMpukunyoni eMtubatuba izolo ngesikhathi ilungu lawo liqumbeka phansi liquleka liphuma igazi nobuchopho ngamakhala emuva kokukhulumela umndeni emngcwabeni wakubo. UNkk Bongaliphi MaGabela Ntshangase ushone izolo. Ngokusho kwelungu lomndeni, uMnuz Sipho Gabela, umufi ubefike nomndeni wakhe beze emngcwabeni womfana wakulo muzi, uThobani "Bhoyoh" Mazibuko (15), ogwilize emfuleni ephuma kozingela. Isolezwe NgoMgqibelo libike kabanzi ngalesi sigameko sokuminza komfana. UGabela uthe uNkk Ntshangase uqede ukukhuluma, wabe esephumela ngaphandle kwetende. "Mina ngibizwe ngisesenkonzweni ukuba ngiphuthume emnyango lapho ngifice ingane kadadewethu isiqulekile. Nami ngifumbeke phansi ngaquleka. Ngiphaphame abantu sebesemathuneni. Ngibe sengiyohlaliswa esihlalweni ukuze ngibonge abebesisingathile." UGabela uthe uze wezwa sekungcwatshiwe ukuthi uNkk Ntshangase akasekho emhlabeni futhi uphuthunyiswe emtholampilo wendawo sekuvele kumenele. Uthe umufi uzalwa ngudadewabo kodwa ubeseshadele kwaNtshangase, endaweni yakwaQongqo, KwaNongoma. Eqhuba uGabela uthe basashaqekile bewumndeni ngoba isigameko esifuze lesi siyaqala…

1 分

Isolezwe|2022-09-12

Ongaphansi nongaphezulu kwi-ANC ne-IFP eMhlathuze

USHISA bhe umbango phakathi kwe-ANC ne-IFP wokunqoba iwadi ebalulekile kuMasipala waseMhlathuze. Izolo amaqembu womabili abe nemikhankaso emikhulu ngaphambi kokhetho lokuchibiyela ewadi 12 kumasipala, oluzokuba ngoLwesithathu. Umphumela wale wadi ungase ufike noshintsho ekuphathweni kukamasipala, ongesinye sezizinda zomnotho waKwaZulu-Natal. I-IFP iyona ephethe umasipala ngokubambisana neDA ne-EFF. I-ANC iyona eyanqoba ewadini ngesikhathi kunokhetho lohulumeni basekhaya ngonyaka owedlule kepha ikhansela layo labuye lasula. Ukunqoba kwe-IFP kungayinika ukuphefumula kwesikhashana ngoba kungandisa izihlalo zayo. Ukuwina kwe-ANC kungayinikeza amathemba okubuyisa umkhandlu, ikakhulukazi njengoba ubuholi obusha bayo KwaZulu-Natal buphezu kwezingxoxo zokubambisana ne-EFF. I-IFP imelwe nguMnuz Vincent Dludla okhethweni. I-ANC imelwe nguMnuz Siphamandla Sibiya. Izolo ibe nomcimbi omkhulu owaziwa ngeSiyanqoba, eMandlankala Sports Ground. Eduze kwakhona, ne-IFP ibiqhuba owayo umkhankaso. UMengameli we-IFP, uMnuz Velenkosini Hlabisa, uthe kubalulekile ukuthi bayinqobe iwadi, ukuze bengezukuhlala ngesinqe esisodwa emkhandlwini. "Sinomthwalo wokuqinisa uzinzo eMhlathuze. Ukunqoba…

