Innehållsförteckning för 2/16/2020 från Rapport

Een van die Suid-Afrikaanse sout-en-asyn-tande wat hul lot op sosiale media bekla het, het saam met ’n afsêkaartjie ook vir oulaas 15 pakkies van haar gunsteling-skyfies gekry. Maar daar was ook ’n lokval vir Laila Manie (22) van Kaapstad om haar lojaliteit te verplaas na ’n nuwe geur, Sweet & Smoky American Barbeque. Sy het gister foto’s van die troospryse en die afsêkaartjie getwiet. Manie het aan Rapport gesê: “As mens by ’n winkel instap, wil jy jou gunstelinggeur koop, maar ek sal die nuwe geur probeer en dan besluit hoe ek daaroor voel.” Vroeër die maand het sy Lay’s op Twitter gevra waar die donkerblou pakkies met die sout-en-asyn-skyfies deesdae wegkruip. Die maatskappy het haar laat weet dis aan die mark onttrek. Manie was baie teleurgesteld oor die nuus,…

Die ANC-LP Pierre-Jeanne Gerber weier om ’n Facebook-plasing te verwyder waarin hy beweer dat Coenraad (Coenie) Hugo hom gemolesteer het toe hy 12 jaar oud was. Die 73-jarige Hugo is Sondag dood. Gerber het vroeër vanjaar dié bewerings teen Hugo op die lappe gebring, maar hy is nie toe geïdentifiseer nie. Nadat hy van Hugo se dood verneem het, het hy hom Woensdag in ’n brief op Facebook geïdentifiseer. Hugo se familie het by monde van hul prokureur, Schalk Steyn, gesê dit is “skokkend, onvanpas en onmenslik om ’n onskuldige persoon te identifiseer en te assosieer met die woord ‘pedofiel’ ”. Steyn het Gerber Woensdag in ’n teksboodskap beveel om sy Facebook-skrywe, waarin hy na Hugo verwys as ’n pedofiel, voor 15:00 die middag te verwyder. Doen hy dit nie,…

Adv. Busisiwe Mkhwebane, die openbare beskermer (OB), en haar kantoor moet vir een hofsaak meer as R3,4 miljoen se regskoste hoes. Die kantoor van die OB, wat met belastinggeld gefinansier word, sal sowat R3,2 miljoen hiervan dra, en die OB self sowat R226 000. Dit is alles die gevolg van ’n bevinding deur die OB in 2017 dat die Suid-Afrikaanse Reserwebank (SARB) se reddingsboei van R1,25 miljard aan Bankorp tussen 1985 en 1995 onwettig was. Mkhwebane wou toe hê Absa, wat Bankorp in 1992 gekoop het, moes dié geld terugbetaal. Absa en die SARB het die bevinding in die hooggeregshof in Pretoria betwis, wat teen Mkhwebane beslis en haar persoonlik aanspreeklik gehou het vir 15% van die SARB se regskoste. Mkhwebane is toe na die konstitusionele hof, wat in Junie…

Die hoop van duisende onderwysers om vroeg af te tree sonder penalise-ring in hul pensioenvoordele, is klaarblyklik in al nege provinsies verydel. KwaZulu-Natal is die jongste provinsie wat die vroeë aftrede van onderwysers keer en geeneen se aansoek goedkeur nie. Dieselfde geld die Wes-Kaap, terwyl ander provinsies nog geen amptelike aanduiding gegee het van hoeveel onderwysers aansoek gedoen het en hoeveel goedgekeur is nie. In die Oos-Kaap wil ’n hele paar skoolhoofde loop, sê ’n bron, terwyl nog ’n bron in die Noord-Kaap sê die owerhede sal ook daar versigtig wees omdat daar reeds te min onderwysers is. Beweringe dat die Vrystaat weer sy aansoektydperk geopen het, kon nie bevestig word nie. Limpopo besin nog oor dié aansoeke, sê die provinsiale onderwysdepartement. Die departement van staatsdiens en administrasie het vroeër…

Meer as 44 miljoen Suid-Afrikaners se besonderhede is luidens die staatsrede opgeneem in die elektroniese register vir pasiënte. Dié register sal die ruggraat vorm van die Nasionale Gesondheidsversekering (NGV). Maar geen mediese inligting van pasiënte is deel daarvan nie. En ook geen inligting van pasiënte van private hospitale óf van pasiënte in die Wes-Kaap nie. Wat het Ramaphosa gesê? Altesame 44 miljoen mense is by meer as 3 000 klinieke geregistreer ter voorbereiding van die NGV. Die Health Patient Registration System (HPRS) sal nou by hospitale geïmplementeer word. Wat gaan regtig aan? Clive Daniell, voorsitter van die Private Healthcare Information Standards Committee (PHISC) se werkgroep oor elektroniese gesondheidsdata, sê die inligting wat kom van primêre gesondheidsorgklinieke in die openbare sektor buiten die Wes-Kaap, is waarskynlik na aan korrek, en is…

Op ’n vraag of die Demokratiese Alliansie (DA) die omstrede Aarto-verkeerswet steun, is die antwoord skynbaar: “Ja-nee.” Op nasionale en provinsiale vlak is die party erg gekant teen die wet, selfs ná onlangse wysigings daaraan en is die partye selfs besig om voor te brei vir ’n hofaansoek om te keer dat dit in Junie landwyd in werking gestel word. Op munisipale vlak staan die Tshwane-metroraad wat onder DA-beheer is en sy metropolisie-afdeling egter aktief ’n hofaansoek teen waarin aangevoer word die Aarto-wet en die jongste Aarto-wysigingswet is ongrondwetlik. Die Johannesburgse metroraad en sy metropolisie-afdeling het dieselfde standpunt as Tshwane ingeneem toe hy nog onder DA-be-wind was. Die party het die stad se politieke beheer egter laat verlede jaar aan die ANC afgestaan ná die bedanking van Herman Mashaba as…

