Tabla de contenidos para 1 November 2019 en Vrouekeur

Verdrink ons in ons rommel? vra Shanda Luyt hierdie week op bl 14. En die kort antwoord is: Ja. Rommel is soos ’n kredietkaart. Jy sien nie onmiddellik die skade wat dit jou kan berokken nie. Dis maklik om jou kaart te gebruik, makliker as harde kontant, maar voor jy jou kom kry, verdrink jy in die skuld. Dis ewe maklik om gemors in ’n asblik te gooi, maar dit verdwyn nie net as jy dit weekliks voor jou huis laat om weggeneem te word nie. Dit hoop nes skuld op en later kan dit jou verswelg. Ek was nog op laerskool toe ek eendag by my slim pa wou weet wat met die vullis wat weggery word, gebeur. Dis die eerste keer wat ek besef het daar is iets…

“Wêreld, hier kom ek!” Dit was 15 jaar gelede die opskrif van ’n artikel in Vrouekeur wat oor ’n lewenslustige baba met ’n kunsbeen gegaan het. Profetiese woorde. Emile, wat destyds soos blits oor die mat gekruip het en nooit vir sy tweelingboetie, Ruan, wat met twee gesonde bene gebore is, teruggestaan het nie, het intussen al vier keer oorsee aan die Wêreldparalimpiese Spele in spiesgooi deelgeneem. Hy het ook verskeie SA rekords in sy afdeling verbeter. ’n Wenner. Dit was destyds moeilik om die klein woelwater te laat stilsit vir ’n foto. Hy was die ekstrovert van die tweeling. ’n Ondeunde kleinding vir wie elke dag ’n opwindende ontdekkingsreis was. Sy trotse ma sit vandag langs hom en kyk met bewondering na haar kind. Nes 15 jaar gelede. Antoinette…

DRA JY DIE REGTE BRA? Nie seker of jy die regte grootte of tipe bra dra nie? Maak ’n afspraak by The Bra Guru. Hulle sal jou help dat jou bra nommerpas sit. Hulle is ook behulpsaam met ekstragroot-groottes. Hulle het takke in Sandton, aan die Wes-Rand en Oos-Londen. Gaan na www.thebraguru.co.za. KOOP DIT HIER Ackermans www.ackermans.co.za Edgars www.edgars.co.za MrP www.mrp.com Woolworths www.woolworths.co.za…

KOEKMENGSELS Mens kan blykbaar die eiers en olie in koekmengsels met ’n blikkie gaskoeldrank vervang. KRY DIT AF As koekies aan ’n bakplaat vassit, sit die plaat vir ’n rukkie op ’n klam handdoek neer. Blink krane Sny ’n suurlemoen in die helfte en gebruik dit om krane mooi skoon te poets. STOL DIT GOU Gooi ’n klein bietjie koeksoda of suurlemoensap by om jellie vinniger te laat stol. LIPSTIFFIEVLEK Ek het ’n rooi lipstiffievlek teen my kar se dak (binne). Moenie my vra hoe dit gebeur het nie, maar ek het op ’n wenk daarvoor afgekom. Spuit haarsproei op die vlek, wag tien minute en klad dan met ’n nat waslap. Was dit daarna. NOVEMBERWENBOEK ’n Nuwe weergawe van die bekende Uit die Beek uit die pen van die…

NUWE VOORKOMS Montego het hul verpakking vernuwe met sakke wat nou ideaal vir herwinnig is. Dit het die tekstuur van ’n geweefde sak. Dit lyk wel anders, maar die inhoud is steeds dieselfde hoë gehalte waaraan troeteldiereienaars gewoond is. Besoek www.montego.co.za vir meer inligting of jou naaste handelaar FEESMAAL MET OLYFOLIE Tokara se Multi Varietal Extra Virgin Olive Oil het elegante aromas van vars groen olywe, wilde roket en botterblaarslaai. Die kruidagtige karakter aksentueer die geur van vleisdisse en werk perfek in doopsouse en slaaie. Vir ’n feesmaal het jy net ’n ciabattabrood, Tokara Multi Varietal-olyfolie, dungesnyde verouderde chedderkaas en varsgemaalde sout nodig! Besoek Tokara se proelokaal. Bel 021 808 5900. VELPRODUKTE VIR KINDERS Die Childs Farm-produkreeks is vir alle velsoorte geformuleer – selfs vir sensitiewe en ekseemgeneigde velle. Die…

