Sommaire pour 3/29/2020 de Rapport

Daar is groot vrese oor die gesondheid van talle lede van die befaamde 1981-Springbokspan nadat hulle ’n gholfdag saam met hul spanmaat Danie Gerber bygewoon het, enkele dae voordat hy positief getoets is vir die hoogs aansteeklike en gevreesde virussiekte Covid-19. Onder die oud-Bokke wat verlede Saterdag saam met Gerber gholf gespeel het by die Border Hotel in Jan Kempdorp is Henning van Aswegen, die mede-eienaar van die hotel, Burger Geldenhuys, Divan Serfontein, Robbie Blair, Colin Beck, Richard Prentis en Gysie Pienaar. Talle van hulle – almal lede van die befaamde Bokspan wat in 1981 die sogenaamde “meelbom-toer” na Nieu Seeland meegemaak het, het ook die aand in die hotel oorgebly. Rapport het op goeie gesag verneem dat, benewens Gerber, minstens een ander persoon wat die gholfdag bygewoon het die…

Eienaars van Kuga-motors wat uitgebrand het, sê hulle is finansieel geruïneer en die R50 000 wat Ford hulle vir hul skade wil gee, is skrale troos. “Ek is finansieel verwoes weens die hele affêre en twee jaar later kan ek steeds nie ’n nuwe motor koop nie omdat ek geen kredietwaardigheid het nie,” sê Astrid Ryke van Kaapstad. Antoinette Naudé van Witbank sê sy was uiteindelik sewe maande sonder ’n kar nadat haar Kuga aan die brand geslaan het. “Ek het as ’n advertensieverteenwoordiger gewerk toe my motor uitgebrand het. Ek kry geen skadevergoeding vir die verlies aan inkomste wat ek hierdeur gely het nie.” Sy sê hoewel haar versekering die eis uitbetaal het, moes sy steeds R23 000 daarvan gebruik om haar skuld op die voertuig te delg. “Dit…

Die moord op ’n Oos-Vrystaatse boer waarvan onder andere sy voormalige huiswerker en minnares beskuldig word, was ’n “boodskap”. So het landdros Nico Smit dié week in die landdroshof in Ficksburg gesê toe hy Angelina (Angie) Nthabiseng Ledwaba (40) en haar drie medebeskuldigdes se borgtogaansoek van die hand gewys het. Sy, haar saamwoon-minnaar, Abel Eric Phalatsi (32), en nóg ’n voormalige minnaar van haar, Thabiso Johannes Motaung (45), staan saam met Mpho Daniel Hlalele (37) tereg weens die moord op Barry Baars op sy plaas Daskop op 31 Oktober 2017. Die moord was “ ’n klassieke geval van overkill”, het die landdros gesê. “Die oorledene se onderkaak was weggeskiet en die skoot tussen sy geslagsdele en sy rektum was ’n boodskap.” Ledwaba (40) het getuig Baars het haar in 2015…

Die regering staan gereed om ’n algemene inkomste-toelae aan te kondig vir miljoene informele werkers wat weens die Covid-19-rampregulasies deur hongersnood in die gesig gestaar word. ’n Taakspan van ekonomiese raadgewers, nieregeringsorganisasies en amptenare werk al twee weke aan berekeninge en meganismes om die kwesbares te help. Die plan is gister op ’n vergadering van die taakspan gefinaliseer en word vandag voorgelê aan pres. Cyril Ramaphosa se nasionale bevelsraad vir die Covid-19 rampkrisis. Die taakspan word gelei deur dr. Kate Philip, ’n ontwikkelingstrateeg wat onder meer ná die 2008- ekonomiese krisis deur die Internasionale Arbeidsorganisasie as ekonomiese raadgewer vir die Griekse regering gehelp het met kleinsakeontwikkeling en ekonomiese beleid. Sy werk die afgelope vier jaar as ’n tegniese adviseur in die nasionale tesourie. Philip het vroeër die week op sosiale…

’n Ma en pa wat nie weet wanneer hulle hul drie kinders weer gaan sien nie, is onder die Suid-Afrikaners wat steeds in ander lande vasgekeer is. Van die mense wat wel uit hoërisiko-lande kon terugkom, is glo nie vir Covid-19 getoets of onder kwarantyn geplaas nie. Lee-Ann Machelm en haar man, Joberto, is van 19 Maart in Phuket, Thailand. Hul kinders van 10, 12 en 16 het in Kaapstad agtergebly. “Ek het vir die reisagent gevra of dit veilig is om steeds te reis en hy het my verseker niks sal verkeerd gaan nie.” Al hul pogings om in Suid-Afrika te kom voordat die staat van inperking ingetree het, het misluk. “Ons het elke moontlike reisagent gebel, uitgereik na die ambassade en selfs gekyk vir opsies aanlyn, maar niks…

Dringende pleidooie word gelewer om die herwinning van afval deur informele herwinnaars tot ’n noodsaaklike diens te verklaar om te keer dat stede gedurende die ramptoestand in rommel verswelg word. Nieregeringsorganisasies hoop om só die inkomste van die land se geraamde 200 000 informele herwinnaars van afval te verseker. Die organisasies sê daar moet ook skoonmaakmiddels aan die mense verskaf word omdat hulle een van die groepe met die hoogste risiko is om met die koronavirus besmet te word. Dié hele informele sektor, wat vol-gens sensusopnames werk en inkomste gee aan sowat 5 miljoen mense, is in gevaar, sê Jane Barrett, Suid-Afrikaanse direkteur van Wiego, ’n internasionale sambreelliggaam vir nieregeringsorganisasies wat in die informele sektor werk. Die departement van omgewingsake het verlede week inderhaas begin om ’n register te probeer…

’NSkerp ekonomiese inkrimping van 1,2% in wêreldgroei en 2%-inkrimping vir Suid-Afrika word vanjaar verwag weens die uitwerking van Covid-19. Ekonome meen wel die situasie kan vinnig herstel mits die koronavirus-pandemie binne die volgende paar maande in bedwang gebring word. Groot kommer bestaan oor die uitwerking van die pandemie. Die 21 dae van inperking bedreig klein ondernemings se voortbestaan en kom myne en sekere vervaardigers ook duur te staan. Daar word gevrees tot ’n miljoen mense kan hul werk verloor. Die Edcon-groep, die land se tweede grootste kleregroep, blyk een van die eerste groot sakeslagoffers te wees. Edcon Holdings, wat Edgarsen Jet-winkels besit, sukkel lankal en het onlangs ’n regrukstrategie aangekondig. Grant Pattison, uitvoerende hoof, het Vrydag aan Bloomberg gesê die meeste van Edcon se 1 100 klerewinkels sal na verwagting…

