Table of contents for February 2025 in Rooi Rose

Soms verbaas ‘n mens jouself met wat jy kan doen. Moet nooit jou vermoë onderskat nie, en met deursettingsvermoë kan jy dalk net dit regkry wat jy nooit gedink het moontlik sal wees nie. Dit is presies wat ons glanspersoonlikhede hieronder ook sê. Ek kan aan ‘n paar voorbeelde in my lewe dink waar my vermoëns tesame met deursettingsvermoë die wa deur die drif getrek het. Toe rooi rose aan die einde van 2021, ná amper twee jaax se afwesigheid op die winkelrakke, weer by ‘n nuwe maatskappy moes begin, en ek aan't stuur van sake was, was dit vir my vreesaanjaend. Dit was ‘n uitdaging en ‘n half en maklik was dit nie aldag nie. Dis nou drie jaar later en ons bied steeds elke maand ‘n gehaltetydskrif vir…

Die woord “stilsit” bestaan gewis nie in die akteur Hykie Berg se woordeskat nie, want hy het baie ysters in die vuur. Ons almal ken hom as ‘n talentvolle akteur en veral as dr Conrad Bester in die hospitaalsepie Binne— landers, maar agter die skerms is hy ook ‘n suksesvolle en bekroonde skrywer, entrepreneur, lewensafrigter, motiveringspreker en hefdevolle eggenoot. Boonop is hy ‘n toegewyde pappa vir die tweejarige woelwater, Leméh. Ek ontmoet Hykie en sy wederhelf, Gerridene, in die gesellige koffiewinkel Paputzis in Linden. Gerridene stel haarself eers voor terwyl Hykie ‘n selfoonoproep beantwoord. Hoe hou jy met so ‘n propvol skedule al die balle in die lug? is my eerste vraag aan Hykie nadat hy hardik gegroet en gaan sit het. “Kry net ‘n Gerridene in jou lewe!” sê…

Orijinel deur Elmerane van Ryneveld is ‘n modehandelsmerk wat pasgemaakte klere maak. Elmerane, ‘n talentvolle modeontwerper wat haar graad in 2011 verwerf het, het dit in 2013 begin. Orijinel, wat in pasgemaakte coutureaanddrag en trourokke spesialiseer, bied eiesoortige, handgemaakte kledingstukke wat elegansie, sofistikasie en tydlose skoonheid beiiggaam. Elmerane het al uitrustings vir prominente kliënte, soos Rachel Kolisi en Chesney van Niekerk, gemaak en dit het haar reputasie as ‘n gesogte ontwerper van couture versterk. Elke skepping van Orijinel word noukeurig gemaak om aie unieke persoonlikheid en styl van die draer te weerspieël sodat elke stuk werklik oorspronklik is. Kontak 082 440 5177 of elmdup@gmail.com STILIS AMY'LEE STEENKAMP STILISASSISTENT ALEXANDRA BENJAMIN FOTO'S GARETH VAN NELSON/ HABARIMEDIAIMAGES FOTOGRAAF-ASSISTENT LAUREN FREDERICKS HARE EN GRIMERING NICOIA LOOTS EN ALEXANDRA BENJAMIN MODEL ANA JOUBERT/ICE MODELS…

Soms is die lekkerste deel van ‘n nuwe jaar juis dat jy vir jouself nuwe doelwitte kan stel. In 2024 was my groot droom om meer internasionale fotosessies te doen en my eie Willem Botha Beauty-produkte daar te gebruik. Ek het die voorreg gehad om in Mauritius, ltalië en Switserland grimering te gaan doen. Hierdie jaar wii ek meer tyd maak om vroue in Suid-Afrika te inspireer. Dat hulle in die spieël kan kyk en die mooiste weergawe van hulself sien. Daar is niks wat my meer vreugde as dit gee nie. Ek is reeds lekker vol bespreek met my meesterklasse en kan nie wag om op jou dorp te kuier nie. WENK Ek het al baie fotosessies met Natasha Joubert tydens haar jaar as Mej Suid-Afrika gedoen. Hoe kan…