ROL PRENTE PARASITE 9/10 Met Kang-ho Song en Sun Kyun Lee Regisseur Joon-ho Bong SWART KOMEDIE Moenie dat die titel jou afskrik nie. Dit klink dalk na ’n riller, maar Parasite is ’n donker komedie met sielkundige riller-ondertone wat so vernuftig ineengevleg is dat mens gril oor die dinge waaroor jy lag. Dit speel in Suid-Korea af en maak die wêreld bewus van die dreigende gevaar wat Noord-Korea, digby die grens met Seoel, inhou. ’n Gesin kry een ná die ander werk by ryk inwoners en wurm hulle in die familie se lewens in tot ’n onverwagse kinkel in die storie die “parasiete” se lewens laat uitrafel. Dit gaan ook oor armoede. Oor ’n desperate groep mense wat enigiets sal doen om werk te kry, maar dan toelaat dat gierigheid…

Zita Pretorius se splinternuwe enkelsnit, Ligte skyn, is ’n pragtige ballade wat haar vokale suiwerheid belig. Sy het in 2010 die opera-afdeling by die Performing Arts se wêreldkampioenskap in Los Angeles, Amerika, gewen – én sy is ook as die algehele kampioen gekroon. Daarna het die duet-albums Die engele sing (saam met Rudi Claase) en Burgerd + Zita (saam met Burgerd Botha), ’n aantal konsepalbums (onder meer De la Creme saam met Corlea Botha) en haar solo-album, Skakerings van dagbreek, gevolg. Dié album het haar Ghoema- en Tempobenoemings besorg. Sedertdien het verskeie optredes saam met die Gauteng-operageselskap as solis (in onder meer L’elisir D’amore en Cula Mzansi) gevolg. Sy was ook te sien as Lilly in die Naledibenoemde produksie Cradle under the Shade, Norina in Don Pasquale en Muzetta in…

LIE FDE BY DIE DAM Die Liefde by die dam-konsert word op 16 November by Meerendal in Durbanville gehou. Die Heuwels Fantasties, Francois van Coke, Early B, Arno Carstens, Majozi, Karlien van Jaarsveld, Snotkop en Loki Rothman sal op die verhoog te sien wees met Schalk Bezuidenhout as die seremoniemeester. Kaartjiepryse wissel. Bespreek kaartjies op www.howler.co.za UITSIG-FEES Huis Uitsig in Parow-Noord hou op 2 November hul jaarlikse fondsinsamelingsfees. Die pret begin om 09:00 en besoekers kan kos, handwerk, kuns en vermaak verwag. Meer inligting by reception@uitsig.org PATRIZIO SING Die Italiaanse sanger Patrizio Buanne tree op 6 November by die Sun Arena, Time Square, in Pretoria op. Die vertoning begin om 19:30. Kaartjies is via Computicket beskikbaar HELENÈ BESTER BY ATTERBURY Helenè Bester is om 20:00 op 7 November by die…

HET JY GEWEET? Life is a Garden sê November is ’n goeie tyd vir tuiniers om radyse, beet en soetrissies in hul groentetuine te plant. Gee hulle kos Voed winterblommende nieskruid (hellebores), winteriris (Iris unguicularis), begonias en osteospermum; verdeel en herplant dié wat hul ruimte ontgroei het. Voed somerbolle, kannas, agapante, dagen inkalelies en dahlias. MAAK JOU EIE INSEKDODER Gooi gekapte uie en knoffel in ’n bottel water, laat dit vir ’n week trek en spuit plante daarmee. Vier huisies knoffel en een opgekapte ui sal glo die ding doen. ’n Tuin is ’n vriend wat jy enige tyd kan besoek HOU DIE SLAKKE WEG Slakke hou glo niks van pietersielie nie, sê Life is a Garden. Plant pietersielie om blaarslaai, groenboontjies en blaarbeet om die slakke weg te hou.…

TEKEN IN OF HERNU jou inskrywing teen R812,50 PER JAAR! ■ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES ■ SMS die woorde ‘CAXTON VK’ na 47098 (R1,00 per SMS) ■ STUUR ’N FAKS na 086 670 4101 met jou besonderhede van hernuwing of intekening ■ SKRYF IN OPONS WEBWERWE www.vrouekeur.co.za/ www.magsathome.co.za ■ STUUR ’N E-POS na subs@magsathome.co.za ■ POS ’N TJEK uitgemaak aan RamsayMe dia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 ■ Doen ’n ELEKTRONI ESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 belangrik! Gebruik jou VAN en SUBSKRIPSIENOMMER of jou van…

