Tabla de contenidos para #2 Herfs 2024 en ALLES

Die Poolstar 4, wat deur die Sweedse maatskappy Volvo vervaardig word, is die eerste motor wat sonder ’n agterruit verkoop word. Die agterruit word vervang met ’n hoë-definisieskerm wat die beeld uitsaai wat vanaf ’n kamera op die dak gekry word. Die ekstra spasie word gebruik vir ’n gemakliker kopstuk vir die agterste passasiers. Die motor is sedert Desember in China beskikbaar en die terugvoering is positief. “Jy sien in werklikheid beter as met ’n gewone ruit,” het motorverslaggewers gesê. Hoewel daar reeds afleweringsvoertuie en vragmotors sonder agterruite bestaan, is dit die eerste passasiersvoertuig wat kameras vir dié doel inspan. BRON: SkyNews…

Ek het nou die dag in ’n McKinsey-podsending gehoor iemand beskryf KI as die begin van ’n nuwe era, soortgelyk aan die begin van die Renaissance of die Nywerheidsrevolusie. Dit wil sê, as ’n ingrypende verandering in die wêreld. Stem jy saam? Dit is te vroeg om te sê watter soort impak dit sal hê in vergelyking met die Renaissance of Nywerheidsrevolusie, maar dit is redelik duidelik dat dit ’n fundamentele verskuiwing in die wêreld bring en hoe ons daarin leef. So ja, dit ís ’n groot verandering, maar hoe groot moet nog gesien word. Ek dink wel dit sal baie bedrywe verander – op goeie en slegte maniere. Wat is jou huidige rol by Media24, en wat behels dit? Ek is gesekondeer na my huidige rol: Projekhoof: KI-inisiatiewe. Dit…

Die Leica-kameras, en veral die M-reeks, is lankal ikonies, en met die bekendstelling van die Leica M11-P laat in 2023 het die handelsmerk nog ’n tree vorentoe gegee met ’n funksie wat “Contact Credentials” genoem word. Die M11-P (die P staan vir “professioneel”) is die eerste kamera wat ’n hardewareskyfie bevat wat in die stryd teen kopieregskending en diepvervalsing gebruik kan word. Die skyfie enkodeer detail op elke foto oor waar en hoe dit opgeneem is, sodat toekomstige weergawes met die oorspronklike foto vergelyk kan word. HOE WERK DIT? Hoewel Content Credentials tans nog slegs in hierdie model Leica beskikbaar is, word dit beskou as die begin van ’n algemene standaard om die oorsprong van foto’s vas te lê waarby Adobe, Microsoft en Nikon reeds ingekoop het. Om dit te…

DIE ‘DOMFOON’ Domfone (selfone wat geen internettoegang het nie en net kan bel en SMS’e stuur) word al hoe meer ’n trend. #dumbphone is een van die grootste modeneigings die afgelope jaar en die term “flip phone” is reeds meer as 900 miljoen keer by die TikTok-soekenjin ingetik. Die trend om terug te keer na basiese selfone – oftewel “domfone” – word gelei deur verskeie celebs, soos Rihanna, Anna Wintour, en die Olsen-tweeling, wat sê hulle wil nie altyd binne bereik wees nie, en dis heelwat moeiliker vir kuberkrakers om inligting uit ’n domfoon te steel. In navorsing waaraan meer as 40 000 tieners oorsee deelgeneem het, is bevind dat meer as die helfte van hulle gemiddeld 7 uur per dag op hul fone deurbring. Verskeie studies waarsku dat te…