Suid-Afrika se wynvatbewoner het wel ’n tweede wêreldrekord opgestel, maar die byna 79 dae in son, wind en weer het hom amper sy lewe gekos. Kort nadat Vernon Kruger (52) op 1 Februarie weer sy voete op vaste grond gesit het, het dit geblyk sy linkerlong het platgeval en het ’n bloedklont in. Hy is eers Donderdag uit die hospitaal ontslaan. Omdat hy te siek is om te vlieg, het hy sy gesin in Plettenbergbaai nog nie weer gesien nie. Kruger, ’n kommersiële duiker, het as 29-jarige in 1997 sy eerste Guinness-wêreldrekord opgestel. Hy het toe 67 dae en 14 minute lank in ’n wynvat op ’n 21 m hoë paal in Dullstroom, Mpumalanga, deurgebring. Hy wou dit verlede jaar oortref en het beplan om dit in die snikhete Durban…

Van alle mense was dit Eddie Jones wat vir Jake White die bynaam van Sideshow Bob gegee het; dit net nadat Jake voor ’n Wallaby-toets geweet te vertel het dat die Aussie-voorryman Bill Young nie Maties se derdes sou haal nie. Dit was dalk so, maar toe het al wat ref is strafskoppe aan die Wallabies toegeken sodra hulle die skrum laat val; Young het lê-lê die strafskoppe gemelk en daar tjôrts die Bokke toe ook in Paramatta met 30-12 in die hek. Jones is natuurlik die meester daarmee. Synde ’n Aussie, is hy gewoond aan rugby as slegs die vierde gewildste voetbalkode in die land en slaan hy dus onder meer so die blik om sy sport in die kalklig te hou. So sê hy al-tans. Maar hy is…

James Venter: Hy was verlede week uitstekend teen die Highlanders, veral op die grond. Gister het die Hurricanes hom egter geneutraliseer by die afbreekpunte en hy het nie weer kans gekry om sy stempel met die bal in die hand af te druk nie. Voer ses duikslae uit. Vaea Fifita: Die All Black-losvoorspeler was nog nie op sy verwoestende beste nie, maar was betreklik goed in die lynstane en op die verdediging. Hy dra die bal slegs drie keer en wen beswaarlik veld. Hy word op ’n keer behoorlik deur ’n paar Haaie vasgevat.…

Die Highlanders bly maar die Brumbies se tier nadat hulle gister in Canberra die tuisspan met ’n doodsnikdrie vir die vyfde opeenvolgende keer geklop het. Die Highlanders het in die 83ste minuut ’n verdoelde drie gedruk om die Brumbies met 23-22 te klop. Dit was die tuisspan se eerste nederlaag in 11 Superrugbywedstryde in die GIO-stadion. Die Brumbies se haker, Folau Fainga’a, het drie keer agter die Nieu-Seelanders se doellyn gaan kuier, met die Aussies wat hul rolmaal van lynstane af uitstekend benut het. Maar die slot Murray Douglas se geelkaart in die 82ste minuut het sy span duur te staan gekom. Die Highlanders het een van hul talle strafskoppe laat in die wedstryd in die Brumbies se kwartgebied benut en Teariki Ben-Nicholas het langs die doelpale oorgeduik. Afgesien van…

Malcolm Marx se selfvertroue is terug op presies die vlak waar Springbok-ondersteuners dit met die nuus van Bongi Mbonambi se dyspierbesering wil hê. Dis als te danke aan daardie spogvertoning van hom teen Engeland in die Wêreldbekereindstryd in Jokohama toe hy een van die Bokke se helde in die toernooi, die einste Mbonambi, vroeg in die eerste helfte weens ’n besering vervang het. Marx was eindelik een van Suid-Afrika se onbesonge helde in die eindstryd. Dis hy wat daardie plettervat op Engeland se Henry Slade uitgevoer het wat regstreeks tot Cheslin Kolbe se drie gelei het. Weens Marx se plettervat het die bal los gespat, Pieter-Steph du Toit het dit opgepik en dadelik na Kolbe uitgegee, wat op pad doellyn toe onder meer vir Owen Farrell gepypkan het. Vroeër in…

Die staatsbank en soewereine welvaartsfonds wat die regering wil stig, sal sukkel om op dreef te kom in ’n klimaat van nypende begrotingstekorte, ’n berg staatskuld en geringe ekonomiese groei, het ekonome ná afloop van pres. Cyril Ramaphosa se staatsrede gesê. Die president het Donderdagaand aangekondig dat die regering besluit het om ’n soewereine welvaartsfonds tot stand te bring om die land se grondstowwe te bewaar. Soewereine welvaartsfondse is redelik algemeen in lande met ryk neerslae van grondstowwe soos olie of minerale waar lande ’n groot oorskot van inkomste het danksy die grondstowwe. Ramaphosa het gesê die regering sal voortgaan met sy planne vir ’n staatsbank sodat alle Suid-Afrikaners toe-gang kan hê tot bankdienste. Dié idee is nie nuut nie – dit was een van die resolusies wat die ANC…

As die staatsdienspensioenfonds (GEPF) sy blootstelling aan die wankelende Eskom moet verhoog om die staatsentiteit te help red, sál dit met voorwaardes kom. Dit sal ook net gebeur as die GEPF meen groter blootstelling aan Eskom as sy huidige sowat R85 miljard is in belang van die fonds, sy lede én die land, sê Abel Sithole, hoof van die GEPF. Hy het aan Rapport gesê ’n besluit om meer in Eskom te belê, sal saamgaan met ’n sterk oorweging om groter inspraak in die direksie te hê. Dié onderhoud is gevoer kort voor Cosatu se voorstel twee weke gelede dat staatsamptenare se pensioengeld gebruik word om Eskom se skuld van R450 miljard te help betaal. Die GEPF het sy sowat 1,7 miljoen staatsamptenare, pensioentrekkers en begunstigdes die afgelope week ingelig…

