Ideesの Jan/Feb 2018 の目次

In die Winter-uitgawe van ‘ons nuwe Idees’ het ek geskryf oor my tien dae van stilte, en hierdie brief is letterlik die laaste ding wat ek doen voordat ek my tassie begin pak om weer te gaan stil word. Party mense begin hulle jaar met nuwe voornemens, projekte en energie, maar ek kan klaarblyklik nie so lank hou nie. Soos ’n Japanse kintsugi-stuk moet ek die krake van tyd tot tyd gaan toemaak. Uit al die Oosterse kunsvorms – en die filosofie daaragter – is dié goue laswerk my gunsteling. Nie net omdat die keramiekstukke mooier is as vóór hulle gebreek het nie, maar ook omdat dit ons herinner ons kan sterker uit elke slegte situasie opstaan. En daardie is vir my ’n heerlike gedagte so op die vooraand van…

Groente Aartappels, aspersies, beet, blaarslaai, botterskorsie, eiervrug, groenboontjies, knoffel, komkommer, kool, mangetout-ertjies, murgpampoentjies, pampoen, patats, pietersielie, radyse, rape, sampioene, seldery, soetmielies, soetrissies, spinasie, tamaties, uie, wortels. Vrugte Appelkose, appels, bessies, druiwe, granate, grenadellas, kiwivrug, lietsjies, mango’s, nektariens, pere, perskes, piesangs, pruime, pynappel, spanspek, suurlemoene, turksvye, vye. Kruie Basilie, dille, grasuie, marjolein, ment, origanum, pietersielie, roket, roosmaryn, salie, sitroengras, tiemie, vinkel, witlof. Blomme Affodille, agapante, amarante, angeliere, anthiriums, aronskelke, asters, barbertonse madeliefies, bottelborsels, calalelies, floksies, freesias, gousblomme, hiasinte, inkalelies, irisse, kantblomme, krisante, laventel, madeliefies, Oosterse lelies, (sekere) proteas, pronkridderspore, ranonkels, ridderspore, rose, sewejaartjies, sonneblomme, strelitzias, swaardlelies, tjienkerientjees, tulpe.…

KRUISSTEEK POPPE JUST LOVE X STITCH VERKOOP HIERDIE REEKS KRUISSTEEK-POPPE WAT DEUR OUTYDSE PAPIERPOPPE GEÏNSPIREER IS. DAAR IS VIER POP-ONTWERPE IN DIE REEKS MET VERSKILLENDE UITRUSTINGS WAT JY ALLES MET KRUISSTEEKWERK VOLTOOI. SOEK ‘JUST LOVE’ OP FACEBOOK VIR MEER INLIGTING EN OM HULLE UITGEBREIDE REEKS TE SIEN, OF STUUR E-POS NA ILANIVONK@GMAIL.COM VIR MEER INLIGTING. ROOSGOUD VIR JOU BAD-BOUDOIR Bathroom Butler is op die voorpunt van die jongste dekormodes met hulle reeks lieflike roosgoue badkamerbykomstighede. Dit sluit ’n verskeidenheid noukeurig ontwerpte bykomstighede in wat wissel van handdoekrelings en toiletborselhouers tot handdoekhouers en toiletpapierstaanders. Gaan na bathroombutler.com  om te kyk waar jou naaste verskaffer is. MAAK OGIES Die lekkerste van Elizabeth Arden Advanced Ceramide Capsules (R655 vir 60 kapsules) is hoe sysag dit op die delikate vel om die…

Marissa bedryf haar partytjie- en stileringsbesigheid, Konfetti Love, van die huis af. Sy het die studeerkamer in ’n werkwinkel omskep om vir haar ’n werkruimte te skep wat ook as kantoor kan dien. ‘In my persoonlike lewe verkies ek neutrale kleure, maar in my werk leef ek myself baie kleurryk uit. Dit was vir my belangrik om ’n kreatiewe ruimte te skep wat my daagliks inspireer en waar ek my liefde vir ’n bietjie pienk kan uitleef. Kliënte noem dikwels dat hulle my huis sal wil sien omdat ek in soveel kleur werk, maar in my huis speel ek baie veilig met hoofsaaklik room en vlootblou. ‘Die werkwinkel was ’n selfdoenprojek met die uitsondering van ’n paar items. My kreatiewe proses is soms agterstevoor en ek het begin by ’n skildery van Andel Olivier. Ek het dit…

