Table of contents for 20 March 2020 in Vrouekeur

Mens besef dikwels nie die waarde van ’n oomblik tot dit slegs ’n herinnering is nie–Dr Seuss In ’n groot rooi hoededoos bo-op ’n boekrak in ons huis bêre ek goed waaraan ek sentiment het en wat ek al jare bewaar. Daar is onder meer my Barbie-pop in, met die patrone vir Barbie-popklere én al die klere wat my ma 50 jaar gelede vir my pop gemaak het. In die hoededoos is daar ook ’n gebreide jassie en ’n replika daarvan vir my babapop van destyds. Dié jassies het my ouma 55 jaar gelede vir my gebrei en jare later het my dogter die einste jassie gedra. As ek aan my ouma dink, onthou ek onder meer haar lieflike bos krulhare. Ek sien nou nog hoe sy haar vingers deur…

In Suidooster, wat in die fiktiewe Ruiterbosch afspeel, was Greta Pietersen se karakter al getroud, geskei, het sy ’n baba verloor en een saam met haar sepie-man, Stefan (Gideon Lombard), aangeneem. In haar eie lewe was dinge minder stormagtig, maar tog ook grensverskuiwend. Haar CV is indrukwekkend, nie net omdat sy op ’n baie jong ouderdom met ’n Fiësta-toekenning weggestap het nie, maar ook omdat sy nie net BA-drama aan Tukkies voltooi het nie, maar ook honneurs-en meestersgrade aan die Universiteit Stellenbosch op haar kerfstok het. Lesers het haar die afgelope paar jaar in Boland Moorde en Boekklub, advertensies en kortflieks gesien. Greta se vertolking in die teaterstuk Kleedkamer blues, Ludwig Binge se debuutteks, het haar ’n Woordtrofee-benoeming vir beste aktrise besorg. Greta het die verhoog met De Klerk Oelofse,…

Johannes de Villiers was drie jaar gelede ’n joga-instrukteur, joernalis, mediteerder en navorsingsgenoot aan die Universiteit Stellenbosch. Toe skryf hy ’n wegholtreffer oor aandagtigheid en hoe om in die lewe se malheid kalm te bly. Nou praat hy landwyd oor beproefde tegnieke en sy tweede boek, Blydskap – mindfullness – Wenke vir ’n vreugdevolle lewe, het vroeër vanjaar verskyn. Die boek bied ’n omvattende blik op lewensvreugde. Dit bevat alles, van teorieë oor wat blydskap behels tot praktiese wenke om ’n blye gees te skep. Ware verhale word gebruik om sy voorstelle te staaf, soos dié van Malmesbury se mediterende gevangenes en die man wie se pad na blydskap begin het toe die geheime polisie hom geskiet het. My vriendin noem selfhelpboeke “airy fairy-spookasem”. Sy glo mens veg koponderstebo voort…

Die ondertone van Mboweni se begrotingsrede was konsolidasie, hervorming en groei. Hierdie begroting het niks van die ANC-retoriek, -dogma of-struggle-nostalgie bevat nie. ’n Streep is in die sand getrek. Die begroting is deur Mboweni gelewer, maar daar is geen twyfel dat dit Ramaphosa, en teoreties ook die hele kabinet, se goedkeuring wegdra nie. Suid-Afrika is nie oornag in minder moeilikheid omdat die minister van finansies ’n realistiese begroting voorgelê het nie. Die groeikoers bly baie laer as die koers waarteen die bevolking aanwas, wat werkloosheid laat toeneem, en onstabiliteit daarmee saam. Maar dalk, net dalk, kan ons begin hoop die keerpunt is bereik en kan ons stadig maar seker, pynlike tree vir pynlike tree op die herstelpad begin stap.…