Die totale inkomste uit seevisserye en verwante dienste in 2018 was 3,8% hoër op R16,1 miljard, vergeleke met 2017 se inkomste van R15,5 miljard, wys Statistieke Suid-Afrika (SSA) se jongste sensus oor dié bedryf. In 2018 het die toptien-ondernemings in die seevisserybedryf 68,5% tot die totale inkomste bygedra, blyk uit die sensus wat Dinsdag gepubliseer is. Groot ondernemings met ’n jaarlikse inkomste van meer as R22,5 miljoen het 89,3% tot die totale inkomste in die seevissery- en verwante dienstebedryf bygedra en was verantwoordelik vir 78,9% van indiensneming. Klein, middelslag- en mikro-ondernemings het 10,7% tot die inkomste bygedra, maar was verantwoordelik vir net meer as 21% van indiensneming, sê SSA. Die totaal wat in 2017 aan salarisse en lone in die bedryf betaal is, was R2,55 miljard. In 2018 was dit…

Terwyl die res van die land reeds voor Covid-19 hul rieme dun gesny het wanneer dit kom by motor-aankope, was diegene wat sportmotors kon bekostig allermins spaarsamig. Verkope van nuwe motors het vol-gens Naamsa, die vereniging vir motorinvoerders en -verspreiders, verlede jaar met 2,8% afgeneem tot 536 626. Maar as dit by sportmotors kom, het die sewe maer jare nog nie aangebreek nie. Lamborghini het byvoorbeeld verlede jaar 59 van sy aggressiewe sportmotors, wat elk ’n hele paar miljoen rand kos, in Suid-Afrika van die hand gesit. ‘ ’n Miljoen is deesdae nie baie vir ’n motor nie.’ Sy verkope is gestu deur die bekendstelling van sy eerste sportnutsvoertuig, die Urus, wat sowat R4 miljoen kos. En as dít nie die haartjies onder jou TAG Heuer laat regop staan nie,…

Nadat Rassie Erasmus weens onvoorsiene omstandighede nie vyf maande gelede sy alma mater tydens die Springbokke se Wêreldbekertoer in Despatch kon besoek nie, het hy besluit om met die hulp van twee onderwysers ’n verrassingsbesoek aan die Hoërskool Despatch te bring. WB-breier sing skoollied uit volle bors saam “Toe ons (sowat vyf maande gelede) met die bekertoer net by Despatch se klubhuis stop, moes ek en Siya (Kolisi) inderhaas in ’n motor spring om na die lughawe te haas, aangesien ons die aand ’n geleentheid in Durban moes bywoon,” het Erasmus gesê. “Ek kon toe nie self vir die mense van Despatch, waar ek grootgeword het, dankie sê nie. My familie was ook daar en ek kon nie eens hallo sê nie. “Die skool het my en Danie Gerber al…

Rugbystadion nou ’n hospitaal Die koste om die Principality-stadion in Cardiff, die tuiste van die Walliese Rugbyunie, in ’n hospitaal met 2 000 beddens te omskep, sal die Walliese regering meer as R175 miljoen uit die sak jaag. Daar is reeds gister begin om die stadion, waarvan die dak kan toeskuif, in ’n hospitaal te omskep om pasiënte wat Covid-19 opgedoen het te behandel. Die Walliesers het reeds aanvaar dat dié seisoen se Pro-14-reeks van die baan is en dat die Walliese rugbytoer in Junie en Julie in Nieu-Seeland straks nie sal voortgaan nie. “Daar is ’n baie goeie kans dat internasionale reise en die grense tussen die land dan nog nie oopgestel sal wees nie. In daardie geval sal die All Blacks nie in Julie speel nie,” het die…

Dit was ’n nagmerrie, maar uiteindelik het die Springbok-agtsteman Duane Vermeulen laat Donderdagmiddag dit net betyds terug Kaapstad toe gemaak om die tyd van inperking saam met sy gesin deur te bring. Maar dit was ’n storie vir dié Bok-ster wat gestrand in Japan gesit het ná vier gekanselleerde vlugte. Hy is “gered” deur die onverwagse goedheid van ’n vreemdeling met pers hare. Vermeulen sê hy is “ongelooflik dankbaar” om terug by die huis te wees nadat hy vroeër die week aan Rapport gesê het hy gaan in Japan gestrand sit. “Ná drie gekanselleerde vlugte het ek opgegee,” het hy in ’n boodskap gesê. Maar ’n boodskap van ’n vreemdeling, en ’n nagmerriereis terug via drie lande het hom uiteindelik tuis gebring. Vermeulen is gelukkig terug, asook die Bok-senter Jesse…

DStv gee toegang tot meer kanale DStv stel nou van sy kanale beskikbaar aan mense wat glad nie intekenare is nie, terwyl daar ook meer kanale beskikbaar is vir almal. Meer nuus ■ Nuuskanale is beskikbaar vir almal op die DStv-app. ■ CNN is ook toegevoeg tot die beperkte DStv Family- en DStv Access-intekenare se pakkette. ■ Africanews is nou beskikbaar op kanaal 417. Vir kinders ■ Daar is opvoedkundige programme beskikbaar op Mindset (kanaal 319) en ’n nuwe kanaal, Da Vinci (kanaal 318), sal tot einde Mei vir alle intekenare beskikbaar wees. ■ Nickelodeon (kanaal 305) sal ook tot 14 April beskikbaar wees vir alle DStv Compact-, DStv Family- en DStv Access-intekenare. Vir sportliefhebbers ■ Aangesien daar nie meer sportbyeenkomste plaasvind nie, het DStv verskeie dokumentêre programme oor die…