MOEILIKHEIDSGRAAD: redelik maklik TYD: 1 dag Water is skaars in Suid-Afrika, waar jy ook al woon, en ons tuine nie meer so kleurryk nie. Terwyl ons wag dat die reën ons damme weer volmaak en ons tuine mooi, het ons ’n plan bedink om ons tuinslang netjies gedraai te hou om ’n versierde wielvelling. SO MAAK JY 1 Skrop ’n ou wielvelling (beskikbaar by skrootwerwe of motoronderdelewinkels) deeglik met seep af en laat dit heeltemal droog word. 2 Spuitverf die wielvelling liggies met ’n wit metaalgrondlaag, laat dit droog word en spuitverf dit weer liggies. Herhaal die lae tot die kleur mooi solied is. 3 Terwyl jy wag dat die spuitverf droog word, kan jy op die internet gaan soek vir ’n blomontwerp waarvan jy hou. Druk dit op papier…

LET WEL: Vou die materiaal altyd met die regte kante teen mekaar, sodat patroonmerke op die verkeerde kant van die materiaal gemaak kan word. Maak seker die draadrigting op al die pante word parallel met die selfkant uitgelê. Gebruik ’n parslap wanneer jy stryk. AFKORTINGS MA – middelagter MV – middelvoor NT – naattoelating SL – steeklengte SN – synaat SP – skouerpunt BASIESE TOP MOEILIKHEIDSGRAAD: gemiddeld TYD: omtrent 1 dag Jy benodig ♥ patrone op bladsye 70-71 ♥ omtrent 1 m materiaal vir die top en 0,25 m per kraag ♥ aanstryk-tussenvoering ♥ bypassende masjiengare ♥ ritssluiter ♥ kleremakerspen So knip jy Knip volgens die patrone op bladsye 70-71 een voorpant op die vou en twee agterpante – 1,5 cm-naattoelatings is ingesluit. Knip die voorpantbelegsel en tussenvoering op die vou.…

Rdte 7: Gs in vlg 1 ks-sp, 1 ks, 1 kb in dies sp, 3 ks, slaan 5 ks-sp oor, 12 lb in vlg 5 kssp, 3 ks, *1 kb in vlg 1 ks-sp, 3 ks, slaan 5 ks-sp oor, 12 lb in vlg 5 ks-sp, 3 ks; her van * tot einde, gs in beg-kb. H/af. Rdte 8: Met kleur 4, 1 ks, 1 kb in dies st, 3 ks, (1 lb, 1 ks) in vlg 11 lb, 1 lb in vlg lb, 3 ks, *1 kb in vlg kb, 3 ks, (1 lb, 1 ks) in vlg 11 lb, 1 lb in vlg lb, 3 ks; her van * tot einde, gs in beg-kb. H/af. Rdte 9: Die rdte word net om die 1e blok gehekel. By die 2e en daaropvolgende blokke…

Die Japannese het nou maar eenmaal ’n manier om anders na goed te kyk en vir ons die een lewensles ná die ander te leer. So hoor ons al hoe meer van wabi-sabi – die waardering vir die tydelike en die onvolmaakte wat ons so duidelik sien in afgeskilferde vintage-meubels en verweerde ou mure, maar iets is waarmee ons vreeslik sukkel in onsself. En ikigai, daardie passie of dryfkrag wat jou rede gee om soggens uit die bed te klim. Vir ons makers en mooimakers het kintsugi, ook bekend as kintsukuroi, ’n spesiale plekkie tussen hierdie filosofieë, wat almal hul grondslag in Boeddhisme het. Om iets weer mooi te maak wat eens gebreek was, is ’n uitdaging wat ons moeilik weerstaan. Dis immers iets wat ons sélf kan doen. Ek…

♥ 300 g botter (of wit bakmargarien), teen kamertemperatuur ♥ 900 g versiersuiker, gesif ♥ koskleursel 1 Gebruik ’n elektriese klitser om die botter te room, maar moenie dit te veel klits nie – jy wil nie te veel lug inklits nie. 2 Voeg die versiersuiker by – net ’n derde op ’n slag – en klits dit elke keer tot die versiersuiker net-net ingemeng is. Voeg ’n paar druppels kookwater by, indien nodig, om ’n smeerbare versiersel te vorm wat nie te sag is nie. 3 Gebruik ’n groot lepel of spatel om die laaste derde versiersuiker in te meng – dit sal help om lugborrels in die versiersel te keer. Gebruik die versiersel dadelik, of bedek dit met kleefplastiek wat reg teen die oppervlak van die versiersel lê…

