Tabla de contenidos para March 2016 en Idees

Laas Kersfees (wat klaar weer soos ’n leeftyd gelede voel) was die eerste keer dat ek nié my Kerstafel op Instagram gesit het nie – iets wat ek nogal graag doen. Die rede was dat my inspirasie uit hierdie uitgawe gekom het en dus nog hoogs geheim was. Toe Hannes vroeg in Desember by die kantoor instap met die kunsblikkies wat vandeesmaand op ons voorblad pryk, het ek net geweet: Hiér is die vonk waarvoor ek gewag het. Dit was die inspirasie wat my lus gemaak het vir tafeldek en pakkies toedraai en sommer kook ook! Kort voor lank het die blikkies, wat my seun, Anton, en sy vriende met groot entoesiasme vir my leeggemaak het, die bottel modge podge en die kunsfotostate die hele eetkamertafel vol gestaan vir een…

1. SKILDERY-VASIES MOEILIKHEIDSGRAAD: maklik TYD: halfuur per vaas plus droogtyd HIERDIE MOOI KOELDRANKBLIK-VASE GAAN JOU NIE VEEL LANGER NEEM AS OM ’N KUNSPRENT UIT TE DRUK EN DIT OP ’N GESPUITVERFDE BLIKKIE TE DÉCOUPAGE NIE. JY BENODIG • kunsprent van jou keuse • koeldrankof ander blikkies • wit spuitverf • modge podge • handwerkkwas • handwerkmes en snymat • staalliniaal Spuitverf eers die blikkies wit. Spuit ’n hele paar lae – elke laag net liggies sodat dit nie ‘trane’ vorm nie – tot die kleur mooi solied is. Laat elke laag eers droog word voor jy weer spuit. Kopieer jou kunsprente in die verlangde grootte en gebruik die handwerkmes, snymat en staalliniaal om dit uit te sny. Verf ’n laag modge podge oor die gespuitverfde blikkie en laat dit droog…

BOTANIESE ILLUSTRASIE INKLEURPRENT TOP (R249) VAN ZARA. LANGBROEK (R399) VAN STUDIO W. HALSSNOER (R1 700) VAN LULU BELLE. GRAFIESE LYNE HEMP (R795) VAN COLLEEN EITZEN BY THE SPACE. LANGBROEK (R799) VAN MANGO. SKOENE (R495) VAN ALC BY THE SPACE. HANDSAKKIE (R1299) VAN MIMCO. WATERVERFSKILDERY TUNIEK (R620) VAN COPPÉLIA. JEANS (R299) VAN KELSO BY EDGARS. SKOENE (R349) VAN CALL IT SPRING.…

PRUIM-EN-KERSIETERT Maak: 1 tert van 35 x 27 x 5 cm Bereidingstyd: 40 minute Baktyd: 40 minute Oondtemperatuur: 180 °C • 1 rol gekoopte blaardeeg • 70 g (80 ml) bruinsuiker • 5 ml fyn kardemom • omtrent 12 ryp pruime, ontpit en in skywe gesny • 250 g vars kersies, ontpit en middeldeur gesny (hou ’n paar heel vir versiering) • 1 groot eier, liggies geklits met 10 ml water • 25 ml papawersaad • 50 ml heuning, vir glaseer • versiersuiker, vir oorsif 1 Laat die blaardeeg in die yskas ontdooi. Rol dit oop en sit dit in ’n oondpan wat gesmeer en met bakpapier gevoer is. 2 Meng die helfte van die bruinsuiker met die fyn kardemom. Sit die skywe pruime in ’n bak en sprinkel die…

KARRINGMELK-VANIELJEKOEK Maak: 1 koek van 20 cm Bereidingstyd: 45 minute Baktyd: 45 minute Oondtemperatuur: 175 °C JY BENODIG 250 g sagte botter 125 ml canola- of sonneblomolie 690 g Huletts-witsuiker 5 groot eiers, teen kamertemperatuur 420 g koekmeel 15 ml bakpoeier 10 ml vanielje-ekstrak of 20 ml vanieljegeursel 330 ml karringmelk VERSIERSEL 350 g sagte botter of wit bakmargarien 700 g Huletts-versiersuiker, gesif kookwater 2,5 ml vanielje-ekstrak of 5 ml vanieljegeursel  1 Room die botter, olie en suiker saam tot dit lig is. Voeg die eiers een-een by en klop dit goed ná elke byvoeging. 2 Sif die meel en bakpoeier saam. Voeg die vanielje by die karringmelk en meng dit goed. 3 Voeg ’n derde van die meel by die bottermengsel en vou dit in tot dit net gemeng…