Gesonde velsorgwenke vir alle ouderdomme HANNON BOTHMA Voorkomskenner en aanbieder van Glam Guru op kykNET Sonbeskerming: Beskerm jou vel teen die skadelike effekte van UV-strale deur daagliks sonbeskerming aan te wend, selfs op bewolkte dae. Kies ‘n breëspektrum-sonbeskermingsmiddel met ‘n SPF van 30 of hoër. Bevogtiging: Hou jou vel gedurende die dag bevogtig deur genoeg water te drink – een glas vir elke 10 kg wat jy weeg. ‘n Bevogtigde vel lyk gesonder. Gebruik slegs ‘n vogroom wat vir jou veltipe geskik is, want jy wil nie jou vel oorvoed nie, maar ook nie te min vog gee nie. Gebalanseerde dieet: Eet ‘n gebalanseerde dieet wat ryk is aan vrugte, groente, proteïene en gesonde vette om jou vel van binne af te voed. Voedsel wat ryk is aan antioksidante, soos…

Julia Haddon (48) het onlangs eers die eiendomsmark betree, maar is reeds besig om diep spore in ‘n bedryf te trap waar, as jy nié jou storie ken nie, jy maklik deur die wolwe verslind kan word. Toe sy in 2021, te midde van die Covid-pandemie, ‘n studentehuis gekoop het, het sy asem opgehou. Haar skerp sin vir besigheid, goeie verhuringsetiek en ook die feit dat sy nie skroom om kenners vir raad te vra nie, het gelukkig vinnig vrugte afgewerp. Dié huis het nog nooit leeg gestaan nie. Intussen het Julia se aptyt vir die Airbnb-bedryf vlamgevat en het sy twee Airbnb-eenhede op haar eie eiendom in Johannesburg gevestig, en ses Airbnb-eiendomme in Kaapstad wat sy verhuur. En sy droom steeds groter. G'n wonder dat sy onlangs as opvolger…

Aarbeiskuimpies met klapperroom 8-12 porsies 2 eierwitte 375 ml (1½ k) strooisuiker 30 ml (2 e) koue water 30 ml (2 e) witasyn 5 ml (1 t) vanieljegeursel 5 ml (1 t) bakpoeier 1½ x 400 ml-blikkies klapperroom, oornag in die yskas geplaas 60 ml (¼ k) versiersuiker, gesif 10 ml (2 t) droogbevrore aarbeie, in poeier fyngedruk plus ekstra vir versiering 250 g aarbeie, gesny 65 g frambose 125 ml (½ k) eetbare blomme (opsioneel) 1. Voorverhit oond tot 120 °C en voer bakplaat met bakpapier uit. 2. Klits eierwitte in groot bak tot stywe pieke vorm. 3. Vou orige bestanddele in eierwitte. Begin met strooisuiker, dan water, asyn, vanieljegeursel en laastens bakpoeier. 4. Begin om mengsel te klits tot dik en glansend en tot dit vorm behou. 5. Skep skuimpiemengsel in spuitsak of toebroodjiesakkie. Sny punt af en spuit…

Ek het Nikki Munitz vir die eerste keer verlede jaar by Franschhoek se boekfees gesien. Sy was in die kollig; op die verhoog in gesprek met Melinda Ferguson, die uitgewer van haar lewensverhaal, Fraud: How prison set me free. Sonder om te skroom, of iets weg te steek, deel sy die hooftrekke van haar lewe met ‘n voigepakte saal. Hoe sy op haar matriekvakansie kokaïen begin snuif het; dit tot heroïenverslawing gelei het; hoe haar ma haar as laaste uitweg na die Noupoort-rehabilitasiesentrum gestuur het; en sy daar vir Jake ontmoet het. En geglo het dat sy saam met hom deel van ‘n gelukkige gesin kon word. Ook hoe sy in “Sun City”, soos die Johannesburgse tronk bekendstaan, ná bedrog van R2,5 miljoen opgesluit is. Ek het met die oop…

WAT HET JY NODIG? + Elle PURE GOLD DK (100 g) of enige DKhekeldraad van jou keuse + 1 bal elk Clover (B), Sage (C) en Jade (D) of enige kleure van jou keuse + 4 balle White (A) + 4 mm-hekelpen GROOTTE Ongeveer 80 cm x 80 cm Aanwysinas Met A (basiskleur) maak 132 ks. Ry 1 | 1 Ib in 4de ks van pen af en in elk van vlg 3 ks, 10 ks, gs bo in laaste Ib om lus te vorm, *1 Ib in elk van vlg 5 ks, 10 ks, gs bo in laaste (dieselfde) Ib, herh van * tot laaste 5 ks, 1 Ib in elk van laaste 5 ks, 1 ks, draai. Ry 2 | 1 kb in 1ste en elke Ib tot…

