Cara Haf 2020

Wrth i’r rhifyn yma fynd i brint, ry’n ni mewn cyfnod anodd. Mae ’na bethau erchyll yn digwydd yn y byd. Mae pethau’n newid ac yn datblygu bob dydd. Dros y misoedd diwethaf mae anghyfiawnderau a thrasiedi Covid-19 a llofruddiaeth George Floyd wedi gwneud i bawb stopio, meddwl, dysgu a gweithredu. Ry’n ni’n gwybod nad ydyn ni’n gwneud digon i gynrychioli’r diwylliannau a’r cefndiroedd amrywiol cyfoethog sydd gennym ni yng Nghymru. Mae bywydau du o bwys. Does dim amheuaeth am hynny. Ac mae angen i ni, fel llawer o sefydliadau eraill y Gymru Gymraeg, wneud yn well. Ond ry’n ni’n dysgu, ac am ymdrechu i wella hyn yn y dyfodol. Fel dwy fenyw groenwyn, ry’n ni’n rhan o’r system o orthrwm, ac yn elwa ohoni bob dydd. Felly rhaid i’r…

Tasen i’n sgwennu’r erthygl ’ma fory neu ddoe bydde hi’n erthygl gwbl wahanol. Tasen i’n sgwennu hi pnawn ’ma yn hytrach nag yn y bore bach, ma siawns go dda y bydde hi’n wahanol eto, ac y bydden i’n anghytuno gyda’r rhan helaeth o’r pethe fi ’di sgwennu. Dwi erioed ’di bod mor lan a lawr yn fy mywyd, a dwi’n gwbl ymwybodol bod y rhan fwya ohonoch chi sy’n darllen yn mynd i deimlo ’run peth. Yn ystod y deuddeg wthnos ddwetha ma popeth wedi bod mor heightened, a dwi’n ffindo fe’n anodd gwahanu’r pwysig a’r dibwys – maen nhw i gyd yn teimlo ’run peth. Yn llythrennol o awr i awr dwi’n mynd o fod yn eithriadol o bositif a chyffrous am y dwrnod o ’mlaen i, i…

Mae Cymru wedi dioddef o fod yn anweledig am flynyddoedd yn y cyfryngau y tu allan i Gymru, ond mae hynny’n newid yn ôl Caryl Lewis, yr awdures a’r sgriptwraig sy’n byw yng Ngoginan ger Aberystwyth. “Dwi’n meddwl mai’r straeon mwyaf llwyddiannus yw’r rhai sydd wedi eu gwreiddio, eu sgwennu a’u cynhyrchu yng Nghymru,” meddai Caryl. “Mae yna ddiddordeb mewn straeon Cymraeg nawr yn y cyfryngau rhyngwladol, ond mae’n bwysig i ni gael dweud ein straeon ein hunain yn hytrach na chael eraill yn eu dweud nhw droston ni. Dwi’n meddwl ein bod yn symud oddi wrth y ddelwedd corau meibion, telynau a daffodils erbyn hyn.” Mae dramâu fel Bang a Craith/Hidden yn fodlon edrych ar dlodi ac ar ochr dywyll ein cymdeithas, meddai Caryl Lewis, a oedd yn rhan…

Cynhyrchydd sy’n dymuno aros yn ddienw Yn fy marn i mae’r Cymry yn cael eu portreadu ar y cyfan fel hicks, rednecks a phobl ansoffistigedig. Mae hyn yn wir am gyfresi fel Y Gwyll a Craith, lle mae’r Cymry fel arfer yn gyrru hen pick-up, cario chainsaw ac yn y blaen. Mae hefyd yn dueddiad mewn dramâu diweddar ar S4C i anwybyddu elfennau o Gymreictod er lles y farchnad ryngwladol neu’r fersiwn Saesneg. Enghraifft o’r tueddiad yma yw cynnwys actorion mewn cyfresi wedi eu gosod yn y gogledd sydd â thafodiaith ddeheuol. Yn fwy na hynny, mae anghenion fersiynau ar gyfer y Saesneg/marchnadoedd rhyngwladol yn golygu bod y sgript yn fwy clogyrnaidd yn y fersiwn Gymraeg (sgriptio yn Saesneg a chyfieithu ydi’r drefn arferol). Golyga hyn fod y ‘gwerth’ i’r…

Meleri Wyn James Bydda i’n treulio oriau bob wythnos yn bodio trwy gylchgronau, ac mae cael awr fach mewn siop ddillad leol yn un o fy hoff ffyrdd o ymlacio. Fyddai hi ddim yn ddydd Mawrth yn fy myd i heb gopi o Grazia, ac er fy mod yn mwynhau’r materion cyfoes, a’r byd celf – ocê, a’r clecs hefyd! – y tudalennau ffasiwn yw fy mhrif ddiddordeb. Fydden i ddim yn breuddwydio gwario ar ddillad designer drudfawr, ond rwy’n cael syniadau sy’n golygu fy mod yn gwybod beth yw’r trends diweddaraf, hyd yn oed os wy’n dewis eu hanwybyddu’n llwyr. Un o newidiadau amlwg y blynyddoedd diwethaf ar y stryd fawr yw bod digonedd o ddillad rhad ar gael sy’n dilyn ffasiwn y cynllunwyr enwog. Er ’mod i’n dwlu…

• Gofalwch am eich dillad. Darllenwch y label a dilyn y cyfarwyddyd.• Defnyddiwch edau a nodwydd i wnïo botwm, mendio hem neu gau twll bach.• Dysgwch sut i ddefnyddio peiriant gwnïo. Mae’n ddigon hawdd dysgu sgiliau syml fel hemio.• Dewch o hyd i wniadwraig i addasu dillad. Os yw eich dillad yn ffitio’n dda fe fyddan nhw’n edrych fel petaen nhw wedi eu gwneud yn arbennig ar eich cyfer chi.• Beth am gyfnewid dillad gyda ffrind neu aelod o’r teulu? Neu, beth am werthu dillad sydd mewn cyflwr da ar y we neu mewn siop ail-law leol?• Porwch mewn siopau elusen a siopau ail-law. Mae yna fargeinion i’w cael.• Pam gwario ffortiwn ar rywbeth i’w wisgo ar gyfer un achlysur arbennig? Mae sawl gwefan sy’n eich galluogi chi i rentu…