Sommaire pour 18 May 2023 de Landbouweekblad

Doof vir dié krisis Die Rooivleisprodusente-organisasie (RPO) het sy stem gevoeg by herhaalde pleidooie dat die staat met die private sektor saamwerk om ’n einde te bring aan die dieregesondheidskrisis wat tans heers. Tekorte aan noodsaaklike entstowwe teen bloutong en Afrika-perdesiekte wat deur die staatsbeheerde Onderstepoort Biologiese Produkte (OBP) vervaardig word, het tot duisende vrektes gelei. Volgens James Faber, RPO-voorsitter, is daar boere wat tot die helfte van hul kuddes aan bloutong verloor het. Daar het niks gekom van ’n paneel wat ná ’n vergadering met Thoko Didiza, minister van landbou, grondhervorming en landelike ontwikkeling, met oplossings vir die krisis moes kom nie. Vlieg-vraagstuk Verwarring heers oor die wettigheid van lugbespuiting van gewasse en private vlugte na afgeleë plase en wildplase nadat die Burgerlugvaartowerheid (BLO) op 17 Maart nuwe regulasies…

Brics-vriende bied nog min voordele Suid-Afrika se Brics-lidmaatskap en veral sy steun aan Rusland rakende die oorlog in Oekraïne haal gereeld die nuus. Sydney Mufamadi, pres. Cyril Ramaphosa se veiligheidsraadgewer, was einde April in Washington, Amerika, om volgens Daily Maverick te probeer keer dat Suid-Afrika sy uitvoervoordele kragtens die Amerikaanse wet op groei en geleenthede (Agoa) verloor. Theo Venter, politieke ontleder, het vroeër op ’n simposium van die SA kunsmisvereniging Fertasa gesê Suid-Afrika se steun aan Rusland het veroorsaak dat hy nie soos vorige jare na die G7-beraad genooi is nie. Francois Strydom, voorsitter van die landbousakekamer Agbiz, het gewaarsku Suid-Afrika moet waak daarteen om nie sy handelsen beleggingsbande met Westerse lande, wat oor baie jare opgebou is, in gevaar te stel met sy standpunt oor Rusland nie. Die vraag…

JOHANN NEETHLING, ’n boer van Franshoek in die distrik Smithfield in die Vrystaat wat boerderybelange in die Boshof-distrik het, sê boere in die Boshof- en Dealesville-omgewing wag al twee jaar vir die afhandeling van hul skadevergoedingseis vir ’n brand daar. Eskom-werknemers het volgens Neethling aan ’n kraglyn in die distrik Boshof gewerk en ’n brand veroorsaak terwyl die wind teen 40 km/h gewaai het. “Derduisende hektare kosbare winterweiding het afgebrand en honderde stuks vee het doodgebrand.” Volgens Johan Terblanche, brandbeskermingsbeampte van die Goudveld-brandvereniging in die Vrystaat, het die brand op 20 Mei 2021 uitgebreek en het altesame 22 269 ha gebrand. Die 19 eisers se skade word op R44,5 miljoen geraam. Die brandvereniging het destyds voer en voerkorrels gereël en Terblanche, wat ook ’n veldbrand-ondersoeker is, het die forensiese ondersoek…

Uitvoerders moet in ag neem wat vir Japannese verbruikers belangrik is. Die Japannese glo volgens Le Roux byvoorbeeld dat minder meer is. Hulle is ook uiters gesteld op gehalte en premieprodukte, en sal daarom selde tweede beste aanvaar. Japannese verbruikers skroom ook nie om te betaal vir goeie gehalte nie. Die voorkoms van etikette, inligting op etikette, verduidelikings oor produkte, agtergrondstories, pryse en die vertoning van die produk speel ook ’n groot rol in Japannese verbruikers se aankope. Daarby verkies hulle dat al hierdie inligting in hul moedertaal verskyn. Met hierdie kennis kan Suid-Afrikaanse produsente wat daarheen wil uitvoer, hul produkte reg posisioneer, verpak en bemark. Die Japan-Suid-Afrikasakeforum is verlede jaar op die been gebring om aandag te gee aan uitvoerkwessies tussen die twee lande. Die doel van die forum…