Die program Trackers is op Deon Meyer se boek Spoor gegrond. Wat die reeks merkwaardig maak, is dat dit deur Cinemax, die susterskanaal van HBO, wat onder meer Game of Thrones en Big Little Lies gemaak het, vervaardig is. Die Britse vervaardigingsmaatskappy Three River Studios en Suid-Afrika se Scene 23, was ook deel van die vervaardigingspan. Trackers is ook op MultiChoice se Showmax beskikbaar. Trackers vertel die verhaal van Lemmer die lyfwag, wat sy vreedsame bestaan in die Karoo opgee vir ’n opdrag in Limpopo, waar hy gedreig word en sy Glock, met sy vingerafdrukke daarop, gesteel word. Die boek is vir die reeks aangepas en Deon Meyer is nie net die skrywer van die oorspronklike boek nie, maar deel van Scene 23. Deon het in ’n kort video oor…

Elke vrou het die potensiaal om borskanker te kry en mans kan dit ook kry. Al kan borskanker nie voorkom word nie, is daar belangrike stappe wat jy kan neem om dit vroegtydig op te spoor, selfs voor die fisieke simptome verskyn en voor die kanker kans kry om te versprei. Al is dit aaklige nuus om te kry, is die goeie nuus dat die mediese vooruitgang en vroeë diagnose tot gevolg het dat al meer vroue borskanker klop en nie aggressiewe en ingrypende behandeling nodig het nie, sê prof Jackie Smilg, die voorsitter van die radiologie-vereniging se subspesialiteitsgroep, die Breast Imaging Society of South Africa (BISSA). Borskanker is die kanker wat die meeste by vroue voorkom – 1 uit 28 vroue sal dit kry. In stedelike gebiede is die…

HET JY GEWEET? Die eerste melkskommels het aanvanklik drank bevat. DRINK DIT IN NOVEMBER 7 November: Internasionale Merlotdag 8 November: Harvey Wallbanger-dag 12 November: Happy Hour-dag 19 November: Zinfandel-dag Wyn is die enigste kunswerk wat jy kan drink – Luis Fernando Olaverri GOEIE GESKENK Een van die dae is dit tyd vir Kersgeskenke en Monkey Shoulder het ’n spesiale verpakking net reg vir die feestyd. Monkey Shoulder is die wêreld se eerste trippelmoutwhisky. Hulle is bekend daarvoor dat hulle nie veel oor konvensionele whiskyreëls en konvensies gepla is nie en hulle maak van whisky drink ’n prettige ervaring. Dit is by toonaangewende drankhandelaars teen ’n voorgestelde verkoopsprys van R369 beskikbaar. Besoek www.monkeyshoulder.com NUWE VONKELS Durbanville Hills spog met ’n splinternuwe rosévonkelwyn, Durbanville Hills Sparkling Wine Rosé. Die wyn is ideaal…

Die koeël was skaars deur die kerk, of eerder, die landdros skaars uit sy kantoor, toe sit ek en Danielle op ’n vliegtuig op pad na Korea vir die verpligte tien-dagoriëntering waarmee ons skoolgeeavontuur sou afskop. Dit was beslis nooit my kleintyddroom om my wittebrood saam met 600 ander foreigners van oor die wêreld deur te bring nie, boonop vasgekluister in lesings van die oggend tot die aand waar hulle ons leer hoe om suksesvolle ‘English wallpaper’ te wees nie. Danielle is ook doodbang die Koreane vind uit ons is getroud, so sy hou haar afstand en speel-speel ek is haar beste vriendin, selfs wanneer ons alleen in ons kamer is, “want dalk is daar kameras”. Ek was net so gretig soos sy om op hierdie wittebroodavontuur in die vreemde…

Ons is nou byna 20 jaar in die 21ste eeu in. Hierdie week noem ek ’n dosyn boeke wat sedert die eeuwending verskyn het en wat na my mening op almal se boekrakke hoort. 1 Hoewel ek hulle nie in ’n spesifieke volgorde plaas nie, noem ek Marlene van Niekerk se roman Agaat eerste. Dié dikke roman staan al bloot wat omvang betref bo baie ander uit, maar dit bly een van die beste demonstrasies van waartoe die roman as kunsvorm in staat is, waartoe ’n skrywer se taalvaardigheid en vertelvermoë mens se denke kan lei en hoedat dit mens se ervaring kan verruim. Verskeie van die boeke wat ek hier noem, is met die verlede gemoeid. (Dit geld ook vir talle van die “top 100” boeke van die 21ste…