WISSELSTROOM (WS) • Dit staan in Engels bekend as “alternating current”, afgekort as AC. Dit is wat ons ken as muurkrag, oftewel die elektrisiteit waarop ons meestal in die huis steun. Dit is die krag wat gebruik word by ’n muurprop, of waar jy ’n gewone gloeilamp in die plafon inskroef. Dit hou jou gewone ligte, ketel, yskas en vrieskas, wasmasjien, stoof en oond, TV, rekenaar, Wi-Fi, garagedeur, lugverkoeling en swembadpomp aan die gang.• Die elektriese krag wat deur Eskom voorsien en versprei word, is in wisselstroom. Dit beteken in ’n neutedop die rigting van die stroom word afgewissel. Dit word gebruik omdat krag met wisselstroom oor groot afstande versprei kan word sonder dat te veel energie verlore gaan. GELYKSTROOM (GS) • Dit staan in Engels bekend as “direct current”,…

1 Bepaal jou huishouding se behoeftes • Wil jy volkome onafhanklik wees van Eskom (soos met ’n netwerkonafhanklike stelsel), betroubare krag hê tydens beurtkrag en ook bespaar (soos met ’n hibriede stelsel) of sonkrag gebruik om geld te bespaar maar ook steun op Eskom (soos met ’n netwerkgekoppelde stelsel)? • Hoeveel en watter toestelle het jy tydens beurtkrag nodig? Wat is noodsaaklik en minder nodig? Sal ’n klein sonkragstelsel met beperkte opwek-of opgaarvermoë voldoende wees om die ligte en enkele toestelle aan te hou, of wil jy ’n omvattender oplossing hê sodat meer krag voorsien en gebruik kan word? • Kan jy die ligte in jou huis met LED-ligte laat vervang? Dit gebruik veel minder krag as gewone ligte en sal dus minder krag van jou sonkragstelsel eis. • Is…

JOU HUIS SE LIGGING EN ORIËNTASIE Die ligging van jou panele kan beïnvloed hoe doeltreffend jou sonkragstelsel werk, sê Rein. “Die panele moet geïnstalleer word in ’n gebied met maksimum blootstelling aan die son, en dis belangrik om ’n ligging te kies wat reg deur die dag optimale sonblootstelling kry.” Sonpanele boet van hul doeltreffendheid in as dit nie reg noord kyk nie, sê Alwyn. Costa Psannis van JUP Solutions sê installasie wat in ’n ander rigting as noord kyk, sal ook krag lewer, maar dat dit veral in die winter minder doeltreffend kan wees. Hy sê kraglewering kan in die winter met tot 50% afneem by installasies wat suid kyk, terwyl die verskil in kraglewering in die somer nie noemenswaardig is nie. Maak seker daar word ’n behoorlike ontwerp…

Ja, sê CB Nel van die diensverskaffer Solar Solved Africa. Dit is ’n opsie vir bure wat die koste en voordele van ’n sonkragstelsel wil deel. “’n Gedeelde sonkragstelsel word tipies geïnstalleer op ’n plek wat toeganklik is vir al die betrokkenes, soos ’n gedeelde dak of nabye veld. Die koste word dan verdeel.” Maak seker julle stel vooraf ’n kontrak saam wat stipuleer wie verantwoordelik is vir watter gedeelte van die koste en instandhouding en wat jul ooreenkoms sal wees as een van die partye besluit om te onttrek.…

Dié berekening hang af van hoeveel krag jy verbruik en wat jou gewone maandelikse kragrekening dus is, en die soort en grootte sonkragstelsel wat jy laat installeer. • Alwyn skat dat die besparing op Eskom-elektrisiteit wat ’n hibriede sonkragstelsel meebring die koste van die stelsel binne vier tot vyf jaar sal afbetaal. Dit kan volgens hom nog korter wees as elektrisiteitstariewe verhoog word. • Nicolaas meen omvattende huishoudelike installasies kan sewe tot 14 jaar neem voor die besparing dit afbetaal het. “Verbruikers moet hulle egter nie blind staar teen die betaaltydperk nie, want daar kan nie noodwendig ’n prys op gerief, produk tiwiteit, beskerming van toerusting en sekuriteit geplaas word nie.”…

