Tabla de contenidos para July 2016 en Idees

Ek onthou nog kristalhelder die kombuise van my jeug. My ouma Lena se plaaskombuis met sy houtbalie vol koue water en die reuk van suurdeeg wat heeloggend daar gehang het. En ouma Hester se kombuistafel waar ons tot laataand sit en luister het na spookstories tot ons te bang was om te gaan slaap. Ook ons kleintyd-kombuis waar ons in ’n behoorlike produksielyn gestaan het om my ma te help koffiekoekies uitrol. ’n Kombuis moet behoorlik wérk. In my lewe was dit altyd ’n kuierplek, so sitplek is belangrik. Dan is daar ook genoeg ruimte nodig vir opkap, vir deeg uitrol en ’n veilige plekkie vir die kok se wynglas. En dan moet dit natuurlik mooi genoeg wees sodat almal daar wíl wees. Toe ek begin verlede jaar my nuwe…

KNUS TEEN DIE KOUE The Natural Company vervaardig topgehalte oorgooidekens, bedspreie en sjaals van katoen of bamboes. Die weefdraad word plaaslik gespin, geweef en gekleur. • Die maatskappy het ’n winkel in Observatory, Kaapstad, of gaan na thenaturalcompany.net vir meer inligting. Kleur VIR JOU KOMBUIS Hierdie mooi teedoeke van Sharon B Design laat die grens tussen kuns en ontwerp vervaag met hulle helder kleure en motiewe wat deur Suid-Afrika se inheemse fauna en flora geïnspireer is. Die teedoeke kos R190 elk by die V&A Waterfront Watershed, of bestel dit aanlyn by sharonbdesign.co.za. KRAGONTBYT IN 'N BEKER Dit voel soms of ’n mens die boerpot gewen het as jy ’n ontbytkos ontdek wat vinnig en maklik is om te maak, lekker smaak én goed is vir jou. Probeer gerus Thrive, ’n…

MOEILIKHEIDSGRAAD: gemiddeld TYD: ’n paar uur, na gelang van die lengte Skep met kraakvuller ’n verhewe patroon op ’n houtlat en rond die teëlwerk in jou kombuis mooi af. JY BENODIG • patroonstensil van jou keuse • dun houtlat (ons s’n is 50 mm breed) • kraakvullerpoeier (Polyfilla) • keelstokkies • verf in die kleur van jou keuse • verfkwas • 120-grint-skuurpapier • staalliniaal Kry eers jou stensil gereed. Soek vir een met ’n fyn patroon en knip indien nodig die regte deel uit sodat jy makliker daarmee kan werk. Knip ’n stuk aan waaraan jy die stensil kan vashou. Gooi van die kraakvullerpoeier in ’n bakkie en meng geleidelik ’n bietjie water daarby tot ’n dikkerige pasta vorm wat steeds smeerbaar is. Besluit op die patroonherhaling en merk…

OONDGEROOSTERDE VARKBOUD EN MEDITERREENSE GROENTE Genoeg vir: 4-6 Bereidingstyd: 20 minute, plus marineertyd Gaarmaaktyd: omtrent 2 uur Oondtemperatuur: 240 ºC • 1,2 kg varkboud • 10 ml koljandersaad • 5 ml vinkelsaad • 10 ml mosterdsaad • 5 ml varsgemaalde swartpeper • 3 knoffelhuisies, fyngedruk • olyfolie • 500 g baba-aartappels • 1 rooi en 1 geel soetrissie, pitjies verwyder en in wiggies gesny • 1 rooi-ui, geskil en in wiggies gesny • 1 groot eiervrug, in blokkies gesny • 3 takkies tiemie of roosmaryn 1 Sny ’n diamantpatroon in die vel van die varkvleis en druk dit dan deeglik droog met kombuispapier. 2 Rooster die speserye in ’n droë pan tot dit goudbruin is en druk dit dan fyn met ’n stamper en vysel. Meng dit met die swartpeper,…

