Sommaire pour 2/9/2020 de Rapport

Hoe verloor jy ’n reusagtige groot kêrel soos Kobus Wiese? Wat de hel het van hom geword? Dit is die vraag wat verskeie rugbyondersteuners vra nadat die gewilde oud-Springbokslot en ankeraanbieder van die program SuperRugby op kykNET nie die afgelope Maandag op sy pos was nie. Wiese is al ’n instelling op die program wat hy al vir die afgelope 20 jaar help aanbied. Dat iets agter die skerms van SuperRugby aan die gang is, is gewis. Johnny Davids, die Kwêla- aanbieder wat Maandag vir Wiese ingestaan het, sê hy is vroeër die dag gebel en gevra om vir Wiese in te staan. “Ek het geen idee hoekom hy nie daar was nie.” En Wiese self wil ook nie sê wat aangaan nie. “Ek kan op dié stadium geen kommentaar…

Pres. Cyril Ramaphosa lewer Donderdag sy staatsrede en twee weke daarna volg Tito Mboweni, minister van finansies, se begrotingsrede. Durf ons hoop dat die president vanjaar die moeilike besluite sal neem om Suid-Afrika se uitdagings te takel? Ramaphosa sê hy het ’n plan, maar is dit die regte een en kan hierdie regering dit implementeer? Waldimar Pelser, redakteur van Rapport en aanbieder van Verslag in gesprek op kykNET, lei eersdaags ’n reeks gesprekke met politieke en ekonomiese ontleders oor die president se prestasiegeskiedenis en wat die staats- en begrotingsrede vir ons inhou. ■ Op Vrydagoggend 28 Februarie is Pelser by die Brooklyn-teater in Pretoria saam met Theo Venter, ’n politieke kenner van die Noordwes-Universiteit (NWU), prof. Raymond Parsons, ’n ekonomiese ontleder van die NWU se sakeskool, en Ebrahim Fakir, politieke…

Die Inligtingsreguleerder (IR) wil die voertuigopsporing-maatskappy Tracker voor stok kry nadat kuberkrakers sy rekenaarstelsel binnegedring het. Tracker het sy kliënte Sondag gewaarsku hulle moet kapings of diefstalle telefonies aanmeld omdat kuberkrakers toegang tot sy stelsel gekry het met losprysware. Losprysware enkripteer die slagoffer se inligting, wat hy dan nie kan gebruik nie. Die kuberkrakers dring aan op ’n losprys om die geënkripteerde inligting weer bruikbaar te maak. “Die feit is dat niemand behoorlik weet wat aangaan nie, want baie van die kubermisdaad bly onaangemeld.” Tracker sê hy moes sy hele rekenaarstelsel verlede naweek afskakel as voorkomende maatreël sodat verdere inligting nie geënkripteer kon word nie. Volgens die maatskappy is net ’n paar lêers geaffekteer en geen van sy kliënte se persoonlike inligting is gesteel nie. Maar adv. Pansy Tlakula, hoof…

Badisa, ’n geloofsgegronde welsynsorganisasie van die NG Kerk, glo die herrie oor die departement van basiese onderwys se plan vir seksvoorligting op skool is ’n bohaai oor niks. Badisa het bevind die departement se seksvoorligting-kurrikulum (CSE) is “wetenskaplik akkuraat” en die materiaal “is in die meeste gevalle ouderdomsgepas”. Die kurrikulum vorm deel van die vak lewensoriëntering en sal na verwagting van gr. 4 tot gr. 12 geïmplementeer word. Badisa sê in sy verslag dat drie van sy kinderbeskermingspesialiste die hele CSE-kurrikulum bestudeer het en bevind het dat dit kinders die nodige inligting gee om hulself toe te rus om goeie besluite te neem en die gevolge van hul besluite te verstaan. Badisa wys daarop dat die doel van lewensoriëntering is om te keer dat leerlinge misleidende inligting kry oor seks,…

As die hof kan gelas dat ’n wanfunksionele munisipaliteit in die Oos-Kaap ontbind word, kan dit mos ook in Gauteng gebeur. Só sê aktiviste wat ’n dringende hofaansoek by die hooggeregshof in Pretoria ingedien het dat twee Gautengse munisipaliteite ontbind word weens hul betrokkenheid by die VBS Mutualbankskandaal. Die #Ma-Afrika-party vra vir die ontbinding van die Wes-Randse distriksmunisipaliteit en die Merafong- plaaslike munisipaliteit by Carletonville, wat onwettig geld belê het in VBS. Merafong is soos Mogale City en Randfontein deel van die Wes-Randse distriksmunisipaliteit. Altesaam 14 munisipaliteite het R1,57 miljard in VBS belê. Benewens die Wes-Rand- en Merafong-munisipaliteit het agt munisipaliteite in Limpopo en vier in Noordwes ook sake gedoen met VBS, wat in November 2018 bankrot verklaar is. Luidens hofstukke het Wes-Rand en Merafong onderskeidelik R46 miljoen en R50…

‘Gaan soek my op socialmedia, julle gaan my nie kry nie, ek wil nie gekry wees nie, ek weier volstrek, ek is BBT, born-before-technology,” skater Virginia Davids guitig agter haar lessenaar, haar troon hier by die Universiteit van Kaapstad se musiekkollege, agter die Baxterteater. Prof. Virginia Davids los die twiets en kuberklieks vir die operasangers wat deur haar hande is – húlle kry die staande toejuigings op wêreldverhoë. O liewe aarde, vir Virginia het hy hope respek as sopraan, sê Nic de Jager. “En as pedagoog is sy verantwoordelik vir ’n ongelooflike hoeveelheid wonder-like studente wat nou wêreldsterre is.” Haar kantoor is een van die mooiste werkplekke in die Kaap, met die Yamaha-vleuelklavier wat luier in die hoek, rakke vol oorspronklike bladmusiek en ’n ere-ry plakkate teen die muur: Pretty…

