Tabla de contenidos para 21 November 2024 en Kuier

Onlangs kry ek ’n WhatsApp wat vra: “Wat maak jy en jou man op 6 November om 19:00?“ Ek lees die boodskap, maar vergeet skoon om te antwoord, want ek is by die winkels en haastig met ’n trollie op pad uit kar toe. Ure later biep my foon weer. Die sender wil weet wanneer antwoord ek. Ek wil weet waarheen word ek genooi, en die een antwoord: “Vir Prins William se event.“ Ek dink toe só gaan ek nie met ’n slap riem gevang word met een of ander joke nie, en antwoord ewe: “Ja, en ek’s Meghan Markle. “Talle lag-emoji’s volg. Dan vele verduidelikings wat bevestig dis nie een groot grap nie. Prins William is in die Kaap vir sy Earthshot-prysaand, waar hulle mense met innoverende projekte wat…

Sy vermoë is sterker as sy gestremdheid. Dís die lewensleuse waaraan Deven Rooy (23) vasklou, en daarom wil hy altyd die lig vir ander wees. As hy daardie fakkel kan wees, hoef moedeloses nie in die donkerte te strompel nie. “My ability is stronger than my disability – dít glo ek vas. Dis wat my nog altyd net sterker maak, en nou leef ek my drome uit ten spyte daarvan, ” vertel hy. Deven is gebore met artrogripose, ’n siektetoestand gekenmerk deur abnormale volgehoue buiging van ’n gewrig, wat beteken sy gewrigte is styf en “geanker”, of onbeweeglik. Dié siekte kan een of verskeie gewrigte beïnvloed, insluitend die hande, voete, elmboë, knieë en soms ook die ruggraat. Mense met artrogripose kan spierswakheid ervaar en vind dit moeilik om te beweeg,…

Vir haar GEBOKSTE LIEFDE Dié mooi-verpakte geskenkboksies is net die ding as jy ’n als-in-een-bederfie soek vir iemand spesiaal. Dit bevat verskeie pamper-goedjies, designer-jams, lekker eetgoed en selfs bubbly of bier. As jy wil uithaal, is daar boksies wat draai by R599, maar die goedkoopste is R250. Betaal R30 ekstra vir ’n persoonlike nota en versiering vir die boksie. EISJ, EISJ, BABY! Dié oulike toestelletjie is soos ’n ysbad vir jou gesig. Dié houertjies word gevul met water en gevries, en soggens oor die gesig gerol vir ’n verfrissende gelaat, beter bloeds-omloop en dit help met ontsteking. ROOMYS-BEDERF Dié oulike kleurryke stel sluit in 4 houers, 4 lepels en een skeplepel. BLINKGOEDJIES DIE BOM-SQUAD ’n Lekker vrugtebederf om ’n gewone bad in ’n sensoriese ervaring te omskep. KUNS AS DEKOR…

Ons gesels met dr. Thea Smith, ’n kliniese sielkundige wat spesialiseer in verhoudingsterapie, en dr. Bonita Gordon, ’n gelisensieerde terapeut en maatskaplike werker. Watter standaarde is nie-onderhandelbaar en met wat kan ‘n mens buigsamer wees? Thea: Nie-onderhandelbaar is dít wat jou laat veilig voel. Die manier hoe hierdie persoon jou emosioneel laat voel, hulle gedrag tydens konflik of stresvolle tye, en of hulle jou fisies veilig hou in gevaarlike situasies. Onrealistiese verwagtige soos dat die persoon ‘n sekere salaris verdien, kan jou met beperkte keuses laat. Maar sou jy eerder fokus op iemand wat hulself finansieel kan onderhou, wyse finansiële besluite neem, en bereid is om jou by te staan wanneer jy finansiële hulp nodig het, skep dit ‘n meer realistiese standaard. Dit verbreed ook die moontlike opsies vir jou.…

