Table of contents for 21 February 2020 in Vrouekeur

Diegene wat daagliks met rekenaars werk, se een groot frustrasie is dat die rekenaarspoed mettertyd afneem, tot so ’n mate dat dit soms vries en niks kan doen nie. Van rekenaars se binnegoed weet ek niks, maar wat ek oor die jare geleer het, is dat ’n rekenaar baie soos ’n mens is. ’n Oorlaaide rekenaar sukkel nes ’n mens onder die lading. Jy moet gereeld ou lêers en inligting delete of jou rekenaar oornag defrag sodat onnodige bagasie nie jou rekenaar se spoed vertraag nie. Nog iets wat ek geleer het, is dat ’n georganiseerde rekenaar baie beter navigeer. Dit voorkom dat jy tyd mors deur na goed te soek wat jy weet op jou rekenaar is, maar nie kan kry nie, omdat daar nie orde is nie. ’n…

Vanes-Mari vra uitasem om verskoning omdat sy ’n paar minute laat is vir ons onderhoud. “Ek’s nooit ooit laat nie, die een ding van ’n sportpersoon,” sê die sportvrou en TV-aanbieder, “jy respekteer tyd. Maar my liewe, dierbare man het besluit daar moet nou opgraderings by die huis gedoen word. “Matthew moes vanoggend vroeg ingaan werk toe en toe moet ek vir die bouers staan en wag,” verduidelik sy. Haar liewe, dierbare man is natuurlik niemand anders nie as Matthew Proudfoot, die Bokke se assistent-afrigter. Ons gesels net ’n paar weke ná die Rugbywêreldbeker en die land is steeds, die uwe inkluis, duiselig van blydskap, verbasing, dankbaarheid, elke denkbare byvoeglike naamwoord onder die son. Ek wil onmiddellik alles weet. “Ja,” beaam sy, “my man kry deesdae meer aandag in die…

“My diepste bedoeling met die boeke Bloedbande: ’n Donker tuiskoms en Verwoerd: My Journey through Family Betrayals is ’n uitnodiging – veral aan mense met my kulturele agtergrond en wat sukkel met die nuwe Suid-Afrika – tot ware tuiskoms in ons geliefde land,” sê Wilhelm Verwoerd, ’n skrywer en navorser by die Eenheid vir Historiese Trauma en Transformasie by die Universiteit Stellenbosch. “Dit is so maklik om vervreemd en ontnugterd te voel met alles wat in die partypolitiek gebeur of moeg te word om oor ’n pynlike verlede te praat. My buitelandse ervaring met diepgewortelde konflik in plekke soos Noord-Ierland en Israel en die Palestyne het my verder oortuig dat oorgelewerde, historiese verwonding wat nie verwerk word nie, voortgesit word. Ek probeer met hierdie boeke ’n beskeie bydrae lewer om…

NUWE CHENIN BLANC De Krans se Free Run Chenin Blanc 2019 is propvol tropiese vrugtegeure omdat slegs die vryloopsap (voordat die druiwe gepars word) vir die wyn gebruik word. Hierdie vrugtekarakter gee ’n heerlike, vol mondgevoel aan die wyn. Dis lig genoeg om op sy eie geniet te word, maar sal ’n goeie pasmaat vir vis-of hoenderdisse, slaaie en pastageregte wees. Die wyn het onlangs ook ’n goue medalje op die 2019 Gold Wine Awards losgeslaan. Dis landwyd by die meeste winkels teen sowat R67 per bottel beskikbaar of bestel aanlyn by www.dekrans.co.za MEER OOR CHENIN BLANC ▸ Baie wyndrinkers koop ’n wyn om onmiddellik te geniet. ’n Chenin blanc is ’n goeie keuse daarvoor. Dit het vars vrugteen delikate blomaromas. Wanneer hout bygevoeg word, word die smaak kompleks met…