HERFS-PLANT-EN-SAAIGIDS Wenk Laat opeenvolgende beddings elke winter rus. Maak dit bolangs met ’n vurk los, bedek met kompos en plant gewasse en blomme soos lupiene, klawer, koring en kappertjies daarin. Los ook die onkruid wat opkom net so; sny dit net af voor dit saad skiet. LENTE-PLANT-EN-SAAIGIDS…

“Elke besoek aan die Kgalagadi is ’n unieke ervaring. Die atmosfeer kan binne ’n oogwink verander – soms verberg deur ’n sandstorm en ander tye deur dreigende onweerswolke.” VANRHYNSDORP Motoriste op die N7 is geneig om van Vanrhynsdorp ’n koffiestilhouplek te maak op pad Namibië toe, maar dis ’n belediging vir ’n bekoorlike dorp wat ’n goeie basis kan wees vir jou volgende blomkyktoer. Besoek een van die kwekerye op die dorp en loer in by die Ou Tronk vir snuisterye. Jy sal die mooiste blomme in die streek tussen hier en Nieuwoudtville (sowat 50km oor die pas), en van Nieuwoudtville na Loeriesfontein (altesaam 113 km vanaf Vanrhynsdorp) sien. Draai in by Gannabos om die uitsonderlike kokerboomwoud te beleef. KAKAMAS Kakamas is net oor die 400km vanaf Vanrhynsdorp en ’n…

BLOEDSOMER Deur Sidney Gilroy Wat het Die Clowns, ’n Russiese skeepskaptein en die matriarg van die vooraanstaande Heemstra-familie se testament gemeen? Petunia Moraleng, voormalige stasiebevelvoerder op Parys, is haar rang kwyt en oorgeplaas Mooibaai toe. Die bedompige klimaat voel soos ’n tronksel en sy mis die ooptes van die Vrystaat en, daarmee saam, bekostigbare blyplek. Speursersant JP Hendriks, aan wie sy deesdae rapporteer, toon boonop nie ’n greintjie simpatie nie. Een Vrydagoggend in Desember vang ’n vakansieganger met sy hommeltuig se kamera ’n afgryslike toneel vas. Tussen die voetstukke van ’n geroeste windpomp in ’n afgeleë stuk veld lê ’n bebloede bondeltjie mens. Minder as 24 uur later word ’n foto van nóg ’n slagoffer in ’n stegie van die onderdorp soos ’n veldbrand op sosiale media versprei. Petunia en…

Nog niemand kan in hierdie stadium met sekerheid sê of KI jou werk gaan steel nie. Die McKinsey Global Institute merk dat KI in die toekoms in 80% van alle huidige werkgeleenthede gebruik sal word. Oor hoeveel poste dit bedreig, is daar uiteenlopende syfers in omloop. Die Wêreld-Ekonomiese Forum raam dat dit teen 2025 reeds 85 miljoen poste wêreldwyd sal laat verdwyn, maar 97 miljoen nuwe poste sal skep. McKinsey se raming is selfs groter: 800 tot 950 miljoen nuwe poste kan teen 2030 met KI geskep word. Die kans is dus goed dat jou pos teen 2025 nie meer gaan lyk soos dit tans lyk nie, maar dit beteken nie dat jy sonder werk gaan sit nie. BRONNE: weforum.org; mckinsey.com…

Niemand sal jou kwalik neem as jy nie die DJI Osmo Pocket 3 ernstig opneem nie. Dit lyk ’n bietjie soos ET wat prewel “phone home” en teen 179 gram meen baie dalk dis te lig in die broek, maar as jy eers video met die DJI Osmo Pocket begin skiet het, sal jy verlief raak daarop. Die kamera se unieke verkoopspunt is die ingeboude gewrig (“gimbal”) en uitstekende stabilisering, wat jou in staat stel om video te neem terwyl jy beweeg. Die video-gehalte is verstommend. WAT ONS OPGEWONDE MAAK • Die nuwe model het nie baie afgewyk van die Pocket 2 se voorkoms nie, maar die skermpie is nou effens groter en kan nou dwars draai. Die kamera kan nou ook horisontaal én vertikaal skiet.• Jy skakel die kamera…