Die private hospitaalgroep Mediclinic het uiteindelik die Wilmed Park- en Sunningdale-hospitaal in Klerksdorp, Noordwes, in sy stal nadat die mededingingsappèlhof verlede week in Mediclinic se guns beslis het. Mediclinic en Matlosana Medical Health Services Proprietary Limited (MMHS), wat onder meer die twee hospitale besit, het geappelleer teen ’n vorige besluit van die Mededingingskommissie en -tribunaal wat gesê het hulle mag nie saamsmelt nie. In ’n verklaring sê Mediclinic hy het nou die beherende aandeel in MMHS. Daardeur bekom hy die twee multidissiplinêre hospitale, asook ’n belang van 51% in die Parkmed-neurokliniek, ’n psigiatriese hospitaal met 50 beddens. Wilmed Park (met 185 beddens) en Sunningdale (62 beddens) bedien groot dele van Noordwes en die Noord-Vrystaat. Rapport het vroeër berig as die transaksie deurgevoer word, sal Mediclinic 63% van die mark in…

Mense wat buitelandse inkomste verdien, het nog so twee weke oor in hul belastingparadys voordat Jan Taks toeslaan. Ek kyk vandag na ’n paar vrae daaroor. Hoe raak dit jou? Wat moet jy doen? Is dit regtig so erg? Die 2017-Belastingwysigingswet bepaal dat vergoeding verdien deur ’n werknemer van ’n maatskappy in die buiteland vanaf 1 Maart vanjaar belasbaar sal wees, al word daar voldoen aan al die vereistes van art. 10(1)(o)(ii) van die Inkomstebelastingwet (Wet 58 van 1962), wat sulke inkomste vrystel. Die “regverdiging” van die tesourie vir die belasting is nogal ironies. Dit is (onder meer) omdat werknemers van staats- en semi-staatsinstellings nie die belastingvrystelling kan kry nie. Natuurlik vergeet die boggers dat die rede waarom baie mense hul inkomste-toevlug in die buiteland gaan soek, juis is omdat…

■ By die Terezín-gedenksentrum is die volgende te sien: die ghetto-museum, die “klein vesting” (tronk), die Magdeburg-barakke, -krematorium en -gebedskamer. Kaartjiepryse begin by R120 per persoon, hang af van wat jy wil sien. ■ Om van Praag na Terezín te reis: Die maklikste is ’n treinrit wat sowat ’n uur en ’n half duur. Die enkeltreinkaartjie kos minder as R200. Verskeie maatskappye reël ook dagekspedisies vanaf Praag; doen navraag by ’n toerismekantoor. ■ Bespreek aanlyn by: www.pamatnik-terezin.cz ■ Om te lees: The Cat with the Yellow Star: Coming of Age in Terezín deur Ela Weissberger (gebore Stein) in samewerking met Susan Goldman Rubin, oor hoe die Nazi’s die Brundibár-opera as deel van hul propaganda gebruik het. I Never Saw Another Butterfly: Children’s Drawings and Poems from Terezín Concentration Camp, 1942-1944…

As jy 20 jaar terug woorde soos plant-gebaseerde eetprogram of plantaardige kosse gebruik het, sou die meeste mense jou met ’n “huh?” skeef aangekyk het. Dié terme het toe nog nie regtig bestaan nie en daar was ook nog nie Netflix nie. Ek trek my vleistande Op 26 Desember 2019, ná ’n moewiese karnivoor-Kersete, het ek my vleistande getrek. Jip, ek het tot nou toe nie ’n skaaptjoppie, ’n stukkie steak of enige seekos oor my lippe gehad nie. O hel, hoe mis ek nie ’n knoffel-suurlemoen-garnaal of diepgebraaide calamari-tentakels nie? “Vir wat laat jy jouself so suffer?” sou Tannie Stienie gevra het. Ek het geen etiese of gesondheidsredes nie, maar soos baie mense wêreldwyd het ek die program The Game Changers op Netflix gekyk, en die volgende oggend opgestaan…

Kees Beyers, die vervaardiger van uitsoek- Belgiese sjokolade, is op die oog af ’n goeie werkgewer – soos blyk daaruit dat heelwat van sy werkers al vir hom werk vandat hy sy fabriek 30 jaar gelede geopen het. Hy is ook suksesvol. Vandat hy op 20-jarige ouderdom begin sjokolade maak het in ’n fabriekie skaars groter as ’n dubbelmotorhuis, is sy vloerruimte 175 keer meer en gee hy werk aan 438 mense. Sy passie vir die bedryf blyk ook uit sy vennootskap met die Johannesburg Culinary & Pastry School, wat bekostigbare spyseniersopleiding aan die jong sjefs en chocolatiers van môre verskaf. Kees Beyers het egter een fout gemaak. Hy het té suksesvol geword in ’n land waar sukses ’n misdaad is. Omdat hy meer as 150 mense in diens het,…

Durf ons hoop dat pres. Cyril Ramaphosa vanjaar die moeilike besluite sal neem om Suid-Afrika se uitdagings te takel? Ramaphosa sê hy het ’n plan, maar is dit die regte een en kan hierdie regering dit implementeer? Waldimar Pelser, redakteur van Rapport en aanbieder van Verslag in gesprek op kykNET, lei ’n reeks gesprekke met politieke en ekonomiese ontleders oor die president se prestasiegeskiedenis en wat die staats- en begrotingsrede vir ons inhou. Op Vrydagoggend 28 Februarie is Pelser by die Brooklyn-teater in Pretoria saam met Theo Venter, ’n politieke kenner van die Noordwes-Universiteit (NWU), prof. Raymond Parsons, ’n ekonomiese ontleder van die NWU se sakeskool, en Ebrahim Fakir, politieke ontleder en programdirekteur by die Auwal Sosio-ekonomiese Navorsingsinstituut (Asri). Die gesprek word Dinsdagoggend 3 Maart om 09:00 vir 09:30 in…

