Sommaire pour April 2015 de Idees

Vir so lank as wat ek kan onthou, hou ek van goud. Of dit nou ’n goue kandelaar, ’n goue meubelstuk of ’n goue raam is, ek kan altyd ’n plekkie daarvoor in my lewe vind. Selfs my goue vintage-rokkie wat ek twee jaar gelede uit Berlyn saamgebring het, hang teen my muur en nie in my kas nie. ’n Bietjie blieng werk nou maar eenmaal vir my. Duidelik is my voorliefde nie uniek nie – goud is deesdae oral. Dalk nie meer so ornaat of Frans-geïnspireerd soos in die verlede nie, maar daar is niks fout met die moderne weergawe nie. Deesdae is dit ’n gunsteling-kleur vir oulike aanhalings, hetsy op jou T-hemp of teen jou muur, en raak dit tyd om ’n spesiale tafel te dek kan jy…

KANTROMP (grootte medium, om 68 cm-middel te pas, 93 cm-heupmaat) Jy benodig patroon op bladsy 32 55 cm dun rekmateriaal (minimum 100%-rekvermoë) 26 x 94 cm netkant 60 cm rek (2 cm breed) bypassende kleur gare So maak jy LET WEL Alle naattoelatings is 5 mm en word met ’n omkapmasjien gestik. 1 Gebruik die patroon op bladsy 32 om die voor- en agterpante van die romp te knip. Die kantval is ’n reghoekige stuk wat 26 cm lank en 94 cm breed is. Dit het slegs een naat wat op middelagter geplaas word. 2 Die rompgedeelte word van ’n dubbellaag materiaal gemaak. Begin deur die synate van die binneste en buitenste lae te stik. 3 Stik die middelagternaat van die kantval. Verdeel en merk die borand in kwarte, met…

Jy benodig houthanger hars- of ander versierings met ’n plat agterkant gomgeweer met ’n dun punt wit spuitverf of onderlaagverf goue emaljeverf verfkwas So maak jy 1 Rangskik jou versierings op die hanger en besluit hoe jy dit verder wil versier. Ons het harsversierings aan die bokant en op die punte van die hanger geplak en toe die dele tussenin met patrone versier wat ons met die dunpuntgomgeweer getrek het. Teken die patrone eers op die hanger as jy dit nie met die vrye hand wil doen nie. WENK Ons het ons harsversierings in die plakboekafdeling van ’n handwerkwinkel gekry. 2 Wanneer jy die hanger klaar versier het en die gom is droog, kan jy dit verf. Spuitverf of verf dit eers wit om as onderlaag te dien – jy…

MET RUITE Versag die geruite patroon van hierdie noupassende potloodromp deur dit saam met ’n los denimhemp te dra. Knoop die hemp voor om die silhoeët te behou en dra sandale, tekkies of skoene met ’n effense hak daarby. MENT EN DENIM ’n Sagte gebreide top pas perfek by uitgebleikte jeans en is lekker vir die koeler dae wanneer die herfs begin gesig wys. KNOOPDOOP-KLEUR Die knoopdoop-materiaal werk goed by die meer formele snit van hierdie rok. MOOI DETAIL Wees op die uitkyk vir tops met ’n delikate patroon of ander vroulike details wat jy saam met jeans of ’n wit langbroek kan dra vir ’n ontspanne, elegante voorkoms.…

EET MET ’N UITSIG Sit aan vir ’n heerlike ete by ON19-restaurant op die 19de verdieping van die Westin-hotel terwyl jy jou verwonder aan die panoramiese uitsig oor Kaapstad en Tafelberg. Dié eetplek het pas ’n sjiek mooimaaksessie agter die blad, en die nuwe spyskaart fokus op eenvoudige, sterk geure en die jongste gesondheidsgiere. Die wynlys spog boonop met ’n goeie verskeidenheid plaaslike wyne – en alles is per glas te koop! Posjeer soos ’n meneer Geposjeerde eiers is kinderspeletjies met dié Cuisipro-eierposjeerders (R229 vir ’n stel van twee). Bestel dit aanlyn by livin.co.za. SPOGGERIGE sauvignon blanc Bederf jouself met ’n bottel Sanctuary Peak Sauvignon Blanc (R105) van Shannon Vineyards in die prentjiemooi Elgin-vallei. Die koel klimaat sorg vir die ideale groeitoestande om elegante, verfynde wyne te verseker. Die landgoed…

