Sommaire pour 15 May 2025 de Landbouweekblad

Vroueruiters blink uit Die 25-jarige geoktrooieerde rekenmeester van Kaapstad Nicole Petersen het op die pas afgelope Bloemskou haar eerste grootkampioenskap op haar Saalperd Maningi gewen. Vroueruiters het die eindrondes vir grootkampioene op die Suid-Afrikaanse Saalperdkampioenskap oorheers. Haar pa is die bekende Saalperd-teler Wim Bester van die Wilmar-stoetery in Pretoria. Nicole ry vir die De Bosch-stelle op Stellenbosch, waar Adriaan Odendaal die afrigter is, en sy is een van die jongste wenners van dié kroon in jare. “Ek ry al perd vandat ek kan onthou – en nog voordat ek kon loop. Dié oomblik kan jy aan niemand beskryf nie. Dit is ’n droom wat waar geword het.” Glenda Koen van Clarens was die reserwe-grootkampioen op Golden Rush en Suretha Maasdorp van Bloemfontein het die grootkampioen-driegangtitel op die rug van The…

Dis ’n eienaardige plek waar ons boere hulself tans bevind. Aan die een kant moet hulle doen wat hulle nog al die jare doen, maar elke jaar verbeter. Aan die ander kant moet hulle ook al hoe meer, en anders, begin dink oor dinge wat hulle tot dusver as vanselfsprekend aanvaar het. Dit voel of die sleutel tot langtermynsukses iewers lê tussen die gewone dinge uitstekend doen en die ongewone dinge ál beter doen. Dit is immers die blywende indruk as ’n mens so deur dié uitgawe van Landbouweekblad blaai. Kom ons neem rooivleis as ’n voorbeeld. Gaan lees ’n bietjie wat prof. Johan Willemse in sy rubriek (bl. 33) skryf, en gaan kyk veral na die grafiek wat die verbruik van proteïenprodukte in Suid-Afrika toon. Willemse noem dit tereg…

ONDER die leierskap van Suid-Afrika is vier voorkeursake vir die landbou uiteengesit. Dit is die bevordering van beleid en beleggings wat voedselsekerheid kan verbeter, die bemagtiging van die jeug en vroue in die landbou, vernuwing en die oordrag van tegnologie, en aanpassing by klimaatsverandering vir volhoubare voedselproduksie. Wandile Sihlobo van Agbiz sê daar is veral oor beleid en beleggings gepraat, en die kwessies wat beklemtoon is, geniet ook gereeld Agbiz se aandag. Dit sluit in die oordrag van klimaatslimlandboupraktyke, die bevordering van handel ter wille van voedselsekerheid, ’n toename in die produksie van kunsmis en groter beskerming van grond- en eiendomsregte. Hy sê daar is gereeld ernstige beroepe om kennis oor klimaatslim-tegnieke onderling te deel sodat skade aan gewasse gedurende rampe soos droogtes en hittegolwe beperk kan word. Dit is…

’N TWIS oor water, die verbreking van ’n mondelingse kontrak en die nienakoming van ’n huurkontrak vorm deel van ’n hofsaak tussen twee Du Preez-broers, oorspronklik van die plaas Tuckey in die Noord-Kaap, naby die grens met Botswana. Die boer Jacobus du Preez, wat die aansoek in Maart vanjaar teen sy broer Fernando du Preez van Tuckey gebring het, is in die uitspraak oor die vingers getik nadat sy dringende spoliasie-aansoek afgewys en hy boonop met ’n bestraffende kostebevel opgesaal is. Die saak spruit uit die nalatenskap van hul pa, Willem du Preez, wat in 2021 dood is. Hy het sy plase aan sy vrou, Anna du Preez, nagelaat. Die weduwee het die plase aan haar drie seuns verhuur. Haar man het vroeër ’n pypleiding van die plaas Springbokpan oor…

TABI BARKHUIZEN het altyd gedink haar troue gaan eendag iewers in ’n gewone venue in Pretoria wees, maar toe sy een aand van ’n troue tussen die mielies op haar pa se plaas droom, het dié plan dadelik verander. Tabi (née Els) en haar man, Herman (Herrie), het onlangs ná hul wittebrood in die Maledive teruggekeer nadat hulle op 12 April op haar familieplaas buite Bothaville getroud is. “Dié soort troue pas by wie ek is. Ek het een oggend wakker geword en besef ek het van ’n plaastroue tussen die mielies gedroom. Toe ek en Herrie later saam koffie drink, het ek vir hom gesê ons gaan op die plaas trou.” En só is hulle toe tussen die mielies op die familieplaas Valentia tussen Bothaville en Hoopstad getroud. Haar…