MOEILIKHEIDSGRAAD: gemiddeld TYD: 1 dag GROOTTE: medium (heup: 93 cm) JY BENODIG patroon en motief op bladsy 80 0,5 m dun wit katoenmateriaal bypassende masjiengare wit stringborduurgare borduurring 5 mm-els 20 mm-breë rek (60 cm) SO MAAK JY let wel Alle naattoelatings is 1,5 cm. 1 Teken die patroondeel oor volgens die patroon op bladsy 80. Gebruik die patroondeel om die twee pante uit die materiaal te knip. Knip ook ’n strook van 2,5 x 140 cm uit vir die intrekkoord. 2 Merk die borduurmotief op bladsy 80 in die middel van elke pant, 3,5 cm van die onderrand af op. Gebruik twee draadjies borduurgare en borduur die ogies en traanvorms soos gewys in die stap-vir-stap-afdeling op bladsy 78. Die klein blaarvormpies in die motief word in satynsteek geborduur, ook…

’n Tekening is net ’n lyn op ’n drafstappie.– Paul Klee HOEKOM IS SKETSBOEKE NUTTIG? ’NSketsboek is die ideale plek om idees te ondersoek, jy kan dit as visuele dagboek gebruik, dis maklik om te vervoer en teken is boonop ’n goedkoop manier om van stres ontslae te raak. Ons het vir Liezl van Schalkwyk, ’n Idees-leser met ’n pragversameling sketse op Instagram, gevra om ons van haar liefde vir sketsboeke te vertel. ‘Ek was nog altyd mal oor die kreatiewe proses. In 2014 het ek die webwerf sketchbookskool.com ontdek en kennis gemaak met ’n kreatiewe gemeenskap van reg oor die wêreld wat my nie net geïnspireer en ondersteun het nie, maar party het ook vriende geword. In die kursus leer jy hoe om met verskillende maniere van teken te…

V Is dit waar dat ’n mens ’n stomp skêr weer skerp kan maak deur aluminiumfoelie daarmee te knip? AJa, maar ná die tweede of derde keer dat jy jou skêr só skerp maak, kan jy die lemme beskadig. Gebruik liewer fyn skuurpapier vir die slypwerk – knip eenvoudig 10 tot 20 keer in die skuurpapier en jy sal sien die skêr is weer lekker skerp. Hoe fyner die grein van die skuurpapier, hoe gladder sal die lemme wees. VAN BINNE TOT BUITE V Watter matte kan buite gebruik word? En sal dit ook binne werk? ADavid Bradshaw van Airloom Rugs in Kaapstad antwoord: ‘By Airloom beskou ons ’n “buite”-mat as een wat binne óf buite gebruik kan word. ’n Mat is geskik vir buitegebruik as dit gemaak is van…

@home 0860 576 576 Abode 072 261 3540 Ackermans 0860 900 100 Call it Spring 021 551 1527, 031 584 7431 Coppélia 084 580 1145 Edgars 0860 334 277 Exclusive Books 011 798 0000 Havaianas 021 425 2521, 031 584 7828, 011 783 0733 Lulu Belle 012 346 6424, 021 671 5728 Mango 011 783 7907 Mimco 0860 022 002 Old Khaki 021 464 5893 Onsite Gallery 021 462 1357 Poppi se Shoppi 083 774 3251 Quirky Me 082 417 1885 Studio W 0860 022 002 The Space 011 783 1935, 021 674 6643 Typo 021 552 2635 Witchery 0860 022 002 Zara 011 302 1500, 021 446 8700…

flamingotoes.com Bev Mccullough het grootgeword in ’n familie vol kunstenaars en naaldwerkers en het reeds as tiener haar eie klere en selfs dekor vir haar kamer begin maak. Dié liefde vir selfdoenprojekte en hand- en naaldwerk het al hoe sterker geword en deesdae maak sy selfs juweliersware en kikker meubels op. Haar styl is ’n mengsel van modern en vintage – sy hou daarvan om ou style nuut aan te bied. Die kategorieë op haar blog sluit in hekelwerk, borduurwerk, klere en dekor. travelingmama.net Tina Fussell is die stigter van die blog Flying House by Traveling Mama. Sy is ’n fotograaf, skrywer en stilis wat daarvan hou om die wêreld te verken saam met haar man (ook ’n fotograaf) en hul drie kinders. Die Fussells is Amerikaans, maar woon in…