Oh, sunshine, take me now away from here I’m a needle on a spiral in a groove And the turntable spins, as the last waltz begins And the weather man says, something’s on the moveJethro Tull in Something’s On the Move Op ’n loom Woensdag-namiddag staan en blaai ek saam met ’n handvol plate-versamelaars in die houtbokse in Mabu Vinyl, ’n platewinkel op die boonste verdieping van Langstraat 285, Kaapstad. Die winkel is skaars groter as ’n sitkamer, maar bevat ’n eklektiese versameling van plate, boeke en CD’s (maar veral plate) wat jou verstom. Nuwe wêrelde val voor jou oop. Uit ’n speler in die middel van die winkel stroom die jazz-klanke gerusstellend op. Mabu is ietwat van ’n legende in die viniel-wêreld. Dit was Stephen Segerman, wat Mabu Vinyl…

• Snuffel op plaaslike markte en in tweedehandse winkels – hier sal jy nog van die ou Springbok-plate (met die kaalborsvroue, wat die naam van die Springbok Nude Girls geïnspireer het) en ander juwele raakloop. Haal die plaat uit die omslag om te kyk of dit gekrap is.• Takealot.com het ’n paar nuwe plate, ook van die heruitreikings, soos Michael Jackson se Thriller (R629) en die Eagles se Hotel Calfornia (R499).• Mr. Vinyl het ’n baksteen-winkel by 44 Stanley in Johannesburg en verkoop ou en nuwe plate, ook aanlyn by mrvinyl.co.za• Echo’s Record Bar verkoop aanlyn by echosrecordbar.co.za• Mabu Vinyl is op die boonste verdieping by Langstraat 285• Kandi Records is by Durbanweg 77 in Mowbray, Kaapstad en verkoop aanlyn by kandirecords.co.za• Dirk Ace Records, 31b Harbour Road, Kleinmond…

AS jy tot nou toe weggeskram het van oefenfietse omdat jou sitposisie nie naastenby ooreenstem met dié van ’n regte fiets nie, is die Tacx Boost dalk die oplossing. Die Tacx Boost is basies ’n staander waarmee jy jou gewone berg-of padfiets stabiel hou sodat jy binnenshuis daarop kan oefen. Dit verg slegs twee klikke om jou fiets staan te maak. ’n Dryfwiel gee vir jou ’n realistiese ry-ervaring, terwyl jy met ’n eenvoudige hefboom op jou stuurstang die weerstandvlakke kan afwissel – daar is 10 weerstandvlakke tot by ’n maksimum van 1050 watts. Daar is ook ’n magnetiese rem om die stelsel tot stilstand te bring. Voeg ’n spoedsensor by (wat apart verkoop word) om tred te hou met hoe ver en hoe vinnig jy ry, en om saam…

Nicolaas sê die komponente van ’n sonkragstelsel kan die volgende insluit • Sonpanele: Dit is die panele wat gelykstroomkrag genereer wanneer dit aan sonligenergie blootgestel word.• Omkeerder: Dit skakel die gelykstroom vanaf die sonpanele om na wisselstroom sodat die elektrisiteit aangewend kan word vir die beligting en toestelle in jou huis. Dit skakel die energie van jou sonkragstelsel dus om na die soort elektrisiteit wat jy gewoonlik by Eskom se kragnetwerk sou kry.• Batterye: Dit berg die opgewekte krag in gelykstroom tot dit gebruik of benodig word. Die omkeerder skakel gelykstroomkrag vanuit hierdie bergingsbron om in wisselstroom.• Kraggeleiers: Dit is die bedrading of kabels wat al die komponente verbind sodat die elektriese energie kan vloei van waar dit opgewek word na waar dit benodig of geberg word. Ander opsionele komponente…