Kleur het ongelooflike trefkrag en is die allerbeste manier om enige ruimte nuut te maak. Ons dink ons moet ander meubels of dekorstukke koop om ’n vertrek nuwe lewe te gee, terwyl ’n nuwe kleurskema die vinnigste én goedkoopste manier is om dit te doen. In hierdie reeks gaan ons elke keer dieselfde muur in ons ateljee gebruik om te wys wat jy alles met net die gebruik van kleur (en ’n bietjie vorm) kan doen. Die jaar begin altyd met nuwe planne, vir die volgende paar maande en daarna. Ons kyk nog deur ons blombril na die lewe en glo die vreugde en vrede van Desember sal hierdie keer langer hou. Ek wou hierdie gees vasvang in ons eerste kleuromtowering. Kleure, soos mense, het ’n invloed op mekaar: Om…

Swit serse part ytjiemeisie Julie Gallagher, ’n Suid-Afrikaner wat tans saam met haar man, Liam, en twee dogters, Zara en Bailey, in Switserland woon, trakteer ons vanjaar met haar partytjieblaaie. Dié geoktrooieerde rekenmeester het in 2009 die grys korporatiewe wêreld vir kleur verruil toe sy haar partytjiebesigheid, In Good Company, begin het. Wat eens net aanlyn was, het gou uitgebrei tot drie winkels in Suid-Afrika en Switserland. Die besigheid is intussen verkoop, maar Julie werk steeds as ’n stilis en deel in die volgende paar uitgawes haar flair vir mooi partytjies (sien ‘As padda manel dra’ op bladsy 102) met ons. Volg haar op Facebook (soek ‘Julie Gallagher’) of op Instagram by @swissfamilygallagher. VERF DIE DORP HELDER! Jani Augustyn-Goussard is nie net een van dié Paint & Décor-Goussards nie, sy…

Handwerk 365 days of art – Lorna Scobie (Hardie Grant Books, R245) Dié joernaal is ontwerp om lesers en groentjiekunstenaars te help om hul kreatiwiteit te voed en hul gevoelens deur middel van die kunsmedium te verken. Dit bevat aktiwiteite vir elke dag van die jaar – van eenvoudige opdragte soos om vorms en lyne te teken tot meer uitdagende take soos kalligrafie, skryf en om te teken wat jy sien. Verder bevat die boek inspirerende aanhalings en allerlei positiewe oefeninge wat jou sal help om na te dink oor jou kreatiewe vaardighede én dit uit te brei. Dit is ’n pragtige boek wat jy altyd sal koester en ook ’n kragtige stuk gereedskap om positiewe veranderinge teweeg te bring. Découpage jou tuiste – Fransie Snyman (Metz Press, R225) Découpage…

Die Victoriaanse era was in vele opsigte ’n sedige en vreeslik preutse tyd. Behalwe vir tierlantyntjies in die vorm gietysterversierings (wat ons almal as ‘broekieslace’ ken), volg al die huise wat in hierdie era in Suid-Afrika gebou is, basies dieselfde plan en styl sonder om van die argitektoniese norme van die tyd af te wyk. Daar is nog baie voorbeelde van dié Victoriaanse huise op plattelandse dorpies te sien. Die meeste ontlok dadelik ’n aangename nostalgiese gevoel en talle van hulle is intussen tot hul voormalige glorie herstel met skitterblink antiekware en Persiese tapyte. Maar dit was die héél laaste ding wat die interieurontwerper Etienne Hanekom in gedagte gehad het vir die verwaarloosde Victoriaanse dame wat hy ontdek het in Robertson, ’n uur en ’n half per motor uit…

Ons woon al 20 jaar in dieselfde huis, en al die jare het die portaal op die boonste verdieping so te sê leeggestaan. Toe ek my werk by Media24 verloor, was my eerste gedagte hoe ek hierdie oop ruimte as ateljee kan inrig. Ek was skaars oor die skok van nie ’n vaste werk hê nie, toe maak ek al planne oor hoe ek van die huis af kan werk. Die belangrikste elemente was klaar daar – ’n wit houtvloer, die ongelooflikste lig wat deur die twee dakvensters skyn, en natuurlik my wit houttafel van oor die drie meter lank! As grafiese kunstenaar soek ek ’n werkplek sonder te veel fieterjasies, stil en sereen, maar met my liefde vir alles wat vintage is, moet my ou meubels en portrette…