Op ‘n Saterdagoggend word ek met ‘n terneergedrakte bui wakker. ‘n Mens het normaalweg nie ‘n goeie rede om op ‘n Saterdagoggend met ‘n temeergedrakte bui wakker te word nie, Veral nie ekke nie. Op daardie betrokke Saterdagoggend het die hele naweek voor my soos ‘n skoon doek uitgestrek waarop ek enigiets wat ek wou, sou kon skilder. Vir die volgende twee weke het ek geen geskeduleerde optredes gehad nie. A1 die hoeke wat ek moes lees om resensies oor te doen, was klaar gelees. Dit het goed met my huwelik gegaan, selfs beter as gewoonlik. Tog. Daar sit ek toe in my pajamas op die rand van die bed, en ek voel temeergedruk. My vrou was nog aan die slaap. Ek het niemand gehad om mee te praat nie,…

Sy is ‘n TV-aanbieder, internasionale model, aktrise, lewensafrigter, motiveringspreker en sosiale-media-smaakmaker. Om maar ‘n paar te noem. Marciel Hopkins is die spreekwoordelike verkleurmannetjie wat met gemak op ‘n Smartie-boksie kan sit. Ons kuier op die stoep van ‘n restaurant in die boomryke Claremont, ‘n entjie van haar huis en die gesprek haak by die woord “smaakmaker” vas. “Dis vir my ‘n vreemde woord,” lag die pragtige Marciel. “Elke mens het tog sy eie smaak, dan nie? Ek gee eintlik maar net wenke, Daar's sekere woorde in Engels wat moeilik is om te vertaal. Ek is byvoorbeeld die ambassadeur vir die grimeerreeks Catrice en daar's altyd ‘n tannie of twee wat oor my taalgebruik kla wanneer ek hier en daar ‘n Engelse woord gebruik. “Maar daar's net sekere woorde in Afrikaans…

TIENERJARE Jou tienerjare is nie net ‘n emosionele verwarrende tyd nie, maar kan ook ‘n stresvolle tyd vir jou vel wees. Aknee kan ‘n groot impak op jou selfvertroue hê, en ongelukkig is dit een van die grootste velkwessies tydens tienerjare. Kies die regte velsorgroetine om aknee so vinnig as moontlik onder beheer te kry en letsels te voorkom. Moenie jou vel met te veel aktiewe bestanddele oorweldig nie. Hou by ‘n eenvoudige driestaproetine wat ‘n reiniger, bevogtiger en sonroom insluit. Sodra jy in ‘n roetine kom, kan jy aktiewe bestanddele begin oorweeg. Gebruik elke dag ‘n sonroom. Dit kan help om inflammasie en rooiheid in reaktiewe veltipes te vermy. Raadpleeg ‘n dermatoloog as aknee buite beheer raak of selfs as jy dit net op ‘n verantwoordelike manier wil beheer.…

1 | Woolworths se Energising-reeks VANAF R54.99, WOOLWORTHS Die nuwe leefstylreeks van Woolworths bied verskeie lyfsorgprodukte wat gegrond is op hoe ‘n mens wil voel. My gunsteling is die Energising-produkte, wat uit ‘n handwas, lyfroom, lyfwas en lyfbotter bestaan, elk met ‘n verfrissende mango-enpomelo-geur. Die teksture is lieflik ryk en voedend, en laat jou badkamer soos ‘n spa voel. 2 | Eau Thermale Avène DermAbsolu Mask Recontouring Mask R648.50, DIS-CHEM Hierdie masker is jou alles-in-een-oplossing tot fermer, helderder vel in slegs een gebruik. ProVitamien C herstel glans en werk terselfdertyd om kollageenproduksie ‘n hupstoot te gee, terwyl niasinamied eweredigheid bevorder sodat jou vel gladder vertoon. Bakuchiol, wat ‘n retinolalternatief is, en Glycoleol bevorder jeugdigheid en bied intense voeding vir verouderde velle om uiteindelik weer meer ferm en stralend te lyk.…