Dit is een ding om ’n hommeltuig te vlieg, maar iets heeltemal anders om spuittoepassings te doen, sê Piet du Toit van Drone Dusters op Oudtshoorn. “Elke tweede mens wat ’n hommeltuiglisensie het, koop deesdae vir hom ’n landbouhommeltuig en begin bespuit. Die meeste het egter geen idee van spuitkoppe (nozzles) of hoe om die vorteks te beheer nie. Hulle weet dus nie van al die klein dingetjies wat juis aan hommeltuie hul voordele gee nie. Wanneer die resultate nie aanvaarbaar is nie, kry die hommeltuig die skuld, maar dit is eintlik kennis oor boerderyhommeltuie wat ontbreek.” Hy maan boere moet hul huiswerk doen voor hulle kontrakteurs aanstel.…

Naam: Piet du Toit, bedryfsbestuurder van Drone Dusters Ligging: Oudtshoorn Piet du Toit, bedryfsbestuurder van Drone Dusters op Oudtshoorn, meen dié vier funksies van hommeltuie is opwindend vir die landbou: 1. Seël van gronddamme “Ek sien ’n groot geleentheid hiervoor, maar dit is nog ’n nuwigheid. Voorheen is Damit, ’n produk wat oor water gestrooi word om gronddamme te seël, met roeibootjies versprei, maar Drone Dusters was die eerste (wêreldwyd) wat dit suksesvol met hommeltuie gedoen het. Dit word nou reg oor Suid-Afrika gedoen.” 2. Saai en spuit Veral vir kleiner boere, wat nie altyd ’n planter kan regverdig nie, is hommeltuie nuttig om korreltipe saad (soos tef) uit te strooi. Dit geld ook bespuiting van chemiese middels, hoewel nie alle middels al vir lugbespuiting gesertifiseer is nie. 3. Korte…

Brief uit die buiteland Hoe het jy in Nieu-Suid-Wallis beland? Ek boer sedert die 1980’s op Kruisrivier, ons familieplaas naby Eendekuil in die Wes-Kaap, met koring, skape, rooibostee en beeste. Ek was 37 toe ek ’n plaas op Halfmanshof gekoop het waar ek met koring, granate, skape en rooibostee boer. Sowat elf jaar gelede het ek gaan stilsit om die pad vorentoe vir myself uit te werk. Wat gaan die beste vir my nageslag en my beleggings vorentoe wees sodat ek die pionier en argitek van my nageslag kan wees? Dit was nie ’n ligtelike besluit nie, maar ná ’n jaar het ek besluit ek moet my beleggings tot ’n mate verskuif en na die buiteland uitbrei. Aanvanklik wou ek residensiële eiendom koop, maar het later besluit om liewer landbougrond…

Speelgoed vir die moderne jong boer Twist se reeks plaasspeelgoed is só realisties dat dit die boer in enige jongeling sal aanwakker. Die jongspan se staalplaastoerusting vorm deel van Twist se reeks opvoedkundige staalspeelgoed. Stephanie Strauss het die behoefte aan ouskool-speelgoed raakgesien en só het Twist ontstaan deur die bou van ’n staalklimraam vir haar eie dogtertjies. Vandaar het ’n hele reeks buitespeelgoed gevolg. Stephanie se pad het met Santie le Roux gekruis. Met haar oog vir detail het Santie die hele plaasreeks se ontwerp verfyn dat dit veilig en baie stewig is. Hulle beoog om die reeks nog heelwat uit te brei. Die reeks sluit hedendaagse toerusting in wat jy op ’n moderne plaas sal vind in speelgoedvorm. Dit bestaan tans uit ’n mobiele kraal (laaibank, ses lang kraalhekke…

Geldbeplanning Omdat trusts ’n baie belangrike element van boedelbeplanning uitmaak, word daar baie trusts opgerig en word trustees benodig om ’n trust te administreer. Daar is dus baie mense wat trustees van trusts is. Die Wet op die Beheer van Trustgoed (Wet 57 van 1988) bepaal dat daar van ’n trustee verwag word om in ’n uiterste mate van goeie trou teenoor die begunstigdes van ’n trust op te tree. Daar word van ’n trustee verwag om met die mate van sorgsaamheid op te tree wat van iemand verwag kan word wat ’n ander se sake behartig. Die sorgsaamheidsplig is dus strenger as wat verwag word wanneer jy met jou eie bates handel. Indien jy ’n trustee van ’n trust is, word onder meer die volgende van jou verwag: ■…