SAMPIOEN-EIERS 4 porsies BESTANDDELE 8 portobello-sampioene8 eiers80 ml (⅓ k) broodkrummels125 ml (½ k) gerasperde kaas125 ml (½ k) basiliekruidpesto METODE Stel oond op 180 °C. 1 Haal stammetjies uit sampioene en sit op gesmeerde bakplaat. 2 Breek een eier in elke sampioen. 3 Sprinkel met broodkrummels en kaas en bak vir 15 minute of tot eier gestol is. 4 Sit met basieliekruidpesto en brood voor. KERRIE-EIERS 4 porsies BESTANDDELE 8 eiers1 ui, gekap5 ml (1 t) fyn knoffel30 ml (2 e) kerriepoeier750 ml (3 k) hoenderaftreksel250 g (1 pakkie) bevrore groente10 ml (2 t) koekmeel250 ml (1 k) room METODE 1 Kook eiers vir omtrent sewe minute (medium). Dop eiers af. 2 Braai ui en knoffel tot sag. Roer kerrie by en braai verder. 3 Roer aftreksel by en…

Die kristalhelder water klots oor my tone terwyl die kus van Kroasië net-net in die verte sigbaar is. Die bekoring van Slowenië lê juis hierin – die stilword, die inneem. Geen groot Instagramwaardige besienswaardighede nie en bitter min “moet sien”-toeristefoto’s om op jou lysie af te merk. Hierdie klein landjie, wat eers sedert 1991 in eie reg as onafhanklike staat bestaan, vind sy identiteit in kultuurskatte en smaragriviere. Knus versteek tussen Italië, Oostenryk, Hongarye en Kroasië is dit verfrissend ongekommersialiseerd. Slowenië is terselfdertyd vol jeugdige energie en die plooie van ryk tradisie. ’n Klein groepie mense wat selfs deur kommunisme en Joego-Slawië se ystergreep ’n eie identiteit en trots behou het. Die vroeë lenteson bak salig op ons wange terwyl die laaste wintersneeu nog op die berge lê. Ek en…

Kort voor die aanbreek van 2020, die jaar waarin Robert Hodgins 100 sou geword het, het Alet Vorster ’n versameling nagelate tekeninge uit die ateljee van dié skilder en grafiese kunstenaar in Johannesburg vir die uitstalling Robert Hodgins – Drawings from his Studio byeengebring. Vorster was jare lank die eienaar van Art on Paper, ’n galery waar Hodgins dikwels uitgestal het. Die uitstalling in Hodgins House in Parktown het uit 99 tekeninge bestaan, ’n versameling uit die tekenboeke wat Jan Neethling, jare lange vriend van Hodgins en trustee van die Hodgins-nalatenskap, beskikbaar gestel het. Wat uitsonderlik van dié uitstalling was, is dat dié tekeninge in potlood, ink, pastel, olie en gemengde media Hodgins se ateljeedeur bykans tien jaar ná sy dood op ’n skrefie vir die besoeker ooptrek. Juis omdat…

ROLPRENTE QUEEN & SLIM 7/10 Met Daniel Kaluuya en Jodie Turner-Smith Regisseur Melina Matsoukas MISDAADDRAMA Resensente het beswaar gemaak toe daar na dié rolprent verwys is as ’n swart Bonnie & Clyde, want die stories kom nie ooreen nie, maar die aard van die rolprente wel. ’n Man en vrou ontmoet mekaar en hy word kort daarna deur ’n rassistiese polisiebeampte gearresteer. Hy skiet die geregsdienaar per ongeluk dood en die res van die rolprent handel oor die paartjie se vlug na Miami, moontlik later Kuba. Dit is ’n stadige rolprent wat meer belangstel in die verhouding tussen die twee as geweld of ’n skietery. In daardie opsig verdien dit 7/10. Maar uit hierdie opsomming moet dit duidelik wees dat dit nie eintlik vermaaklik is nie. Dit gaan oor twee…