KONTANT Dit behels ’n eenmalige aanvank like uitgawe uit jou eie sak, maar ’n sonkragstelsel van gehalte wat deur ’n betroubare verskaffer geïnstalleer is, kan as ’n sinvolle belegging beskou word omdat dit besparings op jou kragrekening sal meebring. Die stelsel sal hom volgens kenners weens die besparing op jou kragrekening binne ’n aantal jaar “afbetaal”, en jou besparing op lang termyn kan die aanvanklike uitgawe oorskry. Hoe werk die koopproses? Die verskaffer gee jou ’n gratis kwotasie gegrond op hul evaluering van jou behoeftes, jy keur dit goed om die proses aan die gang te kry, en nadat die nodige dokumente gefinaliseer is, betaal jy ’n deposito. Ná installering betaal jy die balans en jou stelsel word aangeskakel. Dit is belangrik om jou stelsel se voldoeningsertifikaat by die installeerder…

 Kies ’n installeerder met die regte akkreditasie ’n Wegspringplek is die SA Fotovoltaïese Bedryfsvereniging (SAPVIA) se lys van geakkrediteerde installeerders. Hul sertifisering, aangedui as “PV GreenCard” verseker die installeerder is bekwaam en voldoen aan regulasies. “’n Bedryfgeakkrediteerde installeerder bied gehalteversekering, en die bedryfsvereniging kan namens jou optree sou jy nie tevrede wees met ’n installeerder se werk nie,” sê Nicolaas. Besoek die lys by pvgreencard.co.za/reg/installers/inst-directory-a. Hoe lyk hul rekord? Kies ’n diensverskaffer met ’n goeie rekord oor ’n lang tydperk, sê Alwyn. “Daar is opportuniste in die sonkragbedryf wat vinnig op geleenthede wil kapitaliseer. Ons moet gereeld probleme regstel op installasies wat gedoen is deur individue wat nie meer bereik kan word nie.” Kry verwysings van vorige kliënte. Kry verskeie kwotasies Vergelyk verskillende verskaffers se kwotasies. Jy sal kan sien…

NAPOLITAANSE RAGU Genoeg vir 6 tot 8 mense Bereiding 15 minute Gaarmaaktyd 6-8 uur (of oornag) 250 g varkpotjiekosvleis250 g beespotjiekosvleissout en vars gemaalde peper30 ml (2 e) olyfolie1 ui, gekap2 knoffelhuisies, gekneus1 brandrissie, gekap (opsioneel)2 lourierblare4 takkies tiemie1 takkie roosmaryn250 ml (1 k) rooiwyn1 x 410 g-bliktamatiepuree1 x 410 g-blik gekapte tamaties1 x 410 g-blik heel tamaties15 ml (1 e) suiker VIR VOORSIT gaar pasta van jou keusegerasperde parmesaankaasvars basilieblare METODE 1 Sny alle oortollige vet van die vleis af. Geur die vleis met die sout en vars gemaalde peper en hou eenkant. Sny die vet in klein blokkies. 2 Gebruik die sauté-funksie en verhit die olie in ’n prutpot. Voeg die vet by. Roerbraai die vet tot goudbruin en bros. Voeg die ui, knoffel, brandrissie en kruie by en roerbraai 5 minute. 3…

Mary-Anne Mngomezulu (gebore Cunningham) straal die vriendelikheid en deernis uit wat ’n mens van ’n engel sou verwag. Saam met die hawelose mense by die dwelm-en-alkoholvrye skuiling op die hoek van Marineweg en Sea Witchlaan in Plettenbergbaai het sy ’n manjifieke permakultuurtuin begin wat vir kos en medisinale doeleindes gebruik word en waarin geen onkruid-of plaagdoders gebruik word nie. Die hele tuin getuig van wat die hawelose gemeenskap kan vermag, en loop altyd oor van groente en verskeie soorte kruie. Daar’s vrugtebome, verskillende graansoorte en blomme. Hier werk mense vrolik saam met Mary-Anne – trek onkruid uit, bou Hügelkultur-komposhope, maak nuwe beddings, saai, plant en maak kos met die oes uit die tuin. Die skuiling ontvang min geldelike bydraes. In die plek daarvan het Mary-Anne ’n energie-uitruiling geskep tot die…