VERGADERINGS 25 MEI: Jaarvergadering, Wes-Kaapse Rooivleisprodusenteorganisasie. Tema: Relevansie van die RPO. Spreker: Callie Roos. Delsma-plaas, Riebeek-Kasteel. Registreer teen 5 Mei. Helena van Eeden, 021 860 3806; e-pos: helena@awk.co.za 17 AUGUSTUS: Jaarvergadering, Charolais-beestelersgenootskap, Monté Bello-landgoed, Bloemfontein. June Wiid, 051 410 0953. 6-8 SEPTEMBER: Jaarvergadering en kongres, Wagyu SA. Navrae: office@wagyu.org.za KONFERENSIES 1-2 JUNIE: Konferensie oor onbemande vliegtuie en hommeltuie. Birchwood-hotel, Johannesburg. Navrae: admins@bussynetadva.co.za 5-8 JUNIE: 8ste Afrika Landboubesigheid-en-wetenskapweek (AASW8), Durban Internasionale Konvensiesentrum. AASW8 is ’n platform vir wetenskaplikes, voorligtingsdiensverskaffers, onderwysers, landbou-ondernemings en beleidmakers. Tema: Koppel landboubesigheid met wetenskap en vernuwing vir volhoubare landbou en voedselstelsels. Web: bit.ly/3Vn0yBs; e-pos: jennifer@jrpr.co.za 29-30 AUGUSTUS: Nasionale mielie-en-sojaboonkongres, Sun Park-sentrum, Sun City. Die hoofspreker is Randy Dowdy, wêreldrekordhouer vir sojaboonopbrengs onder besproeiing. Vermaak deur Ricus Nel en Pietman Geldenhuys. Elim, 012 252 4455, e-pos: info@elimfertiliser.co.za 30-31…

Vreugde. Dit was ’n roerende oomblik toe Otto Bekkers, afrigter en vertoner van Willie Conradie se stal van Viljoenskroon, die grootkampioenskap vir ’n parkperd op die Suid-Afrikaanse Saalperd-kampioenskapskou op die Bloemskou gewen het met Captain Hollywood, ’n perd van Marius Wehrmeyer van Bothaville. Otto het gesê dit was sy grootste oomblik in 29 jaar van afrigting. Hier gee hy die perd ’n drukkie oomblikke nadat hy uit die arena gery het. Dié kampioenskap is die grootste opelug-Saalperdskou ter wêreld met net minder as 900 perde wat vanjaar deelgeneem het. Die Bloemskou vier vanjaar sy 140ste verjaardag en gaan van krag tot krag. Daar was uitsonderlike belangstelling in die wêreldkampioenskapskoue vir Boerbokke, Savannas en Kalahari Reds, en 10 beesrasse het aan die interrasvleisbeeskompetisie deelgeneem. Meer as 100 000 mense het die…

DIE pluimveebedryf skep na raming minstens 110 000 werkgeleenthede, waarvan ’n groot deel onregstreeks is. Die voordele van ’n belegging in die hoendervleisbedryf strek dus veel wyer as net binne die bedryf alleen. Benewens regstreekse nuwe werkgeleenthede in ’n vleisverwerkingsaanleg op braaihoenderplase, is meer voer en ander insette ook nodig. ’n Belegging bring dus ook ’n groter vraag na voergrondstowwe en hou só voordele vir onder andere graanboere in. Marthinus, met jou aanstelling by Rainbow begin 2021 is van jou verwag om ’n omkeerstrategie in werking te stel. Is hierdie belegging deel daarvan? Inderdaad, die Hammarsdaleprojek is een van die kernelemente in ’n vyfjaarplan wat ons vir die omkeerstrategie opgestel het. Ander doelwitte sluit in die verlaging van produksiekoste en die inbring van nuwe genetiese materiaal. Ons vorder goed met…

Uit: Die Landbouweekblad, 6 Mei 1953 Baanbreker van die sandveld Hier in die sogenoemde stofkom beheer boere hul vee, hul saad en hul masjinerie, maar nie hul veld en grond nie, skryf SP NAUDÉ. Waar die Vetriver in die wye boog van die Vaalrivier vloei, kring die hoogland golwend voor die oog uit na die suide en ooste om Hoopstad. Dit is ’n plek waar rampe soms genadeloos tref as die mielielande van dors vergaan, die veld verskroei lê en verstikkende stof met die wind bloedrooi deur die hemel dreun. Maar met die somerreën ontwaak die lewe soos nêrens elders nie in die sagte hart van die sandveld. Dit is is die geboorteveld van die Afrikaner-bees. Vandag is die uitgestrekte beesplase iets van die verlede. Hier is vandag mielies en…

