Sommaire pour August 2016 de Idees

Ek was selde in my lewe al so kniediep in verfkaarte, muurmates, ligkatalogusse, meubelwebtuistes, toonkamers en inspirasieborde soos vanjaar. In elk geval selde terwyl daar absoluut níks in my eie huis gebeur nie. Eers was dit my vriendin wat nog altyd gesweer het sy koop níks as daar enige werk aan gedoen moet word nie, wat verlief geraak het op ’n berg­erf met die allermooiste see­uitsig. Al wat gekort het, was ’n bouer en ’n klompie idees. En so het ek langafstand help bou, uitsoek, kleure kies en raad gee totdat ek uiteindelik teen die berg kon gaan kuier in ’n splinternuwe huis wat terselfdertyd baie bekend gevoel het. Enkele maande later en ek is weer daar. Dié keer was ek en Carin al die pad Cullinan toe waar ons…

Mungo-fieke nuwe winkel Die tekstielmaatskappy Mungo het pas sy nuwe winkel by Houtstraat 78 in die hart van Kaapstad geopen. Die grondvloer is steeds die tuiste van hulle reeks tafellinne, beddegoed en oorgooidekens, maar af met die trappe wag ’n verrassing: ’n mikrospinnery. Hier ontmoet kontemporêre tekstielontwerp en tradisionele vervaardigingsprosesse op ’n gerestoureerde antieke weefraam. • Gaan na die webwerf mungo.co.za vir meer inligting. welkom, WOEF! Om vir ’n nuwe babahondjie te sorg is nie kinderspeletjies nie, maar Benji and Moon se beginnerspak met basiese benodigdhede vir viervoetvriende behoort sake te vergemaklik: Dit bevat twee keramiekbakke, ’n leerhalsband en leitou, en natuurlike sjampoeseep. Jy kan ook ’n naamplaatjie laat graveer. Die beginnerspak is ’n gemeenskapsprojek en ’n persentasie van die verkope word aan Community Led Animal Welfare (CLAW) geskenk. Besoek…

Plaas groot eiers in ’n kastrol en bedek dit met koue water sodat die eiers minstens 2 cm onder die water is. Verhit dit oor matige tot hoë hitte tot kookpunt. Stel die alarm sodra die water begin kook. Verlaag die hitte, indien nodig, sodat die water stadig en eweredig prut. As die water te vinnig kook, sal die doppe kraak. 1 Stel die alarm vir 2 minute as jy saggekookte eiers verkies. 2 Stel die alarm vir 4½-5 minute as jy mediumgaar eiers verkies wat nog ’n bietjie sag is in die middel. 3 Stel die alarm vir 7-8 minute vir hardgekookte eiers. Spoel die eiers onder koue water af sodra jy dit uit die kastrol skep en plaas dit in ’n bak met yswater. Laat die eiers vir…

Maak: omtrent 150 ml Bereidingstyd: 15 minute Gaarmaaktyd: 12-15 minute • 125 g botter • 2 groot eiergele • 15 ml suurlemoensap • 15 ml witwynasyn • 5 ml dijonmosterd (opsioneel) Smelt die botter en skep die soliede wit stukkies af wat na die oppervlak kom. Klits die eiergele, suurlemoensap en asyn saam in ’n bak. Voeg 5 ml koue water, ’n knypie sout en die mosterd (indien jy dit gebruik) by. Plaas die bak oor ’n kastrol met water wat liggies prut (onthou, die onderkant van die bak moenie aan die water raak nie). Klits die mengsel vir omtrent 3 minute oor die hitte en begin dan die gesmelte botter byvoeg – net ’n klein bietjie op ’n slag en klits dit baie goed ná elke byvoeging. (As die…