Arrie Henn, die hoof van Laerskool Nelspruit, verduidelik die graadsewes word op ’n ouderdomstoepaslike vlak aan leierskapsontwikkeling blootgestel en soos dit in ’n laerskool hoort, word hulle touwys gemaak oor wat leierskap behels. Dis nie die tradisionele stelsel nie en ook nie een waar kinders roteer word en daar aan die jaareinde tog wel hoofleiers en 30 ander leiers aangewys word nie. Dit is ’n stelsel waar kinders die kans gegun word om teen hul eie pas te groei en ontwikkel. “Daar is natuurlike leiers onder die kinders wat met gemak voor loop. Die skaam, teruggetrokke kinders kan op hul gemak saam met die groep beweeg en leer. Hul tyd sal kom. Ons glo ook dat ‘servant leadership’ die kern van die nuwe diensbaarheidsmodel vorm. Jy kan eers van iemand…

Brandmondsindroom (burning mouth syndrome, of BMS) is die mediese begrip vir wanneer jy ’n chroniese of terugkerende brandende pyn in jou mond ervaar sonder ’n klaarblyklike oorsaak. Dit is dikwels op die punt van jou tong of in jou verhemelte, maar dit kan ook voor in jou mond, aan die binnekant van jou lippe of wange of in die hele mond voorkom. Volgens lyers voel dit of jy jou mond met warm vloeistof gebrand het. BMS begin gewoonlik skielik, maar kan ook geleidelik oor tyd ontwikkel en kan baie jare aanhou. Omtrent ’n derde van lyers sê dit het ná ’n tandartsbesoek, ’n siekte of die gebruik van medikasie begin, maar vir die meeste lyers kan dit aan niks uitsonderliks gekoppel word nie. Om dié rede kan die oorsaak ook nie…

Belladonna, ’n sesjarige golden retriever, stap saam met haar hanteerder die ouetehuis se trappe af. Sy kan met goeie rede spog. Engela*, ’n 82-jarige vrou, se lewe is op ’n aangrypende manier deur haar aangeraak. Volgens die personeel van die ouetehuis het Engela ná haar man se afsterwe sowat ses maande gelede nog nie ’n enkele woord gesê nie. Niemand kan met sekerheid sê of dit die gevolg van alzheimersiekte of rou is nie. Vir Belladonna maak diagnoses glad nie saak nie. Wat wel saak maak, is ’n mens wat vertroosting nodig het. Die matrone van die ouetehuis was skepties, maar heel gewillig dat Belladonna en haar hanteerder Engela besoek. Die eerste tien minute het Engela hulle geheel en al geïgnoreer, maar Belladonna vat nie sommer nee vir ’n antwoord…

VELE DOELE Waterstofperoksied (hydrogen peroxide) wat mens by apteke koop, is ’n wenner om in die huis te hê. Wat kan jy als daarmee doen? ▸ Vee kombuisoppervlaktes daarmee af.▸ Gooi ’n koppie daarvan in ’n drein af om vetterigheid af te breek.▸ Maak vensters daarmee skoon.▸ Verwyder vlekke en week wit klere in ’n mengsel van water en waterstofperoksied.▸ Steek tandeborsels daarin om bakterieë te verwyder. Onthou net om dit daarna verskeie kere af te spoel.▸ Voegbry (grout) kan ’n blikskottel wees om skoon te kry, maar waterstofperoksied kan die proses aanhelp.▸ Los waterstofperoksied vir ’n rukkie in kombuiswasbakke en vee dit daarna uit om dit skoon en bakterievry te maak. Skoon termos Termosflesse kan ’n nare klankie kry. Plaas ’n opgehoopte teelepel koeksoda in die termosfles en gooi…

VARS VIR LANK First Choice Fresh Extended Shelf Life (ESL) het hul nuwe biogegronde verpakking vir hul melk bekendgestel. Dit word van hernubare hulpbronne gemaak wat volhoubaar geplant en geoes word, soos suikerriet. Die verpakking is 100% herwinbaar. Die voedingstowwe in melk is ligsensitief, daarom is die karton ideaal om die melk se varsheid te preserveer. Die melk kan vir tot 35 dae vanaf produksie vars bly. Dis in volroom-en laevatmelk teen R24 vir 2 ℓ beskikbaar. www.firstchoice.co.za EET JOUSELF MOOI! Nou kan jy jouself sommer mooi eet! BEAUTI FOOD Protein Bars is hoog in proteïen met ’n lae GI. Die stafies is met 5 g skoonheidspesifieke kollageen-peptiede gevul wat jou vel als gee wat nodig is om jonk te voel én lyk. Beskikbaar in French Vanilla- en Chocolate Brownie-geur…