Dié huisie het oor die jare ’n huis geword namate ekstra vertrekke aangebou is Die Neethlings het die afgelope 21 jaar in ’n lekker leefhuis op Worcester gewoon en hoewel dit ’n groot huis is, is die styl binne eerder dié van ’n knus kothuis, gevul met warm kleure en teksture wat ’n verwelkomende atmosfeer uitstraal. Ryck besit sy eie pesbeheer-en-onderhoudsonderneming en Elphia was ’n Engelse onderwyseres aan die HTS Drostdy. Elphia is onlangs onverwags oorlede, maar was baie opgewonde oor die vooruitsig dat haar pragtige huis in Vrouekeur sou verskyn, daarom die besluit om met publikasie voort te gaan. LELIKSTE HUISIE IN DIE BUURT Hulle het aanvanklik na dié huis getrek omdat hul tuinhuis verkoop is en hulle ’n ander heenkome moes vind. Niks het hulle aanvanklik na dié…

DROOM VAN JONG MANS Ek droom ek is 30 jaar jonger en kry aandag van jong mans, maar as ek by hulle kuier, ignoreer hulle my of kontak my nie weer nie. Ek is al 30 jaar getroud met baie kinkels en kabels, maar ons is nog bymekaar. Het die droom iets met verwerping te make? – Wonder maar net Hoewel drome nooit so direk geïnterpreteer kan word nie, kan daar wel ’n verband bestaan tussen die emosionele ervaringe wat jy in jou drome het en dit wat jy ervaar. Dit wil eerder voorkom of die kabels in jou huwelik meer kinkels het as wat nodig is. Om van sulke drome ontslae te raak, moet jy aan jou huwelik werk. Die drome is surrealistiese ontsnappings van die werklikheid waarin jy…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria- Noord en is al 20+ jaar ’n predikant Hierdie boodskap broei nou al twee weke in my hart. Moet ek daaroor skryf of nie? Telkemale wanneer ek deur die lys van gawes in Korintiërs lees, dink ek: Het ek die gawe van prediking? Wel hopelik, want die mense kom darem nog Sondae kerk toe! Die gawe van onderrig? Ek kan darem ’n kategeseklas aanbied. Die gawe van profesie? Nee, dit het ek nooit gedink ek het gekry nie, maar nou lê die boodskap op my hart en dit voel of ek dit moet deel, al is dit net hierdie een keer. Dit gaan oor dié land! Ons land! Hoe het dit gebeur dat so baie van ons…

Landi is die oudste van vyf kinders wat uit die sogenaamde Springs-gruwelhuis gered is. Vandag is sy 21 jaar oud en vertel vir die heel eerste keer haar verstommende verhaal. www.lapa.co.za 3 lesers kan die boek wen. SMS GRUWELS gevolg deur jou naam, van en adres voor 6 November 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrif-aanbiedinge aan jou te bied.…

President Ramaphosa het Suid-Afrikaners gevra om een “good green deed” per dag te verrig. Wil jy graag verminder, hergebruik en herwin maar weet nie waar om te begin nie? 1 Verminder. Koop doelbewus produkte wat so min as moontlik onnodige verpakking bevat. Kyk of die verpakking herwinbaar is. Het jy regtig daardie strooitjie nodig? 2 Dink twee keer voor jy iets in die asdrom gooi. Kan iemand anders dit nog gebruik? Dalk kan jy dit laat regmaak of verander om dit te herbenut? 3 Kontak jou plaaslike munisipaliteit of gemeenskapsorganisasies om vas te stel waar jou naaste herwinningspunte is en wat die vereistes daarvoor is. 4 Sorteer jou vuilgoed vanuit die staanspoor in aparte houers sodat dit so skoon as moontlik bly (al maak jy op informele afvalsorteerders vir jou…

#GiveYourBraForBreastCancer Tot die einde van November sal Roche R10 aan Reik na Herstel skenk vir elke tweedehandse bra in enige kleur, grootte of toestand wat geskenk word. Reik na Herstel (Reach for Recovery) is ’n ondersteuningsprogram wat jaarliks meer as 5 500 kankerpasiënte ondersteun. Hulle poog om pasiënte se selfbeeld te verbeter, veral nadat hul ’n mastektomie moes ondergaan. Oorwinnaars wat besluit om nie rekonstruktiewe operasies te ondergaan nie, kan ’n borsprostese gratis deur dié organisasie kry. Stephné Jacobs, die voorsitter van Reik na Herstel, sê dat ’n goeie kwaliteit mastektomiebra ’n noodsaaklikheid vir vroue is wat ná ’n mastektomie besluit om ’n kunsmatige bors te gebruik. Die bra’s help met die herstelproses en bemagtig oorwinnaars om na ’n normale leefstyl terug te keer. Die borsprostese wat in ’n bra…