Sy kan nie ‘n tyd onthou wat sy nie angstig was nie. “My kinderjare was nie maklik nie en ek was ‘n baie angstige kind,” skryf'n vrou op ‘n aanlyn forum vir angslyers. “As jong volwassene, moes ek my pad oopveg en het dit broekskeur gegaan. Ek het vandag ‘n beter lewe as toe, maar steeds is angs my konstante metgesel. Dit het ook al telkemale tot angsaanvalle gelei en daar is sekere situasies wat as snellers vir my angs dien. Ek het altyd gedink daar is fout met my, maar die meeste van my vriendinne is op een of ander pil wat hulle met angs help.” Dié vrou slaan die spyker op sy kop, want sy's beslis nie die enigste een wat met angs worstel nie; inteendeel, daar word…

Die Griekse filosoof Sokrates het gesê dat die enigste ware kennis is om te weet dat jy niks weet nie. In ‘n besige wêreld vol besluite rondom beleggings, kan dit maklik voel asofjy niks weet nie. Jy moet jouself bemagtig deur jou kennis rakende verskillende beskikbare beleggingsopsies deurentyd uit te brei. Een van die vele beleggingsopsies wat oorweeg kan word, is sagenaamde beursverhandelde fondse (beter bekend as ETF's). Dit bied ‘n tipe beleggingsmoontlikheid wat daagliks op ‘n effektebeurs verhandel word, soortgelyk aan individuele aandele. Dit kan gesien word as ‘n beleggingsfonds wat uit ‘n gediversifiseerde portefeulje van verskeie tipes aandele in verskeie maatskappye bestaan. Die eerste ETF is in 1990 in Kanada verhandel en sedertdien het dit een van die bekendste beleggingsopsies geword. In plaas van individuele aandele, bestaan ‘n…

Maryna Calow is sedert 2016 Wines of South Africa (WoSA) se globale kommunikasiebestuurder en ook ‘n gereelde wynbeoordelaar vir kompetisies wêreldwyd. Sy is passievol oor die wynbedryf en wil aan die wêreld uitbasuin watter gehaltewyn ons maak, en ook oorsese toeriste op ons wynplase verwelkom om dié unieke wynomgewing te deel. Elke tiende buitelandse toeris skep een werksgeleentheid en die Suid-Afrikaanse wynbedryf verskaf werk aan ongeveer 270 000 mense. Sy sê: “WoSA is die Suid-Afrikaanse wynbedryf se uitvoerbemarkingsliggaam. Ons verantwoordelikheid is om Suid-Afrika, se wyn internasionaal te bemark en ons verteenwoordig dus die hele Suid-Afrikaanse wynbedryf. My rol as hoof van kommunikasie en bedryfswoordvoerder, is een waarvoor ek baie dankbaar en waarop ek baie trots is. Om ‘n bedryf soos dié te kan verteenwoordig, is werklik ‘n reuse-eer en groot…

Perfek vir ‘n piekniek Clarens in die Vrystaat is nie net ‘n lieflike dorp nie, maar sy inwoners is ook innoverend, soos die nuwe Clarens Vino bewys. Die reeks wyn in blikkies is gemaak uit druiwe van die Slanghoekvallei en sluit droë wit, droë wit-vonkel, vrugtige droë rooi, droë rosé en soet rosévonkel in. Die wyn is deur ‘n Clarens-inwoner Madeleine Scholtz in samewerking met die plaaslike brouery Red Stone Craft gekies en verpak. Dit kos ongeveer R22,50 per blikkie of R90 vir ‘n pak van vier. Kry dit aanlyn by www.clarensinteriors.com/collections/clarens-vino/, of by winkels en restaurante op die dorp Somer, son en sauvignon Die somer is sinoniem met koel geregte en drankies, en wat is dan nou beter as ‘n glasie sauvignon bianc as die kwik hoog is? Tokara…

Het jy al onder die intensiteit van jou gevoelens gesteier? Dalk bestee jou lewensmaat soveel ure aan sy werk dat jy voel jy haal nie eens sy prioriteitslys nie. Wanneer jy horn daarmee konfronteer, hou hy sy hande afwerend op: “Moet net nie kwaad vir my wees nie!” “In hierdie geval,” sê die maatskaplike werker Annette de la Porte, “ontken jou maat nie net jou emosies nie: Hy verbied jou om te voel wat jy voel. Jy voel verontreg deur sy respons. Jou emosies oorweldig en verwar jou, want jy het nie perspektief daarop nie. “Wanneer jy egter die konsep van emosionele maalkolke en die nuttige doel vanjou emosies verstaan, bemagtig dié kennis jou om deur jou innerlike pyn tot genesing te groei. Waar antler teorieë aandui dat alles by…