TAMATIESOP MET PROVENSAALSE KRUIE THE LITTLE PARIS BOOKSHOP deur Nina George was die inspirasie vir hierdie resep. ’n Boekhandelaar wat ’n boekwinkel op ’n rivierboot bedryf, skryf romans voor aan sy klante as ’n soort medisyne vir die probleme wat hulle in hul daaglikse lewe ervaar. Die boekhandelaar reis met die boot na Provence op soek na ’n lank verlore geliefde en skryf op sy reis ook al hoe meer boeke voor. Ons het die tradisionele vars bestanddele van Provence as inspirasie gebruik vir hierdie tamatiesop en smaaklike tertjies met geroosterde groente. Daar verskyn ook ’n paar resepte in die boek wat ideaal sal wees om vir julle boekklubsaamtrek te maak. Genoeg vir: 8 Bereidingstyd: 20 minute Gaarmaaktyd: 40 minute • 45 ml olyfolie • 2 uie, fyngekap • 3…

TWEEKLEUR- SLOOPROK Dié driekwartmouslooprok sal ’n staatmakeritem in enige kas wees. Dit vlei die meeste figure en is baie veelsydig. DIE WIT HEMP Almal moet minstens een goeie wit hemp hê, maar dit hoef nie vervelig te wees nie. Wees op die uitkyk vir een wat ook as ’n rok en selfs ’n ligte baadjie gedra kan word. KLEIN SWART NOMMERTJIE Die uitklokmoue voeg ’n tikkie drama by ’n andersins klassieke snit. SLANKE SILHOEËT Hoëhakskoene by ’n wyepyplangbroek is verslankend. Die klassieke tandruitpatroon dra by tot die elegante prentjie.…

MOEILIKHEIDSGRAAD: gemiddeld TYD: 4 uur Hierdie is ’n wonderlike projek waarby jy die kinders kan betrek! Hulle sal dit geniet om die découpage› werk aan te pak en jou te help om die tas met materiaal uit te voer. JY BENODIG • ou koffer of stewige reistas • 4 steunlatte rondom geskaaf (sowat 22 x 96 mm, maar die lengte sal van die tas se mate afhang) • 4 houtskroewe (20 mm) • 2 stukke hardebord (10 mm smaller gesaag as die tas se bodem en deksel) • materiaal • stopsel • handwerkverf • skuim› rubberroller • kwassie vir lastige hoekies • geskenkpapier • modge podge • kramgeweer • hangreling of ligte gordynstok en skroefhake • sterk alkant›plakband 1. Verf die buitekant van die tas en laat die verf goed…

BÊRE-BORDUURRINGE MOEILIKHEIDSGRAAD: maklik TYD: halfdag JY BENODIG (Vir al drie projekte) • 3 borduurringe (ons het ringe met ’n deursnee van 14, 21 en 27 cm gebruik) • 3 oorskietstukkies materiaal van jou keuse • bypassende masjiengare • poliësterstopsel • materiaalmerkpen • karton • gomgeweer • maskeerband • sterk tandestokkies GAREHOUER-RING 1 Ons het plek gemaak vir 11 tolletjies gare op ons ring van 21 cm, maar jy kan dit minder of meer maak. Kry 11 tandestokkies en sny die skerp punt af sodat dit omtrent 1 cm korter is. Maak seker al die stokkies is ewe lank. 2 Maak jou ring op sy grootste oop sonder om dit te laat uithaak. Knip 11 repies maskeerband wat jy as merkers gaan gebruik en wat agterna maklik afgetrek kan word sonder…

HERWIN PLASTIEKBOTTELS V Wat maak ’n mens met leë plastiekbottels? A Die meeste plastiekbottels is herwinbaar. Neem dit na ’n plastiekherwinningspunt in jou omgewing, of hergebruik dit in en om die huis. Die herwinningsmaatskappy Petco beveel aan dat jy uitkyk vir die PET-teken (#1) op plastiekbottels. Hierdie bottels, wat algemeen vir koeldrank, water, sap, wasgoedseep en so meer gebruik word, is herwinbaar en veilig vir hergebruik. Besoek petco.co.za of mywaste.co.za vir jou naaste herwinningspunt. SLIM IDEES GEBRUIK OU PLASTIEKBOTTELS SÓ: • Span dit in as ’n houer vir vloeibare seep – al wat jy nodig het, is ’n skroefdoppie met ’n pompaksie wat op die bottel pas. Dis by die meeste plastiekwinkels te kry. • Maak ’n kat-potplanthouer van die onderkant van ’n bottel. Sny dit af en sny twee…