Naby aan die einde van Soekmekaar, wanneer Dana Snyman op roerende manier oor die dood van sy geliefde skryf, maak hy die volgende opmerking: “Ek is op pad na Anette se begrafnis toe, maar dit voel of ek op ’n ander reis vertrek het – ’n reis wat die res van my lewe gaan duur. ’n Reis op soek na ’n nuwe verstaan en belewing van die ou sekerhede waarmee ek grootgeword het. Niks kan hierna ooit weer vir my dieselfde wees nie.” Eintlik kan die hele Soekmekaar as “’n reis na ’n nuwe verstaan en belewing van die ou sekerhede waarmee ek grootgeword het” beskou word. Só ’n ondersoek na die ou sekerhede waarmee mens grootgeword het, kan maklik in ’n nostalgiese verlange na ’n vervloë era of ’n…

Kompetisies is deesdae toenemend die voorkeurmanier om die vaardigheid van veral ’n jong pianis te bepaal – al het die komponis Béla Bartók volgehou kompetisies is vir perde, nie vir kunstenaars nie. Neem mens dié verskynsel dan as maatstaf van sukses, slaag die 27-jarige Russiese pianis Evgeny Konnov, wat pas die klassieke afdeling van Unisa se 14de internasionale klavierkompetisie gewen het, met vlieënde vaandels. Die afgelope vier jaar het Konnov in gemiddeld drie of vier groot internasionale kompetisies geseëvier. Verlede jaar alleen het hy twee Italiaanse kompetisies gewen, die Alexander Scriabin en die Ettore Pozzoli, en een Duitse kompetisie, die vierde Jong Sterrekompetisie. Daarby het die Duitse stad Augsburg die 60ste Augsburg-prys aan Konnov toegeken. Dit is in Augsburg waar hy sedert 2013 aan die Leopold Mozart-sentrum van die Augsburg-universiteit…

@home www.home.co.za Coricraft www.coricraft.co.za MrP Home www.mrphome.com SHF www.shf.co.za Weylandts www.weylandts.co.za Woolworths www.woolworths.co.za…

Lena skink die twee wynglase vol en hou dan een na haar beste vriendin uit. “Ag, dis lekker om ’n slag weer te kuier, Reinet. Ons sien mekaar darem te min.” “Dis waar. Maar jy is ook so besig dat mens ’n jaar vooruit ’n afspraak moet maak om jou te sien. En wanneer jy die dag tyd het, is jy en Barend in elk geval soos ’n Siamese tweeling aan die heup vasgesweis. Niks en niemand kom tussen julle nie.” “Nonsens,” sê Lena laggend, “dis wat mense doen wat verlief is.” “Mmm.” Reinet se gesigsuitdrukking is dié van ’n sfinks. “Dis nou as julle regtig verlief is en nie net van mekaar afhanklik is nie, nè? Ek moet sê, dis eintlik snaaks dat Barend nie ook vanaand hier opgedaag…

GOOR MET MOTORWAGTE EN KELNERS Ek het ’n vriend wat gewoonlik baie goedgemanierd is en ons gaan dikwels saam uit. Hy is egter vreeslik onbeskof met motorwagte en verwilder hulle. Hy is ook goor met kelners en ken nie die woorde “dankie” en “asseblief” nie. Dit is vir my ’n groot verleentheid. Ek het al met hom daaroor gepraat, maar sonder sukses. Jy beskryf ’n meerderwaardigheid by jou vriend. Die moontlikheid bestaan dat hy sy vrese ten opsigte van minderwaardigheid op hierdie mense projekteer. Alternatiewelik kan hy ook sy status in die samelewing probeer uitlig deur op diegene wat nie op sy vlak is nie, af te breek sodat hy beter lyk. Stel dit duidelik aan hom dat as hy ongeskik is teenoor mense wat ’n eerbare inkomste probeer verdien,…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 16 woorde, goed 20 woorde, baie goed 24 woorde of meer, uitstekend OPLOSSING: Buiteperd, bedruip, dieper, diepte, dupeer, peuter, tipeer, diepe, puber, puree, biep, diep, drup, dupe, peer, peet, perd, pier, piet, prei, pret, prut, pure, reep Woordsoek 25 programme wat op MultiChoice gesien kan word, is hier weggesteek. Hulle kan horisontaal, diagonaal, vertikaal, onderstebo…