Dis nie maklik om kinders besig te hou nie. Nicolene Steyn, eienaar van Woelwater, ’n onderneming wat aktiwiteitsbokse vir kinders ontwikkel en pos, gee ’n paar idees. Groot motoriese aktiwiteit Aangesien daar nie ’n “pouse” by die huis is waartydens jou kind kan rondhardloop nie, moet jy ’n plan maak om jou kind liggaamsoefening te gee. Bou ’n hindernisbaan. Benodigdhede: ■ Jou kind se sagte speelgoed, of selfs kussings of handdoeke Instruksies: ■ Vra jou kind om al sy sagte speelgoed oraloor die huis te pak, in ’n ry, in die gang af en deur die huis. ■ Gebruik die speelgoed as kegels. Hoe om te speel: ■ Nou hardloop julle en trap of spring oor die speelgoed, of spring met 2 bene. ■ Probeer rondom die speelgoed hard-loop in…

‘We’ll come in low out of the rising sun, and about a mile out, we’ll put on the music.” Dit nou luitenant-kolonel Kilgore oor die modus operandi van ’n lugaanval op ’n klein dorpie in Francis Ford Coppola se epiese fliek oor die Viëtnamese Oorlog, Apocalypse Now. Gekamoefleer deur die son, tjopper Kilgore se helikopter-eskader laag oor die see terwyl opruiende, intimiderende musiek teen topvolume uit buite-gemonteerde luidsprekers blaas. “I use Wagner,” verklaar Kilgore. “It scares the hell out of them.” Dan trek die “Ritt der Walküren” los, een golf koperblasers op ’n ander om elke herhaling van die majestueuse leitmotief dieper uit die pens te dolf en meer dramaties op te bou, tot ’n koor van seëvierende engelstemme die musiek ten hemele swiep. Dít terwyl alle hel op aarde…

Wie sou kon dink dat dit ’n klein maar wrede virus sou verg om Suid-Afrikaners te inspireer om saam te staan? Daar is geen twyfel dat dit ’n bepalende oomblik vir Suid-Afrika en moontlik die wêreld is nie. Kan dit boonop ’n ware grensverskuiwende moment wees? ’n Oomblik waarna ons eendag sal terugkyk en sê dat dit die moment was waarop dinge seismies verander het en ons uiteindelik die identiteit aangryp het wat ons vir onsself gekies het die dag toe ons die nuwe Grondwet aanvaar het? As dit inderdaad ’n grensverskuiwende oomblik is, sal die geskiedenis dit opteken as die oomblik, die keerpunt, toe Suid-Afrikaners begin optree het met die solidariteit wat die filosofie van ubuntu onderlê? Sal dit die oomblik wees dat ons almal ja gesê het vir…

Die polisie het die afgelope twee dae met mag – en in sommige gevalle geweld – begin om die inperkingsmaatreëls in talle stedelike gebiede waar mense steeds in groot getalle op straat is, af te dwing. In Hillbrow in Johannesburg het die polisie, metropolisie en Gautengse verkeerspolisie met rubberkoeëls op mense geskiet, berig TimesLive. In Delft op die Kaapse Vlakte is ’n waterkanon Vrydag gebruik om mense van die straat te verwilder. Past. Charles George, voorsitter van die plaaslike gemeenskapspolisiëringsforum, sê die polisie het die waterkanon gebruik om “die outjies” wat nie huis toe wil gaan nie uit mekaar te jaag, berig Julian Jansen. “Die outjies verstaan nie dit nie, hulle loop na sjebiens, hou partytjie, vir hulle bestaan die lockdown nie. Ons het probleme, jong. Die soldate tree hardhandig…

’N Jong prokureur van Nelspruit wie se oupa eergister op sy plaas by Hofmeyr in die Oos-Kaap doodgebrand het, het Vrydag vergeefs toestemming probeer kry om sy ma met die begrafnis te gaan help. Karel-Willem van Heerden het in ’n dringende aansoek die hooggeregshof in Mbombela in Mpumalanga gevra om die regulasies oor reisbeperkings tydelik op te hef sodat hy na die Oos-Kaap kan reis. Die hof het beveel hy moet by die huis bly. Regter AJ Roelofse het gesê die omstandighede van die aansoek “is erg ontstellend. Dit wys die growwe gevolge van die regulasies oor die staat van inperking op ’n gesin.” Van Heerden se ma het hom Vrydagoggend vroeg laat weet sy oupa het by sy huis doodgebrand. Hy is desperaat om sy ma te gaan bystaan.…

Frans Pretorius, die juwelier wat dié week in hegtenis geneem is weens die moord op ’n predikantspaar van Bethal, het ernstige finansiële probleme gehad. Maar toe hy sy sielsgenoot en jare lange leraar, dr. Hannes Beukes (70), vra waarom die Here hom so laat swaarkry, het Hannes glo gesê: “Met my gaan dit goed. Die Here kyk mooi na my. Ek het ’n meenthuis en hierdie en daardie eiendom.” Dít, sê Pretorius se skoonpa, het hom laat knak. “Niemand kan verduidelik hoekom nie. Dis net iets wat opbou en dan skielik breek,” sê Ernst van den Bergh. Pretorius word nou aangekla daarvan dat hy die 70-jarige Beukes, ’n emeritus-dominee van die Hervormde Kerk, en sy vrou, Ibel (67), verlede Dinsdag vermoor het. Hulle lyke, met skaaf- en steekwonde, is die…

Sy het alleen haar man se lyk gaan uitken en alleen deur die hofsaak geworstel, maar nadat een van haar man se moordenaars die afgelope week tot lewenslange tronkstraf gevonnis is, gebruik AfriForum haar soos ’n advertensie, sê Mariandra Heunis. Die 36-jarige Heunis se man, Johann, is in 2016 by hul huis op ’n kleinhoewe in Kameeldrift, Pretoria, voor Mariandra en haar oudste dogter, Mieke (nou 10), doodgeskiet. Sy was hoogswanger met hul seuntjie, AJ (nou 3). Sy het nog twee dogters, Mischa (8) en Majandré (5). Mariandra het twee jaar gelede by die bekendstelling van Ernst Roets, adjunkhoof van AfriForum, se boek Kill the Boer in ’n toespraak oor die aanval gepraat. ’n Video van dié optrede is derduisende kere op Facebook gekyk en sy het een van die…