“Elke besoek aan die Kgalagadi is ’n unieke ervaring. Die atmosfeer kan binne ’n oogwink verander – soms verberg deur ’n sandstorm en ander tye deur dreigende onweerswolke,” staan in Sanparke se amptelike inligtingsgids oor die Kgalagadi. Ons het dit aan eie bas gevoel. Goed én sleg. Dieselfde stuk pad lyk totaal verskillend van dag tot dag – soms selfs van uur tot uur. Die grondpad na Mata-Mata word ’n sandput in die bloedige namiddagson en die mak gruispad na Nossob word in ’n onpeilbare moddergemors omskep ná twee nagte van welkome donderstorms in die park. Die lug en die duine is elke uur ’n ander skakering van blou en rooi. Daar is nie woorde wat reg daaraan laat geskied nie. Die Kgalagadi (die naam beteken “groot dorsland”) is in…

1 Watter toerusting sal jy vir beginner-kokke aanbeveel? Moenie te veel geld spandeer nie! Spaar jou geld en belê in ’n goeie mes. Wusthof is my nommer een-keuse. Koop ook drie goeie gietysterpotte wat in die oond kan gaan en ’n gietysterpan. Ek glo aan Le Creuset, dis net goed gemaak en hou ’n leeftyd! 2 Is daar iets waarmee jy van jou eerste dae af kook? Ek gebruik al vir byna 19 jaar my eerste sjefsmes, ’n Wusthof. Ek pas dit mooi op. Sy lem is al dunner van al die slyp, maar dis steeds my beste vriend in die kombuis. 3 Is daar iets in jou huis waaroor jy sentimenteel is? So baie, maar my ma se ou koekpanne is vir my baie waardevol. Ek sien my ma…

KYK DIE VIDEO Die uitvoerende hoof van Tetris, Maya Rogers, was onder die eerstes wat Willis Gibson (13), wat onder die skuilnaam “Blue Scuti” aanlyn rekenaarspeletjies speel, geluk gewens het nadat hy Tetris tot by sy einde gespeel het. “Dit is ’n prestasie wat alle vooropgestelde idees oor die beperkings van die speletjie verander het.” Willis, van Oklahoma, het die eerste menslike speler geword wat die sogenaamde “kil screen” van die Nintendo-weergawe van die speletjie bereik het. Hy het vir sowat 40 minute gespeel en sy vordering is in reële tyd deur ander spelers aanlyn dopgehou. In die video, wat hy op youtube opgelaai het, begin hy skielik gil wanneer hy ’n passtuk op Vlak 157 in die korrekte plek laat val, wat een lyntjie laat verdwyn en die skerm…

Die pryse van aanlyn artikels verander voortdurend na gelang van die algoritme wat die webwerf gebruik. Pryse in ALLES moet net as ’n gids beskou word. Kyk uit vir winskopies. Produk-detail is deur die ALLES-redaksie nagevors en vervaardigers het nie insae in die artikels gehad of daarvoor betaal nie.…

Die pous in ’n erg modieuse spierwit Balenciaga-pofbaadjie, met juwele wat aan dié van ’n rapper herinner? Vals. ’n Foto waar Donald Trump in hegtenis geneem word? Vals. Pornografiese foto’s van Taylor Swift? Vals. ’n Presidensiële kandidaat in Slowakye wat op video “bieg” hy het in die verkiesing probeer kul en beplan om ná die verkiesing bier in Slowakye te verbied? Vals. ’n Video waarin Johann Rupert jou ’n inkomste van R120 000 per maand beloof as jy R4700 belê? Ook vals. In die tyd van kunsmatige intelligensie moet jy mooi dink aan watter media jy jou ore gaan uitleen. Moenie alles glo wat jy sien of lees nie. Rupert het aan Netwerk24 gesê dit is nie die eerste keer dat hy ingesleep word by bedenklike beleggingskemas nie. “Ek het…