In die winkelvenster by Poppi se Shoppi in Vredestraat, Durbanville, hang ’n bordjie met die woorde ‘A passion for beautiful things’. Dis ook Lize Marshall se persoonlike slagspreuk. En net soos haar huis, ook in die landelike noordelike voorstede van Kaapstad, is die winkel ’n uitvloeisel van haar unieke persoonlike smaak en liefde vir interessante antieke voorwerpe. Dié ma van twee, of ‘Poppie’ soos sy ook genoem word, weet presies waarvan sy hou en daar is nie ’n ding in haar winkel – of haar huis – waarop sy nie heeltemal verlief is nie. Dit is trouens die enigste reël wat vir haar geld wanneer dit kom by besluite oor wat sy vir haar winkel gaan aankoop: dat sy self absoluut versot moet wees daarop. Sy beskryf haar styl as…

MAAK VAN ’N FOTO ’N PAPIERCOLLAGE-KUNSWERK – DIT IS TERAPEUTIES OM TE DOEN EN LYK WONDERLIK. JY BENODIG foto van ’n gewone troupant gestrekte skilderdoek (ons s’n is 30 x 40 cm) bladmusiekblaaie blaaie uit ou tydskrifte kool- of grafietpapier vir aftrek mat akrieljelmedium (soos Multi Medium) of modge podge handwerkkwassies akrielverf (wit en okergeel) dun swart permanente merkpen Kopieer die foto van die voël in die verlangde grootte en trek dit met die kool- of grafietpapier af op die skilderdoek. Dui met ’n potlood aan waar die donker gedeeltes op die voël gaan wees. Skeur die bladmusiek op en plak die stukke op die agtergrond vas met die akrieljelmedium of modge podge. Wend dit ook bo-oor aan om lugblasies te verwyder. Laat die stukke papier mekaar oorvleuel sodat dit…

Hoe ‘op datum’ is jou hare? Om jaar in en jaar uit getroud te wees met dieselfde styl en kleur kan verouderend wees. Boonop verander jou hare se tekstuur en behoeftes met die verloop van jare en die wisseling van seisoene. Kikker jou voorkoms só op. NUWE GIERE B Kleur. Die grootste kleur-trend vanjaar is soliede kleur pleks van wisselende skakerings, sê Michael Conlin, eienaar van Pure Hair in Dunkeld, Johannesburg. Dus, pleks van ligstrepies op donkerder dele, plus tegnieke soos die Franse balayage (waar kleur sonder die gebruik van foelie met die hand aangewend word), ecaille (tortoiseshell) en ombree (die geleidelike inskakering van kleur, van lig na donker of omgekeerd) of die sagter weergawe, sombree (wat terloops steeds gewild is), dink eerder aan skoon, treffende en klassieke kleure soos…

SKEP DIE PRENTJIE Stensil en stik die tafel mooi om die bederf-verjaardag te vier. Ons het bruinpapier as basis gebruik en dit opgehelder met elemente in pienk, wit, lemmetjiegroen en goud. Kies blomme in dieselfde skakerings en dek die tafel met wit porselein- en emaljeware en goud- of koperkleur messegoed. Ons het vrolike papierborde as kleinbordjies ingespan en die blomme gerangskik in houtkissies wat in die middel van die tafel gepak is. Waatlemoen-papierborde (R99,99) van Typo. Roosgoud eetgerei (R249 vir ’n stel) van @home. BLOMME VIR DIE TAFEL Verf die binnekant van ’n paar houtkissies of voer dit uit met papier in die kleur van jou keuse. Rangskik ’n paar groot blomkoppe daarin. Ons het heel pynappels goud gespuitverf en dit in die kissies by die blomme gesit. SOUT- fN…