Sommige kinders kan uitvaar wanneer hulle slegte nuus kry. Hulle sukkel dalk skielik in die skool of soek skoor met vriende. Ander raak dalk clingy. Praat met jou kind se onderwyser oor wat aangaan. Jy kan dalk ook hul beste maatjies se ouers inlig van die situasie. Dit help as jou kind vriende het om mee te praat oor hul gevoelens. Jy gaan dalk voel as jy terminaal siek is jy wil jou kind wegstuur om by ’n vriend of familielid te gaan bly sodat hulle nie sien hoe jy ly nie. Kenners sê dis nóg meer ontstellend vir kinders om weggestuur te word van hul huis. Jou kind sal waarskynlik beter doen deur naby jou te wees in jou huis. As jou kind risky of kommer-wekkende gedrag openbaar, is…

NR. 299 WEN R350 KONTANT! ? VRAAG: Wat word die Islamitiese skemersalaah ook genoem? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 25 Desember 2024, SMS/R1,50. Die oplossing verskyn in die uitgawe van 16 Januarie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK- LIKE, VOLTOOIDE BYBE-BLOKRAAI EN HUL BESONDERHEDE VERSKAF. DIE SLUITINGSDATUMIS 25 DESEMBER 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

“Gadija se beker loop oor”, 7 Nov. Jou suster, Fatima, glimlag terwyl sy oor jou neerkyk, Gadija Sydow-Noordien. Sterkte en baie blessings aan jou. MARCELINO MATTHEWS Jy maak waarlik jou suster trots en sy glimlag beslis terwyl sy oor jou neerkyk. Rus in vrede, aan die dierbare Fatima. En Gadija, jy lyk pragtig op die voorblad. Ons almal deel in jou vreugde, met ’n traan. BENITA OCTOBER Ai, hoe bewoë raak ek nou. Dis ’n pragtige voorbladfoto van Gadija. Koester die mooi herinneringe van jou suster. Ons doen beslis. She’s gone, but not forgotten. Forever in our hearts. DOREEN HEIN Ek het ’n tweelingsuster en ook tweelingdogters en wil my nie eens dié gevoel van verlies probeer indink nie. ’n Tweeling is mos jou maatjie wat saam met jou in die wêreld kom,…

Sy het doelbewus die ou wonde uit haar verlede gaan oopkrap, maar daar was beslis goeie rede daarvoor. Want Kaylene Snyman (38) móés juis die seer gaan herbesoek om heel te word. En vandag is sy innig dankbaar dat sy gekies het om die einste man wat haar as 16-jarige verkrag het, vierkant in die oë te kyk. Sy móés ontslae raak van jare se verbitterdheid en haat wat aan haar bly vasklou het, selfs al was hy nie noodwendig vir al die seerkry in haar jong lewe verantwoordelik nie. 12 Kuier Hare was geen vanselfsprekende soort vergifnis nie, beklemtoon sy, maar ál manier hoe sy kon losbreek uit die verlede se kettings. En eers ná ’n slagofferoortreder-dialoog (SOD) – soos kenners daarna verwys – het dié boorling van Beaufort-Wes…

'n Speelgoed-mikroskoop wat sy ma vir hom op lay-by gekoop het omdat daar nie genoeg sente was nie, was die nederige voorloper tot sy ’n loopbaan as ‘n baanbrekerkardioloog. Vandag is dr. Marshall Heradien die hoofnavorser van ’n prosedure wat help om bloeddruk te verlaag, en hartritme-stoornisse voorkom. Dié boorling van Worcester in die WesKaap het vir sy doktorsgraad onder meer gespesialiseer in renale denervasie. Dís ’n prosedure waarin die nier-senuwees (in die nierslagare) verwyder of gedeaktiveer word, deur dit onder meer te skroei. “Ek het gesoek vir ’n klein prosedure wat hartritme kan stabiliseer sonder om aan die hart te raak,” wei hy uit oor sy navorsing. Enige kardioloog kan dié prosedure nou doen, maar Marshall (53) is die een wat al die “meeste van hierdie prosedures in SuidAfrika…