Johan Terblanche, veldbrand-ondersoeker, sê die volgende is voorbeelde van ondersoeke wat hy na brande in die Vrystaat gedoen het en waarin hy bevind het dat Eskom die brande veroorsaak het. • 19 Junie 2016: Eskomdrade veroorsaak ’n brand in ’n mielieland naby Bultfontein waarin 12 ha mielies afbrand. Die skade is beraam op R257 225. Eskom het R35 000 uitbetaal. • 20 November 2017: ’n Brand begin op die plaas Tweefontein naby Theunissen. 921,8 ha brand op sewe plase. Die skade beloop sowat R1,8 miljoen. Twee jaar later betaal Eskom 60% van die skade uit. • 5 Junie 2018: ’n Veldbrand begin by Everesttransmissiestasie naby Hennenman. Die skade beloop R123 465. Dit word ná twee jaar ten volle uitbetaal. • 24 Augustus 2018: ’n Brand ontstaan op die plaas Rapenthal…

DIE Rooivleisprodusente-organisasie (RPO) het onlangs sy Visie 2030 vir die primêre rooivleisbedryf bekend gestel. Hierdie strategie het die potensiaal om R12 miljard tot die netto waarde van die rooivleisbedryf te voeg. Daarin word bepaal dat die RPO vernuwe ten opsigte van dienslewering. Dié organisasie se doel is om dienste aan alle rooivleisprodusente in Suid-Afrika te lewer om hul winsgewendheid en volhoubaarheid te verseker. Luidens ’n verklaring het die dienste wat deur die RPO gelewer word, ’n strategiese impak op die bedryfsomgewing deur middel van die beïnvloeding van regulasies en statute. Op bedryfsvlak bemagtig die RPO sy lede met inligting en tegnologie en stel hulle só in staat om hul boerderye te laat groei. “Ons moet ’n volle spyskaart van produkte en dienste opbou sodat die RPO ’n alles-in-eenstop vir sy…

Prof. André Jooste van die Universiteit Stellenbosch se departement landbou-ekonomie meen die Suid-Afrikaanse landbou kan nie bekostig om nié verteenwoordiging in die Brics-groepering te hê nie. “Indië, China en Rusland is uiters belangrike alternatiewe markte vir plaaslike landbouprodukte wat uitgevoer word. Selfs Brasilië, wat ’n groot uitvoerder van landbouprodukte is, bied op ander vlakke as primêre kommoditeite geleenthede vir Suid-Afrika om daarheen uit te voer.” Voorts meen hy die uitruil van tegnologie en navorsing tussen die Brics-lande asook sodanige samewerking is belangrik. “Suid-Afrika is die spreekwoordelike ‘kleinboet’ in die verhouding, maar deur takties te wees, kan ons die potensiaal wat dié lande bied, ontsluit. Dit gaan egter politieke wil verg.” Om sy stempel te kan afdruk, moet Suid-Afrika volgens Jooste op vele gebiede in plaaslike kapasiteit belê. “As die huidige…

Naam: Arie van Ravenswaay van die Wes-Kaapse departement van landbou Ligging: Elsenburg buite Stellenbosch “Ek dink die tegnologie wat rondom hommeltuie gebou gaan word, is die grootste faktor vir die toekoms,” sê Arie van Ravenswaay, assistent-direkteur van innovasie, tegnologie-ontwerp en oordrag by die Wes-Kaapse departement van landbou op Elsenburg buite Stellenbosch. Hy meen dat “fyner, beter en skerper” tegnologie vorentoe wag. “Hommeltuie gaan nuwe tipe sensors kry of die huidige sensors gaan verskerp word. Waar ons ’n paar jaar gelede 3 miljoen datapunte met ’n 24 minuut-vlug kon insamel, kan ons LiDAR-hommeltuig nou 240 000 datapunte per sekonde opneem. Alles raak dus akkurater en jy het meer om mee te werk en menslike foute uit te skakel.” Hommeltuie se batterykapasiteit verbeter ook. Vir Arie is die belangrikste egter die tegnologie…