Die huwelik van die radio-omroeper Jeremy Mansfield (56) en sy vrou, Jacqui (57), is ná 16 jaar op die rotse. “Ek het nou net die huis verlaat wat ek 19 jaar gelede gekoop het en die hek vir die laaste keer toegemaak. Dit sluit nog ’n hoofstuk in my lewe af. Dit maak ook ’n nuwe een oop vol liefde, aanvaarding en moontlikhede. Groot sug van hartseer aan die een kant en verligting aan die ander,” het Jeremy op Facebook geskryf. Toe Rapport hom kort tevore vir kommentaar gevra het, het hy gesê hy is in ’n nuwe verhouding en baie gelukkig saam met sy nuwe liefde. Hy het op Facebook gesê haar naam is Kari, maar hy wou nie meer verklap nie. Sy is na wat verneem word ’n…

Die twis in die NG Kerk oor gay-huwelike het ’n dramatiese wending geneem nadat die Goudland-sinode (wat uit 159 gemeentes in Noordwes en de-le van Gauteng bestaan) besluit het om hul finansiële bydrae aan die algemene sinode te weerhou. ’n Rebellie dreig ook in die res van die kerk. Behoudende gemeentes oor die land heen plaas druk op hul streeksinodes om buitengewone sinodesittings te hou om te besin “oor die pad vorentoe”. Die jongste ontwikkeling dui daarop dat die kerk reeds geskeur het, het ds. Theo Danzfuss, voormalige aktuarius van die Hoëveld-sinode en ’n leidende figuur onder die behoudendes, die afgelope week aan Rapport gesê. “ ’n Vals beeld van eenheid word tans voorgehou terwyl die werklikheid is dat die kerk klaar geskeur het. “Die enigste vraag is nou op…

Die wenkbroue het die afgelope week gelig toe Mkhwebane die voormalige minister Mosebenzi Zwane, wat die teiken van een van haar ondersoeke is, na haar 50ste verjaardagpartytjie genooi het. Zwane was LUR vir landbou in die Vrystaat tydens die Estina-suiwelplaasdebakel. amaBhungane en News24 het berig dat Mkhwebane opdrag gegee het dat inligting oor Ace Magashule, ANC-sekretaris-generaal, en Zwane uit haar verslag oor Estina gelaat word. Ander gaste het ingesluit Dali Mpofu, oudvoorsitter van die EFF, Mzwanele Manyi van die ATM, oudminister Bongani Bongo en die Ekurhuleni-burgemeester Mzwandile Masina.…

Die chaotiese toestand in die landdroshof in Pretoria-Noord waaroor Rapport twee weke gelede berig het, is steeds nie opgeruim nie – behalwe dat die halfontbinde hondekarkas darem al verwyder is. Met Rapport se besoek die afgelope week het honderde ou en stukkende stoele steeds in die binnehof rondgestaan en was die situasie grootliks onveranderd. Dit het darem gelyk asof iemand die moeite gedoen het om ’n dooie hond – wat vroeër op een van die stoele gelê het – te verwyder. Die helfte van die stukkende meubels is onderdak, maar die res staan en vergaan in die son en reën. Die hele kaboedel is met rooi en wit plastieklint afgesper. Enkele meters weg van die gemors het hofwerkers hul middagete ongestoord by ’n kiosk gesit en eet. Rapport het twee…

Sy het nooit kon dink die man wat haar saam kerk toe geneem het, sou haar meer as sewe jaar lank in ’n Turkse tronk laat beland nie. ’n 48-jarige vrou van Durban het twee weke gelede in Suid-Afrika aangekom nadat sy op 21 September 2012 op ’n Turkse lughawe betrap is met 18 kg dagga in haar bagasie. Sy sê sy wil anoniem bly “tot ek hulle ontmasker”. Die vrou vertel sy het die man deur vriende ontmoet en hy het haar saamgeneem na die Volle Evangeliekerk in Benoni. Vier maande later het hy haar gevra om vir sy broer ’n sak Turkye toe te neem. Ek het gehuil en gesê ek weet regtig nie wat in die sak is nie. Sy het teëgestribbel en gesê sy ken dié…

Zozibini kon die beesmis mooi glad en gelyk oor die hut se vloer smeer. En dan klouter sy op haar gogo se skoot en kyk watse boek ouma nou al weer lees. “Sy wou net altyd lees, lees, lees, hierdie kleinkind, so ’n netjiese, flukse dogtertjie op my skoot,” onthou die stokou Cynthia Nadapu, haar krom hand vasgedruk teen haar hart. Heelaand sit die gogo met haar hand teen haar hart, terwyl die ander hand die stampmielies fyntjies mond toe bring. Af en toe dut sy, want die borde kos het eers diep ná tien opgedaag toe die stringe jubelsange en toesprake verby is. Ons sit in ’n grasdaksaaltjie tussen die heuwels, heeltemal te klein vir al die mense, en die atmosfeer is elektries, Zozi is dán in trane, dán…

Dis danksy sy ouma Emily dat hy Pompies geword het. Sy grootste oomblik was toe hy in 1982 voor ’n skare van bykans 50 000 op Ellispark in die Groen-en-goud op die veld gedraf en boonop ’n drie gedruk het teen van die wêreld se beste spelers. Pompies Williams se beroemdste oomblik egter, was ’n jaar vroeër, toe hy voor slegs ’n paar duisend mense in Upington met sy berugte “ambulansdrie” die voorblaaie gehaal het. “Dit was gedurende ’n wedstryd tussen WP Liga en Noordwes-Kaap,” glimlag hy. “Daar was ’n randsteen rondom die veld en toe ek op ’n kol oor die kantlyn geduik is, het ek my knie daarteen oopgesny. Ek is na ’n ambulans, wat teenaan die veld geparkeer was, geneem sodat ’n verpleegster my knie kon verbind.…