Die departement van korrektiewe dienste (DKD) eis R165 000 van die motorbanddienssentrum Supa Quick omdat sy vragmotor weggeraak het terwyl dit buite Supa Quick se perseel in Silverton, Pretoria, geparkeer was. Supa Quick erken in die hooggeregshof in Pretoria die Nissan 50 Cabstar UD35-vragmo-tor is gesteel, maar ontken nalatigheid. Twee DKD-amptenare het die vragmotor na Supa Quick geneem om ’n foutiewe battery te laat bekyk. Die DKD sê ’n werknemer van Supa Quick het hulle beveel om buite die perseel te parkeer omdat ’n ander voertuig die ingang versper het. Die amptenare het die sleutel aan ’n Supa Quick-werknemer gegee en die vragmotor daar gelos. Toe hulle terugkeer, het hulle ewe ’n faktuur vir R684 gekry vir die werk aan die battery, maar die vragmotor was skoonveld. Die DKD sê…

Jackson Lambie is maar net 10 maande oud, maar met ’n Springbok as sy pa en ’n oupagrootjie wat vir Engeland en die destydse Natal gespeel het, is sy bloedlyn suiwer dié van ’n toekomstig toetsspeler. Jackson is die babaseun van die ster-losskakel Pat Lambie wat vir die Haaie en Bokke gespeel het. Sy oupagrootjie is die 88-jari-ge dr. Nic Labuschagne, ’n speler wat met sy tokse diep spore in Natalse rugby getrap het en ook in vyf toetse vir Engeland gespeel het. ‘Ek is trots op Pat oor hy so ’n verstandige jong man is. Labuschagne was ook lid van die Natalse span wat in 1960 met 6-6 gelykop gespeel het teen die sterk All Black-toerspan van Wilson Whineray. Daarna het Labuschagne homself onderskei as rugbyadministrateur, en was hy…

Die 10de weergawe van die Skildreeks begin met drie wedstryde – twee in die Oos-Kaap en een in Bellville. Promosie ná die Varsitybekerreeks is op die spel vir die Skildspanne en ’n goeie sege sal die wenspanne goeie momentum gee. Die Nelson Mandela-Universiteit se Madibas was nog tot onlangs in die Varsitybeker-reeks, voordat hulle gerelegeer is. Hul veldtog begin in Port Elizabeth teen die Impi’s van KwaZulu-Natal. In Makhanda (Grahamstad) pak Rhodes die Tshwane-Universiteit vir Tegnologie, wat ook al ’n proesel topvlak-Varsityrugby gehad het. Nog ’n aanspraakmaker en die verdedigende Skild-kampioen, die Kaapse Skiereiland-Universiteit vir Tegnologie, sal wil wys dat sy opgang verlede seisoen nie ’n vloekskoot was nie. Hulle het met puik hardlooprugby die titel gewen toe hulle die Madibas in die eindstryd getroef het. Die span van Bellville…

Ashleigh Moolman-Pasio het Saterdag vir die hoeveelste keer die afgelope paar jaar stof in haar teenstanders se oë getrap in die padwedren by die Suid-Afrikaanse padfietskampioenskappe. In die proses het sy die titel wat sy in 2019 gewen het, suksesvol verdedig. Dié 34-jarige het die wedren oor 104 km by Swadini in Mpumalanga in 3:07:46.66 gewen – om boonop die padtitel ’n sesde keer te wen. Carla Oberholzer was tweede in ’n tyd van 3:07:47.33. Vir Moolman-Pasio sal die sege om ’n ander rede ook spesiaal wees, aangesien sy ook Donderdag die tydtoets gewen het. Sy het haar eerste nasionale padtitel in 2012 verower. “Dit was baie spesiaal om vandag te wen, veral omdat dit my sesde titel was. Om boonop albei titels te wen, en albei truie terug te…

SA Rugby het nog nie ’n borg vasgeteken vir een van sy jeugweke nie, maar Coca-Cola is een van die minstens vyf bekende handelsmerke wat belang stel om betrokke te raak. Die name van die ander sluit glo onder meer in twee van die land se bankreuse. Coca-Cola het einde 2018 – ná ’n verbintenis van 34 jaar – sy borgskap met SA Rugby beëindig. SA Rugby het toe verlede jaar self die koste gedra vir die jeugweke, wat sowat R10 miljoen be-loop het. Die Springbokke se verowering van die Wêreldbeker en die meegaande positiewe blootstelling wat SA Rugby daarna gekry het, kon onder meer daartoe gelei het dat Coca-Cola die onverwagse U-draai wil maak. Kry die beheerliggaam nie sy onderhandelinge met Coca-Cola of een van die vier ander voornemende…

Die voomalige Springbok-flank Willem Alberts kan sy terugkeer tot Super-rugby eerskomende naweek teen die Stormers maak. Alberts, wat verlede week uiteindelik sy kontrak met die Leeus gesluit het, was nie gister in aksie vir die Leeus in hul 27-20-oorwinning oor die Queensland Reds nie. Maar met die Leeus-afrigter, Cash van Rooyen, wat erken daar “is baie wat reggemaak moet word”, kan Alberts al die komende naweek ingespan word. “Ons sal sien hoe hy Maandag en Dinsdag by die oefening vertoon. “Dit sal lekker wees om hom te kan kies, veral vir sy ervaring. Ons weet hoe goed die Stormerspak is en dit sal miskien help,” het Van Rooyen gesê. Die Leeus-afrigter was verlig om sy eerste oorwinning in Super-rugby te smaak, al het die Leeus by tye baie gesukkel, al…

Dit was een van die mees onaanskoulike wedstryde nog in die Sesnasies-reeks, maar die Engelse afrigter, Eddie Jones, sal beslis nie daaroor kla nie, want sy Rose is terug op die wenpad. Nadat Engeland verlede Saterdag deur Frankryk geskok is, het hulle Skotland gister op Murray-field in gure weerstoestande, wat deur Storm Ciara veroorsaak is, met 13-3 geklop. Die Engelse het altesame 47 keer geskop, die derde meeste nog in die Sesnasies-reeks, maar dit was genoeg om die Skotte tot oorgawe te dwing. Wallis kry slae ná 8 Sesnasiesseges in ’n ry “Afgesien van 15 minute, was ons in beheer van die wedstryd. Ons het ‘n paar goor skoppe gegee, maar ons het afgerond terwyl ons dit nie verlede week kon doen nie. “Dit was ’n tipiese ouskool-Calcuttabeker-wedstryd, met die…