Die betrokkenes by ’n trust is die oprigter, die trustees en die begunstigdes. Wanneer na ’n trustakte gekyk word, is dit belangrik om eerstens te bepaal wat die doel van die trust is en in daardie opsig na die bepalings van die trustakte te kyk. Die oprigter Die oprigter sluit ’n kontrak met die trustees – tot voordeel van die begunstigdes. Die oprigter kan enigiemand wees, maar dit moet verkieslik die persoon wees tot wie se familie se voordeel die trust opgerig word. Die oprigter mag gelyktydig ’n trustee en ’n begunstigde wees. Dit is belangrik om die magte wat aan die oprigter in die trustakte toegeken word, te ontleed. Indien dit uit die trustakte blyk dat enige individu beheer oor die bates en administrasie van die trust het, kan…

Ek luister nou die dag na ’n onderhoud met Frans Steyn, afrigter van die Cheetah-rugbyspan, ná ’n nederlaag in Mbombela teen die Pumas. “Maar julle het darem vier goeie drieë gedruk,” sê die onderhoudvoerder om die nederlaag te versag. ’n Duidelik gefrustreerde Frans antwoord: “Al het ons tien drieë gedruk, ons het steeds verloor.” As ons hierdie storie op jou boerdery van toepassing maak, sal dit dalk sÓ klink: Dit maak nie saak as jou kudde se tussenkalfperiode 367 dae is, of dat jy gemiddeld 260 kgkalwers speen, of dat jou koeie 550 kg weeg, of jy baie of min lek gee, of jy met 100 koeie of 1 000 koeie boer, en of jou Blup-profiel oral sterretjies het nie, want solank jy nie ’n wins maak nie, het jy…

Hoekom het jy hoenderboerdery gekies toe jy die landbou betree het? My ouers was mielie- en beesboere en om ’n boer te wees, is deel van my DNS. As ek reën en nat grond ruik, dink ek aan my pa. Hoenderboerdery was vir my ideaal, want dis ’n boerdery wat ek, as ’n vrou, fisiek kan beheer en bestuur. Ek was eers ’n kontrakprodusent, maar agt jaar gelede het ek ook ’n slagplaas gekoop. Ons het toe ’n nismark betree. Waarom is Viljoenskroon geskik vir vrylopende hoenders? Viljoenskroon lê in die mieliehartland. Die graansilo’s is dus naby en dit is maklik om voer af te lewer. Ons gebruik kos wat spesiaal geformuleer is en geen bygevoegde groeistimulante, -hormone of antibiotika bevat nie. Wintertye is egter straf hier in die Vrystaat…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Nuttige plant Lees op bl. 90 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 91 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem. Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 29 Mei 2025. Geen posstukke word meer as inskrywing…

GAUTENG NIGEL CHRISSIESFONTEIN (365) 20 ha, aan Property Holdings On Klip (Edms.) Bpk., van C. Fok en H.A. Hong, R1 300 000. WELVERDIEND (379) 21 ha, aan A. Bannister en G.S. Bannister, van C.P. Wiersma, R1200000. PRETORIA ELANDSFONTEIN (352) 22 ha, aan L.H. Maloka en P.J. Maloka, van Gypland BK, R1 216 672. ELANDSFONTEIN (412) 212 ha, aan Makala Plant (Edms.) Bpk., van Bukabopa Holdings (Edms.) Bpk., R25 300 000. GROOTFONTEIN (394) 25 ha, aan Corobrink (Edms.) Bpk., van P P & M C Trust, R13 000 000. WELGEVONDEN (93) 21 ha, aan C.E. Pretorius, van J.P. Wiggill, R1 780 000. ZACHSEDAM (632) 49 ha, aan J.S. Kok, van Nehemia Trust, R2700000. KWAZULU-NATAL UTRECHT FRISCHGEWAAGD (75) 584 ha, aan Mkhonza-familietrust, van P.A. Mkhonza en W.C. Mkhonza, R1050000. METSELFONTEIN (379) 521…