Die Blou Bulle XV het gistermiddag die Leeus XV 17-14 op Ellis-park geklop in ’n wedstryd wat allermins opwindend was. Terwyl albei spanne hardlooprugby probeer speel het, was die oorvloed foute kommerwekkend. Die Bulle se nuutste aanwins, die Tongaanse senter Nafi Tuituvake, het ’n stil wedstryd gehad. Twee van die Leeus se sterre, wat teruggekeer het van die krukkelys af – die skrumskakel Ross Cronjé en die vleuel Jamba Ulengo – het albei goed gelyk. Die Leeus se uitblinkers was die losskakel, Shaun Reynolds, heelagter, Tiaan Swanepoel, en die flank Mandisi Mthiyane. Vir die Bulle het die slot Ryno Pieterse, skrumskakel Marco Jansen van Vuren en die senter Dawid Kellerman goed gespeel.…

Die Chiefs, met die vlugvoetige Damian McKenzie weer vol plofkrag, het die voortou in die Nieu-Seelandse afdeling geneem toe hulle hul onoorwonne vertoningslys vanjaar in Tokio voortgesit het deur die Japanse Sun-wolves met 43-17 te troef. Die Sunwolves was vol ondernemingsgees in ’n volgepakte Prince Chichibu Memorial-stadion, maar hulle kon nie hul oorwinning oor die Chiefs van 12 maande gelede herhaal nie. McKenzie, wat verlede week ná ’n lang besering terugkeer het, het met vyf doelskoppe geslaag en ’n aandeel in verskeie van die Chiefs se sewe drieë gehad. Die Sunwolves, wat vanjaar die laaste keer in die Superreeks speel, het hul 53ste wedstryd in die reeks verloor, maar het die groot skare wat hulle kom ondersteun het, met hul aanvallende spel waarde vir hul geld gegee. ■ Die Crusaders,…

Ons sal iewers nog ’n toernooi moet kry. D it lyk asof dit neusie verby is vir die Springbokheld Cheslin Kolbe se droom om ’n Wêreldbeker- én Olimpiese medalje binne 12 maande in te palm, nadat sy klub ’n versoek van die Blitsbokke om hom vry te stel geweier het. Kolbe, een van die Springbokke se twee driedrukkers in die WB-eindstryd teen Engeland, het gehoop om by vanjaar se Olimpiese Spele in Tokio vir die Blitse uit te draf. Neil Powell, die Blitsbokke se afrigter, sê Toulouse, Kolbe se Franse klub, weier om hom vry te stel vir die sewestoernooi op 29 Februarie en 1 Maart in Los Angeles. Volgens Powell was selfs Rassie Erasmus, direkteur van SA Rugby, se vergadering met Toulouse in dié verband vergeefs. “Ons gaan ongelukkig…

Suid-Afrikaners word al hoe armer en gaan nie meer skuld aan vir luukses nie, maar eerder om hul begrotingstekorte aan te vul. Volgens die jongste syfers van die skuldberadingsgroep DebtBusters het kliënte wat vir hulp kom aanklop het, gemiddeld 15% tot 20% minder besteebare inkomste gehad as in 2015 en was die vlakke van ongesekureerde skuld tussen 40% en 50% hoër. Ongesekureerde skuld is krediet wat aangegaan word soos oortrokke bankrekenings, persoonlike lenings, winkel- en kredietkaarte, met ander woorde wat nie aan ’n vaste bate soos ’n motor of eiendom gekoppel kan word nie. “Dit is baie duidelik dat verbruikers hulle in die afwesigheid van groei in reële inkomste op groot skaal tot ongesekureerde krediet wend,” sê Benay Sager, bedryfshoof van DebtBusters. ‘Mense kry aanbiedinge van ál groter lenings.’ Die…

45 000 Dít is hoeveel meer mense in die vierde kwartaal van 2019 in diens geneem is teenoor die derde kwartaal, wys syfers van Statistieke Suid-Afrika (SSA). Luidens die kwartaallikse arbeidsmagpeiling is die werkloosheidskoers vir die vierde kwartaal onveranderd op 29,1%. Die land het 6,7 miljoen werkloses. Die getal ontmoedigde werksoekers het in die vierde kwartaal met 62 000 toegeneem teenoor die vorige kwartaal. As die ontmoedigdes in berekening gebring word, staan die werkloosheidskoers op 38,7%. Die grootste toename was in die formele sektor wat 117 000 meer mense in diens geneem het, gevolg deur landbou met 6 000 poste. Die situasie is slegter as ’n jaar gelede. Die getal werkloses het met 587 000 (of 9,6%) gestyg. – Riana de Lange 43 punte Dié vlak van die Suid-Afrikaanse Kamer…

‘Oupa, ek is nou moeg vir dooie sebras, soek vir ons ’n lewendige een.” Dit was ons eerste dag in die Makgadikgadi Panne Nasionale Park in Botswana. Ek moet erken dit was darem al die derde keer daardie middag dat ek verby dieselfde sebra-karkas ry. En my kleindogter, Lia (toe 7), was van kleins af nie op haar bek geval nie. Veral nie met haar oupa nie. Dit is nou al meer as 20 jaar wat ek gereeld, soms tot vier keer per jaar, my sielsrus in die “bos” gaan soek. Gewoonlik êrens in Botswana. Daar in die bos is dit net ek en my vrou, die Land Rover, ons tent en die wilde diere. En min mense. Toe kom die kleinkinders. En vir lesers wat nog nie op hierdie…

Locke & Key  Met Connor Jessup en Emilia Jones. Skeppers: Meredith Averill, Aron Eli Coleite en Carlton Cuse. Hierdie grillerreeks laat die soeklig opnuut op spookhuise val. “Gaap, gaap,” kreun jy seker. “Wat maak dit so anders?” Die feit dat die “spoke” (soos in die rolprent Us,) alter ego’s van die hoofkarakters is wat in ’n alternatiewe dimensie in spieëls woon. Ook dat ’n diep put vir meer as waterskep gebruik kan word. En dat ’n sleutel nie net in ’n deur kan pas nie! So ver, soveel Stranger Things. Maar hierdie karakters is anders. Hulle is nie so eksentriek soos daardie bekende reeks nie, alhoewel die dinge wat met hulle gebeur soms lekker vreesaanjaend is. Dit beteken egter nie jy hoef vir kleinboet of -sus (jonger as 13) te…