Dis nie vergesog dat die Springbokke in 2024 deel kan word van die Sesnasies-toernooi van die Noordelike Halfrond nie. Só het Mark Alexander, president van die Suid-Afrikaanse Rugby-unie, aan Rapport gesê na aanleiding van ’n opspraakwekkende berig in die Britse Daily Mail oor “geheime gesprekke” om die Springbokke van 2024 af in ’n vergrote Sesnasies-kompetisie te laat speel. Hoewel Alexander die berig as “suiwer bespiegelinge” bestempel, het hy in dieselfde asem bygevoeg: “Maar hulle is ook nie te ver van die waarheid nie omdat daar tans baie ontwrigting in rugby is.” Volgens die berig sal SA rugby sy bande met die Suidelike Halfrond se toetskompetisie, die Rugbykampioenskap, verbreek. Dit kan ook die einde van Suid-Afrikaanse spanne se deelname aan Superrugby wees. Alexander het ook reeds voorspel dat vanjaar die grootste…

Nie een van die land se ministers van finansies van die afgelope vyf jaar het nog gereageer op tientalle briewe van die belastingombud waarin hy pleit dat sy kantoor onafhanklik van die Suid-Afrikaanse Inkomstediens (SAID) bedryf moet word nie. Die ombud is veronderstel om die SAID dop te hou om te verseker belastingbetalers se regte word beskerm, maar soos dinge tans werk, is hy afhanklik van die SAID vir sy begroting, personeeldienste en selfs die huurooreenkoms vir sy kantore. Regter Bernard Ngoepe, die ombud, sê die feit dat die ombudskantoor goed funksioneer en sy werk doen, beteken nie strukturele onafhanklikheid is onnodig nie. Tot dusver is daar wedersydse respek tussen die ombud en die SAID-kommissarisse, maar geen openbare kantoor wat landsburgers se regte beskerm behoort te oorleef op grond van…

Net soos wanneer jy aandele aanlyn koop, moet jy geloofwaardige platforms kry wat kriptogeldeenhede bied wat noukeurig geevalueer is, sê Marius Reitz, hoofbestuurder van Luno in Afrika. Luno bied tans bitcoin, ethereum en bit-coin cash. Daar is meer as 2 000 kriptogeldeenhede, maar wees versigtig vir swendelaars, sê Reitz. Dieselfde intuïtiewe reëls geld vir bitcoin as vir tradisionele geld. Moenie meer belê as wat jy kan bekostig om te verloor nie, en moenie al jou eiers in een mandjie sit nie. “Bitcoin is nuwe tegnologie wat ontwikkel en in die proses word sekere risiko’s geloop. Bitcoin is baie wisselvalliger as die meeste geldeenhede. Net soos met tradisionele beleggings, moet jy jou eie navorsing doen en jou eie oordeel gebruik.” Gebruik ’n geloofwaardige platform met deursigtige inligting oor beleggers, eienaars en…

Die nasionale kernreguleerder (NNR) hou die Kernenergiekorporasie van Suid-Afrika (Necsa) met ’n valkoog dop om te verseker dat kernveiligheid nie ly onder sy bestuurs- en finansiële probleme nie. So sê dr. Bismark Tyobeka, uitvoerende hoof van die NNR. Tyobeka het met Rapport gepraat na aanleiding van die bedanking in Januarie van die Necsa-direksie te midde van ’n finansiële krisis en ’n gesukkel om personeel se salarisse te betaal. Die minister van minerale hulpbronne en energie, Gwede Mantashe, het ’n week later sewe nuwe direksielede aangestel onder voorsitterskap van Dave Nicholls, voorheen die hoof van kernkrag by Eskom. Tyobeka sê Necsa is ’n komplekse groep van maatskappye met kernkragtegnologie en doen ook kernnavorsing en -ontwikkeling. Die organisasie het verskeie kernlisensies vir onder meer die bedryf van die Safari-navorsingsreaktor, die berging van…

Verkope van Suid-Afrikaanse kunswerke het sedert Junie verlede jaar afgeplat namate die swak ekonomie die getal deelnemers aan die mark vir luukse aankope, veral kunswerke, laat krimp het. Rykes met goeie kuns teen hul mure hoef egter nie bekommerd te wees dat hul “passie-beleggings” nou minder werd gaan wees nie. Die afgelope tien jaar het die waarde van Suid-Afrikaanse kunswerke met 33% in dollarwaarde geklim tot ’n totaal van $460 miljoen (sowat R6,7 miljard). Dié groei oortref die groei in die totale waarde van die wêreld se verhandelbare kuns wat oor dieselfde tydperk met 18% tot ’n totaal van $75 miljard toegeneem het, blyk uit die nuutste welvaartverslag van die navorsingsgroep New World Wealth (NWW). Aspire vat hande met Franse afslaer. Marelize van Zyl, senior kunsspesialis by Aspire Art Auctions,…

Hiert! As jy ’n slang sien, staan stil, want slange reageer op beweging en vibrasie. Gee ’n groot tree terug. As jy binne-in ’n huis is, maak die deur toe. Sit iets onder die deur sodat die slang nie uitkom nie. Sê vir ander mense in die huis daar is ’n slang. Bel ’n geregistreerde slangvanger. Daar’s ’n lang lys van hulle op www.africansnakebiteinstitute.com. Jy kan ook ’n laken of duvet soos ’n muur tussen jou en die slang hou en hom na buite por. Maak net seker terwyl jy dit doen dat die slang nie jou voete kan sien nie. Eina! As ’n slang iemand pik, spoel die wond af met water. Immobiliseer die ledemaat met byvoorbeeld ’n driehoekverband. Haal alle juweliersware af, want die ledemaat gaan swel. Stel…