BISARRE DROME Ek kry die mees bisarre drome soos dat my skoonma (amper 100) begrawe moet word en ek die kis 5 km ver moet dra. Die kis is swaar, want dis vol bevrore hoenders gepak. Is ek besig om van my trollie af te raak? Ek wens niemand dood nie, maar dit pla my. Beteken dit iets? Drome is die surrealistiese uitspeel van onverwerkte emosies en die beelde wat voorkom, help om ’n emosie of emosies na die oppervlak te bring. Vra jouself die vraag of jy spesifieke emosies ervaar terwyl jy droom. Daardie antwoord is dikwels die onafgehandelde emosie/s waarvan jy probeer ontslae raak of afstand van probeer kry. Jou gemoed is dus oorlaai met ’n taak wat byna onbegonne klink. Probeer bepaal waar jy in jou daaglikse…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Helper wat gholfspeler se gholfsak dra en die bal opspoor. SMS jou antwoord, voorletters, van en dorp/stad voor of op 11 Maart 2020 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

▪ BELMagsathome by 087 405 2002 (plaaslik) of +27 (0)21 045 1809 (internasionaal) kredietkaartBESONDERHEDE en vir debietorderOPSIES▪ SMS die woorde ‘CAXTON VK’ na 47098 (R1,00 per SMS)▪ Stuur ’n faks na 086 670 4101 met jou besonderhede van hernuwing of intekening▪ Skryf in op ons webwerWE www.vrouekeur.co.za/www.magsathome.co.za▪ STUUR ’N E-POS na subs@magsathome.co.za▪ POS ’N TJEK uitgemaak aan Magsathome Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450▪ Doen ’n ELEKTRONIESE OORBETALING of betaal met ’n direkte deposito Rekeningnaam: Magsathome Subs Bank: Nedbank Takkode: 12320900 Rekeningnommer: 1232073059 belangrik! Gebruik jou VAN en SUBSKRIPSIENOMMER of jou van en selfoonnommer as verwysing met ’n elektroniese betaling of direkte deposito en faks dit met jou betalingsbewys en posadres na…

Contempo www.contemposhop.co.za Edgars www.edgars.co.za MrP www.mrp.com Miladys www.miladys.com Poetry www.poetrystores.co.za Truworths www.truworths.co.za Woolworths www.woolworths.co.za Zara www.zara.com/za Pryse en beskikbaarheid was ten tyde van die publikasieproses korrek op die webwerwe…

CD OF DVD WAT HAAK? Vryf ’n klein bietjie grondboontjiebotter op die krappe en vryf dit met ’n sagte lappie. WENWENKE Dis deesdae ’n gesukkel om wenboeke by ons lesers uit te kry en dis van so ’n aard dat ek eers bietjie daarmee halt roep. Sodra ons ’n ander plan of prys beraam het, sal ons julle in kennis stel. Wenke sal steeds waardeer word. Dankie vir jul ondersteuning! KOFFIEVLEKKE IN BEKERS Gooi ’n bietjie sout op ’n halwe stuk suurlemoen en skrop die vlekke daarmee. Was nou die beker. AS JY BAK As daar nie bakpoeier in die huis is nie, vervang 1 t bakpoeier met ½ t kremetart + ¼ t koeksoda. POTVLEKKE Vlekvryestaalkastrolle het dikwels vlekke selfs nadat dit gewas is. Gooi asyn daarin, laat dit…