SKEP DIE PRENTJIE Verbeel jou jy is op ’n eilandvakansie iewers in die Mediterreense See – dink wit strande, wapperende seile en ’n blou-blou see. Dek die tafel buite en laat dekoratiewe teëls, bote en visse jou inspireer om die tafel te versier. STAATMAKERS VAN DIE MEDITERREENSE DIEET 3 Fokus op hope vars vrugte en groente. 3 Eet genoeg bone, lensies, ertjies, neute en sade. 3 Eet gereeld seekos, veral olierige vis soos sardiens en salm. 3 Eet af en toe maer pluimvee, kaas (veral sagte wrongelkase) en eiers. 3 Beperk jou inname van rooivleis en probeer om laervet-opsies te kies. 3 Vervang wit of verfynde koolhidrate met heel grane, soos hawermout, bruinrys, gort, bulgurkoring en quinoa. 3 Geur jou kos met kruie en speserye pleks van te veel sout.…

JY BEnOdIG ♥ al die skerwe van jou gebreekte keramiekitem ♥ goudpoeier ♥ epoksigom ♥ weggooibare plastiekhouertjie ♥ roomysstokkies Pak die gebreekte stukke uit soos wat hulle gelas moet word. Skep ’n klein bietjie goudpoeier uit in die weggooibare plastiekbakkie. Druk die twee dele van die epoksigom in die regte verhouding (volgens die vervaardiger se aanwysings) in die bakkie met goudpoeier uit – maak seker dis genoeg vir al die laswerk. Meng die gom en goudpoeier deeglik met ’n roomysstokkie om ’n goue gompasta te verkry. Neem die eerste skerf en wend die goue pasta al op die stukkende rand aan met die roomysstokkie. Werk vinnig voordat die gom hard kan word. Druk die tweede skerf teenaan die eerste een en hou dit so tot die gom geheg het. Moenie…

Die midsomerdae en Pip Studio se ‘Royal’-tafelware het ons geïnspireer om ’n tuinfees in die kleine te hou, maar omdat ’n paar broodnodige reënbuie uitgesak het, moes ons blitsig alles binnetoe skuif. Vir dié middagtee en gesprek oor partytjiebeplanning kon ons gelukkig tog die buitewêreld binnetoe bring met ’n paar dahlias en ’n tuinornament of twee. Maar kom ons begin by die begin: Om ’n partytjie te beplan móét jy op ’n tema besluit. Dikwels wanneer ek my kliënte vra watter tema hulle verkies, kry ek die antwoord: ‘Daar is nie ’n tema nie’ of ‘Ek wil nie ’n temapartytjie hou nie’. Ek stem glad nie hiermee saam nie – álle partytjies het ’n sekere tema, jy moet net definieer wat dit is. As jy eers dié besluit gemaak het,…

Jy benodig hout (ons het boekenhout gebruik) – 1 500 x 20 x 20 mm – 180 x 44 x 7 mm – 120 x 44 x 20 mm glassnyer (met ’n industriële diamantpunt) wynbottel-stopprop van staal vaste rolwiel (50 mm in deursnee) skroewe – 4 x selfsnyskroewe, 4 x 13 mm – 5 x versink-selfsnyskroewe, 3,5 x 30 mm draagboute – 1 x 5 mm x 90 mm – 1 x 8 mm x 48 mm bout (seshoekige kop) – 1 x 6 mm x 38 mm vleuelmoere – 1 x 5 mm, 2 x 8 mm 6 mm-koepelmoer wasters – 1 x 5 mm, 1 x 7 mm, 2 x 6 mm, 4 x 4 mm en 2 x 8 mm 2 x pypklampe (100 mm in deursnee)…

skryf vir ons & WEN! Edna de Wet, die skrywer van die wenbrief in hierdie uitgawe, ontvang ’n tafeldoek ter waarde van R2 400 van Maison Fleur de Lis in Pretoria. Die grootte van die tafeldoek is 1,5 x 3,5 m. Stuur ’n e-pos na maisonfdl@yahoo.com of bel 082 828 6134 vir meer inligting oor Maison Fleur de Lis. Volg hulle op Facebook by facebook.com/maisonfdl/. Wenbrief Tranemooi Ek het julle September/Oktober 2017-uitgawe met ’n erg hardverdiende R100-noot gekoop… en met twyfel in my hart oor of hierdie tydskrifblaaie regtigegtig die geld werd kan wees. Maar so kom Vrydagmiddag. Ek maak ’n bederf-cappuccino en begin blaai, heilig versigtig. En sommer so onverwags kom my trane. Elke bladsy is dan huilmooi, elke liewe bladsy is net so bitterlik mooi, elke prentjie ’n…