Here’s to You Met Daniel Keith Geddes en Phindy Dube. Regisseur: Timothy le Roux Verbeel jou jy’s terug op skool, in jou kamer met prentjies van David Cassidy. Dis halfnege op ’n Sondagaand en die LM-treffersparade bewe deur jou radio waarna jy skelm luister. Jy hoor kort-kort ’n nuwe ballade of sielsverrykende musiek wat opsom hoe die hoërskool jou verveel en verniel. Slegs Simon & Garfunkel verstaan. Hulle sing “Bridge Over Troubled Water”, “Cecilia” en “The Sound of Silence” net vir jou. Jou siel word natgelei met geniale musiek ná die lang droogte van skool, en gee jou moed vir môre se ses van die bestes omdat jy ’n B in ’n geskiedenistoets gekry het. Dít flits deur jou kop wanneer jy hierdie welgeluksalige huldeblyk aan Paul Simon en Art…

Die regering se jongste uitsprake oor die Suid-Afrikaanse Lugdiens (SAL) en Eskom wys opnuut dat die ANC glo hul besluite het geen gevolge nie. Terwyl die skrynwerker versigtig kap omdat hy weet hamerhoue op sy duim is seer, en terwyl die kind vinnig leer hoe gevaarlik dit is om by trappe af te hard-loop, glo die ANC dit is moontlik om staatsondernemings vir ’n dekade te plunder en vermink sonder dat enigiemand hul werk verloor. Nadat die SAL Donderdag aangekondig het alle plaaslike roetes behalwe dié tussen Johannesburg en Kaapstad word gekanselleer – plus internasionales na onder meer Hongkong – het die ministerie van openbare ondernemings gesê die regering “stem nie saam” met dié besluit nie. Die besluit is geneem deur sakereddingspraktisyns wat geheel en al onafhanklik moet kan handel.…

Een van die land se grootste staatsdiensvakbonde, met 210 000 lede, asook die Suid-Afrikaanse Onderwysersunie (SAOU) dreig met regstappe om trustees van die staatsdienspensioenfonds te verwyder as hulle Cosatu se voorstel aanvaar om Eskom se skuld met pensioengeld te help delg. Leon Gilbert, waarnemende hoofsekretaris van die Vereniging van Staatsamptenare (VSA), en Chris Klopper, hoofsekretaris van die SAOU, wat 37 000 onderwysers as lede het, het Vrydag gesê Eskom kan nie eens die rente op sy skuld betaal nie en dat trustees van die staatsdienspensioenfonds (GEPF) wat Cosatu se voorstel steun, hul wetlike plig sal versaak om die belange van die fonds en sy lede te dien as hulle werkers se aftreegeld in Eskom sou stort. Albei vakbonde is geaffilieer by Fedusa, wat gister in Johannesburg ’n noodvergadering gehou het…

As jy ’n intekenaar is van Netwerk24 kan jy Rapport voortaan met ’n nu-we, verbeterde e-leser op jou selfoon, tablet of rekenaarskerm lees. Die elektroniese weergawe van die koerant lyk nes die gedrukte koerant wat jy Sondae lees. Jy kan ook Media24 se ander koerante en tydskrifte in dieselfde vorm op jou skerm lees. Boonop kan jy vir jou gemak die PDF-blaaie meer vergroot as voorheen. As jy die Netwerk24-app op jou slimfoon het, kan jy direk deurskakel na die e-koerant eerder as om soos in die verlede die MySubs-app te gebruik om by Rapport uit te kom. Al wat jy hoef te doen om toegang tot die nuwe e-leser te kry, is om die app te verfris deur die Netwerk24-app op Google Play of die App Store af te…

’n Berugte wildvanger wat boere landwyd duisende rande skuld, het kort nadat Rapport hom oor sy skuld gekonfronteer het, ’n openbare verskoning op ’n Facebook-groep geplaas waarin hy erken hy het mense ingeloop. Die 57-jarige Koos Dippenaar is berug onder wildboere, veral in die noorde van die land, wat beweer hulle het hom vir diere betaal wat nooit afgelewer is nie. Danie Scheepers (40), ’n wildboer van Stilfontein in Noordwes, sê hy het in April 2017 eers met sy broer Dirk en toe met Koos onderhandel oor springbokke in die Karoo. “Ek moes ’n deposito van R15 000 betaal en hy sou die naweek van die 17de die springbokke laai en bring.” Kort daarna het hy aangedring op die oorblywende R10 000, wat Scheepers betaal het. Die bestuurder van die…

“Kyk, my kliënte is deur járe se sielkundige trauma. Ek sou hoop hulle sit hierdie naweek met ’n glas wyn of Skotse whisky en ontspan en vier fees.” Só sê Bernard Hotz van Werksmansprokureurs, wat drie voormalige lede van die Suid-Afrikaanse Inkomstediens (SAID) se “geheime spioenasie-eenheid” verteenwoordig. Die nasionale vervolgingsgesag (NVG) het Vrydag aangekondig al die aanklagte teen Ivan Pillay, Johann van Loggerenberg en Andries Janse van Rensburg word teruggetrek. Die drie is daarvan beskuldig dat hulle onregmatig ’n eenheid in die SAID gestig het om op belastingbetalers te spioeneer. Die saak sloer al meer as ’n dekade. Pillay en Janse van Rensburg is aangekla ingevolge die Wet op die Reëling van Onderskepping van Kommunikasies en Verstrekking van Kommunikasieverwante Inligting (Rica). “Die basiese aantygings was dat Pillay en Janse van…

Sal jy verstaan as iemand in gebaretaal ’n dokter of die polisie roep? En sal jy verstaan as iemand wys hulle wil die rooi en nie die blou Slush Puppie by die fliek hê nie? Die antwoord is vir die meeste van ons “nee”. Die Nasionale Instituut vir Dowes (NID) wil poog om dié kommunikasiegaping tussen dowe en horende mense op ’n prettige wyse te verklein. Hulle het verlede jaar ’n pak speelkaarte, wat presies soos gewone speelkaarte werk, bekend gestel. Die enigste verskil is dié kaarte het prente met die 54 mees gebruikte en basiese gebaretaaltekens. Dit sluit in dae van die week, kleure en ander woorde soos “dokter” of “ma.” Op die kaart verskyn ’n prentjie van die teken en wys die woord se betekenis in Afrikaans, Engels,…