Indiese marinade Genoeg vir: 4 Bereidingstyd: 30 minute Gaarmaaktyd: 10 minute 30 ml lemmetjiesap 2-5 ml rissiepoeier 45 ml moutasyn 8 lamstjops 4 steranyssade 1 klein papaja, geskil en pitte verwyder 3 knoffelhuisies, fyngedruk 1-3 groen brandrissies, pitte verwyder en fyngekap 5 ml fyngekapte vars ment 5 ml tamarynpasta grondboon- of kanola-olie slaai en rissiesous of blatjang, om voor te sit vars mentblare, vir garnering 1 Meng die lemmetjiesap, rissiepoeier en asyn, giet dit oor die lamstjops en laat dit vir 30 minute marineer. 2 Skroei die steranys vir ’n paar minute in ’n droë pan en maak dit dan fyn met ’n stamper en vysel. 3 Gooi die papaja, knoffel, rissie, ment, tamaryn en steranys in ’n voedselverwerker en verpulp dit tot dit glad is. 4 Giet die mengsel…

Ons het al ons kreatiewe honde-eienaars gevra om vir ons hul mooiste troeteldierprojekte te wys en hulle het geen moeite ontsien om seker te maak dat hul woef ’n Canine Cuisine-lewe van luuksheid en styl kan lei nie. WENNER LORENA RUFFINI SKRYF: "n Foto van my hond Tobi was die inspirasie vir my collage. Idees het die mooiste, kleurvolste blaaie en ek kon omtrent die hele collage maak met blaaie wat ek uit my tydskrifte gefotostateer en in repies geskeur het voordat ek dit op die skilderdoek gerangskik en geplak het. Ek sou natuurlik nooit my tydskrifte self kon opskeur nie!' • Lorena wen ’n jaar se voorraad (twaalf 7 kg-sakke) wetenskaplik geformuleerde Canine Cuisinehondekos en ons spesiaal ontwerpte hondebedjie vir Tobi. TWEEDE PRYSWENNER JANELLE SNYMAN SKRYF: ‘Ons het ons…

Alle jonge juffers is mal daaroor om voor die spieël op te tof, maar dis nie iets wat ’n mens vir Jo-Ann Griessel, Durbanse ma van drie en eienaar van die handelsmerk Pink Marley, hoef te vertel nie. Jo-Ann, wat mode-ontwerp gestudeer het by die Linea Academy in Durban, het op haar magdom ondervinding in die klerebedryf staatgemaak toe sy vroeg verlede jaar besluit het om haar eie klerereeks bekend te stel. ‘Ek het baie jare in die klerebedryf gewerk en altyd daaroor gedroom om eendag my eie klerereeks te hê,’ vertel sy. ‘Toe my seuns, Bailey en Kelly (nou onderskeidelik 12 en 10 jaar oud), nog klein was, het ek gedink ek wil ’n klerereeks vir seuntjies ontwerp, maar niks het daarvan gekom nie. Toe my dogtertjie, Lily (4),…

Die verhouding vars room tot donkersjokolade verander na gelang van hoe jy die ganache wil gebruik: Vir loperige ganache: 1 deel room tot 1½ deel sjokolade Vir klits- of smeerganache: 1 deel room tot 2 dele sjokolade Vir truffels: 1 deel room tot 3 dele sjokolade Variasies: As jy nie van donkersjokolade hou nie en eerder melksjokolade wil gebruik, moet jy die hoeveelheid sjokolade met ’n halwe tot een deel vermeerder. As jy witsjokolade wil gebruik, het jy nóg meer sjokolade nodig om die ganache te laat stol – voeg dan nog 1½ deel sjokolade by die verhoudings hierbo. DIE BASIESE STAPPE OM GANACHE TE MAAK Kap die sjokolade in klein stukkies en plaas dit in ’n groot glas- of metaalbak. Hoe kleiner die stukkies, hoe vinniger sal dit smelt.…