BYEENKOMSTE 19-21 MEI: Ruvasa-kongres. Radisson-hotel-en-konferensiesentrum, Johannesburg. Meer inligting op vetlink.co.za/ruvasa-congress-2025 22 MEI: Suid-Afrikaanse wynberaad. Konservatorium van die Universiteit Stellenbosch. Web: diary.wine.co.za 29 MEI: 65ste jaarlikse Fertasakongres. WNNR- Internasionale Konvensiesentrum, Pretoria. Navrae: 012 349 1450, e-pos: hermien@fertasa.co.za 3-5 JUNIE: AVI Africa-konferensie. Emperors Palace, Gauteng. Registreer op sapoultry.co.za 8-10 JULIE: 55ste jaarlikse kongres van die Suid-Afrikaanse vereniging vir dierewetenskappe (Sasas). Protea-hotel, The Ranchoord, Polokwane. Meer inligting op sasascongress.co.za 14-17 JULIE: Internasionale kommoditeitsberaad. Kaapstadse Internasionale Konvensiesentrum. Web: internationalcommoditysummit.com 31 JULIE-1 AUGUSTUS: PIGx2-konferensie. Maslow-hotel, Menlyn, Pretoria. Tel. 012 100 3035. Web: sappo.org/pigx2 FEESTE, EKSPO’S 22-24 MEI: BeerEx Africa. Makers Landing, V&A Waterfront, Kaapstad. Tel. 021 385 0483, e-pos: info@beerex.africa. Kaartjies: quicket.co.za 24-25 MEI: Heuning-en-byefees. Pioneer-museum, Pretoria. WhatsApp: 082 650 6530. 30-31 MEI: Wynland-herfsekspo. Hoërskool Montana, Worcester. Web: autumnexpo.co. za. Kaartjies: webtickets.co.za 6-8 JUNIE: Hankook…

2025 se beste bul Die Simmentaler-beesras spog vanjaar waarskynlik die eerste keer met die kampioenbul in Vleissentraal en SA Stamboek se bulgroeitoetsklas wat op Bloemskou in Bloemfontein beslis is. Martiens de Jager en sy seun, Martiens jr., telers van die wenbul, Gulland Gemmer, sê dit is die derde keer dat een van hul bulle die ras verteenwoordig en hul eerste wenslag. Die Gulland-kudde word op die plaas Vlaknek tussen Koster en Lichtenburg in Noordwes saam met ’n gemengde boerdery bedryf. Gulland Gemmer kom uit van die stoetery se beste bloedlyne. Hy is struktureel korrek, met oorgenoeg breedte en kapasiteit. Hy was in 2024 die wenner in sy klas op die nasionale Simmentaler-kampioenskapskou. Van links is Anton Vos, Marinda van der Merwe (albei Vleissentraal), Elmarie Prinsloo, John Melville (albei Bloemskou), dr.…

Hofuitsprake laat wenkbroue lig Ek stem saam met Jan Bosman (“Geen plek in SA vir lied wat geweld bevorder”, LBW, 17 April 2025) dat Julius Malema, EFF-leier, nou feitlik vrypas het om haatspraak aan te moedig en daarmee weg te kom. Hy word natuurlik getrou ondersteun deur sy agterryer Carl Niehaus, wat nou ’n nuwe tuiste in die die EFF gevind het. Ek wonder vir hoe lank . . . Niehaus voel hom lankal nie meer tuis tussen wit mense nie en met sy uitsprake probeer hy hard om Suid-Afrika se geskiedenis te verdraai. Bosman is ook reg as hy beweer dat pres. Cyril Ramaphosa apaties staan teenoor die gevaar wat opruiende uitsprake soos “Kill the Boer” vir die land as geheel inhou. Toe daar by hom gekla is, was…

DIE erge wisselvalligheid in die weer hierdie seisoen het met die voorkoms van hoër humiditeit, koeler aande en sclerotinia-spore die ideale driehoek voltooi om dié siekte, wat tot stam- en kopvrot lei, te laat opvlam. “Sclerotinia is ’n weerverwante siekte. Eerstens moet die patogeen aanwesig wees by die gasheer, en as jy dan ook hoër humiditeit en koeler nagte kry, is die siektedriehoek voltooi en lei tot ’n swamuitbreking,” sê Nelis Potgieter, areabestuurder van Pioneer in Noordwes. Volgens hom sien hulle tans dat veral sonneblomlande in hoofsaaklik die westelike dele van die somerreëngebied kolkol geaffekteer is. “Die uitbreking is nog nie so erg soos drie jaar gelede nie. Indien meer bewolkte weer in Februarie voorgekom het, soos wat ons verwag en gehoop het, sou dit nie so ’n probleem gewees…