1. Hoe sien jy die toekoms van hommeltuie in die landbou? Hommeltuie sal toenemend belangrik wees. Namate hulpbronne soos water en grond skaarser word en die koste van produksiemiddele, soos kunsmis en arbeid, styg, raak dit broodnodig vir boer om doeltreffender te boer. Presisielandbou, in groot én klein ondernemings, is ’n manier om dit reg te kry en seker te maak die hulpbronne word ten volle benut en gebruik waar dit die nodigste is. Hommeltuie is belangrik vir presisielandbou, of dit die monitering van gewasprestasie deur lugbeelde en spektrale inligting is, die toediening van produksiemiddele of die doeltreffender bekamping van onkruid. Presisielandbou vereis kennis van elke produksie-eenheid op jou hele plaas. ’n Boer het ’n paar opsies, maar beeldvorming (imagery) is ’n kragtige manier om op groot skaal data in…

Waar dit begin het Van Zyl Staalwerke is ’n volwaardige familiebesigheid. Dit het in 1983 op Reitz in die Vrystaat begin as ’n eenmansaak met my skoonpa, Gawie van Zyl. Hy was eintlik ’n motorwerktuigkundige en die besigheid het begin om herstelwerk aan landbouwerktuie te doen. Hy het self in die werkwinkel gewerk. ’n Deel van die ontwikkeling van enige besigheid wat klantediens lewer, is die ontstaan van ’n behoefte vir ’n spesifieke produk. Van Zyl Staalwerke het dus die pad saam met boere begin stap en baie van die idees het van klante gekom. Dit is hoe die besigheid se oorgang van suiwer herstelwerk na vervaardiging van werktuie plaasgevind het. Nou, 40 jaar later, is ek betrokke as direkteur van die algemene besigheid. Gawie se twee seuns, GJ van…

Die Nampo-oesdag het laas jaar ná ’n afwesigheid van twee jaar ’n baie suksesvolle terugkeer na die landboukalender gemaak. Besoekers was uitgehonger om in persoon met mekaar om te gaan en sowat 73 000 besoekers het die skou besoek. Dit ten spyte van beperkings op getalle en vereistes vir toegang wat nog gegeld het om by die regering se regulasies oor covid-19 te hou. Vry van dié inperkings is vanjaar se 55ste Nampo-oesdag reg om van 16-19 Mei sy plek as leier in die tentoonstelling van landbouvooruitgang vol te staan. Dié skou word soos gewoonlik op Nampo-park by Bothaville in die Vrystaat gehou. Vanjaar se tema van “Innoverende landbou” bevestig die opbouende bydrae wat die Nampo-oesdag tot die toekoms van die bedryf lewer. Dit is onder meer te sien in…

Die olie-inhoud van sonneblomme het die afgelope paar jaar gedaal weens die klem op opbrengs. Dié neiging het ’n invloed op die winsgewendheid van die oliebedryf. Volgens kenners is die gemiddelde olie-inhoud van beskikbare kultivars in Suid-Afrika heelwat laer as dié van kultivars in Argentinië en die Baltiese lande. Topteelmateriaal Syngenta word allerweë beskou as die wêreldleier in sonneblomteelmateriaal. Met die samesmelting van Syngenta en Sensako het Sensako direkte toegang bekom tot sonneblomteelmateriaal van topgehalte. Volgens Andries Wessels, verkoops- en produkontwikkelingsbestuurder vir saad by Syngenta, kry die sonneblomprodusent nou die voordeel van die nuutste genetiese eienskappe en hoë-olie-inhoudkultivars met bykomende weerstand teen onkruiddoders. Charles Basson, sonneblomteelprojekleier by Syngenta, sê in die Syngenta-sonneblomteelprogram konsentreer hulle op die volgende belangrike en noodsaaklike eienskappe: ■ Olie-inhoud. Die benadering is om vroeg reeds vir…

GAUTENG PRETORIA KAMEELDRIFT (313), 31 ha, aan Familia Game Breeders (Edms.) Bpk., van B.H.G. Terblanche en P.M. Terblanche, R2 950 000. LEEUWFONTEIN (299), 27 ha, aan G.J. en M.J. van den Berg, van M.C. de Beer, R2 000 000. MOOIPLAATS (355), 49 ha, aan Foxtail Prop (Edms.) Bpk., van 8 Mile Inv 367 (Edms.) Bpk., R8740000. KWAZULU-NATAL BALLITO DRIE FONTEINEN (1127), 56 ha, aan Bayson (Edms.) Bpk., van G.C. Heenan, R9 410 000. LIMPOPO LEPHALALE BOSCHPOORT (551), 50 ha, aan Locharma Commission Services & Spares BK, van HGC Prop BK, R2 550 000. MARBLE HALL ROTTERDAM (12), 171 ha, aan Fenverse Trad (Edms.) Bpk., van C. Snyman, R3 500 000. MODIMOLLE DE NAAUWTE (393), 734 ha, aan Le Grace-trust, van Waterfontein-boerdery (Edms.) Bpk., R8 500 000. ROTTERDAM (538), 343 ha,…