MINIVRUGTEKOEKE Lewer 12 miniringkoeke BESTANDDELE 250 g dadels, fyngekap 500 g vrugtemengsel 100 g glanskersies, grofgekap ½ koppie almonds, fyngekap 1 koppie ligbruinsuiker 1 koppie rooibostee ¼ koppie sonneblomolie 2 teelepels fyn kaneel ’n knippie fyn nutmeg ½ teelepel fyn sout 1 teelepel koeksoda, opgelos in 1 eetlepel water 2 eiers 2 koppies koekmeel ½ koppie brandewyn (opsioneel) METODE Voorverhit die oond tot 160°C. Bespuit 12 miniringkoekpanne of 12 holtes van ’n muffinpan met kossproei. ■ Plaas die dadels, vrugtemengsel, kersies, almonds, suiker en rooibostee in ’n kastrol en verhit oor lae hitte tot die suiker gesmelt is. Roer af en toe om te verhoed dat dit brand. ■ Giet die olie, kaneel, nutmeg en sout by die mengsel. Haal die mengsel van die stoof af, voeg die opgeloste koeksoda by en roer vinnig deur – die mengsel sal ’n bietjie skuim. ■ Klits…

Hoewel daar nie besliste statistieke beskikbaar is vir die voorkoms van skoliose in Suid-Afrika nie, is dit wel behandelbaar. Die oorsake in meeste gevalle is onbekend (dít word idiopatiese/onbekende skoliose genoem), of dis deur genetika, geboortedefekte, beserings of ander mediese toestande. Simptome sluit in ongelyke skouers of heupe, een meer prominente kant van die ribbekas, rugpyn, moegheid, en asemhalingsprobleme (in ernstige gevalle). Volgens ’n artikel in die South African Journal of Physiotherapy is daar ’n paar tipes behandeling wat kan help met sogenaamde SpineCor (spinal correction). Dit sluit in waarneming en ortose (eksterne toestelle wat ondersteuning, belyning of stabiliteit bied aan verskeie liggaamsdele, veral dié wat deur besering, siekte of gestremdheid geraak word, soos stutte), asook isoterapie (spier- en gewrigspanningsoefeninge) en chirurgie. “Talle verskillende stut-aanwendings word gebruik, en die sukseskoers…

ENTREPRENEUR As ‘n kind het Kim Jayde en haar vier broers en drie susters die strate van Bulawayo, Zimbabwe, platgery met hul fietse. Sy was toe nog onbewus van die toekoms wat op haar sou wag in Suid-Afrika. Kim, nou ‘n media-entrepreneur, het gehalte-onderrig aan die meisieskool Girls’ College ontvang, waarvoor sy vandag nog dankbaar is. Ná skool het sy in 2009 op 19 na Suid-Afrika getrek en aan die Universiteit Stellenbosch begin swot aan haar honneursgraad in maatskaplike werk. Die Christelike waardes wat sy in haar “mooiste kinderjare” aangeleer het, het haar as ‘n buitelandse student deur varsity gedra – en dra haar stééds, verklaar sy oral op haar gewilde socials-blaaie. Ná haar studies het Kim, ‘n deeltydse model sedert sy 15 was, ’n jaar opsygesit om voltyds modelwerk…

Dieselfde wenke hierbo geld in ’n geval waar die ouer of ’n nabye familielid se geestesgesondheid die gesinsdinamika raak. Met siektes soos depressie of angsversteuring is dit belangrik dat die kind weet hul geliefde se gedrag (soos om onsteld of teruggetrokke te raak) is nie hulle skuld nie. Die idee is, hulle moenie dink “Mamma praat nie met my nie omdat ek iets verkeerd gedoen het”, maar eerder, “Mamma voel nie lekker nie, en dís hoekom sy minder praat of ontsteld is” . Dis in kinders se aard om hul ouers se aandag te begeer en as hulle dit nie kry nie, kan dit lei tot ’n swak selfbeeld, teruggetrokkenheid en dit kan hulle selfs ook hartseer maak. “Dít lei tot gedragsprobleme soos ’n gegil of skree, swak gedrag, of…

NR. 325 WEN R350 KONTANT! ?VRAAG: Watter radio-omroeper, MC en influencer bied ook Afhaak op VIA aan? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 25 Desember 2024, SMS/R1,50. Die oplossing verskyn in die uitgawe van 16 Januarie 2025. MET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK- LIKE, VOLTOOIDE FOTOBLOKRAAI EN HUL BESONDERHEDE VERSKAF, DIE SLUITINGSDATUM IS 25 DESEMBER 2024. GEEN WHATSAPP-BOODSKAPPE WORD AS INSKRYWING AANVAAR NIE SMS OM IN TE SKRYF!…