TEKEN IN OF HERNU jou inskrywing teen R812,50 PER JAAR! ▪ BELMagsathome by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES▪ SMS die woorde ‘CAXTON VK’ na 47098 (R1,00 per SMS)▪ STUUR ’N FAKS na 086 670 4101 met jou besonderhede van hernuwing of intekening▪ SKRYF IN OP ONS WEBWERWE www.vrouekeur.co.za/ www.magsathome.co.za▪ STUUR ’N E-POS na subs@magsathome.co.za▪ POS ’N TJEK uitgemaak aan Magsathome Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450▪ Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: MAGSATHOME SUBS Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou van en SELFOONNOMMER as verwysing met ’n elektroniese betaling of…

“Sy is vreesloos. Die enigste keer wat ek haar ooit bang gesien het, was toe ek en sy te laat in Emmarentiapark gaan stap en die donker ons gevang het,” vertel Marida Fitzpatrick, ’n vriendin en voormalige kollega van Elma. “Toe hol ons soos Lippizaner-perde deur die bos, met ons bene so hoog uit vrees dat ons in die donker oor boomwortels sal val. Maar andersins is sy een van die dapperste mense wat ek ken. Sy het eenvoudig nie ’n bang haar op haar kop nie.” Ook nie ’n lui haar nie, as jy na haar 2019-skedule kyk. Eers het sy tussen Mei en Julie vir aanhangers ’n kykie agter die skerms by die Krieketwêreldbekertoernooi in Engeland en Wallis gegee. Skaars twee maande later was sy in Japan vir…

AARDUUR Aarduur word vanjaar om 20:30 op 28Maartgehou. Disdeelvan’n globale veldtog vir omgewingsverandering, waar mense wêreldwyd vir daardie uur geen krag gebruik nie. Die Kirstenbosch Botaniese Tuin in Kaapstad en die Walter Sisulu Botaniese Tuin in Roodepoort bied ’n spesiale gesinsuitstappie aan om hierdie uur te ondersteun. Gesinne kan met flitsligte ’n 5 km-roete verken. Daar sal ook lewendige vermaak wees. Kaartjies kos R180 vir volwassenes en R100 vir kinders. Hekke open om 18:00 en die geleenthede skop om 19:00 af. Besoek www.wwf.org.za EET KREEF HERLEEF Eet kreef! deur Johannes Kerkorrel en die Gereformeerde Blues Band word vereer in hierdie herinterpretasie van die satiriese musikale meesterstuk wat 30 jaar gelede die land aan die gons gehad het. Laudo Liebenberg tree saam met ander rockmusikante in dié produksie op. Hulle is…

1 PRIMÊRE BMS As daar nie kliniese of laboratoriumabnormaliteite is nie, word die toestand primêre of idiopatiese brandmondsindroom genoem. Volgens sommige navorsing hou primêre BMS met probleme met smaak en sensoriese senuwees van die perifere sentrale senustelsel verband. 2 SEKONDÊRE BMS Soms word BMS deur ’n onderliggende mediese toestand verooraak en word sekondêre brandmondsindroom genoem. Onderliggende probleme kan die volgende insluit: ▸ ’n Droë mond (xerostomie) wat deur verskeie medisyne, gesondheidsprobleme, probleme met die speekselkliere of newe-effekte van kankerbehandeling veroorsaak word.▸ Ander mondprobleme soos ’n fungusinfeksie, ’n inflammatoriese toestand (lichen planus) of ’n toestand wat geografiese tong genoem word omdat die tong soos ’n landkaart lyk.▸ Voedingstekorte, soos ’n gebrek aan yster, sink, folate (vitamien B9), tiamien (vitamien B1), riboflavien (vitamien B2), peridoksiene (vitamien B6) en kobalamien (vitamien B12).▸ Allergiese reaksie…