@home 0860 576 576 Abode 072 261 3540 Accessorize 021 447 7718 Anna Scott 021 674 6091 Arthur Bales 011 888 2401 Boardmans 0860 692 274, 011 622 2640, 021 425 7745 Cape Arts and Crafts 021 551 0991 Ceramic Factory 011 057 4314, 021 839 2103 Chair Crazy 011 791 6512, 021 465 9991 Elsje Burger 083 442 1751 Elsje Designs 021 882 8010 Exclusive Books 011 798 0000 Fabricate hello@fabricatecapetown.co.za Flowerheart 021 976 6910 Game 011 427 3000, 021 555 7500 Hoi P’loy 021 447 1433 Imagenius 021 423 7870 Kaika Jewellery kaikajewellery.com Klomp Ceramics info@klompceramics.com. Lulu Belle 012 346 6424, 021 671 5728 Menagérie 021 446 0685 Mia Melange 076 122 2267 Mono Online Shop 083 717 2907, monoshop.co.za Mr & Mrs 021 424 4387 Mr Price…

MAAK ’N HANGRAK Maak jou eie hangrak pleks daarvan om ten duurste vir een uit die winkel op te dok. Laat sny ’n stuk hout in die grootte wat jy nodig het en verf dit in die kleur van jou keuse. Sit stewige hake in die muur vas, boor gate deur die rak en gebruik sterk tou om die rak op te hang. WENK Verf die rak dieselfde kleur as jou muur sodat dit amper verdwyn en die fokus eerder op die mooi goed is wat jy uitstal. SPEEL MET VERF Jy hoef nie jou hele dekorskema op sy kop te keer nie – interessante verfpatrone teen ’n muur kan net so ’n groot verskil maak. Verf bly maar die maklikste, vinnigste en kostedoeltreffendste manier om die nuutste modegiere in…

Artikels gemaak van kleedstof is oral te sien – van die mees basiese klere tot lieflike huishoudelike items soos sagte meublement en bedlinne. En dikwels is dit baie duur, al is die mees basiese stiktegnieke gebruik. Belê in ’n betroubare naaldwerkmasjien en omkapmasjien en jy sal al die basiese artikels – om nie eens te praat van die luukses nie – wat jou hart begeer, teen ’n fraksie van die prys kan maak. Dan kan jy ook sommer jou eie stempel op jou meesterstukke afdruk. ’n Stewige naaldwerkmasjien van topgehalte, soos die Bernina 380, sal ’n leeftyd hou en verseker jou kreatiwiteit word nie aan bande gelê nie. Direkte seleksie-kontroles verseker vinnige en maklike gebruik van die masjien. Die skuif-spoedkontrole, naaldbedrader, outomatiese knoopsgat- en afknoop-steekfunksies is tydbesparend en verseker dat…

GOUE MUURAFWERKING Versier ’n deel van ’n muur met ’n patroon van goue poeier. Gebruik ons patroon op bladsy 43 of jou eie ontwerp en sny ’n stensil uit ’n A3-vel asetaat. Spuit ’n laag stensilgom oor die agterkant van die stensil en plak dit in posisie teen die muur. Gebruik ’n sponskwas en spons bladgoudgom (size) in die oop gedeeltes van die stensil aan. Jy kan ook weer spuitgom gebruik, maar blok dan die muur om die stensil met koerantpapier uit sodat jy nie dit per ongeluk raakspuit nie. Skuif die stensil aan soos jy vorder en merk die hoeke om die posisionering te vergemaklik. Wanneer die gom taai is (sowat 20 minute vir bladgoudgom en vyf minute vir spuitgom), kan jy die goue poeier met ’n kwas aanwend…

VINTAGE-STYLE Daar is romanse in die lug en ons beplan troues! Vanjaar se werksessie op 25 April in KAAPSTAD gaan ’n onmiskenbare vintage-aanslag hê: Dit val saam met die jaarlikse Vintage Idees-mark by die Simondium’s Country Lodge en ons markiestent gaan in die lodge se pragtige tuin opgeslaan word. So kom eet ’n ligte ontbyt saam met ons, leer twee nuwe handwerke, en kry ’n sak vol geskenke om huis toe te neem - boonop het jy dan gratis toegang tot die res van die mark. Die mark is reeds een van die hoogtepunte op die Wes-Kaapse vintage-kalender, en vanjaar sluit dit ’n troue-afdeling in wat voornemende bruide en bruidegomme bekend sal stel aan trougoedverskaffers, spyseniers en uitverhuringsplekke. So wy die notaboekie in jou geskenksak behoorlik in en jou soektog…