WANDILE SIHLOBO, hoofekonoom van Agbiz, sê Suid-Afrika kan nie sonde met die bure bekostig nie. Suid-Afrika het verlede jaar sowat $13,7 miljard (sowat R245 miljard) se landbouprodukte uitgevoer, waarvan 44% na Afrika-lande. Sowat $0,90 uit elke $1 wat Suid-Afrika deur sy landbou-uitvoer na Afrika verdien het, kan aan uitvoer na die Suider-Afrikaanse streek toegeskryf word. Sihlobo sê in die afgelope paar jaar was daar wrywing tussen Suid-Afrika en sommige lande in dié streek. Dit sluit onder meer in die jongste verbod op die uitvoer van sommige groente na Botswana, wat in Desember aangekondig en in April herroep is, asook na Namibië, waar ’n soortgelyke verbod steeds van krag is. Tanzanië het op 24 April ’n verbod op die invoer van landbouprodukte, veral tafeldruiwe en appels, uit Suid-Afrika aangekondig, en twee…

Dit is tans die era van wanvoorstellings in ’n vinnig veranderende wêreldorde, waar nuwe handelsbande gesmee word wat nie meer geskoei is op die beginsel van vrye en regverdige handel met maksimum marktoegang tussen die lidlande van die Wêreldhandelsorganisasie nie. Nuwe handelsooreenkomste word gesluit op ’n sogenoemde transaksiegrondslag wat deur Amerika – as die wêreld se grootste ekonomie – gedryf word. Dit gaan wêreldhandelsvloei verander, asook die vloei van landbouprodukte, met nuwe aanpassings en onstabiliteit. Rabobank se ontleders meen in die gedwonge skepping van ’n nuwe handelsvloei – ook dié van landbouprodukte – gaan onstabiliteit nog ’n wyle voortduur. Die kans is goed dat Suid-Afrika sy voorkeurtoegang tot die Amerikaanse mark ingevolge die Agoa-wet gaan verloor (lees ook “In die kollig”). Daar is nou hernude klem op die hersiening van…

Boere werk binne ál korter seisoenstydgleuwe, daarom is betroubaarheid noodsaaklik, sê Kobus Moolman, areaverkoopsbestuurder van Bolt & Engineering Distributors (Groep) (B.E.D.) se landboulaer-afdeling. B.E.D. het kostedoeltreffende naverkoop-aandryfbande vir die Case 5- tot Case 7-stroperreeks bekend gestel, met planne om dit na stropers van John Deere en Claas uit te brei. “Ons bied Geringhoff-kettings vir stroperkoppe en trektoepassings (waaronder Dragoen John Deere-koppe), asook volledige laeroplossings vir byna die volle spektrum van landboumasjineriehandelsmerke.” Vir planttyd sluit SKF se Agri Hub-produkreeks naaflaers in wat ontwerp is vir hoër ladingsvermoëns en ’n lang gebruiksduur, dubbelry- hoekige kontakkoeëllaers wat aksiale en radiale ladings kan dra, robuuste kussingblokeenhede wat maklik is om te installeer, seëls wat vuiligheid buite en smering binne hou, hoëprestasie-landbourollerkettings en SKF-smeermiddeloplossings. Hoëwaarde-masjinerie verteenwoordig ’n groot belegging vir enige boer, wat beteken dat…

DIE noodwalle, wat ná die vloede in 2011 opgerig is, het die vloedwater in 2023 van die meeste wingerde en landerye weggekeer. Die departement van water en sanitasie het ’n paar dae voor druktyd reeds begin om die sluise in die Vaaldam toe te trek en die uitvloei uit die Bloemhofdam te verlaag om dit by die invloei uit die opvangsgebiede aan te pas. Die departement het op 4 Mei in ’n verklaring gesê dat die invloei in die Vaalrivierstelsel daal en die situasie bestendiger raak. Volgens die departement se syfers was die Vaaldam op 5 Mei 110% vol, met twee sluise steeds oop, en die Bloemhofdam was 107,5% vol, met die uitvloei wat op dié dag van 1 200 kumek na 800 kumek verlaag is. Die Suid-Afrikaanse Weerdiens het…

