Tabla de contenidos para 29 August 2024 en Kuier

Ek is onlangs deur die All Saints Anglikaanse Kerk op my tuisdorp, Bredasdorp, genooi om ‘n praatjie by ‘n Vrouedaggeleentheid te doen oor vrouebemagtiging en my pad tot by Kuier. Dié wat my ken, weet speeches is nie my ding nie, maar dis die tweede keer dat ek genader is. En hoe sleg kan dit nou eintlik wees? Dis dan my eie mense, dink ek. Toe ek aanvanklik gevra is en ingestem het, sou daar net 100 vroue wees. Soos die dae aangestap het, het antie Ciel (Lucille Pick), elke nou en dan ‘n WhatsApp gestuur om te laat weet die kaartjies lóóp, en nog mense wil kom. Toe ek weer my oë uitvee, staan ek in ‘n saal voor meer as 300 vroue! En mens, dit was nou vir…

As jy gereeld op sosiale media uithang, het jy haar dalk al raakge-scroll - dié pragtige, supersjiek brunet wat raad gee oor als van makeup tricks, modes en ouerskap tot gesondheid. Aqeelah Harron (34) het in April 2010 haar blog, Fashion Breed, begin as platform vir alles na aan haar hart. Ses jaar later het haar YouTube-kanaal gevolg, en vandag het dié Kaapse influencer derduisende Instagram en TikTok followers wat haar lewe aanlyn volg. Én sy maak moves as sakevrou. Haar posts laat jou voel jy sit en drink tee met’n goeie vriendin wat jy vertrou en dat vroue nie alleen in hul struggles is nie. Aqeelah het al oopgemaak oor haar stryd met polisistiese ovariële sindroom (PCOS), hoe sy by die dood omgedraai het ná’n miskraam, en hoe sy…

1 WIT ROKKE ’n Wit rok bly maar nou eenmaal stylvol en is dié seisoen wéér in. Dis lekker veelsydig en jy kan dit op talle maniere inspan in jou looks. Jak dit met modieuse sandals of hou dit supersjiek met wit hakke, soos die aktrise ZENDAYA (27) hier wys by die premiere van haar fliek Challengers in Milaan, Italië. Let wel:Wit van kop tot tone is dalk nie die beste kleurkeuse vir ma’s met bedrywige kleintjies nie. 2 BLOMPATRONE Blompatrone gaan nooit uit die mode nie! Dis die perfekte keuse vir jou lenteklere. Kyk uit vir blomme op als van bykomstighede tot bloese en rokke, soos dié een waarin die voormalige Idols-wenner KARIN KORTJÉ (44) tydens ons onlangse voorbladfotosessie gepryk het. Dis perfek vir ’n tikkie kleur. Vat inspirasie…

AI hoe meer vroue word in ’n latere stadium van hul lewe swanger. En dít kom met sy eie uitdagings - én voordele! Toe Farren* (42) in haar laat 30’s swanger word, het haar ginekoloog haar meegedeel dis ’n geriatric pregnancy (dis die mediese beskrywing vir swangerskap van vroue ouer as 35). Hy het haar meegedeel hoe ouer eierselle met meer uitdagings en risiko’s kom, en dat sy haarself ekstra moet versorg. “Maar die goeie nuus was dat ek ’n gesonde swangerskap en bevalling gehad het,” vertel dié Kaapse ma. “Daar is wel ’n paar goedjies wat ek wens ek geweet het voor, tydens en ná swangerskap. “Deur self deur swangerskap te gaan het my laat besef vroue deel steeds nie genoeg met mekaar nie,en ek dink dis omdat mense…

NR. 175 aanbid afsluit atlas babbel badwater crèche dalkies doelgerig donker elektries element folter fossiel gars geldwolf groepfoto halsband hospitaal inklim inkvis junior kapokkie kelder klandisie letter lomerig losloop malva mompel mosterd Nagmaal nommer ontstaan onweer palet pomelo praktyk rasioneel rasper ritsel sarong sitkamer stronk tabel terroris terugflits uitruil vaarwel vroeg wyfie OPLOSSING VERSKYN IN DIE UITGAWE VAN 12 SEPTEMBER 2024. SOEK VIR DIE SPELETJIENOMMER.…