VIDEO DIE KYK Reeds met die ontwikkeling van die eerste aflewering in die reeks, Marvel’s Spider-Man (2018), is die moontlik-heid van ’n opvolg genoem, wat eindelik in Oktober 2023 uitgereik is. En dis lekker dat albei Spider-Mans weer in die kollig is in die nuwe weergawe nadat Peter Parker in die vorige aflewering, Marvel’s Spider-Man: Miles Morales (2020), slegs as mentor in die vorm van foonoproepe, stemboodskappe en hologramme verskyn het. Skurke soos Kraven the Hunter en Venom, wat homself aan Peter vassuig en Peter se persoonlikheid verander, is ook weer terug om die wêreld ’n slegter plek te maak. Peter en Miles (en hul vriende Harry, Mary Jane en Hailey) staan tussen die boewe en die voortbestaan van New York. DIE HOOFSTORIELYN Die speletjie speel af 10 maande ná…

Madonna Erotica (1992) Waarde: £2 000 Madonna se album Erotica is aanvanklik op ’n 12 duim-prent-album uitgereik. Op die kunswerk op die plaat self suig Madonna verleidelik aan ’n toon. Die plaat was slegs ’n paar dae op die rak voordat dit herroep is omdat die platevervaardiger bang was dit gee aanstoot aan Sarah Ferguson, die hertogin van York, wat toe self in ’n toonsuig-skandaal betrokke was. The Rolling Stones Street Fighting Man/No Expectations (1968) Waarde: £13 000 Die oorspronklike uitreiking in Amerika was die eerste een wat nie die groep se foto op die omslag gehad het nie, maar ’n kontroversiële swart-enwit foto wat polisievergrype daardie jaar uitgebeeld het. Die plaat is uitgegee enkele dae ná die Chicago-opstande en die Londense platemaatskappy het feitlik onmiddellik die plaat herroep en…

01 VENNOOTSKAPPE MET ONTWERPERS OF BEKENDES Kanye West het gewys hoe ’n mens met ’n paar kwetsende woorde ’n fortuin kan kwyt wees, maar tekkies wat deur bekende mense of handelsmerke ontwerp is, is steeds groot nuus. In Suid-Afrika gee Puma die toon hiermee aan. FENTY X PUMA AVANTI DEUR RIHANNA Die pop-superster Rihanna het inspirasie gekry uit Puma se argiewe en haar eie stempel daarop afgedruk. Die skoen is van goeie gehalte leer gemaak en het retro-borrelgomsole. Prys: R2699 by za.puma.com PUMA SWAROVSKI Maak jou dag skitterend met hierdie suede-tekkies wat met Swarovski-kristalle afgerond is. Prys: R2999 by za.puma.com ADIDAS GAZELLE Harry Styles het nie ’n amptelike verbintenis met Adidas nie, maar nadat die popsanger in 2023 die Adidas Gazelles by altesaam 125 van die 169 bestemmings op sy wêreldtoer…

Groener sal jy nie sommer kry nie. Dis skoon én volhoubaar. En Suid-Afrika het toegang tot hope daarvan. Sonkrag. Ons land kry meer as 2 500 uur sonskyn per jaar, en die energie wat ons uit sonbestraling kan opwek, is meer as dubbel dié van ons koeler noordelike vriende in byvoorbeeld Europa en Kanada. Dit maak ons land ’n vrugbare teelaarde vir huise wat op sonkrag steun, wat nog te sê ondernemings. Boonop verseker sonkrag gerief en stilte. Jy hoef nie pal petrol of diesel te koop en brandstofkanne rond te piekel om ’n lawaaierige kragopwekker tydens beurtkrag aan die gang te skop nie. En die beste van alles: Dit laat jou toe om die sukkelende Eskom met sy onbetroubare toevoer en skedules – en vuil steenkool-en dieselaangedrewe krag –…

