Rapport 3/1/2020

Dokters in staatshospitale en -klinieke leef in angs en vrees vir hul lewe omdat pasiënte en dié se familielede hulle dreig en aanrand. Hulle moet gereeld koes vir vuiste, messe en vuurwapens. En tog doen talle dié werk omdat hulle ’n verskil wil maak. ’n Rapport-ondersoek die afgelope paar weke het die afgryslikste verhale blootgelê van mediese personeel wat fisiek aangerand en selfs met die dood gedreig word deur hul eie pasiente. Boonop word dokters in byna alle gevalle gesê om maar net die aanvalle en dreigemente teen hulle te sluk en aan te gaan met hul werk. Selfs die veiligheidswagte by hospitale is te bang om teen gewelddadige pasiënte op te tree. Die dokters met wie Rapport gepraat het, wou slegs hul verhale deel op voorwaarde dat hulle nie…

Die regering van pres. Cyril Ramaphosa word al lank beskuldig van besluitloosheid en ruggraatloosheid. Daarom is ’n mens skepties oor die aankondigings van Ramaphosa se soms moedswillige minister van finansies, Tito Mboweni, in sy begrotingsrede Woensdag. Veral die belofte om die hardgebakte staatsdiensvakbonde se stertvere te trek deur die salarisrekening in die volgende drie jaar met R160 miljard te verminder. Die loonrekening suig 46% op van al die geld wat met belasting ingevorder word – ja, amper die helfte van elke rand wat jy, liewer leser, aan belasting betaal, word gebruik om staatsamptenare te vergoed. Dis lankal heeltemal buitensporig. As Mboweni dit regkry, sal hy een van ons grootste probleme nekomdraai. Maar is dit nie net nog grootpratery en mooi beloftes nie? Het Mboweni regtig die politieke steun van Ramaphosa…

Sowat R2,22 miljard is aan diensverskaffers van die departement van samewerkende regering en tradisionele sake betaal waarvoor geen teenprestasie gelewer is nie, sê die ouditeur-generaal (OG). Dié sogenaamde maatskappye sonder winsbejag moet toerusting en opleiding verskaf in die land se armste gemeenskappe waar die departement veronderstel is om tydelike werk te skep in die regering se gemeenskapswerkeprogram (GWP). Maar Dinsdag in ’n laataandsitting van die portefeuljekomitee oor samewerkende regering en tradisionele sake het die OG ’n verdoemende verslag bekend gemaak waaruit blyk vir R2,22 miljard wat die departement aan diensverskaffers van die GWP uitbetaal het, kan geen bewyse vir gelewerde dienste gevind word nie. Die diensverskaffers moet projekte uitvoer wat ingestel is toe Des van Rooyen nog minister van samewerkende regering was. Dis deel van die openbarewerkeprogram wat op plaaslike…

Die forensiese ondersoeker Paul O’Sullivan het uiteindelik daarin geslaag om ’n dagvaarding te beteken aan die omstrede Dudu Myeni, voormalige voorsitter van die Suid-Afrikaanse Lugdiens (SAL), wat hom vir jare ontduik het. O’Sullivan, wat indertyd bekendheid verwerf het weens sy ondersoeke na die oudpolisiebaas Jackie Selebi, eis in ’n siviele geding meer as R156 miljoen van onder meer Myeni. ’n Hofklerk het Dinsdagoggend in Pretoria die dagvaarding aan Myeni beteken kort voordat sy haar getuienis voortgesit het in die onverwante hooggeregshofaansoek waarin die Organisasie teen Belastingmisbruik (Outa) en die SAL se Vlieëniersvereniging (Saapa) haar as ’n misdadige direkteur wil laat verklaar. O’Sullivan sê hy het sy prokureurs, Hurter Spies, opdrag gegee om Myeni in die hof voor te keer nadat hy toestemming by die regter gekry het. “Dit was nodig…

John Steenhuisen, tussentydse DAleier, gaan dié week ’n strafregtelike klag teen die polisie aanhangig maak nadat polisiebeamptes Woensdag gekeer het dat hy vir die begrotingsrede by die parlement ingaan. ’n Sigbaar ontstelde Steenhuisen het die Nasionale Vergadering (NV) eers binnegekom ’n paar minute nadat Tito Mboweni, minister van finansies, met sy toespraak begin het. Volgens Natasha Mazzone, DA-hoofsweep, het polisiebeamptes Steenhuisen voorgekeer en daarop aangedring om sy ID te sien. Mazzone het Thandi Modise, die speaker, gevra om die voorval te ondersoek omdat dit ’n oortreding van die Wet op Bevoegdhede, Voorregte en Immuniteite van parlemente en provinsiale wetgewers is. Dit bepaal ’n LP mag nie verhoed of belemmer word om ’n sitting van die NV of ’n portefeuljekomitee by te woon nie. Toe LP’s die NV verlaat, het Steenhuisen…

Die verslaggewer en radioaanbieder Izak du Plessis het verlede week summier by RSG bedank – in ’n boodskap op die redaksie se WhatsAppgroep. “Dit spyt my om julle mee te deel dat ek nie meer my dienste op ’n daaglikse basis aan Monitor en Spektrum beskikbaar sal stel nie,” lui die boodskap. “Amper agt jaar sonder betaalde verlof en die ander voordele wat permanente mense kry, eis nou ongelukkig sy tol op my gemoed en my geestelike gesondheid. Aanvaar asseblief my verskoning vir die feit dat ek sonder kennisgewing nie die laaste paar dae by die werk was nie. Ek het ’n diep persoonlike krisis gehad. Boonop was ek op ’n plaas sonder elektrisiteit en toegang tot tegnologie. My verskoning vir enige ongerief in dié verband. “Ek is baie dankbaar…