“Ja ons is bang, ons weet nie wat nog kom nie,” sê dr. Nickietta Steyn, een van duisende Suid-Afrikaanse medici wat hulself staal vir ’n moontlike toe-loop van Covid-19-gevalle. Steyn werk by ’n groot staatshospitaal in Pretoria, maar wil om professionele redes nie sê watter een dit is nie. Haar eie man, Johann, het die gevreesde virus opgedoen tydens ’n sakereis laat in Februarie na Londen en Amsterdam. Sy en hul eenjarige dogtertjie is egter negatief getoets en bly tans by haar ouers. “Ek is baie versigtig. Ek trek byvoorbeeld ’n ander stel klere aan as ek hospitaal toe gaan. Ek wil regtig nie huis toe gaan en my kind siek maak nie. Mens ís bang. Net soveel soos jy ander mense wil help, wil jy dit nie doen ten…

Die Amerikaanse ambassadeur in Suid-Afrika, Lana Marks, glo nie dis nodig om haar vir Covid-19 te laat toets nie omdat die virus nie die hitte in Florida – waar sy onlangs was – sal oorleef nie. Florida het tans sowat 3 200 Covid-19- gevalle – die sewende meeste van Amerika se 50 deelstate. Die druk op Marks om haar vir die virus te laat toets is groot omdat sy op 9 Maart saam met pres. Donald Trump en die Brasiliaanse president, Jair Bolsonaro, ’n ete by Trump se Mar-a-Lago-klub in Palm Beach in Florida bygewoon het. Minstens drie mense wat by die ete was, het kort daarna siek geword aan Covid-19. Hulle sluit in Fabio Wajngarten, Bolsonaro se woordvoerder, en die Brasiliaanse ambassadeur in die VSA, Nestor Forster. Trump het…

Die Suid-Afrikaanse Radio-astronomiese Sterrewag (Sarao), wat besig is om die wêreld se grootste radioteleskoop te bou, wil historiese huise op 40 plase in die sogenaamde “kerngebied” sloop. Hulle is bekommerd dat plakkers die leë geboue kan beset. ‘Ons wil graag die plek behoue sien.’ Oudinwoners en lede van die publiek is erg omgekrap oor die sterrewag se koerantadvertensie wat onder meer lui: “Om sodoende die moontlike projek- en veiligheidsrisiko’s wat verband hou met onwettige plakkery te bestuur, vereis Sarao as die bedryfsentiteit van die SKA-projek dat die onbesette strukture afgebreek word.” Die opstalle op talle van die plase is ouer as 60 jaar en word beskerm ingevolge art. 34 van die Wet op Nasionale Erfenishulpbronne (Wet 25 van 1999). Die Square Kilometre Array (SKA) is ’n gebied in die middel…

Kleintyd het Maria Lombaard se ma, Bettie, haar die bynaam “Sparky” gegee – oor sy so fluks was. Deesdae, op die ouderdom van 42, is dié ma van vier allesbehalwe energiek. Sy ly aan chroniese rugpyn weens haar buitengewoon groot borste. Al waarvoor sy elke dag bid, is net dat haar borste kleiner gemaak kan word, sê Lombaard. As sy die operasie kan kry, sal sy kan gaan werk. Sy en haar lewensmaat, Johan Smith, en hul vier kinders woon in ’n eenvertrekhuisie in Lusernstraat in die Droëheuwel-buurt op Robertson. Sy wil baie graag vir Smith, wat maar los tuinwerk doen, help om die pot aan die kook te hou, sê Lombaard. Die groot borste is oorerflik, sê sy. Dit kom van haar oumagrootjie se kant. “Dis ‘vleisborste’, ’n erflike…

In die eerste week van Maart, toe die eerste Covid-19-geval in Suid-Afrika bevestig is, het verbruikers R42 miljoen meer aan vitamine en aanvullings bestee as die gemiddelde weeklikse besteding in die voorafgaande jaar. Verskeie kossoorte was ook skielik baie meer gesog: Suid-Afrikaanse verbruikers het R34 miljoen meer aan hoender bestee, R26 miljoen meer aan joghurt en R25 miljoen meer aan langlewemelk, volgens Nielsen, ’n internasionale maatskappy wat data oor verbruikers se koopgedrag insamel en ontleed. Die verkope van gesondheidsprodukte het met 37% opgeskiet, van skoonmaakmiddels met 22% en van produkte vir persoonlike versorging met 18%. In dié tyd mag‘‘ mense net 30 items op ’n slag bestel en hoogstens drie van enige bepaalde produk. Persentasiegewys was die skerpste styging – 378% – dié in die verkope van vloeibare seep, gevolg…

Die bankrot Suid-Afrikaanse Lugdiens (SAL) se sakeredders gooi nog lank nie tou op nie en is trouens besig om geleenthede wat die Covid-19-pandemie bied, te probeer benut. Dít kom te midde van ’n byna skaakmatposisie met vakbonde oor afleggings nadat krediteure die sakeredders, Siviwe Dongwana en Les Matuson, uitstel gegee het tot 29 Mei om die sakereddingsplan te publiseer. Dit is reeds twee keer tevore uitgestel. Die SAL het, soos ander lugdienste, Dinsdag sy gereelde vlugte gestaak in die lig van die staat van in-perking wat van Vrydag af in Suid-Afrika geld. In daardie stadium het die lugdiens nog net tussen Johannesburg en Kaapstad gevlieg. Die SAL sê hy sal van 16 April, wanneer die staat van inperking verstryk, weer plaaslik vlieg, maar internasionale en streekvlugte is tot 31 Mei…

Is die Springbok-kamp nie bang vir wat met Lukhanyo Am teen Manu Tuilagi op buitesenter kan gebeur nie? “Nee glad nie,” was Jacques Nienaber se woorde in ’n informele gesprek die Donderdagmiddag voor verlede jaar se Wêreldbekereindstryd teen Engeland in Jokohama, by die span se hotel in Tokio-baai. “Lukhanyo het nie ’n bang haar op sy kop nie,” het Nienaber, toe nog die Bokke se hulpafrigter, oor sy vertroue in sy buitesenter gesê. In daardie stadium het dit na ’n dapper stelling deur Nienaber geklink omdat Tuilagi in die Wêreldbekerhalfeindstryd teen die All Blacks verwoestend was. Teenoor Tuilagi was Am se spel in die aanloop tot die eindstryd bestendig, maar niks aardskuddend nie. Min het’n mens toe geweet dat dit in die eindstryd Am sou wees wat die tonge laat…