1 分

Isolezwe|2022-09-12

Bavulelwe amacala abasolwa ngokubhubhudla imali

BAVULELWE amacala emaphoyiseni abasebenzi bakaMasipala waseMhlathuze abasolwa ngokubhubhudla izigidi zamaRandi zalo mkhandlu ongesinye sezizinda zomnotho waKwaZulu-Natal. Amacala avulwe emva kwezinsolo zokubhubhudlwa kwemali yamathenda amabili ezigidi zamaRandi kulo mkhandlu, okungeyokwakhiwa kwesithabathaba somuzi wemeya neyokwakhiwa kwenkundla yezemidlalo. Umkhandlu uthe womabili amacala aphenywa wuphiko lwamaphoyisa olulwa nenkohlakalo, oKlebe. Lokhu kudalulwe yimeya yomkhandlu, uMnuz Xolani Ngwezi, ngesikhathi ekhuluma nabezindaba ngasekwenzile kusukela aqokelwa kulesi sikhundla. UNgwezi uthe ezinye zezinto asebezenzile kusukela baqokelwa ukuba baphathe lo mkhandlu ngonyaka odlule, ngukulwa nenkohlakalo. Uthe ngesikhathi bengena kulo mkhandlu obuphethwe yi-ANC, bafice inqwaba yenkohlakalo. UNgwezi uthe kukhona abasebenzi bomkhandlu asebemisiwe ngenxa yokusolwa ngokuba nesandla ekwehlisweni ngemilenze kwemali yomkhandlu. Icala lokuqala elivulwe emaphoyiseni lithinta izinsolo zokubhubhudlwa kwemali yomphakathi ngesikhathi kwakhiwa isithabathaba somuzi wemeya. Lo muzi usendaweni yomntakabani edolobheni iRichards Bay kanti inani lawo lilinganiselwa kuR18 million. Uthe ngesikhathi bengena…

1 分

Isolezwe|2022-09-12

Usabisa ngokugquma ebhetshini abanye abadlali kowe’Downs

UMQEQESHI waMaZulu, uBrandon Truter, usabisa ngokugquma ebhentshini abanye babadlali akhala ngokuthi balenzele phansi iqembu behlulwa yiChippa United. AmaZulu aphendukelwe esiswini njengotshwala yiChippa, agcina ededele womathathu amaphuzu ekhaya, emdlalweni weDStv Premiership ngempelasonto eMoses Mabhida Stadium. Usuthu luguqe ngo 2-1. Lokhu kushiye uTruter enganeme, wakubeka kwacaca ukuthi kukhona abadlali abazohlala ngaphandle uma sebebhekene neMamelodi Sundowns koweligi eLoftus Stadium ePitoli, ngoMgqibelo. "Noma kanjani ngizozenza izinguquko. I-Arrows ibisemsileni isehlula neChippa isehlule isezansi. Ngakho kucacile ukuthi le nto yenziwa wumqondo (esithatha ngawo imidlalo). Lokho kudinga izinguquko. Asikwazi ukukhetha imidlalo. ISundowns iyeza, ngakho sidinga abadlali abakwaziyo ukumela imidlalo emikhulu. Sesivele sicabanga ngomdlalo olandelayo. Amalungiselelo aqala manje. Asikwazi ukuqhubeka ngalo mqondo nendlela esithatha ngayo imidlalo. Ngeke sishintshe lonke iqembu njengoba siya ekhaya layo iSundowns kodwa sizoqhamuka neqhinga elisha nendlela yokudlala entsha. Sizobona ukuthi kuhamba kanjani," kusho uTruter.…

1 分

Isolezwe|2022-09-12

URhulani uvuma inselelo yamaqembu 'apaka ibhasi'

IMAMELODI Sundowns isizibophezele ekuqhamukeni nesisombululo sokubhekana namaqembu asekwenze umkhuba wawo ukuhlala emuva uma ebhekene nayo. Lokhu kuvezwe womunye wabaqeqeshi balabo mpetha beDStv Premiership, uRhulani Mokwena ngemuva kokuthatha amaphuzu amathathu behlula iLamontville Golden Arrows ngo 2-1 eTuks Stadium ngoMgqibelo. AmaSandawana azama aze alithola ekugcineni igoli ngesikhathi eguqisa iChippa United ngo 1-0 eGqeberha ngesonto eledlule. Aphinde asebenza kanzima ukuze ahlule i-Arrows. Nakuba Abafana Bes’thende bebengavalile emuva njengoba kwenza iChilli Boys, kucacile ukuthi bebesebenzisa iqhinga lokuvala iminyakazo yeSundowns, bese behlasela ngesivinini uma bethola ibhola. AmaBrazilians ahambe phambili ngephenathi kaPeter Shalulile sekuzoyiwa ekhefini kodwa iqhinga le-Arrows lisebenzile ngasekuqaleni kwesiwombe sesibili, ngesikhathi ithola igoli lokulinganisa elivalelwe nguPule Mmodi. Kulokhu iSundowns ayizange ilinde kuze kuvalwe amehlo ukuthi ishaye igoli lokuwina, elingene sekuzophela ihora umdlalo oqalile ngesikhathi uSiyavuya Ndlovu elikhomba ngakubo, ezama ukuvimba ibhola ebeligotshwe nguThemba Zwane.…