MURGPAMPOENTJIE-ENHALLOUMI-SLAAI 4 porsies BESTANDDELE 250 g (1 blok) halloumi8 –10 middelslag-murgpampoentjies, in linte gesny60 ml (¼ k) Italiaanse slaaisousjong roketblare100 g (1 pakkie) pampoensaad METODE 1 Sny halloumi in stroke. Verhit braaipan met bietjie olie in. Braai tot goudbruin.2 Meng murgpampoentjielinte en slaaisous en laat marineer vir omtrent 10 minute.3 Pak roketblare op bord en pak linte, halloumi en saad bo-op.4 Sit dadelik voor. MEDITERREENSE HOENDERPASTA 4 porsies BESTANDDELE 500 g pasta1 ui, gekap4 hoenderborsies820 g (2 blikke) Mediterreense tamatiemengsel2 sirkels fetakaas METODE 1 Kook pasta in borrelende water met genoeg sout in tot net sag en dreineer.2 Braai ui in bietjie olie tot sag. Skep uit en hou eenkant.3 Sny hoenderborsie in repies, geur met sout en peper. Braai tot goudbruin.4 Gooi tamatiemengsel by hoender. Bring tot kookpunt.5 Gooi…

Om jou lê die uitstrekplase tussen berge soos jy nog uit Oupa se dae onthou. Berge omarm die plaashuise. Dit koester ook lemoenboorde, daar is soetdorings wat versiersuikerblomme dra en rotse wat soos beskuit rondlê. Dit laat jou terugverlang na iets wat jy wil-wil onthou, maar jou bly ontglip. Kinderherinneringe. En dan die bordjie tussen Ohrigstad en die Abel Erasmuspas: “Eggo Grotte.” Kinderherinneringe syfer nou sterker deur van familielede wat beduie het oor grotte met feite prikkelender as jou aardrykskunde-onnie se droë lesings. Nou begin dit sin maak. Onthou jy. Verstaan jy eers. Die onderwyser: “Dit is van die diepste grotte in Suid-Afrika. Amper 400 miljoen jaar oud!” “Sjoe, iets is ouer as Oupa!” dink ek. “En skuilplek vir die Pedi’s wat mekaar met ’n prehistoriese ghong gewaarsku het as…

Die werklikheid is ’n kruk vir mense wat nie vir wetenskapsfiksie kans sien nie. Blykbaar het dié slim gesegde by die Amerikaanse wetenskapsfiksieskrywer Gene Wolfe ontstaan, maar vir baie van ons storiemense is dit eintlik op alle fiksie van toepassing. Ek bedoel nie dat ek ooit my regte lewe vir ’n fiktiewe lewe wil verruil nie. (Wel, dalk tog soms, wanneer dit besonder sleg gaan, vir ’n dag of twee.) Maar ek wens omtrent elke dag dat ek langer kon lewe sodat ek meer fiksie kon lees. Terselfdertyd wil ek nie die hartklop van die lewe mis terwyl ek maande lank mondtot-mond-asemhaling toepas op ’n storie wat ek besig is om te skep nie. Die meeste fiksieskrywers loop lewenslank toontjie vir toontjie op ’n dun lyn tussen werklikheid en verbeelding.…

Afrikaanse musiek word dikwels weens die ligsinnige inhoud en ontvlugtingsmotief daarvan afgekraak. Hier is egter ’n aantal komposisies wat meer in voeling met realiteit is. HEMELPOORTE Die blouoogsanger met die diep rasperstem Deon Groot deurboor die luisteraar se siel met sy hartroerende komposisie Hemelpoorte, wat deur ’n emosioneel begelaaide musiekvideo ondersteun word. Dié kragballade is sy eie oorspronklike nuutskepping. Sy vorige werk handel oor kuier en goeie tye, maar in dié snit mymer hy oor die verwagtinge van liefde, maar ook teleurstelling as dinge nie verloop soos ons dit wou hê nie. Die musiekvideo speel in ’n boshuis af. Dit vertel die storie van ’n man (gespeel deur Deon self) wat die nuus ontvang dat hy nie ’n nierskenker kon kry nie en dat hy net ’n paar dae oor…