Die oud-Haai Jacques Vermeulen geniet die Engelse water waarin hy deesdae swem. Hy het byna oornag ’n huishoudelike naam in Exeter geword sedert hy hom in September verlede jaar met ’n kontrak van drie jaar by Exeter Chiefs aangesluit het. En nie sonder rede nie. Die 24-jarige voormalige Paarliet was onder meer in twee van sy Engelse klubspan se belangrikste oomblikke die seisoen betrokke. Hy het in Desember vir sy span se wendrie oorgedryf in sy oorwinning van 14-7 oor Saracens. Dit was ook hy wat vir die bonuspuntdrie oorgeduik het toe sy span 31-31 teen Glasgow gelykop gespeel het. Met dié uitslag het Exeter Chiefs tot die kwarteindstryd van die Heineken Kampioenebekertoernooi deurgedring. Volhard hy met sy huidige vorm, wat hom tans sy klubspan se vonds van die seisoen…

Dit kan dalk hul momentum so ’n bietjie versteur, maar die Blitsbokke gaan straks weer ’n paar veranderinge aan hul groep maak wat einde Februarie en begin Maart na Noord-Amerika reis. Terwyl hulle gemengde welslae in Hamilton en Sydney behaal het, gaan dit nie vir Neil Powell afskrik om weer ’n paar verstellings aan sy span te maak nie in hul soektog na sukses. Kurt-Lee Arendse en Ryan Oosthuizen sal weer ’n kans kry nadat hulle nie na Australasië gereis het nie. Albei het in die Blitse se eerste twee toernooie, in Dubai en Kaapstad, uitgeblink en sal slaankrag aan die span gee. Powell kan ook ’n paar ander groentjies in sy vergrote groep oorweeg, maar sal ook wil waak daarteen om nie die momentum van die Blitse te versteur…

Dale Steyn sal sy terugkeer tot internasionale krieket maak, terwyl twee van die Proteas se staatmakers in die kaptein Faf du Plessis en snelbouler Kagiso Rabada nie vir die T20-reeks teen Engeland oorweeg is nie. Suid-Afrika het ook besluit om die Knights se Pite van Biljon en die snelbouler Sisanda Magala van die Warriors vir die eerste keer in die T20-groep in te sluit. Magala, wat die afgelope tyd streng fiksheidstoetse ondergaan het, sal eers weer sy fiksheid moet bewys voordat hy aan ’n T20-debuut kan dink. Spelers is beloon wat op plaaslike vlak hard gewerk het. Hy was onlangs saam met Tabraiz Shamsi, Jon-Jon Smuts en Lungi Ngidi by ’n fiksheidskamp van Krieket Suid-Afrika (KSA), maar het anders as laasgenoemde drie, nie die gewenste standaarde voor die eendagreeks behaal…

Die Valke se plan om vanjaar in die Rapid Rugby-reeks te speel, is in die weegskaal met die koronavirus wat ’n groot impak op die kompetisie kan hê. Die Valke – wat saam met die Maleisiese rugbyunie onder die vaandel van die Maleisië-Valke in die nuwe kompetisie sal speel – moes reeds hul tweede wedstryd in die nuwe liga, teen die China Lions in Shanghai, verskuif weens die impak van die gevreesde virus. Die wedstryd sal nou in Kuala Lumpur gespeel word, wat ook die basis van die Valke is. Kommer bestaan egter dat die impak van die vrees vir die virus veel wyer sal strek omdat drie van die spanne in Asië gesetel is, en veral omdat Australië klaar ’n verbod op reisigers uit China geplaas het. Rapid Rugby…

6 Seabelo Senatla: Die blits doen die aanvoorwerk saam met Ruhan Nel vir die Stormers se eerste drie. Hy steel ’n bal op die grond wat lei tot die lynstaan vir ’n rolmaal-drie. Hy druk ook ’n puik drie nadat hy deur Johan du Toit in besit gestel word en byna 50 m hard-loop. 4 Cornal Hendricks: Het nie veel kans gekry nie, want sy losskakel het aanhoudend geskop. Die paar keer dat hy wel die bal ontvang het, kon hy weinig uitrig. Begaan ’n groot blaps teen die einde wat die Bulle verhinder om ’n drie te druk nadat hy nie die bal uitgee nie.…

In wat as die uitdagendste ekonomiese toestande in generasies bestempel word, het die Suid-Afrikaanse genoteerde eiendomsektor – eens ’n uitblinker – 2019 weer met teleurstellende opbrengste afgesluit. Die indeks vir genoteerde eiendom (Sapy) het verlede jaar ’n totale opbrengs (inkomste en kapitaal) van 1,9% gelewer en die indeks van alle eiendom (Alpi) -0,4%. Hoewel dit ’n verbetering is op die rampspoedige -25% in 2018, bly dit ’n druppel aan die emmer vergeleke met die totale opbrengs van 50% in 2005. Die Sapy sluit die top-20 mees likiede eiendomsbeleggingstrusts (reits) met ’n primêre notering op die JSE in, terwyl die Alpi ook buitelandse eiendomsreuse soos Intu, EPP en Hammerson inkorporeer. “Die opbrengste is swakker as wat verwag is en weerspieël die taai ekonomiese toestande wat leegstaansyfers laat klim en huurwaardes laat…

Kunsversamelaars moet seker maak wat die huidige markwaarde van hul kunswerke is om te sorg dat dié werke voldoende verseker is. Christelle Colman, besturende direkteur van Elite Risk Acceptances, sê selfs al is ’n werk onvervangbaar, kan dit tot ’n beduidende finansiële verlies lei as dit nie verseker is nie. “Ondanks die stygende pryse van plaaslike kuns is die premies om kuns te verseker betreklik billik.” Sy gee die volgende vyf redes waarom versamelaars hul kunswerke gereeld moet laat waardeer om seker te maak dat dit korrek verseker is. Stygende waarde Hoewel die waarde van die inhoud van ’n huis teen ’n raps meer as die inflasiekoers toeneem, tans tussen 7% en 10%, styg die waarde van kunswerke teen ’n veel hoër koers. Die dood van ’n kunstenaar Wanneer ’n…