#bakliefde Mareli GRIEKSE MELKTERT BESTANDDELE 1 tert125 ml (120 g) gesmelte botter1 pak fillodeeg1 ℓ (4 k) melk3 groot eiers2 eiergele105 ml (100 g) strooisuiker190 ml (100 g) witbroodmeel of fyn semolina2,5 ml (½ t) sout10 ml (2 t) vanieljegeursel125 ml (120 g) botter, in blokke gesny STROOP125 ml (½ k) water160 ml (150 g) strooisuiker10 ml (2 t) suurlemoensap5 ml (1 t) vanieljegeursel METODE Voorverhit oond tot 190 °C en smeer 23 cm x 30 cm-oondpan met gesmelte botter. 1 Smeer een laag fillodeeg met gesmelte botter. Sit nog ’n laag bo-op en smeer met botter. Herhaal tot daar ses gesmeerde velle opmekaar is. Sny fillodeeglae so groot soos oondpan. Sit onder in oondpan. Herhaal proses met res van fillovelle en sny dit effe langer en breër as oondpan.…

Die nuwe Afrikaanse prosaboek is ’n versameling van byna 150 kortverhale deur 58 skrywers. Dit beslaan ’n allemintige 688 bladsye, maar gelukkig is dit kortverhale. Jy kan sommer die boek op jou bedkassie laat lê en elke aand ’n paar verhale lees. Jy sal ou bekende verhale weer raaklees, en waarskynlik nou ánders lees, terwyl baie nuwe stemme jou ook sal verras. In die “standaard” versameling van Afrikaanse kortverhale, Die Afrikaanse kortverhaalboek (wat in 1978 verskyn het en al sewe hersiende en uitgebreide uitgawes beleef het) meld die samesteller, Abraham H de Vries, dat daar ruimte bestaan vir ’n samestelling van langer kortverhale, waarvoor daar nie plek in sy kortverhaalboek is nie. In hierdie “nuwe” Afrikaanse prosaboek, is daar wel ruimte vir langer verhale, sommer twee elk deur Marlene van…

Nie almal hou so baie van bont soos ek nie – maar jy het nie kleur nodig om ’n ou meubelstuk mooi te maak nie. Ek hou daarvan as dele van die oorspronklike hout steeds sigbaar is en in die groot TV-kas en die koffietafel het ek spesifiek sekere dele nie geverf nie. Die TV-kas kom uit ’n “vorige lewe” en was eintlik op sy dag ’n groot kas vir lêers in die een of ander voormalige staatsdienskantore en hoewel prakties, het dit beslis oemf gekort. Die koffietafel is ’n erfstuk van ’n ouma en het nie in die kleindogter se huis gepas nie – vandaar die nuwe voorkoms. VOORBEREIDING Skuur alle ou vernis en olie goed af en maak die meubelstuk goed met spiritus en daarna met ’n klam…

Gertjie hou van mooi klere. Dit was nog altyd so. Subtiele kleure, goeie teksture, ’n nommerpas-snit en die gevoel van gehalte teen sy vel – dinge wat die lewe die moeite werd maak. Die beste deel van sy dag is immers wanneer hy voor die groot winkelvensters in die stad kan gaan staan en die nuutste modes bekyk. Bekende handelsname soos Armani, Hugo Boss en Pierre Cardin laat sy kop duisel. Soms skraap hy selfs die moed bymekaar om in te stap en aan die pakke en hemde te raak. Dit ruik altyd skoon en vars daar binne. Nes duur naskeermiddel. En boonop drup styl behoorlik van die verkoopsmense af. Soos stroop. Maar die genot van die sensasies hou nie lank nie, want voor hy hom kom kry, word sekuriteit…

Die jaar is 1981. Suid-Afrika se wit minderheidsregering is in ’n stryd op die suidelike grens van Angola gewikkel. Soos alle wit mans oor die ouderdom van 16, moet Nicholas van der Swart twee jaar se verpligte militêre diens verrig. Die bedreiging van kommunisme en die sogenaamde “swart gevaar”, hoor die dienspligtiges van hul oppergesag, is op hul voorstoep. Nicholas weet egter dít is nie die enigste gevaar waarteen hy moet skerm nie. Die weermag is wreed en sy bevelvoerders ongenaakbaar. Die harde realiteit van wat kan gebeur as iemand van die gevoelens tussen hom en ’n mederekruut uitvind, is veel erger … Dit is waaroor die bekroonde draaiboekskrywer en regisseur Oliver Hermanus se rolprent Moffie, gegrond op André-Carl van der Merwe se memoires, handel. Dié opspraakwekkende rolprent het reeds…