Almal weet ’n ma se gebed dra krag. Dís duidelik uit Suene Issel (45) en haar seun, Logan (13), se inspirerende verhaal. Dié twee trap diep spore in hul Malmesburyse gemeenskap deur hul werk rondom epilepsie. Die enkelma vertel haar seun Logan was net drie dae oud toe sy gesien het iets skort. Hy het epilepsie-simptome getoon, en ’n toeval het hom in die hospitaal laat beland. Dit het sy suiker baie laag laat daal, en hy’t by die dood gedraai, vertel Suene. “Raak net my kind aan, Heer,“het sy daai aand gepleit. “Later het die dokter vir my gesê: ‘Vanaand het jou geloof jou kind gered.’ As ek nie daai aand vir God gevra het wees genadig nie . . . wat sou met my kind gebeur het? Hy…

Op die oggend van ons pasgekroonde eerste dowe Mej. Suid-Afrika se onderhoud met Kuier, was sy al op met hanekraai. Mia le Roux (29) het reeds vier onderhoude agter die blad wanneer sy regskuif om met ons via Zoom-video te gesels. “Dis vroeg, maar ek geniet elke liewe oomblik sover,” sê sy glimlaggend. Daar’s niks fieterjasies aan haar nie, net’n hartlike warmte. Is daai kroon nie swaar nie? “Die kroon ís nogals swaar, ja. Maar ’swaar’ is die verantwoordelikheid van die een wat dit dra. Ek dra die kroon, want ek is ’n sterk vrou,” sê dié Oudtshoornse meisie eerlik en wys. Haar ouers, Liesel (70) en Schalk (71), en ouboet, Schalk (30), staan al die pad bankvas agter Mia en het nog nooit in haar vermoëns getwyfel nie. Hulle…

Sy erken sy trek nie altyd modest aan nie en verwys nie meer na haarself as’n modest dresser nie, omdat mense húl idee hiervan op haar probeer afdwing het. “Maar om my lyf te bedek, laat my meer beskermd voel, veral met my liggaam wat oor die ganse internet is. “Dis iets wat ek vir myself hou. Vanuit ’n geestlike oogpunt is ek Moslem, en dis deel van my geloof om meer te bedek. Ek voel ook meer professioneel en volwasse as ek myself só present.” Haar mode-en skoonheidswenke: ■ ’n Rok is die maklikste manier om jou op te dollie. Kies natuurlike materiale in die somer. Nog wenners is oorgroot baadjies, lospassende wit hemde en wyepypbroeke. ■ ’n Pleated skirt pas by alles. Dis dassic, maklik om te stileer,…

Te veel yster Dokter, ek het onlangs uitgevind my bloed is te ysterryk. Ek moet sedertdien daarvan laat trek, en dít word dan discard. Hoe gebeur so iets - is ysterryke bloed geneties? En kan dit gevaarlik wees? Antwoord Hemochromatose veroorsaak dat jou liggaam te veel yster absorbeer uit die kos wat jy eet. Dié oormaat yster word dan in jou organe gestoor, veral jou lewer, hart en pankreas, waar dit kan lei tot lewensgevaarlike toestande soos lewersiekte, hartprobleme en diabetes. Daar is ’n paar tipes hemochromatose, maar die algemeenste soort word veroorsaak deur ’n geenverandering (wat deur families oorgedra word). Slegs ’n paar mense wat dié gene het, ontwikkel ooit ernstige probleme. Simptome verskyn gewoonlik in die middeljare. IS DIT GENETIES EN KAN DIT GEVAARLIK WEES? Hemochromatose word meestal…

Hy was baie jonk toe sy passie vir kook gebore is. Toe droom hy van sjef word eendag, of vloot toe, as hy nie die paal sou haal by ’n sjefskool nie. Die vloot se verlies is toe die koswêreld se aanwins. Nou is die 22-jarige Huwitt Strydom van Kensington, Kaapstad, in sy derde jaar van ’n professionele sjefskursus by die Capsicum Culinary Studio in die Kaap. En hy kook omtrént eerste plekke los! In Mei vanjaar het Huwitt die beoordelaars behoorlik uit sy hande laat eet toe hy tydens die Showcook Reaching for Young Stars-kompetisie by die Kaap-kampus van die International Hotel School as die wenner in die Hot Chef-kategorie aangewys is. Die prys sal enige sjef laat kwyl: In Januarie spring hy op ’n vliegtuig vir ’n drie…

SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 18 September 2024. SMS/R1,50. Die oplossing verskyn in die uitgawe van 10 Oktober 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 18 SEPTEMBER 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Sy het haar biologiese pa laat gevind, maar ook net betyds. En boonop was dit in ’n stadium toe die aktrise Kim Cloete (44) se paadjie erg begin kronkel het en sy eintlik besig was om af te stuur op absolute vernietiging. Kim was ’n begaafde kind van Bonteheuwel op die Kaapse Vlakte. ’n Teruggetrokke boekwurm wat al op vierjarige ouderdom deur haar Joodse oupagrootjie, Peter Frederich Jacobs, geleer is om te lees. Sy het groot drome gekoester om ’n forensiese rekenmeester te word, en toneelspel sou eers jare later, heel toevallig, oor haar pad kom. “Ek was een van die eerste kinders – agterkleinkinders – in ons familie wat aanvaar is by ’n universiteit,” vertel sy. Destyds het sy ’n beurs losgeslaan om rekeningkunde aan die Universiteit van Kaapstad…

MY LEWE Hy’s een van die bekendste gesigte in die land. Johnny Davids (47) is ’n suksesvolle TV- en sportaanbieder wat weekliks in ons sitkamer kuier as Supersport-kommentator, Kwêla-veldaanbieder en medeaanbieder van kykNET se gholfreeks, Ysters op die Landgoed. Dan is hy ook nog een van die nuwe gesigte op die VIAprogram Landbouweekliks. En tuis gaan dit ook voor die wind. Hy’s getroud met ’n wonderlike vrou en is die trotse pa van drie seuns. Maar al is sy skedule deesdae tjok en blok vol en toer hy die land plat om mense se stories te vertel, het sy sukses nie oornag gekom nie. In sy memoir, Boytjie, wat onlangs die winkelrakke getref het, vertel Johnny in sy eie woorde van sy swaar grootwordjare. Hy maak oop oor hoe sy…

CARAMEL-PEERTERT Genoeg vir 6-8 mense BESTANDDELE Deeg 3 koppies meel ½ teelepel sout ¼ koppie ligbruinsuiker 250g koue botter, in blokkies gesny 1 eetlepel suurlemoensap 2-3 teelepels yswater Vulsel 1 kg pere, geskil en in blokkies gesny ½ koppie ligbruinsuiker sap en fyngerasperde skil van 1 suurlemoen 1 kaneelstok ½ koppie rooibostee Afronding 1 eetlepel botter 1 eier, geklits 2 eetlepels strooisuiker geklopte room of vanilla ice cream METODE Voorverhit die oond tot 200°C. Voer die bodem van ’n 20 cmkoekpan met bakpapier uit en bespuit goed met kossproei. Deeg ■ Pols die meel, sout en suiker in die bak van ’n food processor tot gemeng. Voeg die botter by en pols tot die mengsel soos broodkrummels lyk. ■ Giet die suurlemoensap by en pols tot die deeg om die lem…

Boet se depressie pla Vraag HULP VIR BROER My broer het onlangs by ons ingetrek in ’n wendy agter in die jaart. Hy werk en is ’n goeie ou, maar sukkel al jare lank met depressie. Die probleem is hy eet by ons en spandeer soms tyd in die huis en ek weet nie hoe om met sy depression te deal nie, en worry oor hoe dit my man en kids gaan affect. SANDRA Antwoord BESTE SANDRA As hy nie op medikasie is vir sy depressie nie, is dit dalk ’n goeie ding om hom by’n daghospitaal of instansie te kry wat gratis hulp en medikasie verskaf aan mense met geestesgesondheidskwessies. Dis beslis moeilik vir jou broer om daarmee te leef, maar ons vergeet baiekeer van dié wat met depressielyers…

Ek lees ’n ruk terug ’n verhaal oor ’n vrou wat haar dood moes vervals om weg te kom van haar man af. Hy het haar emosioneel en fisiek mishandel. Sy het geweet sy sal nie net haar tasse kan pak en loop nie - nie met ’n man wat haar met die vuiste geslaan het as daar krummels op die vloer gelê het, en haar elke dag vertel het sy kan niks reg doen nie. Dan is dit nie so eenvoudig soos om net vir hom te sê jy wil skei nie. Hoeveel vrouens word elke dag in hierdie soort hel wakker? Dan staan sy maar op, want sy moet. Sy het kinders en verpligtinge om na te kom. Of, sy het dalk nêrens anders om te gaan nie?…