@ELSIEDEAR Suid-Afrika Die kunstenaar en Idees-medewerker Elsbeth Eksteen se kreatiwiteit ken geen einde nie. Sy hekel, borduur, maak klere en speelgoed, teken, skilder én gebruik die mooiste kleurkombinasies in haar handwerk. @NATHALIE_LETE Parys, Frankryk Nathalie Lété se gebreide en lapspeelgoed, klere, juweliersware, keramiekware en poskaarte is ’n absolute inspirasie. Haar ontwerpe kom uit ’n blommewêreld bewoon deur fabelagtige wesens. @CAKEOPERACO Toronto, Kanada Alexandria Pellegrino is ’n koek-kunstenaar. Haar liefde vir die Rococo-era en weelderige versierings kom tot uiting in haar fantasmagoriese troukoeke en ander gebak.…

In die vyf jaar wat ek in my huis woon, het dié vertrek nou ’n volle sirkel geloop. Die ruimte aan die onderkant van ’n wenteltrap wat oploop na my seun, Anton, se dakkamer, is nie regtig privaat genoeg vir ’n slaapkamer nie, maar was die enigste plek waar ons nog ’n bed kon inpas. Oor tyd het hy al twee langtermyn-bewoners gehad, maar toe ons ‘upstart-Idees’ ruimte nodig kry, was die bedjie binne dae op pad na sy nuwe huis toe. Die vroulike tafeltjie, wat al my spieëlkas, die voorportaaltafel én die eetkamer-sytafel was, is trap-op gedra om my lessenaar te word en die eetkamer is nou ’n stoel kort. Hy’s weliswaar nie ’n ergonomiese meesterstuk nie, maar ek kan nie met ’n lelike stoel saamleef nie. Ek stap…

GEBLOMDE LIASSERKABINET Upcycle daai grys kasarm in die hoek. Ons het ons ou staalkabinet nuut gemaak deur die sykante ligpienk te verf en ’n blomontwerp op die voorkant aan te bring. MOEILIKHEIDSGRAAD: uitdagend TYD: 2 dae JY BENoDIG ♥ staalkabinet ♥ rolwieletjies met skroewe ♥ blomprent van jou keuse ♥ drupvrye waterbasis-emaljeverf in die kleur van jou keuse ♥ muurpapiergom ♥ verfkwaste ♥ handwerkmes ♥ fyn skuurpapier ♥ boor met metaalboorpunt So MAAK jY 1 Berei die kabinet voor deur dit liggies te skuur en met ’n klam lap skoon te maak. Sit rolwieletjies aan sodat jy die swaar kabinet makliker kan rondbeweeg. Verwyder die handvatsels en alles wat in die laaie is voordat jy begin verf. Verf die emaljeverf direk op die staal – ’n grondlaag is nie nodig nie.…

ALGEMENE INLIGTING Die blokke is almal met ’n 100% dubbeldraadkatoen (Vinnis Colours Nikkim) en 3,25 mm-hekelpen gehekel, sodat elke blok op dieselfde skaal is en die grootte na aanleiding hiervan bepaal is. ’n Ander hekeldraad, hekelpendikte en spanning sal ’n groter of kleiner eindproduk lewer. WENKE 1 Die hekelpendikte kan met die rondtes afgewissel word totdat die korrekte spanning verkry is. 2 Werk die draad ná elke kleurwisseling weg om die werk te vergemaklik. AFKORTINGS (AMERIKAANSE TERMINOLOGIE) beg – begin dies – dieselfde dsl – dubbelslagsteek gs – glipsteek h/af – heg af her – herhaal hlb – halflangbeen kb – kortbeen ks – kettingsteek lb – langbeen ls(e) – lus(se) rdte – rondte RK – regte kant sp(s) – spasie(s) st(e) – steek(steke) tes – tesame VK – verkeerde kant…