IN SAMEWERKING MET HULETTS JY BENODIG • 750 g fondant (om ’n drielaagkoek van 20 cm in deursnee te bedek) • jelkoskleursel (minstens een deel van die fondant moet gekleur wees) • mielieblom • rolstok MOEILIKHEIDSGRAAD: maklik TYD: 20 minute Maak die fondant sag en verdeel dit in minstens twee stukke (na gelang van hoeveel kleure jy wil gebruik). Die stukke hoef nie ewe groot te wees nie. Kleur elke stuk. Hoe groter die stuk fondant, hoe meer van dié kleur sal aan die einde sigbaar wees. Ons het twee stukke gebruik. Die grootste stuk is wit gelos en die kleiner een donkerblou gekleur. Rol al die stukke fondant in worse wat ewe lank is. Jy kan die stukke in twee verdeel, soos wat ons gemaak het. Druk dit alles…

andat ons ma’s destyds ons kindergesigte met ’n waslap en seep bygedam het, weet ons: Jou gesig moet altyd skoon wees. Dit is eers later, hier by die tienerjare, dat ons begin verstaan het: Jou vél moet skoon wees. HOEKOM IS REINGER BELANGRIK? Anders as jou lyf vereis jou gesig meer as net seep en water om skoon te kom. Dis belangrik om jou vel soggens en saans deeglik skoon te maak: saans om grimering, vuiligheid, sweet, stof, dooie velselle en oortollige olie te verwyder en soggens om jou vel vars en skoon en ontvanklik te maak vir die duur produkte waarmee jy dit vertroetel en beskerm teen die dag se aanslae. HOE MAAK JY VEL SKOON? SAANS: Tensy jou reiniger alles-in-een is, is dit ’n goeie gewoonte om alle…

Wat is ’n ‘sampler’? Die Victoria and Albert Museum sê in ’n artikel met die titel ‘A history of samplers’ die woord sampler kom van die Franse woord essamplaire, wat beteken enige soort werk wat as voorbeeld gebruik en nagedoen kan word. ‘In die vroegste vorm is dit saamgestel as ’n persoonlike verwysing vir ’n borduurster: proefnemings van patrone en steke wat van ander gekopieer is en aantekeninge van effekte wat verkry is en weer gebruik kon word.’ Die koninklike tutor John Palsgrave definieer in sy Engels-Frans woordeboek van 1530 ’n sampleras ’n ‘voorbeeld waarvolgens ’n vrou kon werk; eksempel’. ‘Dit was ’n bron van patrone en steke wat sy kon gebruik voordat daar gedrukte ontwerpe was.’ Werk dit by Maak vir jou ’n borduursteekboek (ons wys jou hoe op…

Recruit my Mom (recruitmymom.co.za) is ’n webtuiste waarop gegradueerde ma’s kan registreer om in aanmerking te kom vir deeltydse werk of projekte. Dit het ontstaan uit ‘’n passie om gekwalifiseerde, ervare ma’s die geleentheid te bied om hulle vaardighede in te span sonder om hul behoefte aan buigsame ure in te boet’. Ma’s kan gratis lid word en aanlyn, van die huis af of buigsame ure of skiktye op kantoor werk. Mommy Mall (mommymallsa.co.za) is ’n forum vir ma’s met hul eie besigheid. Dit het oorspronklik op Facebook ontstaan uit ’n behoefte van ma’s om mekaar se besighede te ondersteun. Naomi Butow, stigter van Mommy Mall SA, sê: ‘Ek wou ’n kommersiële platform spesifiek vir ma’s skep. Die filosofie is dat “mommy mallers” (soos lede van dié forum hulleself noem)…

As kind was ek mal oor kuns – en met kuns bedoel ek die skep van ‘meesterstukke’ met enigiets waarop ek my hande kon lê. Ek het vetkryte gesmelt en laat drup, met ’n ou tandeborsel verf oral op my skilderdoek (en my ma se kombuistafel) laat spat, en tussendeur het my stelletjie mooi pastelle my gedurig verlei om iets te teken. Uiteindelik is die medium glad nie belangrik nie, want enige vorm van kuns is ’n fantastiese manier om te ontvlug – ook vir volwassenes. Ons is besige mense. Ons sukkel om tyd in ons skedule in te ruim om behoorlik te ontspan of stilte te vind in ons raserige, gejaagde bestaan. Omdat ons ons wat werk betref lankal nie meer aan 9-5 steur nie, is dit noodsaaklik om…