’n Warm bad met ’n hand vol Engelse sout ná ’n stresvolle dag is ’n wenner. ’n Eenvoudige, rustige maaltyd sonder oordaad saam met lekker geselskap is kosbaar. ’n Boeiende boek neem jou weg uit jou onmiddellike wêreld en is soos ’n vakansie. Om met die honde of kinders te gaan stap is nie net heerlike ontspanning vir hulle én vir jou nie, maar dit laat jou mense en troeteldiere ook weet dat jy genoeg vir hulle omgee om tyd saam met hulle te bestee. Maak ’n okkasie van elke koppie tee. ‘As ons gesin ’n bietjie tot stilstand wil kom of iets wil bespreek, maak ons ’n pot tee en maak tyd daarvoor.’ (Therese vertel haar aanstaande skoonseun David is so bekend met die teeritueel dat hy ’n pot…

‘Dis nie maklik of vinnig om jou loopbaan te verander nie,’ sê Bridget Henderson van die breidraadateljee Cowgirlblues. ‘Begin deur verantwoordelikheid vir jou situasie te aanvaar en die beste daarvan te maak. Onthou, daar is altyd iets goeds aan waar jy jou tans bevind: die geld, werkure, vakansies of maatskappymotor. Wat dit ook al is, besit dit en waardeer dit, want dit gaan nie noodwendig altyd daar wees nie. ‘Dis makliker om jouself te verander as om jou loopbaan te verander. As jy ’n passie het vir iets, doen dit. Dit hoef nie dadelik ’n loopbaan te wees nie; dit kan ’n stokperdjie wees wat ’n stokperdjie bly, maar as jy net vir ’n deel van jou dag of week iets doen wat jy baie geniet, is dit al ’n…

Vader Tyd in my hand My dogtertjie verjaar. Ons hou 'n bospartytjie met vlinders en vlaggies en ballonne in 'n groen woud. Haar unieke klokhelder laggie verklap haar verwondering. En dan kom die geleentheid om haar skoenlapperkoek to verwoes , want eet en mors is mos 'n peuter se grootste talentl Ek vang myself dat ek net sit en staar. Ek neem in , ek sien raak. Daardie woelige handjies , honger om to ontdek , die opgewonde ogies , die koekbesmeerde gevreetjie. Die gedrewe gebare , so kenmerkend van 'n diep liefde vir die lewe. Ouboet wat rondhardloop en die ballonne probeer vang wat in die ligte briesie sweef , Pappa wat probeer keer dat Sus nie to vuil word nie. Ek wil nerens anders wees nie. Nooit weer…

joythebaker.com Joy Wilson is ’n selfopgeleide bakker wat in ’n professionele bakker, kosfotograaf en kookboekskrywer ontpop het. Sy leef, werk, eet, drink en baljaar in New Orleans … ‘diep in die Franse buurt, waar die mense, kultuur en diepgebraaide soet beignets my inspireer’. Haar blog is propvol soet en sout seisonale resepte, ’n paar lekker planne vir skemerkelkies en die boeke en lipstiffie waaroor sy mal is. Kos, die lewe … en nog kos! theinspiredroom.net Melissa Michaels weet hoe knap almal se begroting deesdae is, maar glo dit beteken allermins jou huis moet sonder goeie ontwerp klaarkom. Sy en haar man is besig om ’n ou kothuis op te knap en deel hulle wenke vir bekostigbare dekor en allerhande onderwerpe soos hoe om weer geïnspireerd te voel as jy dalk…

Dis vroeg Maandagoggend toe ons motor onder die mooiste herfsblare deurry na Wilna Rabe se skuurhuis op die familieplaas Riverside tussen die Paarl en Franschhoek. Die groot waenhuisdeur is oop om ons te verwelkom, en hoewel ons nie dadelik die gasvrou sien nie, word ons hartlik begroet deur die reuse- Deense honde, Kohler en Hendrik, en ’n span veervoethoendertjies. Hulle lyk almal baie tuis in die groot ruimte wat Wilna se slaapkamer, sitkamer, eetkamer en semi-kombuis vorm. Ek sê ‘semi’, want hierdie is die tipe kombuis waarvan stiliste baie hou – daar is geen stoof of yskas of wasmasjien om die prentjie te bederf nie. Ons glimlag net, want dis hoe ons Wilna ken. Sy stileer sonder dat sy eens bewus is dat sy dit doen; dis totaal in haar…