Die uitstel van die Olimpiese Spele is in sommige opsigte ’n tweesnydende swaard – maar vir Suid-Afrika se medaljekanse in Tokio is dit oorwegend positief. Dis die mening van Danie Cornelius, hoof van atletiek by Tuks, waar Olimpiese hoopvolles soos Caster Semenya, Akani Simbine en Clarence Munyai hul talente slyp. “Dis goed in die opsig dat Wayde (van Niekerk) ekstra tyd het om weer op sy beste te kom, nadat hy vir twee jaar nie kon deelneem nie, en dat Caster rustiger kan probeer verbeter op die vreemde terrein van die 200 m (waarop sy nou haar visier gestel het omdat sy nie toegelaat word om aan die 800 m deel te neem nie),” het Cornelius gister gesê. “Caster het my regtig verras by die Gauteng-Noord-kampioenskappe (waar sy twee weke…

Die koronavirus se negatiewe impak op die ekonomie kan tot ’n kontantvloei-krisis in Suid-Afrikaanse rugby lei. “Borge en adverteerders sit op hul hande en is traag om van hul kontant te skei,” het ’n onberispelike bron in Suid-Afrikaanse rugby aan Rapport gesê. Dis egter nog vroeg vir Suid-Afrikaanse unies om met spelers oor salarisverminderings te onderhandel, soos die geval is met verskeie van die Engelse klubspanne weens die negatiewe geldelike impak wat die virus op hul geldsake het. Klubs soos Gloucester, Worcester Warriors, Northampton, Harlequins, Leicester, Saracens, Bath, London Irish en Wasps het reeds bevestig dat hulle hul spelers, afrigters en administrateurs se salarisse dadelik met 25% gaan sny. Ian Foster, die All Blacks se afrigter, het gister ook erken sy bestuurspan het almal ingestem tot salarisverminderings en hulle verwag…

Die opskorting van die Superrugby-reeks het dalk net op die regte tyd vir die Stormers gekom. Met die span se seisoen wat so belowend begin het, het hul laaste twee kragmetings gewys dat daar ’n paar gebreke in hul mondering is wat in dié tyd reggestel moet word. Leighton Koopman kyk na vyf aspekte van die Stormers se veldtog tot dusver. 1. Die beseringspook Kort nadat hul inspirerende kaptein, Siya Kolisi, die eerste beseringsterugslag was, het ’n rits van sy Bok-spanmaats hom gevolg. Vyf Wêreldbeker-wenners is nou op die lys van beseerdes. Ondanks die golf van ongeluk wat soos ’n tsoenami deur die Stormers-kamp gespoel het, het die span steeds te veel gehaltespelers om nie goeie rekenskap van hulself te kan gee nie. In die afwesigheid van die beseerdes het…

Daar is nog ’n plek vir wonderwerke in sport. Nadat medici aangedui het dat Abdelhak Nouri, ’n gewese wonderkind van die Ajax-sokkerklub in 2017 permanente breinskade tydens ’n wedstryd opgedoen het nadat hy ’n hartaanval gehad het, het hy ná 32 maande uit sy koma ontwaak. Sy broer, Abderrahim, het Donderdagaand op ’n televisieprogram in Nederland gesê dat Abdelhak met sy gesin kommunikeer. “Hy eet, slaap, nies en breek winde op, hoewel hy steeds geheel en al van hulp afhanklik is,” het Abderrahim gesê. “Hy kommunikeer so ’n klein bietjie, soos om sy wenkbroue te lig. Ons gesels met hom asof hy nie siek is nie. Ons kyk saam met hom sokker in die woonkamer en hy geniet dit baie. “Hy wys baie keer emosie. Soms is hy emosioneel, maar…

Bo-aan Jake White se doenlys as hy in sy kantoor by Loftus Versfeld instap, is of hy Juandré Kruger, een van die Bulle se duurste spelers, gaan behou en of hy plek vir Pote Human in sy bestuurspan het. Die 34-jarige Kruger is ’n warm patat vir die Bulle nadat Human hom nie vir hul laaste Superrugby-tuiswedstryd teen die Highlanders of vir hul toer na Australasië gekies het nie. Sy slotmaat, die 29-jarige An-dries Ferreira, is saam met hom gepos. Rapport kon nie vasstel of Kruger, wie se kontrak van twee jaar by die Bulle enigiets tussen R5 miljoen en R7 miljoen beloop, net weens sy spelpeil of oor ander interne redes deur Human weggelaat is nie. Omdat SA Rugby nie ’n bydrae tot sy kontrak lewer nie, is hy…

Meer as 11 000 mense per dag – vier miljoen per jaar. Dis die getal besoekers wat gewoonlik deur die hekke loop by die Winterpaleis in St. Petersburg, Rusland – een van die uitstalruimtes van die Hermitage-museum. Maar vandag, op Sondag 15 Maart, lyk die plek soos ’n grafkelder. Waar is die mense? Waar is die duisende besoekers wat daagliks die tweede grootste kunsmuseum ter wêreld besoek? Ook hier het die koronavirus sy merk gelaat, ten spyte daarvan dat die meeste mense in Rusland oënskynlik onbewus is van die pandemie wat die wêreld getref het. Rusland grens aan China, oorsprong van die virus. Een van die Trans-Siberiese treinroetes loop van Moskou na Beijing, maar dié grens is einde Januarie reeds gesluit. Aan die Russiese westelike grens is die Europese lande…

Felias en Pokkel is twee plaasmuise. Felias is die langste, oudste en slimste muis en Pokkel is die jong, ronde muis. Hulle is die hoofkarakters in die sanger Jakkie Louw se poppekasvertoning wat hy by kleuter- en laerskole opvoer. Felias vertel vir Pokkel van die wêreld. Waar kom koffie, melk, hoender en eiers vandaan . . . Pokkel vergeet partykeer die dae van die week en om sy tande te borsel, maar gelukkig kan Felias hom leer en herinner hoe belangrik dit is. Jy kan ook van môre af elke dag ’n nu-we video van Felias en Pokkel op hul Facebook-blad, Felias en Pokkel Poppekas, kyk. Skryf só in: 1. Kleur hierdie prent in. 2. Skryf self jou naam, kleuterskool of laerskool se naam en in watter dorp of stad…