MENTGROEN KOMBUISHANDDOEK (WEERGAWE EEN) JY BENODIG • mentgroen wafelweefteedoek • 1 x 50 g-bol 4-draad-katoen in elke kleur: goudgeel, turkoois, appelgroen, violet, liggeel, mentgroen en donkerpienk • 3 mm-hekelpen • borduurnaald met ’n groot oog SO MAAK JY Gebruik die goudgeel hekelgare en werk komberssteke oor die breedte van die teedoek net soos by die groen handdoek weergawe twee (sien bladsy 71). 1e ry: Met RK na voor, las die hekelgare aan in die eerste sp tussen die eerste en tweede komberssteek, hekel 3 ks (dit tel as 1 lb), hekel dan 2 lb in dies sp, hekel 2 ks, slaan vlg sp tussen ste oor, * hekel 3 lb in 3e sp tussen ste, 2 ks; her van *, hekel 3 lb in elke alt st, 2 ks, tot…

Om ’n waarlik mooi brief met die hand te skryf is so te sê ’n vergete kuns. Sommige mense kan hulle glad nie indink dat daar in vandag se dae van blitstekse, e-posse en sosialemediaplatforms sowaar nog briewe met die hand geskryf word nie. Maar daar is iets baie nostalgies omtrent die vloei van ink op papier wat aan jou gedagtes gestalte gee wanneer jy vir iemand skryf. En dis opwindend om te weet iemand gaan dit uiteindelik vashou en lees. In haar boek The art of the handwritten note: A guide to reclaiming civilized communication (Crown Publishing Group) sê die Amerikaanse kalligraaf en skrywer Margaret Shepherd handgeskrewe notas is allesbehalwe ’n uitgestorwe kuns. ‘Handgeskrewe notas is nou nóg belangriker om mense met mekaar in verbinding te bring, juis omdat…

GEWILDE MARKET • Die Riversands Farm Village Market word elke Sondag van 9 vm. tot 4 nm. net buite Fourways in Johannesburg gehou. Loer in vir vars produkte, deli- en kosstalletjies, boetiekbier, handwerk, klere, juweliersware, antiekware, kuns en lekker musiek. Honde aan leibande is welkom. • Besoek die web› werf riversandsfarm.co.za vir inligting. • Die Mill Country Fair word Saterdae tussen 10 vm. en 2 nm. in Hopefield in die Wes-Kaap aangebied. Die stalletjies verkoop vars produkte, plaaslike kuns en handwerk, antiek- en vintage-ware, boeke, gebak en veel meer. Stap deur die tuin of geniet die kos, wyn en musiek. • Vir meer inligting besoek facebook.com/mill.country.fair. Mpumalanga 26 Maart Die Tonteldoos Highlands Festival is ’n Skotse fees wat naby Dullstroom aangebied word met stalletjies, ’n bier- en whiskytent, doedelsakspelers, tradisionele…

LEER BLAAR VIR BLAAR HOE OM ’N ROOS TE SKILDER WAT JY SAL KAN RAAM. WENKE Oefen die kwashale op ’n gewone stuk papier voordat jy die blomblare op jou waterverfpapier verf. Moenie te veel verf op die kwas sit nie. Hou die wit altyd na buite en die donkerpienk na binne om die tinte en skaduwees reg te kry. Wend tussen stappe nog verf op die kwas aan: wit aan die een kant, ligpienk in die middel en donkerpienk aan die ander kant. As jy die roos op ’n meubelstuk pleks van papier wil verf, sal jy emaljeof olieverf moet gebruik pleks van die akrielverf. Seël die verfwerk agterna met ’n geskikte seëlaar. JY BENODIG • waterverfpapier • akriel- of plakkaatverf in donkerpienk, ligpienk en wit • kunskwas met…