2 分

Isolezwe|2022-09-12

Indumalo kumaBlitzbokke ehluleka kwiNdebe yoMhlaba

UKAPUTENI weqembu lombhoxo leSevens lakuleli, uSiviwe Soyizwapi, nomqeqeshi wakhe uNeil Powell, bazwakalise ukuphoxeka njengoba iqembu lisheshe laphuma kwiNdebe yoMhlaba yeSevens ebiseKapa, esongwe ngeSonto. AmaBlitzbokke awashiswe ijezi yi-Ireland ngo 24-14 kuma-quarterfinal ngoMgqibelo ebusuku, eCape Town Stadium. Yize iqembu lakuleli beliwuphethe umdlalo esiwombeni sokuqala, kuyiwa ekhefini zibambene ngo 7-7. I-Ireland ibuye isinomfutho esiwombeni sesibili, yathola ama-try amabili elandelana ngokushesha. Kuthe noma esezama ukubuya amaBlitzbokke ngasekugcineni kodwa kwacaca ukuthi aphuzile ukuphaphama, aphuma kanjalo. Iqembu lakuleli beliwuqale esigabeni seLast 16 umqhudelwano ngenxa yokuthi belingelinye lamaqembu abethwelwe ngeqoma. Njengoba bekulindelekile lizidlulele kalula kwiChile ngo 32-5 kodwa alikwazanga ukuqhubeka nomgqigqo selibhekene ne-Ireland. "Ngicabanga ukuthi asizange sibambelele ezinhlelweni ebesinazo siyiqembu futhi senze amaphutha amaningi esigabeni somkhumulajezi. Kuleli zinga uma wenze amaphutha anjena, uyajeziswa futhi lisuke lingekho ithuba lesibili," kusho uSoyizwapi. "Ngicabanga ukuthi i-Ireland isebenzise amaphutha…

1 分

Isolezwe|2022-09-12

Bakhathazekile kuhlaselwa abebelethe amanzi emphakathini

UKHATHAZEKILE umphakathi waseKuvukeni, eMnambithi ngesigameko sokuhlaselwa komshayeli weloli eletha amanzi emphakathi nomsizi wakhe ngoLwesihlanu. Kuthiwa laba ababili abebehambisa amanzi ngeloli emphakathini waseKuvukeni bahlaselwe ngabantu abebehamba ngetekisi ebimi emgwaqweni ochezukela eMhlumayo. Ngokusho kukaSihlalo wenhlangano engenzi nzuzo, iSiyayijika Lento Foundation, uMnuz Mthoko Sithole, umshayeli weloli usesibhedlela kanti umsizi wakhe ululamela ekhaya. Uthe ngokuthola kwabo ngesikhathi befika endaweni yesigameko, abahlaseli kabaqali ukuvimbezela abagilwa ngenhloso yokubaphuca amanzi okusuke kufanele bawayise emphakathini waseKuvukeni. “Sithole ukuthi phambilini bebeke babavimbezele, babaphoqe ukuthi bajike bangabe besaya eKuvukeni kodwa baye eMhlumayo bayowathulula emathangini abo amanzi,” kusho uSithole. Uthe abakutholayo wukuthi bekuthi uma sebewathululile amanzi emathangini, abahlaseli bese bewadayisela umphakathi. USithole uthe ngosuku lwesigameko abagilwa baqaphelile ukuthi kuzokwenzeka okufanayo, basheshe bathatha omunye umgwaqo obuzobahambisa ngaphakathi, uyobafaka eKuvukeni. “Kuthiwa babajahile ngetekisi abahlaseli, babaleka baze babhajwa kwamanye amalungu omphakathi abenkanise nezitsha zokukhongozela…