WOORDSPEL 7 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 5 woorde, goed 6 woorde, baie goed 8 woorde of meer, uitstekend OPLOSSING: Biochemie, bemoei, chemie, chemo, boem, emoe, moeë, omie Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat elke letter in die alfabet…

’n Boek vol fassinerende en interessante feite wat die nuuskierigste kind (en grootmens) vasgenael sal hou. In Hoekom nie? is daar 1 111 fantastiese antwoorde en verduidelikings vir al daardie vrae waarop weetgierige kinders antwoorde soek: Hoekom hou ons nie aan met groei nie? Hoekom is daar nie meer dinosourusse nie? Plus tien lyste met raar maar waar feite en cool aktiwiteite. www.nb.co.za 3 lesers kan die boek wen. SMS HOEKOM gevolg deur jou naam, van en adres voor 26 Februarie 2020 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Niemand verwag dat ’n 22-jarige al groot dinge moes vermag het nie. Jy’t skaars die skoolgrond se stof van jou voete afgeskud en probeer nog uitpluis wat daai ding wat hulle volwassenheid noem nou regtig behels. ’n Loopbaan is iets wat in die toekoms vir jou wag. Maar Marguerite van Eeden is nie ’n gemiddelde 22-jarige nie. Op 18 het sy haar eerste hoofrol in ’n rolprent vertolk en is tans in die vroulike hoofrol in die fliek Vergeet my nie te sien. Praat van vinnig uit die wegspringblokke! Maar toneelspel is nie die enigste hooi op dié finalejaar-BA-student se vurk nie. Die dag van ons onderhoud het sy nog eksamen geskryf. “Vanoggend was dit sielkunde en gister het ek filosofie geskryf. Dithetgelukkiggoedgegaan met albei.” Maar sy ontken heftig dat…

MAANLIG EN MIELIES Honeydew Mazes in Johannesburg se 2020-mieliedoolhof groei mooi en is ’n besoek werd met sy paadjies wat 3,5 km strek. Die doolhof is gewoonlik naweke oop, maar hulle het spesiale maanlig-doolhofaande. Die datums is 29 Februarie en 28 Maart. Besoek www.honeydewmazes.co.za DISNEY SE JUNGLE BOOK Die Peoples Theatre in Johannesburg is vanjaar 20 jaar oud en vier dit met een van hul gunstelingvertonings, Disney se The Jungle Book Kids. Kaartjies kos R145 per persoon en beloof om groot pret vir die kleingoed te wees. Dit wys van 8 Maart tot 26 April. Vk Bespreek by 011 403 1563/2340, info@peoplestheatre.co.za en besoek www.peoplestheatre.co.za DIE TAALMONUMENT VIER FEES Die Taalmonument in die Paarl se 45ste vieringe skop op Vrydag 28 Februarie met die Akkedis Band en Die Heuwels Fantasties op die…

GOED VIR JOU Die kombucha-gogga het behoorlik gebyt. Daar word geglo dat kombucha die liggaam op vele maniere bevoordeel, soos om jou immuniteitstelsel te versterk, energievlakke ’n hupstoot te gee, die risiko van kanker te verminder en artritis en hoë bloeddruk te voorkom. Happy Culture Kombucha is ’n natuurlike, verfrissende drankie wat met ’n spesiale fermentasieproses gemaak word. Net die beste natuurlike bestanddele en mineraalwater word gebruik. Kies uit ses geure. Beskikbaar by winkels soos Pick n Pay, Spar en Food Lover’s Market teen ongeveer R24,99. www.happyculture.co.za. SKOERT, VLIEË! Wat ’n onwelkome gas is ’n vlieg nie! Hou hulle weg van jou kos met hierdie stylvolle afwerende waaier. Dit hou vlieë weg sonder dat jy skadelike gifstowwe hoef te spuit. Nou kan jy maaltye in vrede geniet. R299. www.santos.co.za SILWERSKOON…