Skatkis-bydrae Ek het hierdie menigte gedagtes in my kop. Sommige somber, ander bly. Dinge wat ek moet doen, pligte, ander se blydskap en hartseer, ook myne. Gedagtes oor pyne, kwale, lewe en dood. Maar dan het ek hierdie skatkis in my kop. Daaruit kom my verwe, my sketsboek en joernaal. My prentjies, lappies en gom. Krale, satyn en sy. Linte, kant en rose. Skryfgoed, bakgoed en mooigoed. Speserye en kruie en lekkerruikgoed. Nuwegoed en ougoed. Elkeen koester ek, want dit is die drome wat my jaag tot hulle my inhaal. Dankie vir die drome wat julle bydra tot my skatkis, Idees, want dis lekker goed! Maryna Enslin…

MARKTE • Franschhoek Village Market Maak Bastillenaweek (16-17 Julie) ’n draai by die mark onder die historiese eikebome in Franschhoek se hoofstraat. Val weg met speken-eierrolletjies of smoothies vir ontbyt, koop piekels, konfyt, olywe en olyfolie vir die spens, en proe die plaaslike wyne en boetiekbier. Daar is ook plante, kuns en leer- en ander handgemaakte produkte te koop met musiek en vermaak vir die kinders. • Vir nog inligting, soek Franschhoek Village Market op Facebook, bel 082 786 7927 of besoek franschhoek.co.za. • Mingle at Menlo Market Ontspan elke Saterdag vanaf 11 vm. tot 5 nm. saam met vriende en familie onder die akasiabome by die Mingle at Menlo Market in Umgazistraat, Menlopark, Pretoria. Toegang is gratis. Teug aan ’n boetiekbier en lê weg aan roosterkoek, pannekoek en ander…

confessionsofaserialdiyer.com Christy James is verslaaf aan projekte – van naaldwerk tot verf tot herskep tot afbreek en herbou... met so ’n bietjie handwerk tussendeur. Begin by haar selfdoen-projekgalery (klik op die balkie langs ‘Home’) as jy haar blog vir die eerste keer besoek. Christy is mal daaroor om haar vondste en spesiale aanbiedinge met lesers te deel en hulle op die hoogte te hou oor wat uiteindelik daarvan word. ‘Ek dink ek kan basies enigiets aanpak en is mal daaroor om dit met ander te deel.’ thespicespoon.com Die kosskrywer Shayma Saadat deel resepte uit die lande van haar verlede: Pakistan, Afganistan en Iran, wat sy saam klassifiseer as ‘Syroete-cuisine’. Shayma woon in Toronto en grond haar blog op die kooktradisies van die vroue in haar familie. ‘Ek hoop ek kan…

Nog voordat ons die klokkie langs die hemelhoë roosbome in die voortuin kan druk, word ons aankoms luidkeels van binne aangekondig. Die deur gaan oop en twee windhonde skiet by ons verby: Bono, die klein renhond, en Luna, die Italiaanse windhond met die pelskragie, hardloop eers ’n paar wilde draaie deur Trix se mooi tuinpaadjies voor hulle saam met ons by die huis instorm. ‘Waar wil julle begin?’ wil Trix weet. Wat ’n moeilike vraag is om te beantwoord, want links, regs én voor ons is soveel mooi ou spieëls, kerskandelare en potte vol tuinrose dat ’n mens nie weet wáár om te begin nie. Hierdie liefhebber van klassieke Europese dekor en die Renaissancetydperk het boonop haar voorliefde haar werk gemaak, en as sy nie tussen haar gunstelingstukke in haar…

JY BENODIG foto’s of kunsprente van jou keuse modge podge handwerkkwas handwerkmes en snymat staalliniaal SO MAAK JY 1 Skuif al die boeke teen mekaar en meet rofweg die lengte en breedte. Dit sal jou help om die grootte van die prent te bepaal wanneer jy dit uitdruk. Druk die prent volgens dié mates op papier uit. 2 Meet nou die presiese lengte en breedte van elke boek se rugkant en sny die uitgedrukte prent daarvolgens in stroke sodat daar een vir elke boek is. 3 Verf ’n laag modge podge oor die rugkant van die boek asook die agterkant van die strook en plak die strook op die boekrugkant vas. Vee lugborrels met die kwas uit en verf nog ’n laag modge podge bo-oor. Laat dit droog word voordat…