1 分

Isolezwe|2022-09-12

Kuyaqhubeka ukucishwa kukagesi ngenhloso yokuwonga

UKUCISHWA kukagesi ngenhloso yokuwonga kuzoqhubeka kuze kube wuLwesihlanu. Lokhu kushiwo yinkampani ephehla ugesi, i-Eskom izolo. Esitatimendeni i-Eskom ithe kusuka ngo-5 ekuseni ngoMsombuluko ukucishwa kukagesi ngenhloso yokuwonga kuzokwehliselwa esigabeni sesithathu njengoba ngempelasonto ubucishwa ngokwesigaba sesine. Ithe ngoLwesibili kuzophinde kwehliselwe esigabeni sesibili ngawo u-5 ekuseni, sona ethe sizoqhubeka kuze kushaye uLwesihlanu. Iveze ukuthi ukhona umnyakazo owenzekayo ekutheni kubuyiswe amandla kagesi alahlekile. Ithembise ukuthi ngoMsombuluko isimo sizobe sesingcono. Ithe ilindele ukuthi iziphehlimandla zayo ezingu-11 zibuyele esimeni esikhathini esingangamahora angu-24. Iqhube yathi izoba nesithangami nabezindaba ngoMsombuluko, ukuze ikwazi ukuthi yazise umphakathi ngesimo sakamumva. Ithe uma kwenzeka kuba khona olunye ushintsho oluphuthumayo, izowazisa umphakathi ngokushesha. Khonamanjalo, umphakathi ohlala eduze kwesiphehlimandla iJagersfointein eFree State usale ungenagesi emva kokudilika kodonga lwedamu lemayini, okwenzeke ngezikhathi zasekuseni. Kuthiwa lokhu kuholele ekutheni kuphume udaka oluthikameze ukusebenza kwesiphehli esiletha ugesi kule…

1 分

Isolezwe|2022-09-12

Umphakathi mawuvikele izakhiwo zomphakathi ezihlomulisa wona

MHLELI: Kwelakho elisilethela izindaba ezinohlonze, ngithi angiphawule ngodaba olusanda kuphuma kwelakho oluthinta uxhaso olutholwe yiNtokozo FM, okuyisiteshi esisakazela umphakathi waseMlaza nezindawo ezakhelene neTheku namaphethelo. Kuningi okuhlonyulwa ngabantu eziteshini zomphakathi, yingakho-ke kumele bazivikele uma kukhona abasuke befuna ukuzicekela phansi. Ngingomunye wabantu owake wahlala eMlaza futhi ngiyazigqaja ngalokho ngenxa yemfudumalo engangiyithola ngisahlala khona. Okunye engikukhumbulayo wukuthi kwakulula ngezikhathi zethu ukuthi sihambele izigceme eziningi ezakhele ilokishi ngale kokwesaba ukuthi uzobanjwa yizigcwelegcwele. Ilokishi uMlaza libalwa namalokishi amakhulu futhi elinezakhamuzi eziningi. Baningi osaziwayo abadabuka khona. Okunye ngoMlaza wukuthi wakhelwe ngabantu abaqhamuka ezindaweni eziningi, yingakho-ke kwakulula ngezikhathi ezedlule ukuthi sihlomule ngalo lonke ulwazi esasiludinga singumphakathi. Eminyakeni edlule kwakunezindawo ezazidumile, eBuzekezeke (Executive Hotel). Namhlanje sekunezindawo eziheha izivakashi njengeMax’s Lifestyle, eYadini nezinye. Kuningi okuhlonyulwa yizakhamuzi zasemalokishini ngenxa yokuthuthukiswa kwengqalasizinda okwenziwa wosomabhizinisi bendawo. Yingakho-ke kumele bazivikele izakhiwo zomphakathi. Z…