Een Rapport-leser kan ’n romantiese wegbreek van drie nagte in die Chobe Water Villas wen – net betyds vir Valentynsdag! Die vakansie is vir twee volwassenes en die prys se waarde is R70 000. Dit sluit vlugte, vervoer, alle etes en aktiwiteite in. Om in aanmerking te kom, skryf in by bit.ly/ChobeCompetition (Let op die twee hoofletter C’s). Beantwoord hierdie vraag: In watter land is die Chobe Water Villas geleë? Inskrywings sluit komende Donderdag om 12:00, en die wenner sal volgende Sondag in Beleef aangekondig word.…

Hoor my, sien my, soen my het sedert die eerste episode reeds kykers vasgenael laat sit voor die kassie. Die aanbieder, Vanes-Mari du Toit, deel haar eie liefdesverhale. Wat is vir jou liefde? Liefde is wanneer jy 100 per-sent jouself voor iemand anders kan wees en hulle jou in jou kwesbaarheid veilig kan laat voel; wanneer hulle al jou slegte eienskappe ken, maar jy bly steeds vir hulle die mooiste mens. Wanneer het jy geweet jou man, die rugbyafrigter Matthew Proudfoot, is die een? Ek spot altyd en sê dis die dag wat hy vir my die perfekte gin & tonic geskink het, maar ek en my man het vir maande lank telefonies eers gesels voor ons vir die eerste keer op ’n afspraak gegaan het. En ná die eerste…

Jojo Rabbit Nes Joker gaan Taika Waititi se eksentrieke fliek jou omklits dat jy op jou rug lê en lekkerkry omdat jou brein so verruklik gevoed is. ’n Waarskuwing: Jy moet ’n ernstige fliekganger wees om breingenot uit hierdie opsienbarende fliek te kry. ’n Tienjarige Nazi-seuntjie ontdek ’n denkbeeldige maatjie, ’n kamp Adolf Hitler, wat hom komies belaglik indoktrineer. Maar die kinkel in hierdie laaitie se swastika is dat sy geliefde ma ’n Joodse meisie in hul huis wegsteek. Nie sedert Charlie Chaplin of Life is Beautiful is die Tweede Wêreldoorlog deur so ’n persgetinte bril weerkaats nie. Maar hierdie spitsvondige rolprent, wat al talle pryse verower het vir beste aangepaste draaiboek waarsku: ’n Oorlog het net verloorders. Dit demonstreer dat boosheid, veral wanneer dit met breinspoeling gepaardgaan, nie noodwendig…

Teken in: 087 353 1300. SMS “Rapport” na 31069. Intekenare-navrae: 087 353 1300. (Maandag tot Vrydag: 07:00-16:30. Saterdae, Sondae en openbare vakansiedae: 07:00-11:00.) SMS “diens” na 31069. E-pos: intekenare@media24.com WhatsApp: 087 353 1333 Waar kry ek Rapport? 087 741 3137 Nuuswenke: 011 713 9633 of 021 406 3228 E-pos: nuus@rapport.co.za Klagtes oor stories: Alet Wichmann 011 713 9682. alet@media24.com Redakteur: Waldimar Pelser 011 713 9633 of 021 406 3228 waldimar.pelser@rapport.co.za Nuus- en Sakeredakteur: Erika de Beer 011 713 9633 of nuus@rapport.co.za Sportredakteur: Albert Weideman 011 713 9671 of albert.weideman@rapport.co.za Beleef: Alet Wichmann 011 713 9682 of alet@media24.com Weekliks en briewe: Pieter Malan 021 406 3514 of pmalan@rapport.co.za…

D it is nie net Jacob Zuma wat moet rekenskap gee vir sy rol in staatskaping nie, ook bankiers en ouditeurs wat Zuma en die Guptas se vuilwerk gedoen het, moet gedagvaar word, sê Andrew Feinstein, oud-ANC-LP, en Hennie van Vuuren, wat hulle beywer om skurke vas te trek. Feinstein en Van Vuuren se organisasies, Open Secrets en Shadow World Investigations, het die afgelope week ’n omvattende navorsingsverslag oor die instaatstellers (enablers) van staatskaping aan regter Raymond Zondo oorhandig. Dit lees soos ’n internasionale politieke riller en betrek onder meer HSBC, Europa se grootste bank, Nedbank, Standard Bank, Bank of Baroda en First National Bank (FNB), asook die konsultantegroep McKinsey, die ouditeursfirma KPMG, en die Gupta-verwante Regiments Capital. “As die Zondo-kommissie se hofaansoek vir die verlenging van sy spertyd slaag,…

’n Maand nadat die Oos-Kaapse onderwysdepartement aangekondig het dié provinsie se matrieks sal hul eindeksamen in Xhosa en Sotho kan aflê, is daar nog net verwarring oor presies hoe hulle beplan om dié baanbreker-projek te laat werk. Dit sal die eerste keer wees dat kinders in Suid-Afrika matriek in ’n ander taal as Afrikaans en Engels kan aflê. Fundile Gade, LUR vir onderwys in die Oos-Kaap, het die plan in Desember aangekondig. Die provinsiale departement van onderwys en die nasionale departement van onderwys ignoreer sedertdien vrae van Rapport oor die plan. Yusuf Cassim, DA-woordvoerder oor onderwys in die Oos-Kaap, sê in beginsel is dit ’n edele inisiatief. “Die DA ondersteun moedertaalonderrig, maar die Oos-Kaapse onderwysdepartement sou toestemming hiervoor moes kry van die nasionale departement van onderwys.” Die DA se parlementêre…