MOEILIKHEIDSGRAAD:★★★ SPESIALE NOTAS Die basis vir kleur A is dieselfde vir al die plekmatte. ’n Videodemonstrasie van die tegniek is hier beskikbaar: https://ilonaslowlifecreations.co.za/cals-kals/wacky-weave-rainbow-inthe-round/ BENODIGDHEDE MoYa Cotton DK (135 m / 50 g-balle) 3 balle in kleur A en 3 balle in kleur B vir twee plekmatte 3.5 mm-hekelpen AFKORTINGS EN STEEKVER-DUIDELIKINGS dies = dieselfde hlb = halflangbeen kb = kortbeen ks = kettingsteek lb = langbeen lba = langbeen agter lbv = langbeen voor st = steek sxso = slaan x aantal steke oor PLEKMAT 1 BASIS KLEURA Met kleur A, hekel 96 ks. Begin in sesde steek van pen af: (1 lb, 1 ks, s1so) 45 keer, 1 lb in laaste ks. Daar moet 46 vensters van kleur A oor die breedte wees. BASIS KLEURB Met kleur B, hekel…

Laat die blitsverkoper David Walliams jou vermaak met tien heerlik ondeunde stories oor die aardigste kinders op aarde, met vrolike volkleurillustrasies deur Tony Ross. www.proteaboekhuis.com 3 lesers kan die boek wen. SMS KINDERS gevolg deur jou naam, van en adres voor 25 Maart 2020 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

HET JY ’N KARAKTERTREK WAARVAN JY MIN HOU? My groot mond. Ek bedoel dit nooit, maar ek weet dat ek soms ongevoelig oorkom. WAT IS JOU GROOTSTE UITSPATTIGHEID? Reis. WANNEER SAL JY WAARSKYNLIK ’N BIETJIE JOK? Ek het min respek vir reëls. Ek breek geredelik die reëls as ek dink hulle is stupid, wat dikwels by sportgeleenthede met akkreditasie en toegang te doen het. WIE OF WAT IS DIE LIEFDE VAN JOU LEWE? My man, Richard Maspero, met my kat, Frank, naelskraap in die tweede plek. WAT BESKOU JY AS JOU GROOTSTE PRESTASIE? Dat my man altyd so geduldig en ondersteunend is met al die mal dinge wat ek aanpak. WAT IS JOU KOSBAARSTE BESITTING? Ek sal absoluut verlore wees sonder my foon. My hele kantoor en my hele persoonlike…

Een manier om die staat se inkomste aan te vul sonder om belasting te verhoog, is om korrupsie vas te vat. Daar is reeds in Oktober verlede jaar ’n ekstra R64 miljoen aan die Vervolgingsgesag gegee. ’n Ekstra bedrag van R2,4 miljard is in hierdie begroting aan die Nasionale Vervolgingsgesag, die Valke en die Spesiale Ondersoekeenheid toegeken. Dit sal die aanstelling van sowat 800 ondersoekers en 277 staatsaanklaers moontlik maak om onder meer die sake soos dié wat uit die Zondokommissie spruit, af te handel, het Mboweni gesê.…

Lynette* se dogter, Ella*, was die enigste een van haar vriendekring wat nié in 2019 op die leerlingraad by haar skool in Vanderbijlpark was nie. Lynette beskryf dit as ’n nagmerrie-ervaring vir Ella. Gedurende die Desembervakansie, kort ná die aanwysing van die leerlingraad, was Ella tranerig en min dinge kon haar laat lag. In die daaropvolgende jaar het sy die meeste van haar skooldae stoksielalleen deurgebring, want haar maats moes diens doen. “Sy is sterk in akademie, sport en op kultuurvlak. Skielik het sy in haar eie vermoëns begin twyfel en geglo sy is nie goed genoeg nie. Dit het haar prestasie in alle aspekte begin beïnvloed. “Ons was baie bekommerd en het uiteindelik besluit om haar na ’n sielkundige te neem,” sê Lynette. “Ek het bly sê sy gaan…