Daar is ’n handjievol groter as lewensgroot Suid-Afrikaners wat die tydige met die ewige verwissel het sedert ek in Amerika bly. En Sol Kerzner, wat verlede Saterdagaand dood is, is sekerlik een van hulle. Mense sal dink aan sy ongelooflike moed en sakevernuf. Maar dit was veel, veel meer as dit. ’n Eggo van hoe dit was in die tyd van Sol het hierdie week na my toe teruggekom. Lank voordat ek ’n rubriekskrywer by die Sunday Times geword het, was ek reeds bewus van Chez Kerzner. Hy het in ’n groot huis in Homesteadlaan in Bryanston in Johannesburg gewoon. Die huis sit agter in die erf, ver van die pad af en nie té weelderig nie. Soms sou ek Shirley Kerzner (gebore Bestbier) in haar Mercedes-sportmotor sien ry. Jare…

“Ek is nie iemand wat publisiteit najaag nie, maar dié virus is gevaarlik en groter as een mens. Mense wat met my in kontak was moet wéét ek het dit, dat hulle op die uitkyk vir simptome kan wees. Die res moet in hul huise bly.” Die gevaar dat die virus kan versprei by samekomste soos die gholfdag wat die oud-Bokke bygewoon het, is hierdie week grafies geïllustreer nadat die leier van die ACDP, eerw. Kenneth Meshoe, die party se prominentste LP, Steve Swart, die prediker Angus Buchan en sy vrou, Jill, almal die siekte opgedoen het nadat hulle drie weke gelede ’n internasionale kerkbyeenkoms, die Jerusalem Prayer Breakfast, in die Vrystaat bygewoon het. Al vier het hulle laat toets nadat Rapport hulle verlede Saterdag in kennis gestel het dat…

Die 28-jarige Kaapse verpleegster Sherilee Jansen was reeds siek aan asma en longontsteking toe dokters Donderdagaand die simptome van die gevreesde Covid-19 by haar gediagnoseer het: erge hoes, hoë koors, moeilike asemhaling en moegheid. Owerhede het gedink sy is die tweede Covid-19-sterfte, maar toetse het later die teendeel gewys. Haar man, Timothy, is ook Donderdagaand met soortgelyke simptome na die Helderberg-hospitaal op Somerset-Wes en toe in die Tygerberghospitaal opgeneem. Hy was teen gister nog in die hoësorgeenheid in die Tygerberg-hospitaal. Bronne sê dokters by die Helderberg-hospitaal was feitlik seker dat Jansen Covid-19 onder lede gehad het en het haar daarom onmiddellik na Tygerberg oorgeplaas. Die uitslae van laboratoriumtoetse, wat eers ná haar dood beskikbaar geword het, het egter gewys dat dit nie die geval is nie. Haar siekte het egter…

Nog ’n Vrystaatse gemeente weerhou nou sy geldelike steun en nog ’n Oos-Kaapse gemeente het ’n toestand van treur verklaar uit protes teen die NG Kerk se besluit oor gays. Ds. Tiaan Victor van die Heilbron-Suid-gemeente in die Vrystaat sê die kerkraad het twee weke gelede eenparig besluit om sy “kerkbelasting” aan die streeksinode te weerhou uit protes oor die aanvaarding van selfdegeslagverhoudings in die kerk. Ds. Danie Kritzinger van die Modderrivier-Ritchie-gemeente in die Oos-Kaap sê hul besluit om te doleer (te rou) is ook geneem omdat hulle meen die besluit om selfdegeslagverhoudings te erken is nie korrek volgens die Skrif nie. 13 van die NG Kerk se 1 071 gemeentes in Suid-Afrika het tussen Oktober en Maart vanjaar aangedui dat hulle doleer. Dit is nie duidelik hoeveel van hierdie…

’n Vrou wat saam met haar twee dogters na ’n elektriese menger op die rak in ’n Clickswinkel gekyk het toe die staalraamwerk van ’n lugversorger op haar kop val, eis R1,4 miljoen vir haar pyn. Sandra de Lange (53) van Villieria, Pretoria, het onder meer ’n snywond aan haar kop opgedoen en eis die geld van Ramco Airconditioning, die maatskappy wat glo die lugversorging in die winkel in stand gehou het. Benewens die snywond het sy ligte harsingskudding en sagteweefselbeserings aan haar nek opgedoen, lui haar hofstukke. Daar was kneus- en skaafplekke op haar kopvel, nek en rug. Sy het erge pyn gehad. Sowat twee jaar later het ’n ortopediese chirurg bevind dat De Lange se nekpyn die oorsaak is van aftakeling tussen die werwels wat deur die ongeluk…

Die man met die taak om die Tshwanemetroraad te “red” was die uitvoerende burgemeester van die Wes-Randse distriksmunisipaliteit (WRDM) in Gauteng in die tyd toe geld by die omstrede VBS-bank belê is. Mpho Nawa is Maandag deur Lebogang Maile, LUR vir plaaslike regering, aangewys as die hoofadministrateur van die metro. Die DA se aansoek vir ’n dringende interdik teen die ontbinding van die raad is Dinsdag in die hooggeregshof in Pretoria aangehoor. Uitspraak, per e-pos weens die Covid-19-inperking, word binnekort verwag. Mavela Dlamini is as die nuwe waarnemende stadsbestuurder aangewys. Nawa en Dlamini is deel van ’n span van tien wat die stad vir die drie maande tot die tussenverkiesings moet lei. Die DA sê in sy aansoek die raad se ontbinding is deur politieke motiewe gedryf en nie in…

’n Groep internetdiensverskaffers vra die regering moet in die huidige inperkingstyd van die Rica-vereistes laat vaar. Die Wet op die Onderskepping van Kommunikasie en die Verskaffing van Kommunikasieverwante Inligting (die Engelse afkorting is Rica) bepaal dat Suid-Afrikaners ’n bewys van identiteit en woonadres verskaf wanneer hulle om kommunikasiedienste aansoek doen. Stella Ndabeni-Abrahams, minister van kommunikasie, het Donderdag aangekondig die regering sal vir die inperkingstyd bykomende radiofrekwensiespektrum aan telekommunikasiemaatskappye toeken. Sy meen dit kan die druk internetverkeer help verlig. Die regering sal regulasies vir die lewering van telekommunikasiedienste ook in dié tyd verslap. Jacques du Toit, uitvoerende hoof van Vox Telecom, het aan Rapport gesê hoewel Ndabeni-Abrahams niks oor Rica gesê het nie, is dit bemoedigend dat die regering bereid is om regulasies in dié tyd te verslap sodat internetdiensverskaffers ’n…