Skep die prentjie Watter groter bederf kan daar vir ’n aanstaande bruid en haar vriendinne wees as ’n lekkergoedfees? Ons het ’n sirkustema gekies en ’n speelse prentjie in pienk, turkoois en titsels swart en goud geskep. ‘Versierkroeg’ met kolwyntjies Bak die kolwyntjies in ’n verskeidenheid kolwyntjiepapiere of -koppies. Spuit versiersel op elke kolwyntjie en pak dit uit saam met bakkies met verskillende lekkergoed sodat die gaste hulle kolwyntjie kan versier soos hulle wil. Maak: omtrent 14 Bereidingstyd: 15 minute Baktyd: 12-15 minute Oondtemperatuur: 200 ºC • 125 g (135 ml) sagte botter • 170 g (195 ml) strooisuiker • 2 groot eiers • 5 ml vanieljegeursel • 280 g (510 ml) bruismeel • 200 ml melk • lekkergoed Versiersel • 110 g (120 ml) sagte botter • 230 g…

WIT KOEK MET BLOUBESSIE-MARMER Maak: 3 x 20 cm-koeke Bereidingstyd: 25 minute Baktyd: 40-45 minute Oondtemperatuur: 170o C • 375 ml melk • 9 groot eierwitte, teen kamertemperatuur • 22 ml vanieljegeursel • 840 ml koekmeel • 465 ml Huletts White Sugar • 22 ml bakpoeier • 150 g sagte ongesoute botter • 90 ml sonneblomolie • 500 g bevrore bloubessies, ontdooi • 2 pakke Huletts Chocolate Flavoured Icing Sugar 1 Meng die melk, eierwitte en vanielje met ’n draadklitser. Was die klitser en droog dit af. 2 Gebruik die klitser om die meel, witsuiker en bakpoeier in ’n aparte bak te meng. Nou het jy ’n hand- of staanmenger nodig om die botter bietjies-bietjies by die meelmengsel in te klits. Voeg die olie by en klits dit vir 2…

’N JAS WAT NETJIES PAS Belê in ’n jas wat ’n modestelling maak om jou knus te hou teen die koue. Jas (R1 499) van Queenspark. Top (R250) van David Jones by Woolworths. Langbroek (R799) van Mango. Enkelstewels (R499) van Call It Spring. Halssnoer (R449) van Accessorize. PETER PAN-STYL Voeg ’n tikkie speelsheid by jou winterklerekas met ’n rok met ’n Peter Pan-kraag. Rok (R729) van Zara. VINTAGE-FLAIR Kikker ’n winteruitrusting op met vintage-styl silwer bykomstighede. Rok (R729) van Zara. Oorknoopbaadjie (R1 990) van Mango. Borsspeld gedra as haarbykomstigheid (R249) van Accessorize. Ring (R400) en handsak (R1 700) van Lulu Belle. Skoene (R549) van Call It Spring. Sykouse (R140) van Woolworths. WOllERIG & WARM (Links) Bly snoesig in ’n baadjie met ’n wolvoering. Baadjie (R829) van Zara. Top (R99,99) van…

LET WEL: Alle naattoelatings is 1 cm. Begin deur ’n stuk tussenvoering aan die agterkant van al die stukke materiaal te stryk. Om een van die binneblaaie van die boek te maak, speld twee stukke materiaal aan mekaar vas met die regte kante teen mekaar. Begin in die middel van een van die lang sye stik. Gaan voort om al vier sye te stik, maar laat ’n opening van 5 cm in die eerste sy. Knip die oortollige materiaal van die naattoelatings by elk van die vier hoeke af. Dop die materiaal na die regte kant om en pars die sye plat. Werk die twee rande met glipstekies aan mekaar by die opening wat in die syrand gelaat is. Hiermee is een materiaalbladsy voltooi. Maak soveel binneblaaie soos wat jy…