Terwyl ’n pa besig was om vir die welsyn ’n dossier op te stel oor beserings aan sy tweejarige dogtertjie se lyfie, het die oproep van die kind se ma gekom: Sy het in ’n epileptiese aanval van ’n bank afgeval en haar kop gestamp. Maar toe blyk dit die meisie het vier skedelfrakture, breinbloeding en ’n gebreekte linker-arm, sowel as talle kneusplekke en sigaretbrandmerke. Die ma word aangekla van poging tot moord, aanranding met die opset om ernstig te beseer en kindermishandeling. Sy moet weer op 18 Februarie in die landdroshof in Bloemfontein verskyn. Die ouers se name word verswyg om die kind, as ’n minderjarige misdaadslagoffer, se identiteit te beskerm. Brig. Motantsi Makhele, polisiewoordvoerder, sê die ondersoek is in ’n gevorderde stadium. ‘Ek was bang sy hou weer…

Die jaar lange gedeeltelike vakansie waarop honderde werknemers van die nasionale gesondheidsdepartement in Pretoria weens hul siek gebou was, is hopelik binnekort verby. Dié werknemers weier om ’n voet verby die voorportaal van die Civitas-gebou in Pretoria te sit sedert dit in September 2018 onveilig en ongesond verklaar is. Gevolglik daag hulle op vir werk, meld aan in die voorportaal, wag tot 11:00 en verkas dan weer. Maar dr. Zweli Mkhize, minister van gesondheid, is nou duidelik siek en sat daarvoor. Departement draai om ander kantore te kry. Hy het die bestuur van die departement die afgelope week opdrag gegee om dringend alternatiewe kantore vir die departement te vind. Nadat die departement van arbeid die gebou onveilig verklaar het, het Rapport berig dit het voldoen aan net 20% van die…

In Maart 2018 is Pite van Biljon se lewe op sy kop gekeer met die aankoms van sy eersteling. Min het hy geweet vreugde sou binne net ses weke vervang word deur verdriet, vrae en veg vir ’n klein mensie sonder ’n stem. Van Biljon, die Knights-krieketspan se kaptein (en eersdaags ook ’n blinknuwe Proteas-T20-speler) se dogtertjie, Debi, word aanstaande maand twee, en haar trotse pa sê dit gaan nou baie goed met haar. Maar in die afgelope 22 maande was dié positiewe uitkoms nie altyd ’n gegewe nie. In ’n oogwink het woorde soos “sistiese fibrose” en “nebuliseerder” deel van sy en sy vrou, Jessica, se woordeskat geword. Van Biljon was in Engeland, besig om sy daaglikse brood by die Kibworth-krieketklub in Leichestershire te verdien, toe Jessica hom uit…

Messi bly ondanks uitval by Barcelona Lionel Messi is van plan om by Barcelona aan te bly, ongeag sy open-bare uitval met Eric Abidal, die klub se direkteur van sport. Bronne na aan die 32-jarige Messi het aan Sky Sports die versekering gegee dat hy nie daaraan dink om die Nou Camp te verlaat nie en dat hy daartoe verbind is om sy huidige kontrak te eerbiedig. Sy kontrak strek tot 2021 en hy is bereid om oor ’n verlenging te praat, maar die doelskieter is nie haastig nie. Barcelona sal nietemin weer oor ’n kontrak van ’n paar jaar wil gesels en hoop om in die komende maande met Messi se pa en agent, Jorge, te vergader. – Sportredaksie Saracens bly in die sop by rugbybase Saracens is Vrydag…

Krieket TWEEDE EENDAGWEDSTRYD (Auckland, Nieu-Seeland) Nieu-Seeland M. Guptill uitgeh. Thakur/Rahul ....... 79 H. Nicholls bvp b Chahal....................41 T. Blundell v Saini b Thakur...............22 R. Taylor nie uit nie............................73 T. Latham bvp b Jadeja........................7 J. Neesham uitgehardloop Jadeja.......3 C. de Grandhomme v Iyer b Thakur.....5 M. Chapman v & b Chahal....................1 T. Southee v Saini b Chahal.................3 K. Jamieson nie uit nie ...................... 25 Ekstras (4ll, 4bl, 6w)..........................14 TOTAAL (vir 8, 50 bbe.)................... 273 Val van paaltjies: 1-93, 2-142, 3-157, 4-171, 5-175, 6-185, 7-187, 8-197. BOULONTLEDING: Thakur 10-1-60-2; Bumrah 10-0-64-0; Saini 10-0-48-0; Chahal 10-0-58-3; Jadeja 10-0-35-1. Indië P. Shaw b Jamieson...........................24 M. Agarwal v Taylor b Bennett...........3 V. Kohli b Southee..............................15 S. Iyer v Latham b Bennett............... 52 K. Rahul b De Grandhomme.................4 K. Jadhav v Nicholls b Southee...........9 R. Jadeja…

Vyf keer gespeel, vyf keer verloor. Dié stukkie statistiek is die berg voor Wits se stryd môre teen sy buurman UJ in die Goudstad-derbystryd by Wits. Nog nooit in die geskiedenis van die Varsitybeker-reeks kon die Witsies, wat soms al vir groot opwinding en skokke gesorg het, ’n sege oor UJ behaal nie. Wat wel môre in die tuisspan se guns kan tel, is dat hulle 2020 met ’n knal begin het deur die UWK in Bellville af te ransel. Daarteenoor het Ikeys vir UJ met 25-16 geklop om die Johannesburgers op hul tuisveld te laat bloos. Wits sal egter weet dat tuisveldvoordeel nie veel beteken nie, want UJ het immers al twee keer die Wits-stadion oorwin. Hugo van As, afrigter van Wits, sal hoop sy span kan weer met…

Nasir Jamshed, ’n gewese kolwer van Pakistan se krieketspan, is in Manchester tot 17 maande tronkstraf gevonnis weens wedstrydknoeiery. Hy is skuldig bevind nadat hy skuld beken het in verband met ’n sameswering om spelers in die Pakistanse Superliga om te koop. Jamshed (33) is in 2018 vir tien jaar deur die Pakistanse Krieketraad geskors. Hy het aanvanklik skuld ontken, maar het sy pleit verander nadat twee van sy mede-beskuldiges, Yousef Anwar (36) en Mohammed Ijaz (34), erken het dat hulle spelers genader het om te onderpresteer. Anwar is tot 40 maande tronkstraf gevonnis en Ijaz tot 30 maande.…