Maak: 4 Bereidingstyd: 5 minute Gaarmaaktyd: 5 minute • 1 liter water • 45 ml witasyn • 4 groot eiers, so vars as moontlik Maak ’n kastrol halfvol water. Voeg die asyn by en verhit dit tot die water liggies prut. Breek een eier in ’n klein bakkie. Roer die water in die kastrol om ’n ligte kolk te vorm en glip dan die eier versigtig in die pruttende water. Herhaal die proses met die orige eiers. Laat die eiers liggies prut vir 3½- 5 minute of tot die eiergele so gaar is soos wat jy dit verkies. Gebruik ’n gaatjieslepel om die eiers uit die water te skep. Laat dit op kombuispapier dreineer en sit dit warm voor.…

MOEILIKHEIDSGRAAD: gemiddeld TYD: 20 minute JY BENODIG • resepte op die oorkantste bladsy • staanmenger of elektriese handklitser • suikertermometer (of gebruik yswater om die balstadium van die stroop te toets) • klein kastrolletjie • skoon kombuiskwas Gooi die strooisuiker en water in ’n kastrolletjie en roer dit oor matige tot hoë hitte tot die suiker opgelos het. Gebruik ’n nat kombuiskwas om die kante van die kastrol skoon te vee sodat geen kristalle vorm nie. Verhit die stroop tot kookpunt sonder om te roer. Laat dit vir 5 minute prut met die termometer deurentyd in die stroop. Wag tot die stroop 113 ºC bereik en begin dan die eierwitte in ’n groot, skoon bak sonder enige vetterigheid klits tot dit stywe punte vorm. Wag tot die stroop 117 ºC…

MOEILIKHEIDSGRAAD: maklik TYD: 15 minute Sny ’n vierkant uit mooi papier – ons s’n is 9 x 9 cm groot – en sit dit met die skoon kant na bo voor jou neer. Vou dit vertikaal in die helfte. Vou die papier weer oop en vou dit dan horisontaal in die helfte. Vou dit weer oop. Vou die onderrand na die horisontale middellyn toe, draai die papier om en vou die hoek regs onder na die vertikale middellyn toe. Vou die hoek links onder na die vertikale middellyn toe. Draai die papier weer om sodat dit só lyk. Vou die onderste punt gelyk met die borand. Draai die papier weer om. Druk die flappie regs bo effens oop en druk dit plat. Doen dieselfde met die flappie links bo. Vou…

Het jy massas mooimaakgoed en velsorgprodukte? En geen beheer oor wat waar is en wat nog bruikbaar is of nie? Geen produk hou vir ewig nie, al bevat dit ook hoeveel preserveermiddels. Vervaldatums is nog nie verpligtend op kosmetiese produkte nie (wel op sonskerm), maar daar is beslis ’n beperkte tyd wat jy aan jou gunsteling-roompies en -lipstiffies kan vasklou. Maak seker jy verstaan die verskil tussen vervaldatum en vervaltyd: Die vervaltyd, wat wel deesdae op produkte verskyn, dui aan hoe lank ’n produk sal hou vandat dit oopgemaak is. Die reël is eenvoudig: Use it or lose it. Moenie suinig en oormatig spaarsaam wees en dan moet jy op die ou einde kosbare rome en serums weggooi nie. Die risiko om ’n produk te lank te hou of te…