1 分

Isolezwe|2022-09-12

Akubhekisiswe ukusebenza kwesiteshi samaphoyisa e-Utrecht

MHLELI: Ngicela ukudlulisa indlela okusebenza ngayo isiteshi samaphoyisa e-Utrecht. Lesi siteshi siyavalwa ebusuku. Angazi noma zonke iziteshi zamaphoyisa sekwaba yiyona ndlela yokusebenza yini? Ezinyangeni ezedlule bekudutshulwa imoto yemali, yabalekela kulesi siteshi. Yafica kukhiywe isango. Kwaphinda kwagwazwa omunye umuntu, wabalekela kulesi siteshi emanaphanapha yigazi, wafika kuvaliwe. Nasemini amaphoyisa akule ndawo ahlulwa wukubheka idolobha elincane. Angazi noma wukushoda kwezimoto noma kwawona ayashoda, noma asehlangene nazo izigebengu. Ngicela umphathi wamaphoyisa abhekisise ukusebenza kwalesi siteshi. Okhathazekile EMADLANGENI…

1 分

Isolezwe|2022-09-12

Ukhala ngephoyisa elisolwa ngokubulala indodana yakhe

UKHALA ngokuthi iphoyisa elisolwa ngokululala indodana yakhe libulale yena uqobo, unina wowesilisa isidumbu sakhe esitholwe yinja yamaphoyisa ehogela umkhondo, sigxishwe epayipini lamanzi sesonakele. UNksz Sebenzile Phungula, uthe iphoyisa lasesiteshini saseMariannhill livumile ukuthi labulala uMnuz Sihle Mtshare (27) ngobusuku bango-Agasti 21 layomlahla eSankontshe. Umsolwa oneminyaka engu-42 kulindeleke ukuthi avele namuhla eNkantolo yeMantshi yasePinetown ngecala lokubulala. UNksz Phungula ufuna izimpendulo ephoyiseni, ukuthi yayenzeni ingane yakhe lize liyibulala nokuthi ukhona yini omunye umuntu elalisebenzisana naye ligila imigilingwane. UMtshare wagcina ukubonakala ephila ngesikhathi “eboshwa” yiphoyisa lasesiteshini saseMariannhill, ePinetown. Isolezwe lisanda kubika ngokunyamalala kukaMtshare nokuthi umndeni wakhe namalungu omphakathi nsuku zaphuma bebevukela esiteshini samaphoyisa bayoqhinqa befuna umufi. Ngeledlule kuthiwa iphoyisa lidliwe wunembeza lagcina ligonyulukile lizivumela ngokwalo ukuthi lamsoconga uMtshare, lahambisa neselula yakhe emaphoyiseni lase liyaboshwa. “Bengifile nya emakhazeni aseMgungundlovu lapho siye khona sayokhomba isidumbu…

1 分

Isolezwe|2022-09-12

Injabulo enikezwa umuzi

UBONGE wanconcoza ugogo wasoPhuzane, eZululand, enikezwa umuzi okungowakhe asezohlala kuwo. UNkk Mavis Sibiya ungomunye wabantu abangu-300 abanikezwe izindlu nguNgqongqoshe wezokuHlaliswa kwaBantu KwaZulu-Natal, obuye abe ngushampeni wesifunda iZululand ngaphansi kukaSukuma Sakhe, uDkt Ntuthuko Mahlaba, ngoLwesihlanu. UNkk Sibiya uthe ubengazi ukuthi kukhona okungase kumkhiphe osizini njengoba bese kuphele isikhathi eside ehlupheka nezingane zakhe. "Usizi lapha ekhaya yinto yakhona, nezingane zami ziyaphuma zihambe ziyofuna umsebenzi, zingawutholi zihlale lapho zibheka khona amatoho, zibuye sezigula sezizoshona. Bengingazi ukuthi kukhona ongase asisize ngibonga kakhulu," kusho yena. UMahlaba uthe kuke kwaba khona ukuphazamiseka kokwethulwa nokunikezwa kwezinhlelo zezindlu kulesi sifundazwe ngenxa yezikhukhula ezihlasele ngo-Ephreli kodwa manje umnyango usuyaqhubeka futhi nalezi zinhlelo. UMahlaba unikeze abantu izindlu ezingu-300 ezakhiwe ngaphansi kwesigaba sokuqala sohlelo, oPhuzane Rural Housing Project, ezidle uR40.6 million wabuye wanikeza abanikazi bezindlu abangu-100 asebehlala ezindlini zabo eBhekuzulu abebengenawo…