Vandat ek die eerste keer van Jólabókaflód oftewel die Kersfees-boekevloed gehoor het, dreig ek al om Ysland toe te gaan. Op hierdie onherbergsame eiland met ’n bitter klein bevolking word meer boeke per kapita as in enige ander land gepubliseer. En aangesien die meeste boeke kort voor Kersfees verskyn, het die tradisie ontstaan om op Oukersaand vir mekaar boeke present te gee en om die res van die Kerstyd rustig te lees. Watter boekliefhebber kan só ’n land nou weerstaan? Laas maand het ek dit uiteindelik reggekry om vir ’n blitsbesoek in Ysland uit te kom – en nou begryp ek waarom daar so baie gelees word. Dis só koud en só donker, met onverwagse orkane en sneeustorms, dat die versoeking omtrent onweerstaanbaar is om heeldag in die bed te…

COUNTRY Coleske Artists bederf die aanhangers van countrymusiek met twee albums in dié genre. Vreemd hoe soveel Afrikaanse musieksterre hul neuse in die verlede vir dié genre opgetrek het. Die aanhangers het egter nooit verdwyn nie en deesdae sing van die land se mees gerespekteerde kunstenaars ook country. Om eerlik te wees: hulle het nog altyd (gaan luister maar!). Wou dit bloot nie erken nie … Kom, luister gerus: Steve Hofmeyr was nog nooit ’n countrysnob nie! Hier is sy jongste aflewering: Country Collection Volume 3. Die jongste album in dié nostalgiese reeks bevat 13 tydlose gunstelinge, onder meer The Midnight Special, Fire, Baby Blue, Always on my Mind en Radiodancing. Daar is ook ’n aantal duette met Demi Lee Moore (When you say Nothing at all en I Will…

MOEILIKHEIDSGRAAD: ★★ SPESIALE NOTAS Die baadjie word van bo af sonder enige nate gehekel. ’n Metode word gegee, nie ’n patroon nie. Dit beteken jy kan enige hekeldraad gebruik en die baadjie vir enige ouderdom maak. Al wat jy nodig het, is die volgende mates: Mate 1: Nek-omtrek Mate 2: Nek tot onder arm Mate 3: Nek tot heup BENODIGDHEDE Kartopu Organic Prints (50 g-balle) 150–250 g kleur H2184 3 mm-hekelpen 5 klein knopies AFKORTINGS EN STEEKVERDUIDELIKINGS ghs = geheime hegsteek glb = gedraaide langbeen herh = herhaal hk = hoek ks = kettingsteek lb = langbeen lb-hk = langbeenhoek: (1 lb, 2 ks, 1 lb) als in dies st of sp sp = spasie st = steek sxso = slaan x aantal steke oor tes = tesame tus =…

Ons weet dat mens vandag LIEFDE as T-Y-D spel. Gehaltetyd beteken om jou onverdeelde aandag aan iemand te gee. Dink saam met my aan voorbeelde toe Jesus gehaltetyd as liefdestaal gebruik het. Jesus het gehaltetyd gedemonstreer deur saam met mense te eet. Hy het gehaltetyd gedemonstreer deur saam met mense te stap en te gesels. Toe die vrou die albasteflessie vol olie oor Hom uitgiet, het Hy rustig gesit en haar kans gegee om haar liefdesdaad aan Hom te bewys. Hy het tyd gehad om met mense te praat en na hul behoeftes te luister. Voorbeelde waar God gehaltetyd as liefdestaal gebruik: God deel elke dag gehaltetyd met ons deurdat Hy 365 dae van die jaar altyd daar is om na ons te luister en in ons behoeftes te voorsien.…