Die weduwee van die vermoorde Stellenbosse wynboer Stefan Smit sê ’n ruim polis word nie aan haar uitbetaal nie omdat die polisie nog nie op ’n vorm van die versekeraar aangedui het of enige verdagte geïdentifiseer is nie. Zurenah Smit (54) voer dít aan in ’n hofstryd met haar man se dogters. Sy sê ook omdat ’n eksekuteur nog nie vir sy boedel aangestel is nie, kan sy geen uitbetalings kry om haar lopende koste te betaal nie en het haar lewenstyl “onmeetbaar agteruitgegaan”. Boonop is haar skaaphond, Shiraz, sonder haar medewete verwyder van die plaas Louiesenhof, waar sy steeds woon, lui haar beëdigde verklaring. Die 62-jarige Smit is op 2 Junie verlede jaar in sy huis op Louiesenhof doodgeskiet. Hy, Zurenah en ’n gas het pas aandete geëet toe…

Die sanger André Schwartz is op Valentynsdag in die hospitaal opgeneem nadat hy septiese skok opgedoen het. Motorneuronsiekte (MNS) is in September 2018 by Schwartz gediagnoseer. ’n Foto van hom in sy hospitaalbed is gister op sy Facebookblad gelaai. Daarby het hy geskryf “Interesting way to end Valentines! A bit of ICU after septic shock. Doing much better!” Net twee dae tevore het hy nog ’n foto op Facebook gelaai waar hy jolig saam met die sangeres Karlien van Jaarsveld op ’n strand poseer. Schwartz het verlede jaar onthul dat hy spesiale behandeling kry vir die siekte wat soortgelyk is aan wat Joost van der Westhuizen gehad het. Die medikasie wat hy gebruik se naam is Edaravone en hoewel dit eksperimenteel is, het navorsing gewys dit vertraag die geleidelike aftakeling…

Besit gemeentes wat afstig van ’n kerkverband die kerke waarin hulle aanbid? Dié vraag sal uiteindelik laat in Oktober voor die hooggeregshof in Pretoria dien nadat 13 van die Nederduitsch Hervormde Kerk van Afrika (NHKA) se 280 gemeentes in 2012 in ’n twis oor apartheid weggebreek het. Die adjunk-regter-president van die hooggeregshof in Pretoria het die afgelope week beslis dat die saak op 26 Oktober deur dié hof aangehoor sal word. Dit is vir drie weke op die rol. Die NHKA en die Geloofsbond van Hervormde Gemeentes (GHG) beskuldig mekaar nou oor en weer vir die gesloer. Die GHG se predikante het destyds ampsvoorreg verloor en betaal ook nie meer geld aan die NHKA nie. Hulle het weggebreek nadat die NHKA in 2011 besluit het om hom te distansieer van…

By vanjaar se spoggerige Oscar-toekennings was die flieks en die akteurs se rolle daarin amper ’n bysaak. Voor in die koor was politieke korrektheid en selfvertroeteling, meen die fliek-ghoeroe Leon van Nierop. Toe hy eers oor die koeie begin praat . . . Dit het begin by die veganistiese vingerhappies in die voorportaal en voortgeduur met kritiek op koeimelk in koffie. Die 82-jarige Jane Fonda het dieselfde rok gedra wat sy in 2014 by die Cannes-rolprentfees gedra het. Toe sy op die verhoog kom om die beeldjie vir die beste fliek te oorhandig, het sy haar rooi “Fire Drill Friday”-jas saamgeneem. Sy dra dié jas elke Vrydag as sy en ander bekendes oor klimaatsverandering betoog. In November verlede jaar het sy gesê dié jas is die laaste kledingstuk wat sy…

Ondanks pres. Cyril Ramaphosa se aankondiging dat munisipaliteite hernubare krag direk by private produsente mag begin koop, gaan die Kaapse stadsraad vir eers voort met sy hofaansoek teen Gwede Mantashe, minister van energie, om seker te maak die staatsrede-belofte word gerealiseer. “Ons is versigtig optimisties oor Ramaphosa se aankondiging, maar wil dringend duidelikheid van die nasionale regering kry oor hoe dit gedoen moet word,” sê Dan Plato, burgemeester van Kaapstad. Die hofsaak, waarmee die stad reeds in 2017 begin het terwyl Patricia de Lille burgemeester was, sal op die vroegste in Mei aangehoor word. Dit sal egter onnodig wees as die regering daad voeg by Ramaphosa se woord dat maatreëls ingestel word wat dit vir munisipaliteite moontlik maak om self krag van onafhanklike kragprodusente te koop mits hulle finansieel gesond…

Hopelik het die nasionale kommissaris van polisie, genl. Khehla Sitole, Donderdagaand mooi geluister toe pres. Cyril Ramaphosa belowe het om die sogenaamde konstruksiemafia nek om te draai. Die vergadering wat die konstruksiebedryf met Sitole pro-beer belê, is al tien keer deur die polisiebaas uitgestel. Ramaphosa het aangekondig gespesialiseerde eenhede, waarin die polisie en die nasionale vervolgingsgesag (NVG) saamwerk, is beveel om die mafia te takel wat teen November 2019 reeds bouprojekte ter waarde van R4 miljard ontwrig het, volgens Webster Mfebe, uitvoerende hoof van die Suid-Afrikaanse federasie van siviele ingenieurskontrakteurs (Safcec). Gewapende bendes eis omkoopgeld ter waarde van 30% van die totale projekkoste, en as kontrakteurs nie betaal nie, maak hulle die voortsetting van konstruksieprojekte onmoontlik. Die bou van die Mtentubrug aan die Wildekus en oliebergingsfasiliteite by Saldanha, aangepak deur…