6 Steven Kitshoff: Hy staan stewig in die skrums teen Trevor Nyakane, maar sy Bokmaat kry later die oorhand in ’n paar skrums. Kitshoff se bydrae in die vastelos was soos altyd yslik. Hy klim in by die losskrums en sorg dat hy van homself ’n las maak. 6 Trevor Nyakane: Die Bok-vaskop en die Stormers se Steven Kitshoff keil mekaar op in die skrums met die eerste paar wat gelykop verloop, maar Nyakane wat ’n paar skrumstrafskoppe vir sy span wen. Nyakane het rotsvas verdedig wanneer daar op sy knoppie gedruk is.…

“Dit lyk of Mantashe se Eskom 2.0 uit die duim gesuig is.” Gwede Mantashe se aankondiging op die mynbou-indaba dat die regering binne ’n jaar ’n nuwe staatsentiteit wil begin om krag op te wek, was heeltemal onverwags. Selfs André de Ruyter, die nuwe Eskombaas, is nie vooraf ingelig dat sy sukkelende kragopwekkingsonderneming ’n mededinger in staatsgeledere gaan kry nie. Die “Padkaart vir Eskom na ’n hervormde kragvoorsieningsbedryf” wat Pravin Gordhan, minister van openbare ondernemings, in Oktober verlede jaar bekend gestel het, sprak ook g’n sprook daaroor nie. Ook van Tito Mboweni, minister van finansies, se hoof-herstruktureringsbeampte wat die nasionale tesourie as ’n soort administrateur verteenwoordig en Eskom se regrukproses sal lei, het weinig gekom. Dit lyk of Gordhan, Mboweni en Manta-she, wat as minister van minerale bronne en energie…

Die mynboubedryf in Suid-Afrika is nog lank nie gereed om sonder steenkoolaangedrewe elektrisiteit klaar te kom nie, sê die Mineraleraad van Suid-Afrika. Suid-Afrika se kragkrisis, die impak van klimaatsverandering en die noodsaaklikheid van volhoubare, omgewingsvriendelike mynboupraktyke het die botoon gevoer op vanjaar se mynbou-indaba wat die afgelope week in Kaapstad plaasgevind het. Gwede Mantashe, minister van minerale bronne en energie, het in sy openingsrede gesê Suid-Afrika se geïntegreerde hulpbronplan (IRP) maak voorsiening daarvoor dat steenkool ’n al hoe kleiner rol sal speel en dat dit teen 2030 60% of minder van Suid-Afrika se energiesamestelling sal uitmaak. Die Mineraleraad van Suid-Afrika, wat die vernaamste mynboumaatskappye in die land verteenwoordig, het later op ’n mediakonferensie benadruk dat die wegbeweeg van steenkool geleidelik sal moet wees aangesien dié soort kragsentrales noodsaaklik is vir…

Ek vra my vrou so ’n ruk gelede om vir my ’n nu-we skeermes te koop. Een met ’n doodgewone, outydse lemmetjie in. Nie ’n elektriese ding nie. En wat kry ek? Een met vyf lemme. En ’n ingeboude vyfspoed-vibrator. Verbaas wou ek weet: Waar wil jy hê moet ek skeer met dié ding? Sy skuld my nog ’n antwoord. My vriend, wat meer weet van die fyner goedjies vir mans, sê die vibrasies is goed vir ’n ou se vel. Maar al wat ek wil doen, is om dag oue stoppels weg te skeer. Nou wonder lesers seker wat het ’n skeermes te doen met geldsake, dit waaroor ek veronderstel is om te skryf. Dis vir my analogies aan sommige lewenspolisse – daardie soort polisse wat allerhande snert as…

Waar: De Bacalan-kaai 134, Bordeaux, Frankryk Wanneer: La Cité du Vin is 364 dae van die jaar oop; dis net op Kersdag 25 Desember, gesluit. Openings- en sluitingstye wissel egter na gelang van die seisoen. Kyk op hul webwerf. Toegangskaartjies: Aanlyn besprekings is moontlik. Kaartjies vir volwassenes begin by €20 (sowat R325) per persoon. Dit sluit een glas wyn of druiwesap in. Lees meer of bespreek vooraf: www.laciteduvin.com. Onderneem ’n virtuele toer van La Cité du Vin by bit.ly/wynmuseum.…

Birds of Prey. Met Margot Robbie en Ewan McGregor. Regisseur:  Cathy Yan Hierdie baster-vervolg op Suicide Squad, net sonder die Joker, is een groot maltrap- stuk chaos. ’n Mallemeulerit van geweld, mooi meisies, eina-broekies, lang bene en die mag van vrouwees. Vir ’n verandering word die bordjies verhang en voer vroue die botoon met vyf van die taaiste vroue sedert Charlize Theron in Mad Max: Fury Road gat geskop het. Hierdie dollas is so gewelddadig, hulle laat John Wick na ’n gepoeierde babadoek lyk. Die draaiboek is slordig, vol ongemotiveerdhede en vergesogte storielyne. Maar ’n mens moet onthou dat dit ’n verfilmde strokie is, getrou aan die psigedeliese tekeninge, dus maak die verflenterde storie nie saak nie. Harley word nie meer deur die Joker beskerm nie. Sy moet na haarself…

Ek en my Ier is nou al meer as 16 jaar getroud en ek het weer eens die week besef hoekom ek hom so liefhet en koester. Hy is nie net baie sexy nie, maar hy maak ook elke Sondag my kar vol petrol – soos Pa Coen altyd vir Ma Babs gedoen het. Hy gaan kuier by Babs sonder dat ek hom vra om te gaan, hy gaan trek vir my geld wanneer ek te besig is – en Woensdagaand toe ek by die huis kom, lê daar die twee mooiste porcini-sampioene vir my en kyk – alles net vir my! Hy is ’n juweel en met sy sagte hart en liefde ondersteun hy my ook in al my werksavonture. Én hy verdra al my nukke en geite en…