SES skeerders en wolhanteerders is op die Suid-Afrikaanse nasionale skeer-en-wolhanteringskampioenskap op die Bloemskou gekies om in Maart 2026 in Nieu-Seeland aan die wêreldkampioenskap deel te neem. Die twee beste masjien- en handskeerders in die land, asook die twee vaardigste wolhanteerders is in die Proteaspan opgeneem. In ’n opwindende tweestryd het Suid-Afrika se vinnigste masjienskeerders, Hans van Schalkwyk en Dumisani Xhasa, albei van DG Snyman Skeerdienste, mekaar in die ope afdeling die stryd aangesê. Albei skeerders het Suid-Afrika in die vorige wêreldkampioenskap in Skotland verteenwoordig. Volgens Dumisani, wat in 2003 begin skeer het, is die regte ingesteldheid die belangrikste faktor wat ’n skeerder beïnvloed. “Jy moet bereid wees om voortdurend te verbeter en aan te hou leer. Jy moet ook ’n passie vir hierdie werk hê. As jy nie die hart…

As jy nie jou eie besigheid ontwrig nie, gaan iets anders dit wel kom doen, staan daar in vet, swart letters in die e-pos wat CP en Gerda Kriek, direkteure van die Taaibosch-varkboerdery by Fochville in Gauteng, aan die wêreld gestuur het om gróót skuiwe in hul sake- en teelmodel aan te kondig. Die Suid-Afrikaanse varkbedryf het sowat 145 000 sôe, daarom is dit groot nuus as ’n varkboerdery soos Taaibosch, met ’n sogkudde van 2 700 en wat weekliks 1 300 varke bemark, besluit om ’n nuwe rigting in te slaan. Dit is om van die Taaibosch/ Genesus- rasegte teelkern waarvoor hulle deur die jare bekend geraak het, oor te skakel na ingekoopte Danbred-teelmateriaal met ’n gespesialiseerde jongsog- (gilt) eenheid en kommersiële varkboerdery. “Buiten vir die jongsog-eenheid is dit…

Veeboere kan met reg gefrustreerd wees – iets is nie pluis nie. Waarom styg die koste van insette sowel as die kleinhandelprys van rooivleis, maar die produsenteprys daal, of beweeg ten beste sywaarts? GRAFIEK 1 toon dié neiging – en dit is nie ’n mooi prentjie nie. Sedert 2022 het die jaarlikse gemiddelde van weeklikse groothandelpryse vir rooivleis, soos berig deur die RPO, deurlopend in alle kategorieë van sowel bees- as skaapvleis gedaal. Die deurlopende stygings in insetkoste plaas winsgewendheid dus toenemend onder druk. Elke veeboer wat tradisioneel speenkalwers en/of voerlammers aan voerkrale verskaf, kan dus met reg bekommerd wees – die winsdrempel word ál dunner. Geen wonder die aantal veeboere word ál minder nie. In 2021 het die mededingingskommissie in 'n verslag genoem dat die aantal beesboere tussen 2011…

Die lyne tussen ’n boerdery se geldsake en dié van die gesin vervaag dikwels, veral in tye van droogte. Kry eerder vroeër as later jou spaardoelwitte gereed voor dit aan die noodlot oorgelaat word. Dit is belangrik om so vinnig moontlik te begin spaar en vir finansiële onafhanklikheid voorsiening te maak. Selfs ’n klein bedrag elke maand maak ’n groot verskil oor ’n lang tydperk. Die volgende maak deel uit van ’n wyse beleggingstrategie. 1’n Noodfonds Boerdery en faktore wat buite jou beheer is, gaan hand aan hand. Daarom is ’n noodfonds só belangrik. Ekstreme weerstoestande, wisselende markpryse, hoë insetkoste of dieresiektes kan ’n groot impak op ’n boerdery se kontantvloei hê. ’n Noodfonds dien as vangnet vir onverwagte uitgawes, soos ’n bakkie wat onklaar raak of mediese koste. Ongelukkig…