1 NETWERKGEKOPPEL Dit is waarna verwys word wanneer in Engels gepraat word van “grid tied”. Dit is ’n stelsel wat saam met die bestaande kragnetwerk werk om jou afhanklikheid van Eskom en jou uitgawes aan elektrisiteit te verminder. WAARUIT BESTAAN DIT? Sonpanele, ’n omkeerder en kraggeleiers, maar nie batterye nie. HOE WERK DIT? Die stelsel gebruik eerste sonkrag om jou ligte en toebehore te bedryf, maar val terug op Eskom-krag as jou energieverbruik groter word as wat deur jou sonkragstelsel opgewek word of terwyl dit nie kan sonkrag opwek nie, soos byvoorbeeld in die nag. Dit kan nie krag berg vir latere gebruik nie omdat dit nie batterye insluit nie. VOORDELE • Jy gee minder geld uit op Eskomelektrisiteit omdat jy deels sonkrag gebruik. Dit help dus om jou kragrekening…

• Sonpanele: Nicolaas sê panele het ’n lewensduur van sowat 25 jaar, “maar dit kan langer as 30 jaar werk as dit reg geïnstalleer en in stand gehou word”. Sommige handelsname se doeltreffendheid neem vinniger af as ander, maar sonpanele het gewoonlik ’n lang lewensduur, sê Alwyn. “Die meeste vlak 1-sonpanele sal minstens 20 jaar hou,” sê hy. Daar word in Engels na dié panele verwys as “tier 1”, en dit verwys na produkte met die beste gehaltewaarborg in die bedryf.• Omkeerder: “Omkeerders het gewoonlik ’n minimum leeftyd van 10-12 jaar,” sê Alwyn. “Dit kan heelwat langer hou, maar dit is die lewensverwagting in die bedryf.”• Batterye: “Litiumioonbatterye het ’n leeftyd van sowat 10 jaar, maar heelparty installeerders verkoop ook vyfjaarbatterye – wat nié litiumioonbatterye is nie. Wees versigtig daarvoor,”…

• Jou kragbehoeftes en die soort ligte en toebehore in jou huis.• Die grootte van die stelsel wat jy kies.• Watter handelsname gebruik word.• Watter installeerder jy gebruik.• Die ligging van jou huis en hoe ver die installeerder moet reis.• Die kompleksiteit van die installasie. Die meeste verskaffers kan gedetailleerde kwotasies bied – party het ’n soort sakrekenaar op hul webtuiste waarmee jy self ’n voorlopige berekening kan maak. Hier is ’n paar riglyne vir wat die hoofkomponente van ’n sonkragstelsel jou kan kos volgens prof. Johan Rens, verbonde aan die Noordwes-Universiteit se departement elektriese ingenieurswese, en die energiebedryfkenner Neill Human. (Hou in gedagte dat dit nie kleiner items soos geleiers of arbeidskoste insluit nie.) SONPANELE ’n 600 W-paneel kos vanaf R4 000, en ’n huishouding sal wegspring met minstens…

BENNETT READ SUPERCHEF MULTI-COOKER (6 LITER) Die Bennett Read het 12 vooraf geprogrammeerde verstellings sodat jy ’n groot verskeidenheid geregte hierin kan maak, soos sop/bredie, vis/groente, vleis/pluimvee, boontjies/maalvleis, maar ook rys, pap en jogurt. Die pot het spesiale verstellings vir sotering (om vleissnitte te verbruin), sterilisering en stoom. Daar is drie verskillende verstellings vir die drukkoker (laag, medium en hoog) en prut (“slow cook”). Die buitekant is van elegante vlekvrye staal. Volgens die vervaardigers is daar agt ingeboude veiligheidskenmerke (onder meer ’n drukreguleerder). ALLES het dié multipot oor tien weke getoets en was beïndruk. Dit is veral lekker dat dieselfde pot as ’n drukkoker én ’n prutpot gebruik kan word, en baie van die vleissnitte het ons met albei metodes getoets (sien die bief-bourguignon-resep). Ons het die rys-en jogurt-funksies ook…