VEERKLEM-BORD Klamp buisies verf of ander handwerkvoorraad vas op ’n plankiesbord. MOEILIKHEIDSGRAAD: gemiddeld TYD: halfuur Timmer ’n ry afvalplankies op twee dwarsplanke vas en spyker dan rye veerklemme daarop vas. Klamp verfbuisies daarin vas sodat dit netjies uit die pad is in jou ateljee. Wenk Ons het ons planke met geel in ombreeskakerings geverf en die veerklemme koper gespuitverf. Gebruik ’n spuitverf wat geskik is vir metaaloppervlakke. LINT-TRALIEBORD Vir hierdie kennisgewingbord het jy net lint en ’n geblokte skilderdoek nodig. MOEILIKHEIDSGRAAD: maklik TYD: 1 uur JY BENODIG • geblokte skilderdoek (geverf of ongeverf soos jy verkies) • lint (ons het verskillende soorte lint in bypassende kleure gebruik) • kramgeweer • maatband SO MAAK JY Meet die lengte en die breedte van die skilderdoek. Deel dit volgens hierdie mates in blokke…

SKEP JOU EIE WEEFRAAM MOEILIKHEIDSGRAAD: gemiddeld TYD: omtrent 1 week JY BENODIG • houtprenteraam • dun tappenstok • geskikte katoen- of nylongare vir die skering • katoentou en verskeidenheid wol vir die inslag • naald met ’n groot oog • wyetandhaarkam • liniaal en merkpen • skêr • gereedskap (tang, handsaag, ens.) Verwyder die glas en rugkant van die prenteraam sodat jy net die raam het. Gebruik die merkpen en maak merkies 1 cm uitmekaar aan die boen onderrand van die raam. Ons het 25 merkies ingepas. Begin en eindig ’n entjie van die sykante van die raam sodat daar weerskante genoeg plek is waardeur jou hand kan pas. Laat die boonste en onderste merkies ooreenstem sodat die stel lengtedrade (skering of warp) gelyk gespan kan word. Saag op die…

A Daar is ’n wye verskeidenheid skêre beskikbaar, elk met sy eie funksie, maar die belangrikste is dat jy skêre kies wat gemaklik voel in jou hand. Maak ook seker die lemme knip deur tot op die punte toe. Hier is die belangrikste items vir jou skêrversameling: Kwilterswieletjie (rotary cutter): Dit lyk soos ’n pizzasnyer en is oorspronklik gemaak vir kwiltwerk. Die skerp lem sny die materiaal terwyl dit daaroor rol. Dit gee perfekte egalige rande omdat jy die wieletjie nooit hoef op te lig nie. Jy gebruik dit saam met ’n spesiale matjie met mates. Borduurskêr: ’n Klein skerppuntskêr waarmee jy fyner werk kan doen, soos om knoopsgate uit te knip. WENK: Kyk uit vir die woorde ‘hot drop-forged’ op die skêr. Dit beteken die skêr is van warm…

Ek het ’n paar jaar gelede met ’n klein besigheid saamgewerk wat met die hand die mooiste ware uit herwinde glas geblaas het. Hul produkte was verruklik, maar die verkope vrot. By nadere ondersoek het een ding soos ’n paal bo water gestaan: Hulle het nie ’n benul wie hul mark is nie. Hulle het gedink hulle maak kuns vir stinkryk toeriste en was nie juis geïnteresseerd in plaaslike versoeke vir meer funksionele items soos skinkbekers en blomvase nie. Hulle was kunstenaars en klaar, en het gemeen enige goedkoper ‘toeristesnuisterye’ sal die waarde van hul kuns verlaag. Ons het ’n maand lank ’n eenvoudige marknavorsingsoefening gedoen om uit te vind wie hul ware klante is. ONS HET VYF VRAE GEVRA: Wie is die klante? Wat koop hulle? Hoeveel geld gee…

IDEES, julle het my behoorlik aan die dink gesit oor iets... ’n Rukkie terug het ’n vriendin vir my ’n paar ou Idees-tydskrifte gegee, onder meer die uitgawe van November 2009. Ek het deur dié uitgawe geblaai en tot my groot vreugde die patroon vir die kaliko-kollehond ontdek. Ek was juis op soek na patrone vir sagte speelgoed of iets wat ek kon maak met materiale wat goedkoper is as die sybokhaarteddies wat ek in daardie stadium vervaardig het. Dit moes ook iets wees wat ek heeljaar kon maak. Destyds kon ek my net in die winter met die sybokhaarteddies besig hou omdat die angorawol so warm en lastig is om mee te werk. Boonop het ek in die ses maande voor daardie November ’n magdom teddies te koop gehad,…