Jy benodig ♥ papier wat by jou tema pas (ons het drukstukke van ’n ou Mediterreense kaart vir ons papier gebruik) ♥ handwerkmes en snymat ♥ staalliniaal Sny ’n reghoek uit jou papier – ons s’n is 15 x 21 cm groot – en sit dit met die prentekant na bo voor jou neer. Vou die papier horisontaal in die helfte. Vou die hoek regs bo en die hoek links bo na mekaar na die middel toe. Vou die onderrand aan die voorkant om na bo. Doen dieselfde met die onderrand aan die agterkant. Maak die papier van onder af oop en vou dit plat om ’n vierkant te vorm. Vou die onderste hoek aan die voorkant gelyk met die boonste hoek. Doen dieselfde met die onderste hoek aan die…

Daar is min dinge so opwindend soos om ’n ware kenner op haar gebied te hoor praat oor kosmetiekdeurbrake. En dr. Diana Howard, vise-president van navorsing en ontwikkeling by die International Dermal Institute in Kalifornië, is in ’n klas van haar eie as dit kom by die jongste wetenskaplike navorsing en bestanddele wat ons kan help in die strewe na ’n volmaakte vel en vars voorkoms. By ’n konferensie van Dermalogica in Johannesburg het sy die koring van die kaf geskei en die jongste tendense onder die vergrootglas gesit. K-BEAUTY STAAN VIR ‘KOREAN BEAUTY’ Dit is een van die grootste trends in Amerika en Europa – Suid-Korea is letterlik ’n broeikas wat betref innovasie, nuwe foefies en ernstige velsorg. Dit het ’n geweldige invloed op die internasionale skoonheidsmark en voorsien…

Indien die partytjie vir iemand spesifieks gehou word, sal jy dié persoon se wense wil eerbiedig. Die eerste stap is om hulle te vra om die volgende paar vrae te beantwoord. As dit ’n verrassingspartytjie is, sal jy as’t ware in hul skoene moet klim en dink watter soort geselligheid hulle sal geniet. En as dit sommer ’n partytjie vir die lekker is, kan jy gerus iets doen wat in jóú smaak val. ‘P’ STAAN VIR PERSOONLIK Partytjies waarop iemand hulle persoonlike stempel afgedruk het, is die lekkerste én ’n mens onthou dit die langste. Hou dus altyd die gaste of die eregas in gedagte in elke stap van die beplanningsproses. Nadat jy oor die eerste hekkie is, moet jy die volgende vrae beantwoord: Wie gaan die partytjie bywoon? Is…

Julia het reeds 24 jaar gelede tuine en rose van nader leer ken toe sy ’n blaaskans van die korporatiewe wêreld geneem en by die Royal Botanic Gardens in Kew, Engeland, ’n kursus in tuinboukunde en tuinontwerp voltooi het. ‘Ek het ’n paar jaar lank ’n klein tuinontwerpen blombesigheid in Londen gehad voordat ek weer die korporatiewe betonoerwoud ingevaar en vir 20 jaar daar gebly het. Ek het myself altyd belowe ek sal “eendag” terugkeer na my eerste liefde, blomme. Nou ja, dit het ’n tydjie geneem, maar dit wil voorkom of ek eenvoudig nie my nuwe adres – 1 Rose Lane, Rose Hill, Rosetta – kon ignoreer nie. “Eendag” het uiteindelik aangebreek!’ Julia, wat ook die eienaar is van Local Spark, ’n onderneming wat ander nuwe besighede op hul…

Teken op die DIGITALE TYDSKRIF in vir slegs R45 per uitgawe. • Vir navrae oor DIGITALE INTEKENINGE, bel 087 741 3177 of stuur ’n e-pos aan support@mysubs.co.za. vir ’n JAARLIKSE INTEKENING van R408 ontvang jy al om die ander maand jou GEDRUKTE eksemplaar van IDEES.* Teken sÓ in op die gedrukte tydskrif: • Skakel 087 740 1025 vir IDEES (Maandae tot Vrydae, 8 vm. tot 5 nm.), óf • Skakel 087 740 1027 vir IDEAS. • Stuur jou NAAM & KONTAKBESONDERHEDE per e-pos AAN subs@ideasfactory.co.za.** • SMS ‘INTEKEN IDEES’ na 33153. SMS’e kos R1 elk.** Bepalings en voorwaardes * Dié aanbod geld net tot 25 Februarie 2018 en is slegs vir mense wat in Suid-Afrika woon. • Skakel +27 21 065 0033 vir tariewe in ander lande. ** Deur hierdie besonderhede te…