BENADER JOU MUUR SOOS ’N SKOON SKILDERDOEK EN SPAN HIERDIE TEGNIEK IN OM DIT DIE EFFEK VAN WATERVERF TE GEE. JY BENODIG • ligpienk en donkerder pienk PVAverf (ons het Dulux in Sweet Sundae en Fuchsia Lily gebruik) • verfkwas • spuitbottel met water Verdun die ligpienk verf met ’n bietjie water sodat dit die dikte van pannekoekbeslag het. Verf ’n breë strook oor die breedte van die muur, omtrent twee derdes boontoe. Neem die spuitbottel en spuit water oor die pienk strook. Die verf sal teen die muur begin afloop. Help die proses aan deur nog water te spuit oor die verf wat afloop. Verdun nou die donkerder pienk verf met water soos voorheen. Verf ’n streep van dié verf net bokant die ligpienk streep. Spuit water oor die…

MOEILIKHEIDSGRAAD: maklik TYD: 30 minute JY BENODIG • koekresep op bladsy 66 • versierselresep op bladsy 66 • koskleursel van jou keuse • draaitafel (of gebruik ’n koekstaander) • klein versierspatel • groot skraapmes of spatel • 2 spuitsakke (opsioneel) • koekstrooisels en kerse, om te versier Verdeel die versiersel en kleur elke hoeveelheid in die kleure van jou keuse. Hou die grootste porsie wit omdat jy die hele koek daarmee moet versier. Sny die bokant van die koeke sodat dit mooi gelyk is. Sit een koek in die middel van die draaitafel, indien jy een gebruik, of op ’n koekstaander. Smeer omtrent 125 ml versiersel eweredig oor die bokant van die onderste koek – bly net binne die rand van die koek. Sit die tweede koek bo-op en druk…

JY BENODIG • patroon op bladsy 74 • gedrukte materiaal vir die vier bane van die romp •25 x 150 cm teenstellende materiaal vir die middellyfband • bypassende masjiengare SO KNIP JY Vergroot die patroon op die volgende bladsy tot die werklike grootte en knip dit uit om as patroondeel te gebruik. Knip vier bane uit die gedrukte materiaal volgens die patroondeel. Naattoelatings van 1,5 cm is vir die synate ingesluit en vir die some 2,5 cm. Knip uit die teenstellende materiaal twee stroke van 11,5 x 150 cm (naattoelatings ingesluit) vir die middellyfband. SO MAAK JY 1 Stik die vier bane aan drie van die synate aan mekaar met die regte kante teen mekaar om ’n lang, aanmekaar stuk lap te vorm waarvan een synaat oop is. Werk die…

Alle besighede het stiller en woeliger tye. Ons bakkery is byvoorbeeld regdeur die jaar oop, maar ons stilste maand is beslis Januarie wanneer almal ná die gebras van die feestyd wye draaie om bakkerye loop. Vir gimnasiums is Januarie natuurlik weer ’n fantastiese maand… Ons ander stiller maande is in die hoogsomer wanneer baie van die eilandbewoners vakansie hou. Die toeriste bly weg en dis te warm om te eet. Al word ons oonde steeds elke dag aangeskakel, moet ons alles op mikrovlak bestuur om die besigheid aan die gang te hou. Toe ons destyds die bakkery begin het, het ons nie ’n idee gehad hoe skerp sake sou afneem nie. Gevolglik het ons ook nie juis daarvoor voorsiening gemaak nie … Ons het gelukkig blitsig tot ons sinne gekom…

Onthou jy nog die Dairy Belle-lorries van dekades gelede wat vars melk en lemoensap in glasbottels by jou deur kom aflewer het in ruil vir koepons? Deesdae verkies al hoe meer mense om meer as net hul basiese kruideniersware tuis te laat aflewer. Kos is ’n reuse-trend. Daar is opnuut ’n fokus op vars en organiese bestanddele wat gebruik word om voedsame, tuisgekookte maaltye te berei. Maandelikse grootmaataankope word verruil vir die weeklikse of selfs daaglikse aankoop van vars bestanddele in kleiner hoeveelhede. Daar is ook ’n oplewing in alternatiewe eetgewoontes soos die veganleefstyl, ’n vegetariese dieet of die gewilde laekoolhidraat-hoëvet-eetplan, waarvoor bestanddele dikwels by spesialiswinkels aangekoop word. WYN OP JOU DRUMPEL VINO PRONTO (vinopronto.co.za) is ’n wynwinkel wat elke maand ’n ‘verrassingsboks’ met ongewone wyne by jou huis aflewer.…