Moak: 1 x 900 g broo BESTANDDELE: 80 ml louwarm water (1/3 koppie) 80 ml louwarm milk (1/3 koppie) 2 grout eiers, geklits 5 ml sout (1 teelepel) 60 ml suiker (4 eetlepels) 60 g margarien, in stukkies gesny 60 ml amandels (4 eetlepels), gekap 420 g koekmeelblom (3 x 250 ml + 4 eetlepels) (3 1/2 koppies) 7 g Anchor Kits Droegis (1 stokpakkie) 125 g bok/kook sjokolade, gesmelt geklitste eier, am to bestryk versiersuiker, am to besprinkel SUIKERWATERVERGLANSING: Meng 100 g (250 ml) (1 koppie) suiker en 125 ml ('/2 koppie) water scam in 'n kastrol en prut ligg ies oor lee hitte vir omtrent 5 minute en roer aanhoudend. Loot afkoel en stoor in die koelkas. Gebruik wanneer nodig. METODE: 1. Verwyder die pan vanuit die broodmasjien.…

Dis een van daardie hartseer stories wat darem ’n gelukkige einde het: Koffiebome is inheems aan Afrika, maar 99% van ons hier aan die suidpunt van die vasteland maak kleintyd daarmee kennis in die vorm van flou kitskoffie wat jou ma met melk en ’n paar skopgrawe suiker opkikker. Ons leer om hierdie soet sigorei-konkoksie ‘koffie’ te noem, al is dit baie ver verwyder van die ware Jakob. Maar dít kom jy later agter – mits jy so gelukkig is om ’n ouma of tante op die plaas te hê wat jou aan ‘moerkoffie’ bekend stel: regte, egte koffie wat in ’n lap-koffiesak in ’n emalje- of aluminiumketel op die koolstoof staan en trek tot dit laatmiddag gifsterk, dik en galbitter is. En as jou ouma van die vlytige soort…

In een van die Zen-Boeddhisme se bekende gelykenisse vertrek ’n professor op ’n alleenreis om ’n Zen-meester te besoek. Hy stap oor berge en dale en kom eindelik by die huis van die meester aan – pootuit, maar vol vrae. Sodra die professor sy sit kry, begin hy praat: oor sy lang, moeisame reis tot hier, sy kennis van die Zen-filosofie en sy eie lewe. Daarna begin hy die meester met vrae peper. Hy wil de laaste ding omtrent Oosterse filosofie, meditasie en godsdiens weet. Die meester luister in stilte en sê dan: ‘Jy het baie ver gereis om my te besoek. Kom ek maak eers vir jou ’n koppie tee.’ Terwyl die professor wag, kom nog ’n klomp vrae by hom op. Wanneer die meester terugkeer met die tee,…

Soos brief van vriendin My liewe Idees, waar was jy my lewe lank gewees – hoe kon ek jou miskyk op die rakke? Vroeg een oggend skakel my dogter my en vra of ek asseblief na haar dogtertjie sal omsien, sy is olik en sy wil haar nie skool toe stuur nie. Toe ek by hulle huis arriveer, slaap sy rustig en ek neem stelling in langs haar bed. Op haar bedkassie lê tydskrifte en ek soek iets om te lees. Heel bo lê Idees – heeltemal vreemd vir my. Dit is die November 2014-uitgawe. Ek bestudeer elke bladsy en verlustig my in al die idees en wenke. Die geskenkgids is ’n wenner en ek besluit daar en dan om vir al my Paasfees-Jesus-kinders wat lief is vir laventel ’n…

Jy benodig • wit dubbelbreidraad • tapisserienaald • grys en pienk vilt • 2 klein swart kraletjies • gomgeweer • karton Knip twee kartonsirkels elk vir die pompoms vir die hasie se kop en lyf. Die sirkels vir die kop is 36 mm in deursnee, met ’n gat in die middel van 16 mm. Die sirkels vir die lyf is 46 mm in deursnee en die gat 20 mm. Om die lyfpompom te maak, neem die twee kartonsirkels van 46 mm en sit dit opmekaar. Steek ’n lengte breidraad deur die tapisserienaald en draai die breidraad deur die gat om die twee sirkels. Wanneer die breidraad opgebruik is, begin met ’n nuwe lengte, met die punte in lyn met die buiterand van die sirkels. Gaan voort om die breidraad om…