JOU PROJEKTE VIR DIE NAWEEK Vanaf Vrydagmiddag 26 Augustus tot Sondagmiddag 28 Augustus 2016 is ons terug by JanHarmsgat se Agterplaas vir ’n naweek prop-vol kreatiewe inspirasie en lekker kuier. En natuurlik minstens twee voltooide hekelprojekte wat jy saam huis toe kan neem. Om hierdie hekelnaweek ten volle te benut moet jy die basiese steke ken of saam met iemand kom wat jou kan touwys maak soos ons aangaan. Die naweek, met alle etes en materiaal ingesluit (jy is welkom om ook jou eie wol te bring as jy wil) kos R2 850 vir ’n enkelkamer en R2 650 as jy met iemand deel. Nooi ’n vriendin, suster of dogter saam en bespreek julle plek. Ons het net plek vir 30 mense in ons groep – maak seker jy is…

GROENTE: Aartappels, aspersies, beet, blaarkool, blaarslaai, blomkool, boerbone, broccoli, brusselse spruite, ertjies, jong aartappeltjies, komkommer, kool, pampoen, patat, preie, radyse, rape, sampioene, seldery, skorsies, spinasiebeet, sprietuie, tamaties, uie, witwortels, wortels. VRUGTE: Appelliefies, avokado’s, grenadellas, kiwivrug, koejawels, lemmetjies, lemoene, lukwarte, nartjies, papajas, piesangs, pomelo’s, pynappel, suurlemoene. KRUIE: Grasuie, kappertjies, laventel, lourierblaar, marjolein, meerjarige basilie, ment, origanum, perdeblom, pietersielie, roket, roosmaryn, salie, sitroengras, suring, tiemie, vinkel. BLOMME BESKIKBAAR IN AUGUSTUS: Affodille, anemone, angeliere, aronskelke, baardangeliere, banksias, barbertonse madeliefies, bergbruidjies, blombosse, erikas, freesias, gipskruid, goudroede, gousblomme, heide, Ierse klokkies, inkalelies, irisse, kantblomme, knopbos, krisante, leeubekkies, orgideë, papierblomme, patrysbosblomme, pronkertjies, pronkridderspore, proteas, ridderspore, sintjosefslelies, soetemaling, speldekussings, sterretjies, stokrose, strelitzias, tjienkerientjees, tolbos, tulpe.…

DEEL JOU NUUS! Nuwe winkels & handwerk: Dala Watts (dwatts@media24.com) Kos: Louisa Holst (ideasmagazinefood@gmail.com) Dekor & mode: Carin Smith (carin.smith@media24.com) Juwele met ’n kinkel Liandri Fouché is die kreatiewe dryfkrag agter hierdie eklektiese reeks juweliersware wat NANA gedoop is. Bestellings kan volgens individuele behoeftes aangepas word. • Kontak Liandri by 084 252 4194 of besoek freidesign.co.za. Lekker vir laatwinter Is jy lus vir iets soets om die laatwinterblues te laat wyk? Maak ’n draai by Marcel’s-winkels landwyd en probeer hulle nuwe vuurwarm wafels wat voorgesit word met twee bolle van enige Marcel’s- bevrore jogurt van jou keuse. Maak dit nóg meer dekadent met ’n verskeidenheid ekstra bolae of souse. MEKKA VIR MOOIMAKERS Die nuwe The Beautiful Life Store in 4de Laan in Parkhurst, Johannesburg, is propvol interessante mooigoed – van…