Die lewe het sy swaaie en draaie wat ‘n mens baiekeer kop onderstebo laat. Ek dink onlangs aan ’n tyd toe die terugslae volop was. My ma, wat baie kunstig is met haar hekelpen, is gediagnoseer met kanker. My pa, ’n Jack of all trades, se liggaam het ingekrimp soos ’n opgefrommelde boks. Boonop het hulle besluit om te skei (maar steeds op dieselfde yard te bly). Dit het my gebreek om te sien hoe alles ineentuimel. Dit het gevoel ek het baie ysters in die vuur. Die verlede het my gevange gehou. Maar my ma het nooit krag weggegee nie. Sy het geveg teen die siekte soos net ’n sterk vrou kan. Sy was ’n gehoorsame pasiënt en het haar medikasie gebruik. En sy het uiteindelik kanker oorwin. My…

Haar abuser was in sy diep 30’s en bekend aan die familie toe hy haar van sesjarige ouderdom af begin molesteer het. So klein soos sy was, het Natanya Smith (26) toe al geweet dis verkeerd. Sy was bang om die familie te ontstel, en het maar stilgebly. En só het die mishandeling aangegaan totdat sy 11 jaar oud was. Net daar het sy al besluit, genoeg is genoeg. Sy het genoeg verstand gehad om te weet sy moes uit dié man se teenwoordigheid wegbly, en al kon sy nie toe haar stem vind nie, het sy haar roeping gevind: Sy moes ’n maatskaplike werker word sodat sy ander kinders wat, soos sy, deur seksuele en ander mishandeling gaan, se stem kan word teen die onreg. Só vertel Natanya vandag,…

Toe ’n lewensveranderende geleentheid aan haar deur klop, was sy al ’n suksesvolle sportaanbieder op eie bodem. Maar Julia Stuart het sonder skroom geantwoord, en haar loopbaan na nuwe hoogtes geneem. Net meer as ’n jaar gelede het sy haar werk as hoofsportaanbieder by SuperSport verruil vir ’n droomwerk in Londen, waar sy sport na ’n wêreldwye gehoor bring. Dié geleentheid het al “die bloed en sweet oor die jare in verskeie sportnuuskantore die moeite werd gemaak”, sê sy. “Jy kan nie net droom oor iets nie, jy moet ook oorgaan tot aksie. Ek het alles binne my beheer gedoen: hard gewerk, seker gemaak ek’s gereed as daai geleentheid kom. En ek het baie nee’s gekry. Ek is baiekeer reject. As jy genoeg keer nee hoor, begin jy later dink…

LOOK 1 HELDER KLEURE Staan uit en pop in helder kleure. Jy kan nooit verkeerd gaan met ’n rooi swembroek nie. Dit sal jou laat uitstaan op die strand en soos daai ware “Baywatch babe” laat voel! NÓG OPSIES Die aktrise SOFÍA VERGARA (52) wys ’n blou eenstuk is ’n wenner. Dra ’n bypassende sarong half-oop aan die een kant daarby. Dit vlei die bobeen en laat jou bene langer lyk. LOOK 2 BLOMMOOI Blomme gaan nooit uit die mode nie en lyk vroulik mooi en speels. Dit bring ’n prettige element na jou look, veral in die somer. As jy lus het vir lyf wys in ’n bikini, gooi ’n sarong daarby om ekstra-trendy te lyk. NÓG OPSIES WENK Swemrokke, soos dié een van Miladys, is baie vleiend as…

DOKTER Seks en jou gesondheid Dokter, my man kla kort-kort ons het te min seks en dis glo sleg vir sy gesondheid. Is dit waar? Wat is die voordele van seks wat gesondheid betref? ANONIEM Antwoord BESTE ANONIEM Daar is geen regte kwota om seks te hê nie, en nie-gereelde seks behoort nie jou gesondheid negatief te beïnvloed nie. Hoe gereeld iemand seks het, verander met ouderdom, wisselende seksdrang en verhoudingstatus. Baie geniet ’n vol en ryk lewe sonder om ooit seks te hê. Maar seks het beslis sy voordele, soos ek hieronder sal bespreek. Dit kan selfs oefening wees – wel, soort van – as jy jonk en gesond is, en dit vir so 30 minute beoefen. SEKS SE GESONDHEIDSVOORDELE Seks gaan nie net oor plesier of intimacy nie.…