Gestyfde muurpanele 1 Jy benodig materiaal, stysel, ’n sponsroller, ’n emmer water en paneelspykertjies. Begin deur die materiaal te knip in die vorm wat jy wil hê. 2 Gooi die stysel in die emmer en verdun dit met water volgens die aanwysings op die verpakking. Week elke materiaalpaneel apart in die styseloplossing tot dit heeltemal deurdrenk is. 3 Druk die oortollige vloeistof uit elke materiaalpaneel. 4 Plak die paneel met jou hande teen die muur en tik die hoeke met paneelspykertjies vas om dit in plek te hou. 5 Gebruik die sponsroller om van enige blase, kreukels en oortollige vloeistof ontslae te raak. Verwyder die paneelspykertjies wanneer die materiaal heeltemal droog is. Rond dit af deur ’n smal raam rondom die paneel te verf.…

WEET JY VAN ’N OULIKE NUWE WINKELTJIE OF MOOI DEKOR- OF HANDWERKREEKS WAARVAN ONS OOK BEHOORT TE WEET? SKRYF VIR DALA EN ONS SAL DIT OORWEEG VIR DIÉ BLAD. SJIEK EN ANTIEK Baobab Antiquity Trading is ’n antiekwinkel in Hilton, KZN, wat hulle meubels uit Frankryk, België en Engeland invoer. Hulle verkoop pragtige stukke en restoureer en verf ook meubels, wat dit beslis die moeite werd maak om in te loer by die winkel in The Quarry Centre. Hulle is ook op Facebook, of bel hulle by 033 343 2260. Oulik! Lucky Boy Sunday is ’n reeks kunstig gebreide kussings en speelgoed deur Camilla Koerschen en Camilla Ebdrup van Kopenhagen, Denemarke. Gelukkig kan Suid-Afrikaners dié en nog talle ander ewe mooi produkte koop by collerette.co.za. Die pryse wissel tussen R820…

Net soos ’n blink toegedraaide Paaseier van uitsoek-sjokolade ’n soete plesier is, bring ’n nuwe of gunsteling-parfuumgeur opwinding en vreugde. Net vanjaar alleen gaan daar wêreldwyd minstens 1 000 nuwe parfuums bekend gestel word. Vergelyk dit met die slegs 76 geure in 1991, en ’n mens wil jou eintlik verbeel die hele wêreld moet welriekend deurweek wees in eksotiese parfuumwalms. Met so ’n enorme verskeidenheid, hoe kies jy ’n parfuum, en hoe dra jy dit op die moderne manier? NUUTSTE NEIGINGS 1 IN: Outentieke, eksklusiewe ‘handgemaakte’ nis-parfuums Net soos die neiging in kos en klere deesdae koers kies na outentieke artisan-tegnieke en -produkte, kry ’n mens nou veral craft-parfuum met net een tot drie bestanddele, soos die ongewone formules van die Franse parfumeur Serge Lutens. Mense is altyd op soek…

BLAAS DIE EIERS UIT Spoel eers die eiers af voor jy begin. Neem ’n kopspeld en druk versigtig ’n gaatjie in die kleiner, skerper punt van die eierdop. Prik die speld dan al om die gaatjie om dit effens groter te maak – jy gaan deur hierdie gaatjie blaas. Maak ’n effens groter gat aan die meer geronde punt van die eier sodat die inhoud daardeur kan loop. Druk nou die eiergeel met ’n tandestokkie stukkend – dit maak dit baie makliker om die eier uit te blaas – en blaas die eier in ’n skoon bak uit. Blaas al die eiers wat jy wil gebruik so uit en spoel die doppe dan uit. Hou dit onder ’n lopende kraan sodat ’n bietjie water daarin kan loop, skud dit ’n…