Haas en Harriët is jou derde roman. Hoe verskil jou nuwe boek van die vorige twee romans? In elk van die boeke probeer ek ongemaklike temas verken waarmee baie vroue kan identifiseer en ek gebruik humor om verligting te bring. Selma en Louise (2018) gaan oor verraad tussen jare lange beste vriendinne; Uil in die ysbos (2021) oor die hartseer en eensaamheid ná die verlies van ‘n geliefde; en in Haas en Harriët skryf ek oor hoe nalatige ouerskap – teen die politieke agtergrond van Suid-Afrika – uitkring. Haas en Harriët is myns insiens die dapperste en mees gewaagde van die drie. Jy is bekend as aktrise, skrywer van boeke met ‘n geestelike inslag en motiveringspreker, Jou debuut Oros vir die siel (2007) het meer as 30 000 eksemplare verkoop.…

Hoe mooi is hierdie strikkie tog! Kry die Petal to the Metal Sailor Bow Tie vir R150 by www.lafurmilia.co.za Die Fabric Squeaker Heart Toy is nie net fraai nie, maar kan na hartelus gekou word. Dit kos R99 by www.dearpet.co.za Sag en mooi. Die Sherpa Round Pet Bed (40 cm) vir honde of katte is vir R259,99 by www.mrphome.com beskikbaar. Sit jou troeteldier se naam op die Personalised Colour Bandana om dit nog meer spesiaal te maak. Dis in verskillende groottes teen R139-R189 by www.wildmongoopet.com verkrygbaar.…

Christi Panagio lig haar sonbril vir ‘n oomblik om my in die oë te kyk. “Kan ons mekaar net gou eers behoorlik groet?” lag sy vriendelik voor sy weer die sonbril laat sak. Die Desember-son weerkaats wit teen die elegante banke van die Mediterreense restaurant op Kalkbaai. Nico maak seker dat sy vrou gemaklik in die skaduwee sit voor hy my hartlik groet Die prentjie herinner ‘n mens aan ‘n klassieke fliek. ‘n Bogart en ‘n Bergman. Hoewel die Panagios gereeld oorsee reis, meen hulle steeds dat Kaapstad een van die mooiste plekke ter wêreld is om te bly. Christi het ‘n liefde vir dekor en binnenshuise ontwerp en haar huis is haar hawe. “Ons het ‘n 180 °-uitsig op die see en ‘n 180 °-uitsig op die berg. Dis…

Dis Maandagoggend en die ateljee waar Suidooster en verskeie ander TV-produksies verfilm word, is woelig in die oortrefiende trap. Ons snuffel rond vir ‘n stil hoekie en beland op die stel van Koortjies, ‘n kykNET & Kie-produksie. Dit voel sommer of ons in die kollig is. Het hy darem ‘n rastige naweek gehad? vra ek. “Allesbehalwe,” antwoord die lenige Eden. “Ons het ‘n episode van Kom ons braai opgeneem waar ek saam met Melanie du Bois as beoordelaar optree. So nee, daar was nie tyd vir laatslaap nie.” Dan is hy seker ‘n bobaasbraaier? “Glad nie. Ek sê allyd soos my oorlede pa gesê het: Kosmaak is ‘n verborge talent wat ek liefs nie te gereeld uitstal nie. Maar ek sal nooit ‘n sappige medium gebraaide biefstuk en ‘n braaibroodjie…

Die agteruitgang van jou vel se gesondheid en veroudering hou verband met die regstelling van ‘n vitamien A-tekort met voldoende mikrovoeding. Retinol, wat ‘n vorm van vitamien A is, word gevier as dié mikrovoedingstof om biologiese jeugdigheid te bevorder en algehele velgesondheid te verbeter. Dr Des Fernandes, die wetenskaplike direkteur by Environ Skin Care, het meer as 40 jaar daaraan bestee om die diepgaande uitwerking van vitamien A-mikrovoeding na te vors om ‘n goeie verstaan op te bou van wat biologies en chronologies met die vel tydens jou lewe gebeur. Dr Des Fernandes bespreek die voordele van retinol as volg: Vitamien A, veral in die vorm van retinol, is die ideale bestanddeel om jou vel te laat hou. Dit moet elke dag aangewend word om jou vel se jeugdigheid langer…