Snyerspakkies en ’n formele voorkoms is in. Kry vir jou ’n broek en baadjie vir herfs, veral oorgroot baadjies word nou op die loopplank gesien Oranje en geel is steeds oral te sien Plooitjies gaan nog ’n ruk met ons wees. Grawe jou ou rompe uit en dra dit weer Asimmetrie bly in die herfs steeds witwarm modenuus Edgars www.edgars.co.za Le Coq Sportif www.lecoqsportif.co.za MrP www.mrp.com Miladys www.miladys.com Poetry www.poetrystores.co.za Scotch & Soda https://stores.scotch-soda.com/south-africa Truworths www.truworths.co.za Woolworths www.woolworths.co.za Zara www.zara.com/za Pryse en beskikbaarheid was ten tyde van die publikasieproses korrek op die webwerwe…

OP DIE WYNKALENDER 19 Maart: Platters se vyfsterproe, Kaapstad www.carolineswine.com
 20 Maart: Fijnwyn-fees, Pretoria www.fijnwyn.co.za 21 Maart: Cabernet-oesviering, Stellenbosch www.stellenboschcabernet.co.za 21 Maart: Fijnwyn-borrelsfees, Pretoria www.fijnwyn.co.za 25 Maart: Stellenbosch-straatsoiree www.wineroute.co.za 27 & 28 Maart: Wyn op water, St Francisbaai www.wineonwater.co.za ROODEBERG ROSÉ Die Roodeberg Classic Rosé 2019 is ’n salmpienk rosé met ’n vrugtige afronding wat op die tong talm. Die rosé het geure van aarbei, spookasem en framboos vervleg met tikkies roosblaar en Turkse lekkergoed. Hierdie wyn spog met ’n goue medalje van die 2019 Michelangelo Internasionale Wynkompetisie. Die Roodeberg Classic Rosé 2019 is by toonaangewende winkels tussen R89 tot R95 per bottel beskikbaar. Meer inligting by www.roodeberg.com HET JY GEWEET? Die duurste bottel wyn nog wat verkoop is, is ’n 6 ℓ-Screaming Eagle Cabernet Sauvignon 1992. Die bottel wyn…

#bakliefde Mareli SAMOESAPASTEIE 24 klein pasteie BESTANDDELE 4 rolle skilferdeeg (ontdooi)2 middelslag-aartappels30 ml (2 e) olie45 ml (3 e) kerriepoeier5 ml (1 t) borrie2,5 ml (½ t) fyn komyn2,5 ml (½ t) rissievlokkies1 groot ui, in blokkies gekap1 kg maalvleis sout en peper1 eier, geklits METODE Voorverhit oond tot 220 °C en spuit bakplate met kleefwerende sproei. 1 Skil aartappels en sny in klein blokkies. Maak dit in mikrogolf halfgaar.2 Verhit olie in pot en voeg speserye by. Braai vir ’n minuut. Voeg uie by en braai verder tot uie sag is.3 Voeg maalvleis by en braai. Voeg halfgaar aartappels by en maak gaar. Geur vulsel met sout en peper. Verwyder van hitte en laat afkoel.4 Rol deeg oop en sny vel in 12 reghoeke. Skep van vulsel op reghoek.…

EGGO-GROTTE ▸ Omdat dit in ’n lae-gevaar-malariagebied geleë is, moet toeriste voorsorg tref deur malariapille te gebruik.▸ Die grotte open 08:30 en sluit 16:00.▸ Dit kos R80 om in te gaan, plus ’n fooitjie wanneer jy uitkom.▸ Neem genoeg water saam.▸ Gemaklike stapskoene wat kan vastrap, is ’n vereiste.▸ Daar is verskeie gastehuise op Ohrigstad, maar ook ’n hotel by die grotte. Bel 013 238 0015 SUDWALA-GROTTE ▸ Die grotte kan vanaf die N4 bereik word (oppas vir padverbouings, jy kan die bordjie miskyk). Maar die skilderagtigste roete is vanaf Sabie.▸ Daar is verskeie gastehuise in die omgewing en ’n hotel op die perseel.▸ Kontak die grotte by 013 733 3073 of frontoffice@sudwalalodge.com vir akkommodasie.▸ Kaartjies kan net by die grotte gekoop word en kos R100. Kinders R55. Kinders onder…