1 分

Isolezwe|2022-09-12

Babheke lukhulu kwimenenja entsha yoMsunduzi

BALINDELE ukuthi imenenja entsha yoMkhandlu osenhlokodolobha yeKwaZulu-Natal, uMsunduzi, ilethe ushintsho emkhandlwini okhungethwe yizinkinga. NgoLwesihlanu umkhandlu umemezele imenenja yawo entsha, uMnuz Lulamile Mapholoba. Ungena esikhundleni ebesiphethwe nguMnuz Madoda Khathide, osanda kushiya. Isinqumo sokuqashwa kukaMapholoba sithathwe emhlanganweni womkhandlu obungoLwesihlanu. IMeya yoMsunduzi, uMnuz Mzimkhulu Thebolla, ithe babambe ufishi omkhulu ngokuthola uMapholoba oseke waba yimenenja emikhandlwini eyehlukene okubalwa uMhlathuze neGreater Kokstad. “Sinethemba lokuthi sizobona ushintsho eMsunduzi. Sinethemba lokuthi isinqumo esisithathile namhlanje sizobuyisa isithunzi soMsunduzi.” UThebolla uthe imisebenzi kaMapholoba iyazikhulumela. “Kuningi akazuzile ngesikhathi eyimenenja emikhandlwini waseMandeni, Mzimkhulu neGreater Kokstad. Ngicabanga ukuthi sonke siyavumelana ngokuthi iGreater Kokstad ingomunye wemikhandlu ephethwe kahle esifundazweni. Ugcine ukusebenza kuMasipala waseMhlathuze. Njengamanje uMhlathuze uncintisana nathi ekubeni ngesinye sezizinda zomnotho KwaZulu-Natal. “EMhlathuze uhlale isikhathi esingaphansi kweminyaka emithathu kepha unemibiko yomgcinimafa emibili engenagcobho. Sinethemba lokuthi ukufika kwakhe kuzokwenza ngcono ukusebenza komkhandlu. Sinethemba lokuthi…

1 分

Isolezwe|2022-09-12

URiveiro unqobe wabhoboka ngezifiso anazo

BUYE ithemba lokugcina umgqigqo wokuwina kumqeqeshi we-Orlando Pirates, uJose Riveiro ngemuva kokwehlula iTS Galaxy ngo 2-0 koweDStv Premiership e-Orlando Stadium ngoMgqibelo. URiveiro, unethemba lokuthi ngeke kusaba yinkinga ukushaya amagoli eqenjini lakhe ngemuva kwamabili kaZakhele Lepasa abadlule ngawo kwiGalaxy. Bese kukuningi ukukhala ngokugqoza kwamagoli kweZimnyama emidlalweni yawo edlule phezu kokwakha inqwaba yamathuba. Le wini yehle kahle kuRiveiro kwazise iPirates ize kulo mdlalo isuka endukwini eyithole kwiMaritzburg United ngeledlule. Ezimnyama beziqala kwiligi ukushaya amagoli amabili emdlalweni owodwa. Yize iPirates ike yaqhwakela kwi-log ngenxa yalo mphumela kodwa iphinde yagudluzwa yiMamelodi Sundowns ehlule iLamontville Golden Arrows ngo-2-1 ngoMgqibelo ebusuku. “Ngijabule futhi ngenelisekile ngendlela esikwenze ngayo konke obekufanele sikwenze kulo mdlalo futhi ngeke ngisifihle isifiso sami sokuthi lokhu kube yisiqalo sokuphela kwesomiso esihlasele kubagadli bethu,” kusho uRiveiro kwabezindaba. “Iqiniso ukuthi sinabadlali abaseqophelweni eliphezulu kuyona yonke…

