Rapport 1/5/2020

Eskom wil hê belastingbetalers moet R1,8 miljard opdok vir prestasiebonusse vir die huidige en volgende twee jaar. Dié onthulling deur die Nasionale Energiereguleerder (Nersa) kom terwyl Eskom waarsku dat sy kragvloot verder instort en dat fase 4-beurtkrag – of erger – oor die naweek reeds van krag sou gewees het as nywerhede al aan die gang was vir die nuwe jaar. Nersa maak hom reg om volgende week Eskom se pogings in die hof te beveg om dringend ’n bykomende R69 miljard uit verbruikers te wurg. In hofstukke wat Nersa verlede week ingedien het, spoel Nomfundu Maseti, wat waarneem as Nersa se heeltydse lid vir elektrisiteit, mond uit oor Eskom se onbevoegdheid en wanadministrasie waarvoor die publiek betaal. Sy sê “dit het onder (Nersa se) aandag gekom” dat Eskom beplan…

Die regering gaan na verwagting Woensdag aankondig dat die matriekklas van 2019 ’n rekord opgestel het deur vir die eerste keer ’n slaagsyfer van meer as 80% te behaal. ’n Bron in die departement van basiese onderrig het bevestig die slaagsyfer “is die hoogste tot nog toe”. Sy skryf dit toe aan ingrypings soos vakansieskole. Verlede jaar se slaagsyfer was 78,2%. “Die groot ding is dat die departement die styging sal moet verduidelik, anders gaan mense ons daarvan beskuldig dat ons die uitslae bekook het,” sê sy. Melanie Buys, onderwyskenner van die Skoleondersteuningsentrum (SOS), sê die regering kan dit nie bekostig om ’n laer slaagsyfer te hê nie en sal moeite doen om die slaagsyfer te lig. “Ons verwag wel minder skole met slaagsyfers laer as 30%, aangesien die meeste…

Eskom het gister opnuut ’n laagtepunt bereik met byna 16 000 MW wat van lyn af was toe nóg kragstasies die gees gegee het. Die situasie was laas so benard toe Eskom op 9 Desember fase 6-beurtkrag geïmplimenteer het. Die onbeplande kragverlies was op daardie dag tydelik rondom 17 000 MW. Eskom het die afgelope drie weke nie naastenby daarin geslaag om die opwekkingsvermoë van krageenhede wat breek, tot minder as 9 500 MW te beperk nie, maar gister was ’n nuwe laagtepunt vir die maand. Verlede Sondag was dit 14 574 en Vrydag was dit 14 096. Piet van Staden, voormalige voorsitter van die Energie-intensiewe gebruikersgroep (EIUG), het gister aan Rapport gesê saam met beplande instandhouding beteken dit nou minder as die helfte van Eskom se steenkoolvloot is in…

Teen die einde van 2018 het 30 000 mense in Facebook se afdeling vir “veiligheid en sekuriteit” gewerk. Hul dagtaak? Om na plasings te kyk wat deur ander gebruikers beskou word as aanstootlik, en dan te besluit of dit Face-book se “gemeenskapsriglyne” oortree. Facebook sê dat hy met die reëls die wêreld ’n meer inklusiewe plek maak deur die taal te verbied wat in geen ordentlike voorhuis geduld sal word nie. Enige taal wat mense teiken op grond van “beskermde gronde” is verbode. Dit sluit in ras, etnisiteit, godsdiens, seksuele oriëntasie, geslag, gender, gender-identiteit en gestremdheid. Enige plasings wat immigrasie-beleid bevraagteken, is taboe, net soos alle verwysings wat iemand se intellek bevraagteken deur byvoorbeeld na hulle te verwys as “dom” of “ongeletterd”. Gebruikers moet hulle ook weerhou van enigiets wat…

Die EFF het die parlement daarvan beskuldig dat hy die bewoording van die beoogde wysiging van die Grondwet oor onteiening sonder vergoeding stilletjies kort voor Kersfees gepubliseer het – salig onbewus daarvan dat politieke partye ooreengekom het om die wet weer in Januarie te publiseer. Die konsepwet is op 13 Desember verlede jaar in die Staatskoerant gepubliseer met ’n uitnodiging aan die publiek om voor einde Januarie voorleggings daaroor aan die parlement te stuur. “Dis gedoen sonder behoorlike publisiteit en nog erger, kort voor Kersfees,” het die party op Oujaarsdag in ’n verklaring gesê waarin hy sy ondersteuners aanmoedig om voorleggings te doen. Die EFF het sy ondersteuners gevra om op die webblad van dearsouthafrica.co.za , ’n onafhanklike nie-regeringsorganisasie, ten gunste van die wysiging te stem. Teen Saterdag het meer…

Fanatiese sosialemedia-bendes het Facebook geboelie totdat die internetreus besluit het om die blad van een van die land se voorste spotprenttekenaars, Jeremy Nell oftewel “Jerm”, te sluit. Dit het gekom nadat Helen Zille, voorsitter van die DA se federale raad, op 29 Desember ’n ou Nell-spotprent getwiet het. Dit het ’n storm op sosiale media laat losbars. Die spotprent het kritiek gelewer teen diegene wat veralgemeen op grond van ras. Nell se Facebook-blad, wat bykans 60 000 volgelinge gehad het, is Donderdag gesluit ná klagtes dat die gewraakte spotprent rassisties was. Hy het ’n kennisgewing van Face-book ontvang dat “dit lyk asof jou blad nie Facebook se beleid volg nie” en dat dit daarom gesluit word. Zille het die spotprent getwiet omdat dit volgens haar ’n goeie illustrasie is van…