Al hoe meer mense ontdek – of herontdek – watter terapeutiese voordele origami kan hê. Vegvliegtuie, oop-en-toevou-fortuinvertellers, bootjies wat op water kan dryf … almal van ons onthou hierdie gevoude klein papierskeppings uit ons kinderdae. Deesdae kan kinders (én grootmense) origami opnuut geniet danksy ’n magdom apps en video’s wat gratis op die internet beskikbaar is. Al wat jy nodig het om dit te doen is jou twee hande en papier, dus kan enigeen dit doen – waar en wanneer jy ook al wil. Die woord origami is saamgestel uit die Japannese woorde ori, wat ‘om te vou’ beteken, en gami, wat ‘papier’ beteken. Die kuns het meer as duisend jaar gelede uit China versprei na Japan, waar dit ’n gewilde vorm van ontspanning geword het. Nes die storievertelkuns in…

REK JOU RANDE V Hoe kan ek verder uitkom met my huishoudelike begroting? A Hier is ’n paar idees om geld in en om die huis te spaar: 1 Koop kruideniersware in groot maat aan en deel met ’n vriendin of familielid. Só kan jy munt slaan uit 3-vir-2-aanbiedinge en produkte wat goedkoper in groot maat beskikbaar is. 2 Vries die afgesnyde dele van groente soos wortels, seldery en uie asook kruie om later groenteaftreksel mee te maak. Hou dit in ’n verseëlbare plastieksak of in ysbakkies in die vrieskas. Doen dieselfde met vleisen hoenderbene vir aftreksel. 3 Gebruik ’n oplossing van gelyke dele gedistilleerde wit asyn en water om alles van badkamers en vensters tot vloere skoon te maak. Dit is goedkoper as skoonmaakmiddels en werk net so goed.…

Kruie: Lourierblaar, marjolein, ment, origanum, pietersielie, roket, roosmaryn, salie, sitroengras, tiemie, vinkel. Groente: Aartappels, beet, beetspinasie (Swiss chard), blaarslaai, blomkool, boerboontjies, broccoli, brusselse spruite, ertjies, kool, lemoenpampoentjies, pampoen, patat, preie, radyse, sampioene, seldery, soetrissies, sprietuie, tamaties, uie, witwortels, wortels. Vrugte: Appelliefies, appels, avokado’s, grenadellas, kiwivrug, koejawels, koemkwat, lemoene, nartjies, papajas, piesangs, pomelo’s, pynappel, suurlemoene. BLOMME BESKIKBAAR IN JULIE: Affodille, anemone, angeliere, barbertonse madeliefies, freesias, gousblomme, inkalelies, irisse, krisante, leeubekkies, Oosterse lelies, orgideë, papierblomme, pronkertjies, pronkridderspore, ranonkels, ridderspore, stokrose, tjiekerientjees, tulpe.…

DEEL JOU NUUS! Nuwe winkels & handwerk: Dala Watts (dwatts@media24.com) Kosnuus: Louisa Holst (ideasmagazinefood@gmail.com) Dekor- en modenuus: Carin Smith (carin.smith@media24.com) Oosterse inspirasie Pandora Jewelry het in die Ooste gaan inspirasie soek vir hulle jongste versameling juweliersware wat spog met ikone uit Asië, ryk kleure en lieflike interpretasies van eksotiese blomme, waaiers en antieke motiewe. Die reeks word beskryf as ‘vreugdevol en vredig’. • Besoek pandora.net vir meer inligting, of soek pandorajewelry op Facebook. Salige sitplek   Dié Henley-sofa (R11 999) met sy delikate suurlemoen-kerriekleur, eikehoutpote en mooi knoopdetail sal in enige leefvertrek ’n stylvolle fokuspunt vorm. Gebruik dit saam met ’n paar armstoele vir ’n eklektiese voorkoms. • Meer inligting: za.sofacompany.com. Botaniese PRAG Wild Olive African Artisan Apothecary & Artistic Perfumery House in Pepperstraat, Kaapstad, is in 1997 gestig en…