JOU MATRIEKAFSKEID IS ‘N GROOT GELEENTHEID WAT NET EEN KEER IN ‘N LEEFTYD GEBEUR. rooi rose gee saam met modeontwerper Diaan Daniels aan een gelukkige meisie die geleentheid om met haar droomuitrusting ter waarde van R20000 weg te stap. Gaan na www.rooirose.co.za en klik op die “wen”-skakel. Volg die maklike instruksies en siedaar! Wat moet jy doen? Ontwerp jou eie matriekafskeidrok en laai ‘n skets van jou droomuitrusting en jou gekose kleur op ons webwerf. Jy kan op die skets verdere inligting verskaf sou jy meer detail wil gee. Hoe meer inligting ons het, hoe beter kan ons jou ontwerp verstaan. Let wel, dit moet ‘n skets wees en nie ‘n foto of prentjie nie. Laai ook ‘n vollengtefoto van jouself op waar jy die Februarieuitgawe van rooi rose vashou as…

Verloor gewig Nuwejaarsvoornemens het dalk al gekom en gegaan, maar dis nooit te laat om na ‘n gesonde gewig te streef nie. Gloot se produkte is ontwerp vir vroue se unieke gesondheidsbehoeftes deur natuurlike bestanddele te kombineer wat vir hul doeltreffendheid in hormoonregulering en gewigsbestuur bekend is. Dit bevat saffloerolie en linoleïensuur, wat sekere chemiese reaksies in die liggaam veroorsaak en gevolglik die metabolisme kan versnel, insulienweerstandigheid bevorder en die liggaam natuurlik aanhelp om vet te verbrand. Die Flat Tummy Tonic het onder meer groentee-aftreksel, hoodia en gemmer wat saamwerk om vertering te verbeter om jou met gesonde gewigsveriies te help. Vir die beste resultate, gebruik die produkte saam met ‘n gesonde eet- en oefenplan. Flat Tummy Toner R250, Flat Tummy Tonic R279 www.glootnu.com Hoekom moet probiotika nóú deel van…

Het jy geweet? Greenpeace Africa sê klimaatsverandering kan Afrika se ekonomie teen 2030 met tot 15% laat krimp. Die afgelope tien jaar was die warmste wêreldwyd op rekord. Die see-ys in Antarktika het in 2024 die laagste vlak nog bereik. Laas jaar winter was ‘n woeste een vir Kapenaars en die provinsie het die meeste reën sedert die jare sestig gekry. In September 2024 het swaar sneeuval weer amok in KwaZulu-Natal gesaai en toe kry die OosKaap wraggies nog sneeu in November. Verder het stormweer keer op keer verwoesting in verskeie provinsies gesaai, en daar was vloede, droogtes, veldbrande en selfs tornado's. Dikwels in tye wat dit die minste verwag is. As jy dus dink dat klimaatsverandering ons nie hier aan die suide van Afrika heïnvloed nie, dink weer, want…

Gebruik beesblad as plaasvervanger vir varkblad. Liquid Smoke voeg ‘n rokerige smaak by kos. Dit is onder meer by Woolworths beskikbaar (die selderysade ook) Taco met rafelvarkvleis 4 porsies RAFELVARKTORTILLAS 1 kg varkblad sout en swartpeper SOMERSLAAI 1 k rooikool, fyngesny ½ k rooiui, fyngesny 1 groen soetrissie, fyngesny 1 wortel, fyngesny ½ k pynappel, fyngesny 250 ml (1 k) mayonnaise 60 ml (¼ k) appelasyn 10 ml (2 t) esdoringstroop 5 ml (1 t) seesoutvlokkies 5 ml (1 t) swartpeper ROKERIGE BRAAISOUS 250 ml (1 k) tamatiepasta 375 ml (l½ k) tamatiesous 310 ml (1¼ k) bruinsuiker 310 ml (1¼ k) rooiwynasyn 125 ml (½ k) melasse 10 ml (2 t) Liquid Smoke-sous 30 ml (2 e) botter 2 knoffelhuisies, geskil en fyngekap 5 ml (1 t) uiepoeier 2 ml (¼ t) brandrissiepoeier 10 ml (2 t) paprika 3 ml (½ t) selderysade 2 ml (¼ t) fynkaneel 5 ml (1 t)…