Oppinoot het nog altyd waardering vir talent! Leah en Zita Pretorius is nie net albei beeldskoon nie, hulle is ook twee van die land se vaardigste sangeresse. Albei het hulle al as aktrises onderskei. Hul aanslag is uiteenlopend en albei geniet gewildheid en erkenning in hul onderskeie genres. Luister gerus! LEAH HÉT AANDAG! Die titel op die pragtige omslag van Leah se splinternuwe album nooi: Kyk na my. En jy kyk onwillekeurig graag – en jy wil onmiddellik sommer luister ook! Dié sangeres, aktrise en TV-aanbieder het sedert haar rolprentdebuut in As jy sing in 2013, haar debuutalbum Wonderwerk en die treffers Met jou klere aan, Volmaan en Ek moes jou gesoen het (in duet met Bobby van Jaarsveld) in ’n volronde kunstenaar ontwikkel. Haar talle toekennings is die stempel…

Giorgio Vasari het die Hoog- Renaissance net-net misgeloop. Hy was pas tien toe Leonardo en Rafael dood is. Die jaar voor sy geboorte is Giorgione dood en hoewel hy Michelangelo nog persoonlik geken het, is die plafon van die Sistynse kapel voltooi toe Vasari een jaar oud was. Vasari is in 1511 in Arezzo, suid van Florence in Italië, gebore en was ’n bekwame skilder en argitek wat vir die Medici’s gewerk het. Maar dít was nie Vasari se grootste bydrae tot die kunsgeskiedenis nie. Dié het gekom in die vorm van die boek Le vite de’ più eccellenti pittori, scultori, e architettori wat in 1550 verskyn het en later in Engels vertaal is as The Lives of the Most Eminent Painters, Sculptors and Architects, ook bekend as The Lives.…

“Ek het alles mooi uitgewerk, kolonel,” sê Hector. “Ek ook,” sê die kolonel. “Die skietery op jou is uit die tronk gereël.” “Presies!” “Meintjies wou wraak neem omdat jy hom vasgetrek het, toe beveel hy sy adjudant, Lucas, om jou te skiet. Hy het vir die adjudant beduie waar hy destyds die vuurwapen weggesteek het. As bendeleiers net kan ophou om moorde van agter die tralies te reël.” “Hoekom sal hy nóú eers probeer wraak neem?” “Misdadigers is geduldig. Hulle wag tot jy dit die minste verwag, dan slaan hulle toe.” “Ek dink eerder Meintjies wou my uit die pad hê omdat hy bang is ek los die reeksmoorde op,” sê Hector. “Ek weet dit klink vergesog … Meintjies broei al lank oor die reeksmoorde; hy fantaseer daaroor en het…

“As ek nie musiek kan maak nie, sal ek graag ’n motiveringspreker wil word om ’n verskil in ander se lewe te kan maak. Om nie ’n traan te stort wanneer ek vir oumense of behoeftige kinders optree nie, is vir my moeilik. Dit tref my diep om te sien hoe swaar mense kry,” sê die 12-jarige konsertinaspeler Kosie Beukes, wat sommer baie gou diep in Suid-Afrikaanse musiekharte kom inkruip het. Hy is ’n uiters begaafde musikant en het al 14 instrumente bemeester. Nie net is hy ’n puik konsertinaspeler nie, hy bespeel onder meer ook die klavier, trekklavier, orrel, baskitaar, mondfluitjie, tromme, klawerbord, mandolien, banjo en ukulele. “Moenie vir my ouers sê nie, maar dié kontrak beteken vir my meer as ’n goeie rapport,” skerts Kosie, sy ouers, Kobus…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 15 woorde, goed 19 woorde, baie goed 23 woorde of meer, uitstekend OPLOSSING:Tarentaal, teatraal, nalater, latent, talent, aanlê, arena, etaan, later, natel, ratel, reaal, tante, tater, tenar, area, laer, nael, nare, real, tent, tert, trae Woordsoek 25 katsoorte is in hierdie rooster weggesteek. Hulle kan horisontaal, diagonaal, vertikaal, onderstebo of agterstevoor gelees word en val…