Ses maande nadat ’n aanklag van die aanranding van ’n leerling teen ’n onderwyseres van Kaapstad teruggetrek is, is dit weer ingestel. Clarissa Venter het verlede Vrydag ’n dagvaarding ontvang om op 11 Maart in die Wynberg-landdroshof te verskyn. ’n Video van die voorval by die Sans Souci Girls’ High School in Nuweland is ’n jaar gelede op sosiale media versprei. Dit wys hoe ’n leerling aan Venter se tafel stamp en sy dan reageer deur die kind te klap. Venter is in ’n tugverhoor deur die skool daaraan skuldig bevind dat sy die skool se naam in oneer gebring het. Sy is met R20 000 beboet wat oor 10 maande van haar salaris verhaal word. Rapport het betroubaar verneem die nasionale vervolgingsgesag (NVG) het al in Desember besluit om…

Die Wes-Kaapse regering het begin om 500 leerling-wetstoepassers te ontplooi in die mees gewelddadige gebiede in en om Kaapstad. Die doel van die projek is meer sigbare polisiëring. Hulle sal onder meer in Philippi-Oos (met die moord-“hoofstad” Nyanga ingesluit), Khayelitsha, Hanover Park en Delft diens doen. “Hulle gaan ‘bobbies on the beat’ wees en die strate patrolleer,” sê Dan Plato, uitvoerende burgemeester van Kaapstad. Die provinsie wil voor die einde van die jaar nóg 500 rekrute aanstel en op-lei. Die amptelike misdaadstatistiek vir 2018-’19 toon Nyanga het die hoogste getal moorde in Suid-Afrika (289) gehad, gevolg deur Delft (247) en Khayelitsha (221). Plato sê een van die redes vir die ontplooiing is dat die weermag einde Maart van die Kaapse Vlakte onttrek. Die polisie sal die wetstoepassers ook kan gebruik…

’n Vrou wat die Covid-19-virus moontlik onder lede het, word in eSwatini (Swaziland) in kwarantyn gehou. Sy het onlangs van China na Suid-Afrika gekom en die grens na eSwatini op 6 Februarie oorgesteek, berig SAUK-nuus. Egipte het Vrydag ’n bevestigde geval by die Wêreldgesondheidsorganisasie (WGO) aangemeld. Die virus is reeds by meer as 67 000 mense wêreldwyd gediagnoseer en teen druktyd het 1 526 al gesterf. Minstens 218 van die 3 500 passasiers aan boord van die luukse “liefdespassasiersboot” Diamond Princess het die virus onder lede. Die skip is onder kwarantyn geplaas en tans vasgemeer in Jokohama, Japan. Lin Songtian, Chinese ambassadeur in Suid-Afrika, het Vrydag gesê 27 buitelandse studente in China is positief getoets vir die virus en kry goeie behandeling. Volgens hom is dit veiliger dat Suid-Afrikaners wat…

As jy ’n intekenaar van Netwerk24 is, kan jy Rapport voortaan met ’n nuwe, verbeterde e-leser op jou selfoon, tablet of rekenaarskerm lees. Die elektroniese weergawe lyk nes die gedrukte koerant wat jy Sondae lees. Jy kan ook Media24 se ander koerante en tydskrifte in dieselfde vorm só lees. Boonop kan jy vir jou gemak die PDF-blaaie meer vergroot as voorheen. As jy die Netwerk24-app op jou slimfoon het, kan jy direk deurskakel na die e-koerant eerder as om soos in die verlede die MySubs-app te gebruik om by Rapport uit te kom. Al wat jy hoef te doen, is om die app te verfris deur die Netwerk24-app op Google Play of die App Store af te laai en weer aan te meld. Klik op die “hamburger”-indeks (die drie strepies…

Britse Leeus dalk teen Japan voor SA Die Britse en Ierse Leeus beplan blykbaar ’n geskiedkundige en winsgewende toetswedstryd teen Japan voor volgende jaar se toer na Suid-Afrika. Sprake van ’n opwarmingswedstryd op tuisbodem, voor hul toer van ses weke in Suid-Afrika, doen die afgelope tyd die ronde en The Telegraph berig Japan is blykbaar bo aan die lys van moontlike teen-standers. So ’n wedstryd kan sowat £5 miljoen inbring, wat die koste van die toer van agt wedstryde kan dek, word berig. Die wedstryd sal waarskynlik in die Principality-stadion gespeel word, hoewel Murrayfield en die Aviva-stadion ook genoem word. Twickenham is egter nié ’n moontlikheid nie, omdat die Premierligaeindstryd daar gespeel word. Sou die Leeus-wedstryd voortgaan, sal albei wedstryde dieselfde naweek gespeel word – met die Premierliga wat onwillig…

Rugbygeesdriftiges word gewaarsku teen ’n slenter waarmee “toetskaartjies” vir die Springbokke se wedstryd teen die All Blacks op 26 September op die Mbombela-stadion in Mbombela verkoop word. Pieter Burger, uitvoerende hoof van die Pumas-rugbyunie, sê die publiek moet nie in die strik trap wat op sosiale media gestel word nie. Dit het onder die unie se aandag gekom dat mense reeds “kaartjies” vir die toets op Face-book verkoop, maar kaartjieverkope aan die publiek het nog nie amptelik begin nie. Burger sê enigiemand wat kaartjies vir die kragmeting adverteer, “praat nonsens”. Van die kansvatters beweer hulle is “agente” wat namens SA Rugby optree. Hulle adverteer glo onder meer kaartjies vir losies. Volgens Burger was daar selfs bewerings van mense wat glo “die hele blok in die Wes-paviljoen” uitgekoop het en nou…

Lukhanyo Am: Die Haaie-kaptein het gehelp om kalmte te behou ná twee vroeë beserings in die agterlyn. Hy skep Madosh Tambwe se drie nadat hy die bal in sy eie kwartgebied onderskep, veld-af hardloop en die bal toe met een hand aan sy vleuel aangee. Vince Aso: Die bonkige buitesenter kry nie veel kans in dié wedstryd nie, aangesien die bal meer geskop word om die opskietverdediging te klop. Hy staan wel twee keer omgekeerde be-sit af en hard-loop slegs 12 m die vier keer dat hy wel die bal dra.…