SKEP DIE PRENTJIE Dek ’n tafel met tong-in-die-kies elemente in wit, heldergeel en swart. Ons het eenvoudige lyntekeninge op grafiekpapier as tafeldoek gebruik en die tafel verder versier met kartonprente en foto’s van eiers. Op die swartbord pryk ons eierakademie se wapen en ons het ook ’n eier-piñata gemaak vir die pret. APPEL -EN - CHEDDARPOFFERS MET GRANAATSTROOP Genoeg vir: 6 Bereidingstyd: 30 minute Gaarmaaktyd: omtrent 20 minute • 2 groot eiers • 115 ml melk • 135 g (250 ml) koekmeel • 7,5 ml bakpoeier • 125 ml Pink Lady-appels, klokhuis verwyder en in klein blokkies gesny • 125 ml beleë cheddarkaas, in klein blokkies gesny • sonneblomolie, vir diepbraai • strooisuiker en soutvlokkies, om voor te sit STROOP • 215 g (250 ml) suiker • 75 g granaatpitte…

Maak: 12 Bereidingstyd: 1 uur Gaarmaaktyd: 2 uur 10 minute, plus droogtyd Oondtemperatuur: 70 ºC • 6 groot eierwitte, teen kamertemperatuur • 110 g (125 ml) strooisuiker • ’n knypie kremetart 1 Plaas die eierwitte in ’n silwerskoon bak en voeg die strooisuiker en kremetart by. Plaas die bak oor ’n kastrol met water wat liggies prut (onthou, die onderkant van die bak moenie aan die water raak nie). Gebruik ’n elektriese handmenger om die eierwitmengsel oor die pruttende water te klits tot die suiker opgelos het en die mengsel dik is. 2 Verwyder die bak van die hitte en klits die mengsel vir nog 6 minute tot dit baie dik is en stywe punte vorm. 3 Spuit die onderkant van twee groot muffinpanne met kossproei. Smeer die meringue oor…

SUURLEMOENMERINGUE-KOLWYNTJIES   Maak: 12-16 Bereidingstyd: 1 uur, plus afkoeltyd Oondtemperatuur: 170o C Baktyd: 15 minute KOLWYNTJIES • 125 g botter • 250 ml Huletts Yellow Sugar • 2 groot eiers • 250 g bruismeel • 5 ml bakpoeier • 250 ml melk • 15 ml vanieljegeursel 1 Room die botter en Huletts Yellow Sugar saam. Voeg die eiers een-een by en klits dit baie goed ná elke byvoeging. 2 Sif die meel en bakpoeier saam. Vou die meelmengsel om die beurt met die melk en vanielje by die suikermengsel in. 3 Skep die beslag in ’n kolwyntjiepan wat met papiertjies gevoer is en bak dit vir 15-20 minute in die verhitte oond tot dit ligbruin is of ’n toetspen skoon uitkom. 4 Laat die kolwyntjies vir 5 minute in die…

BEWAAR KLEIN AANDENKINGS van julle troue in ’n kissie en joernaal wat jy spesiaal vir hierdie doel geskep het. Ons het ’n tikkie Chanelinspirasie vir ons projekte gebruik, maar laat jou deur die tema van jou eie troue lei om joune te versier. VOORBEELDE VAN TROUSOEWENIERS • ’n Stukkie van die materiaal waarvan jou en jou strooimeisies se rokke gemaak is. • Stukkies juweliersware. • Knope, rynsteentjies of blinkers van jou rok. • ’n Troufoto van jou en jou bruidegom. • Foto’s van julle ouers en ander spesiale familielede. • ’n Gedroogde blom uit jou ruiker. TROUJOERNAAL Maak ’n spesiale troujoernaal en gebruik dit as ‘n dagboek, om lysies vir jou troue in te skryf en memento’s in te bêre. JY BENODIG • ou hardebandboek (soos ’n digbundel of liefdesroman)…

GEVERFDE HANGKAS Maak ’n ou kas die fokuspunt van ’n vertrek met ’n helder kleur verf. MOEILIKHEIDSGRAAD: maklik TYD: 2 dae (met droogtyd) GEMERKTE BOKS ’n Eenvoudige manier om jou lewe te organiseer wat jou byna niks gaan kos nie. MOEILIKHEIDSGRAAD: maklik TYD: vinnig (so ’n uur, met droogtyd) BORDERAK Verander ’n ou krat in ’n stylvolle rak vir jou mooi borde. Jy kan dit ook as ’n droograk gebruik. MOEILIKHEIDSGRAAD: gemiddeld TYD: 2-3 uur GEVERFDE HANGKAS JY BENODIG • waterbasisverf in die kleur(e) van jou keuse • verfkwas • verfskraper • growwe skuurpapier • kers • waterbasisvernis (opsioneel) SO MAAK JY 1 Indien jou kas ongeverf is, moet jy dit eers verf met die kleur wat jy gaan sien waar die boonste laag verf ‘afdop’. Ons s’n was reeds…