SKEP DIE PRENTJIE Dek die tafel lekker informeel met mooi hout- en porseleingoed, ou silwerware en kraakvars linne. Ons het gehou by ’n kleurskema van wit en roomkleur met tikkies swart en goud om ’n aardse voorkoms te skep. Versterk die Paastema met dekor-elemente soos ’n hasiekrans, voëlnessies in erdepotjies en ’n mengelmoes van regte hoendereiers, sjokolade-eiers en dekoratiewe eiers. Laat ons projekte jou inspireer. PAMPOEN-EN-FETABROOD MET AVOKADO EN GEPOSJEERDE EIER Genoeg vir: 6 Bereidingstyd: 30 minute, plus afkoeltyd Gaarmaaktyd: 1 uur 10 minute Oondtemperatuur: 180 °C 300 g (550 ml) bruismeel 2 ml rissiepoeier 500 g gaar pampoenblokkies, afgekoel en gedreineer 80 ml melk 60 g (65 ml) botter, gesmelt 75 g fetakaas, grofweg gekrummel 2 groot eiers, liggies geklits 30 ml pampoensaad ryp avokado botter, vir smeer roketblare,…

SLIM RANGSKIKKINGS V Hoe kry ek die meeste uit my blomme? A Daar is baie maniere, maar ons hou die meeste hiérvan: Maak ’n paar rangskikkings, een groter en die res net ’n enkele blom of drie, en pak die kleiner rangskikkings rondom die groter een. Of gebruik ’n mengelmoes van vase en potjies, elk met net een of ’n paar blomme daarin. Saam lyk dit pragtig. Speel met tekstuur deur verskillende blomme saam te gebruik. ‘Digte’ blomme soos dahlias en fyn blommetjies soos krytblom lyk pragtig saam. Jy kan ook die tekstuur van jou vase gebruik om kontras te skep deur byvoorbeeld delikate lelies in ’n growwe keramiekbak te sit. DROOGSKOONMAAK VS. STOOMSKOONMAAK V: Dit lyk of my klere - veral my jasse - deur droogskoonmaak beskadig word. Moet…

SÊ: ‘EK WEET NIE’ Hoeveel keer het jy nie al jou kop instemmend geknik terwyl iemand praat oor iets waarvan jy eintlik niks weet nie? As volwassenes mors ons ’n klomp energie deur voor te gee ons is ingelig en slim, maar jy sal soveel meer leer as jy bereid is om te sê: ‘O, wat is dit?’ DOEN NET EEN DING OP ’N SLAG Draf jy teen die trappe af terwyl jy op jou selfoon praat en terselfdertyd jou jas probeer aantrek? Jy voel dalk baie doeltreffend, maar dit beteken ook jy skenk nie enige aandag aan hierdie take nie. Probeer om wanneer jy teen die trappe afstap, slegs teen die trappe af te loop. Wees bewus van elke tree en fokus op elke trap. As jy jou jas…

Skryf aan Ideesen stuur jou brief per e-pos aan ideesred@media24.com met ‘Jul idees’ in die onderwerpveld, of faks dit na 021 408 3046. Onthou asseblief om jou adres en telefoonnommers by te sit. Die skrywer van dié maand se wenbrief ontvang ’n geskenk van die wynlandgoed Theuniskraal ter waarde van R1 500. Die geskenkpak bevat twee gemengde kiste Theuniskraalwyne – Prestige, Muscato Róse en Bouquet Blanc – asook ’n sak, deken, DVD’s en sjokolade. Lees meer oor Theuniskraal op hul webwerf, theuniskraal.co.za.…

Patroonroller Moeilikheidsgraad: Gemiddeld Tydsuur: ’n Halwe dag Jy benodig • koekroller • patroon van jou keuse • materiaal of papier wat jy wil bedruk • waterbasisdrukkersink (ons het Dala se blokdruk-ink, beskikbaar by The Deckle Edge, gebruik) • rubber-inkroller (of gebruik ’n gewone sponsroller) • sponspapier • geskikte gom (sien stap 5) • maskeerband • handwerkmes en snymat • maatband • naellakverwyderaar en watte Meet die breedte en omtrek van jou koekroller en bepaal die grootte van jou patroon daarvolgens. Maak seker die patroon sal mooi herhaal wanneer jy die roller rol en kies ook iets wat jy kan uitsny sonder dat jy met ’n klomp los dele sit wat jy op die roller moet plak. Druk die patroon met ’n laserdrukker in swart-en-wit uit en plak dit met die…