NR. 247 VRAAG: Wie speel die hoofrol in die misdaadriller Absolution, wat vroeg in November uitgereik is? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 25 Desember 2024. SMS/R1,50. Die oplossing verskyn in die uitgawe van 16 Januarie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 25 DESEMBER 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 181 Soek al 50 woorde op die lys langsaan in die tabel hieronder. Hulle lê horisontaal, vertikaal en diagonaal. aartappels beestong bobotie boerewors boontjiesop braaivleis brijani broccoli bunny chow dhaltjies doopsous frikkadelle gammon gatsby geelrys hamburger hoender jellie kerrievis kluitjies koesisters konfyt lasagne niertjies omelet pampoenkoekies pannekoek patat pizza potjiekos roereier rolkoek roomys roti sardientjies skorsie slaptjips snoek sosatie spaghetti bolognese spanspek sponskoek steak tamatiebredie tjoppie trifle vrugtekoek waatlemoen waterblommetjies yskastert OPLOSSING VERSKYN IN DIE UITGAWE VAN 5 DESEMBER 2024. SOEK VIR DIE SPELETJIENOMMER.…

*REEKSE BEAUTY IN BLACK WAAROOR GAAN DIT? Sê wat jy wil van Tyler Perry, maar die man weet presies wat mense wil kyk. Dié reeks kry dit reg om kykers in te trek met sy sappige storielyn van twee vroue wat heeltemal verskillende lewens lei: Kimmie (Taylor Polidore Williams) is ’n stripper wat haar lewe probeer omdraai – al lyk dit soms sy kan net nie uit haar onsmaaklike situasie ontsnap nie – en Mallory (Crystle Stewart), is ’n skatryk sakevrou en CEO van die haarsorgmaatskappy Beauty in Black. Sy’t in ’n skatryk familie getrou en lewe lekker. Maar agter daai fênsie mansions skuil sommer baie geheime – van die soort wat hulle selfs in die tjoekie kan laat beland . . . Maar met geld kom mag. Soveel mag…

Ons lewe in ’n tyd waar ’n mens nie meer kan bekostig om groot gesinne te hê nie, omdat alles in die lewe so duur is. Maar my oorlede ouma en oupa aan my pa se kant het in hul dae “gewoeker” om die familiestamboom behoorlik sterk te maak. My pa-hulle is 13 kinders altesaam – vyf broers en agt susters, wat beteken my ouma was vir ’n goeie paar jaar amper elke jaar swanger, want al die kinders is in ouderdom baie na aan mekaar. Laat ons ook net in gedagte hou daar was daai tyd nie TV’s nie, so laat ons nou nie oordeel nie . . . Plus, dit wys ook die mense se verhoudings was gesond (as jy vang wat ek bedoel). As familie was ons…

JAWAAHIER: MY LEWE Jawaahier MY LEWENSVERHAAL SOOS VERTEL AAN Kuier DEEL 4 "DAAR WAS GEEN GELD VIR ONS NIE. EN DAAR WAS MILJOENE WAARVAN ONS G'N SENT GEKRY HET NIE." JAWAAHIER Met haar pa, Taliep Petersen, se boedelsake uiteindelik afgehandel hier teen 2010, was dit duidelik dat daar ‘n slang M in die gras was. Haar pa se dokumente het soos mis voor die son verdwyn en sy en haar sibbe was aan die noodlot oorgelaat, vertel Jawaahier (38). “Daar was geen geld vir ons nie. En daar was miljoene waarvan ons g‘n sent gekry het nie," sê sy. En met haar jonger broer en suster, Ashur en Fatiema, wat die laaste hoërskooljare moes voltooi, het sake al hoe meer ingewikkeld begin raak, tot so ‘n mate dat hul ma, Madeegha…