As munisipaliteite die Nasionale Energiereguleerder (Nersa) se riglyn volg, sal kragtariewe vir diegene wat deur munisipaliteite voorsien word, op 1 Julie gemiddeld met 6,24% styg. Munisipaliteite sal baie goeie redes moet verskaf om goedkeuring te kry vir tariewe wat hoër is as Eskom se kleinhandeltariewe. Dit volg nadat Nersa aanbevole tariewe gepubliseer het vir verskillende verbruikersgroepe wat grootliks ooreenstem met dié wat verbruikers sal betaal wat regstreeks deur Eskom van krag voorsien word. Daarmee probeer Nersa vol-gens kenners om die groot verskil tussen die kragkoste van regstreekse kliënte van Eskom en munisipale kliënte uit die weg te ruim. Veral nywerhede kan hieruit voordeel trek, sê David Mertens van die Nelson Mandelabaaisakekamer. Belanghebbendes het tot 9 April om geskrewe voorleggings te maak oor die riglyn wat Nersa vir munisipale kragtariewe gepubliseer…

Die JSE se indeks van alle aandele wat tot dusver vanjaar reeds sowat 31% van sy waarde verloor het te midde van vrese oor Covid-19 en ’n wêreldresessie, het plaaslike beleggers angstig oor hul aftreegeld. Maar paniekverkope is allermins nou die antwoord – net soos paniekaankope van verbruikersgoedere soos toiletpapier en handreinigers nie die oplossing is nie, sê adviseurs. Onder die aandele op die JSE wat die swaarste getref is, tel Sasol (-88% sedert begin vanjaar), Redefine (-64%), Anglo American Platinum (-64%), Impala Platinum (-60%), MTN (-53%) en bankaandele het ook deur die bank slae gekry, het Simon Brown van JustOneLap aan Business Insider gesê. Maarten Ackerman, hoofekonoom van Citadel, sê die geskiedenis wys in wisselvallige tye soos dié moet jou emosies nie die oorhand kry oor jou langtermynbeleggingstrategie nie.…

Die voormalige Springbok-vleuel Stefan Terblanche is woedend oor die ouderdom-skandaal wat KwaZulu-Natalse skolerugby vroeër vandeesmaand geruk het – veral oor die skade wat dit die oortreders se jong teenstanders en rugby as geheel berokken het. Glenwood High School in Durban het aan die begin van die maand vier kinders geskors nadat gevind is dat hulle deur die gebruik van jonger kinders se ID-dokumente oor hul ouderdomme gejok het. Twee van die geskorste kinders was verlede jaar in gr. 7 aan die Glenwood Preparatory School en het Kwa-Zulu-Natal in die eindstryd van die Cravenweek vir laerskole verteenwoordig. Hulle is nou onderskeidelik 17 en 18 jaar oud. Terblanche sê die insident is vir hom bitter teleurstellend. “As jy dink ek oorreageer, moet jy jou kop uit die sand trek.” “Vir my was…

Die herehuis van die Amerikaanse gholfspeler Davis Love III is gisteroggend vroeg op Sea Island, Georgia, in ’n verwoestende brand in puin gelê. Binne vyf minute was daar drie brandweerwaens, 16 brandweermanne, ’n watertenker en drie ander noodvoertuie op die toneel, maar hulle kon nie daarin slaag om die brand in bedwang te bring nie. Die 55-jarige Love en sy vrou, Robin, was ten tyde van die brand tuis, maar hulle het van die vlamme ontsnap en is ongedeerd. “Terwyl ons almal geskok is oor die verlies aan ons huis wat vir ons soveel goeie herinneringe het, is ons dankbaar dat almal veilig is,” het Love in ’n verklaring gesê. “Ons plaas dinge in perspektief, aangesien soveel ander mense wêreldwyd onder die Covid-19-pandemie gebuk gaan.” Love, wat reeds twee keer…

Die beste manier om die nasionale inperking van 21 dae te oorleef, is om ’n roetine te kry en daarby te hou, anders sal jy mal raak. Só glo Cornal Hendricks, die Springbokvleuel van die Bulle. Hendricks is in week twee van sy inperking – of self-isolasie – nadat hy saam met die Bulle-span vanaf Australië teruggekeer het. Hendricks weet egter baie goed hoe die lewe jou kan omdop. As ’n seker keuse vir die Springbokke is ’n hartkwaal by hom gediagnoseer wat hom vier jaar lank uit die spel gehou het. Sy terugkeer tot rugby is ’n storie wat baie mense inspireer, maar dit laat hom goed verstaan hoe om dinge waarvoor hy lief is, te waardeer. “Daar was baie tye in daardie vier jaar wat ek myself van…

Op 10 Februarie 2018 was Heinrich Klaasen ’n onverwagse Protea-held. In sy tweede eendagwedstryd vir Suid-Afrika – ’n wedstryd waarin hy nie eens gedink het hy sou speel nie – het hy sy span tot hul enigste sege van die ramp-reeks teen Indië gekolf. Maar 12 maande later was hy op die krieketashoop, gepos uit die eendag-, T20- én toetsgroep. Sy droom om deel van die Wêreldbeker (WB)-groep vir 2019 te wees, verpletter. Vanjaar is hy terug op die internasionale verhoog en ná tellings van 66, 123*, 51 en 68* in vyf wedstryde, moet ’n mens vra: Wát het met Heinrich Klaasen gebeur in die maande in die opbou tot die WB? Sy antwoord is ’n openbaring. Nie net verduidelik dit sy insinking laat in 2018 en vroeg in 2019…