Die eerste Kaapse derby in vanjaar se Varsitybekerreeks word môre in Bellville beslis wanneer die Universiteit van Wes-Kaapland (UWK) sy veldtog om in die kompetisie te bly, gaan voortsit as hy die Universiteit van Kaapstad (Ikeys) op sy tuisveld pak. Ná ’n skok-sege oor die Universiteit van die Vrystaat se Shimlas sal die tuisspan stert in die lug wees, veral omdat hulle ’n Ikeys-span pak wat in die verlede gesukkel het om hulle te klop. In hul eerste ontmoeting verlede jaar het die Ikeys met 32-24 geseëvier, maar dit was nie ’n maklike oorwinning nie. Met vyf minute se spel oor was die Bushies nog 24-23 voor voordat ’n laat Ikeys-drie hulle gesink het. Môre (19:00, regstreeks op SS 1) sal die span van Bellville wil seker maak dat hulle…

Jaque Fourie ploeg al die ervaring wat hy onder meer tydens die afgelope Wêreldbekertoernooi in Japan as die VSA se verdedigingsafrigter opgedoen het, nou in Suid-Afrikaanse rugby terug. Die 36-jarige voormalige Springbok-senter het sy gewig en kennis by die Hoërskool Noordheuwel en die Roodepoort-rugbyklub ingegooi. “Ja, ek doen tans konsultasiewerk vir klubs en skole,” sê Fourie. “Dit is sover baie lekker. Ek gaan Noordheuwel se verdediging – van die juniors tot die seniors – hanteer. “Ek gaan in die aande ’n bietjie by Roodepoort help.” Fourie sê hy doen nie baie ander goed tans nie omdat sy onderneming goed op dreef is. Daarom het hy besluit om by skolerugby betrokke te raak. Hy en sy vennoot het onder meer ’n stem- en data-onderneming. “Op die oomblik doen ek net konsultasiewerk…

George Linde kan die vermiste skakel wees wat Suid-Afrika kan transformeer van ’n sterk span tot ’n realistiese aanspraakmaker om later vanjaar die titel by die T20-Wêreldbeker (T20-WB) te wen. AB de Villiers kom waarskynlik terug en Dale Steyn, Imran Tahir en Chris Morris is steeds in T20-krieket beskikbaar. Die Protea-span wat dus in Oktober en November in Australië om die T20-WB gaan meeding, gaan g’n Mickey Muis-span wees nie. ’n Topvier van Temba Bavuma, Quinton de Kock, De Villiers en Faf du Plessis beskik oor meer skietgoed as die Pentagon. Rassie van der Dussen en David Miller kan om die nr. 5-plek meeding. Tahir sal die nr. 11 en voorslagdraaier wees, met Dale Steyn, Kagiso Rabada, Lungi Ngidi en Anrich Nortjé wat om twee plekke kan meeding. Die probleem…

Elton Jantjies: Die Leeus-kaptein trek die toutjies vir sy span in die stryd. Hy hardloop ’n goeie, direkte lyn vir sy drie onder die pale en klop so die Stormers se verdediging op pad doellyn toe. Neem ook op ’n slag ’n goeie besluit om vanuit sy kwartgebied ’n aanval te loods wat so byna vir Hacjivah Dayimani wegstuur vir ’n drie. Hy word welverdiend as Speler van die Wedstryd gekroon. Damian Willemse: Nie die Suid-Afrikaanse derby wat hy graag sou wou beleef nie. Word oorskadu deur wat sy regstreekse teen-stander Elton Jantjies uitgerig het op die aanval. Sukkel om homself in dié afdeling te laat geld, maar lyk hier en daar goed, veral met die aanvoorwerk vir Sergeal Petersen se drie kort ná rustyd. Hy sal wel sy stelskopwerk…

In September 1683 plaas ’n Londense koerant die berig van ’n insident uit die Franse provinsie Dauphiné. Dáár, so lui die berig, het ’n groep Protestante bymekaargekom om te aanbid. ’n Troep dragonders (die naam kom van die draakvormige loop van die Franse musket) onder bewind van Lodewyk XIV, het die kerkgebou omring en 200 van die aanbidders afgemaai. Nog 100 is in ’n nabye skuur gejaag wat toe aan die brand gesteek is. Die vervolging van die Hugenote in Frankryk teen die einde van die 17de eeu was nie oral so gewelddadig nie, maar dat sulke voorvalle plaasgevind het, verduidelik hoekom honderdduisende Hugenote besluit het om nuwe weivelde te soek. Die meeste het na Genève, Rotterdam of Londen uitgewyk, waar hulle (aanvanklik) verwelkom is. Van daar is sommige verder,…

Uit die oogpunt van die verhuurder en die verhuringsagent is die grootste uitdaging deesdae om goeie huurders te kry. Michelle Dickens, besturende direkteur, van die TPN-kredietburo, sê in die verlede was die grootste uitdaging om die huur in te samel. “Gespesialiseerde huurder-verifikasie is nou ’n prioriteit en dit gaan nie daaroor om die eerste huurder vir die eiendom te aanvaar nie, maar die beste huurder.” Sy sê hoe beter die eiendom in stand gehou is, hoe groter die kans om ’n goeie huurder te kry.…

Vergeet my nie Dié rolprent is vir mense wat hou van romantiese melodrama, skoon romanse en mooi mense wat in moeilike situasies beland. Dit is op die waarheid gegrond. ’n Meisie wat by ’n uitgewery wil werk, ontmoet (gedurende haar blitsjaar in Lon-den) ’n Namibiese boer, en hulle raak verlief. Maar akkommodeer doodgewoon en ambisieus mekaar buite die glans van Londen? Lesers wat in ’n romantiese bui is en net wil ontspan, hou dalk hiervan. Tarryn-Tanille Prinsloo se draaiboek het egter nie genoeg om die lyf nie, terwyl die hoofkarakters soms dun is, en die laaste halfuur neig om te trek. Maar vir mense wat van televisiesepies hou, gee die rolprent presies waarna hulle soek. Queen & Slim Hierdie een is ’n harde neut om te kraak. Wanneer ’n polisieman…