Die Syngenta Boerekos Plaaskombuis op Nampo skep vanjaar weer die geleentheid om te wys hoe ineengevleg graanproduksie met die res van die voedselwaardeketting is. Sonder die landbou sal daar nie kos op die tafel wees nie, en daarvoor is geskikte plantmateriaal nodig. Vir Syngenta strek Nampo egter verder as die saad wat aan boere verkoop word. Dit gaan ook oor die navorsing en teling wat help om die saadprodukte te ontwikkel, regdeur tot by die eindverbruiker wat ’n toebroodjie, bord mieliepap of sosatie geniet. “Om gehaltekos te waarborg, is dit nodig dat voortdurend in navorsing, ontwikkeling en tegnologie belê word. Dit geld vir ons as maatskappy, maar ook vir boere wat produksie moet verhoog terwyl hulle in markbehoeftes voorsien. “Almal in die waardeketting se volhoubaarheid is geskoei op die genetiese…

Kerriehoenderpasteie Vulsel ■ 6 hoenderborsfilette■ Sout en varsgemaalde swartpeper na smaak■ 10 ml kerriepoeier, vooraf drooggebraai tot geurig■ 5 ml fyngekapte knoffel■ 10 ml fyngerasperde vars gemmer■ 5 ml komyn■ 3 ml droë brandrissievlokkies■ 1 suurlemoen, skil afgerasper■ 30 ml botter■ 30 ml olie■ 1 blik (410 g) tamatiepuree■ 10 ml bruinsuiker■ 10 ml mielieblom■ 160 ml room■ 2 rolle (400 g elk) blaardeeg■ 1 eier■ 45 ml melk Sny die hoenderborsfilette in klein blokkies en geur met sout en peper. Voeg die kerriepoeier, knoffel, gemmer, komyn en brandrissievlokkies by. Druk die suurlemoen se sap oor die hoender uit en meng goed. Laat staan vir 10 minute. Verhit die botter en olie in ’n kastrol tot matig warm. Braai die suurlemoenskil daarin vir ’n paar sekondes. Voeg nou die hoender…

Sukses of mislukking word grootliks bepaal deur veranderinge wat in ’n mens se lewe plaasvind. Die aard, die omvang en die wyse waarop die verandering benader word, sal uiteindelik die uitslag bepaal. In alle gevalle sal aanpassings die troefkaart wees. Hoe speel jy daardie troefkaart? Wie gaan jou help om die regte besluit te neem? Elke mens het ’n storie — jou eie storie om te vertel. In jou vertelling sal jy die plekke en tye kan aandui toe omstandighede jou gedwing het om ’n oorgang te maak, toe daar ’n afsluiting moes plaasvind, toe bande losgemaak moes word, toe jy die deur agter jou moes toemaak met die wete dat jy heel waarskynlik nooit weer deur dié deur sal stap nie. Sommige veranderinge kan met blye vooruitsigte tegemoet getree…

In die meegaande TABEL word ’n opsomming van grondtransaksies groter as 10 ha in die Vrystaat getoon vir die 12 maande tot November 2024. Oor dié tydperk is 686 ooreenkomste in 42 distrikte gesluit. In die proses is 338 484 ha teen altesaam R5,170 miljard verhandel. ’n Vergelyking per kategorie teenoor die vorige jaar toon die volgende: Grondverhandeling kleiner as 50 ha is 8% (10%), 50 ha tot 150 ha 12% (12%), 150 ha tot 300 ha 24% (24%), 300 ha tot 450 ha 19% (18%) en groter as 600 ha 25% (26%). Transaksies van 450 ha tot 600 ha het tot 12% (11%) toegeneem. Die verhandeling van grond van 300 ha tot 600 ha dui op ’n toename in vergelyking met die vorige 12 maande. Altesaam 57% van die…

PRODUKSIEVEILING Verwagtinge oortref op veldramveiling Die Alfa Angora-veldramveiling wat op 12 Februarie op die plaas Du Preezskraal by Willowmore in die Oos-Kaap gehou is, het bo verwagting goed afgeloop. Die duurste ram op die veiling is teen R21 000 aan Lodewyk Strydom van Rietbron verkoop. Altesaam 40 ramme is teen ’n gemiddelde prys van R12 013 opgeveil. Daarbenewens is 110 jong ooitjies teen ’n gemiddelde prys van R1 150 en 90 tweetandooie teen gemiddeld R1 614 verkoop. OVK Lewendehawe & Veilings het die veiling aangebied en die afslaer was Jakkie Nel. — JAN-HENDRIK DE VILLIERS Rekords spat op glansveiling DIT WAS ’n aand van spoguitrustings én spogpryse toe teelmateriaal van die room van Suid-Afrika se vleisboktelers op 16 April tydens die jaarlikse Black Tie Blue Blood-produksieveiling by De Eike, Rawsonville,…