YSKAS MET FRANSE KRUllE Gee jou ou yskas ’n Franse geurtjie met verf, ’n krul of twee, geduld en liefde. MOEILIKHEIDSGRAAD: gemiddeld TYD: 2-3 dae, met droogtyd JY BENODIG plastiekkrulversierings ’n geskikte verfonderlaag waterbasis-emaljeverf in die kleur van jou keuse antiekglansverf (opsioneel) seëlmiddel verfkwas en sponsroller epoksigom maskeerband SO MAAK JY 1 Was jou yskas eers silwerskoon aan die buitekant en laat dit droog word. Plak dan sorgvuldig maskeerband oor al die dele wat jy nie wil verf nie. 2 Merk waar jy jou krulversierings wil plak. Meng ’n bietjie epoksigom en wend dit aan die agterkant van die versierings aan – jy kan ’n tandestokkie hiervoor gebruik. Druk die versiering in posisie vas teen die yskas en plak ’n stukkie maskeerband bo-oor vas om dit in posisie te…

COWBOY-STYL BEESVLEISBREDIE Genoeg vir: 4-6 Bereidingstyd: 20 minute Gaarmaaktyd: 2 uur • sonneblomolie vir braai • 800 g ontbeende stowebeesvleis, in blokkies gesny • 1 groot ui, gekap • 2 knoffelhuisies, fyngedruk • 2 selderystele, in skyfies gesny • 1 groen soetrissie, ontpit en in blokkies gesny • 15 ml koekmeel • 1 blik gekapte tamaties • 20 ml beesekstrak (Bovril) • 15 ml worcestersous • 2 lourierblare • 300 ml tuisgekookte of aangemaakte beesaftreksel • 1 raap, geskil en in blokkies gesny • 2 wortels, in blokkies gesny • 1 blik rooi niertjiebone • 50 ml fyngekapte vars koljanderblare • 1 rooi brandrissie, pitte verwyder en fyngekap (opsioneel) • korserige brood, om voor te sit 1 Verhit die olie in ’n swaarboomkastrol en braai die vleis in sarsies bruin…

Maak: 1 x vierlaagkoek Bereidingstyd: 1½ uur, plus afkoeltyd Baktyd: 50-60 minute Oondtemperatuur: 180 ºC • 300 g (325 ml) sagte botter • 400 g (460 ml) strooisuiker • 20 ml vanieljegeursel • 5 groot eiers • 600 g (1 100 ml) koekmeel • 25 ml bakpoeier • 310 ml melk Versiersel • 225 g (245 ml) sagte botter • 460 g (885 ml) versiersuiker, gesif • 50-60 ml melk • turkoois koskleursel Versierings • eetbare bladgoud • meringues in verskillende kleure en vorms • lekkergoed in die vorm van mini-roomyse • fondantblomme 1 Klits die botter tot dit lig en donsig is. Voeg die suiker bietjies-bietjies by en klits dit goed voor jy die volgende bietjie byvoeg. Klits die vanielje by en voeg dan die eiers een-een by…

JY BENODIG • wit breekgoed (geglasuur of ongeglasuur) • stempel van jou keuse en inkkussing met merkink (permanent ink) • glasuur vir tuisbakkery, bv. CPG Podge (vir keramiek, porselein en glas) • verfkwas Druk die stempel op die inkkussing en plaas dit versigtig op die breekgoed. WENK Druk die stempel op die inkkussing en toets die afdruk eers op papier. Hou aan oefen tot jy tevrede is. Hou die stempel doodstil terwyl jy druk uitoefen – makliker gesê as gedaan op geglasuurde oppervlakke, maar eenvoudig genoeg as jy versigtig is. Lig die stempel versigtig op en laat die ink goed droog word. Wend met ’n kwas vier lae glasuur oor die inkafdruk aan. Laat dit heeltemal droog word tussen die lae. Bak die geglasuurde breekgoed in ’n oond volgens die…

MOEILIKHEIDSGRAAD: moeilik TYD: 1 week GROOTTE Die serp is omtrent 150 x 15 cm. JY BENODIG • roosdiagramme op bladsy 78 • Elle Family Knit Chunky in die volgende kleure: – 100 g turkoois (059) – 50 g ligroos (053) – 50 g klaret (040) – 50 g olyfgroen (062) • 4,5 mm-breipenne • twee stukke turkoois katoenmateriaal van 79 x 20 cm (tel meer by die lengte vir ’n langer serp) • bypassende masjiengare SO MAAK JY 1 Stel 26 steke op met die turkoois breidraad. Brei drie rye reksteek (alle rye regs). Van die vierde ry (verkeerde kant) af brei nege rye in koussteek, behalwe die eerste en laaste drie steke van elke ry wat in reksteek gebrei word. Brei die serp so verder. Begin in ry 13…