Die gemiddelde prys van Dorpers op nasionale veilings asook klub- en private veilings bly goed vergeleke met veilings in 2022. Mnr. Attie Westraad, rasdirekteur van die Dorper-telersgenootskap, sê die ras se nasionale veiling verlede jaar in Upington se gemiddelde prys vir die 158 Dorper- en wit Dorper-ramme was R20 273 teenoor die vorige jaar se gemiddeld van R18 277. Dorper- en wit Dorper-ooie het gemiddeld R13 197 behaal. Dit is ’n styging van 28% teenoor verlede jaar. Die omset van R4 509 500 verteenwoordig ’n styging van 12,5% teenoor die vorige jaar. Die gemiddelde prys van ooie op die afgelope nasionale veiling in Maart in Pretoria was R8 314 teenoor 2022 se R9 446, terwyl die ramme R14 823 (’n daling van net meer as 10% is teenoor 2022) behaal…

0,8% Die herstel van die ekonomie ná die covid-19-pandemie sal die piepklein netto daling van 0,8% in Suid-Afrika se jaarlikse kweekhuisgasvrystellings van 2000 tot 2020 waarskynlik omkeer. Dit is luidens die departement van bosbou, visserye en omgewingsake se jongste verslag hieroor. Vrystellings het van 2017 tot 2020 met 5,9% gedaal vanweë die covid-19-pandemie, maar was in 2021 weer hoër as in 2020. Dié stygings is ’n wêreldwye neiging. – Bizcommunity 8% Internasionale voedselpryse kan vanjaar met 8% daal, maar sal steeds op die naashoogste vlak sedert 1975 wees. Jaarlikse wêreldwye voedselprysinflasie was in Februarie 20%, die hoogste in die afgelope 20 jaar. Mielies was in Maart byna 16% goedkoper as ’n jaar gelede, koring 24%, sojabone 12,7% en rys 12,8%. Na verwagting sal kunsmispryse met sowat 37% daal en brandstofpryse…

Anderkant die reënboog Hoeveel jaar lank kla, pleit en dreig die veebedryf nou al oor die onuithoudbare situasie met die nimmereindigende tekorte aan noodsaaklike entstowwe? Vergadering ná vergadering word agter geslote deure belê. Daar word mooi gepraat, gepaai en hulp aangebied. Kan ons asseblief net die probleem oplos? word daar gesmeek. Op ’n noodvergadering tussen die minister van landbou, grondhervorming en landelike ontwikkeling en die bedryf se dieregesondheidsforum op 30 Maart is ’n subkomitee aangestel om met dringende oplossings vorendag te kom. Die minister wou teen einde April antwoorde hê. Maar hier is ons reeds diep in Mei en die komitee het nog nie eens vergader nie. Intussen vrek diere. Perde van perdesiekte en skape van bloutong. Op plekke tot 50% van boere se kuddes, sê James Faber, voorsitter van…

ESKOM het by navraag oor sy hantering van eise vir skadevergoeding rakende brande gesê hy streef eerstens na ’n “geen eis”-situasie. Waar eise wel ontstaan, is dit belangrik om te verstaan dat nie alle eise geldig is nie. “As ’n brand op jou eiendom uitbreek en jy vermoed dat dit Eskom-verwant kan wees, is dit belangrik dat jy dit by Eskom aanmeld. Onthou om jou verwysingsnommers te hou. “Moenie wag totdat jy al die bewyse het voordat jy die brand by die kontaksentrum aanmeld nie. Indien jy te lank neem om ’n eis in te dien, word dit moeilik om die oorsaak van die brand te bewys, veral ná reën of herstelwerk. “Die eiser moet ’n deeglike beskrywing van sy verliese voorsien, met bewyse. In die geval van veldbrande word…