Bulle-pos nie net nog ’n jop vir White: Dis persoonlik ‘Daar is meer talent in Pretoria as in Australië’ Jake White wil van die Bulle weer ’n wêreldkrag maak ter wille van sy vriendskap met Johann Rupert, miljardêr-aandeelhouer in Bulle-rugby. Willem Strauss, president van die Blou Bulle Rugbyunie (BBM) en lid van die direksie wat White as die Bulle se nuwe direkteur van rugby aangestel het, het die afgelope week aan Rapport gesê die Bulle-pos is “meer persoonlik” vir Jake. “Hy het ’n baie goeie verhouding met een van ons aandeelhouers. Dit gaan vir hom ’n persoonlike uitdaging wees.” Hoewel Strauss nie Rupert by name genoem het nie, is dit bekend dat White al jare lank ’n noue verhouding het met Rupert, wat deur Remgro 37,5% van die BBM besit.…

Hoe gemaak as jy ’n uitnodiging as deel van ’n mediagroep kry om na Thailand te reis terwyl ’n reiswaarskuwings net-net begin kop uitsteek? Nie een in ons groep van sewe het gehuiwer om die geleentheid aan te gryp nie. Die vlug vanaf Suid-Afrika na Thailand, met ’n oorklim op Singapoer-lughawe, het glad verloop. Ál die vlugpersoneel was gemasker; slegs enkele passasiers het maskers opgehad. In dié stadium was daar net 59 Covid-19-gevalle in Thailand. Een sterfte is aangemeld. 34 mense het reeds herstel. Daardie tyd was daar net 16 positiewe gevalle in Suid-Afrika. Reeds met ons aankoms in Bangkok op 12 Maart 2020 het ons opgelet dat daar baie min toeriste te siene was. Dít in ’n land wat in 2019 40 miljoen toeriste gehad het, soos berig deur…

Waarnemings van werklike of nagebootste ruimtesendings of mense wat in beperkte ruimtes woon – soos dié wat ’n winter op stasies by die Pole deurbring – dui daarop dat sommige mense selfisolering moeiliker kan vind as ander, sê dr. Henk Swanepoel, ’n kliniese sielkundige en psigoterapeut van Centurion. Jou ingesteldheid in hierdie tyd is daarom uiters belangrik, sê prof. Renata Schoeman, ’n psigiater aan die Universiteit Stellenbosch se bestuurskool (USB). “Dink hier aan oudpres. Nelson Mandela wat 27 jaar in die tronk deurgebring het en steeds met positiwiteit daarna sy doelwitte kon bereik.” Dis ’n onnatuurlike situasie wat natuurlik uitdagings aan jou geestesgesondheid gaan stel. Waar persone gewoonlik spansporte, gimnasiums, kroeë, teaters en restaurante sou gebruik om hul daaglikse spanning te verlig, is dit nou taboe en sal jy ander…

Pandemic: How to Prevent an  Outbreak Met Syra Madad en Jake Glanville. Onthou, hierdie reeks is voor die koronavirus-krisis gemaak. ’n Mens kyk hierna met die hoop dat daar antwoorde op, of troos gegee kan word vir, die krisis waarin die wêreld tans verkeer. Maar dit gebeur nie. Dit fokus wel op vorige pandemies soos die Groot Griep, varken voëlgriep, die Ebola-virus en andere. Syfers word verskaf waarin klem gelê word op die feit dat miljoene mense in die verlede gesterf het. (Niks nuuts nie). Dit is veral tonele van sale vol hospitaalbeddens met sterwendes wat wél ontstel omdat dit ons ook nou in die gesig staar, en selfs ongelowige Thomasse moet besef: Die koronavirus het die wêreld onverhoeds betrap en enigiemand kan besmet word en sterf. Dat selfs die…

Die strokiesprentkunstenaar en skepper van Asterix, Albert Uderzo, het op 92 gesterf. Hy is aan ’n hartaanval dood by sy huis in Neuilly-sur-Seine, net wes van Parys. Dit was egter nie weens komplikasies van die Covid-19-virussiekte nie. Die ironie is dat ’n karakter in Asterix and the Chariot Race, ’n strydwadrywer, se naam Coronavirus is. Asterix en sy reusevriend, Obelix, neem deel aan ’n resies deur Italië en Julius Caesar wil hê Corona-virus moet wen. Die Daily Mail skryf dat ’n kinderboek hierdie plaag kon voorspel en daarin ’n gepakte stadion “Coronavirus” dreunsing, is makaber. Dit is die 37ste boek in die Asterix-reeks, is op 19 Oktober 2017 gepubliseer en is geskryf deur Jean-Yves Ferri. Die illustrasies was dié van Didier Conrad, omdat Uderzo reeds afgetree het, maar tot met…

Kruisverhoor deurHanlie Retief Ons gaan dïe korona skïet en ons gaan hom donner! Khumbudzo Ntshavhenï, mïnïster van kleïnsakeontwïkkelïng, sê alle kleïnsakeondernemïngs sal vïr hulp oorweeg word, maar hulle moet “demografïes verteenwoordïgend” wees – hoe vertolk Solïdarïteït dïé teenstrydïgheïd? Pres. Cyril Ramaphosa het gesê die staatshulp is vir almal. Nou sê sy die geld word volgens swart ekonomiese bemagtigingskodes uitgedeel, uitgestip in ’n amptelike dokument. Eers ïs gesê dïe ondernemïngs moet 51% ïn swart besït wees? Ja, toe blyk dit fopnuus te wees. Dit was in ’n konsepdokument wat wel Maandagaand geskryf is, volgens die metadata. Feit is dat bepaal word dat die R200 miljoen vir toerisme na 70% swart besighede gaan waarvan 50% vroue, 30% jongmense en 4% persone met gestremdhede moet wees. Maar Covïd-19 tref almal? Dis ondenkbaar. In…

Toe pres. Cyril Ramaphosa nou die aand op nasionale televisie sy elmboog uitsteek om iemand te groet, het ek nie onmiddellik besef wat die gevolge hiervan gaan wees nie. Dit was eers die volgende dag toe ek ’n goeie vriend raakloop, dat ek besef het dis die einde van ’n era van hartlikheid. Ons het uit pure gewoonte ons hande uitgesteek om te groet, maar halfpad verleë vasgesteek en toe maar so half beskimmeld in mekaar se gesigte gewaaigroet. Die ding gaan ons mense onherroeplik verander, want ons is gewoond daaraan om hartlik te groet. En aanraking is senu en vesel deel van ons manier van groet. My oupa Jaap het sulke tamaai boerse hande gehad, vol knoppe en eelte. Die boere van Laersdrift moes mooi vat as hulle groet,…