Die kombuis is die hart van enige huis. Dit is waar ons kos maak, bak en tyd saam met ons familie en vriende deurbring. Met mooi bykomstighede en praktiese items wat vinnig en maklik is om te maak, kan jy seker maak jou kombuis is die plek waar almal wíl wees. Gebruik dekoratiewe stikwerk om van jou afdroogdoeke klein kunswerke (of ’n pragtige geskenk) te maak. Al wat jy nodig het, is die spesiale borduurdrukvoetjie #20 vir jou Bernina en jy is verseker van perfekte stikwerk elke keer. ’n Paar goeie oondhandskoene is ’n noodsaaklikheid, en dit is so maklik om te maak. Met die Berninaloopvoetjie kan jy moeiteloos gekwilte materiaal skep aangesien dit maklik deur lae materiaal beweeg. Sorg ook vir ’n prettige element met materiaalmuffins wat jy in…

GEHEKELDE SJAAL GROOTTE Ontwerp in een grootte; 230 cm breed langs die lang rand en 115 cm lank vertikaal van die lang rand tot op die driehoek se punt. JY BENODIG • Cowgirlblues Variegated Lace Yarns is vir dié sjaal gebruik; ons het 2 x 100 g-stringe Merino Lace Single en 1 x 100 g-string 2-draad Merino Lace gebruik in die kleure Forest Glade (A), Mountain Blooms (B) en Spring Flowers (C) • 1 x 25 g-bol Cowgirlblues Kidsilk Semi-Solid in Sable • 3 mm-hekelpen • tapisserienaald AFKORTINGS beg begingls glipsteekks kettingsteeklb langbeenrdte rondtesp spasiest(e) steek(steke)tr(s) trossie(s)vermeer vermeerdervlg volgende SPANNING Ons het nie te veel moeite met die spanning gedoen nie en het net met ’n 3 mm-hekelpen gehekel. SO MAAK JY Spesiale notas Die sjaal word in ’n driehoek…

Die lewe is te kort. Vir sommige is dit ’n cliché, maar die wêreldwye tendens om weg te breek van die verbruikerskultuur het blykbaar professionele mense meer bewus gemaak van dié vyf woorde se dieper betekenis. Hoewel ons dit dikwels lighartig gebruik om na slegte koffie, ’n vervelige boek of ’n toksiese verhouding te verwys, het dit ook die mantra geword van professionele mense wat die rotresies en die bose kringloop van materialisme bevraagteken omdat dit weinig plesier verskaf en hulle nie tyd gun om dinge te doen wat hulle regtig geniet nie. Die vier voormalige beroepsmense met wie ons gesels, het almal oor hulle prioriteite besin en tot presies dié gevolgtrekking gekom: Die lewe is te kort om vasgevang te wees in ’n werk waaroor jy nie mal is…

ideesred@media24.com Nou brei ek self Ouma se doilies Ek kon nêrens regte egte outydse doilies opspoor om te boksraam nie en het besluit om my eie te maak. Omdat my vingers nie hekelvaardig is nie, het ek my breipenne ingespan en só is my eerste pragstuk gebore – stekie vir stekie en kraletjie vir kraletjie (’n enkele doilie kan tot 600-800 kraletjies bevat). Ek het besluit om die doilies te begin verkoop en lesers kan my gerus by 082 722 1291 bel om dit in die kleure van hul keuse te bestel. Melanie van Schalkwyk Beursie vintage-nuut Ek was sedert 2003 ’n intekenaar van Idees, maar moes ongelukkig met die Poskantoorstakings my intekening kanselleer. Ek is nou nog jammer daaroor, maar het sedertdien nie nagelaat om getrou my Idees te…