Op ’n veiling van die afslaer Christie’s in Februarie in Londen het ’n skildery van die Pools gebore kunstenaar Tamara de Lempicka opslae gemaak toe haar Portrait de Marjorie Ferry van 1932 vir ’n rekordprys van R243 miljoen verkoop is. Dit is selfs meer as die bykans R200 miljoen wat einde verlede jaar in New York vir haar La tunique rose van 1927 betaal is. Lempicka het in die 1920’s en 1930’s groot sukses behaal, maar die aansien van haar werk het grootliks saam met Art Deco teen die einde van die 1930’s getaan. Die jare tussen die twee wêreldoorloë, die “années folles” soos die Franse na dié gek jare verwys, was ’n tyd van voorspoed en (kortstondige) vooruitgang. Benewens die boheemse leefstyl van die “roaring twenties” was dit ook…

ROLPRENTE A QUIET PLACE PART II Met John Krasinski en Emily Blunt Regisseur John Krasinski RILLER Onthou jy dat die vorige rolprent waarin niemand ’n geluid mag gemaak het nie, (anders takel grieselgeeste hulle), spaarsamig met klank gewerk het? Dit het jou gedwing om te luister. Of dit weer dieselfde impak gaan hê, weet mens nie. Dikwels werk foefies die eerste keer, maar as dit herhaal word, raak jy so oorbewus daarvan dat dit die fliek beskadig. Onthou net: Elke geluidjie tel. Daardie geringe krakie wanneer ’n voet op ’n trap geplaas word, ’n harde asemhaling, ’n klap op die bors of selfs wind, dus al die klanke waaraan fliekgangers hulle gewoonlik min steur, kry nuwe betekenis in ’n rolprent wat handel oor klank as ’n manier om jou dood…

LIEF VIR MADELIEFIES Namakwalandse madeliefies oftewel African daisies is so maklik om van saad te kweek en dit sorg vir ’n onbeskryflik mooi prentjie in laatwinter. Hierdie inheemse blom het volson nodig vir blomme om oop te gaan. Die saad is meestal in skakerings van oranje, geel, salmpienk of wit beskikbaar. Koop nou en saai in April. www.lifeisagarden.co.za SIT GEMAKLIK Hierdie oulike tuinbankie (Bench Garden Nortene) vergemaklik nie net tuinwerk wanneer jy gemaklik daarop sit en jou tuintake verrig nie, dit dien ook as ’n stoorboks. Dit kos R707, kussing ingesluit, en is 56 cm x 38 cm x 28 cm groot. www.leroymerlin.co.za NETJIESE TUIN Hou jou tuin netjies en blaas blare weg of suig dit op met die Garden Vacuum/Blower 3200 Watt Lawnstar, R658. www.leroymerlin.co.za TUIN ENIGE PLEK Skep…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Ons word met twee basiese vrese gebore: die vrees om te val en die vrees vir harde geluide. Al ons ander vrese is aangeleer. Daar is meer as 4 000 bekende fobies. Daar is vrese wat jy dalk dink snaaks is, maar wat ander glad nie snaaks vind nie. Die vrees vir jou skoonma is byvoorbeeld penthera-fobie. Hippopotomonstrosesquippedalio is nie die vrees vir seekoeie nie, maar die vrees vir lang woorde. Wat is jou grootste vrees? Vrees vir naalde? Vrees vir bloed? As student het ek ’n kort rukkie by patoloë gewerk. Ek moes pasgebore babas se armpies vashou terwyl die suster bloed vir allerhande toetse trek. Nadat ek die…