Rubriek KORTOM ■ Markte verdiskonteer reeds ’n rekordmielie-oes van sowat 155 miljoen ton in Amerika. ’n Redelike deel daarvan gaan van Oktober 2023 af uitgevoer word. ■ Die eerste plantvoorneme vir winterkoring dui op ’n afname van sowat 4,3%. ■ Suid-Afrika sal na verwagting in die huidige bemarkingsjaar 3,25 miljoen ton mielies (hoofsaaklik geelmielies) en 350 000 ton sojabone uitvoer. Die jongste skatting van die somergraanoeste wat nou ingesamel word, dui op goeie oeste die derde agtereenvolgende jaar met voldoende voorraad beskikbaar vir die binnelandse mark en redelike uitvoerbare hoeveelhede. Die uitvoerbottelnek by die hawens het tot gevolg dat graan en oliesade op die binnelandse mark ophoop, met die gevolg dat pryse laer is as vergelykbare uitvoerpryse. In die geval van geelmielies en sojabone is die plaaslike pryse volgens Graan…

Die RPO wil ’n besigheidsontwikkelingsbeampte aanstel om die sigbaarheid van die rooivleisprodusentemark te vergroot en meer lede te werf. (Sien advertensie hiernaas.) Die primêre metode om lede te werf sal na gelang van ’n ondersoek na ledebehoeftes plaasvind. Die produkaanbieding sal aangepas word om in die behoeftes van al sy lede te voorsien. Die lewering van produkte en dienste is ’n kombinasie van sentraal gelewerde produkte en dienste. Die nege provinsiale RPO’s sal ’n belangrike rol in dié verband speel. Die rol van die nuwe besigheidsontwikkelingsbeampte sal wees om die RPO se produkte en dienste sigbaar te maak, nuwe toetreders ter ondersteuning van die organisasie bekend te stel, en alle lede aanmoedig om die beskikbare steun te verken. Daar sal ook na kostedoeltreffende lewering van dienste gekyk word.…

’N WÊRELDWYE inisiatief wat daarop gemik is om die vrywillige koolstofmark te laat groei, het standaarde bekend gemaak wat hy hoop die mark deursigtiger sal maak. Dié mark, wat $2 miljard (sowat R36 miljard) beloop, het tot dusver gesukkel met geloofwaardigheid. Die integriteitsraad vir die vrywillige koolstofmark (ICVCM), ’n onafhanklike bestuursinstelling, het die riglyne bekend gemaak. Dié mark is tans vrywillig en ongereguleerd met baie verskillende standaarde en benaderings. Die vraag na koolstofneutralisasie, wat deur projekte soos die aanplant van bome of gebruik van skoner kookbrandstof geskep word, sal na verwagting groei namate maatskappye probeer om die krediete te gebruik wat hulle help om hul doelwit van zero vrystellings te bereik. “Hierdie riglyne is ’n belangrike stap in die rigting van ’n deursigtige, gereguleerde mark waar kopers maklik koolstofkrediete wat…

Naam: Jacques van Zyl van Tangelo Citrus Estates Gewasse: Sitrus en groente Ligging: Swellendam Jacques van Zyl, sitrus-engroenteboer van Tangelo Citrus Estates naby Swellendam, verrig sowat 80% van sy boerderypraktyke met die hulp van hommeltuie. “Dit sluit in bespattings, oesskattings en boomgesondheid. Al wat ons deesdae nog met die trekkers doen, is die hoëvolumebespuitings waarvan jy nog nie kan wegkom in die sitrusbedryf nie.” Hy is al ’n hele paar seisoene besig met hommeltuigtegnologie op die plaas, en hoewel hy meesal kontrakteurs kry om die werk te doen, is Jacques onlangs as hommeltuigvlieënier opgelei. Die boerdery het nou sy eie hommeltuig aangekoop. “Ons het aanvanklik vlugte oor 1 ha gedoen, tot ek besef het dit werk goed. Daar het ek die gaping gesien. Sedert ons hommeltuie gebruik, het ons baie…

RubriekVeldbestuur KORTOM ■ Daar was in die afgelope jare ’n kennisontploffing op die gebied van veldbestuur. ■ Vandag word besef dat die grond nie net ’n medium is om plante te anker nie, maar ’n lewende, integrale deel van ’n ingewikkelde stelsel is. Daar word vertel dat die wetenskaplike Albert Einstein nooit eksamenvrae meer as een keer in sy vraestelle gebruik het nie, met een uitsondering. Sy assistent aan die Princeton-universiteit het altyd sy vraestelle nagegaan voor dit na die drukker gestuur is. Een jaar het hy opgemerk dat die professor een van die vorige jare se vraestelle net so vir sy studente wou aanbied. Hy het gedink die verstrooide proffie het dalk ’n fout begaan en het hom daaroor gepols. “Nee,” was sy antwoord, “dit is korrek só –…