Meer oor die vensterplant (Delicious Monster) Dis ‘n maklike plant om te kweek en is al baie jare ‘n gewilde skaduplant in die tuin, maar as ‘n potplant sal dit enige vertrek in jou huis ophelder met sy besonderse groot groen, blink blare, hetsy die badkamer, slaapkamer, woonvertrek of die patio. Let net daarop dat die plant binnenshuis ‘n redelik konstante temperatuur van 23-24°C nodig het. Dit verkies ‘n plek met baie lig, maar nie noodwendig direkte sonlig nie. Gedurende die lente en somer kan jy dit een keer per week goed water gee, maar omtrent die helfte soveel in die winter. Die pot moet egter nie in water staan nie omdat die wortels sal vrot. As jy onseker is, kan jy met jou vinger toets of die grond twee…

BLOKRAAI 1 BLOKRAAI 2  BLOKRAAI 3  BLOKRAAI 4 BLOKRAAI 5 LEIDRADE DWARS 6. Agterlike blyplekke (4) 7. Ondergrondse gang (6) 8. Ten volle menend (7) 9. Water ophou (3) 11. Verandering van posisie (5) 13. Sedelike verpligting met ‘n belofte (5) 15. Weg (3) 16. Verwilder (7) 19. Oorhandig (6) 20. Standplase (4) AF 1. Landbouer (4) 2. Smoor (7) 3. Teëhou (5) 4. Porsie brood (3) 5. Meedeel (6) 10. Agteraf praat (7) 12. Grafkelder van Moslemheilige (6) 14. Luukse oornagplek (5) 17. Stekelvinvisse (4) 18. Eggenoot (3) BLOKRAAI 6 LEIDRADE DWARS 1. Studieonderwerp (3) 3. Pluisie (4) 6. Pa se vrou (2) 8. Beraadslaging van leiers (6) 9. Soort Maleise plat pannekoek (4) 10. Helpers (11) 12. Minder vooraanstaande, gewone junior parlementslid (11) 15. Bestaan (4) 16. Uitgrawe (6) 18. Gesigspunte (7) 19. Inhoudsmaat in Palestina (3) AF 2. Goed wat bygevoeg is aan die einde van boeke (11) 4. Pakdier met sagte wol (5) 5. Motor (3) 6.…

VEEARTS BEANTWOORD VRAE KYK NA KNOPPE My labrador het ‘n knop op sy been. Wat kan dit wees? So iets maak enige diere-eienaar onmiddellik bekommerd. Die goeie nuus is dit is nie altyd iets onheilspellends nie. Knoppies kan uit enige tipe akkumulasie van selle bestaan. Vratte, absesse en selfs bosluise mag verwar word as ‘n knop op jou dier se vel. Wanneer jou veearts bevestig het dat dit wel die ware Jakob is, sal hulle verdere ondersoek instel deur ‘n fynnaald-aspiraat van die massa te neem. Die doel hiervan is om onder die mikroskoop na die vergroting te kyk en bevestig of die massa uit potensiële abnormale verdelende selle bestaan, en of dit moontlik net ‘n vetmassa is. Vetmassas of lipome is vetakkumulasies onder die vel wat as knoppe voorkom.…

Kersfees is agter die rug. Die silly season is genadiglik verby. My Kerstrimmings en fake Kersboom is weer bo in my kas weggepak tot ek dit later vanjaar weer sal afstof, die boom in my sitkamer sal staanmaak en weer die siklus sal herhaal. A1 die onvanpaste geskenke van familielede, wat my styl en smaak ná dekades steeds nie ken nie, is soos ‘n aflosstok na minderbevoorregtes aangegee wat dit hopelik kan gebruik. Dit sluit tweedehandse Mifls and (Ba)Boon-boeke, onsierlike getjipte omamente, onwelriekende badsout en gemufde sjokoladehase (seker van 2024 se Paasfees) in. Die Nuwejaarsvieringe is ook genadiglik afgehandel. Die iawaaierige aftel na 2025 saam met my besties, Joyce, Santie en Marie, en die uitspattige, vals dronk samesang is verby. Die leë bubbly-bottels is in groot swart sakke weggery. Ek,…