Wat presies is ’n ‘ma-preneur’ of mompreneur, die nuwe gonswoord wat skielik oral op die internet opduik? Vergeet maar van saai Tupperwarepartytjies. Die dinamiese nuwe generasie ma’s wat ook entrepreneurs is, leef hulle kreatiewe passie uit in hul besigheid en span saam om gedugte spanne te vorm. ‘Suid-Afrikaanse vroue begin ál meer hulle eie besigheid in die gerief van hul eie huis,’ sê Gugu Mjadu, bemarkingsbestuurder van Business Partners Limited. ‘Hoewel van hierdie vroue noodgedwonge self werk moet skep, kies heelwat dié roete uit ’n behoefte aan buigsaamheid en die vryheid om meer tyd saam met hul kinders deur te bring. Hierdie vroue vind maniere om hulle belangstellings en kreatiwiteit uit te druk en sodoende ’n eie inkomste te verdien.’ GOEIE ONDERSTEUNING Ma-preneurs is ook toenemend deel van ’n aanlynnetwerk…

E en van my gunsteling-TV-programme is Dragon’s Den waarin ‘pasgebore’ besighede wat befondsing soek hul sakevoorstelle aan ’n paneel suksesvolle entrepreneurs voorlê. Dit is fassinerend om te sien watter voorstelle en entrepreneurs die paal haal en ’n mens leer nogal baie oor wat ’n pryswenner-sakevoorstel behels. Befondsing is seker een van die eerste en grootste struikelblokke wat ’n nuwe klein besigheid moet oorkom – of dit nou neerkom op ’n banklening of -oortrekkingsfasiliteit of ’n regerings- of agentskapstoekenning. Die meeste jong ondernemings maak staat op ’n kombinasie van spaargeld, fondse wat hul familie voorskiet, en voorafbestellings. Maar ’n goedgeskrewe sakevoorstel kan help om die knoop deur te hak as ’n geleentheid, soos ’n potensiële vennoot of ’n kleinsaketoekenning, hom dalk voordoen. In ons bakkery het ons op die harde manier…

ideesred@media24.com Hartspore gelos As klein dogtertjie het ek altyd die Idees-tydskrif van die rak afgehaal en dan moes my ma net keer, want ek kon toe nog nie eens lees of behoorlik verstaan nie. Ek het wel geweet dis ’n baie mooi boek en ek wou dit so graag hê. Van toe af reeds het my passie en liefde vir kuns en kreatiwiteit ontstaan en dit sal beslis nooit verdwyn nie. Idees motiveer en inspireer my kreatiewe denke met elke uitgawe. Hierdie tydskrif kry dit reg om my gedagtes te laat oorloop met nuwe idees en planne. Die opwinding wat elke bladsy van elke uitgawe in my laat opvlam, spreek van my liefde vir hierdie tydskrif. Ek het nog altyd gehou van die idee om iets te maak wat ’n…

JOU PROJEKTE VIR DIE NAWEEK Vanaf Vrydagmiddag 26 Augustus tot Sondagmiddag 28 Augustus 2016 is ons terug by JanHarmsgat se Agterplaas vir ’n naweek prop-vol kreatiewe inspirasie en lekker kuier. En natuurlik minstens twee voltooide hekelprojekte wat jy saam huis toe kan neem. Om hierdie hekelnaweek ten volle te benut moet jy die basiese steke ken of saam met iemand kom wat jou kan touwys maak soos ons aangaan. Die naweek, met alle etes en materiaal ingesluit (jy is welkom om ook jou eie wol te bring as jy wil) kos R2 850 vir ’n enkelkamer en R2 650 as jy met iemand deel. Nooi ’n vriendin, suster of dogter saam en bespreek julle plek. Ons het net plek vir 30 mense in ons groep – maak seker jy is…