1 分

Isolezwe|2022-09-12

Obanjiswe kwiChippa uzibona eseyiklume kwezokuqeqesha

OBANJISWE isikhundla sokuqeqesha kwiChippa United, uMorgan Mammila, uyaziqhathulula ekuthatheni umsebenzi ngokugcwele. UMammila waziwa njengesikhulu esiphezulu ebholeni laseMzansi. Uqale ukugqama eminyakeni edlule ekwiBaroka yaseLimpopo, eyimenenja yeqembu. Ngesizini edlule esekwiChippa, usondezwe ebhentshini lapho ebesizana noKurt Lentjies, okuyinto ethuse abaningi. Ngesonto eledlule usihlalo weChilli Boys, uChippa Mpengesi, uqoke ukumbuyisa uMammila okade esekwi-All Stars kwiMotsepe Foundation Championship, wamnika isikhundla ebhentshini sokusizana noKlate. Ngemuva kokuhlulwa yiMamelodi Sundowns ngesonto eledlule, uKlate ugudluziwe ekubeni ngumqeqeshi njengoba uMammila eseqeqesha iChippa ngokubambisana noSiyabulela Gwambi, obekade eyiphini likaKlate. Emdlalweni wabo wokuqala bendawonye bahlule AmaZulu FC ngo 2-1 koweDSt Premiership obuseMoses Mabhida Stadium, eThekwini ngempelasonto. "Cha, cha, cha asikhulume iqiniso. Angikakulungeli ukuqeqesha iqembu elisesigabeni esiphezulu. Okwamanje bangicelile ukuthi ngisize ngolwazi lwami oluncane. Ngakho ngiyasiza. Umqeqeshi kungenzeka afike ngoMsombuluko noma ngoLwesibili. Ngizomeseka. Le wini ngiyibhekisa kuChippa Mpengesi (usihlalo) ngokungethemba ngeqembu elibiza…

1 分

Isolezwe|2022-09-12

UMpengesi uzishaya isifuba ngokuxosha abaqeqeshi

USIHLALO weChippa United, uSiviwe Mpengesi, uyakuchitha ukuthi umxoshile umqeqeshi uDaine Klate obekuvele ukuthi usekhonjwe indlela ekupheleni kwesonto eledlule. IChippa idlale okokuqala ngaphandle kukaKlate ngesikhathi yehlula AmaZulu ngo 2-1 eMoses Mabhida Stadium, eThekwini. Ebhentshini bekuhlezi uMorgan Mamilla noSiyabulela Gwambi. UKlate ukufakazile kweminye imithombo yabezindaba ukuthi iChilli Boys imxoshile. UKlate uze wamukela amazwi abemqinisa idolo ngokumehlele, ebephuma kuBenni McCarthy noGavin Hunt. Ekhuluma nabezindaba emuva komdlalo eThekwini, uMpengesi uthe uKlate ugudluziwe kwesokuqeqesha isikimu esikhulu kodwa usekhona eqenjini. UKlate, obekade epheka iqembu leChippa leDStv Diski Challenge ngesizini edlule, uwine kanye emidlalweni eyisikhombisa kweleDStv Premiership. "IChippa United yinkampani enkulu. Yisonto elikhulu elineminyango eminingi. Isisebenzi seqiniso seChippa United siyakwazi lokho. Kuleli qembu unikwa umsebenzi othize futhi lowo msebenzi ungashintsha noma yinini. “Uma uzithobile ngokwanele, ngeke ukhononde. UDaine Klate akaxoshiwe ekubeni yisisebenzi seChippa United. Kodwa sibone ukuthi…

1 分