Vleisbroodjie Toe ek ’n kind was, het ek altyd gewonder wat die meatloaf is waarvan die Amerikaners in televisieprogramme gepraat het. Jy kan van enige frikkadelmengsel van jou keuse ’n vleisbroodjie maak. Ek hou van hierdie resep omdat dit bruinrys inhet, wat nie net ekstra tekstuur aan die broodjie gee nie, maar dit ook help bind. Met ’n lekker slaai hierby is dit al wat jy nodig het vir ’n voedsame, sakpas-aandete. ■ 125 ml bruinrys ■ 1 ui, gerasper ■ 250 g beesmaalvleis ■ 250 g varkmaalvleis ■ 6 ml sout ■ Varsgemaalde swartpeper na smaak ■ 1 groot wortel, geskraap en fyngerasper ■ 30 ml tamatiesous ■ 30 ml worcestersous ■ 1 ekstragroot eier, geklits ■ 30 ml fyngekapte vars pietersielie ■ Olyfolie Kook die rys tot gaar,…

Sluitingsdatum: 25 Mei 2023 Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: Inheemse boom. Lees op bl. 98 hoe dit werk. WEN BOEREPLAAS BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 99 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelnee Die wenners sal die oorspronklike, voltooide blokraai en hul besonderhede moet verskaf. Geen werknemers of h gesinne van Media24 en sy reklamemaatskappye mag deelneem nie. Die sluitingsdatum is 25 Mei 2023. Geen posstukke…

Die volgende ontleding van grondverkope in Suid-Afrika is van transaksies vir grond groter as 10 ha in Mpumalanga, die Noord-Kaap en Noordwes van April verlede jaar tot Maart vanjaar. In 83% van die distrikte in Mpumalanga was daar gunstige prysneigings. Daar was altesaam 389 transaksies in ses distrikte. Dit het 75 943 ha teen R2,566 miljard behels. Pryse by Komatipoort het met 14,7% gestyg. Altesaam 259 transaksies is in 20 distrikte in die Noord-Kaap gesluit. Dit het 505 527 ha teen R1,651 miljard behels. In 30% van die distrikte is gunstige prysneigings waargeneem. Pryse het met meer as 10% gedaal by Gordonia (23%), Carnarvon (20,1%) en Richmond (16,4%). Dit het met 24,9% gestyg by Kenhardt. ’n Verbetering in grondpryse is opmerklik in sewe distrikte (50% teenoor 35% die vorige jaar)…

’n Hoogste prys van R1,1 miljoen vir ’n dragtige koei en R800 000 vir ’n vers was die hoogtepunt op die derde nasionale Ankole-veiling wat by Bona Bona Game Breeders tussen Klerksdorp en Wolmaransstad in Noordwes gehou is. Die koei, Merlot NANK 06-006, is deur Daniël Naudé, eienaar van die Benella-stoetery en wynmaker van Stellenbosch, verkoop. Die koei is 17 jaar oud, maar kan danksy hierdie beesras se langlewendheid nog tot op 23 jaar oud kalf. Die koper was MJ Ernst van Bona Bona. Naudé het ook ’n vers, Kiona DFN 22-028, vir R640 000 verkoop. Sy is ’n kalf van Merlot wat vir R1,1 miljoen verkoop is. Op verlede jaar se nasionale veiling het Naudé ook die hoogste prys van R1,65 miljoen vir ’n bul, Cumulus NANK 10-120, behaal.…

Hoe het jy in die afslaersbedryf beland? En hoe lank is jy al ’n afslaer? Ek is van kindsbeen af saam met my pa, Andries, en oupa, Hendrik van Aswegen, veilings toe. Later het ek by kerke en skole goed opgeveil en was ek aan en af met veilings besig. Ek is Botswana toe waar ek perde- en jagsafari’s in die Okavangodelta gelei het, maar het in 2014 teruggekeer en in 2016 weer heeltyds begin veilings doen. Jy het jou eie aanlyn veilingsplatform, CDP Online/Aanlyn. Hoekom het jy dit ontwikkel? Dit was om mense te help wat nie veilings kan bywoon nie. Dit was nog voor covid-19 en bek-en-klouseer. Die platform is so gebruikersvriendelik en werk teen so lae bandwydte dat ons ongelooflik goeie aanlyn deelname by veilings het –…